ભાવનગર સમાચાર

  • ગુજરાત

    સુરતમાં બસમાં લાગેલી આગમાં ભાવનગરની મહિલાનું કરૂણ મોત નિપજ્તા પરિવારમાં શોક

    ભાવનગર, સુરત શહેરમાં ગઈકાલે રાત્રે એક બસમાં આગ લાગી હતી. જેમાં ભાવનગરની એક મહિલાનું મોત થયું છે. સુરતથી ભાવનગર જવા નીકળેલી રાજધાની ટ્રાવેલ્સની બસમાં ગઈકાલે એકાએક આગ લાગી હતી. આ બનાવમાં ભાવનગરનું નવયુગલ ભોગ બન્યું છે. જે પૈકી પરિણીતા ઘટના સ્થળે જ ભડથું થઈ જતા કમકમાટી ભર્યું મોત નિપજ્યું હતું. જયારે તેના પતિ પણ ગંભીર રીતે દાજી જતા હાલ હોસ્પિટલની બિછાને છે. આ ઘટનાથી ભારે અરેરાટી સાથે આઘાત છવાઈ ગયો હતો. આ બનાવની વિગતો મુજબ સુરતના યોગીચોક પાસે મંગળવારે મોડી રાત્રે રાજધાની ટ્રાવેલ્સની લકઝરી બસમાં આગ લાગતાં જ એસીનું કોમ્પ્રેસર ધડાકાભેર ફાટ્યું હતું. જેને કારણે આગ વધુ વિકરાળ બની હતી. બસમાં જમણી બાજુ ડબલ સીટ કેબિનમાં બેઠેલા યુગલમાંથી યુવક તો બહાર નીકળી ગયો હતો, પરંતુ મહિલા ત્યાં જ ફસાઈ જતાં તે જીવતી સળગી ગઈ હતી. આજે મૃતકના પરિવારજનોએ સુરત પહોંચી પરિણીતાએ પહેરેલી વીંટી, ઝાંઝર અને કપડાના આધારે શબ પરિણીતાનું જ હોવાનું ઓળખી બતાવ્યું હતું. પોસ્ટમોર્ટમ સહિતની જરૂરી વિધિ બાદ મૃતદેહ સોપાતા બપોરે પરિવારજનો તાન્યાબેનનું શબ અને ઈજાગ્રસ્ત વિશાલભાઈને લઈને ભાવનગર આવવા નીકળ્યા હતા. જ્યા ભાવનગરમાં યુવતીના અંતિમ સંસ્કાર કરવામાં આવ્યાં હતા.આ બનાવમાં ભોગ બનનાર સિંધી દંપતીની ગોવાથી અમદાવાદની આજે બુધવારની ફ્લાઈટ હતી પરંતુ કોવિડના કારણે તે ફ્લાઈટ કેન્સલ થઈ હતી. જયારે હવાઈ સેવાની કંપનીએ એક દિવસ અગાઉની સૂરતની ફ્લાઈટમાં ટિકિટની વ્યવસ્થા કરી આપતા મંગળવારે જ ગોવાથી પીકઅપ કરી દંપતી સૂરત જવા નીકળ્યું હતું, સાંજે ૫ વાગ્યા આસપાસ સુરત પહોંચ્યા અને ભાવનગર આવવા રાજધાની ટ્રાવેલ્સમાં હીરાબાગથી બેઠા હતા. તેની થોડી વારમાં જ આગ ફાટી નીકળી હતી.આ બનાવમાં ભોગ ગ્રસ્ત દંપતીના લગ્ન થયાને હજુ બે વર્ષ જ થયા હતા, ૧૭મીએ એનિવર્સરી હોવાથી આ દંપતી ગોવા ફરવા ગયું હતું. પીરછલ્લા શેરીમાં સાગર દુપટ્ટા નામે વ્યવસાય કરતા વિશાલ નારાયણભાઇ નવલાણી (રે. રસાલા કેમ્પ, ડોકટર હાઉસ સામે, રમ નંબર ૭, ઘર નં ૧૮૨) તેમના પત્ની તાન્યાબેન સાથે ગોવા ફરવા ગયા હતા. રિટર્ન ફરતી વખતે સુરતથી ખાનગી બસમાં ભાવનગર આવવા નીકળ્યા હતા.રાજધાની ટ્રાવેલ્સની બસની ડીકીમાં સેનેટાઇઝર હોવાથી આગ વધુ ભડકી હોવાનું ભોગગ્રસ્તના સગાઓએ જણાવ્યું હતું. આ મામલે ઊંડી તપાસ કરવા માંગ કરાઈ છે. સુરત બસ અકસ્માતમાં મૃત્યુ પામેલ ભાવનગરની દીકરી અને ઈજાગ્રસ્ત વ્યક્તિઓને સરકાર સહાય આપે તેમની ઉચ્ચ સારવાર કરાવે અને ઘટનાના જવાબદાર લોકો પર કાયદેસરની કડક કાર્યવાહી થાયે તેવી સમાજ સેવી કમલેશ ચંદાણીએ માંગ કરી છે.
    વધુ વાંચો
  • ગુજરાત

    જપ્ત કરાયેલા બે જહાજને ૮૫ લાખની પેનલ્ટી ફટકારાઈ

    ભાવનગર,એક માસ અગાઉ અલંગ શિપ બ્રેકિંગ યાર્ડમાં અંતિમ સફર એ આવેલા બે જહાજના આઈ.એમ.ઓ. નંબર શંકાસ્પદ હોવાના કારણે જામનગર કસ્ટમ્સની પ્રિવેન્ટિવ ટીમ દ્વારા બંને જહાજને સીઝ કરવામાં આવ્યા હતા. આ બંને શિપને કસ્ટમ વિભાગ દ્વારા ૮૫ લાખની પેનલ્ટી ફટકારાઈ છે.ડિસેમ્બર માસના પ્રથમ સપ્તાહમાં અલંગ શિપ બ્રેકિંગ યાર્ડ ના પ્લોટ નંબર ૮૭-એ (ગોહિલવાડ શિપ બ્રેકર્સ) દ્વારા કોરલ નામનું જહાજ ખરીદવામાં આવ્યું હતું જ્યારે પ્લોટ નંબર ૨૮ (ક્રાઉન સ્ટીલ કંપની) દ્વારા સી-ગોલ્ડન નામનું જહાજ ખરીદવામાં આવ્યું હતું. આ બંને શિપનું નિયમ અનુસાર ભાવનગર કસ્ટમ દ્વારા બોર્ડિંગ અને રૂમેઝિગ પણ કરવામાં આવ્યું હતું. ત્યાં સુધી કોઈ સમસ્યા ન હતી. પરંતુ એકાએક જામનગર કસ્ટમની પ્રિવેન્ટિવ ટુકડી દ્વારા આ બંને શિપનું ફરી એક વખત તલસ્પર્શી ચકાસણી કરવામાં આવી હતી. અને જહાજનો ૈર્દ્બ નંબર અગાઉ કંઈક જુદો હતો અને વર્તમાનમાં કંઈક અલગ દર્શાવવામાં આવ્યો હોવાનું જાણવા મળ્યું હતું. બંને શિપના કેપ્ટનનો, એજન્ટ સહિતના નિવેદનો નોંધ્યા બાદ કસ્ટમ દ્વારા બંને જહાજ સીઝ કરવામાં આવ્યા હતા. દરમિયાન ગોહિલવાડ શિપ બ્રેકર્સ અને ક્રાઉન સ્ટીલ કંપની દ્વારા હજુ શીપની ફિઝિકલ ડિલિવરી લીધી નહીં હોવાથી બંને વ્યવસાયકારોએ જહાજ છોડી દીધા હતા. હવે એક મહિના બાદ જામનગર કસ્ટમની પ્રિવેન્ટિવ ટુકડી દ્વારા બંને જહાજ પર ૮૫ લાખની પેનલ્ટી ફટકારવામાં આવી છે.અગાઉ અલંગમાં આવતા પૂર્વે ઉપરોક્ત બંને જહાજાેએ કરાચી આઉટર પોર્ટ લિમિટમાં ઈંધણ અને પ્રોવિઝન મેળવ્યું હતું. ઉપરાંત ગુજરાતની જળસીમામાં પ્રવેશતા પૂર્વે બંને જહાજાેએ સંદેશા વ્યવહારના સાધનો બંધ કરી દીધા હતા, તેથી સુરક્ષા એજન્સીઓના રડારમાં આ શિપ આવ્યા હતા. જામનગર કસ્ટમની પ્રિવેન્ટિવ ટુકડી દ્વારા અલંગ શિપ બ્રેકિંગ યાર્ડમાં આવેલા કોરલ અને સી-ગોલ્ડન શિપને ખોટા ૈંસ્ર્ં નંબર હોવાનું કહી સીઝ કરવામાં આવ્યા હતા. હવે એક મહિના બાદ ૮૫ લાખની પેનલ્ટી ફટકારી બંને શિપ રીલિઝ કરવામાં આવ્યા છે. અહીં પ્રશ્નો ઉપસ્થિત થાય છે કે, જાે બંને જહાજાે ખોટા ૈર્દ્બ નંબર વાળા હોય તો પેનલ્ટી ભરીને તે શું કાયદેસર થઈ શકે છે?. કોસ્ટ ગાર્ડ‌ અને ભાવનગર કસ્ટમની ચકાસણીમાં કાંઈ ‌મળ્યુ ન હતું. તો શા માટે જામનગર કસ્ટમે બંને જહાજને સીઝ કર્યા હતા?. સીઝ કરવામાં બંને જહાજાે ની અનિયમીતતા હતી તો, પેનલટીથી આવા જહાજાે છોડી શકાય ખરી? આવા અનેક પ્રશ્નો ઉભા થયા છે.
    વધુ વાંચો
  • ગુજરાત

    ધ્રાંગધ્રામાં ઉતરાયણ નજીક હોવા છતા પતંગ-દોરાના ધંધામાં મંદી

    ધ્રાંગધ્રા પંથકમાં એકતરફ કોરોના પોઝિટીવ કેસોનો સંખ્યા વધતી જાય છે ત્યારે આ તરફ મકરસંક્રાંતિના પવઁ સમયે જ કોરોનાની ત્રીજી લહેરે માથુ ઉચકતા હવે પતંગ-દોરાના ધંધામા મંદી જાેવા મળે છે એક તરફ કોરોનાનુ ગ્રહણ અને બીજી તરફ પતંગ તથા માંજા સહિતની ચીજાેમાં ૨૫થી ૩૦ ટકાના ભાવનો વધારો થતા ધંધાથીઁઓને પોતાનો માલ-સામાન ઘર જમાઇ પડ્યો રહે તેવી સ્થિતી ઉભી થઇ શકે છે ત્યારે આ વષેઁ ભાવમાં વધારો તથા ધંધાથીઁઓ પણ પતંગ-પોતાનો ધંધો કરીને પસ્તાઇ રહ્યા હોવાનુ વેપારીઓ દ્વારા જણાવાયુ છે.મકરસંક્રાંતિ પર્વના અંતિમ રવિવારે ભાવેણામાં રીલ-દોરા પર માંઝો ચડાવવા ભીડ ઉમટી ભાવનગર ભાવનગરમાં પતંગ પર્વ પૂર્વેના અંતિમ રવિવારે પતંગ રસીકો દ્વારા મકરસંક્રાંતિની તૈયારીઓનો માહોલ બરાબર જાેવા મળ્યો હતો. શહેરમાં ઠેરઠેર પતંગ રીલ સાથે સંક્રાંતિ પર્વની વિવિધ વસ્તુઓની ખરીદી સાથોસાથ રીલ-દોરાને માંઝો ચડાવવા ભારે ગીર્દી જમાવી હતી. શહેરમાં આવેલા એવી સ્કૂલ ગ્રાઉન્ડ ખાતે સ્થળોએ પતંગ-ફીરકીઓ રીલ તથા દોરા પર માંઝો ચડાવવા સિવાય બીજી કોઈ વાત જણાતી ન હતી. લોકો મકરસંક્રાંતિ ઉજવવા થનગની રહ્યાં હોય તેમ માસ્ક સોશિયલ ડીસ્ટન્સ સહિતની ગાઈડલાઈનોની ઐસીતૈસી કરી બેફીકર બની ફરતાં ખરીદી કરતાં નઝરે ચડ્યાં હતાં.શહેરના બોરતળાવ રોડ એવી સ્કૂલ સહિત અનેક સ્થળોએ રીલ-દોરા પર માંઝો ચડાવવા પતંગ રસીયાઓએ ભીડ જમાવી કલાકો સુધી રાહ જાેઈ હતી. તો બીજી તરફ કોરોના મહામારીની ત્રીજી લહેરને પગલે શાળાઓમાં ઓફલાઈન શિક્ષણ બંધ કરવામાં આવ્યું હોય અને રવિવાર હોય આથી શહેરના કેટલાક વિસ્તારોમાં બાળકો યુવાનો સવારથી જ અગાશીઓ પર મ્યૂઝિક સિસ્ટમ પતંગ-ફિરકી સાથે પહોંચી ગયા હતા.
    વધુ વાંચો
  • ગુજરાત

    જનજાગૃતિ કેળવાશે તો જ સિંગલ યુઝ પ્લાસ્ટિકનો વપરાશ બંધ થશે

    ભાવનગર, સિંગલ યુઝ પ્લાસ્ટિકનો વપરાશ કરવાથી થતાં નુકશાન અને ઉભી થનાર કાયદાકીય જવાબદારીઓ અંગે માર્ગદર્શન આપવા માટે સૌરાષ્ટ્ર ચેમ્બર ઓફ કોમર્સ એન્ડ ઇન્ડસ્ટ્રી અને ભાવનગર મહાનગરપાલિકાનાં સોલીડ વેસ્ટ મેનેજમેન્ટ વિભાગનાં સંયુક્ત ઉપક્રમે એક માર્ગદર્શન સેમિનારનું આયોજન ચેમ્બર હોલ ખાતે કરાયું જેમાં સૌરાષ્ટ્ર ચેમ્બરના પ્રમુખ કિરીટભાઈ સોનીએ જણાવેલ કે સિંગલ યુઝ પ્લાસ્ટિકનો વપરાશ બંધ કરવા અંગેનો જે કાયદો છે તેનું અર્થઘટન સૌ સમજીએ અને તેનું પાલન કરીએ. નાયબ મ્યુનિસિપલ કમિશનર ડી. એમ. ગોહિલે જણાવેલ કે પ્રતિબંધિત પ્લાસ્ટિક અંગે સૌ કોઈએ જાગૃતિ કેળવવી જાેઈએ. સૌએ આ કામ પોતાનું છે તેમ માનીને કરવું જાેઈએ. જાે દરેક વ્યક્તિ જવાબદારી સમજે તો સમસ્યા નહી રહે. સૌરાષ્ટ્ર ચેમ્બરના માનદ્દ મંત્રી કેતનભાઈ મેહતાએ કાર્યક્રમની પૂર્વ-ભૂમિકા આપી હતી. મ્યુ. સોલીડ વેસ્ટ વિભાગનાં કાર્યપાલક ઈજનેર જે. એમ. સોમપુરાએ જણાવ્યું હતુ કે સિંગલ યુઝ પ્લાસ્ટિકનાં કારણે ખુબ જ પ્રદુષણ થાય છે અને ગાય કે અન્ય પશુઓ ખાય છે તેના કારણે આ પશુઓને પણ નુકશાન થાય છે. આ રીતે પ્લાસ્ટિક ધીમે ધીમે દુષણ થતું જાય છે. શહેરી વિસ્તારમાં સરકારી નિયમ મુજબ ૭૫ એમ.એમ.થી નીચેનું પ્લાસ્ટિક વાપરવું પ્રતિબંધિત છે. આજે સૌ વેપારીઓ ભેગા મળી સંકલ્પ કરે કે ૭૫ એમ.એમ. થી નીચેના પ્લાસ્ટિક બેગનો વપરાશ નહિ કરીએ તો ગ્રાહકોને થેલી લઈને ખરીદી કરવા આવવું પડશે જેથી ઝબલાનું દુષણ નાબુદ થશે. બાદ પ્રશ્નોત્તરી રાખવામાં આવેલ જેમાં શહેરીજનોએ અને વેપારીઓએ મુંઝવતાં પ્રશ્નો રજુ કરેલ તેના સંદર્ભમાં ઉપસ્થિત બન્ને અધિકારીઓએ માર્ગદર્શન આપેલ. આ પ્રસંગે સૌરાષ્ટ્ર ચેમ્બરના હોદ્દેદારો, મેનેજીંગ કમિટીના સભ્યો, વિ. ઉપસ્થિત રહ્યાં હતા. સંચાલન મિતેશભાઇ પટેલે અને આભારવિધિ નીતિનભાઈ પટેલે કરી હતી.
    વધુ વાંચો
  • ગુજરાત

    ગઢડા રોડ પર વારંવાર પડતા મસમોટા ખાડાઓને લઇ વાહનચાલકોમાં રોષ

    ગઢડા, બોટાદ શહેરનાં રસ્તાઓમાં ઠેકઠેકાણે મસમોટા ગાબડાઓ પડી ગયા છે. આ ગાબડાઓ તંત્ર દ્વારા પુરવામાં આવે છે પરંતુ માત્ર ગણતરીનાં કલાકોમાં પાછા એજ સ્થળે મસમોટા ગાબડાઓ પડી જતા તંત્રનો ભ્રષ્ટાચાર ઉડીને આંખે વળગી રહ્યો છે. ત્યારે બોટાદની જનતા તંત્રને થેકસ કહી આભાર માની રહી છે કે હજી સુધી કોઈ મોટો અકસ્માત સર્જાયો નથી, તો શું ? તંત્ર આ રોડ પરનાં ગાબડા બુરવામાં મોટા અકસ્માતની રાહ જાેઈ રહ્યું છે કે વારંવાર આ ખાડાઓ માટીઓથી બુરી ભ્રષ્ટાચાર કરી રહ્યું છે ? બોટાદ શહેરના માર્ગોને જાણે ગ્રહણ લાગ્યું હોય તેમ શહેરનાં મોટાભાગના રોડ રસ્તાઓમાં મસમોટા ગાબડાઓ પડી ગયા છે. આ ગાબડાઓમાં ભૂલેચુકે વાહન પડી જાય તો મોટું નુકશાન થાય છે. ગઢડા રોડ ઉપર નાગલપર દરવાજા થી ગુરૂકુળ સુધીમાં રોડ ઉપર મસમોટા વારંવાર પડતા ગાબડાનાં લીધે તંત્રને રજૂઆત કરવાથી તંત્ર દ્વારા આ ગાબડાઓનું રીપેરીંગ કામ કરવામાં આવે છે પરંતુ બે થી ત્રણ દિવસમાં આ પુરેલ ગાબડાઓ વાહન ચાલવાથી ઉખડીજતા એકને એક જગ્યા ઉપર વારંવાર ગાબડાઓ પડે છે. જેને લઇ તંત્રની નબળી કામગીરી સામે લોકો રોષે ભરાયા છે. મસમોટા ગાબડાઓનાં લીધે અજાણ્યા વાહન ચાલકોને રાત્રીના સમયે આ ખાડાઓ ન દેખાતા પોતાના વાહનો આ મસમોટા ખાડામાં પડતા વાહનોમાં મોટું નુકશાન થાય છે અને ક્યારેક તો અકસ્માતો પણ સર્જાય છે માટે તંત્ર દ્વારા આ ગાબડાઓ વહેલીતકે રીપેરીંગ કરાય તેવું શહેરીજનો ઇચ્છી રહ્યા છે.
    વધુ વાંચો
  • ગુજરાત

    હાઇકોર્ટે પિટિશન નામંજૂર કરતા કંસારામાં ૪ મકાનો પર બુલડોઝર

    ભાવનગર, કંસારા સજીવી કરણ પ્રોજેક્ટમાં અડચણરૂપ દબાણો હટાવવાની કામગીરી છેલ્લા ચાર દિવસથી ચાલી રહી છે પરંતુ તેમાં સુભાષનગર બ્રિજ થી તિલકનગર પુલ વચ્ચે કંસારાના કાંઠે ચાર બાંધકામોનો દબાણ હતું જેઓએ હાઇકોર્ટમાં દાદ માગી હતી પરંતુ પિટિશન નામંજૂર થતા આજે કોર્પોરેશન દ્વારા ચારેય બાંધકામો પર બુલડોઝર ફેરવ્યું હતું. કોર્પોરેશનના ટાઉન ડેવલોપમેન્ટ અને ટાઉન પ્લાનીંગ વિભાગ દ્વારા કંસારા પ્રોજેક્ટમાં અડચણરૂપ દબાણો હટાવવા માટે પોલીસ બંદોબસ્ત સાથે છેલ્લા ચાર દિવસથી કામગીરી આરંભી છે. રામ મંત્ર બ્રિજથી કંસારા પ્રોજેક્ટના છેવાડા તિલકનગર ડિસ્પોઝલ પુલ સુધી ગદાણ હટાવવાની કામગીરી કરી હતી. સુભાષનગર બ્રિજ થી તિલકનગર પુલ સુધીમાં ચાર મકાન માલિકો દ્વારા હાઇકોર્ટમાં પિટિશન દાખલ કરી હતી. જેથી કોર્પોરેશન દ્વારા ચાર મકાનોને તોડી પાડ્યા નહોતા. ગઈકાલે તારીખ ૬ ના રોજ હાઇકોર્ટમાં અરજદારોને સાંભળ્યા બાદ આજે તારીખ ૭ ના રોજ હિયરીંગ પણ આપી દીધું હતું. જેથી મકાન માલિકોને સ્ટે નહીં મળતા આજે કોર્પોરેશન દ્વારા સાંજે કંસારા કાંઠે આવેલા ચારેય મકાનો પર બુલડોઝર ફેરવી દીધું હતું. જેથી શહેરમાં કંસારાના પ્રોજેક્ટ માટે આ જમીન ખુલ્લી થઈ ગઈ હતી. આ અવસરે લોકો મોટી સંખ્યામાં જાેવા મળ્યા હતા. મનપાના મિલકતવેરા માસ જપ્તીની ઝુંબેશ સતત યથાવત રહેતા આજે માસ જપ્તીની ટીમ દ્વારા વેરો ભરપાઇ નહીં કરનાર ૮૬ મિલકતોની જપ્તી કરવામાં આવી હતી. પરંતુ તે પૈકી ૫૩ મિલકત ધારકોએ ૧૯ લાખનો વેરો ભરપાઇ કરતા જપ્તીની કાર્યવાહીમાં રાહત થઇ હતી. 
    વધુ વાંચો
  • ગુજરાત

