ક્રાઈમ વોચ સમાચાર

  • ક્રાઈમ વોચ

    વલસાડઃ હાઇવે પર ડુપ્લિકેટ ઈ-વે બિલ બનાવી કન્ટેનરમાં લઈ જવાતો દારૂ ઝડપાયો

    વલસાડ- બગવાડા હાઇવે પર ડુપ્લિકેટ ઈ-વે બિલ પર દારૂની હેરાફેરીના કૌભાંડનો પર્દાફાશ થયો છે. ડુપ્લિકેટ ઈ-વે બિલની તપાસ દરમિયાન ઝડપાયેલા કન્ટેનરમાંથી અંદાજે રૂપિયા 23 લાખનો વિદેશી દારૂનો જથ્થો મળી આવતા પારડી પોલીસે વિદશી દારૂ જપ્ત કરી વધુ કાર્યવાહી હાથ ધરી છે. બગવાડા નેશનલ હાઇવે પર GST વિભાગની ટીમ ચેકિંગમાં હતી, તે સમય દરમિયાન કન્ટેનરને અટકાવી, જેમાં ભરેલા સામાન અંગે બિલના પુરવાની તપાસ કરી હતી.આ દરમિયાન આ કન્ટેનરનો ચાલક GST ટીમને જરૂરી કાગળો અને બિલો આપી લઘુશંકાના બહાને ભાગી નીકળ્યો હતો અને તપાસ દરમિયાન ઇ-વે બિલ પણ ડુપ્લિકેટ જણાયું હતું. અટકાવેલા કન્ટેનરની તપાસ લેતા GST વિભાગની ટીમ પણ ચોંકી ગઈ હતી. આ કન્ટેનરમાં ભરેલા સામાનના E-Way બિલમાં દર્શાવવામાં આવેલી કોઈ વસ્તુ નહીં, પરંતુ વિદેશી દારૂની મોટો જથ્થો ભરેલો મળી આવ્યો હતો. આ કન્ટેનરમાંથી અંદાજે 23 લાખનો દારૂ હાથ લાગ્યો હતો. પોલીસે 10 લાખનું કન્ટેનર અને દારૂ કબ્જે લઈ વધુ તપાસ હાથ ધરી છે. આ ટ્રકમાંથી નકલી ઇ-વે બિલ કૌભાંડની સાથે ચતુરાઈપૂર્વક વિદેશી દારૂના હેરફેરી કરનારાઓને ઝડપી પાડવા પારડી પોલીસે ચક્રોગતિમાન કર્યા છે. બગવાડા હાઇવે પર ડુપ્લિકેટ ઈ-વે બિલ પર દારૂની હેરાફેરીના કૌભાંડનો પર્દાફાશ થયો છે. ડુપ્લિકેટ ઈ-વે બિલની તપાસ દરમિયાન ઝડપાયેલા કન્ટેનરમાંથી અંદાજે રૂપિયા 23 લાખનો વિદેશી દારૂનો જથ્થો મળી આવતા પારડી પોલીસે વિદશી દારૂ જપ્ત કરી વધુ કાર્યવાહી હાથ ધરી છે.
    વધુ વાંચો
  • ક્રાઈમ વોચ

    જૂનાગઢ: BJPના અગ્રણીના રિસોર્ટમાં પોલીસ-SOGના દરોડા, 15 જુગારીઓની ધરપકડ

    જુનાગઢ-જુનાગઢ જિલ્લામાં ભાજપના અગ્રણી કરશન ધડુકના એસેલ પાર્ક રિસોર્ટમાં પોલીસે દરોડા પાડ્યા હતા, ત્યારે પોલીસે કુલ 20 જેટલા જુગારીઓને રંગેહાથ ઝડપી તમામ વિરુદ્ધ કાયદેસરની કાર્યવાહી હાથ ધરી છે. જોકે ભાજપના પૂર્વ શહેર પ્રમુખ કરશન ધડુકના પુત્ર મનીષ ધડુકનો પણ સમાવેશ થતાં મુદ્દો ટોક ઓફ ધ ટાઉન બનવા પામ્યો છે. જૂનાગઢમાં એસેલ પાર્ક રિસોર્ટમાં જુગારધામ પર પોલીસે દરોડા પાડ્યા હતા. રિસોર્ટમાં ચાલતા જુગારધામનો પર્દાફાશ થયો છે. ભાજપ અગ્રણીના રિસોર્ટમાં પોલીસે મોટી કાર્યવાહી કરી છે. રિસોર્ટમાંથી ભાજપના પૂર્વ શહેર પ્રમુખ કરશન ધડુકના પુત્ર મનીષ ધડુક અને 2 મહિલા સહિત કુલ 15 લોકોની ધરપકડ કરવામાં આવી છે. આ તમામ જુગારીઓ મોટી રકમના મુદ્દામાલ સાથે ઝડપાયા છે. પોલીસે ઘટનાસ્થળેથી મોટો મુદ્દામાલ પણ કબ્જે લીધો છે. હજુ પણ પોલીસ અને SOGની સંયુક્ત તપાસ ચાલુ છે. ભાજપના અગ્રણીની હોટલમાં જુગારધામના પર્દાફાશથી ચકચાર મચી છે.
    વધુ વાંચો
  • ક્રાઈમ વોચ

