નડીયાદ સમાચાર

  • ગુજરાત

    માત્ર 6 મહિના પહેલા લાખોના ખર્ચે બનેલા ડાકોરને જોડતો મહુધા રોડની હાલત તો જુઓ

    નડિયાદયાત્રાધામ ડાકોરને જોડતો મહુધા રોડ બને હજી ૬ મહિના પણ પૂરા થયા નથી,ત્યાં પ્રથમ વરસાદમાં જ રોડની હાલત ભંગાર થઈ જવા પામી છે.જવાબદાર આર ઍન્ડ બી ના અધિકારીઓ જે તે એજન્સી ને કામ આપ્યા બાદ તેમની સાથે સાંઠગાંઠ કરતા હોવાને કારણે એજન્સી દ્વારા રોડનાં કામમાં ભારે વેઠ ઉતારવામાં આવી હોવાના આક્ષેપો થઈ રહ્યા છે. ડાકોર ગાયોનાં વાડાથી મહુધા તરફનાં માર્ગે સામાન્ય વરસાદ થતાં જ રસ્તાની પોલ ખુલી જવા પામી છે. લાખો રૂપિયાના ખર્ચે બનેલા રોડની કફોડી હાલત જોઈને જવાબદાર તંત્ર અને એજન્સી વચ્ચે સારો તાલમેલ હોવાનું સાબિત થઈ રહ્યું છે. હલકી ગુણવત્તા નું મટીરીયલ વાપરવામાં આવ્યું હોવાને કારણે ટૂંકાગાળા માં રોડ ઉપર નો ડામર ઉખડી ને મસમોટા ખાડા થઈ જવા પામ્યા છે,જેને પગલે દ્વી ચક્રી વાહનો, કાર જેવા વાહનચાલકો ને અકસ્માત નો ભય સતાવી રહ્યો છે તેમજ ભારે વાહનો ઉખડી ગયેલા રોડ ને કારણે ફસાઈ જવાના બનાવો બની રહ્યા છે. ડાકોરથી મહુધા વચ્ચે બનેલા રોડનું સત્વરે સમારકામ કરી ને દુરસ્ત કરવામાં આવશે કે પછી ગેરંટી સમય પૂરો થાય ત્યાં સુધી વાહન ચાલકો ને ઉબડ ખાબડ રોડ ઉપર જ પસાર થવું પડશે તે બાબત માર્ગ મકાન વિભાગના જવાબદારો જ નક્કી કરશે તેમ જોવા મળી રહ્યું છે.સામાન્ય વરસાદ માં ધોવાઈ ગયેલા રોડની હાલત વધુ ભારે વરસાદ માં કેવી થાય છે તે જોવું રહ્યું !
    વધુ વાંચો
  • ગુજરાત

    CMના અધ્યક્ષસ્થાને મળેલી કોર કમિટીમાં લેવાયા મહત્વપૂર્ણ નિર્ણય, 8 મહાનગરોમાં જ રાત્રિ કરફયુ અમલમાં રહેશે