    ભાવનગરમાં ડ્રેનેજ લાઇનના ખોદકામ દરમિયાન ગેસની લાઇન તૂટતાં હિટાચી મશીન સળગી ઊઠતાં નાસભાગ મચી

    ભાવનગર,ભાવનગર શહેરના સરદારનગર વિસ્તારમાં આવેલા ઝવેરચંદ મેઘાણી ઓડિટોરિયમ પાસે ખોદકામ કરતી વેળાએ ગેસલાઈનમાં ભંગાણ સર્જાતાં ગેસ લીકેજ થતાં આગ લાગી હતી. આગ ફાટી નીકળતાં હિટાચી મશીન આગની લપેટમાં આવ્યું હતું. સૂત્રો પાસેથી જાણવા મળતી વિગતો અનુસાર, ભાવનગર શહેરના સરદારનગર વિસ્તારમાં છેલ્લા ઘણા સમયથી ભૂગર્ભ ડ્રેનેજલાઈનનું કામ ચાલી રહ્યું છે. એમાં આજે બુધવારે સવારના સમયે બીએમસીની ટીમ દ્વારા ઝવેરચંદ મેઘાણી ઓડિટોરિયમ પાસે ડ્રેનેજલાઈનનું ખોદકામ ચાલી રહ્યું હતું. એ સમયે ભૂગર્ભ ગેસલાઈન તૂટતાં ગેસ લીક થયો હતો. આથી ખોદકામ કરતો હિટાચી મશીનનો ચાલક વાહન ઘટનાસ્થળે છોડી દૂર જતો રહ્યો હતો. એ દરમિયાન આગ લાગતાં હિટાચી મશીન આગની લપેટમાં આવી ગયું હતું. આ અંગે ફાયરબ્રિગેડ તથા ગુજરાત ગેસના અધિકારીઓને જાણ કરાતાં બંને કાફલા સાથે ઘટનાસ્થળે દોડી આવ્યા હતા. એમાં ગેસનો પ્રવાહ બંધ કરાવી ફાયરબ્રિગેડના જવાનોએ આગ પર કાબૂ મેળવ્યો હતો. આ ઘટનામાં હિટાચી મશીનને ખાસ્સું નુકસાન થયું હતું, જ્યારે અન્ય કોઈ જાનહાનિ સર્જાઈ ન હતી.
    વધુ વાંચો
  • ગુજરાત

    અધિકારીઓ અને મિલના સંચાલકો વચ્ચે ઝપાઝપી

    ભાવનગર, ભાવનગર શહેરમાં રોલિંગ મીલના સંચાલકો અને  અધિકારીઓ આમને સામને આવી ગયા છે. મંગળવારે એક કંપનીમાં તપાસ દરમિયાન અને આજે અધિકારીઓ સાથે કંપનીના સંચાલકોએ મારામારી કરી ફરજમાં રૂકાવટ કર્યાની અધિકારીએ ફરિયાદ નોંધાવી છે. તો રોલિંગ મીલ એસોસિએસનના હોદેદારોએ પણ અધિકારીઓ સામે માર માર્યાનો અને ગેરવર્તન કર્યાનો આક્ષેપ કર્યો છે. ભાવનગર શહેરના સત્યનારાયણ રોડ પર આવેલ સીજીએસટી ઓફીસે જીએસટી અધિકારી અને રોલિંગ મિલ ધારકો વચ્ચે શાબ્દિક બોલાચાલી થતા મામલો ગરમાયો હતો જેને લઈને એ ડિવિઝન પોલીસને જાણ કરતા પોલીસ આવી ત્રણેય શખ્સોને અટકાયત કરી હતી. જીએસટી અધિકારી મનોજકુમાર ઓઝાએ એ ડિવિઝનમાં એવા મતલબની ફરિયાદ નોંધાવી છે કે આજે અમારી ઓફીસ પર મિટિંગ શરૂ હતી તે વેળાએ રોલિંગમિલ એસોસિએશનના પ્રમુખ સહિત ૪ શખ્સો આવી ઓફિસનો દરવાજાે ખોલી અંદર પ્રવેશી જાેર જાેરથી ઉંચા અવાજે જે ગઈકાલે જે ઘટના બની એ અમારી ઓફિસમાં નથી બની, અને તમે જે અમારી વિરુદ્ધ ખોટી ફરિયાદ કરો છો તેમ કહી ઉગ્ર બોલાચાલી કરી હતી.જે અંગે આજરોજ નિલમબાગ પોલીસ સ્ટેશનમાં ગોપલ રોલિંગ મિલના સંચાલકો કેતનભાઈ બુધેલીયા, અલ્પેશ તથા સંજયભાઈ વિરુદ્ધ આઈપીસી ૩૨૩, ૫૦૬(૨), ૧૮૬, ૧૧૪ હેઠળ ગુન્હો નોંધ્યો હતો. આ બનાવ અંગે રોલિંગ મિલ એસોસિએશનના પ્રમુખ હરેશભાઇ પટેલએ જણાવ્યું હતું કે ગઈકાલે સીજીએસટી ની ટીમ સિહોર તાલુકાના ઘાંઘળી ગામે આવેલ જીઆઈડીસી સ્થિત ગોપાલ રોલિંગ મિલમાં કોઈ પણ પ્રકારના પ્રમાણિત દસ્તાવેજ કે સમન્સ વિના પહોંચી તપાસ હાથ ધરી રોલિંગ મિલના કંમ્પાઉન્ડમા પડેલ ટ્રક સહિતના મુદ્દામાલ ને કરચોરી ના નામે ડિટેક્ટ કરી કચેરીએ લઈ જવાનો હઠાગ્રહ કરતાં રોલિંગ મિલ ધારકો અને અધિકારીઓ વચ્ચે મામલો ગરમાયો હતો.જે બાબતે જીએસટી અધિકારી નો મને ફોન આવ્યો હતો કે મળવા આવજાે અને આજે અમે મળવા આવ્યા હતા, અને ગઈકાલે જે ગોપલ રોલિંગ મિલ વાળા સાથે જે તકરાર થઈ હતી તેને હું સાથે લાવ્યો હતો. હરેશ પટેલે વધુમાં કહ્યું હતું કે, અમે જ્યારે ઝ્રય્જી્‌ કચેરીમાં હતા ત્યારે ૧૫ જેટલા ઓફિસરો અમારી પર જેમતેમ બોલવા મળ્યા અને અમારી પર ખરાબ વર્તન કર્યું હતું, અમે કરોડો રૂપિયા ના ટેક્સ ભર્યે છીએ, અમે તો વાત કરવા જ ગયા હતા, ત્યારે ગોપલ રોલિંગ મિલ વાળા ત્રણેય ભાઈઓ ને બધા અધિકારીઓ મારવા મળ્યા, અને એમના ખિસ્સા અને બટન તોડી નાખ્યા હતા, અમને ઓફિસે બોલાવી ઘમકાવ્યા છે, તાત્કાલિક પોલીસ બોલાવી અમારા ત્રણેય મેમ્બરો ને પકડી ને લઈ ગઈ હતી, અમે આ અંગે એસપી ને રજુવાત કરવાના છીએ.
    વધુ વાંચો
  • ગુજરાત

    ષડયંત્ર રચનારા વિધર્મીઓ સામે સરકાર સતર્ક

    ભાવનગર, ભાવનગર જિલ્લાની મુલાકાતે આવેલા ગૃહ રાજ્યમંત્રી હર્ષ સંઘવીએ લવ જેહાદને લઈ મહત્વનું નિવેદન આપ્યું છે. પાલિતાણામાં છેલ્લા થોડા સમયમાં બે હિન્દુ યુવતીઓને વિધર્મી યુવકો દ્વારા ભગાડી જવાના કિસ્સાઓ નોંધાયા છે. ત્યારે હર્ષ સંઘવીએ કહ્યું હતું કે, વિધર્મીઓ દ્વારા ષડયંત્ર રચી ભોળી દીકરીઓને ફસાવવામાં આવી રહી છે. પરંતુ, આ મામલે ગુજરાત પોલીસ સતર્ક છે કોઈને પણ બક્ષવામાં નહીં આવે. પાલિતાણાની ઘટના અંગે નિવેદન આપતી સમયે ગૃહ રાજ્યમંત્રી હર્ષ સંઘવીએ કહ્યું હતું કે, પ્રેમ કરવો ગુનો નથી. પરંતુ, વિધર્મીઓ દ્વારા ષડયંત્ર રચી નામ બદલાવીને ભોળી દીકરીઓને ફસાવવામાં આવી રહી છે. આ પ્રકારની બાબત ગુજરાત પોલીસ જરા પણ ચલાવી નહીં લે. પાલિતાણામાં વિધર્મી યુવકો દ્વારા યુવતીઓને ભગાડી જવાના મામલે પૂરતી તપાસ કરી કડક કાર્યવાહી કરવાની ખાતરી આપવામાં આવી છે. ભાવનગર આવેલા ગૃહ રાજ્યમંત્રી હર્ષ સંઘવીએ કહ્યું હતું કે, માતા-પિતા પોતાની દીકરીઓનું ખાસ ધ્યાન રાખે. જાે કોઈ ફસાવવાનો પ્રયાસ કરતું હોય તો ડર્યા વગર પોલીસ સમક્ષ આવે. દીકરીની ઓળખ છતી ના થાય તેનું ધ્યાન રાખી ગુજરાત પોલીસ કાર્યવાહી કરશે. દરમિયાન ગૃહ રાજ્યમંત્રી હર્ષ સંઘવીએ આજે જૈન સોશ્યલ ગૃપ ઇન્ટરનેશનલ ફેડરેશન, સૌરાષ્ટ્ર રિજિયન દ્વારા સેન્ટ મેરી સ્કૂલ, શિવાજી સર્કલ ખાતે આયોજિત ક્રિકેટ ટૂર્નામેન્ટની મુલાકાત લઇ ખેલાડીઓને પ્રોત્સાહિત કર્યા હતાં. ગૃહ રાજ્ય મંત્રીએ ક્રિકેટની રમતના પોતાનાં કૌશલ્યનું નિદર્શન કરતાં થોડીવાર બેટિંગ પણ કરી હતી. અવસરે મેયર મતી કિર્તીબાળા દાણીધારીયા, ડેપ્યુટી મેયર કુમાર શાહ, સ્ટેન્ડિંગ કમિટિ ચેરમેન ધીરૂભાઇ ધામેલીયા, મ્યુનિસિપલ કમિશનર એમ.એ. ગાંધી, કલેક્ટર યોગેશ નિરગુડે, જિલ્લા વિકાસ અધિકારી ડો.પ્રશાંત જિલોવા, શહેર ભા.જ.પા. પ્રમુખ રાજીવ પંડ્યા સહિતનાં પદાધિકારીઓ- અધિકારીઓ તથા જૈન સમાજના શ્રેષ્ઠીઓ ઉપસ્થિત રહ્યાં હતાં.લવજેહાદની પીડિતાના પરિજનોની મુલાકાત લેતાં સંઘવી ગૃહ રાજ્યમંત્રીએ પાલિતાણાની મુલાકાત દરમિયાન એક માસ પૂર્વે વિધર્મી યુવાનો દ્વારા હિન્દુ ધર્મની બે દીકરીઓને ભગાડી જવાનો જે બનાવ બન્યો હતો તે સંદર્ભમાં બંને દીકરીઓના પરિવારજનોની મુલાકાત લીધી હતી. આ મુલાકાત બાદ તેમણે મીડિયા સાથેની મુલાકાતમાં જણાવ્યું કે, ફરેબ દ્વારા લગ્નની લાલચ આપીને આવાં આવારા યુવકો દ્વારા રાજ્યની ભોળી દીકરીઓને ફસાવવાના પ્રયત્નોને કોઈપણ કાળે ચલાવી લેવાશે નહીં. તેમણે કહ્યું કે, બંને દીકરીના પરિવારની પરિસ્થિતિ અને ખાસ કરીને બંનેના પિતાની આંખોમાં જે એક પ્રકારનો ગમ હતો તે ઘણું બધું કહી જાય છે. આ બંને દીકરીઓને ભોળપણમાં ફસાવી ષડયંત્ર દ્વારા લગ્નની લાલચ આપીને તેમની સાથે જે ઘટના ઘટી છે તે સંદર્ભમાં તેઓના પરિવાર સાથે ચર્ચા કરી છે.
    વધુ વાંચો
  • ગુજરાત

    લવજેહાદઃ હિંદુ યુવતીઓને ફસાવવાના કેસમાં છ સામે ફરિયાદ

    ભાવનગર, પાલિતાણામાં એક માસ પૂર્વે હિંદુ યુવતીને જાકિર હારુનભાઈ સૈયદ નામના યુવકે ભગાડી ગયાના બનાવથી ભારે ચકચાર મચી હતી. આ બનાવમાં પાલિતાણા ટાઉન પોલીસમાં જાણવા જાેગ નોંધાયા બાદ યુવક-યુવતીને સુરતથી ઝડપી લઈ પુછપરછ કરતા બંન્નેને પ્રેમસંબંધ હોવાથી ઘરેથી ભાગી જઈ દિલ્હીની કોર્ટમાં લગ્ન કર્યાં તથા મદિના મસ્જીદ જાફરાબાદ, દિલ્હીમાં નિકાહ કર્યાં હતા અને તે અંગેના મેરેજ સર્ટિફિકેટ તથા નિકાહનામાં કોર્ટમાં રજુ કર્યાં બાદ બંન્ને પુખ્ત હોવાથી કોર્ટે બંન્નેને સાથે રહેવા દેવા હુકમ કર્યો હતો. દેખીતી રીતે સામાન્ય લાગતા આ કેસમાં ભાવનગર ક્રાઈમબ્રાંચે યુવક-યુવતીએ રજુ કરેલા પ્રમાણપત્રોની ઝીણવટભરી તપાસ કર્યાં બાદ ખરાઈ કરવા ક્રાઈમબ્રાંચની એક ટીમ દિલ્હી ગઈ જ્યાં મદિના મસ્જીદના ઈમામ મૌલાના મોહમંદ શમીમ કલેખાન કાસમીએ આવા કોઈ નિકાહ થયાં નહી હોવાનું તથા કોર્ટમાં રજુ કરેલું નિકાહનામું નકલી હોવાનું જાણાવ્યું હતું. આ મામલે ક્રાઈમબ્રાંચની ટીમે ભોગ બનનાર યુવતીની પુછપરછ કરતા તેણે જણાવ્યું હતું કે, દિલ્હીની તીસ હજારી કોર્ટના વકિલ નીતુ અનુપસિંગ વત્સની ઓફિસમાં ગત તા. ૨૬/૧૧/૨૦૨૧ના રોજ મૌલાના દ્વારા તેને કલમો પઢાવી ધર્મ પરિવર્તન કરાવી લગ્ન કરાવ્યા હતા. આમ નિકાહનામામાં નિકાહ મદિના મસ્જિદ, જાફરાબાદ, દિલ્હીમાં થયાં હોવાના ખોટા દસ્તાવેજાે બનાવી યુવતીનું ધર્મપરિવર્તન કરાવવામાં આવ્યું હતું. આ લોકોએ ખોટાં બનાવેલા નિકાહનામા તથા ધર્મપરિવર્તનના ખોટા સર્ટિફિકેટ બનાવી અને ખોટા સરનામાંવાળા ભુતિયા સાક્ષીઓ ઊભા કરી નિકાહ કર્યાં હતા તથા યુવતીનું ધર્મપરિવર્તન કરાવવામાં આવ્યું હતું. આ મામલે ક્રાઈમબ્રાંચે જાકિર હારૂનભાઈ સૈયદ (રહે. પાલિતાણા), ગુલાબ હબીબખાન પઠાણ (રહે. વડવા, ભાવનગર), આફતાબ ઉર્ફે અલ્તાફ અહેમદ શેખ (રહે. શેખ ફળિયા, કોડિનાર), મહમદસાહિલ ઉર્ફે સાહિલબાપુ મહમદ અમીન કાદરી (રહે. કોડિનાર) તથા દિલ્હીના મહિલા વકિલ નિતુ અનુપસિંગ વત્સ (રહે. મુંડકા, ન્યુ દિલ્હી) અને વકિલનો માણસ રાજેશભાઈ (રહે.દિલ્હી) વિરૂદ્ધ ગુન્હો નોંધી આગળની તપાસ હાથ ધરી છે. વડવામાં રહેતા ગુલાબ હબીબખાન પઠાણે યુવક-યુવતીનો સંપર્ક કોડિનારના વકિલ આફતાબ અહેમદહુશેન શેખ તથા તેના મિત્ર મહમદસાહિલ મહમદઅમીન કાદરીનો સાથે કરાવ્યો અને આ બંન્નેએ દિલ્હી એરપોર્ટ પરથી યુવક-યુવતીને પીકઅપ કરી વકીલ નીતુ વત્સની ઓફિસમાં લઈ ગયા અને ત્યાં ઓફિસમાં જ નિકાહ પઢાવ્યા હતા. ક્રાઈમબ્રાંચે આ મામલે ચાર આરોપીઓને ઝડપી લીધાં છે જ્યારે દિલ્હીના મહિલા વકિલ નિતુ વત્સ અને તેનો માણસ રાજેશને ઝડપવાના બાકી છે. પોલીસ ઝડપાયેલા ૪ આરોપીઓને આજે કોર્ટમાં રજુ કરી ૧૪ દિવસના રિમાન્ડની માંગણી કરતા કોર્ટે ચારેય આરોપીના આગામી તા. ૧૦/૦૧/૨૦૨૨ સુધીના ૧૨ દિવસના રિમાન્ડ મંજુર કર્યાં છે. હિંદુ યુવતીને ભગાડ્યા અંગેની પાલિતાણા પોલીસમાં નોંધાયેલી જાણવા જાેગની તપાસ ક્રાઈમબ્રાંચ પાસે આવ્યા બાદ ક્રાઈમબ્રાંચના અધિકારીઓએ બંન્ને કપલે કોર્ટમાં રજુ કરેલા દસ્તાવેજાેની ઝિટવટભરી તપાસ કરતા દસ્તાવેજાેમાં તારીખની વિસંગતતાઓ ધ્યાને આવી હતી જેથી આ મામલે ઊંડી તપાસ કરવા એક ટીમ દિલ્હી મોકલતા સત્ય સપાટી પર આવ્યું હતું.ધ્રાંગધ્રાની કોલેજીયન યુવતીને પોલીસ પંજાબ બોર્ડર પાસેથી પરત લઇ આવી ધ્રાંગધ્રાઃ ધ્રાગધ્રા કોલેજમા અભ્યાસ કરતી યુવતી વિધમીઁ યુવાન સાથે નાશી છુટી હતી જેથી તેઓના માતા-પિતા દ્વારા આ બાબતે પોલીસને જાણ કરતા પોલીસ દ્વારા તાત્કાલિક યુવતિના મોબાઇલ ટ્રેસ તથા કોલ ડીટેઇલ્સના આધારે યુવતિ સુધી પહોચી તેને પંજાબ બોડઁર પરથી પરત લાવી માતા-પિતાને સોપી હતી. જ્યારે જાણવા મળતી વિગતો અનુસાર ધ્રાંગધ્રા શહેરની કોલેજ ખાતે અભ્યાસ કરતી યુવતિના પોતે ૧૮ વષઁ પુણઁ થતા આ યુવતિ કોલેજની પરીક્ષા આપી બારોબાર પોતાના ઇન્સ્ટાગ્રામ થકી સંપકઁમા આવેલા વિધમીઁ યુવાન સાથે નાશી છુટી હતી આ તરફ યુવતિની પરીક્ષા પુણઁ થયાના કલાકો બાદ પણ ઘરે પરત નહિ ફરતા માતા-પિતા દ્વારા શોધખોળ કરી પોલીસ સ્ટેશને જાણ કરી હતી જ્યારે પોલીસે પણ યુવતિના પ્રકરણને ખુબ જ ગંભીર ગણી સતઁકતા સાથે મોબાઇલ ટ્રેસ તથા કોલ ડીટેલ્સના આધારે યુવતિ સુધી પહોંચવામાં સફળતા મળી હતી જેમા યુવતિની લોકેશન ટ્રેસ થતા પંજાબ બોડઁર ખાતેથી નાશી છુટેલ યુવતિને પરત લાવી તેઓના માતા-પિતાને સોંપવામાં આવતા યુવતિના પરિવારજનો દ્વારા પોલીસનો આભાર વ્યક્ત કરી રાહતનો શ્વાસ લીધો હતો.
    વધુ વાંચો
  • ગુજરાત

    ઉપવાસના સાતમાં દિવસે નાની બાળાઓના હાથે જ્યુસ પી પારણાં કરતાં ‘આપ’ના કાર્યકરો

    ભાવનગર, ભાવનગર શહેર આમઆદમી પાર્ટીના કાર્યાલય ખાતે કેટલાક કાર્યકર્તાઓ આમરણાત ઉપવાસ પર બેઠા હતા. જેનો ઉપાસના સાતમાં દિવસે નાની બાળાઓના હાથે જ્યુસ પી પારણાં કર્યા હતા. શહેર પ્રમુખ મહિપાલસિંહ ગોહિલે જણાવ્યું હતું કે, મહેશ સવાણીની તબિયત વધુ ખરાબ થતાં અમે મહેશભાઈની ખોટ સહન નહીં કરી શકીએ, માટે એમને પારણાં કરાવવામાં જ સૌનું હિત જાેયું છે. સાત દિવસના આમરણાંત ઉપવાસથી આ અભિમાની અને દયાહીન સરકારને કોઈ જ ફરક પડતો નથી. સાત દિવસના અથાગ ઉપવાસ પછી પણ આ બેહરી, મુંગી અને આધળી સરકારને કોઈપણ જાતની અસર થઈ નથી. વધુમાં જણાવ્યું કે, ગુજરાત ગૌણ સેવા પસંદગી મંડળના ચેરમેન આસિત વોરાને બરખાસ્ત કરવા તથા કાયદાકીય કાર્યવાહી કરવા અને પરિક્ષાર્થીઓને વળતર મળે તેવી માગ હાલમાં કરવામાં આવી રહી છે. પેપર લીક થવાની ઘટના કાયમી બંધ થાય અને વિદ્યાર્થીઓને ન્યાય મળે તે માટે આમ આદમી પાર્ટી છેવટ સુધી લડી લેવાના મૂડમાં છે. હવે આ લડત યુવા મોરચા દ્વારા આગળ ચલાવશે. સાત દિવસ મહાત્મા ગાંધીજી બાપુનો માર્ગ આ સરકારને નથી સમજાતો હવે બે દિવસનું અલ્ટીમેટમ આપ્યું છે. જાે આ બે દિવસમાં સરકાર યોગ્ય માંગ પૂર્ણ નહીં કરે તો વિદ્યાર્થીઓના યુવા નેતા યુવરાજસિંહ જાડેજા અને વિદ્યાર્થીઓના સમર્થન દ્વાર ભગતસિંહના માર્ગે આગળ આવીશું.
    વધુ વાંચો
  • ગુજરાત

