નવસારી-
નેશનલ હાઇ-વે નં. 48 પર રાત્રીના સમયે દોડતી ટ્રકો, કન્ટેનરો અને ટેન્કરોમાં વહન થતા વિભિન્ન સામનો કે કેમિકલ કે કેમિકલ પાવડરને ટ્રક ચાલકો હાઇ-વે પર આવેલી હોટલો કે ઢાબા પર ઉભા રાખી તેમાંથી થોડુ કેમિકલ વેચી દેતા હોવાની ફરિયાદો સાથે જ ઘણી ઘટનાઓ સામે આવી છે. જેમાં લોખંડના સળિયા તેમજ કેમિકલ ચોરી સામાન્ય બની છે. જેમાં સુરત રેંજની આર. આર. સેલ પોલીસની ટીમે બાતમીને આધારે ચીખલીના સુથવાડની એક હોટલ કમ્પાઉન્ડમાંથી ટેન્કરોમાંથી કેમિકલ ચોરીના મોટા રેકેટનો પર્દાફાશ કર્યો છે. સુરતના હજીરાથી સેલવાસ જઇ રહેલા ચાર ટેન્કરોમાંથી ટેન્કર ચાલકોએ 350 લીટર મોનોથેલીન ગ્લાયકોલ કેમિકલ, જે કેમિકલ પ્રોસેસમાં વપરાય છે. જેને ટેન્કરમાંથી કાઢી પ્લાસ્ટિકના કેરબાઓમાં ભરીને હોટલના પાર્કિંગમાં જીતુ નામના શખ્સને વેચતા હતા. જેની જાણ થતા પોલીસે ઘટના સ્થળેથી ચારે ટેન્કરના ચાલકો રણજોધસિંહ જાટ, જીતેન્દ્રસિંહ જાટ, સલમાન શેખ અને હરિચંદ્ર યાદવને પકડી પાડ્યા હતા. આ સાથે જ ટેન્કરોમાંથી ચોરેલુ અને બેરેલમાં ભરેલા કેમિકલ સહિત 45.96 લાખ રૂપિયાના 1,29,850 લીટર કેમિકલ, 90 લાખના ટેન્કરો, મોબાઈલ ફોન્સ સહિત 1.36 કરોડના મુદ્દામાલને કબજે કરી પોલીસે ચારેય આરોપીઓનો કોરોના ટેસ્ટ કરાવી ધરપકડ કરી હતી. જયારે જીતુ સહિતના બે આરોપીને વોન્ટેડ જાહેર કર્યા હતા. જયારે સમગ્ર મુદ્દે ચીખલી પોલીસ મથકે ફરિયાદ નોંધાવી આગળની તપાસ ચીખલી પોલીસેને સોંપી છે.
નવસારીમાં નેશનલ હાઇ-વે નં. 48 પરથી પસાર થતા ટ્રકો અને કન્ટેનરોમાંથી ચોરી થતી હોવાની ફરિયાદો સામાન્ય રહી છે. જેમાં લોખંડના સળિયાઓ તેમજ કેમિકલ ચોરીનો ધંધો હાઇવે પર ઘણો ફૂલ્યો ફાલ્યો છે. જેમાં ગુરૂવારે સાંજે સુરત રેંજની આર.આર.સેલ પોલીસે બાતમીને આધારે હાઇ-વે પર ચીખલીના સુથવાડ ગામ નજીકથી 1.36 કરોડના મુદ્દામાલ સાથે કેમિકલ ચોરીનું રેકેટ ઝડપી પાડ્યુ હતુ. જયારે પોલીસે ઘટના સ્થળેથી ચાર લોકોની ધરપકડ કરી, બંન્ને વોન્ટેડ જાહેર કર્યા છે.
સંબંધિત સમાચાર
મોસ્ટ પોપ્યુલર
ક્વિક લિંક
- અજબ ગજબ
- એસ્ટ્રોલોજી
- બૉલીવુડ
- બજેટ ૨૦૨૧-૨૨
- બિઝનેસ
- સિનેમા
- ક્રાઈમ વોચ
- ધર્મ જ્યોતિષ
- શિક્ષણ
- ફેશન એન્ડ બ્યુટી
- ફૂડ એન્ડ રેસિપી
- હેલ્થ એન્ડ ફિટનેસ
- હોલીવુડ
- આંતરરાષ્ટ્રીય
- જ્યોતિષ
- લાઈફ સ્ટાઇલ
- રાષ્ટ્રીય
- રાજકીય
- ધર્મ
- સ્પેશીયલ સ્ટોરી
- રમત ગમત
- ટી ૨૦ વર્લ્ડ કપ ૨૦૨૧
- ટેક્નોલોજી
- ટેલિવુડ
- ટોક્યો ઓલિમ્પિક્સ
- ટ્રાવેલ
- વાસ્તુ
- વેબ સિરીઝ
Comments