દિલ્હી-

જેનો ડર હતો તે બન્યું. દિવાળીની રાત્રે ફટાકડા ફોડવાને કારણે પ્રદૂષણની ચાદર પથરાઇ હતી. સુપ્રીમ કોર્ટ અને એનજીટીના આદેશો છતાં દિવાળીની રાત્રે દિલ્હી-એનસીઆરમાં ફટાકડા ફોડવામાં આવ્યા હતા. પરિણામે, પહેલાથી ખરાબ દિલ્હીની હવા ગંભીર સ્થિતિમાં પહોંચી ગઈ છે.

તેમ છેલ્લા કેટલાક દિવસોથી દિલ્હીની હવામાં ઝેર ઓગળી રહ્યું હતુ અને રહી સહી કસર દિવાળીની રાતે પુરી થઇ ગઇ હતી શનિવારે રાત્રે પાટનગરમાં અનેક સ્થળોએ હવાની ગુણવત્તા ખરાબ થઈ હતી અને પ્રતિબંધ હોવા છતાં લોકોએ દિવાળીની ઉજવણી દરમિયાન ફટાકડા ફોડ્યા હતા. દિવાળીની રાતે ફોડવામાં આવેલા ફટાકડાને કારણે દિલ્હીનો એર ક્વોલિટી ઈન્ડેક્સ નિર્ણાયક વર્ગમાં પહોંચી ગયો હતો. દિલ્હીના ઘણા વિસ્તારોમાં એર ક્વોલિટી ઇન્ડેક્સ 999 પર પહોંચી ગયો છે. આખી દિલ્હી રાત્રે દિવાળી ફટાકડા ફેલાવાના પ્રદૂષણની ચાદરમાં લપેટાયો હતો.

એટલું જ નહીં, ઉત્તર દિલ્હી મ્યુનિસિપલ કોર્પોરેશન દ્વારા પ્રદૂષણની સ્થિતિને પહોંચી વળવા મધ્યરાત્રિએ સદર બજાર વિસ્તારમાં પાણીનો છંટકાવ કરવામાં આવ્યો હતો. ઉત્તર દિલ્હીના મેયર જયપ્રકાશ હોટ સ્પોટ વિસ્તારમાં ફોગિંગ કરતા જોવા મળ્યા હતા જેથી વધતા પ્રદૂષણને ઓછું કરી શકાય. દિલ્હીમાં સવારે 4 વાગ્યે નોંધાયેલ એક્યુઆઈમાં ગંભીર પરિસ્થિતિ જોવા મળી હતી. આનંદ વિહારમાં એયર ક્વોલિટી ઈન્ડેક્સ 572, મંદિર માર્ગ વિસ્તારમાં 785, પંજાબી બાગમાં 544, દ્વારકા સેક્ટર 18 બીમાં 500, સોનિયા વિહારમાં 462, યુએસ એમ્બેસીની આસપાસ 610, શહીદ સુખદેવ કોલેજ ઓફ બિઝનેસ સ્ટડીઝની નજીક 999, જહાંગીરપુરીમાં 773. સત્યવતી કોલેજમાં 818 અને બાવાના વિસ્તારમાં 623 નોંધાયા હતા.








Comments

કોમેન્ટ પોસ્ટ કરવા માટે લાગિન કરો