ગાંધીનગર, ગુજરાત કોંગ્રેસનાં પ્રભારી તરીકે કોંગ્રેસનાં મોવડી મંડળ દ્વારા રઘુ શર્માની નિમણૂક કરવામાં આવી છે. આવતીકાલે રઘુ શર્મા ગુજરાત કોંગ્રેસના પ્રભારી તરીકે અમદાવાદ આવી રહ્યા છે. તેમના સ્વાગત માટે કોંગ્રેસ દ્વારા તૈયારીઓ કરાઈ છે. ગુજરાત પ્રદેશ કોંગ્રેસના પ્રભારી તરીકે કાર્યરત રાજીવ સાતવનું કોરોનાની બીમારીના કારણે નિધન થયું હતું. જેના કારણે ગુજરાત પ્રદેશ કોંગ્રેસના પ્રભારી તરીકેનું પદ હજુ સુધી ખાલી હતું. ગુજરાત વિધાનસભાની આગામી વર્ષે ચૂંટણી યોજાનાર છે. પ્રદેશ કોંગ્રેસના પ્રભારી તરીકે કોંગ્રેસનાં રાષ્ટ્રીય મોવડી મંડળ દ્વારા ગુજરાત પ્રદેશ કોંગ્રેસના પ્રભારી તરીકે રઘુ શર્માની નિમણૂક કરી દેવામાં આવી છે. રઘુ શર્મા રાજસ્થાનની અશોક ગહેલોત સરકારમાં આરોગ્ય મંત્રી છે. ગુજરાતનાં પ્રભારી તરીકે નિમણૂક કરાયા બાદ રઘુ શર્મા આવતીકાલે બપોરે અમદાવાદ આવી રહ્યા છે. ગુજરાત પ્રદેશ કોંગ્રેસના પ્રભારી તરીકે રઘુ શર્મા સામે સૌથી મોટો પડકાર આગામી વર્ષે યોજાનારી ગુજરાત વિધાનસભાની ચૂંટણીને માનવામાં આવી રહી છે.


Comments

કોમેન્ટ પોસ્ટ કરવા માટે લાગિન કરો