દિલ્હી-

સંસદનું ચોમાસુ સત્ર ચાલુ છે. ચોમાસુ સત્રનો ત્રીજો સપ્તાહ સોમવારથી શરૂ થયો છે. અગાઉ બંને સપ્તાહમાં વિપક્ષના હંગામાને કારણે ગૃહની કાર્યવાહી પ્રભાવિત થઈ હતી. ખેડૂત કાયદાઓ, પેગાસસ સ્પાયવેર, કોવિડ -19 અને મોંઘવારી સહિત ઘણા મુદ્દાઓ પર વિપક્ષ કેન્દ્ર પર હુમલો કરી રહ્યું છે. વિપક્ષનો આરોપ છે કે કેન્દ્ર આ મુદ્દાઓ પર સંસદમાં ચર્ચા કરવાનું ટાળી રહ્યું છે. આ કારણે સંસદના બંને ગૃહો સતત સ્થગિત કરવામાં આવી રહ્યા છે. મંગળવારે કોંગ્રેસના નેતા રાહુલ ગાંધીએ વિપક્ષી સાંસદો અને અન્ય અગ્રણી નેતાઓને મંગળવારે સવારે નાસ્તા માટે આમંત્રણ આપ્યું હતું. રાહુલ ગાંધી સાથે વિપક્ષી દળોના નેતાઓની આ બેઠક દિલ્હીની બંધારણીય ક્લબમાં આયોજિત કરવામાં આવી રહી છે. ગાસસ જાસૂસી, ત્રણ નવા કૃષિ કાયદાઓ અને મોંઘવારી જેવા મુદ્દાઓ પર સરકારને ઘેરવા માટે વિપક્ષ લાંબી લડાઇ પર મંથન કરી રહ્યું છે. વિપક્ષી દળો સરકારની મુશ્કેલી વધારવા માટે સમાંતર સંસદ પણ ચલાવી શકે છે અને આ માટે લોકસભા અને રાજ્યસભાના વિપક્ષી દળોના નેતા રાહુલ ગાંધી દ્વારા આયોજિત ચા-નાસ્તાની બેઠકમાં ભાગ લેવા માટે કોન્સ્ટિટ્યુશન ક્લબ પહોંચી ગયા છે. આ બેઠકમાં ચોમાસુ સત્રની રણનીતિ પર ચર્ચા કરવામાં આવશે.

સરકાર પર દબાણ બનાવવા દરેક શક્ય પ્રયાસો

ટીએમસીના એક સૂત્રએ જણાવ્યું છે કે,'પેગાસસ અને ખેડૂતો આંદોલન મામલે વિપક્ષનો પ્રયાસ દરેક તે યુક્તિ અજમાવવાનો છે, જેનાથી સરકાર પર દબાણ આવે. જો મુખ્ય વિપક્ષી દળો સમાંતર સંસદ ચલાવવાના પ્રસ્તાવ માટે સંમત થાય છે, તો સમાંતર સંસદ ચલાવવામાં આવશે.'


Comments

કોમેન્ટ પોસ્ટ કરવા માટે લાગિન કરો