અમદાવાદ, અમદાવાદમાં ફરી એકવાર પોલીસકર્મીની દાદાગીરી સામે આવી છે. પોલીસકર્મીએ પોતાનો રોફ જમાવવા માટે સોસાયટીના સિક્યુરિટી સુપરવાઈઝરને માર માર્યો હોવાની એક ઘટના સામે આવી છે. આ ઘટનામાં માસ્ક મુદ્દે પોલીસકર્મીએ સુપરવાઈઝરને માર માર્યાનો આરોપ લાગી રહ્યો છે. ખોખરા પોલીસ સ્ટેશનમાં પોલીસકર્મી ડ્રાઈવર તરીકે નોકરી કરે છે. ત્યારે અમદાવાદમાં પોલસકર્મી અને સિક્યુરિટી સુપરવાઈઝરને ઢોર માર માર્યાના સીસીટીવી ફૂટેજ વાયરલ થયા છે. ફરી એક વખત અમદાવાદ પોલીસની દાદાગીરી સામે આવતા કાયદાના રક્ષક જ કાયદો તોડીને ધજાગરા ઉડાવ્યા છે.  

અમદાવાદના ખોખરા પોલીસ સ્ટેશનમાં ડ્રાઈવર તરીકે નોકરી કરતા પોલીસકર્મીએ પોતાનો રોફ જમાવવા માટે એક સોસાયટીના સિક્યુરિટી સુપરવાઇઝરને ઢોર માર માર્યો છે. પહેલા તો પોલીસકર્મીએ માસ્ક કેમ નથી પહેર્યું તેમ કહીને સુપરવાઈઝરને માર માર્યો હતો. આ સાથે જ દબાણપૂર્વક ગાડીમાં બેસાડવાનો પણ પ્રયાસ કર્યો હતો. અમદાવાદ પોલીસની આ દાદાગીરીની ઘટનાનો વીડિયો સોશિયલ મીડિયામાં વાયરલ થયો હતો. વાયરલ વીડિયોમાં દેખાતા પોલીસ કર્મી ભરતભાઇ ભરવાડ હોવાની ચર્ચા પણ ચાલી રહી છે. ભરતભાઇ ભરવાડ ખોખરા પોલીસ સ્ટેશનમાં ડ્રાઈવર તરીકેની ફરજ બજાવવાની પણ ચર્ચા છે. ત્યારે અનેક સવાલો ઉભા થઈ રહ્યા છે. ખોખરા પોલીસ સ્ટેશનમાં ફરજ બજાવતા હોય તો શા માટે સરકારી વાહન તેમના નિવાસસ્થાન પર લઈને આવ્યા? નિવાસસ્થાન પર પહોંચ્યા પછી ૧૦૦૦ રૂપિયા દંડ ઉઘરાવવાનો અથવા તો પછી ૧૫૧ કલમ લગાવવાનો અધિકાર કોણે આપ્યો? શું આ પોલીસકર્મી ર્કક ઙ્ઘેંઅ પણ સરકારી વાહનોનો ઉપયોગ કરીને ખુલ્લેઆમ દાદાગીરી કરી શકે છે?


Comments

કોમેન્ટ પોસ્ટ કરવા માટે લાગિન કરો