અમદાવાદ-

આવતીકાલે ગુજરાતની વિધાનસભાની 8 બેઠકની પેટા ચૂંટણીનું પરિણામ જાહેર થશે. આવતી કાલે સવારે 8 વાગ્યાથી મતગણતરી હાથ ધરાશે કોરોના કાળ દરમિયાન રાજ્યમાં યોજાયેલી પેટાચૂંટણીની મતગણતરી આવતી કાલે હાથ ધરાશે. કાલે રાજ્યની 8 બેઠકોની પેટાચૂંટણીનું પરિણામ આવશે. જો કે સટ્ટા બજારનું માનીએ તો 8 પેટાચૂંટણીમાં ભાજપને 6 અને કોંગ્રેસને 2 બેઠક મળે તેવો અંદાજ છે.

આ સાથે ભાજપે કોંગ્રેસમાંથી આવેલા 5 પૂર્વ ધારાસભ્યોને મેદાનમાં ઉતાર્યા છે. પેટાચૂંટણીના મતદાન પહેલા યોજાયેલ સભાઓમાં કોંગ્રેસે ચૂંટણીમાં પક્ષપલટાનો મુદ્દો ચગાવ્યો હતો. રાજ્યમાં જે 8 બેઠકો પર પેટાચૂંટણી યોજાઇ હતી તેમાં ધારી, લીંબડી, મોરબી, અબડાસા, ગઢડા, કરજણ, ડાંગ, કપરડાનું પરિણામ આવતી કાલે જાહેર થશે. રાજ્યમાં આવતી કાલે સવારે 8 વાગ્યાથી મતગણતરી હાથ ધરવામાં આવશે. આવતી કાલની મતગણતરીને તમામ તૈયારીઓ પૂર્ણ કરી લેવામાં આવી છે. સ્ટ્રોંગ રુમ બહાર ચુસ્ત પોલીસ બંદોબસ્ત ગોઠવવામાં આવ્યો છે.


Comments

કોમેન્ટ પોસ્ટ કરવા માટે લાગિન કરો