    દેસાઈનગરથી નારી ચોકડી સુધીના રોડનું કામ મંદ ગતિએ થતાં કોંગ્રેસ દ્વારા હવન કરી વિરોધ

    ભાવનગર, ભાવનગરના દેસાઈનગરથી નારી ચોકડી સુધીના રોડનું કામ ગોકળ ગતિએ ચાલી રહ્યુ છે. જેને લઈ કોંગ્રેસ દ્વારા અનોખો વિરોધ પ્રદર્શન કરવામાં આવ્યો હતો. હવન કુંડ બનાવીને આહુતિઓ આપી કોંગ્રેસે વિરોધ કર્યો હતો. આ હવનમાં ગાયત્રી મંત્ર સાથે ભાવનગર મહાનગરપાલિકાના મેયર, સ્ટેન્ડિંગ કમિટીના ચેરમેન, મ્યુનિસિપલ કમિશ્નર, ધારાસભ્ય અને સાંસદ સહિતના આગેવાનોના નામથી હવન આહુતી આપી હતી.શહેરના મુખ્ય પ્રવેશદ્વાર ગણાતા દેસાઈનગરથી નારી ચોકડી સુધીના રોડનું વર્ષ ૨૦૧૮માં સીક્સ લાઈન કરવા માટે મંજૂરી આપ્યા બાદ પ્રારંભ કરવામાં આવ્યો હતો. અંદાજે રૂ.૩૦ કરોડના ખર્ચે બનાવવામાં આવી રહેલા રોડનું કામ ૧૮ મહિનામાં પૂર્ણ કરવાની સમય મર્યાદા હતી. પરંતુ આજે ૩૬ મહિના પૂરા થઈ જવા છતાં આ રોડનું કામ માત્ર ૨૦ થી ૩૦ ટકા થયું હોવાનું કોંગ્રેસ સમિતિ દ્વારા જણાવવામાં આવ્યું હતું. આ રોડ ભાવનગરથી અમદાવાદ, રાજકોટ, સુરત, બરોડા તરફ જતા તમામ રોડને જાેડતો અને શહેરમાંથી આવવા જવા માટેનો મુખ્ય માર્ગ ગણાય છે. ભાવનગર શહેરના ગઢેચી વડલા થી લઈને નારી ચોકડી સુધીના રોડ પર દિવસ દરમિયાન હજારો વાહનો પસાર થાય છે. ત્યાં વારંવાર ટ્રાફિક સમસ્યા પણ સર્જાય છે. જેથી મહાનગરપાલિકા દ્વારા આ રોડને પહોળો કરી સિક્સ લાઈન રોડ બનાવાનો ર્નિણય કરવામાં આવ્યો હતો. આ ર્નિણય ખૂબ જ સારો હતો. પરંતુ રોડનું કામ પ્રારંભ કર્યા બાદ લોકોના મસમોટા દબાણો દૂર કરી જગ્યાઓ ખુલ્લી કરી દેવા બાદ રોડનું કામ ગોકુળ ગાયની ગતિએ ચાલી રહી છે. જેને લઈ ભાવનગર શહેર કોંગ્રેસ સમિતિના તેમજ સ્થાનિક બોરતળાવ વોર્ડ કોંગ્રેસ સમિતિ દ્વારા ભારતીય જનતા પાર્ટીના પદાધિકારીઓ અને મહાનગરપાલિકાના અધિકારીઓને માતાજી સદબુદ્ધિ આપે તેવા હેતુથી દેસાઈ નગર ગાયત્રી મંદિર ખાતે હવનનું આયોજન કરાયું હતું. કોંગ્રેસ સમિતિ દ્વારા કરાયેલા હવન કાર્યક્રમમાં ભાવનગર શહેર કોંગ્રેસ સમિતિના પ્રમુખ પ્રકાશ વાઘાણી, પૂર્વ વિરોધપક્ષના નેતા જયદીપ સિંહ ગોહિલ, મહાનગરપાલિકાના ઉપનેતા કાંતિ ગોહેલ સહિતના આગેવાનો અને કોંગ્રેસ સમિતિના કાર્યકર્તાઓ મોટી સંખ્યામાં ઉપસ્થિત રહ્યા હતા.
    વધુ વાંચો
  • ગુજરાત

    વેળાવદરના અભયારણ્યમાંથી કાળિયારના અવશેષો સાથે બે ઝડપાયા

    ભાવનગર, ભાવનગરના ભાલ પંથકમાં આવેલા કાળાતળાવ ગામની સીમમાંથી તાજેતરમાં શેડ્યુઅલ વનમાં આવતી આરક્ષિત પ્રજાતિ કાળીયારના શિકાર સાથે બે શખ્સો ઝડપાયા હતાં. ત્યારે આ શખ્સોએ પોલીસ રીમાન્ડમાં વધુ બે શખ્સોઓના નામ આપતાં વન વિભાગે ભાવનગરના બે શખ્સોને તેના ઘરમાથી મૃત પ્રાણીઓના અવશેષો તથા હથિયાર સાથે ઝડપી પાડ્યા હતા. ભાવનગર વન વિભાગની ટીમે તાજેતરમાં ભાલ પંથકના કાળાતળાવ ગામની સીમમાંથી કાળીયારના મૃતદેહ સાથે બુધા ગોબર વેગડ તથા જાવેદ દિલાવર પઠાણની ધડપકડ કરી હતી. આ બંને શખ્સોએ પોલીસ રીમાન્ડમાં વધુ બે શખ્સોના નામ આપ્યા હતા. જેથી વન વિભાગના અધિકારીઓએ ભાવનગર શહેરમાં રહેતા મોસીન દિલાવર પઠાણ તથા સોયેબ સલીમ કુરેશીના ઘરે દરોડો પાડી ઘરમાથી મૃત પશુના અવશેષો સાથે ધારદાર છરા સહિતના તિક્ષ્ણ હથિયારો કબ્જે કરી આ શખ્સો વિરુદ્ધ તપાસ હાથ ધરી હતી.
    વધુ વાંચો
  • ગુજરાત

    ફરજપરસ્તી  લગ્નની ચોરીમાં રસીકરણની કામગીરી

    ભાવનગર, અમૂક લોકો પોતાના જીવનના મહત્વના પ્રસંગોમાં પણ પોતાની ફરજ બજાવવાની ચૂકતાં નથી. ફરજ તેમના જીવનમાં મહત્વનો અંશ બની ગયો હોય છે. સમાજમાં કર્તવ્યરત આવાં ફરજનિષ્ઠા કર્મચારીઓને લીધે જ રાજ્ય સરકારની અને સમાજની ઉજળી છબી કાયમ રહેતી હોય છે. આવાં જ એક કર્મચારી છે શીતલબેન વિનુભાઈ મકવાણા... ભાવનગર જિલ્લાના પાલીતાણા તાલુકાના નવા લોઈચડા ગામના શીતલબેને પોતાના લગ્નના દિવસે પણ કોરોના રસીકરણ કરીને અનોખી ફરજનિષ્ઠાનું ઉદાહરણ પૂરું પાડ્યું છે. દરેકના જીવનમાં લગ્નરૂપી મહત્વપૂર્ણ પ્રસંગ આવતો હોય છે. જીવનમાં એકવાર ભારે ઉમંગ સાથે રંગેચંગે ઉજવાતો આ પ્રસંગ વારંવાર આવતો નથી.આવાં મહત્વપૂર્ણ પ્રસંગે પણ ફરજને અગ્રેસર ગણતાં ખૂબ ઓછા લોકો‌ હોય છે. શીતલબેને પાનેતર પહેરીને પણ રસીકરણની કામગીરી કરીને એક અનોખી મિસાલ પ્રસ્તુત કરી છે. જીવનમાં સંજાેયેલા સમણાંને સાકાર કરવાં માટેના આ મહત્વપૂર્ણ અવસરે પણ ફરજપરસ્તી ન ચૂકવી તે ખરેખર અભિનંદનને પાત્ર કાર્ય છે. આરોગ્ય કાર્યકર (હ્લૐઉ) શીતલબેન વિનુભાઈ મકવાણાએ પોતાના લગ્નનાં દિવસે સોળે શણગાર સજીને વેક્સિનની કામગીરીને મહત્વ આપી સંદેશો આપ્યો હતો કે, આ કોરોના મહામારીથી બચવાનો એક જ ઉપાય વેક્સિન છે. તેથી તમામ લોકોએ કોરોનાનું રસીકરણ કરાવી લેવું જાેઈએ. શીતલબેને પોતાના લગ્નની ચોરીમાં પિતરાઈ ભાઈ એવાં મકવાણા રાહુલભાઇ શંભુભાઈને રસીનો બીજાે ડોઝ આપી પોતાના પ્રસંગ કરતાં ફરજને આગળ રાખી હતી. ચોરીમાં જ પોતાના પિતરાઈ ભાઈને કોરોનાનો બીજાે ડોઝ આપી કર્તવ્ય અને વ્યક્તિગત પ્રસંગ વચ્ચેની સમતુલા જાળવી હતી. આ અગાઉ શીતલબેને પાલિતાણા તાલુકાના વાળુકડ પ્રાથમિક આરોગ્ય કેન્દ્રમાં સૌથી વધુ વેક્સિન આપવાનો એવોર્ડ પણ મેળવેલો છે. આમ, આરોગ્ય વિભાગના કર્મચારીઓની આવી ફરજ નિષ્ઠાને કારણે કોરોનાને સમાજમાં પ્રસરતો ‌અટકાવી શકાયો છે. શીતલબેનની સાંભળીને શાતા આપે તેવી શીતળતાભરી ફરજનિષ્ઠાને લાખ લાખ સલામ અને વંદન.
    વધુ વાંચો
  • ગુજરાત

    રાજ્ય સરકારે ૧૦૦ કલાક સમય દાન આપવા કરેલા આહવાનની ભાવનગર ખાતેથી શરૂઆત

    ભાવનગર, કોરોનાના સમયગાળા દરમિયાન વિદ્યાર્થીઓના અભ્યાસના થયેલા નુકસાનને સરભર કરવા માટે રાજ્ય સરકારે ૧૦૦ કલાક સમય દાન આપવા કરેલા આહવાનની ભાવનગર જિલ્લાના પાલીતાણાની ઝવેરચંદ મેઘાણી પ્રાથમિક શાળામાં વધારાના અભ્યાસ વર્ગો દ્વારા સરભર કરવાની શરૂઆત કરવામાં આવી છે. કોરોનાના કારણે ઓફલાઈન શિક્ષણકાર્ય પૂરતી રીતે શક્ય બન્યું નથી અને વિદ્યાર્થીઓને પૂરતું શિક્ષણ રૂબરૂમાં આપી શકાયું નથી.તેવા સંજાેગોમાં રાજ્ય સરકાર દ્વારા શાળા સંચાલકો તથા શિક્ષકોને શાળા સમય પહેલા અને શાળા સમય બાદ વધારાના વર્ગો લઈને પણ વિદ્યાર્થીઓના અધૂરા રહેલા શિક્ષણ કાર્યને પૂરું કરવા માટે આહવાન કરવામાં આવ્યું છે.રાજ્ય સરકાર દ્વારા પ્રાથમિક શાળાના અને માધ્યમિક શાળાના શિક્ષકો માટે ૧૦૦ કલાક સ્વૈચ્છિક સમયદાનનું આયોજન કરવામાં આવ્યું છે. તે અંતર્ગત આ વધારાના અભ્યાસ વર્ગોની શરૂઆત કરવામાં આવી છે. પાલિતાણાની ઝવેરચંદ મેઘાણી પ્રાથમિક શાળામાં અધૂરા રહેલા અભ્યાસને પૂર્ણ કરવાં માટે શાળાના ધોરણ-૫ ના ૨૭ વિદ્યાર્થીઓ માટે માટે વર્ગશિક્ષક નાથાભાઇ ચાવડા દ્વારા પાયાનું વાંચન, લેખન અને જ્ઞાનનું આયોજન કરવામાં આવ્યું હતું. આ અભ્યાસ કાર્ય માટે બાળકોને જરૂરિયાત મુજબની સ્ટેશનરી પણ આપવામાં આવનાર છે.ઉલ્લેખનીય છે કે, ઝવેરચંદ મેઘાણી શાળાના શિક્ષક નાથાભાઇ  ચાવડાને વિદ્યાર્થીઓને નાવીન્યપૂર્ણ અભિનવ પ્રયોગો દ્વારા શિક્ષણ આપવા માટે અગાઉ અનેક પ્રમાણપત્ર અને સન્માનથી સન્માનિત કરવામાં આવેલ છે.
    વધુ વાંચો
  • ગુજરાત

    વિધર્મીઓ યુવતીઓને ભગાડી જતાં પાલીતાણા સજ્જડ બંધ

    પાલીતાણા, પાલીતાણામાં આઠ દિવસમાં વિધર્મી યુવકોએ બે યુવતીને ભગાડી જવાની ઘટના પ્રકાશનમાં આવતા જ પાલીતાણાવાસીયોમાં ભારે રોષ જાેવા મળ્યો છે. સાથે જ હિન્દુ સંગઠનો, વેપારીઓ અને શહેરીજનોએ સાથે મળીને રેલીનું આયોજન કર્યું હતુ અને આ અંગે કડક કાર્યવાહી થાય તે માટે પ્રાંત અધિકારીને આવેદનપત્ર પણ આપવામાં આવ્યું છે. પાલીતાણામાં થોડા દિવસ અગાઉ એક વિધર્મી યુવકે એક યુવતીને ઘરેથી ભગાડી લઈ ગયો હોવાની ઘટના પ્રકાશનમાં આવી હતી. જે અંગે પોલીસ સ્ટેશનમાં અરજી પણ કરી હતી. જાે કે આ ઘટનાના આઠ દિવસમાં જ બીજા એક વિધર્મી યુવકે બીજી એક યુવતીને ભગાડી લઈ ગયો હોવાની ઘટના પ્રકાશનમાં આવતા જ શહેરીજનોમાં ભારે રોષનો માહોલ સર્જાયો હતો. જેના પગલે હિન્દુ સંગઠનો, વેપારી આગેવાનોએ આ અંગે એક મિટીગનું આયોજન કર્યુ હતુ.જાે કે આ મિટીંગમાં શહેરીજનોએ પણ પૂરેપૂરો સાથે આપ્યો હતો. બાદમાં આ ઘટનાની જાણ વધુ લોકોને પહોંચતા લોકોએ પોતાનો આક્રોશ ઠાલવ્યો હતો એટલુ જ નહીં લોકો રસ્તે આવી ગયા હતા અને વિધર્મી યુવકો સામે કાર્યવાહીની માંગણીઓ કરી હતા. બીજી બાજુ એટલો મોટો હોબાળો મચી ગયો હોવાના કારણે વેપારીઓ, હિન્દુ સંગઠનો અને શહેરીજનો દ્વારા રેલી યોજી હતી. આ રેલીબાદ આ વિધર્મી યુવકોની સામે કાર્યવાહીની માંગણી સાથે પ્રાંત અધિકારીને આ અંગે આવેદન પત્ર આપવામાં આવ્યું હતુ.પાલીતાણામાં એક સપ્તાહમાં બે હિન્દુ યુવતીઓને ભગાડી ગયા પાલીતાણામાં છેલ્લા આઠ દિવસમાં બે હિન્દુ યુવતીઓને વિધર્મી યુવક ભગાડી ગયો હોવાનો કિસ્સો પ્રકાશનમાં આવતા જ ભારે હોબાળો મચી જવા પામ્યો હતો. આ ઘટનાના વિરોધમાં વિહિપ દ્રારા પાલીતાણા બંધનું એલાન આપવામાં આવ્યું હતુ. જેના પગલે શહેરીજનો, વેપારીમંડળ દ્વારા બંધના એલાનનું પાલન કરવામાં આવ્યુ હતુ. જાે કે આ બંધના એલાનના પગલે શહેરની એક પણ દુકાનો કે વેપાર શરૂ ન હોવાથી શહેર સજ્જડ બંધ રહ્યું હતું. યુવતીઓને મુક્ત કરાવવાની માંગણી કરવામાં આવી શહેરીજનો, વેપારીઓ અને વિવિધ જ્ઞાતિના આગેવાનો દ્વારા વિધર્મી યુવકોની સામે કાર્યવાહી થાય તે માટે રેલીનુ આયોજન કરીને પ્રાંત અધિકારીને આવેદનપત્ર આપવામાં આવ્યું હતુ સાથે માંગણી કરવામાં આવી છે કે, યુવતીઓને બહેલાઈ ફોસલાઈને ભગાડી ગયેલા બંન્ને વિધર્મી યુવકોના ચગુલમાંથી યુવતીઓનો મુક્ત કરાવો તથા આ બંન્ને વિધર્મી યુવકો સામે કડક કાર્યવાહી કરવાની માંગણી કરી હતી.
    વધુ વાંચો
  • ગુજરાત

    ભાવનગરમાં એસ્ટેટ વિભાગે ૧૩ ગેરકાયદેસર દુકાનો પર બુલડોઝર ફેરવ્યું

    ભાવનગર, ભાવનગર શહેરના ટોપ-૩ સર્કલથી એરપોર્ટ તરફ જવાનાં રીંગરોડ પર ગેરકાયદેસર બનાવવામાં આવેલી ૧૩ દુકાનો પર મ્સ્ઝ્રએ બુલડોઝર ફેરવી દબાણો હટાવ્યાં હતા. ત્રણ આસામીઓએ પોતાની મિલ્કતમાં ગેરકાયદેસર ૧૩ દુકાનોનું બાંધકામ કર્યુ હતું. જેથી ભાવનગર મહાનગરપાલિકાના એસ્ટેટ વિભાગ દ્વારા અનઅધિકૃત રીતે બનાવવામાં આવેલી દુકાનો ધ્વંસ્ત કરી હતી.ભાવનગર શહેરમાં દબાણ હટાવ સેલ દ્વારા ગેરકાયદેસર ખડકાયેલા દબાણો પર તવાઈ બોલાવી હતી. જેથી દબાણ કર્તાઓમાં ફફડાટ ફેલાયો છે. આ અંગે વધુમાં જાણવા મળતી વિગતો અનુસાર શહેરના તળાજા રોડપર ટોપ-૩ સર્કલથી એરપોર્ટ તરફ જવાના રીંગરોડ પર અમીધરા સોસાયટી આવેલી છે. આ સોસાયટીમાં રહેતા રઘુ રામજી ધાંધલ્યાએ પોતાની માલિકીના પ્લોટમાં ૭ દુકાનો, પરેશ બારૈયાએ ૨ દુકાનો તથા અનસૂયાબેન નામની મહિલાએ પોતાના પ્લોટમાં ૪ દુકાનો પાક્કા બાંધકામ સાથે ચણી હતી. આ તમામ આસામીઓએ બીએમસીના ધારા ધોરણ કોરાણે મૂકી જીરો લેવલથી બાંધકામ કર્યું હોય જે સંદર્ભે બીએમસી એસ્ટેટ વિભાગ દ્વારા આ ત્રણેય આસામીઓને કારણ દર્શક નોટિસ ફટકારી હતી તેમજ અન અધિકૃત બાંધકામ દૂર કરવા જણાવ્યું હતું. ત્યારે ત્રણ પૈકી એક એવાં રઘુરામજીએ આ નોટિસને કોર્ટમાં પડકારી હતી. જાેકે, કોર્ટે સમગ્ર મુદ્દાનો અભ્યાસ કરી હકીકત જાણી આ કેસ કાઢી નાંખ્યો હતો. જેથી આજરોજ બીએમસીના એસ્ટેટ વિભાગની ટીમ અમીધરા સોસાયટી ખાતે પહોંચી હતી. જ્યાં ૧૩ દુકાનોના બાંધકામ તોડી પાડ્યું હતું. તંત્ર એ હાથ ધરેલી કામગીરીને પગલે દબાણ કર્તાઓમાં ફફડાટ ફેલાયો છે.
    વધુ વાંચો
  • ગુજરાત

