ન્યૂ દિલ્હી

શ્રીલંકા ક્રિકેટ વનડે ફોર્મેટમાં નવી શરૂઆત માટે તૈયાર છે અને આ માટે ટીમના નવા કેપ્ટન અને ઉપ-કેપ્ટનની નિમણૂક કરવામાં આવી છે. શ્રીલંકા ક્રિકેટ (એસએલસી) એ ૧૮-સભ્યોની ટુકડીની જાહેરાત કરી છે જે બાંગ્લાદેશમાં ત્રણ વનડે મેચ રમશે. વિકેટકીપર બેટ્‌‌સમેન કુસલ પરેરા જેને થોડા મહિના પહેલા જ ટીમમાંથી બહાર કરવામાં આવ્યો હતો, હવે તેને નવા કેપ્ટન તરીકે નિમવામાં આવ્યા છે. કુસલ પરેરા હવે દિમુથ કરુનારાત્નેને બદલે કપ્ટન હશે.

વેસ્ટ ઇન્ડીઝ સામેની ત્રણ મેચની વનડે સિરીઝ ગુમાવ્યા બાદ કેપ્ટન દિમુથ કરુનારાત્નેની વનડે ટીમમાં સ્થાન પર સવાલ ઉઠાવી રહ્યો હતો. એ જ રીતે ટીમના ઘણા વરિષ્ઠ સભ્યો જેવા કે એન્જેલો મેથ્યુઝ, દિનેશ ચાંદીમલ અને લાહિરુ થિરીમાને પણ ટીમમાં સ્થાન માટે સવાલ ઉઠી રહ્યા છે. હવે ખુલ્લેઆમ જાહેર થયું છે કે આ તમામ સિનિયર ખેલાડીઓને ટીમમાં સ્થાન મળ્યું નથી જે બાંગ્લાદેશ પ્રવાસ પર જશે. થોડા દિવસો પહેલા એવા અહેવાલો આવ્યા હતા કે દિમુથ કરુનારત્નેને વનડે કપ્તાનીથી દૂર કરવાની ચર્ચાઓ જોરશોરથી ચાલી રહી છે. શ્રીલંકાએ તેના નેતૃત્વ હેઠળની ટેસ્ટમાં વધુ સારું પ્રદર્શન કર્યું હોવાથી ૨૦૧૯ વર્લ્ડ કપ પહેલા જ કરૂનારત્નેને વનડે કેપ્ટન બનાવવામાં આવ્યો હતો. બાંગ્લાદેશ સામે ઘરેલુ રેકોર્ડ શ્રેણીબદ્ધ ટેસ્ટ શ્રેણી બાદ કરુનારાત્નેને બાંગ્લાદેશ સામેની વનડેમાંથી હટાવવામાં આવ્યા છે.


Comments

કોમેન્ટ પોસ્ટ કરવા માટે લાગિન કરો