નવી દિલ્હી

આઈપીએલની 14 મી સીઝનમાં ગુરુવારે બે મેચ રમાશે. દિવસની પહેલી મેચ પાંચ વખતની ચેમ્પિયન મુંબઈ ઈન્ડિયન્સ અને રાજસ્થાન રોયલ્સ વચ્ચે રમાશે, જ્યારે બીજી મેચમાં દિલ્હી કેપિટલ્સ અને કોલકાતા નાઈટ રાઇડર્સની ટીમો એકબીજાની સામે ટકરાશે. મુંબઈ આ મેચમાં સતત બે મેચ હાર્યા બાદ પ્રવેશ કરશે. અગાઉની મેચમાં તેમને પંજાબ કિંગ્સ સામે નવ વિકેટે પરાજયનો સામનો કરવો પડ્યો હતો. રાજસ્થાન ટૂર્નામેન્ટમાં અત્યાર સુધી ત્રણ મેચ હારી ગયું છે. કોલકાતા નાઈટ રાઇડર્સના બેટ્સમેનોની દિલ્હી કેપિટલ્સની મજબૂત બોલિંગ સામે સખત કસોટી થશે.

આઈપીએલ 2021 ની 24 મી મેચ ભારતીય સમય અનુસાર બપોરે 3.30 વાગ્યે મુંબઈ ઈન્ડિયન્સ અને રાજસ્થાન રોયલ્સ વચ્ચે રમાશે. ટોસ બપોરે 3 વાગ્યે થશે. તે જ સમયે 25 મી મેચ સાંજે 7.30 વાગ્યે દિલ્હી કેપિટલ્સ અને કોલકાતા નાઈટ રાઇડર્સ વચ્ચે રમાશે. ટોસ સાંજે 7 વાગ્યે હશે

આઈપીએલ 2021 ની 24 મી મેચ 29 એપ્રિલ ગુરુવારે દિલ્હીના અરુણ જેટલી સ્ટેડિયમ અને 25 મી મેચ અમદાવાદના નરેન્દ્ર મોદી સ્ટેડિયમ ખાતે રમાશે.



Comments

કોમેન્ટ પોસ્ટ કરવા માટે લાગિન કરો