    ભાવનગર-પાલિતાણા વચ્ચે બીજી સ્પેશિયલ ટ્રેન શરૂ કરવામાં આવી

    ભાવનગર, ભાવનગર રેલ્વે ડીવીજનમાં લોકઉપયોગી માંગણીઓ ને પૂરી કરવા માટે અને રેલ્વે મુસાફરી સુવિધાસભર અને સુરક્ષિત બનાવવા માટે તેમજ કોરોના મહામારી(કોવીડ-૧૯) માં બંધ થયેલ લોકલ ટ્રેનો ને પુનઃ કાર્યરત કરવા માટે ભાવનગર-બોટાદના સાંસદ ડો.ભારતીબેન શિયાળ દ્વારા રેલ્વેમંત્રી દર્શનાબેન જરદોશ, રેલ્વેબોર્ડ ચેરમેન તેમજ જનરલ મેનેજરને રૂબરૂ મળીને મૌખિક-લેખિત માંગણીઓ કરેલ જેના પરિણામ સ્વરૂપે સાંસદના પ્રયત્નો થી તેમજ યાત્રિઓની માંગ અને સુવિધાને ધ્યાનમાં રાખીને, રેલ્વે બોર્ડે ૦૫ ડિસેમ્બર, ૨૦૨૧ થી પશ્ચિમ રેલ્વે ભાવનગર મંડળની ભાવનગર-પાલિતાણા-ભાવનગર (૦૯૫૧૨/૦૯૫૧૧) દૈનિક વિશેષ ટ્રેન ચલાવવાની મંજૂરી આપવામાં આવીહતી. આ વિશેષ ટ્રેનનું ભાડું મેલ/એક્સપ્રેસ ટ્રેનના સામાન્ય કોચના ભાડા જેટલું જ રાખવામાં આવ્યું છે. હાલમાં ભાવનગર-પાલિતાણા વચ્ચે એક ટ્રેન ચાલી રહી છે, આ બીજી ટ્રેન છે.ટ્રેન નંબર ૦૯૫૧૨ ભાવનગર – પાલિતાણા ભાવનગર ટર્મિનસથી દરરોજ ૧૭.૩૦ કલાકે ઉપડશે અને ૧૮.૪૫ કલાકે પાલીતાણા પહોંચશે. તેવી જ રીતે, વળતી દિશામાં ટ્રેન નંબર ૦૯૫૧૧ પાલીતાણા-ભાવનગર ૧૯.૦૫ કલાકે પાલીતાણાથી ઉપડશે અને ૨૦.૪૦ કલાકે ભાવનગર ટર્મિનસ પહોંચશે.ઉપરોક્ત ટ્રેન ભાવનગર પરા, વરતેજ, ખોડિયાર મંદિર, સિહોર, કનાડ અને મઢડા સ્ટેશને બંને દિશામાં ઉભી રહેશે. રેલવે એડમિનિસ્ટ્રેશન મુસાફરોને માસ્ક પહેરવા, સામાજિક અંતરની પ્રેક્ટિસ રાખવા, સેનિટાઇઝરનો ઉપયોગ કરવા અથવા મુસાફરી દરમિયાન વારંવાર સાબુ અથવા હેન્ડવોશથી હાથ ધોવા અને કોવિડ-૧૯ ના તમામ પ્રોટોકોલનું પાલન કરવા સાંસદ દ્વારા જણાવ્યું છે
    વધુ વાંચો
  • ગુજરાત

    ચાર પ્લોટમાં આગથી લાખો રૂપિયાનો સર-સામાન બળીને ભસ્મીભૂત

    ભાવનગર, ભાવનગર જિલ્લાના તળાજા તાલુકાના કઠવા ગામ નજીક આવેલ ત્રણ સેકન્ડ સેલ પ્લોટમાં એકાએક આગ લાગતાં પ્લોટમાં રહેલ લાખો રૂપિયાની કિંમતનો સામાન સળગી ગયો હતો. આ વિકરાળ આગને કાબુમાં લેતાં ફાયરબ્રિગેડના કાફલાને સાડા ત્રણ કલાકથી વધુનો સમય લાગ્યો હતો. તળાજા તાલુકાના ત્રાપજથી વિશ્વ વિખ્યાત શિપબ્રેંકિંગ યાર્ડ એવાં અલંગ પાસે આવેલ કઠવા ગામ સ્થિત ત્રણ પ્લોટમાં આગ લાગતાં ગૃહ ઉપયોગી અને અન્ય વસ્તુઓ નું વેચાણ થતાં આ પ્લોટમાં લાખોની કિંમત નો સરસામાન સળગી ને રાખ થઈ ગયો હતો.આ અંગે ફાયરબ્રિગેડના સૂત્રો પાસેથી જાણવા મળતી વિગતો અનુસાર અલંગ સ્થિત ફાયરબ્રિગેડ કચેરીને સવારે કોલ મળ્યો હતો કે ત્રાપજ-અલંગ રોડપર કઠવા ગામે આવેલ અલગ અલગ ત્રણ પ્લોટ આ પ્લોટમાં અલંગ માં ભંગાવા માટે આવતી શિપ માથી નિકળતા સર સામાનનું વેચાણ થાય છે. એ સેકન્ડ સેલ પ્લોટમાં કોઈ આકસ્મિક કારણોસર આગ લાગી છે આ મેસેજ મળતાં જ અલંગ ફાયરબ્રિગેડનો કાફલો તત્કાળ કઠવા ગામે પહોંચી ગયો હતો. જેમાં રોડપર આવેલ પ્લોટ નં-૩૮૫ “કુદરત ટ્રેડર્સષ્ માલિક હિંમત ધરમશી મકવાણા તથા વલ્લભ ધરમશી મકવાણા પ્લોટ નં-૧૪૩૦ જાનકી ટ્રેડર્સ માલિક અશોક વિઠ્ઠલ મકવાણા પ્લોટ નં-૩૨૦ “મહેતા ટ્રેડીંગષ્ માલિક વિરેન્દ્ર રજનીકાંત મહેતા અને પ્લોટ નં-૨૩૧ “જય ભવાનીષ્ ટ્રેડીંગ માલિક શૈલેષ વિઠ્ઠલ સેંતા ના પ્લોટમાં આગ પ્રસરતી જતી હોય આથી અલંગ ફાયરબ્રિગેડ એ તળાજા તથા ભાવનગર ફાયરબ્રિગેડને જાણ કરતાં તળાજા-ભાવનગર થી ફાયરબ્રિગેડનો કાફલો પણ સ્થળપર પહોંચી ગયો હતો અને સોફાસેટ થર્મોકોલ સહિત ના જથ્થા માં પ્રસરેલી આગ ઓલવવા તજવીજ હાથ ધરી હતી. આ આગ એટલી વિકરાળ હતી કે પાંચ કિલોમીટર દૂર થી પણ આ આગના લબકારા નિહાળી શકાતાં હતાં.
    વધુ વાંચો
  • ગુજરાત

    સ્માર્ટ ફોન ન ધરાવનાર યુવાન પીઆઈની ભરતીમાં રાજ્યમાં આઠમા નંબરે

    ભાવનગર, ભાવનગરના અત્યંત સામાન્ય પરિવારમાંથી આવતા ૨૭ વર્ષની ઉંમરના યુવક સતીષ કિશોરભાઈ કાંબડે બે દિવસ પહેલાં જાહેર થયેલ બિન હથિયારી પોલીસ ઇન્સ્પેક્ટરની પરીક્ષામાં સમગ્ર રાજ્યમાં ૮મો ક્રમાંક મેળવીને ઉત્તીર્ણ થયા છે. આશ્ચર્યની વાત એ છે કે, સ્માર્ટફોનના જમાનમાં આ યુવક પાસે સ્માર્ટફોન પણ નથી.આજની યુવાપેઢી સ્માર્ટફોન વગર એક દિવસ પણ પસાર કરી નથી શકતી તેવાં સમયે સતિષભાઈ પાસે આજે પણ સ્માર્ટ ફોન નથી, તેઓ સાદો ફોન વાપરે છે. સમગ્ર રાજ્યમાં ૪૦ બેઠકો માટે યોજાયેલી આ પરીક્ષામાં ૪ લાખથી વધુ ફોર્મ ભરાયાં હતાં. જેમાં પ્રાથમિક પરીક્ષામાં ૧,૭૦૦ વિદ્યાર્થીઓ રંનીગમાં ૩૫૮ વિદ્યાર્થીઓ અને ઇન્ટરવ્યૂમાં ૩૨૦ વિદ્યાર્થીઓ પસંદગી પામ્યાં હતાં. તેમાંથી તેઓએ ૮ મો ક્રમાંક મેળવીને ભાવનગર શહેર અને જિલ્લાનું નામ રોશન કર્યું છે. ભાવનગરની જી.ઈ.સી. કોલેજમાંથી મિકેનિકલ એન્જિનિયર થયેલાં આ યુવાન પાસે આજની તારીખે પણ સ્માર્ટ ફોન નથી. એક સમયે અભ્યાસ કરવાં માટે પણ પૂરતાં નાણાં ન હતાં. આવાં સમયે સતિષભાઈના પિતા કિશોરભાઈના મિત્ર અને ભાવનગરના જાણીતા સેવાભાવી કાળુભાઈ જાંબુચાએ તેમને અભ્યાસ માટે તેમજ અભ્યાસ બાદ સ્પર્ધાત્મક પરીક્ષાઓની તૈયારીઓ માટે પૂરતી આર્થિક મદદ કરી હતી.આ ઉપરાંત આગળ વધવા માટેનો પૂરતો સહકાર, હુંફ અને પ્રેરણા પૂરી પાડી હતી.કાળુભાઈ જાંબુચા જાણીતા ક્રિકેટર ચેતન સાકરીયાના મામા છે. ચેતન સાકરીયાને આગળ વધવા માટે તેમણે જ મદદ કરી હતી. કોરોનામાં પણ તેઓએ સક્રિય રીતે સમાજ સેવા કરી છે.પોતાના જન્મદિવસે તેમણે સમાજની જરૂરિયાતમંદ ૧૦૦૦ વિધવા બહેનોને સાડી પણ આ વર્ષે જ આપી હતી. આ સિવાય પણ સમાજના અનેક નબળા વર્ગના વિદ્યાર્થીઓ અને અભ્યાસ માટે તેઓ મદદ કરી રહ્યાં છે.સતિષભાઈ પણ તેમના આ ઉપકારને સ્વીકારતા જણાવે છે કે, એક સમયે હું પણ નાસીપાસ થઇ ગયો હતો. પરંતુ મારા પપ્પાના પરમમિત્ર એવાં કાળુભાઈ જાંબુચાએ મને હંમેશા તેમાં ટકી રહેવા માટેનો આત્મવિશ્વાસ અને હુંફ આપી હતી. જેના કારણે ફરીથી આ પરીક્ષાની તૈયારી માટે લાગ્યો. આ માટે હું છેલ્લા ત્રણ વર્ષથી તૈયારી કરતો હતો અને આજે મને સફળતા મળી છે. સતિષભાઈ અઠવાડિયા પહેલાં જ ગુજરાત સેલ્સ ટેક્સ ડિપાર્ટમેન્ટમાં સેલ્સ ટેક્સ ઇન્સ્પેક્ટર તરીકે પણ પસંદગી પામ્યાં છે.રાજ્ય સરકારમાં પારદર્શિતાથી ભરતી થાય છે તેનું આ સચોટ અને ઉત્તમ ઉદાહરણ છે કે, એક સામાન્ય પરિવારમાંથી આવતા અને પ્રતિબદ્ધતાથી મહેનત કરનારાને તેની મહેનતનું સાચું ફળ મળે જ છે.
    વધુ વાંચો
  • ગુજરાત

    સિહોરમાં ખેડૂતોએ મોં મીઠા કરાવી બોલ્યા આજે સાચી દિવાળી છે

    ભાવનગર, પ્રધાનમંત્રી દ્વારા શુક્રવારના રોજ ત્રણ કૃષિ કાયદા પરત ખેંચવાની જાહેરાત કરતા સિહોર વડલા ચોક ખાતે કિસાન ક્રાંતિ ટ્રસ્ટ દ્વારા ભવ્ય આતશબાજી સાથે મીઠાઈ વહેંચી ખેડૂતોની ઐતિહાસિક જીતની શાનદાર ઉજવણી કરવામાં આવી છે. છેલ્લા એકવર્ષ કરતા વધારે સમયથી દેશભરમાં ચાલી રહેલ ત્રણ કાળા કાયદા ખેંચવાની માંગ સાથે ચાલી રહેલા આંદોલનમાં થતા અનેકવિધ કાર્યક્રમોમાં કિસાન ક્રાંતિ ટ્રસ્ટ હમેશા સહયોગ આપી રહ્યું હતું, ત્યારે આજે ભારતના વડાપ્રધાન નરેન્દ્રભાઈ મોદી દ્વારા ત્રણ કૃષિ કાયદા પરત ખેંચવાની જાહેરાત કરવામાં આવી ત્યારે ખેડૂતોમાં દિવાળી જેવો માહોલ સર્જાયો હતો. તેમજ ખેડૂતોની ઐતિહાસિક જીત થવાથી શુક્રવારના રોજ કિસાન ક્રાંતિ ટ્રસ્ટ દ્વારા સિહોર વડલા ચોક ખાતે ફટાકડા ઓ ફોડી આતશબાજી કરવામાં આવી અને સાથે સાથે મીઠાઈ વહેંચી ખેડૂતોની જીતની ખુશી વ્યક્ત કરવામાં આવી તેમજ કિસાન એકતા ઝિંદાબાદ, જય જવાન જય કિસાન સાથે કિસાન હિત કી બાત કરેગા વો હી દેશ પે રાજ કરેગા ની નારેબાજી સાથે ખુબ જ શાનદાર ઉજવણી કરવામાં આવી હતી.આ કાર્યક્રમમાં કિસાન ક્રાંતિ ટ્રસ્ટ ના પ્રદેશ અધ્યક્ષ ઘનશ્યામભાઈ મોરી, સિહોર તાલુકા પ્રમુખ લક્ષ્મણભાઇ રબારી, ખેડૂત આગેવાન રમણીક જાની, વિજયસિંહ સોલંકી કનીવાવ, કેશુ ભગત મોટા સુરકા, જીણાભાઈ બેલડીયા, બુધાભાઈ બારૈયા, તેમજ સિહોર પંથકના ખેડૂતો વિશાળ સંખ્યામાં જાેડાયા હતા.
    વધુ વાંચો
  • ગુજરાત

    ભાવનગરમાં ઘરેલું ગેસના સિલિન્ડરમાંથી ગેસ કાઢી કોમર્શિયલ સિલિન્ડરોમાં નાંખવાનું કૌભાંડ

    ભાવનગર, ભાવનગરમાં રાંધણ ગેસના બાટલામાંથી ગેસ કાઢી લેવાનું કૌભાંડ સામે આવ્યું છે. શહેરના ચૌદનાળા વિસ્તારમાં આવેલા મફતનગર સ્થિત રહેણાંકી મકાનમાં રાંધણ ગેસના બાટલામાથી ગેસ કાઢી ખાલી રીફીલ ભરવાનું કૌભાંડ ઝડપાયું છે. ભેજાબાજાેએ એક બાટલામાથી ત્રણ કિલો ગેસ કાઢી ખાલી બોટલો ભરતા રંગેહાથ ઝડપાયા હતા. જેથી પોલીસે ૬ આરોપીઓની અટકાયત કરી છે. આ સમગ્ર બનાવ અંગે એએસપી સફિન હસન પાસેથી શહેરના ચૌદનાળા વિસ્તારમાં રાંધણગેસના બાટલામા ઓછું વજન હોવાની ગઈકાલે ફરિયાદ મળી હતી. જેથી તંત્ર દ્વારા ખાનગી રાહે તપાસ હાથ ધરવામાં આવી હતી. જેમાં ટીમને બાતમી મળી હતી કે, શહેરના ઘોઘા રોડપર આવેલા ચૌદનાળા મફતનગર વિસ્તારમાં રહેતા રજાક મનસુર ડેરૈયાના રહેણાંકી મકાનમાં દરોડો પાડવામાં આવ્યો હતો. ત્યારે મકાન માલિક સહિત ૫ શખ્સો રાંધણગેસના બાટલામાથી ગેસ કાઢી ખાલી બાટલામા ભરી રહ્યાં હતાં. એએસપી સફીન હસનની ટીમ તથા બી ડીવીઝન પોલીસની ટીમે ૬ શખ્સોની અટકાયત કરી છે. પોલીસે લોડીંગ રીક્ષા નં જી-જે-૩-એડબલ્યુ ૪૩૪૧ તથા જી-જે-૦૪ ડબલ્યુ ૭૨૧૯, કોમર્શિયલ રિફીલ ૩૪, ગૃહ વપરાશમાં ઉપયોગમાં લેવાતા ગેસ સિલિન્ડર ૬૨ ઈન્ડેન ગેસ મળી કુલ ૯૬ ગેસ સિલિન્ડર તથા બે વાહનો પણ કબજે કર્યા છે.
    વધુ વાંચો
  • ગુજરાત

    મુસાફરોએ પોસ્ટરો દ્વારા પોતાની વેદના રજૂ કરી

    ભાવનગર, પાલિતાણાથી ભાવનગર અપડાઉન કરતા પ્રવાસીઓને માટે સાનુકૂળ સમયે ટ્રેન શરૂ કરવાની માગ ઊઠી છે. પાલીતાણા ટર્મિનલ ખાતે આજે મુસાફરોએ પોસ્ટર દ્વારા વહેલી તકે ભાવનગર-પાલીતાણાની ટ્રેનોની બધી ટ્રિપ જલ્દી શરૂ થાય તેવી માંગ કરી હતી. જેમાં ભાવનગર-પાલીતાણા દરરોજ એક જ ટ્રેન આવે અને જાય છે. જેને કારણે મુસાફરોને તકલીફો ઉઠાવી પડી રહી છે, જેમાં જાે સવારે પાલીતાણાથી જે એક ટ્રેન આવે તે સાંજે પાછી જતી નથી જેને કારણે જે મુસાફરો પાલીતાણાથી સવારે ભાવનગર આવ્યા હોય તેને સાંજે ઘરે જવામાં તકલીફો પડી રહી છે. તેવી જ રીતે જે લોકો પાલીતાણા નોકરી, ધંધા અર્થે ગયા હોય તેવા મુસાફરોને સાંજે ભાવનગર આવવામાં તકલીફો પડી રહી છે. આજરોજ પાલીતાણા ટર્મિનલ ખાતે મુસાફરોએ પોસ્ટરો દ્વારા પોતાની વેદના રજૂ કરી હતી.સૂત્રોના જણાવ્યા મુજબ પાલીતાણા-ભાવનગર અગાઉ ચાર ટ્રેનની સામે અત્યારે માત્ર એક જ ટ્રેન સેવા ઉપલબ્ધ છે. ત્યારે આ મુસાફરોને તકલીફો પડી રહી છે. કોરોનાકાળ બાદ પરિવહન માટે માત્ર એક જ ટ્રેન સેવા શરૂ કરવામાં આવી છે. જેના કારણે અપડાઉન કરતા મુસાફરોને ખૂબ હાલાકી પડી રહી છે. પાલીતાણા યાત્રાધામ હોય વર્ષે લાખો કરતાં વધુ લોકો પાલિતાણાની મુલાકાતે આવે છે, જે તમામ યાત્રીઓને પણ આવવા-જવામાં તકલીફો પડે છે. પાલીતાણાના અપડાઉન કરતા તમામ મુસાફરોએ હાથમાં પોસ્ટર સાથે રેગ્યુલર સેવા શરૂ કરવા માંગ ઉચ્ચારી હતી. ભાવનગર-પાલીતાણાની એક જ ટ્રેન છે, જેના કારણે અગવડતા થાય છે. પાલીતાણામાં કોલેજ ન હોવાથી વિધાર્થીઓ ભાવનગર અપડાઉન કરતા હોય છે. જે વિધાર્થીઓને પણ અગવડતા પડે છે. આ બાબતે ભાવનગર રેલવે ડિવિઝનના ડીઆરએમએ જણાવ્યું હતું કે, કોરોનાને કારણે ટ્રેનો બંધ કરવામાં આવી હતી. મુખ્ય ઓફિસમાં જાણ કરી દીધી છે અને ધીમે ધીમે રેલવે તંત્ર દ્વારા જે ટ્રેનોની ટ્રીપ બાકી છે તે પણ ચાલુ કરી રહ્યા છીએ.
    વધુ વાંચો
  • ગુજરાત

    ભાવનગરનો ૧૫૨ કિ.મી.દરિયાકાંઠો રેઢા પડ સમાન

    ભાવનગર, તા.૧૩સમગ્ર દેશમાં ગુજરાતના દરિયાકાંઠેથી ડ્રગ્સનો પુરવઠો પહોંચાડવામાં આવી રહ્યો હોવાના બિનસત્તાવાર હેવાલો અને છેલ્લા ૫૬ દિવસમાં ગુજરાતના જુદાજુદા દરિયાકાંઠેથી ૫૭૦૦ કિલો મળી આવેલા ડ્રગ્સને કારણે દરિયાઇ અને દરિયાકાંઠાની સુરક્ષા સામે અનેક પ્રશ્નો ઉભા થવા લાગ્યા છે. ભાવનગર જિલ્લાને ૧૫૨ કિ.મી. લાંબો દરિયાકાંઠો મળેલો છે અને અલંગ શિપબ્રેકિંગ યાર્ડ તથા ભાવનગર બંદરે પ્રતિ માસ સરેરાશ ૨૫ જહાજ અને ૩૦૦ વિદેશી ક્રૂ મેમ્બરો આવતા હોવા છતા દરિયાકાંઠાનું પેટ્રોલિંગ અને દરિયાનું પેટ્રોલિંગ કસ્ટમ્સ દ્વારા થતુ નથી અને મરિન પોલીસ દ્વારા માત્ર ૨૦ કિ.મી. સૃુધી કરવામાં આવે છે. નશીલા પદાર્થો વિદેશથી જળમાર્ગે ગેરકાયદે ગુજરાતના ૧૬૦૦ કિ.મી. લાંબા દરિયાકાંઠે લાવવામાં આવી રહ્યો છે, પોરબંદર, મુંદ્રા, ખંભાળીયા સહિતના સ્થળોએથી છેલ્લા ૫૬ દિવસમાં ૫૭૦૦ કિલો ડ્રગ્સ પકડાઇ ચૂક્યુ છે. જે બાબત શંકા પ્રેરે છે કે ગુજરાતના દરિયાકાંઠે મોટા પાયે ડ્રગ્સનું હેન્ડલિંગ કરવામાં આવી રહ્યું હશે. અલંગ શિપબ્રેકિંગ યાર્ડમાં પ્રતિ માસ સરેરાશ ૨૦થી ૨૨ વિદેશી જહાજાે ભાંગવા માટે આવી રહ્યા છે, અને આવા જહાજાે પૈકી ડેડ વેસલ (બંધ જહાજ)ને મહુવાથી અલંગની વચ્ચે લૂંટવાના સંખ્યાબંધ બનાવો પ્રકાશમાં આવેલા છે અને તેના સંબંધિત ભાવનગર જિલ્લાના જુદા જુદા પોલીસ દળ દ્વારા અનેકની માલસામાન સહિત ધરપકડ પણ કરવામાં આવેલી છે. તેનો સીધો મતલબ થાય છે કે, દરિયામાં વિદેશી જહાજાે પર નજર રાખનારું કોઇ નથી. ભાવનગર જિલ્લાના દરિયાકાંઠાના અનેક ગામોના લોકો ગેરકાનૂનિ પ્રવૃત્તિઓ માટે પંકાયેલા છે. અલંગમાં આવતા જહાજાે પર ભાવનગર કસ્ટમ્સના અધિકારીઓ બીજા દિવસે જાય છે, ત્યાં સુધી આવા જહાજાેમાં કોણ છે, તેમાં શું સામેલ છે? તેની કોઇ માહિતી કે ચેકિંગ સરકારી વિભાગો દ્વારા કરવામાં આવતુ નથી. કસ્ટમ્સ દ્વારા પણ આવા જહાજાેનું રૂમેજીંગ કરવામાં આવે છે તેમાં પણ અનેક છીંડા રહેલા છે અને આર્થિક બાબતોને પ્રાધાન્ય આપી ફરજ પરના કસ્ટમ્સ કર્મીઓ આંખ આડા કાન કરી દેશની સુરક્ષા સાથે મોટી રમત કરી રહ્યા છે. આવા કસ્ટમ્સના કર્મીઓ વિદેશી જહાજમાંથી કિંમતી માલ સામાન ઉતારવામાં જ વ્યસ્ત હોવા અંગેની ફરિયાદો શિપ રીસાયકલિંગ ઇન્ડસ્ટ્રીઝ એસોસિએશન (ઇન્ડીયા) દ્વારા અવાર નવાર કરવામાં આવેલી પણ છે. અગાઉ ભાવનગર-મહુવા રોડ પરના મોટી જાગધાર ગામેથી ૨ કરોડ રૂપિયાના નશીલા પદાર્થો ઝડપાયા હતા, તેથી ભાવનગર જિલ્લાના દરિયાકાંઠા પર પર્યાપ્ત સુરક્ષાઓ જાળવવી આવશ્યક બની છે, છતા દરિયાકાંઠાના ગામો નધણિયાત જેવા છે.
    વધુ વાંચો
  • ગુજરાત

