અમદાવાદ-

મુખ્યમંત્રી વિજય રૂપાણીએ સ્પષ્ટપણે જણાવ્યું છે કે ગુજરાત કોવિડ-19 કોરોના સામેના વેકસીનેશન અંગે સંપૂર્ણ સજ્જ છે. તેમણે આ સંદર્ભમાં જણાવ્યું હતુ કે, હવે ટૂંક સમયમાં જ આ મેઇડ ઇન ઇન્ડીયા વેકસીન આવી જવાની છે અને રસીકરણ પણ શરૂ થવાનું છે.

ગુજરાતમાં આ રસીકરણની સંપૂર્ણ તૈયારીઓ રાજ્ય સરકારે કરી લીધી છે. કોલ્ડચેઇન બની ગઇ છે, સર્વેક્ષણ કામગીરી થઇ ગઇ છે તથા રસીકરણ માટેની તાલીમ પણ કર્મીઓને અપાઇ ગઇ છે એમ મુખ્યમંત્રી એ જણાવ્યું હતું. મુખ્યમંત્રી વિજયભાઇ રૂપાણીએ એમ પણ કહ્યું કે, ભારત સરકાર રસીકરણ પ્લાન જાહેર કરે કે તુરત જ ગુજરાતમાં પણ વેકસીનેશન કામગીરી રાજ્ય સરકાર શરૂ કરી દેવા સુસજ્જ છે. મુખ્યમંત્રી એ વનબંધુ વિસ્તાર આહવા ડાંગમાં પાણી પુરવઠાની યોજનાઓના ભૂમિપૂજન-ખાતમૂર્હત અવસરે સંબોધન કરતાં આ માહિતી આપી હતી. દક્ષિણ ગુજરાતના ડાંગ જિલ્લામાં પાણી પુરવઠા યોજનાનું ઉદ્વાટન કરવા આવેલા મુખ્યમંત્રી વિજય રુપાણીએ આ પ્રસંગે કોરોના વેક્સીન વિશે મહત્વની જાહેરાત કરી હતી. મુખ્યમંત્રી રુપાણીએ કહ્યું કે ગુજરાતમાં વેક્સિનેશનની કામગીરી પૂર્ણ કરી દેવામાં આવી છે. કેન્દ્ર જાહેર કરે તો તરત રસીકરણ શરુ કરી દેવામાં આવશે.


Comments

કોમેન્ટ પોસ્ટ કરવા માટે લાગિન કરો