મુંબઇ-

સપ્તાહનો છેલ્લો ટ્રેડિંગ ડે શેરબજારમાં ખુશી જોવા મળી છે. શુક્રવારે, બજાર નવા રેકોર્ડ બનાવી રહ્યું છે. બોમ્બે સ્ટોક એક્સચેંજ સેન્સેક્સ 101 પોઇન્ટના ઉછાળા સાથે 46,060.32 પર ખુલ્યો છે. 

આ જ રીતે નેશનલ સ્ટોક એક્સચેંજનો નિફ્ટી 34 અંકના વધારા સાથે 13,512.30 ના સ્તર પર ખુલ્યો. કારોબાર દરમિયાન સેન્સેક્સ 350 પોઇન્ટ વધીને 46,309.63 અને નિફ્ટી વધીને 13,579.35 પર પહોંચી ગયા છે. તમામ ક્ષેત્રોના સૂચકાંકો લીલા જોવા મળી રહ્યા છે, બીએસઈ સેન્સેક્સમાં વધતા મોટા શેરોમાં ઓએનજીસી, એનટીપીસી, એસબીઆઇ, બજાજ ફાઇનાન્સ, એલ એન્ડ ટીનો સમાવેશ છે. લગભગ 1759 શેરો વધ્યા અને 535 ઘટી.

ગાયત્રી પ્રોજેક્ટ્સના શેરમાં 5% અપર સર્કિટ લગાવવી પડી છે. હકીકતમાં, કંપનીને ઘણા સરકારી પ્રોજેક્ટ્સમાં ઓર્ડર મળ્યા છે, જેના કારણે તેના શેર વધ્યા છે. જ્યારે  શુક્રવારે રૂપિયો સપાટ છે. ડોલર સામે રૂપિયો 73.66 ના સ્તરે ખુલ્યો છે. ગુરુવારે રૂપિયો 73.66 ની સપાટીએ બંધ રહ્યો હતો.


Comments

કોમેન્ટ પોસ્ટ કરવા માટે લાગિન કરો