    શિહોરના મોટા સુરકાના યુવાનની વળાવડના તળાવમાં મોતની છલાંગ

    ભાવનગર સિહોર તાલુકાના મોટા સુરકા ગામે રહેતા એક યુવકે ગઈ રાત્રીના તેના મામાને વ્હોટ્‌સ એપમાં જીંદગીનો અંત આણવાનો મેસેજ કરી તળાવમાં ઝંપલાવ્યું હતું. જે બાદ આજે સવારે ભાવનગર ફાયરની ટીમ દ્વાર યુવકનો મૃતદેહ બહાર કાઢ્યો હતો.મોટા સુરકા ગામે રહેતા કૌશલભાઈ કનૈયાલાલ નિમ્બાર્ક(ઉ.વ.આશરે ૨૫)એ ગત રાત્રીના ૬.૪૪ કલાકે ભાવનગર રહેતા તેના મામા રાજુભાઈને વ્હોટ્‌સએપમાં ‘મામા, હું જીવનનું છેલ્લું પગલું ભરવા જઈ રહ્યો છું’ તેવો મેસેજ કરી મોટા સુરકા ગામે આવેલા વળાવડ તળાવમાં ડુબી જઈ આપઘાત કરી લીધો હતો.જે બાદ તેના મામાએ રાત્રે ૮ વાગ્યે મોબાઈલ ડેટાઓન કરતા ભાણેજનો આવો મેસેજ જાેઈને દોડતા થયાં હતા. તપાસ કરતા મોટા સુરકા ગામના તળાવ પાસે કૌશલની બાઈક મળી આવી હતી. જે બાદ તંત્રને જાણ કરવામાં આવતા ભાવનગર ફાયર ફાઈટરના સ્ટાફે સવારે સ્થળ પર પહોંચી એક કલાક કામગીરી કર્યાં બાદ યુવકનો મૃતદેહ સવારે ૯ વાગ્યે બહાર કાઢી તેના પરિવારને સોંપ્યો હતો. મળતી વિગતો પ્રમાણે મૃતક યુવકે સાંજે મામાને વ્હોટ્‌સએપમાં મેસેજ કર્યાં બાદ મોબાઈલ, બાઈકની ચાવી અને પાકિટ સાથે પાણીમાં કુદી ગયો હતો અને તેનું વ્હોટ્‌સએપ લાસ્ટસીન ૬.૪૬ હતું.સિહોર ટાણા રોડ પર યુવકના પરિવારે એક દુકાન લીધેલી હતી જ્યાં તે નોવેલ્ટીનો બિઝનેસ શરૂ કરવાનો હતો. આગામી લાભપાંચમના દિવસે તેની આ દુકાનનું મુહર્ત હતું પરંતુ યુવકે આકસ્મિક પગલું ભરી લેતા પરિવાર સ્તબ્ધ થયો હતો. મળતી વિગતો પ્રમાણે મૃતક યુવકના પિતા કનૈયાલાલ નિવૃત્ત શિક્ષક હતા. જ્યારે માતા હર્ષાબેન ગૃહિણી હતી. તેને એક દિપાલીબેન નામની એક બહેન પણ હતી. જેનું ૧૦ વર્ષ પહેલાં માર્ગ અકસ્માતમાં મોત થયું હતું.
    વધુ વાંચો
  • ગુજરાત

    રાષ્ટ્રપતિ રામનાથ કોવિંદે ચિત્રકુટ આશ્રમમાં મોરારી બાપુ સાથે કરી મુલાકાત

    ભાવનગર-રાષ્ટ્રપતિ રામનાથ કોવિંદજી આજે ભાવનગર જિલ્લાનાં બે દિવસીય પ્રવાસે આવી પહોંચતાં તેમનું ભાવનગર એરપોર્ટ ખાતે રાજ્યપાલશ્રી આચાર્ય દેવવ્રતજી, શિક્ષણ મંત્રીશ્રી જીતુભાઇ વાઘાણી, મેયર શ્રીમતી કીર્તિબાળા દાણીધારીયા, સાંસદ શ્રીમતી ડો. ભારતીબેન શિયાળ, કલેક્ટરશ્રી યોગેશ નિરગુડે, પોલીસ અધિક્ષક જયપાલસિંહ રાઠૌરે ઉષ્માસભર સ્વાગત કર્યું હતુંરાષ્ટ્રપતિ રામનાથ કોવિંદ ભાવનગર એરપોર્ટથી સીધા જ મહુવા ખાતે રાષ્ટ્રપતિ મોરારીબાપુ સાથે મુલાકાત કરી હતી. રાષ્ટ્રપતિની મુલાકાતને લઇને મોરારિ બાપુના ચિત્રકૂટ આશ્રમને ફૂલોથી શણગારવામાં આવ્યો છે. ત્યારે હાલમાં બાપુના સેવકો અને લોકો હાજર છે. તમામ પ્રકારની વ્યવસ્થા અને સુરક્ષા વધારી દેવામાં આવી છે.રાષ્ટ્રપતિ ભવનની અખબારી યાદી મુજબ રાષ્ટ્રપતિ 28 ઓક્ટોબરથી ગુજરાતની મુલાકાત છે. તેમજ રાષ્ટ્રપતિ કોવિંદ 29 ઓક્ટોબરે ભાવનગરની મુલાકાતે છે. અહીંયાથી પ્રથમ મોરારીબાપુ સાથે મુલાકાત બાદ જિલ્લામાં સમાજના આર્થિક રીતે નબળા વર્ગો માટે આવાસ યોજના પ્રોજેક્ટનું ઉદ્ઘાટન પણ કરશે.
    વધુ વાંચો
  • ગુજરાત

    કમોસમી વરસાદથી મગફળીના પાથરા પલળતાં ખેડૂતો ચિંતિત

    ભાવનગર, સૌરાષ્ટ્રના જિલ્લાઓમાં ખેડૂત તાઉ-તે અને અતિવૃષ્ટિની અસરમાંથી હજી તો બહાર નથી આવ્યો ત્યાં જ રવિવારના રોજ ભાવનગર, અમરેલી અને રાજકોટ જિલ્લાના કેટલાક તાલુકાઓમાં કમોસમી વરસાદ વરસતા ધરતીપુત્રોની ચિંતા વધી છે. રાજકોટના જેતપુર તાલુકાના વીરપુર, ભાવનગરના જેસર અને મહુવામાં અને અમરેલીના સાવરકુંડલા તાલુકાના ગ્રામ્ય વિસ્તારમાં ધોધમાર વરસાદ વરસતા રસ્તાઓ પણ પાણી વહેતા થયા હતા. કમોસમી વરસાદના કારણે ખેતરોમાં સૂકાવવા રાખેલા મગફળીના પાથરાઓ પલળ્યા હતા. ભાવનગર જિલ્લામાં એક તરફ સવારના સમયે ઠંડીનો ચમકારો જાેવા મળી રહ્યો છે. તો બીજી તરફ આજે બપોર પછી વાતાવરણમાં પલટો જાેવા મળ્યો હતો. સામાન્ય રીતે આસો મહિનામાં ચોમાસાની વિધિવત વિદાય થઈ ચૂકી હોય છે. પરંતુ, આજે જેસર અને મહુવા પંથકના ગામડાઓમાં બપોરના સમયે કમોસમી વરસાદ વરસતા રસ્તાઓ પર પાણી વહેતા થયા હતા.મહુવાના બોરડી, કોટીયા, કળમોદર, વાવડી, રતનપર, બગદાણા, મોળપર, કરમદીયા, ખારી, ગળથર, બેલમર સહિતના ગામોમાં અચાનક વરસાદી વરસ્યો હતો. ભાવનગર જિલ્લા ઉપરાંત અમરેલી જિલ્લાના સાવરકુંડલા પંથકમાં પણ કમોસમી વરસાદ વરસ્યો હતો. અમરેલી જિલ્લાનો ખેડૂત હજી તો તાઉ-તેની અસરમાંથી માંડ બહાર નીકળી રહ્યો છે ત્યાંજ વધુ એકવાર ખેતી પર સંકટ સર્જાયું છે. આજે બપોરના સમયે સાવરકુંડલા પંથકના મોટા ભામોદ્રા અને છેલણા આસપાસના વિસ્તારોમાં કમોસમી વરસાદ વરસ્યો હતો. મોટા ભામોદ્રા ગામમાં તો ધોધમાર વરસાદ વરસતા શેરીઓમાં પાણી વહેતા થયા હતા. તાઉ-તે સમયે નુકસાનીનો સામનો કરી ચૂકેલા ખેડૂતોને સારા ચોમાસા બાદા સારા પાકની આશા છે. પરંતુ, કમોસમી વરસાદના કારણે ખેડૂતોને ઉભા પાકમાં નુકસાની જવાની ભીતિ છે. રાજકોટ જિલ્લાના યાત્રાધામ વીરપુર અને આસપાસના ગ્રામ્ય પંથકમાં ધોધમાર વરસાદ વરસ્યો હતો. વીરપુરમાં ભારે વરસાદના કારણે રસ્તાઓ પર ચોમાસાની માફક પાણી વહેતા થયા હતા. જ્યારે આસપાસના થોરાળા, સેલુકા, પીઠડીયા, જેતપુર સહિતના ગ્રામ્ય વિસ્તારમાં પણ ધોધમાર વરસાદ વરસતા ખેતરોમાં તૈયાર થયેલા મગફળી, કપાસ અને સોયાબીનના પાકને નુકસાન થવાની ભીતિ સેવાઈ રહી છે.ધોરાજી તાલુકાના ગ્રામ્ય વિસ્તારોમાં પણ કમોસમી વરસાદ વરસ્યો હતો. ધોરાજીના ભુતવડ, નાની મારડ, ફરેણી, ભોળા, સુપેડી સહિત ગામડાઓમાં વરસાદ વરસ્યો હતો. ખેડૂતોએ ખેતરોમાંથી ઉપાડી મગફળીના કરેલા પાથરાઓ પર વરસાદ વરસતા નુકસાનીની ભીતિ સેવાઈ રહી છે.
    વધુ વાંચો
  • ગુજરાત

    ભાવનગર શહેર કોંગ્રેસ દ્વારા માલધારીઓની સમસ્યા હલ કરવા કલેક્ટરને રજૂઆત

    ભાવનગર ગુજરાત પ્રદેશ ભાજપા પ્રમુખ સી.આર પાટિલે અમદાવાદમાં યોજાયેલ એક જાહેર કાર્યક્રમ માં રોડપર રખડતાં ગૌવંશ તથા માલધારી વિરુદ્ધ કરેલ નિવેદન સંદર્ભે રાજ્યભરના માલધારી સમાજમાં આ નિવેદનના ઘેરા પડઘા પડ્યાં છે અને આ નિવેદન અંગે પાટીલ માલધારી સમાજની માફી માંગે એવી પ્રબળ માંગ સાથે દરેક જિલ્લા કક્ષાએ મુખ્યમંત્રી ને સંબોધતુ આવેદનપત્ર જિલ્લા કલેક્ટરને અપાઈ રહ્યાં છે.મહાનગરોમાં જાહેર માર્ગો પર રખડતાં પશુઓને હટાવી જાહેરમાં છુટ્ટા છોડી દેતાં પશુ માલિકો વિરુદ્ધ કડક કાર્યવાહી કરવામાં આવે એવી ટીપ્પણી તાજેતરમાં અમદાવાદમાં યોજાયેલ એક કાર્યક્રમમાં રાજ્યના પ્રદેશ ભાજપના પ્રમુખ સી.આર. પાટીલે કરી હતી. જેને પગલે રાજ્યભરમાં માલધારીઓ રોષે ભરાયા છે અને પાટીલ આ મુદ્દે માલધારી સમાજની માંફી માંગે એવી વાત સાથે સમગ્ર રાજ્યના માલધારી સમાજ દ્વારા આવેદનપત્ર આપવામાં આવી રહ્યાં છે. જે અંતર્ગત ભાવનગર શહેર કોગ્રેસ માલધારી સેલ દ્વારા આજરોજ સીઆર પાટીલ હાઈ હાઈ ના નારા સાથે મુખ્યમંત્રી ભૂપેન્દ્ર પટેલ ને સંબોધતુ એક આવેદન જિલ્લા કલેક્ટર ને પાઠવ્યું હતું, અમિતભાઈ લવતુકાએ જણાવ્યું હતું કે, મહાનગરોમાં વસતાં માલધારીઓ તથા ગાયો માટે અલગથી જમીન ફાળવવામાં આવે, ગૌચરની જમીનો ઉદ્યોગપતિઓને દાનમાં આપવાનું બંધ કરવામાં આવે, હાલમાં હયાત ગૌચરાણની જમીનોમાં ગેરકાયદે થયેલ દબાણો દૂર કરવામાં આવે, ગામડાઓમાં વાડાની જમીન ફાળવવામાં આવે, સરકાર ની રહેમરાહે ચાલતા કતલખાનાઓ બંધ કરાવવામાં આવે, જાે આ માગણીઓનો તત્કાળ સ્વિકાર કરી પગલાંઓ લેવામાં આવશે તો જાહેરમાં એક પણ પશુ રખડતાં જાેવા નહીં મળે એવી ખાત્રી પણ આપી છે.
    વધુ વાંચો
  • ગુજરાત

    ભાવનગરના પ્રવેશ દ્વારનો રોડ જર્જરિત ઃ અડધા કિ.મી.માં ૧૮૩ ખાડા

    આ ચોમાસામાં વરસાદથી ભાવનગર શહેરના ગૌરવ પથનું બિરૂદ પામેલા અને પ્રવેશ દ્વાર સમાન આ રોડ તદ્દન જર્જરીત થઈ થયો છે. આ ખાડાવાળા રોડને લીધે રોજીંદા અપડાઉનવાળા લોકોને ડાયવર્ઝનના માર્ગમાં પણ ડાયવર્ઝન શોધવું પડ્યું છે. જે તંત્ર માટે શરમજનક બાબત છે. દેસાઈનગર પેટ્રોલ પંપથી લાંલ ટાંકી સુધીના માત્ર અડધા કિલોમીટરના રોડમાં નાના મોટા ૧૮૩ ખાડા આવેલા છે.
    વધુ વાંચો
  • ગુજરાત

    ગોંડલના અનલગઢ નજીક કાર અને બાઇક વચ્ચે અકસ્માતમાં બેના ઘટનાસ્થળે જ મોત  એક ગંભીર

    ગોંડલ, ગોંડલના અનલગઢ નજીક ગોળાઈમાં કાર અને મોટરસાયકલ વચ્ચે અકસ્માત થયો હતો. જેમાં કારે મોટરસાયકલ ને ધડાકાભેર ઉલાળતા મોટરસાયકલનો ભુક્કો થઇ ગયો છે. આ ઘટનામાં બે વ્યક્તિના ઘટનાસ્થળે જ મોત નીપજ્યા હતા. જ્યારે એક વ્યક્તિને ગંભીર ઇજા સાથે ગોંડલ ખસેડાયો હતો. જાેકે, વધુ સારવાર માટે રાજકોટ હોસ્પિટલ ખસેડાઇ છે. ઘટનાને પગલે ગોંડલ તાલુકા પોલીસ દોડી ગઇ હતી અને ગોંડલ નગરપાલિકાની એમ્બ્યુલન્સને જાણ કરાતા દોડી આવી હતી. પોલીસે બંનેના મૃતદેહને પીએમ માટે ગોંડલ હોસ્પિટલ ખસેડી વધુ તપાસ હાથ ધરી છે.અકસ્માતમાં બંને મૃતકના વાલીવારસની શોધખોળ પોલીસે હાથ ધરી છે. અકસ્માત એટલો ગંભીર હતો કે, બાઇકનો ભુક્કો થઇ ગયો છે. કારના આગળના ભાગને નુકસાન પહોંચ્યું છે. અકસ્માત થતા જ આજુબાજુમાંથી લોકો દોડી આવ્યા હતા. અગાઉ ઉપલેટા પાસે ઇકો કાર પલટતા ભાવિ દંપતીનું મોત થયું હતું એક મહિના પહેલા રાજકોટ જિલ્લાના ઉપલેટા નજીક ગમખ્વાર અકસ્માત થયો હતો. પૂરપાટ ઝડપે આવી રહેલી ઇકો કારનું અચાનક જ ટાયર ફાટતા પલટી મારી ઢસડાઇ હતી અને કારનો એક બાજુનો આખો ભાગ જ ચીરાઇ ગયો હતો. પોરબંદર હાઈવેથી ઉપલેટા તરફ ઇકો કાર આવી રહી હતી અને તેમાં પાંચ લોકો સવાર હતા. આ દુર્ઘટનામાં ફરવા નીકળેલું ભાવિ દંપતી લિખિતાબેન કમલેશભાઈ નિમાવત અને અર્જુનભાઈ કૌશિકભાઈ નિરંજનીનું ઘટનાસ્થળે જ કમકમાટીભર્યું મોત નીપજ્યું હતું. જ્યારે ત્રણ વ્યક્તિને ઇજા પહોંચતા ઉપલેટા સરકારી હોસ્પિટલે ખસેડાયા હતા.ધોળા-ઝાંઝમેર હાઈવે પર અકસ્માતમાં ત્રણ મજૂરોના મોત ભાવનગર ભાવનગર જિલ્લાના ઉમરાળા તાલુકાના ઝાંઝમેર ગામેથી ગત રાત્રે ત્રણ શ્રમિકો બાબુ પરમાર, રાજ ભેદીમલ પાલ તથા આલોક ગણેશ પાલ અંધારામાં રેલવે વિભાગના બેદરકાર કોન્ટ્રાક્ટરે રોડમાં ખડકેલા મિલર, કપચી તથા પાણીના ટાકા બાઈક ચાલકને ન દેખાતાં બાઈક મિલર સાથે ધડાકાભેર અથડાઈ હતી. જેથી ત્રણેય મજૂરોને ગંભીર ઈજા થતાં તમામના ઘટના સ્થળે મોત નિપજ્યા હતાં. આ બનાવની જાણ ધોળા પોલીસને થતાં પોલીસ કાફલો ઘટના સ્થળે દોડી આવ્યો હતો. મૃતદેહોનો કબ્જાે લઈ પોસ્ટમોર્ટમ માટે હોસ્પિટલમાં ખસેડી કાર્યવાહી હાથ ધરી હતી. આ બનાવમાં જવાબદાર રેલ કોન્ટ્રાક્ટર વિરુદ્ધ પગલાં લેવા લોકોએ ઉગ્ર માંગ કરી છે.
    વધુ વાંચો
  • ગુજરાત

