લોકસત્તા ડેસ્ક 

પર્સનલ હોય કે પ્રોફેશનલ લાઈફ, રેપર કાર્ડી બી વિવાદો માટે ફેમસ છે. ફરી એકવાર તે કોન્ટ્રોવર્સીમાં ફસાતી જોવા મળે છે. આ આખી ઘટના શૂઝના પ્રમોશન સાથે જોડાયેલી છે. હકીકતમાં, કાર્ડી એક તસવીર પોસ્ટ કરી હતી. જેમાં તે હિંદુ દેવી 'દુર્ગા'ના પૉઝમાં જોવા મળે છે. આ રીતે તે સ્નીકર બ્રાન્ડને પ્રમોટ કરી રહી છે.

એવું માનવામાં આવી રહ્યું છે કે, આ તસવીરને શ્રદ્ધાભાવથી શૅર કરવામાં આવી છે અને કાર્ડી બીને 8 હાથ સાથે લાલ રંગના શૂઝ પકડેલી 'યોદ્ધા સ્ત્રી' તરીકે દર્શાવવામાં આવી છે. જોકે, કેટલાક સોશિયલ મીડિયા યૂઝર્સને આ પ્રેઝન્ટેશન સારુ લાગ્યું નહોતું અને તેમણે આ ઈમેજની સરખામણી દુર્ગા માતા સાથે કરવા બદલ કાર્ડીની આકરી ઝાટકણી કાઢી હતી.

જ્યારે લોકોની ભાવનાઓને ઠેસ પહોંચી તો થોડા સમય પછી ટ્વિટર પર 'કાર્ડી' ટ્રેન્ડ થવા લાગ્યું હતું. જે પછી તેણે પોતાની ઈન્સ્ટા સ્ટોરી પર એક માફી માગતો વિડીયો પોસ્ટ કર્યો હતો. કાર્ડીએ કહ્યું કે તેનો ઈરાદો કોઈ ધર્મને ઠેસ પહોંચાડવાનો નહોતો. તેમણે એ પણ કહ્યું કે તે ભવિષ્યમાં પહેલા ઉત્તમ રિસર્ચ કરશે.



Comments

કોમેન્ટ પોસ્ટ કરવા માટે લાગિન કરો