વડોદરા,

વડોદરામાં સતત વધી રહેલા કોરોનાના કેસોને અટકાવવા તંત્ર દ્વારા આજથી સમગ્ર શહેરમાં ડોર ટૂ ડોર સર્વેલન્સની ઝુંબેશ શરૂ કરવામાં આવી રહી છે. આ ઝુંબેશ હેઠળ સંપૂર્ણ વડોદરાને આવરી લેવાનો તંત્ર દ્વારા દાવો કરવામાં આવ્યો છે. ડોર ટૂ ડોર સર્વેલન્સ ઝુંબેશ માટે કુલ ૫૯૦ ટીમો બનાવાઈ છે. જેમાં ૧૨૦૦ જેટલા આરોગ્યકર્મીઓ સામેલ હશે. તમામ આરોગ્યકર્મીઓ શહેરમાં ભરમાં ડોર ટૂ ડોર સર્વેલન્સ કરશે.

ત્યારબાદ ૧૫ જુલાઈથી ધન્વંતરી રથોની સંખ્યા પણ વધારવામાં આવશે. વડોદરામાં કોવિડ નિયંત્રણના સ્પેશિયલ ડ્યૂટી ઓફિસર અને ગુજરાતના શિક્ષણ સચિવ વિનોદ રાવના જણાવ્યાનુસાર આરોગ્ય તંત્ર દ્વારા ૮ જુલાઈથી ૧૧મી જુલાઈ સુધી ચાર દિવસમાં વડોદરાના સંપૂર્ણ શહેરના પોપ્યુલેશનને કવર કરવા માટેનો એક પ્રયાસ કરવામાં આવશે. ૫૯૦ જેટલી ટીમોમાં ૧૨૦૦ જેટલા આરોગ્ય કર્મચારીઓ દ્વારા આ કામગીરી હાથ ધરવામાં આવશે. જેના માટે થર્મલ ગન્સ, પલ્સ ઓÂક્સમીટર્સ અને અન્ય સંસાધનો તેમજ મેડિસિન્સ સાથે રાખીને આ સર્વેલન્સ ઝુંબેશ કરવામાં આવશે.

સાંજ સુધી છેલ્લા ૨૪ કલાકમાં વડોદરા કોર્પોરેશનના ૪૯ અને વડોદરા જિલ્લામાં ૧૯ કેસ મળી કુલ ૬૮ કેસ નોંધાયા છે. તેમજ ૨૦ લોકોને હોÂસ્પટલની સારવાર બાદ ડિસ્ચાર્જ આપવામાં આવ્યો છે. રાહતની વાત એ છે કે, સોમવાર સાંજના પાંચ વાગ્યા બાદના ૨૪ કલાકમાં વડોદરામાં કોરોનાથી એક પણ દર્દીનું મોત થયું નથી. વડોદરામાં પણ અમદાવાદ અને સુરત જેવી Âસ્થતિ ન બને તે માટે આરોગ્ય તંત્ર આખરે મોડે-મોડે પણ આળસ મરડી છે.


Comments

કોમેન્ટ પોસ્ટ કરવા માટે લાગિન કરો