ભુજ-

મુંદરા અહીંના પોલીસ મથકમાં કસ્ટોડિયલ ડેથના મામલામાં વધુ એક આરોપીની સંડોવણી સામે આવી છે. જેમાં મુંદરા પોલીસમાં જીઆરડી તરીકે ફરજ બજાવનાર શખ્સને સ્થાનિક પોલીસે મુંદરામાંથી ઉપાડ્યો છે.

મળતી માહિતી મુજબ મુંદરા કસ્ટોડિયલ ડેથના કેસની તપાસમાં સમગ્ર કેસની તપાસમાં મુંદરા પોલીસ મથકે જીઆરડી તરીકે ફરજ બજાવતા શંભુ દેવરાજભાઈ ઝરૂની સંડોવણી સામે આવતા તેની પણ ધરપકડ કરાઈ છે. મુંદરામાં જ રહેતા આ આરોપીને તપાસનીશ ટીમે ઝડપી પાડ્યો છે. શ્રી પંચાલે વધુમાં ઉમેર્યું હતું કે, શંભુ જીઆરડી જવાન તરીકે ફરજ બજાવતો હતો અને અન્ય આરોપીઓ સાથે તપાસમાં કામગીરી બજાવતો હતો. આ ગુનાની વાત કરીએ તો આરોપી શંભુ મુખ્ય આરોપીઓ સાથે પ્રાગપર ચોકડી પર ગયો હતો અને મદદગારી કરી હતી. શંભુનો રોલ આ કેસમાં મુખ્ય આરોપીઓને મદદગારી કરવાનો છે. તપાસમાં આ બાબત ધ્યાને આવતા વધુ એક નામનો ઉમેરો થયો છે અને તાત્કાલિક અસરથી આરોપીની અટક કરવામાં આવી છે. તો એટીએસએ ઝડપેલા આરોપીનો પણ કબ્જો મેળવ્યો છે. ત્યારે બન્ને આરોપીઓને રિમાન્ડની માંગ સાથે કોર્ટમાં રજૂ કરવા તજવીજ હાથ ધરી હોવાનું ડીવાયએસપી જે.એન. પંચાલે અંતમાં ઉમેર્યું હતું.


Comments

કોમેન્ટ પોસ્ટ કરવા માટે લાગિન કરો