નવીદિલ્હી

ટીમ ઈન્ડિયાનો ઓપનર પૃથ્વી શો એડિલેડમાં ઓસ્ટ્રેલિયા સામે રમાયેલા પ્રથમ ટેસ્ટમાં અત્યંત ખરાબ રીતે નિષ્ફળ ગયો હતો. આ પછી તેની ચારે બાજુથી ટીકા થવાનું શરૂ થઈ ચૂક્યું છે. શોએ ઈન્સ્ટાગ્રામ સ્ટોરીના માધ્યમથી પોતાના ટીકાકારોને મેસેજ આપ્યો છે.

શોએ પોતાની ઈન્સ્ટાગ્રામ સ્ટોરીમાં લખ્યું છે કે ક્યારેક-ક્યારેક જ્યારે લોકો તમને કશુંક કરવા માટે ઉશ્કેરે છે તો સમજી લેજો કે તમે એમ કરી શકો છો પરંતુ એ લોકો નથી કરી શકતાં. શોએ ગુલાબી બોલથી રમાયેલા ડે-નાઈટ ટેસ્ટ મેચની પ્રથમ ઈનિંગમાં ખાતું પણ ખોલાવ્યું નહોતું.પૃથ્વીએ બીજી ઈનિંગમાં માત્ર ચાર જ રજ બનાવ્યા હતા. પ્રથમ ઈનિંગમાં તેને મીશેલ સ્ટાર્કે આઉટ કર્યો અને બીજી ઈનિંગમાં પેટ કમિન્સે તેનું બોલ્ડ કાઢ્યું હતું. બન્ને ઈનિંગમાં સમાન વાત એ રહી કે પૃથ્વી એક જ પ્રકારે આઉટ થયો હતો. શ્રેણીની શરૂઆત પહેલાંથી જ સુનિલ ગાવસ્કરે પૃથ્વી વિશે કહ્યું હતું કે તેણે પોતાના ડિફેન્સને મજબૂત કરવાની જરૂર છે. ગાવસ્કર ઉપરાંત રિકી પોન્ટીંગ પણ પૃથ્વીની કમીઓ અંગે વાતો કરી રહ્યો હતો.


Comments

કોમેન્ટ પોસ્ટ કરવા માટે લાગિન કરો