દિલ્હી-

કોરોનાવાયરસ દેશમાં રોકાવાનુ નામ નથી લઈ રહ્યો. દરરોજ મોટી સંખ્યામાં કોરોના નવા કેસ બહાર આવી રહ્યા છે. દેશમાં કોરોના ચેપની સંખ્યા વધીને 64 લાખ થઈ ગઈ છે. શુક્રવારે સવારે આરોગ્ય મંત્રાલયે જાહેર કરેલા આંકડા મુજબ, છેલ્લા 24 કલાકમાં 81,484 નવા કેસ નોંધાયા છે. આ સાથે, ચેપગ્રસ્ત લોકોની કુલ સંખ્યા 63,94,068 પર પહોંચી ગઈ છે. તે જ સમયે, છેલ્લા 24 કલાકમાં વાયરસને કારણે 1095 લોકોનાં મોત નીપજ્યાં છે. કુલ મૃત્યુઆંક એક લાખ (99,773) ની નજીક છે.

જો કે, રાહતની વાત છે કે છેલ્લા 24 કલાકમાં 78,877 દર્દીઓ સાજા થયા છે. તે જ સમયે, દેશમાં 53,52,078 દર્દીઓ કોરોનાને હરાવવામાં સફળ રહ્યા છે. COVID-19 ના સક્રિય કેસની સંખ્યા વધીને 9,42,217 થઈ ગઈ છે. મળતી માહિતી મુજબ, સમગ્ર ભારતમાં છેલ્લા 24 કલાકમાં 10,97,947 પરીક્ષણો કરવામાં આવ્યા છે. અત્યાર સુધીમાં કુલ 7,67,17,728 નમૂનાઓનું પરીક્ષણ કરવામાં આવ્યું છે.




Comments

કોમેન્ટ પોસ્ટ કરવા માટે લાગિન કરો