અમદાવાદ-

અમદાવાદના રિલીફ રોડ પર આવેલી હોટલ વિનસમાં આવેલા શાર્પ શુટરને ઝડપી લેવામાં એટીએસની ટીમને સફળતા મળી છે. રાજકીય નેતાની હત્યાના ઇરાદે આવેલા મુંબઇથી અમદાવાદ આવેલા શાર્પ શુટરને ઝડપી લેવા માટે એટીએસની ટીમ દ્વારા દરોડો પાડવામાં આવ્યો ત્યારે તેના પર ફાયરિંગ કર્યુ હતુ પરંતુ એટીએસની ટીમ દ્વારા તેનો પ્રતિકાર કરી ધરપકડ કર્યા બાદ કરેલી તપાસ દરમિયાન શાર્પ શુટરના મોબાઇલમાંથી ગૃહના પૂર્વ મંત્ર ગોરધનભાઇ ઝડફીયાના ફોટા મળી આવ્યા હતા અને તેને ગાંધીનગર ખાતે કેવલમમાં આટાફેરા કર્યાની ચોકાવનારી વિગતો બહાર આવતા સનસનાટી મચી ગઇ છે.

શાર્પ શુટર ઇરફાન શેખ ગાંધીનગર કેવલમ ખાતે રેકી કરી હોવાથી તે રાજકીય નેતાની હત્યાના ઇરાદે આવ્યાની અને તેના મોબાઇલમાંથી ગોરધનભાઇ ઝડફીયાના ફોટા મળી આવ્યા છે. તેમજ ઇરફાન શેખ સાથે અમદાવાદના જ કેટલાક સ્થાનિક શખ્સોની સંડોવણી હોવાનું અને જે રિક્ષામાં તે વિનસ હોટલ સુધી પહોચ્યો તે રિક્ષાની પોલીસ દ્વારા શોધખોળ હાથધરવામાં આવી છે. શાર્પ શુટર ઇરફાન શેખને હોટલ વિનસ ખાતે કોણ ઓટોમેટિક પિસ્તોલ આપી ગયું તે દિશામાં વિશેષ પૂછપરછ એટીએસના વડા હિમાન્શુ શુકલા અને ડીવાય.એસ.પી. ભાવેશ રોજીયો દ્વારા સઘન પૂછપરછ કરવામાં આવી રહી છે.


Comments

કોમેન્ટ પોસ્ટ કરવા માટે લાગિન કરો