    અમદાવાદ-શાળા-કોલેજો અન્ય સંસ્થાઓની પ્રવેશ પરીક્ષાઓ તેમજ સ્પર્ધાત્મક ભરતી પરીક્ષાઓ કોરોના ગાઇડલાઇનના પાલન સાથે – નિયત એસ.ઓ.પી. સાથે યોજી શકાશે. ધોરણ-૯ થી પોસ્ટ ગ્રેજ્યુએટ સુધીના તેમજ તમામ પ્રકારની સ્પર્ધાત્મક ભરતી પરીક્ષાઓ માટેના કોચિંગ-ટયૂશન કલાસીસ સ્થળની ક્ષમતાના પ૦ ટકા વિદ્યાર્થીઓ સાથે બેચ વાઇઝ અને કોરોના એસ.ઓ.પી.ના પાલન સાથે શરૂ કરી શકાશે મુખ્યમંત્રી વિજયભાઇ રૂપાણીના અધ્યક્ષસ્થાને મળેલી કોર કમિટીની બેઠકમાં રાજ્યમાં છેલ્લા કેટલાક દિવસોથી કોરોનાના દૈનિક કેસોમાં થઇ રહેલા સતત ઘટાડા અને પ્રવર્તમાન સ્થિતીની પૂન:સમીક્ષા કરીને કેટલાંક મહત્વપૂર્ણ નિર્ણયો લેવામાં આવ્યા છે.મુખ્યમંત્રીની અધ્યક્ષતાની આ કોર કમિટીમાં લેવાયેલા નિર્ણયો મુજબ રાજ્યમાં હવે અમદાવાદ, વડોદરા, સુરત, રાજકોટ, ભાવનગર, જામનગર, જૂનાગઢ અને ગાંધીનગર એ આઠ મહાનગરોમાં જ રાત્રિ કરફયુનો અમલ કરાશે. અગાઉ આ આઠ મહાનગરો સહિત રાજ્યના ભૂજ, મોરબી, પાટણ, મહેસાણા, ભરૂચ, નવસારી, વલસાડ, અંકલેશ્વર અને વાપીમાં રાત્રી કરફયુ અમલમાં હતો તેમાંથી હવે આઠ મહાનગરો પૂરતો જ આ રાત્રિ કરફયુ અમલમાં રહેશે. આ રાત્રિ કરફયુ તા.૧૦મી જુલાઇ-ર૦ર૧ના રાત્રે ૧૦ કલાકથી તા.ર૦ જુલાઇ-ર૦ર૧ના સવારે ૬ કલાક સુધીના સમય દરમિયાન દરરોજ રાત્રે ૧૦ થી સવારે ૬ સુધી આ આઠ મહાનગરોમાં રહેશે. વિજયભાઇ રૂપાણી અને કોર કમિટીએ એવો પણ નિર્ણય કર્યો છે કે રાત્રિ કરફયુ અમલમાં છે તે શહેરોમાં તમામ દુકાનો, વાણિજ્યક સંસ્થાઓ, લારી-ગલ્લાઓ, શોપિંગ કોમ્પ્લેક્સ, માર્કેટીંગ યાર્ડ, અઠવાડીક ગુજરી/બજાર/હાટ, હેર કટીંગ સલૂન, બ્યુટી પાર્લર તેમજ અન્ય વ્યાપારિક ગતિવિધિ રાત્રિના ૦૯:૦૦ કલાક સુધી ખુલ્લા રાખી શકાશે.(તમામ માલિકો, સંચાલકો, કર્મચારીઓ તેમજ કામગીરી સાથે સંકળાયેલ તમામ વ્યકિતઓએ તા.૩૧.૦૭.૨૦૨૧ સુધીમાં વેક્સિનનો પ્રથમ ડોઝ લેવાનો રહેશે અન્યથા આવા વાણિજ્યિક એકમો ચાલુ રાખી શકાશે નહી.રેસ્ટોરેન્ટ્સ રાત્રિના ૦૯:૦૦ કલાક સુધી બેસવાની ક્ષમતાના મહત્તમ ૬૦% ક્ષમતા સાથે કોરોના ગાઇડલાઇનનું પાલન કરવાની શરતે નિયત S.O.P.ને આધિન ચાલુ રાખી શકશે. તમામ માલિકો, સંચાલકો, કર્મચારીઓ તેમજ કામગીરી સાથે સંકળાયેલ તમામ વ્યકિતઓએ તા.૩૧.૦૭.