    ભાવનગર: ધોળા દિવસે યુવાન પર થયો હુમલો, આરોપીને લોકોએ ઝડપ્યો

    ભાવનગર- શહેરમાં અસામાજિક તત્વોને પોલીસનો ડર ના હોઈ તેવી સ્થિતિઓ સર્જાતી જોવા મળી રહી છે. ત્યારે ભાવનગરની મુખ્ય બજારની પીરછલ્લા શેરીમાં ધોળા દિવસે યુવાન પર હુમલો કરવામાં આવ્યો છે. જો કે આરોપી ત્યાં જ પકડાઈ ગયો હતો. ધોળા દિવસે ભરી બજારમાં અસામાજિક તત્વોની હિંમતથી લોકોમાં ભય ઉભો થયો છે. શહેરની મુખ્ય વોરા બજારની પીરછલ્લા શેરીમાં રહેતા મેહુલ કડીવાલા ઉપર એક શખ્સ દ્વારા ધોળા દિવસે છરીના ઘા જીકતા બજારમાં ચકચાર મચી ગઈ હતી. આ બનાવને લઈને આસપાસના લોકોએ હુમલો કરનારા હેપ્પી વોરા નામના શખ્સને ઝડપી લીધો હતો. બંન્ને યુવાનો વચ્ચે દિવાળીના પર્વ પર થયેલી માથાકૂટને પગલે હુમલો થયો હોવાનું સામે આવ્યું છે. ભાવનગરમાં અસામાજિક તત્વોને પોલીસનો ડર ના હોઈ તેવી સ્થિતિઓ સર્જાતી જોવા મળી રહી છે. ભાવનગરની મુખ્ય બજારની પીરછલ્લા શેરીમાં ધોળા દિવસે યુવાન પર હુમલો કરવામાં આવ્યો હતો. જોકે લોકોએ આરોપીને ત્યાં જ પકડી પાડ્યો હતો. ધોળા દિવસે ભરી બજારમાં અસામાજિક તત્વોની હિંમતથી લોકોમાં ભયનો માહોલ સર્જાયો છે.
    વધુ વાંચો
  • ક્રાઈમ વોચ

    બનાસકાંઠા: 30 વર્ષના યુવકે 60 વર્ષની વૃદ્ધા સાથે દુષ્કર્મ આચર્યુ

    ડીસા-બનાસકાંઠાના ડીસા તાલુકાના ગામે 60 વર્ષિય મહિલા ઉપર દુષ્કર્મ થયાની ફરીયાદ પોલીસ ચોપડે નોંધાતાં ચકચાર મચી ગઇ છે. ખેતરમાં રહેતી મહિલાને એક શખ્સે પહેલાં ગળું દબાવી દુષ્કર્મની કોશિષ કરી હતી. જે બાદમાં આજુબાજુના લોકો આવી જતાં તે આરોપી ફરાર થઇ ગયા બાદ ફરી એકવાર મોડી રાત્રે ખેતરમાં આવી ફરીયાદી મહિલા ઉપર છરીની અણીએ દુષ્કર્મ આચર્યુ હતુ. આ દરમ્યાન ફરીયાદીના પતિ જાગી જતાં આરોપી તેમને ધક્કો મારી ફરાર થઇ ગયો હતો. ઘટનાને લઇ સ્થાનિક પોલીસે ગુનો નોંધી વધુ તપાસ હાથ ધરી છે. મળતી માહિતી મુજબ બનાસકાંઠા જીલ્લાના ડીસા તાલુકાના એક ગામે મહિલા પોતાના પરીવાર સાથે રહે છે. મહિલાના ખેતરમાં ગાય વીવાયેલ હોઇ તેના નાના બચ્ચાંને કોઇ કુતરાં મારી ના નાંખે તે માટે મહિલા અને તેમના પતિ ખેતરમાં હતા. આ વખતે આરોપી ઇસમે પ્રથમવાર આવી મહિલાનું ગળું દબાવી દુષ્કર્મની કોશિષ કરી હતી. જે બાદમાં મહિલા યેન-કેન પ્રકારે છુટી જઇ આસપાસના લોકોને વાત કરતાં તેમને બંને દીકરાઓને ફોન કરી બોલાવ્યાં હતા. જોકે બાદમાં રાત્રે મોડુ થયુ હોવાથી વહેલી સવારે ફરીયાદ કરવાનું નક્કી કર્યુ હતુ.  આ દરમ્યાન ફરીયાદી મહિલા તેમના પતિ સાથે ખેતરમાં સુવા માટે જતાં ફરી એકવાર આરોપી ઇસમ ત્યાં આવી પહોંચ્યો હતો. જ્યાં તેણે છરીની અણીએ જાનથી મારી નાંખવાની ધમકી આપતી મહિલાની મરજી વિરૂધ્ધ શરીર સુખ માણ્યું હોવાનો ફરીયાદમાં ઉલ્લેખ કર્યો છે. આ દરમ્યાન મહિલાના પતિ આવી જતાં આરોપી ઇસમ તેમને ધક્કો મારી ફરાર થઇ ગયો હતો. ઘટના બાદ મહિલાએ આરોપી સામે ડીસા રૂરલ પોલીસ મથકે ફરીયાદ નોંધાવી છે. આ તરફ પોલીસે આરોપી વિરૂધ્ધ આઇપીસીની કલમ 376(1), 506(2) મુજબ ગુનો નોંધી વધુ તપાસ હાથ ધરી છે. 
    વધુ વાંચો