ન્યૂ દિલ્હી

સરકારી એન્જિનિયરિંગ કંપની બીએચઈએલ(ભેલ)ની કન્સોલિડેટેડ ચોખ્ખી ખોટ ઘટીને રૂ. ૧,૦૩૬.૩૨ કરોડ થઈ છે, જે માર્ચ ૨૦૨૧ માં પૂરા થયેલા ક્વાર્ટરમાં છે. તેનું મુખ્ય લક્ષ્ય કંપનીની આવક વધારવાનું છે. કંપનીએ સ્ટોક એક્સચેંજને આપેલી માહિતીમાં જણાવ્યું છે કે નાણાકીય વર્ષ ૨૦૧૯-૨૦ના ચોથા ત્રિમાસિક ગાળામાં કંપનીને ૧,૫૩૨.૧૮ કરોડ રૂપિયાનું એકીકૃત ચોખ્ખું નુકસાન થયું હતું. કંપનીની કુલ આવક ૨૦૨૦-૨૧ ના ચોથા ક્વાર્ટરમાં વધીને રૂ. ૭,૨૪૫.૧૬ કરોડ થઈ છે, જે એક વર્ષ અગાઉના સમાન ત્રિમાસિક ગાળામાં રૂ. ૫,૧૬૬.૬૪ કરોડ હતી.

જો કે સંપૂર્ણ નાણાકીય વર્ષ ૨૦૨૦-૨૧ માટે, કંપનીનું એકીકૃત ચોખ્ખું નુકસાન રૂ. ૨,૯૭૯.૭૦ કરોડ થયું છે. અગાઉ નાણાકીય વર્ષ ૨૦૧૯-૨૦ માં તે ૧,૪૬૮.૩૫ કરોડ રૂપિયા હતો. નાણાકીય વર્ષ ૨૦૨૦-૨૧ દરમિયાન કંપનીની કુલ આવક ઘટીને રૂ. ૧૭,૬૫૭.૧૧ કરોડ થઈ છે, જે વર્ષ ૨૦૧૯-૨૦માં રૂ. ૨૨,૦૨૭.૪૪ કરોડ હતી.


Comments

કોમેન્ટ પોસ્ટ કરવા માટે લાગિન કરો