પટના-

લોકડાઉન લાગુ થયા પછી, બિહારમાં કોરોનાના કેસમાં ઝડપથી ઘટાડો થયો છે, જેના કારણે નીતિશ સરકારે રાજ્યમાં અનલોક કરવાની પ્રક્રિયા શરૂ કરી દીધી છે. મંગળવારે સીએમ નીતીશ કુમારે તેમના ટિ્‌વટર હેન્ડલ પરથી ટ્‌વીટ કરીને અનલોક વિશે માહિતી આપી હતી. તેમણે ટ્‌વીટ કરીને લખ્યું છે કે લોકડાઉનને કારણે કોરોના સંક્રમણમાં ઘટાડો થયો છે. તેથી, લોકડાઉન સમાપ્ત થતાં નાઇટ કફ્ર્યુ સાંજે ૭ઃ૦૦ થી સવારે ૫ઃ૦૦ સુધી ચાલુ રહેશે. ૫૦ ટકા હાજરી સાથે સરકારી અને ખાનગી કચેરીઓ બપોરે ૪ઃ૦૦ વાગ્યા સુધી ખુલશે.

હવે બપોરના બે વાગ્યાને બદલે સાંજના પાંચ વાગ્યા સુધી દુકાન ખોલવાની મંજૂરી આપવામાં આવશે. જણાવીએ કે બિહારમાં લોકડાઉન ફક્ત કોરોના ઘટતા કેસને કારણે દૂર કરવામાં આવ્યું છે. આપને જણાવી દઈએ કે, બિહારમાં કોરોનાના વધી રહેલા સંક્રમણને ધ્યાનમાં રાખીને રાજ્ય સરકારે ૫ મેથી લોકડાઉન લગાવી દીધું હતું. હાલની પરિસ્થિતિને ધ્યાનમાં રાખીને અને અધિકારીઓ સાથેની ચર્ચાને પગલે લોકડાઉન સમાપ્ત કરવાનો ર્નિણય લેવામાં આવ્યો હતો. પ્રથમ વખત લાદવામાં આવેલા લોકડાઉનનો સમયગાળો ૧૫ મે સુધી હતો, જેને ફરીથી ૨૫ સુધી લંબાવી દેવામાં આવ્યો હતો. ૨૫ મે પછી મળેલી સીએમજીની બેઠક બાદ તે ૧ જૂન સુધી લંબાવામાં આવ્યું હતું. લોકડાઉન લાગુ કર્યા પછી કોરોનાની સંખ્યામાં ઘટાડો થયો છે.


Comments

કોમેન્ટ પોસ્ટ કરવા માટે લાગિન કરો