દ્વારકા-

દ્વારકામાં ફરી એક મુન્નાભાઇ એમબીબીએસ ધોડા ડોકટર પોલીસના હથ્થે ચડ્યો છે. દ્વારકા આરોગ્ય વિભાગને ચોક્કસ બાતમી મળી હતી કે દ્વારકામાં દવાઓ તથા બીનઅધીકૃત ડોકટરો કામ કરી રહ્યા છે. જેથી દ્વારકા પોલીસને જાણ કરી હતી. ફરીયાદના આધારે દ્વારકા પોલીસના ઇન્ચાર્જ તથા તેમનો સ્ટાફ અને આરોગ્ય વિભાગે સંયુક્ત ઓપરેશન હાથ ધર્યું હતું. જેમા દ્વારકાના તમામ મેડીકલ સ્ટોર તથા ખાનગી હોસ્પિટલોમાં ચેકીંગ હાથ ધરવામાં આવ્યુ હતુ. જેમા રૂપેણ બંદર ખાતે એક ઓરડામાં ટેબલ, ખુરશી નાખી પ્રેક્ટિસ કરતા એક ડોક્ટરને દવાના જથ્થા સાથે ઝડપી લેવામાં આવ્યો હતો. આરોગ્ય વિભાગ દ્વારા પોલીસને સોપવામાં આવતા, પોલીસે ગુલામહુસેન ગફાર જેઠવા ઉ. વર્ષ 43ની કુલ 2129ની કિંમતની દવા સાથે ધરપકડ કરી આગળની કાર્યવાહી હાથ ધરી છે.


Comments

કોમેન્ટ પોસ્ટ કરવા માટે લાગિન કરો