૨૦૨૧ સુધીમાં વેક્સિનનો પ્રથમ ડોઝ લેવાનો રહેશે અન્યથા આવા રેસ્ટોરેન્ટસ ચાલુ રાખી શકાશે નહી, તેમ પણ નિર્ણય કરવામાં આવ્યો છે.રેસ્ટોરેન્ટ્સ Home deliveryની સુવિધા રાત્રિના ૧૨:૦૦ કલાક સુધી ચાલુ રાખી શકશે. જીમ ૬૦% ક્ષમતા સાથે કોરોના ગાઇડલાઇનનું પાલન કરવાની શરતે નિયત S.O.P.ને આધિન ચાલુ રાખી શકશે.( તમામ માલિકો, સંચાલકો, કર્મચારીઓ તેમજ કામગીરી સાથે સંકળાયેલ તમામ વ્યકિતઓએ તા.૩૧.૦૭.૨૦૨૧ સુધીમાં વેક્સિનનો પ્રથમ ડોઝ લેવાનો રહેશે અન્યથા આવા જીમ ચાલુ રાખી શકાશે નહી.જાહેર બાગ-બગીચાઓ રાત્રિના ૦૯:૦૦ કલાક સુધી જાહેર જનતા માટે કોરોના ગાઇડલાઇનનું પાલન કરવાની શરતે નિયત S.O.P.ને આધિન ખુલ્લા રાખી શકાશે. આ સમયગાળા દરમ્યાન લગ્ન માટે ખુલ્લા અથવા બંધ સ્થળોએ મહત્તમ ૧૫૦ (એકસો પચાસ) વ્યક્તિઓની મંજૂરી રહેશે. લગ્ન માટે DIGITAL GUJARAT PORTAL પર નોંધણીની જોગવાઇ યથાવત રહે છે.અંતિમક્રિયા/દફનવિધી માટે મહત્તમ ૪૦ (ચાળીસ) વ્યક્તિઓની મંજુરી રહેશે.તમામ પ્રકારના રાજકીય, સામાજીક, શૈક્ષણિક, સાંસ્કૃતિક, ધાર્મિક કાર્યક્રમોમાં તેમજ ધાર્મિક સ્થળોમાં કોરોના ગાઇડલાઇનનું પાલન કરવાની શરતે નિયત S.O.P.ને આધિન, ખુલ્લામાં મહત્તમ ૨૦૦ વ્યકિતઓ પરંતુ, બંધ સ્થળોએ, જગ્યાની ક્ષમતાના ૫૦% (મહત્તમ ૨૦૦ વ્યક્તિઓની મર્યાદામાં) વ્યકિતઓ એકત્રિત થઇ શકશે. ધો.૯ થી પોસ્ટ ગ્રેજ્યુએટ કોર્ષ સુધીના કોચીંગ/ટ્યુશન કલાસીસ તેમજ તમામ પ્રકારની સ્પર્ધાત્મક પરીક્ષાઓ માટેના કોચિંગ સેન્ટરો સ્થળની ક્ષમતાના મહત્તમ ૫૦% વિદ્યાર્થીઓ સાથે બેચવાઇઝ કોરોના ગાઇડલાઇનનું પાલન કરવાની શરતે નિયત S.O.P. સાથે ચાલુ રાખી શકાશે.શાળા, કોલેજ, અન્ય સંસ્થાઓની પ્રવેશ પરીક્ષાઓ તેમજ સ્પર્ધાત્મક પરીક્ષાઓ કોરોના ગાઇડલાઇનનું પાલન કરવાની શરતે નિયત S.O.P. સાથે યોજી શકાશે. કોર કમિટીની આ બેઠકમાં નાયબ મુખ્યમંત્રી નિતીનભાઇ પટેલ, ઊર્જા મંત્રી સૌરભભાઇ પટેલ, ગૃહ રાજ્યમંત્રી પ્રદિપસિંહ જાડેજા, મુખ્ય સચિવ અનિલ મુકીમ, મુખ્યમંત્રીના મુખ્ય અગ્ર સચિવ કે. કૈલાસનાથન, ગૃહ વિભાગના અધિક મુખ્ય સચિવ પંકજકુમાર, મુખ્યમંત્રી મુખ્ય અધિક સચિવ એમ. કે. દાસ, આરોગ્ય અધિક મુખ્ય સચિવ મનોજ અગ્રવાલ અને વરિષ્ઠ સચિવો ઉપસ્થિત રહ્યા હતા. 
    વધુ વાંચો
  • ગુજરાત

