પટના-

બિહારમાં પૂરને કારણે સ્થિતિ વધુ વણસી રહી છે. પૂરના કારણે ગામલોકો પાણીમાં ગરકાવ થઈ ગયા છે અને મોટી સંખ્યામાં લોકોને રાહત કેમ્પોમાં લઈ જવા પડી રહ્યા છે. રાજ્યમાં પૂરના કારણે 21 લોકોના મોત થયા છે જ્યારે 16 જિલ્લાની 69,03640 વસ્તી તેનાથી પ્રભાવિત છે.બિહારના સીતામઠી શિવહર, સુપૌલ, કિશનગંજ, દરભંગા, મુઝફ્ફરપુર, ગોપાલગંજ, પૂર્વ ચંપારણ, પશ્ચિમ ચંપારણ, ખગડિયા, સારન, સમસ્તીપુર, સિવાન, મધુબની, મધેપુરા અને સહર્ષ જિલ્લામાં પૂરના કારણે સૌથી વધુ અસરગ્રસ્ત છે. આ જિલ્લાના 124 બ્લોકની 1185 પંચાયતોની લાખોની વસ્તી પૂરથી પ્રભાવિત છે.

તેજસ્વી યાદવ એ નીતિશ કુમાર સરકારને રાજ્યની પૂરની પરિસ્થિતિ ઉપર તેમને સવાલો પુછ્યા છે. તેમણે લાક્ષણિક ગ્રામીણ ભાષામાં એક ટ્વીટ કરીને રાજ્ય સરકારને કટઘરાંમાં મૂકી છે. તેજસ્વીએ પોતાના ટ્વિટમાં કહ્યુ છે કે - બિહારના ખેડુતોને સરકારની વિનંતી કરવા માટે ડૂબેલા મેદાનમાં એક વીડિયો બનાવવો કેટલો દુખદ છે. તેજસ્વીએ લખ્યું છે કે, "પાંચ લાખ હેકટર જમીનમાં ઉભેલો પાક પૂરમાં ડૂબી ગયો છે, અમે સરકાર પાસેથી માંગ કરીએ છીએ કે વળતર તાત્કાલિક આપવામાં આવે."


Comments

કોમેન્ટ પોસ્ટ કરવા માટે લાગિન કરો