અમદાવાદ-

અમદાવાદ મનપાની ચૂંટણી પહેલા શહેરના રાજકરણમાં ગરમાવો આવી ગયો છે. અમદાવાદ મનપાની ચૂંટણી પહેલા ભાજપ-કોંગ્રેસમાં લોકાર્પણની હોડ જામી છે. શાહપુરના લાલકાકા હોલનું ભાજપના મંત્રી અને મેયર લોકાર્પણ કરે તે પહેલા જ કોંગ્રેસે તેનું લોકાર્પણ કરી નાંખ્યું છે.

શાહપુર ખાતેના લાલકાકા હોલના ઉદ્ઘાટન પર અમદાવાદનું રાજકારણ ગરમાયુ છે. આ હોલનું મંત્રી અને મેયર ઉદ્દઘાટન કરે એ પહેલાં કોંગ્રેસના ધારાસભ્ય ગ્યાસુદીન શેખે તેને પ્રજા માટે ખુલ્લું મૂકી દીધુ છે. શાહપુરના લાલકાકા હોલનું ગ્યાસુદ્દીન શેખે ઉદ્ઘાટન કરી નિવેદન આપતા કહ્યું કે, વર્ષ ૨૦૧૫માં મેં આ હોલ મંજુર કરાવ્યો હતો.

છતા હોલના કાર્યક્રમમાં મને આમંત્રણ આપવામાં ના આવ્યું. મનપામાં મેં રજુઆત કરી પણ યોગ્ય જવાબ ના મળ્યો જેથી મંત્રી કૌશિક પટેલ અને મેયર ઉદ્ઘાટન કરે એ પહેલા અમે વિજય મૂહર્તમાં ખુલ્લું મૂક્યું છે. આ દરમિયાન ગ્યાસુદ્દીન શેખે આક્ષેપ કરતા જણાવ્યું કે, ભાજપની સરકાર ચૂંટાયેલા પ્રતિનિધિઓને આમંત્રણ નથી આપતા. અમે ભાજપની જાેહુકમી નહીં ચલાવી લઈએ. ધારાસભ્ય તરીકે કોંગ્રેસના ધારાસભ્યોને પણ ઉદ્દઘાટનમાં સ્થાન મળવું જાેઈએ.


Comments

કોમેન્ટ પોસ્ટ કરવા માટે લાગિન કરો