નવી દિલ્હી 

ઓસ્ટ્રેલિયન ક્રિકેટ ટીમનો ઓપનર ડેવિડ વોર્નર સોશિયલ મીડિયા પર ઘણો જ એક્ટિવ છે. તે અવારનવાર ભારતીય ફિલ્મી ગીતો પર ડાન્સ કરતો જોવા મળે છે. ઘણી વખત તે પોતાના પરિવાર સાથે પણ ડાન્સ કરે છે. વોર્નરે તાજેતરમાં જ પોતાના ઈન્સ્ટાગ્રામ પર એક વિડીયો અપલોડ કર્યો છે. જેમાં તે બોલીવૂડ શહેનશાહ અમિતાભ બચ્ચનના લૂકમાં જોવા મળે છે.

વોર્નરે ફેસએપ દ્વારા એક ક્લિપ તૈયાર કરી છે જેમાં અમિતાભ બચ્ચનના ચહેરા પર વોર્નરનો ચહેરો છે. જોકે, તેમાં કોઈ ડાયલોગ નથી. વોર્નરે પૂછ્યું છે કે આ કયો હિરો છે અને કઈ ફિલ્મનો સીન છે.


જોવામાં આ ફિલ્મ બદલાનો સીન છે. બદલા ફિલ્મમાં અમિતાભ બચ્ચન અને તાપસી પન્નુએ કામ કર્યું હતું. વોર્નરે સોમવારે જણાવ્યું હતું કે આંતરરાષ્ટ્રીય ક્રિકેટમાં તેના થોડા જ દિવસો બાકી છે અને તે પોતાની આક્રમકતા પર નિયંત્રણ રાખવાનો પ્રયાસ કરશે. તેણે કહ્યું હતું કે, તે આગામી સિરીઝમાં ભારતીય ખેલાડીઓ સાથે તકરાર કરવાના પ્રયાસના બદલે તેની અવગણના કરશે.

ભારત અને ઓસ્ટ્રેલિયા વચ્ચે ત્રણ વન-ડે અને ત્રણ ટી20 મેચની સિરીઝ રમાશે. ત્યારબાદ ચાર ટેસ્ટ મેચની બોર્ડર-ગાવસ્કર સિરીઝ રમાશે. ભારત અને ઓસ્ટ્રેલિયા વચ્ચે ત્રણ મેચની વન-ડે સિરીઝની પ્રથમ મેચ 27 નવેમ્બરે રમાશે.