મુંબઇ

બોલિવુડના 'દબંગ ખાન' સલમાન 27 ડિસેમ્બરે 55મો બર્થ ડે સેલિબ્રેટ કર્યો હતો. ખાન પરિવારના પનવેલ સ્થિત ફાર્મ હાઉસમાં ડબલ સેલિબ્રેશન રાખવામાં આવ્યું હતું. સલમાન ખાન અને ભાણી આયત શર્માના બર્થ ડેનું પનવેલ સ્થિત ફાર્મ હાઉસ પર સેલિબ્રેશન થયું હતું. શનિવારે રાત્રે સલમાન ખાન પરિવાર અને નજીકના મિત્રો સાથે પનવેલના ફાર્મ હાઉસ પર પહોંચ્યો હતો. અહીં બહાર એકઠા થયેલા મીડિયાવાળા સાથે સલમાને કેક કાપીને ઉજવણી કરી હતી. જે બાદ ફાર્મહાઉસની અંદર મિડનાઈટ બર્થ ડે સેલિબ્રેશન ચાલ્યું હતું. હવે સલમાન અને આયતની બર્થ ડે પાર્ટીની તસવીરો અને વિડીયો સામે આવ્યા છે.


સોશિયલ મીડિયા પર એક વિડીયો વાયરલ થઈ રહ્યો છે જેમાં સલમાન ખાન મોટી કેક કાપી રહ્યો છે. તેની સાથે બહેન અર્પિતાનો દીકરો આહિલ જોવા મળી રહ્યો છે. બાજુમાં સલીમ અને સલમા ખાન જોવા મળી રહ્યા છે. આમંત્રિતો કેક કટિંગ વખતે 'હેપી બર્થ ડે' સોન્ગ ગાઈ રહ્યા છે.

અર્પિતા ખાન શર્મા અને આયુષ શર્માની દીકરી આયત 27 ડિસેમ્બરે એક વર્ષની થઈ છે. આયતની બર્થ ડે પર ખાસ કાર્નિવલ થીમની કેક તૈયાર કરવામાં આવી હતી. આયતની કેક કટિંગનો વિડીયો પણ સોશિયલ મીડિયા પર વાયરલ થઈ રહ્યો છે. જેમાં કેક કાપ્યા પછી અર્પિતા પોતાની લાડલી દીકરીને કેક ખવડાવતી જોવા મળે છે.

આ સિવાય આયતને કેકનો એક વિડીયો પણ ફેન પેજ દ્વારા સોશિયલ મીડિયા પર શેર કરવામાં આવ્યો છે. આ ઉપરાંત 'Ayat Turns 1' લખેલા બલૂન સાથે પાર્ટીના ડેકોરેશનની ઝલક પણ જોવા મળી રહી છે.


Comments

કોમેન્ટ પોસ્ટ કરવા માટે લાગિન કરો