બદાયુ-

સીએમ યોગી આદિત્યનાથે ઉત્તર પ્રદેશના બદાયુમાં એક મહિલા પર ગેંગરેપ થયા બાદ હત્યા કેસમાં મુખ્ય આરોપીને પકડવાનો એસટીએફને આદેશ આપ્યો છે. જિલ્લા પોલીસની સાથે એસટીએફ પણ આ કેસની તપાસ કરશે. તેમજ આરોપીઓ સામે એનએસએ અંતર્ગત કાર્યવાહીના આદેશ અપાયા છે.

આ કેસમાં મુખ્ય આરોપી ઉપર 50 હજાર રૂપિયાનું ઇનામ જાહેર કરાયું છે. મુખ્ય આરોપી મહંત સત્યનારાયણ ફરાર છે. તેની શોધમાં પોલીસની 4 ટીમો દબાણ કરી રહી છે. આ સાથે જ ડીએમએ કહ્યું છે કે આ કેસની સુનાવણી ફાસ્ટ ટ્રેક કોર્ટમાં ચાલશે.  બુધવારે, માનવતાની હદ વટાવી તેવા સમાચાર બદાયુ જિલ્લામાંથી બહાર આવ્યા હતા.હાલમાં, એક 50 વર્ષિય મહિલા રવિવારે રાત્રે ઉઘૈતી વિસ્તારમાં આવેલા તેના ગામના મંદિરમાં પૂજા કરવા ગઈ હતી. જે બાદ મહિલાનો મૃતદેહ શંકાસ્પદ સંજોગોમાં મળી આવ્યો હતો. પોલીસે આ મામલે તપાસ કરી અને પોસ્ટમોર્ટમ રિપોર્ટ બહાર આવ્યો ત્યારે ગેંગરેપની પુષ્ટિ થઈ હતી.

પોસ્ટ મોર્ટમ રિપોર્ટ અનુસાર મહિલાના જનનાંગો પર ઈજાઓ થઈ છે અને મહિલાના પગમાં પણ ફેકટર હોવાનું જાણવા મળ્યું છે. પોલીસે સામુહિક બળાત્કાર, હત્યાનો ગુનો નોંધી ત્રણ લોકોના નામ લીધા છે. આ મામલે કાર્યવાહી માટે પોલીસ દ્વારા ચાર ટીમો બનાવવામાં આવી છે. ઉઘૈતીના પોલીસ સ્ટેશન પ્રભારી રાઘવેન્દ્રને આ કેસમાં બેદરકારીના આરોપસર સસ્પેન્ડ કરવામાં આવ્યા છે. અત્યાર સુધીમાં કુલ બે આરોપીની ધરપકડ કરવામાં આવી છે. પોલીસ મુખ્ય આરોપી મહંત સત્યનારાયણની શોધ કરી રહી છે. આ ઘટના બાદથી વિપક્ષો યોગી સરકાર ઉપર આકરા પ્રહાર કરી રહ્યા છે.


Comments

કોમેન્ટ પોસ્ટ કરવા માટે લાગિન કરો