    ભાવનગરનો શેત્રુંજી ડેમ એક જ સપ્તાહમાં ૫મી વખત ઓવરફ્લો

    ભાવનગર, ભાવનગર જિલ્લાના પાલિતાણા તાલુકામાં આવેલો સૌરાષ્ટ્રનો સૌથી મોટો ડેમ શેત્રુંજી ડેમ એક જ સપ્તાહમાં સતત પાંચમી વખત ઓવરફ્લો થયો છે. રવિવારે મોડીરાત્રીથી જ ડેમમાં પાણીની આવકમાં સતત વધારો થતાં ડેમ ઓવરફ્લો થયો છે. પાણીના સતત આવકને લઈ ડેમ સત્તાવાળને જળસપાટી જાળવી રાખવા આજે સોમવારે સવારે એક ફૂટ સુધી ૫ દરવાજા ખોલવામાં આવ્યાં હતા.સૌરાષ્ટ્રમાં સૌથી મોટા જળાશય તરીકે ખ્યાતનામ ભાવનગર જિલ્લાના પાલિતાણા તાલુકામાં આવેલો શેત્રુંજી ડેમ એક જ અઠવાડિયામાં સતત પાંચમી વખત છલકાયો છે. જેમાં તારીખ ૨૦ ના રોજ ૬ દરવાજા ખોલવામાં આવ્યાં હતા. ત્યારબાદ તારીખ ૨૧ના રોજ ૧૫ દરવાજા ખુલ્યા, તારીખ ૨૨ નારોજ ૬ દરવાજા ખુલ્યા, તારીખ ૨૩ના રોજ ૧૫ દરવાજા ખુલ્યાં, તારીખ ૨૪ના રોજ ૬ દરવાજા ખુલ્યાં, તારીખ ૨૬ના રોજ ૬ દરવાજા ખોલવામાં આવ્યાં બાદ આજે તારીખ ૨૭ના રોજ એક ફૂટ સુધી ૫ દરવાજા ખોલવામાં આવ્યાં છે.પાણીની આવક પર ટીમ સતત નજર રાખી રહી છેઆ અંગે માહિતી આપતાં ડેમ સ્થિત નાયબ કાર્યપાલક ઈજનેર આશિષ બાલધીયાએ જણાવ્યું હતું કે, ઉપરવાસમાંથી આવતી પાણીની આવક પર ટીમ સતત નજર રાખી રહી છે. આવક ઘટે એટલે દરવાજા બંધ કરવામાં આવે છે અને આવક વધતા ફરી દરવાજા ખોલવામાં આવે છે. મોડીરાત્રે પાણીનો ભારે પ્રવાહ ડેમમાં આવી રહ્યો હતો જેને પગલે ડેમની સપાટી એક નિયત અંકે જાળવી રાખવા માટે આજે સવારે ડેમના ૫ દરવાજા એક ફૂટ ખોલવામાં આવ્યાં હતાં. આજે વહેલી સવારે ૫ દરવાજા ખોલવામાં આવ્યા છે. નદીઓમાં ૪૫૦ ક્યુસેક પાણીનો પ્રવાહ છોડવામાં આવી રહ્યો છે, ઉપરથી વધારાની આવક બંધ થશે. ત્યારે દરવાજા પુનઃ બંધ કરવામાં આવશે.રાજુલામા ચાર કલાકમાં ચાર ઈંચ વરસાદ ખાબકતા રસ્તાઓ નદીમાં ફેરવાઇ ગયા અમરેલી રાજ્યમાં હવામાન વિભાગની આગાહીને લઈ ઠેર-ઠેર વરસાદ વરસી રહ્યો છે. સોમવારે અમરેલી જિલ્લામાં પણ વરસાદી માહોલ જામ્યો છે. જિલ્લાના રાજુલા શહેરમાં ૪ કલાકમાં ૪ ઈંચ ધોધમાર વરસાદ ખાબકતા રસ્તાઓ પાણી પાણી થયા હતા. વરસાદના પગલે કેટલાક નિચાણવાળા વિસ્તારમાં પાણી ભરાયા છે. જ્યારે મુખ્ય બજારમાં પણ પાણી ભરાયા હતા. જેના કારણે રહીશો તેમજ વેપારીઓ પરેશાન બન્યા હતા. રાજુલાના હિંડોરણા, છતડીયા, કડીયાળી, ખાખબાઈ, મોટા આગરીયા, નવા આગરીયા, જાપોદર સહિત આસપાસના કેટલાક ગામડામાં પણ વરસાદ વરસ્યો હતો. જાેકે, સતત વરસાદના કારણે ખેડૂતોની ચિંતા વધી ગઈ છે. હાલમાં કપાસ, બાજરીના પાકને નુકસાન થવાની ભીતિ સેવાય રહી છે. હાલ ખેડૂતોને વધુ વરસાદની જરૂર ન હોવા છતા સતત વરસાદ વરસી રહ્યો છે, જેના કરાણે મોટા પ્રમાણમાં નુકસાન થવાની ભીતિ સેવાય રહી છે. જિલ્લાના લાઠી શહેર તેમજ આસપાસના ગ્રામ્ય વિસ્તારોમાં ધોધમાર વરસાદ વરસ્યો હતો. જેને પગલે મુખ્ય બજારોમાં પાણી વહેતા થયા હતા. તેમજ શેખપિરિયા, પ્રતાપગઢ, અકાળા, રામપર, તાજપર સહિત મોટાભાગના ગામડામાં પણ વરસાદ વરસ્યો હતો. ગ્રામ્ય વિસ્તારમાં સતત વરસાદના કારણે ખેડૂતોમાં ચિંતાનો માહોલ જાેવા મળી રહ્યો છે.હવામાન વિભાગની આગાહીને ધ્યાનમાં લઈ અમરેલી જિલ્લામા સતત વરસાદ પડવાના કારણે બાબરા માર્કેટીંગ યાર્ડ દ્વારા મહત્વનો ર્નિણય લેવાયો છે. યાર્ડમાં જ્યાં સુધી બીજી જાહેરાત ન થાય ત્યા સુધી રજા જાહેર કરવામાં આવી છે. હાલ પુરતી ખેત જણસોની આવક બંધ કરી દેવામાં આવી છે, તેમજ ખેડૂતોને પણ માલ લઈને ન આવવા અપીલ કરવામાં આવી છે. ખેડૂતોના માલ યાર્ડમાં વધુ આવતો હોવાને કારણે નુકસાન ન જાય તે માટે મહત્વનો ર્નિણય લેવાયો છે. અમરેલી જિલ્લામાં રાજુલા, જાફરાબાદ, પીપાવાવ કોસ્ટલમા મુશળધાર વરસાદ પડતા જળબંબાકારની સ્થિતિ સર્જાઈ છે. જાફરાબાદ તાલુકાના ટીબી ગામની રૂપેણી નદીમાં પુર આવ્યું છે. જેના કારણે ગામ વચ્ચે અવર જવરના કોઝવે પરથી પાણી જઈ રહ્યું છે. જેના કારણે વાહનવ્યવહાર પણ ખોરવાયો છે. જાફરાબાદના ટીંબીમાં પણ ૩ ઇંચ કરતા વધુ વરસાદ ખાબક્યો છે.
    વધુ વાંચો
  • ગુજરાત

    વલ્લભીપુરમાં વરસાદી પાણીના યોગ્ય નિકાલના અભાવે રોગચાળાનો ખતરો

    ભાવનગરભાવનગરના વલ્લભીપુરમાં વરસાદી પાણીના યોગ્ય નિકાલના અભાવે પાણીજન્ય અને ઋતુજન્ય રોગચાળાએ માથું ઊંચક્યું છે. શહેરના વોર્ડ નંબર- ૨માં આવેલી ભરવાડ શેરીમાં વરસાદી પાણી ભરાવવાની સમસ્યાને લઈને સ્થાનિકો ત્રસ્ત થઈ ગયા છે. માર્ગની વચ્ચોવચ ભરાયેલા પાણીના મોટા તલાવડાને કારણે નજીકમાં જ આવેલી કન્યાશાળાની વિદ્યાર્થીનીઓ અને આંગણવાડીના ભૂલકાઓ જાેખમી રીતે આ માર્ગ પસાર કરી રહ્યા છે. ઘણા સપ્તાહોથી ભરાયેલા વરસાદી પાણીને કારણે મચ્છરનો ઉપદ્રવ ફેલાતા આસપાસના રહેવાસીઓમાં ઘેર-ઘેર માંદગીના ખાટલા જાેવા મળી રહ્યા છે.માર્ગનું નવીનીકરણ થયું ત્યારે જ બે રસ્તા વચ્ચે યોગ્ય લેવલિંગના અભાવે આ સમસ્યા ઉદ્દભવી હોવાનું સ્થાનિકો જણાવી રહ્યા છે. પાણીના નિકાલની યોગ્ય વ્યવસ્થા ન થતા સ્થાનિકો પર આવી પડેલી આફત સામે જાેવાની પાલિકા તંત્રને ફુરસદ નથી. વારંવારની રજૂઆતો બહેરા કાને અથડાઈને પાછી ફરતી હોવાનો બળાપો સ્થાનિકો વ્યક્ત કરી રહ્યા છે. સતત ભરાયેલા રહેતા પાણીને કારણે અકસ્માતનો ભય પણ વાહનચાલકો પર ઝળુંબી રહ્યો છે, ત્યારે જે વિસ્તારમાં ભાજપના ચાર-ચાર સદસ્યો ચૂંટાયા છે એ વિસ્તારની હાલત અત્યંત દયનિય બની છે.
    વધુ વાંચો
  • ગુજરાત

    ભાવનગર જિલ્લામાં મીઠાના અગરોના કારણે ખેતરોમાં ભરાઇ ગયેલા પૂરના પાણી ઓસરતા નથી

    ભાવનગરભાવનગરમાં ભાલ પંથકમાં પાળિયાદ, દેવળિયા,રાજગઢ અને માઢિયા સહિતના ગામોમાં ખેતરોમાં ભરાયેલા પાણી જે ઓસર્યા નથી અને તેના માટે જવાબદાર મીઠાના અગરો બન્યા છે. આ સમસ્યા આજની નહીં પરંતુ અહીંના ખેડૂતો દર વર્ષે વેઠી રહ્યા છે. વરસાદ પડે ત્યારે સૌરાષ્ટ્રની અનેક નદીઓમાં પાણીની આવક થાય છે, આ પાણી ભાવનગરની ખાડીમાંથી થઈને દરિયામાં વહી જાય છે. પરંતુ મીઠાના અગરો માટે બનાવેલા પાળા પાણીના નિકાલ માટે અવરોધક સાબિત થયા છે. દરિયામાં નદીના પાણીનો નિકાલ ન થતા પાણી ખેતરોમાં ભરાઈ જાય છે જેના કારણે ખેડૂતોના પાકને નુકસાન થાય છે. ભાલના સવાઇનગર, માઢીયા, સનેશ, પાળિયાદ, દેવળીયા, રાજગઢ સહિતના ગામોમાં ખેતરોમાં પાણી ભરાઈ જાય છે.ઉભો પાક ધોવાઈ જાય છે. આકાશી નજારામાં જાેઈ શકાય છે કે મીઠાના અગરો માટે બનાવવામાં આવેલા પાળાના કારણે ખેતરોમાં પાણી ભરાયેલા છે. પાણીના નિકાલ માટે કેનાલ બનાવવામાં આવી છે પરંતુ તે હાલ ઉપયોગમાં આવી નથી, સિંચાઈ વિભાગના અધિકારીના મતે ખેડૂતો પાણીના નિકાલ માટેની યોગ્ય વ્યવસ્થા નથી કરી શકતા. સામાન્ય રીતે ચોમાસુ અને તે સમયમાં આવતો વરસાદ ખેતીવાડી અને પીવાના પાણી માટે આશીર્વાદરૂપ સાબિત થતો હોય છે, પરંતુ આ વરસાદ ભાલ વિસ્તારમાં જાણે કે ખેડૂતો માટે આફત લાવતો હોય તેમ લાગી રહ્યું છે. ભાલ પંથકમાં છેલ્લા ૩ વર્ષથી પાણીના નિકાલની સમસ્યા માથાના દુખાવા સમાન બની ગઈ છે. ભાલ વિસ્તારમાં સૌરાષ્ટ્રની અનેક નદીઓના પાણી આવે છે અને તે અહીંથી ભાવનગરની ખાડીમાં થઇને દરિયામાં વહી જતા હોય છે. છેલ્લા થોડા સમયથી આ વિસ્તારમાં મીઠાના અગરો માટે બનેલા પાળાઓ પાણીની જાવક માટે અવરોધરૂપ બન્યા છે અને તેના કારણે આ પાણી દરિયાની બદલે ખુલ્લી જમીનોમાં ફેલાઈ જાય છે અને ખેતરોમાં પાણી ભરાઈ જાય છે. ભાલના સવાઇનગર, માઢીયા, સનેશ, પાળિયાદ, દેવળીયા, રાજગઢ સહિતના ગામોમાં વરસાદી પાણીના નિકાલની સમસ્યા છે.તેથી ખેડૂતોના ઉભા પાક ધોવાઈ જાય છે.ભાલ પંથકમાં વરસાદી પાણી ભરાવાની સમસ્યા છેલ્લા વર્ષથી જાેવા મળે છે. આ વિસ્તારમાં એક તરફ નેશનલ હાઇવે બની રહ્યો છે અને તેના કારણે પણ કેટલીક જગ્યાઓએ પુલની સાઈઝ લાંબી નહિ હોવાથી નદીના વહેણનો ફેલાવો વધુ થતો હોઈ અને નાળા સાંકડા હોઈ પાણીનો નિકાલ થતો નથી. આ વિસ્તારમાં જી.આઈ.ડી.સી પણ બની રહી છે અને તે ભાગ ઊંચો હોઈ અહીં પાણી પાછા ફરતા હોઈ દરિયામાં જવાના બદલે ખેતરોમાં ફેલાય છે.
    વધુ વાંચો
  • ગુજરાત

    મુઠ્ઠીભર માણસોનો વિકાસ થાય એ સાચો વિકાસ નથી ઃ શકિતસિંહ

    ભાવનગરજિલ્લાના ગારિયાધાર તાલુકાના ત્રણ આરોગ્ય કેન્દ્રો માટે રાજ્યસભાના સાંસદ અમીબેન યાજ્ઞિક દ્વારા અનુદાનિત ત્રણ એમ્બ્યુલન્સનો લોકાર્પણ કાર્યક્રમ યોજાયો હતો. જેમાં રાજ્યસભાના સાંસદ શક્તિસિંહ ગોહિલ અને પ્રદેશ પ્રમુખ અમિત ચાવડાના હસ્તે ત્રણે એમ્બ્યુલન્સનું લોકાર્પણ કરવામાં આવ્યું હતું. ગારિયાધાર તાલુકાના મોટી વાવડી, માનગઢ અને વેળાવદર ત્રણે પ્રાથમિક આરોગ્ય કેન્દ્રો માટે રાજ્યસભાના સાંસદ અમીબેન યાજ્ઞિક દ્વારા ૫૪ લાખની માતબર ગ્રાન્ટમાથી ફાળવાયેલી ત્રણ એમ્બ્યુલન્સનો લોકાર્પણનો કાર્યક્રમ રાજ્યસભાના સાંસદ શક્તિસિંહ ગોહિલ અને પ્રદેશ પ્રમુખ અમિત ચાવડાની વિશેષ ઉપસ્થિતિમાં યોજાયો હતો. જેમાં ધારાસભ્ય કેશુભાઈ નાકરાણી, કનુભાઈ કળસરિયા, ધારાસભ્ય કનુભાઈ બારૈયા, કોંગ્રેસ જિલ્લા પ્રમુખ પ્રવિણ રાઠોડ સહિતના આગેવાનો અને કાર્યકરો ઉપસ્થિત રહ્યા હતા. કાર્યક્રમ પ્રસંગે યોજાયેલી જાહેર સભામાં બોલતા રાજ્યસભાના સાંસદ શક્તિસિંહ ગોહિલે કેન્દ્ર સરકાર પર માર્મિક પ્રહાર કર્યા હતા. શક્તિસિંહે જણાવ્યું હતું કે, મુઠ્ઠીભર માણસોનો વિકાસ થાય એ સાચો વિકાસ નથી. જેની પાસે ખૂબ છે ત્યાંથી મેળવી સામાન્ય માણસને આપવામાં આવે એ વિકાસ છે, તેમણે જણાવ્યું હતું કે, લંકા સોનાની નગરી ગણાતી હતી એટલે રાવણ વિકાસ પુરુષ ગણાય પરંતુ સાચો વિકાસ પુરુષ હોત તો રામ તેનો વધ કરત ખરા, શ્રીમંતને શ્રીમંતના કહેવાય પણ જેની પાસે કૈક ઓછું છે અને જેની પાસે ખૂબ વધારે છે એ બંને વચ્ચેનું અંતર ખાળવાનો પ્રયાસ થાય એ સાચી લોકશાહી ગણાય.
    વધુ વાંચો
  • ગુજરાત

    રાજયના આ ડેમના 59 દરવાજા 2 ફૂટ ખોલાયા: નીચાણવાળા ગામડાઓને એલર્ટ કરાયા

    ભાવનગર- જિલ્લાના પાલીતાણા આવેલા શેત્રુંજી ડેમ 34 ફૂટની ઓવરફ્લો સપાટીએ પોહચી ગયો હતો. ડેમમાં પાણીની આવક 34 ફૂટ ઉપર એક ફૂટ એક ઇંચ થતા પ્રથમ 20 દરવાજા ખોલવામાં આવ્યા હતા. 20 દરવાજા ખોલ્યા બાદ પાણીનો પ્રવાહ 1800 ક્યુસેક હતો. ઉપરવાસમાં સારા વરસાદના પગલે પાણીની આવકમાં વધારો થતાં સવારે 6 કલાકે 94,40 ક્યુસેક પાણીની આવક થતા અને 1.6 ફૂટ દરવાજા ઉપરથી પાણી વહેતા 59 દરવાજા ખોલવામાં આવ્યા હતા. જ્યારે સવારે 9 કલાકે 59 દરવાજા ખોલવા છતાં દરવાજા ઉપરથી 2 ફૂટ ઉપર પાણી 1,5340 ક્યુસેક વહેતુ થયું હતું. આથી નીચાણવાળા 17 ગામોને એલર્ટ કરવામાં આવ્યા હતાં. ભાવનગર જિલ્લાનો શેત્રુંજીનડેમના કુલ 60 દરવાજામાંથી 59 દરવાજા ખોલી નાખવામાં આવ્યા છે અને દરવાજા ઉપર 2 ફૂટ પાણી વહેતા અને 1,5340 ક્યુસેક પાણીનો ધોધમાર બેહતો પ્રવાહથી ઓવરફલોના દ્રશ્યો રમણીય બન્યા હતા. ઉપર વાદળો વચ્ચે વહેલી સવારના દ્રશ્યોમાં વહેતું દરવાજામાંથી પાણી આહલાદક અને કુદરતની મહેક છલકાવતું હતું. જ્યારે શેત્રુંજી ડેમ બાદ તળાજા સુધી દરિયા સુધી વચ્ચે આવતા 17 ગામોને એલર્ટ કરવામાં આવ્યા છે કે નદી કાંઠેથી લોકો દૂર રહે અને સાવચેત રહે. ગામોને એલર્ટ કરવામાં આવ્યા તેમાં પાલિતાણા તાલુકાના નાની રાજસ્થળી, લાપાળીયા,માયધાર અને મેઢા છે જ્યારે તળાજા તાલુકાના ભેગાળી, દાત્રડ,પિંગળી,ટીમાણા,શેવાળીયા, રોયલ, માખણીયા, તળાજા, ગોરખી, લીલીવાવ, તરસરા અને સરતાનપર ગામનો સમાવેશ થાય છે.
    વધુ વાંચો
  • ગુજરાત

    ગુજરાતની આ દીકરી એ જીત્યો દિલ્હી માં મિસિસ ઇન્ડિયા નો ખિતાબ

    અમદાવાદ-છેલ્લા બે વર્ષ થી કોરોના ના પુરા વિશ્વ માં આવેલા કહેર ના કારણે સૌ પોત પોતાના ઘર માં રહી ને આ રોગ ના થાય અને પરિવાર ની સ્વસ્થતા જળવાઈ રહે તેવા ઉપાયો કરતા હતા. આ લોકડાઉન ના સમય માં લોકો એ પોતાના પરિવાર સાથે જ સમય વિતાવ્યો અને પોતાના શોખ ઘરે બેઠા કઈ રીતે પુરા કરી શકે તેવા પ્રયોગો કર્યા. કોરોના ની રસી ની શોધ થઈ અને ભારત માં રસીકરણ બાદ લોકડાઉન ખુલ્યું ત્યારે મહિલાઓ પણ પરિવાર ની જવાબદારીઓ ની સાથે સાથે પોતાના શોખ પણ પુરા કરી શકે તે માટે દેશ માં અલગ અલગ કાર્યક્રમો ચાલુ થયા.કલાનગરી તરીકે ઓળખાતા શહેર ભાવનગર ની એક દીકરી એ સ્વપ્ન જોયું કે તે ફેશન ઇન્ડસ્ટ્રી માં કઈ કરી બતાવવા માંગે છે અને તેણે નેશનલ લેવલ ની એક ફેશન પેજન્ટ ઇવેન્ટ માટે ઓડિશન આપ્યું. ક્લિનિકલ સાયકોલોજીસ્ટ અને એક નાનકડી દીકરી ની મમ્મી સાથે જ એક કુશળ ગૃહિણી દિગવાસા ગોહિલ સિંગ કે જેઓ એ દિલ્હી ખાતે યોજાનાર આ નેશનલ લેવલ ની પેજન્ટ ઇવેન્ટ માં ભાગ લીધો અને પુરા ભારત માં થી ભાગ લેવા આવેલ મહિલાઓ માંથી દિગવાસા ગોહિલ સિંગ ને મિસિસ ઇન્ડિયા ફિટેસ્ટ બોડી અને મિસિસ ઇન્ડિયા ઇન્ટેલિજન્ટ વુમન 2021 ના ખિતાબ થી નવાજવામાં આવ્યા છે. ભાવનગર માટે આ ગૌરવ ની વાત કહી શકાય કે નેશનલ લેવલ ની ઇવેન્ટ માં ગુજરાત ના આ જીલ્લા ના પ્રતિનિધિ એ ભાગ લઈ ને 2 ટાઇટલ જીત્યા છે. આ નેશનલ લેવલ ની પેજન્ટ ગઈ 8 મી ઓગસ્ટ ના રોજ હયાત રેજન્સી દિલ્હી ખાતે યોજાઈ હતી જેમાં અલગ અલગ રાજ્યો માંથી 30 જેટલા સ્પર્ધકો ફાઈનલ માં પહોંચ્યા હતા, આ સ્પર્ધામાં દિગવાસા ગોહિલ સિંગ એ ગુજરાતની લોકસંસ્કૃતિ ને ઉજાગર કરતા વસ્ત્રો જેમકે ચણિયાચોળી અને સાડી પહેરી ને ભાગ લીધો હતો જે આકર્ષણ નું કેન્દ્ર બન્યા હતા. ગીત સંગીત અને નૃત્ય ના રાઉન્ડમાં તેમણે ગુજરાત ના પ્રખ્યાત ડાકલા નૃત્ય રજૂ કર્યું હતું. દિગવાસા ગોહિલ સિંગ ભાવનગર ના હિલડ્રાઇવ વિસ્તારમાં પોતાની 3 વર્ષ ની નાની દીકરી અને પતિ સાથે રહે છે અને ભવિષ્યમાં પણ ફેશન અને મોડલિંગ ક્ષેત્ર માં આગળ વધવા માંગે છે.દિગવાસા ગોહિલ સિંગ મૂળ ભાવનગર ના રહેવાસી છે અને તેમના પતિ ભારતીય નેવી ના પૂર્વ ઓફિસર અને હાલ માં એલ.આઈ.સી. માં કાર્ય કરી રહ્યા છે. દિગવાસા ગોહિલ સિંગ ની એક નાની દીકરી છે ત્યારે ઘર ની અને માતા પિતા ની જવાબદારી પણ ખૂબ કુશળતા થી નિભાવતા સાથે આ પ્રકાર ની સ્પર્ધા માં ભાગ લઈ ને આ ટાઇટલ મેળવ્યા તે માટે પરિવાર માં ખુશી ની લાગણી પ્રસરી રહી છે.
    વધુ વાંચો
  • ગુજરાત

