નડિયાદ : સ્થાનિક સ્વરાજ્યની ચૂંટણીમાં સમગ્ર ખેડા જિલ્લામાં ભારતીય જનતા પાર્ટીનું કમળ ખીલ્યું છે. ખેડા જિલ્લા ભાજપ કાર્યાલય કમલમ્‌ ખાતે ૮ તાલુકા પંચાયત અને ૫ નગરપાલિકામાં ઐતિહાસિક જીત મેળવનાર વિજેતા ઉમેદવારોની હાજરીમાં ભવ્ય વિજ્યોત્સવ યોજાયો હતો. વિશેષ માર્ગદર્શન આપવા માટે પ્રદેશ મહામંત્રી ભાર્ગવ ભટ્ટ વિશેષ ઉપસ્થિત રહ્યાં હતાં. આ પ્રસંગે પ્રભારી જયસિંહજી ચૌહાણ, પ્રમુખ અર્જુનસિંહજી ચૌહાણ, સાંસદ દેવુસિંહજી ચૌહાણ, પ્રદેશ મંત્રી જ્હાન્વી વ્યાસ, મહામંત્રી વિપુલ પટેલ, વિકાસભાઈ શાહ, નટુભાઈ સોઢા, ઉપપ્રમુખ ગોપાલભાઈ શાહ રાજન દેસાઈ, ચંદેશ પટેલ તથા હોદ્દેદારો, કાર્યકરો ઉપસ્થિત રહ્યાં હતાં.