જયપુર-

રાજસ્થાન હાઇકોર્ટના નિર્ણય બાદ જયપુરના રાજકીય કોરિડોરમાં હલચલ મચી ગઈ છે. એવું કહેવામાં આવી રહ્યું છે કે કોર્ટના નિર્ણય પછી કોંગ્રેસના ધારાસભ્ય આર-પારની લડતના મૂડમાં છે અને ધારાસભ્યોએ બહુમતી સાબિત કરવા માટે મુખ્યમંત્રી અશોક ગેહલોત ઉપર દબાણ કર્યું છે. આ પછી, ગેહલોતે રાજ્યપાલ કલરાજ મિશ્રા સાથે મુલાકાતની માંગ કરી છે.

રાજભવન સૂત્રોના જણાવ્યા અનુસાર રાજ્યપાલ કલરાજ મિશ્રાએ સી.એમ.અશોક ગેહલોતને મળવાનો સમય 12.30 વાગ્યે આપ્યો છે. સીએમ અશોક ગેહલોત એકલા રાજ્યપાલને મળશે કે ધારાસભ્યોની પરેડ, તે અંગે હજી પુષ્ટિ થઈ નથી, પરંતુ પાર્ટી વ્હિપ્સને હોટલની બહાર બસો ગોઠવવાનું કહેવામાં આવ્યું છે.

સીએમ અશોક ગેહલોતે બહુમતી હોવાનો દાવો કર્યો હતો. તેમણે કહ્યું કે અમારે 102 ધારાસભ્યોનું સમર્થન છે. બહુમતી સાબિત કરવા માટે સોમવારે વિધાનસભા સત્ર બોલાવવાની પણ તૈયારી ચાલી રહી હતી. દરમિયાન, હાઈકોર્ટના નિર્ણય બાદ હવે સીએમ અશોક ગેહલોતે રાજ્યપાલ કલરાજ મિશ્રાને મળવા માટે સમય માંગ્યો છે.

સીએમ અશોક ગેહલોતે રાજ્યપાલ કલરાજ મિશ્રાને એક પત્ર લખ્યો છે. તેમજ રાજ્યપાલ કલરાજ મિશ્રાની સામે ધારાસભ્યોની પરેડ યોજાઈ શકે છે. આ સાથે સોમવારે વિધાનસભા સત્ર બોલાવવા વિશે વાત કરી શકાય છે. સીએમ અશોક ગેહલોત આ સત્રમાં પોતાનું બહુમત સાબિત કરશે.



Comments

કોમેન્ટ પોસ્ટ કરવા માટે લાગિન કરો