    ગુજરાતમાં 8 મહાનગરપાલિકામાં 15 સપ્ટેમ્બર સુધી કરફ્યૂ યથાવત

    ગાંધીનગર-ગુજરાતમાં આઠ મહાનગરપાલિકામાં 15 સપ્ટેમ્બર સુધી કરફ્યૂ યથાવત રાખવામાં આવ્યો છે. જેમાં સરકારે 28 ઓગસ્ટથી 15 સપ્ટેમ્બર સુધી રાત્રે 11થી સવારે 6 સુધી કરફ્યૂ યથાવત રાખ્યો છે. તેમજ સમયમાં કોઇ છૂટ આપવામાં આવી નથી. જો કે જન્માષ્ટમી અને ગણેશ ઉત્સવ દરમ્યાન આપેલી છૂટ અમલી રહેશે. ગુજરાતના આઠ મહાનગરો, અમદાવાદ, વડોદરા, સુરત, રાજકોટ, ગાંધીનગર, જામનગર, ભાવનગર અને જૂનાગઠમાં 15 સપ્ટેમ્બર સુધી રાત્રિ કર્ફ્યૂ અમલમાં રહેશે. જેમાં રાત્રે 11 વાગેથી સવારે છ વાગે સુધી કર્ફ્યૂ અમલી રહેશે. જ્યારે ઉલ્લેખનીય છે કે, રાજ્યમાં યોજાનાર જન્માષ્ટમી અને ગણેશોત્સવના પર્વ નિમિત્તે રાજ્ય સરકારે મહત્વનો નિર્ણય કર્યો છે. કોર કમિટીની બેઠકમાં રાજ્ય સરકારે કેટલાક મહત્વના નિર્ણયો કર્યા છે. સૌપ્રથમ જન્માષ્ટમીના પર્વની વાત કરીએ તો, 8 મહાનગરોમાં 30 ઓગસ્ટે એટલે કે જન્માષ્ટમીની રાત્રે નાઇટ કર્ફ્યૂમાં 2 કલાકની વધુ છૂટ અપાઇ છે.એટલે કે 8 મહાનગરોમાં રાત્રીના 11ના બદલે 1 વાગ્યા સુધી રાત્રી કરફ્યૂમાં છૂટ અપાશે. તો મંદિર પરિસરમાં એક સાથે વધુમાં વધુ 200 લોકોને દર્શનની છૂટ અપાઇ છે. તો દર્શન કરતી વખતે દર્શનાર્થીઓએ SOPનું ફરજિયાત પાલન કરવું પડશે. સાથે જ મંદિર સંચાલકોએ સોશિયલ ડિસ્ટન્સિંગ અંગે વ્યવસ્થા કરવી પડશે. તો જન્માષ્ટમીના પર્વે રાજ્યમાં લોકમેળા નહીં યોજી શકાય. તો મટકી ફોડના આયોજન પર પણ પ્રતિબંધ મુકાયો છે. તો ગણેશોત્સવ માટે પણ રાજ્ય સરકારે ગાઇડલાઇન જાહેર કરી છે. ગણેશોત્સવની ગાઇડલાઇન પર નજર કરીએ તો, સાર્વજનિક ગણેશોત્સવમાં માત્ર 4 ફૂટની મૂર્તિનું જ સ્થાપન કરી શકાશે. અને ગણેશ ભક્તો પણ ઘરમાં 2 ફૂટની શ્રીજીની મૂર્તિનું સ્થાપન કરી શકશે. ખાસ કરીને ગણેશ મંડળોએ પંડાલમાં દર્શન માટે SOP પાલન કરાવવું પડશે. અને પંડાલમાં સોશિયલ ડિસ્ટન્સિંગ માટે આયોજકોએ વ્યવસ્થા કરવી પડશે.
    વધુ વાંચો
  • ગુજરાત

    ભાવનગરમાં માત્ર 41.04 ટકા વરસાદ, ચોમાસુ ખેતી પણ સિંચાઈ પર નિર્ભર

    ભાવનગર- જિલ્લામાં આવેલા 12 ડેમોમાં પાણી 70 ટકા છે પણ ચોમાસાનો વરસાદ માત્ર 41.04 ટકા હવે વિચારવા લાયક તો છે કે, આમ કેમ હા તૌકતે વાવાઝોડાના નીર અને ઉપર વાસના વરસાદના ડેમમાં આવતા નિરથી ડેમોમાં 70 ટકા પાણી છે. જો કે સિઝનનો વરસાદ ખૂબ જ ઓછો છે, ત્યારે શેત્રુંજી ડેમ 80 ટકા ઉપર જતા નીચાણવાળા વિસ્તારોના ગામડાઓને એલર્ટ રહેવા જણાવી દેવામાં આવ્યું છે, ત્યારે હાલમાં ખેતી ચોમાસામાં પણ સિંચાઈ પર નિર્ભર બની ગઈ છે. આઠ તાલુકામાં વરસાદ 40 ટકાથી નીચે છે હવે મેઘરાજા વર્ષે તેવી અપેક્ષા સૌ કોઈની છે. ભાવનગર જિલ્લામાં બે તાલુકામાં સારા વરસાદને પગલે ખેતીને નુકશાન નથી પરંતુ બાકીના આઠ તાલુકા વાવાઝોડામાં આવેલા વરસાદથી ઉભા થયેલા સ્ત્રોત દ્વારા ચોમાસાની ખેતી કરવા મજબૂર છે કારણ કે જિલ્લામાં વરસાદ 50 ટકાથી નીચે નોંધાયો છે હાલમાં ડુંગળીનું સૌથી વધુ વાવેતર કરતા તળાજા અને મહુવાના ગામડાઓ દ્વારા માંગ સિંચાઈ પાણી માટે કરી હતી પરંતુ બાફમાં વરસાદ વરસતા ખેડૂતોએ માંગ પછી ખેંચી લીધી અને અધિકારી સાથેની બેઠક પણ રદ થઈ ગઈ હતી. સિંચાઈ અધિકારી એ એમ બાલધીયાએ જણાવ્યું હતું કે હાલના ડેમોમાં પાણી 70 ટકા સુધી છે અને રવિ પાકમાં પણ સિંચાઈ માટે પાણી આપી શકાશે. ભાવનગર જિલ્લામાં આવેલા 12 ડેમોમાં પાણી 70 ટકા છે પણ ચોમાસાનો વરસાદ માત્ર 41.04 ટકા હવે વિચારવા લાયક તો છે કે, આમ કેમ હા તૌકતે વાવાઝોડાના નીર અને ઉપર વાસના વરસાદના ડેમમાં આવતા નિરથી ડેમોમાં 70 ટકા પાણી છે. જો કે સિઝનનો વરસાદ ખૂબ જ ઓછો છે.
    વધુ વાંચો
  • ગુજરાત

    ગુજરાતના આ શહેરમાં જળસંકટના ભણકારા, ભાવનગરના 8 ડેમોમાં થોડા દિવસ ચાલે એેટલં જ પાણી

    ભાવનગર-ભાવનગર જિલ્લાના મુખ્ય જળાશયો ગત ચોમાસામાં પડેલા સારા વરસાદને લઇ છલકાઈ ગયા બાદ ચાલુ વર્ષે પડેલા વરસાદને પગલે જળાશયોમાં નવા પાણીની આવક થતા જીલ્લાના કાર્યરત ૮ ડેમોમાં હજુ ૫૦% કરતા વધુ પાણીનો જથ્થો ઉપલબ્ધ છે. જેમાં ભાવનગર સહિત ચાર તાલુકાને પાણી પૂરું પાડતા અને જીવાદોરી સમાન શેત્રુંજી ડેમમાં હજુ ૭૦.૪૩% પાણીનો જથ્થો ઉપલબ્ધ છે. આ વર્ષે પીવાના પાણીની ખોટ નહિ પડે, પરંતુ પિયત માટે માત્ર ૩ થી ૪ પાણ આપી શકાય તેટલો જ જથ્થો ઉપલબ્ધ હોય જેથી સારા વરસાદની સૌ કોઈ આતુરતાથી રાહ જાેઈ રહ્યા છે. ભાવનગર જિલ્લાના ૧૨ જળાશયો પૈકી કાર્યરત૮૮ જળાશયોમાં હજુ પણ ૫૦% કરતા વધુ પાણી ઉપલબ્ધ છે. જયારે અન્ય ૪ ડેમોમાં હાલ નહીવત પાણીનો જથ્થો મૌજુદ છે. હાલ વરસાદ ખેંચાયો છે. જેથી જગતનો તાત વરસાદની કાગડોળે રાહ જાેઈ રહ્યો છે. પરંતુ આ સ્થિતિ વચ્ચે પણ પીવાના પાણીની કોઈ પારાયણ સર્જાય તેમ નથી. પરંતુ સિંચાઈ માટે શેત્રુંજી ડેમમાંથી માત્ર ૩ થી ૪ વાર પિયત આપી શકાય એટલુ જ પાણી ઉપલબ્ધ હોઈ સિંચાઈ માટે વરસાદ વહેલો પડે તે જરૂરી છે. ભાવનગર જિલ્લાના મુખ્ય પાંચ મોટા જળાશયો પૈકી પીવાના પાણી અને સિંચાઈ બંને માટે ઉપયોગી અને સૌરાષ્ટ્રનો સૌથી મોટો ડેમ એવો શેત્રુંજી ડેમ કે જે હજુ પણ ૨૯.૧૧ ફૂટ એટલેકે ૭૦.૪૩% જેટલો ભરેલો છે. ગત ચોમાસામાં શેત્રુંજી ડેમ પાંચ વર્ષ બાદ ઓવરફ્લો થયો હતો અને જે પૂરી સિઝન દરમ્યાન અનેક વખત ઓવરફલો થયો હતો. તેમજ સતત ૨૯ દિવસ સુધી ડેમના દરવાજા ખોલી નાખવા પડ્યા હતા. જ્યારે ચાલુ વર્ષે પણ ચોમાસાના પ્રારંભે પડેલા સારા વરસાદના પગલે નવા નીરની આવકનો પણ સમાવેશ થાય છે. આ ઉપરાંત ભાવનગરની જીવાદોરી પૈકીનું બીજું જળ સ્તોત્ર અને રાજવી પરિવારની દેણ સમું બોરતળાવ પણ ગત વર્ષ ઓવરફલો થયું હતું અને જેમાં પણ હજુ ૬૦% જેટલું એટલે કે ૪૦૦ એમસીએફટી જેટલો પાણીનો જથ્થો ઉપલબ્ધ છે. આંકડાકીય વિગત મુજબ ભાવનગર જીલ્લાના જળાશયોમાં પાલિતાણાના શેત્રુંજી ડેમમાં ૭૦.૪૩ %, રજાવળ ડેમમાં ૩૯.૬૦%, ખારો ડેમમાં ૭૯.૩૩%, હણોલ ડેમમાં ૪૯.૧૧%, મહુવાના માલણ ડેમમાં ૫૮.૧૩%, બગડ ડેમમાં ૫૫.૭૨%, રોજકી ડેમમાં ૬૫.૮૭%, ઉમરાળાના રંઘોળા ડેમમાં ૬૦.૨૬%, ભાવનગરના લાખણકા ડેમમાં ૧૭.૯૩%, તળાજાના હમીરપરા ડેમમાં ૧.૯૮%, જસપરા (માંડવા) ડેમમાં ૧૭.૪૭%, પીંગલી ડેમમાં ૮૧.૫૨% પાણીનો જથ્થો સંગ્રહિત છે.
    વધુ વાંચો
  • ગુજરાત

    હવાઇ ઉડ્ડયન ક્ષેત્રે સોનેરી સોપાન, ભાવનગર થી દિલ્હી, સુરત અને મુંબઇની સ્પાઇસ જેટની નવી સીધી વિમાની સેવાની શરૂઆત

    ભાવનગર-ભાવનગર માટે નવો અધ્યાય લખાવા જઈ રહ્યો છે. જે અંતર્ગત ભાવનગરથી આવતીકાલથી દિલ્હી, સુરત અને મુંબઇની સ્પાઇસ જેટની નવી સીધી વિમાની સેવાની શરૂઆત થવા જઇ રહી છે. આવતીકાલે બપોરે ભાવનગર એરપોર્ટ ખાતેથી સ્પાઇસ જેટની ફલાઇટને મુખ્યમંત્રી વિજય રૂપાણી અને કેન્દ્રીય ઉડ્ડયન મંત્રી શ્રી જ્યોતિરાદિત્ય સિંધિયા વર્ચ્યુઅલી ફ્લેગ ઓફ કરી આ નવી ફ્લાઇટ સેવાનો શુભારંભ કરાવશે. આ અવસરે સાંસદ આર.સી પાટીલ, ભારતીબેન શિયાળ અને શિક્ષણ મંત્રીભૂપેન્દ્રસિંહ ચુડાસમા, શિક્ષણ રાજ્ય મંત્રી વિભાવરીબેન દવે, મત્સ્યોદ્યોગ રાજ્યમંત્રી પરસોત્તમ સોલંકી, ધારાસભ્ય જીતુ વાઘાણી સહિતના મહાનુભાવો ઉપસ્થિત રહેશે.ભારતના વડાપ્રધાન નરેન્દ્ર મોદીએ 'ઉડે દેશ કા આમ આદમી', 'ઉડાન યોજના' હેઠળ દેશમાં નાના શહેરોને પણ એર કનેક્ટિવિટીથી જોડવાનું જે અભિયાન ઉપાડ્યું છે તેમાં ભાવનગરના હવાઇ ઉડ્ડયન ક્ષેત્રનું આ નવું સોનેરી સોપાન બની રહેશે. ભાવનગર ગુજરાતનું વિકસતું અને મોટું શહેર છે. ભાવનગર વ્યાપાર ઉદ્યોગનું મહત્વનું કેન્દ્ર હોવા સાથે ઘણાં બધાં મધ્યમ અને નાના ઉદ્યોગો ધરાવતું કેન્દ્ર છે. વિશ્વભરમાં ખ્યાતિ ધરાવતો જહાજ ભાગવાનો વાડો ભાવનગરના અલંગમાં આવેલો છે. ભારત સરકારની નવી સ્ક્રેપ પોલિસી અંતર્ગત પણ અલંગમાં જુના વાહનો ભંગાવવા માટે આવવાના છે. તો જૈનોનું પવિત્ર તિર્થસ્થાન પાલીતાણા સહિત અનેક પવિત્ર મંદિરો ભાવનગરમાં આવેલા છે. કાળિયાર માટેનો જ પ્રખ્યાત અભયારણ્ય એવું વેળાવદર પણ ભાવનગરમાં આવેલું છે. આમ, અનેક ગતિવિધિ સાથે સંકળાયેલા ભાવનગરને નવી એર કનેક્ટિવિટી મળતાં ભાવનગરવાસીઓને આંતરરાજ્ય સાથે આંતરરાષ્ટ્રીય મુસાફરી માટેનો નવો દ્વાર ખુલશે. આવતીકાલથી દિલ્હી અને મુંબઈ વિમાની સેવાનો શુભારંભ થશે ત્યારબાદ તા. ૨૧ ઓગસ્ટના રોજ સુરત માટેની પણ વિમાની સેવાની શરૂઆત કરવામાં આવશે. ઉલ્લેખનીય છે કે, ભાવનગર થી દિલ્હી અને મુંબઈની ફ્લાઈટ મંગળવાર અને શનિવાર સિવાયના બધા દિવસો દરમિયાન ચાલશે. આ ઉપરાંત ભાવનગર થી સુરતની ફ્લાઈટ ગુરુવાર, શનિવાર અને રવિવારના દિવસોએ ચાલશે.
    વધુ વાંચો
  • ગુજરાત

    ગુજરાતના આ શહેરમાં સ્વિમિંગ પુલ ખુલ્લા મૂકાયા, વેક્સીન વગર પ્રવેશ નહિ

    ભાવનગર-કોરોનાના કેસમાં ઘટાડો થતા ભાવનગરમાં આવેલા બંને સ્વિમિંગ પુલ ખોલવામાં આવ્યા છે. કોરોના સંક્રમણને અટકાવવા ગુજરાતના તમામ સ્વિમિંગ પુલ બંધ કરી દેવામાં આવ્યા હતા, જેના કારણે સ્વીમિંગ પુલ છેલ્લા દોઢ વર્ષ થી બંધ હતા, એના કારણે તરવૈયાઓ નિરાશ થઈ રહ્યા હતા. હવે જ્યારે કોરોનાના કેસ ધીમે ધીમે ઘટી રહ્યા છે ત્યારે સરકારની ગાઈડલાઇન મુજબ સ્વિમિંગ પુલ ખુલી રહ્યા છે, ત્યારે ભાવનગરના પૂર્વ અને પશ્ચિમ વિસ્તારમાં આવેલા બંને સ્વિમિંગ પુલને પણ તરવૈયાઓ માટે ખુલ્લા મુકવા આવ્યાં છે. સ્વિમિંગ પુલમાં પ્રવેશ મેળવવા ઇચ્છતા તરવૈયાઓએ સરકારની તમામ ગાઈડલાઇન ફોલો કરવી પડશે. તેમજ સ્વિમિંગ પુલમાં પ્રવેશ મેળવવા માંગતા લોકોએ કોરોનાની રસી લીધી હશે તે લોકોને જ સ્વિમિંગ પુલમાં પ્રવેશ આપવા ર્નિણય કરવામાં આવ્યો છે.ભાવનગર મહાનગરપાલિકા સંચાલિત અને શહેરના પશ્ચિમ વિસ્તારના નિલમબાગ ખાતે આવેલ નિલમબાગ સ્વિમિંગ પૂલ ખોલવામાં આવતા મોટી સંખ્યામાં તરવૈયાઓ સ્વિમિંગ માટે ઉમટી પડ્યા હતા. જ્યારે મનપા સંચાલિત પૂર્વ વિસ્તારના સરદારનગર ખાતે આવેલ સ્વિમિંગ પુલને પણ ખોલી દેવામાં આવ્યો છે. પરંતુ ત્યાં હાલ સફાઈ કામ ચાલુ હોવાથી ૨ દિવસ બાદ તરવૈયાઓને સરકારી ગાઈડલાઈન મુજબ પ્રવેશ આપવામાં આવશે. સ્વિમિંગ પુલ ખાતે પ્રવેશ મેળવવા માંગતા લોકોએ કોરોના વેક્સિન ફરજિયાત લેવી પડશે, જે લોકોએ વેક્સિન લીધી હશે તેઓ ને જ સ્વિમિંગ પુલમાં પ્રવેશ આપવા તંત્ર દ્વારા કડક ર્નિણય લેવામાં આવ્યો છે. શહેરના બંને સ્વિમિંગ પુલ ખુલ્લા મુકવામાં આવતા તરવૈયાઓમાં ખુશીની લહેર જાેવા મળી હતી.
    વધુ વાંચો
  • રાષ્ટ્રીય

    હવે...ભાવનગરથી દિલ્હી-મુંબઈની ફ્લાઈટ 20 ઓગસ્ટથી શરૂ થશે

    ન્યૂ દિલ્હી-નાગરિક ઉડ્ડયન પ્રધાન જ્યોતિરાદિત્ય સિંધિયાએ ગુરુવારે જણાવ્યું હતું કે, ગુજરાતના ભાવનગરથી દિલ્હી અને મુંબઇની દૈનિક ફ્લાઇટ્‌સ ૨૦ ઓગસ્ટથી પહેલીવાર કાર્યરત શરૂ થશે. જોકે તેમણે સ્પષ્ટ કર્યું નથી કે આ રૂટ પર કઈ એરલાઇન્સ ફ્લાઇટ્‌સનું સંચાલન કરશે.સિંધિયાએ ટિ્‌વટ કર્યું હતું કે, “પહેલી વખત, ૨૦ મી ઓગસ્ટથી નવી દિલ્હીથી ભાવનગર સુધી દૈનિક ફ્લાઇટ્‌સ શરૂ થશે. આ સાથે મુંબઈ-ભાવનગર વચ્ચેની ફ્લાઈટ પણ ૨૦ ઓગસ્ટથી શરૂ થશે. તેમણે કહ્યું કે આ ચોક્કસપણે ભાવનગરના નાગરિકો માટે દિલ્હી અને મુંબઈ વચ્ચે સરળ મુસાફરી સુનિશ્ચિત કરશે. તેમણે કહ્યું કે વડાપ્રધાન નરેન્દ્ર મોદીના નેતૃત્વમાં નાગરિક ઉડ્ડયન ક્ષેત્ર દેશના દરેક ખૂણા અને ખૂણાને હવાઈ સેવાઓ સાથે જોડવા માટે પ્રતિબદ્ધ છે.
    વધુ વાંચો
  • ગુજરાત

    ઘોઘા-હજીરા રોપેક્સ ફેરી સર્વિસ 24 જુલાઇથી 10 ઓગસ્ટ સુધી બંધ રહેશે

    ભાવનગર-ભાવનગર થી સુરત જળમાર્ગ પરિવહન કરતી ઘોઘા હજીરા રોંપેક્સ ફેરી સર્વિસને વાર્ષિક મેઇન્ટનન્સ માટે આગામી ૨૪ જુલાઈ થી ૧૦ ઓગષ્ટ સુધી ૧૫ દિવસ માટે બંધ રાખવા ર્નિણય કરવામાં આવ્યો છે. રોપેક્સ ફેરી માટે વપરાતું વોયેજ સિમ્ફની જહાજ કે જેને મરામત માટે સુરતના હજીરાના ડ્રાય ડોકયાર્ડ ખાતે મોકલવામાં આવનાર છે, જલ માર્ગે પરિવહન કરતા જહાજાેનું વાર્ષિક મેઇન્ટનન્સ કરવામાં આવતું હોય છે, જેથી રોપેકસ જહાજના રીપેરીંગના દિવસો દરમ્યાન તેની યોગ્યતા અને કાર્ય ક્ષમતાની ચકાસણી પણ કરવામાં આવશે. ઘોઘાથી હજીરા વચ્ચે ચાલતી ફેરી સર્વિસ એટલે કે રોપેકસ વોયેજ સિમ્ફની જહાજને વાર્ષિક મેઇન્ટનન્સ માટે આગામી ૨૪ જુલાઈ થી ૧૦ ઓગષ્ટ સુધી સુરતના હજીરા ડોક યાર્ડ ખાતે મોકલવામાં આવશે, એ દિવસો દરમ્યાન ૧૫ દિવસ માટે ફેરી સર્વિસ બંધ રહેશે. જળ માર્ગ પરિવહન માટે અતિ લોકપ્રિય બનેલી રોપેકસ ફેરી સર્વિસ કે જે રોજના સેંકડો લોકોની મુસાફરી માટે પહેલી પસંદ બની છે. એ સર્વિસ માટે ઉપયોગમાં લેવાતા વોયેજ સિમ્ફની જહાજના વાતાનુકુલન વિભાગ થોડા દિવસોથી સરખી રીતે કામ નોહ્‌તું કરતું, જે ક્ષતિને દુર કરવા પણ કામગીરી કરવામાં આવનાર છે.
    વધુ વાંચો
  • ગુજરાત

