દિલ્હી-

ઓડિશાના મુખ્યમંત્રી નવીન પટનાયકને એક અનામી પત્ર મળ્યો છે જેમાં દાવો કરવામાં આવ્યો છે કે તેમની હત્યાનું ષડયંત્ર રચવામાં આવ્યું છે. ગુરુવારે સત્તાવાર સૂત્રોએ આ માહિતી આપી.તેમણે કહ્યું કે આ ધમકીભર્યા પત્ર મળ્યા બાદ રાજ્ય સરકારે આ વિષયની તપાસના આદેશ આપ્યા છે. આ પત્ર પટનાયકના નિવાસસ્થાનના સરનામે આવ્યો હતો અને તે અંગ્રેજીમાં લખાયેલો છે. પત્રમાં એમ પણ કહેવામાં આવ્યું છે કે ષડયંત્રનો માસ્ટર માઇન્ડ નાગપુર (મહારાષ્ટ્ર) માં રહે છે.

આ પત્ર 5 જાન્યુઆરીએ મળ્યો હતો. આ પછી, વિશેષ સચિવ (ગૃહ) ડો.સંતોષ બાલાએ રાજ્યના ઉચ્ચ પોલીસ અધિકારીઓને આ વિષયની તપાસ કરવા આદેશ આપ્યો છે. બાલાએ એમ પણ કહ્યું હતું કે મુખ્યમંત્રીના નિવાસસ્થાન, સચિવાલય અને તેમની મુલાકાત દરમિયાન સુરક્ષા વધારી દેવામાં આવી છે.


Comments

કોમેન્ટ પોસ્ટ કરવા માટે લાગિન કરો