    ગુજરાતના આ શહેરને કોલેરા ભયગ્રસ્ત જાહેર કરાતા લોકોમાં ફફડાટ ફેલાયો

    નડિયાદ-ગુજરાત હજુ કોરોના વાયરસની બીજી લહેરમાથી બહાર નીકળ્યું નથી, તેવામાં નડિયાદ શહેર એક ભયાનક રોગમાં સપડાયું છે. નડિયાદ શહેરને કોલેરા ભયગ્રસ્ત જાહેર કરાતા હડકંપ મચી ગયો છે. આસપાસના ગામડાઓમાં લોકો ડરી રહ્યા છે. નડિયાદ શહેર અને આસપાસનો ૧૦ કિ.મી. વિસ્તારને ભયગ્રસ્ત જાહેર કરવામાં આવ્યો છે. આ માટે ખેડા કલેક્ટર દ્વારા એક જાહેરનામું બહાર પડાયું છે. જેમાં શહેરમાં ઝાડા-ઉલટીના કેસો નોંધાતા તાબડતોડ રીતે આ ર્નિણય લેવાયો હોવાનું જાણવા મળ્યું છે. એક મહિના સુધી નડિયાદ કલેક્ટરનું જાહેરનામું અમલમાં રહેશે. નપાના ચીફ ઓફિસસને પણ આ રોગને કાબૂમાં લેવા માટે જરૂરી પગલા લેવા સૂચના આપી દેવામાં આવી છે.આ વિશે મળતી માહિતી પ્રમાણે નડિયાદ શહેરના કનીપુરા વિસ્તારમાંથી કોલેરાનો કેસ મળી આવ્યો છે, બુધવારે શહેરના જુદા જુદા વિસ્તારમાંથી આરોગ્ય વિભાગે ૧૦ જેટલા સેમ્પલ લીધા હતા. જેના ટેસ્ટિંગ દરમિયાન કોલેરા પોઝિટિવ મળી આવતા તંત્ર દ્વારા નડિયાદ પાલિકા વિસ્તારને કોલેરાગ્રસ્ત તેમજ આસપાસના ૧૦ કિ મી ના વિસ્તાર કોલેરા ભયગ્રસ્ત જાહેર કરવામાં આવ્યું છે. નડિયાદ શહેરમાં ખાણી-પીણીની લારીઓ તેમજ અન્ય હાટડીઓ શરૂ થઇ ગઇ છે. શહેરમાં ઠેક ઠેકાણે ગંદકીની પણ ફરિયાદ ઉઠી છે. ત્યારે જિલ્લા આરોગ્ય વિભાગ દ્વારા કનીપુરા, જવાહર નગર, મિલ રોડ, કપડવંજ રોડ પરથી સંકાસ્પદ કોલેરાના સેમ્પલો લેવાયા હતા. જેના ટેસ્ટિંગ દરમિયાન કેસ મળી આવ્યા હતા. નગરપાલિકા દ્વારા પશ્ચિમ વિસ્તારમાં સફાઈ નહીં થતી હોવાને કારણે ગંદકીની સમસ્યા વકરી છે. ત્યારે કોલેરાગ્રસ્ત નડિયાદને તેમાંથી બહાર લાવવા પાલિકા પગલા ભરે તે જરૂરી છે.
    વધુ વાંચો
  • ગુજરાત

    અહિંયા નગરપાલિકા શોપિંગ સેન્ટરની 3 દુકાનનો જર્જરિત સ્લેબ ધરાશાય, કોઈ જાનહાની નહિ

    નડિયાદ-નડિયાદ નગરપાલિકાની પાછળ આવેલા શોપિંગ કોમ્પલેક્ષમાં 3 દુકાનોના આગળનો જર્જરિત સ્લેબ ધરાશાયી થયો હતો. આ સ્લેબ ધરાશયી થવાના કારણે સદનસીબે કોઈ જાનહાની થઇ ના હતી. ઘટનાની જાણે થતા નગરપાલિકાની ટિમ ઘટનાસ્થળે દોડી ગઈ હતી. નગરપાલિકા ની ટીમ દ્વારા કાટમાળને ખસેડવાની કામગીરી હાથ ધરી હતી. નડિયાદ નગરપાલિકા પાછળ 45 વર્ષ જૂનું શોપિંગ સેન્ટર આવેલું છે. આ ઘટના બાદ નડિયાદ નગર પાલિકાની પ્રિ-મોન્સૂન કામગીરી પર પણ સવાલ ઉઠી રહ્યા છે.
    વધુ વાંચો