ગાંધીનગર,

હવામાન વિભાગ દ્વારા થન્ડર સ્ટોર્મની આગાહી કરવામાં આવી છે. આગાહી મુજબ, ગુજરાતમાં ભારે પવન અને વીજળી સાથે વરસાદ આવી શકે છે. જેમાં પવનની ગતિ 40 km પ્રતિ કલાકની રહી શકે છે. અમદાવાદ, પાટણ, બનાસકાંઠા, અમરેલી, જૂનાગઢ, પોરબંદર, રાજકોટ, સુરેન્દ્રનગર, બોટાદ, જામનગર, અને દેવભૂમિ દ્વારકામાં અસર થઈ શકે છે.

રાજ્યના હવામાન ખાતાની ચેતવણી મુજબ, ગુજરાતના અનેક જિલ્લાઓમાં ગાજવીજ, તેજ પવનની સાથે મધ્યમ વરસાદ આવી શકે છે. 40 કિલોમીટર પ્રતિ કલાકની ઝડપથી ગુજરાતના અનેક જિલ્લાઓમાં અલગ અલગ સ્થાનો પર વરસાદ આવવાની શક્યતા છે. હવામાન વિભાગની માહિતી મુજબ, અમદાવાદ, ગાંધીનગર, પંચમહાલ અને દાહોદમાં ભારેથી અતિભારે વરસાદ તઈ શકે છે. દક્ષિણ ગુજરાતમાં પણ ભારે વરસાદની આગાહી કરવામાં આવી છે. આ સાથે માછીમારોને દરિયોના ખેડવાની સુચના આપવામાં આવી છે.

રાજ્યમાં થોડા દિવસ અગાઉ પડેલા વરસાદના કારણે રાજ્યના વાતાવરણમાં ફેરફાર આવ્યો હતો, જો કે તેના થોડા સમય બાદ રાજ્યમાં વરસાદે બ્રેક લીધો હતો, જેના કારણે લોકો ગરમી અને બફારાથી ત્રાસી ગયા હતા. ત્યારે રાજ્યના અનેક જિલ્લાઓમાં વરસાદ થતા લોકોને ગરમીમાંથી રાહત મળી છે.


Comments

કોમેન્ટ પોસ્ટ કરવા માટે લાગિન કરો