અમદાવાદ,

ગુજરાત યુનિવર્સિટી ખાતે એબીવીપી દ્વારા અનોખું વિરોધ પ્રદર્શન કરવામા આવ્યું. પ્રવેશ પ્રક્રિયામાં ગડબડી મામલે છેલ્લા એક અઠવાડિયાથી એબીવીપી જુદી જુદી રીતે વિરોધ પ્રદર્શન કરી રહ્યું છે. ત્યારે આજે એબીવીપી ના કાર્યકરોએ કુલપતિ હિમાંશુ પંડ્યાના ચહેરાના ફોટાવાળું પૂતળા લાવવામાં આવ્યું હતું. પૂતળાના મગજનું ઓપરેશન કરતું નાટક ભજવવામાં આવ્યું હતું.નાટક દરમિયાન પૂતળાના માથાના ભાગમાંથી ૫૦૦ રૂપિયાની નોટ, કોંગ્રેસનો ખેસ અને કેટલાક કાગળ કાઢવામાં આવ્યા હતા.

એબીવીપી એ વિવાદાસ્પદ નાટક ભજવતા પોલીસ દ્વારા આખરે તમામ કાર્યકરોની અટકાયત કરાઈ હતી. ગુજરાત યુનિવર્સિટીમાં આવેલી વીસી ચેમ્બરની નીચે વિરોધ પ્રદર્શનમાં આ નાટક ભજવાયું હતું. એબીવીપી એ હવે જા ગુજરાત યુનિવર્સીટીના સત્તાધીશો માગ ના સ્વીકારે તો ભૂખ હડતાળની ચીમકી પણ ઉચ્ચારી છે. આ અગાઉ વિરોધના ભાગરૂપે પ્રવેશશુદ્ધિ યજ્ઞ, રજીસ્ટ્રારને બંગડી આપવી, કુલપતિની ચેમ્બર બહાર બગડી લટકાવવી,

શાકભાજીની લારી લઈને કેમ્પસમાં આવવું જેવા કાર્યક્રમો એબીવીપી દ્વારા કરવામા આવ્યા છે. ગુજરાત યુનિવર્સિટીના વિવિધ કોર્સની પ્રવેશ પ્રક્રિયામાં જે સભ્યોની નિમણૂંક કરાઈ છે, તેઓને બદલવાની એબીવીપી માંગ કરી રÌšં છે. ગત વર્ષે યુનિવર્સિટી દ્વારા સરકારી બેઠકો પહેલા ખાનગી કોલેજાની બેઠકો ભરવામાં આવી હતી, જેનો વિરોધ કર્યો હતો. હવે આ વર્ષે પણ એબીવીપી પ્રવેશ કમિટીના સભ્યો બદલવામાં આવે તેવી માંગ કરી રહ્યું છે.


Comments

કોમેન્ટ પોસ્ટ કરવા માટે લાગિન કરો