ન્યુ દિલ્હી-
કોંગ્રેસ નેતા રાહુલ ગાંધી અને હાલમાં ભાજપમાં પ્રવેશી ગયેલા સાંસદ જ્યોતિરાદિત્ય સિંધિયા વચ્ચેનો વિવાદ આજકાલ ખૂબ ચગ્યો છે ત્યારે આ વિવાદ શું છે એ જાણવું રસપ્રદ બની રહેશે. રાહુલ ગાંધીના નિવેદન પર બીજેપી સાંસદ જ્યોતિરાદિત્ય સિંધિયાએ પ્રતિક્રિયા આપી છે. કાૅંગ્રેસના પૂર્વ અધ્યક્ષ રાહુલ ગાંધીએ કહ્યું હતુ કે, બીજેપીમાં જ્યોતિરાદિત્ય સિંધિયા બેક બેન્ચર છે. આને લઇને જ્યોતિરાદિત્ય સિંધિયાએ રાહુલ ગાંધીને જવાબ આપ્યો છે. તેમણે મીડિયા સાથે વાત કરતા કહ્યું કે, કાશ રાહુલ ગાંધી ચિંતા ત્યારે કરતા, જ્યારે હું કાૅંગ્રેસમાં હતો. જ્યોતિરાદિત્ય સિંધિયાએ રાહુલ ગાંધીને જવાબ આપતા કહ્યું કે, આટલી ચિંતા રાહુલજીને હવે છે, કાશ આટલી ચિંતા ત્યારે થઈ હોત જ્યારે હું કાૅંગ્રેસમાં હતો.
આનાથી વધારે મારે કંઇ નથી કહેવું. ત્યારબાદ જ્યોતિરાદિત્ય સિંધિયા આગળ જતા રહ્યા. ઉલ્લેખનીય છે કે કાૅંગ્રેસના દિગ્ગજ નેતા રહેલા જ્યોતિરાદિત્ય સિંધિયાએ ૧૧ માર્ચ ૨૦૨૦ના બીજેપીની સદસ્યતા ગ્રહણ કરી લીધી હતી. ત્યારબાદ એમપી કાૅંગ્રેસના ૨૨ ધારાસભ્યોએ પણ રાજીનામું આપ્યું હતુ અને કમલનાથની સરકાર પડી ગઈ હતી. એક વર્ષ બાદ રાહુલ ગાંધીએ જ્યોતિરાદિત્ય સિંધિયાનું નામ લઇને ટોણો માર્યો હતો. તો હવે જ્યોતિરાદિત્ય સિંધિયાએ પણ પ્રતિક્રિયા આપી છે.
તો રાહુલ ગાંધીના નિવેદન પર બીજેપીએ પણ વળતો પ્રહાર કર્યો છે. મધ્ય પ્રદેશના ગૃહમંત્રી નરોત્તમ મિશ્રાએ રાહુલ ગાંધી પાસે માંગ કરી છે કે તેઓ રાજસ્થાનમાં સચિન પાયલટને સીએમ બનાવી દે. સાથે જ ટિ્વટર પર પણ સચિન પાયલટને સીએમ બનાવવાની માંગ ટ્રેન્ડ કરી રહી છે. બીજેપીએ કહ્યું છે કે, વિધાનસભા ચૂંટણીમાં કાૅંગ્રેસે વરરાજા કોઈ બીજાે બતાવ્યો અને લગ્ન બીજા કોઈ સાથે કરાવી દીધા.
સંબંધિત સમાચાર
મોસ્ટ પોપ્યુલર
ક્વિક લિંક
- અજબ ગજબ
- એસ્ટ્રોલોજી
- બૉલીવુડ
- બજેટ ૨૦૨૧-૨૨
- બિઝનેસ
- સિનેમા
- ક્રાઈમ વોચ
- ધર્મ જ્યોતિષ
- શિક્ષણ
- ફેશન એન્ડ બ્યુટી
- ફૂડ એન્ડ રેસિપી
- હેલ્થ એન્ડ ફિટનેસ
- હોલીવુડ
- આંતરરાષ્ટ્રીય
- જ્યોતિષ
- લાઈફ સ્ટાઇલ
- રાષ્ટ્રીય
- રાજકીય
- ધર્મ
- સ્પેશીયલ સ્ટોરી
- રમત ગમત
- ટી ૨૦ વર્લ્ડ કપ ૨૦૨૧
- ટેક્નોલોજી
- ટેલિવુડ
- ટોક્યો ઓલિમ્પિક્સ
- ટ્રાવેલ
- વાસ્તુ
- વેબ સિરીઝ
Comments