    ભાવનગરને મળી કેન્સર કેર એન્ડ રિસર્ચ ઇન્સ્ટિટ્યૂટની ભેટ, આરોગ્ય સુવિધાના રૂ. 70 કરોડના વિકાસકામોની ભેટ આપી 

    ભાવનગર-મુખ્યમંત્રીએ ભાવનગરમાં ગુજરાત કેન્સર રિસર્ચ ઇન્સ્ટિટ્યૂટ સંચાલિત ભાવનગર કેન્સર કેર એન્ડ રિસર્ચ ઇન્સ્ટિટ્યૂટનો સર તખ્તસિંહજી હોસ્પિટલમાં નાયબ મુખ્યમંત્રીનીતિનભાઇ પટેલ, શિક્ષણ રાજ્ય મંત્રી વિભાવરીબહેન દવે, મત્સ્યોદ્યોગ રાજ્યમંત્રી પરસોત્તમભાઇ સોલંકીની પ્રેરક ઉપસ્થિતિમાં પ્રારંભ કરાવ્યો હતો. તેમની સમગ્ર કેમ્પસની મુલાકાત લઇને તેની વિગતો પણ જાણી હતી.મુખ્યમંત્રી વિજયભાઇએ કેન્સરની સારવાર માટે નાણાને અભાવે રાજ્યનો કોઇપણ નાગરિક જાન ગુમાવે તે માટે સ્થાનિક સ્તરે જ અદ્યતન અને કરોડોના વિદેશી ઉપકરણો સાથેની કેન્સર હોસ્પિટલો સ્થાનિક સ્તરે જ ઉભી કરી ‘કેન્સરને કેન્સલ’ કરવું છે અને તે દ્વારા નાગરિકોની મહામૂલી જિંદગી બચાવવાની નેમ વ્યક્ત કરી હતી. આ સંદર્ભમાં તેમણે કહ્યું કે, ભાઇઓમાં મોં ના અને બહેનોમાં ગર્ભાશયના કેન્સર વધતાં જાય છે ત્યારે તેની સારવાર માટે પહેલાં જામનગર, સૂરત અને હવે ભાવનગરમાં કેન્સર હોસ્પિટલ શરૂ થઇ ગઇ છે. આ કેન્સર હોસ્પિટલથી ભાવનગર સાથે અમરેલી અને બોટાદના નાગરિકોને પણ લાભ મળશે. અગાઉ કેન્સરની સારવાર લેવાં માટે બોમ્બે જવું પડતું હતું. અને કેન્સરની સારવાર પણ મોંઘી હતી. પરંતુ હવે આ કેન્સર હોસ્પિટલ શરૂ થઇ જવાથી અહીં જ સ્થાનિક સ્તરે સારવાર મળી જશે. આ કેન્સર હોસ્પિટલમાં રૂા. ૩૨ કરોડનું રેડિયેશન સારવારનું મશીન મુકવામાં આવ્યું છે જેનાથી આધુનિક સારવાર ઉપલબ્ધ થશે તેની રૂપરેખા તેમણે આપી હતી. તેમણે કહ્યું કે, રાજ્યમાં આરોગ્ય સેવાઓનું માળખું સુદ્રઢ કરતાં આગામી ત્રણ વર્ષમાં સૌરાષ્ટ્રમાં એઇમ્સની શરૂઆત થઇ જવાથી સૌરાષ્ટ્રના નાગરિકોને આધુનિક સુવિધાઓ મળતી થઇ જશે. મુખ્યમંત્રીએ કહ્યું કે, વર્ષઃ ૨૦૦૦ સુધી રાજ્યમાં મેડિકલની માત્ર ૯૦૦ બેઠકો હતી તે આજે બે દાયકામાં આપણે વધારીને ૬૫૦૦ બેઠકો કરી છે. જેનાથી આપણાં વિદ્યાર્થીઓને બહાર અભ્યાસ કરવાં માટે નહીં જવું પડે આ ઉપરાંત આપણને જોઇતાં ડોક્ટરો તૈયાર કરી શકાશે.કોગ્રેસે માત્ર સ્ટ્રક્ચરો ઉભા કર્યા પરંતુ આપણે સાચા અર્થમાં ઇન્ફ્રાસ્ટ્રક્ચર ઉભાં કર્યા છે. કોગ્રેસે નર્મદા ડેમનું માળખું બનાવ્યું પરંતુ તેને ખરાં અર્થમાં સાકાર કરવાનું કામ વડાપ્રધાનશ્રી નરેન્દ્રભાઇ મોદીએ કર્યું છે. ભાવનગરમાં પણ આગામી સમયમાં સી.એન.જી. ટર્મિનલ શરૂ કરવામાં આવશે. અલંગનો વિકાસ કરવામાં આવી રહ્યો છે. ઘોઘા-દહેજ ફેરી જેવાં પ્રકલ્પો શરૂ કર્યો છે આ તમામ દ્વારા ભાવનગરનો પણ વિકાસ થાય તે માટે રાજ્ય સરકાર દ્રારા ભરવામાં આવેલાં પગલાંઓની સમજ તેમણે આપી હતી. રાજ્યમાં આજની તારીખે ૩ કરોડ રસીના ડોઝ આપવામાં આવ્યાં છે. ‘ન રૂકના હૈ, ન ઝૂકના હૈ’ ના મંત્ર સાથે કોરોનાની બે તબક્કાની લડાઇમાં આપણે સફળતાપૂર્વક બહાર આવી ગયાં છીએ. કોરોના સામેની લડાઇમાં રસીકરણ એ જ હથિયાર છે. મેં પણ રસીના બંન્ને ડોઝ લઇ લીધાં છે. કોરોના સામેના ત્રીજા વેવમાં સુરક્ષિત રહેવાં માટે તમામ નાગરિકોએ કોરોનાની રસી લઇ લેવી જોઇએ તેમ જણાવી તેમણે લોકોને કોરોના હજુ ગયો નથી તેમ માનીને સાવચેતી અને સાવધાની રાખવાં જણાવી બીનજરૂરી અંધશ્રધ્ધા- વહેમથી દૂર રહી વહેલી તકે રસી લઇ લેવાં નાગરિકોને અપીલ કરી હતી.
    વધુ વાંચો
  • ગુજરાત

    ભાવનગરના પૂર્વ મેયરના ખબર-અંતર પૂછવા પહોંચ્યા સીએમ અને ડેપ્યુટી સીએમ

    ભાવનગરભાવનગરના પૂર્વ મેયર અને બે ટર્મ ભાજપ શહેર પ્રમુખ રહેલા સનતભાઇ મોદીની આજે ભાવનગર ખાતે મુખ્યમંત્રી વિજયભાઇ રૂપાણી અને નાયબ મુખ્યમંત્રી નીતિનભાઇ પટેલે તેમના રૂપાણી સર્કલ પાસે આવેલાં તેમના નિવાસસ્થાને જઇ રૂબરૂ મુલાકાત કરીને ખબર અંતર પૂછી ઝડપથી સાજા થઈ જાય તેવી શુભેચ્છાઓ પાઠવી હતી.મુખ્યમંત્રી તેમના પરિવારજનો સાથે વાતચીત કરીને સારવાર માટે જરૂરી તમામ મદદની ખાતરી આપી હતી.સનતભાઇ જલદી સાજા થઈ જાય તેવો દિલાસો આપ્યો હતો.ઉલ્લેખનીય છે કે, પૂર્વ મેયર સનતભાઇ મોદી હાલમાં કેન્સરની બિમારીથી પીડાઇ રહ્યા છે, ત્યારે મુખ્યમંત્રી અને નાયબ મુખ્યમંત્રી સહિત સ્થાનિક ધારાસભ્યઓ અને આગેવાનોએ તેમના ઘરે જઈને રૂબરૂ મળી ખબર અંતર પૂછ્યાં હતા.
    વધુ વાંચો
  • ગુજરાત

    CM વિજય રૂપાણી મંગળવારે ભાવનગરને રૂપિયા 70 કરોડના વિકાસ કાર્યોની ભેટ આપશે

    ગાંધીનગર-ગુજરાતના સીએમ રૂપાણી મંગળવાર તા.ર૦મી જુલાઇએ એક જ દિવસમાં ભાવનગર મહાનગરને શહેરી જનસુખાકારી અને આરોગ્ય સુવિધાના રૂ. ૭૦ કરોડના વિકાસ કામોની ભેટ આપશે. મુખ્યમંત્રી ભાવનગરમાં ગુજરાત કેન્સર રિસર્ચ ઇન્સ્ટીટયુટ સંચાલિત ભાવનગર કેન્સર કેર એન્ડ રિસર્ચ ઇન્સ્ટીટયુટનો સર તખ્તસિંહજી હોસ્પિટલમાં નાયબ મુખ્યમંત્રી નીતિન પટેલની પ્રેરક ઉપસ્થિતીમાં પ્રારંભ કરાવશે. કેન્સર જેવા જટિલ રોગની સારવાર માટે સૌરાષ્ટ્રના ખાસ કરીને ભાવનગર, બોટાદ અને અમેરલી જિલ્લાના લોકોને અમદાવાદ સુધી આવી સારવાર માટે આવવું ન પડે તેવા ઉદાત્ત ભાવથી ભાવનગરમાં આ કેન્સર કેર એન્ડ રિસર્ચ ઇન્સ્ટીટયુટ શરૂ કરવામાં આવી રહી છે. રાજ્ય સરકારે આ હેતુસર અમદાવાદની ગુજરાત કેન્સર એન્ડ રિસર્ચ ઇન્સ્ટીટયુટ સાથે MoU કરેલા છે.ભાવનગરની સર તખ્તસિંહજી હોસ્પિટલમાં રૂ. 32.11 કરોડના ખર્ચે અદ્યતન સારવાર સાધનો સાથે ભાવનગર કેન્સર કેર એન્ડ રિસર્ચ ઇન્સ્ટીટયૂટ નિર્માણ પામ્યુ છે. મુખ્યમંત્રી વિજય રૂપાણી મંગળવાર તા.20 જુલાઇએ સવારે 10 કલાકે ભાવનગર પહોચશે અને આ ઈન્સ્ટિટયુટ સહિત ભાવનગર મહાનગરને અન્ય વિકાસ કામોની ભેટ આપશે.મુખ્યમંત્રી વિજય રૂપાણી આ વિકાસ કામોમાં પ્રધાનમંત્રી આવાસ યોજના અંતર્ગત રૂ. 18.88 કરોડના ખર્ચે નિર્મિત ર૯ર આવાસોના લોકાર્પણ કરવાના છે. પ્રતિક રૂપે તેઓ કેટલાક લાભાર્થીઓને આવાસની ચાવી પણ અર્પણ કરશે. આ અવસરે રાજ્યના મહિલા-બાળ કલ્યાણ અને શિક્ષણ રાજ્ય મંત્રી વિભાવરીબહેન દવે, મત્સ્યોદ્યોગ રાજ્યમંત્રી પરસોત્તમભાઇ સોલંકી તેમજ ધારાસભ્યો સર્વ જિતુ વાઘાણી, આત્મારામપરમાર અને કેશુભાઇ નાકરાણી તથા આર.સી. મકવાણા, ભીખાભાઇ બારૈયા અને કનુભાઇ બારૈયા પણ ઉપસ્થિત રહેશે.મુખ્યમંત્રી ભાવનગર મહાનગરમાં નારી ખાતે 'અમૃત' યોજના અન્વયે રૂ. 5.27 કરોડના ખર્ચે તૈયાર થયેલા 5 એમ.એલ.ડી ક્ષમતાના વોટર ટ્રિટમેન્ટ પ્લાન્ટનું લોકાર્પણ કરશે.તેઓ સ્વર્ણિમ જ્યંતિ મુખ્યમંત્રી શહેરી વિકાસ યોજના અંતર્ગત રૂ. ર.રપ કરોડના ખર્ચે સિટી બ્યૂટિફિકેશન તહેત નિર્માણ થયેલા નારી ગામના તળાવનું અને દુ:ખી શ્યામ બાપા સર્કલથી અધેવાડા તરફ ભાવનગર મહાપાલિકાની હદ સુધી રૂ. 10.99 કરોડના ખર્ચે બનાવવામાં આવેલા સી.સી. રોડના કામનું લોકાર્પણ કરવાના છે. ભાવનગર મહાનગરના મેયર કીર્તિબાળા દાણીધરિયા, જિલ્લા પંચાયત પ્રમુખ ભરતસિંહ ગોહિલ વગેરે પણ આ લોકાર્પણ સમારોહમાં જોડાવાના છે. ભાવનગર મહાનગરને આ બહુવિધ લોકાર્પણોની ભેટ ભાવનગરની પ્રત્યક્ષ મુલાકાત લઇને મંગળવારે સવારે આપશે અને બપોર બાદ તેઓ ગાંધીનગર પરત આવશે.
    વધુ વાંચો
  • ગુજરાત

    ગુજરાતના ઇતિહાસમાં પ્રથમવાર ભાવનગરમાં પેટ્રોલની કિંમત રૂપિયા 100ને પાર

    ભાવનગર-સામાન્ય જનતા માટે જીવન વધારે કપરૂ બની રહ્યુ છે દિવસે ન વધે તેટલી રાત્રે અને રાત્રે ન વધે તેટલી દિવસે મોંઘવારી કુદકે ને ભુસકે વધી રહી છે. હવે ગુજરાતમાં પણ પેટ્રોલનો ભાવ ૧૦૦ રૂપિયાને પાર પહોંચી રહ્યો છે ગીર સોમનાથ બાદ હવે ભાગનગરમાં પણ પેટ્રોલના ભાવ ૧૦૦ રૂપિયાને પાર પહોંચી ગયો છે અને પાવર પેટ્રોલ ૧૦૩ રૂપિયા લિટરની કિંમતે મળી રહ્યું છે. ભાવનગરમાં પેટ્રોલના ભાવ રૂ.૧૦૦ને પાર થતા જનતા પર વધુ એક કોયડો વિંઝાયો છે તેવુ કહી શકાય. પેટ્રોલમાં આજે ૨૯ પૈસાનો વધારો થયો છે. આજે ડીઝલના ભાવમાં બદલાવ નહીં. ભાવનગરમાં આજે પેટ્રોલનો ભાવ પ્રતિ લિટર ૧૦૦.૨૨ પૈસા થઈ ગયો છે જ્યારે ડીઝલનો ભાવ ૯૮.૩૮ રૂપિયા પ્રતિ લિટર જાેવા મળી રહ્યો છે. મહત્વનું છે કે પેટ્રોલ ડીઝલના વધતા ભાવથી જનતા ત્રાહિમામ છે. આંતરરાષ્ટ્રીય બજારમાં ક્રૂડના ભાવ ઘટ્યા હોવા છતાં પેટ્રોલના ભાવ વધી રહ્યા છે. મોંઘવારીના ભરડામાં સામાન્ય જનતા પીસાઇ રહી છે.
    વધુ વાંચો
  • ગુજરાત

    કોર કમિટીની બેઠકમાં લેવાયો નિર્ણય ગુજરાતમાં 8 મહાનગરમાં રાત્રિ કર્ફ્યૂની સમય મર્યાદા 31 જુલાઈ કરાઈ

    ગાંધીનગર-મુખ્યમંત્રી વિજય રૂપાણીના અધ્યક્ષસ્થાને મળેલી કોર કમિટીની બેઠકમાં રાજ્યમાં કોરોનાના દૈનિક કેસોની પ્રર્વતમાન સ્થિતીના થઇ રહેલા સતત ઘટાડાની સમીક્ષા કરીને વધુ કેટલાક નિયંત્રણો હળવા કરવાના નિર્ણયો લેવામાં આવ્યા છે.નાયબ મુખ્યમંત્રી નીતિન પટેલની ઉપસ્થિતીમાં મળેલી આ કોર કમિટીમાં એવો નિર્ણય લેવામાં આવ્યો છે કે, રાજ્યના જે ૮ મહાનગરો અમદાવાદ, વડોદરા, રાજકોટ, સુરત, ભાવનગર, જામનગર, ગાંધીનગર અને જુનાગઢમાં હાલ રાત્રિ કરફયુ રાત્રે ૧૦ થી સવારે 6 સુધી અમલમાં છે. આ રાત્રિ કરફયુની મુદત તા.ર૦ જુલાઇ-ર૦ર૧ મંગળવારે સવારે ૬ વાગ્યે પૂર્ણ થાય છે તેને હવે ૩૧ જુલાઇ-ર૦ર૧ સુધી લંબાવવામાં આવી છે. એટલે કે આ ૮ મહાનગરોમાં રાત્રિ કરફયુની સમયાવધિ હવે, તા.૧ ઓગસ્ટ-ર૦ર૧ સવારે ૬ કલાકે પૂરી થશે.રાજ્યમાં વોટર પાર્કસ અને સ્વિમીંગ પૂલ ૬૦ ટકા કેપેસિટી સાથે શરૂ કરી શકાશેકોર કમિટીમાં લેવાયેલા અન્ય નિર્ણયો મુજબ રાજ્યમાં વોટર પાર્કસ અને સ્વિમીંગ પૂલ તા.ર૦ જુલાઇ-ર૦ર૧ થી તેની ક્ષમતાના ૬૦ ટકા સાથે અને કોરોના ગાઇડલાઇનના નિયમોના પાલન સાથે નિયત એસ.ઓ.પી.ને આધિન શરૂ કરી શકાશે.પ્રાયવેટ અને પબ્લીક ટ્રાન્સપોર્ટમાં નોન એ.સી માં ૧૦૦ ટકા પેસેન્જર અને એ.સી.માં ૭પ ટકા પેસેન્જર કેપેસિટીમાં ચાલુ રહેશે. રાજ્યમાં પ્રાયવેટ અને પબ્લિક ટ્રાન્સપોર્ટ સેવાઓ માટે પણ તા.ર૦ જુલાઇ-ર૦ર૧થી કેટલીક છૂટછાટો આપવાનો નિર્ણય કોર કમિટીમાં લેવામાં આવ્યો છે. પબ્લિક અને પ્રાયવેટ ટ્રાન્સપોર્ટમાં નોન એ.સી બસ સેવાઓ 100 ટકા કેપેસિટી સાથે શરૂ કરી શકાશે પરંતુ આવી સેવાઓમાં મુસાફરોને ઊભા રહી પ્રવાસ કરવાની મંજૂરી અપાશે નહી. એ.સી સેવાઓ તેની ક્ષમતાના ૭પ ટકા પેસેન્જરો સાથે શરૂ કરી શકાશે.
    વધુ વાંચો
  • શિક્ષણ

    આ યુનિવર્સીટી કોરોનાની રસી લેનાર વિદ્યાર્થીને 5 માર્કનું ગ્રેસિંગ આપશે

    ભાવનગર-દુનિયાભરમાં હાહાકાર મચાવનાર કોરોના સામે લડવા માટે વેક્સીન એકમાત્ર હથિયાર છે. ત્યારે યુનિ.ની એક્ઝિક્યુટિવ કાઉન્સિલમાં એક મહત્વપૂર્ણ ર્નિણય લેવામાં આવ્યો હતો. ભાવનગર યુનિવર્સિટી કોરોનાની રસી લેનાર વિદ્યાર્થીને ૫ માર્કનું ગ્રેસિંગ આપવાનો ર્નિણય લેવામાં આવ્યો છે. વિદ્યાર્થી ઇન્ટર્નલ પરીક્ષામાં નાપાસ થયો હશે અને રસી લીધી હશે તો પણ ગ્રેસિંગનો લાભ મળશે. ભાવનગરની મહારાજા કૃષ્ણકુમારસિંહજી ભાવનગર યુનિ.માં સ્નાતક અને અનુસ્નાતક કક્ષાએ જે વિદ્યાર્થી ઇન્ટર્નલ પરીક્ષામાં નાપાસ થયા હોય અને કોરોનાની રસી લીધી હોય તો તેવા વિદ્યાર્થીઓએ પ્રમાણપત્રની સાથેની અરજી નિયામકને આપવાની રહેશે. કોરોનાની રસીનું પ્રમાણપત્ર હશે તેને જ ગ્રેસિંગમાં પાંચ માર્ક્સનો લાભ આપવામાં આવશે. ૨૦૧૩ પછીના વિદ્યાર્થીની પરીક્ષા લેવા કમિટીનું ગઠન કરવામાં આવ્યું છે. વર્ષ ૨૦૧૩ પછીના કિસ્સામાં વિદ્યાર્થીઓ માટે ખાસ કિસ્સામાં પરીક્ષા લેવા માટે કમિટીની રચના કરવામાં આવી હતી. એપ્રેન્ટિસની ભરતી માટે લેવાયેલી પરીક્ષાનું સીલબંધ કવર પણ ખોલવામાં આવ્યું હતું. સ્વર્ણિમ ગુજરાત સ્પોટ્‌ર્સ યુનિ. તેમજ અન્ય નેશનલ કે ઇન્ટરનેશનલ સંસ્થાઓ સાથે એમઓયુ કરવા માટે ત્રણ સભ્યની કમિટિની રચના કરવામાં આવી હતી.
    વધુ વાંચો
  • ગુજરાત

    CMના અધ્યક્ષસ્થાને મળેલી કોર કમિટીમાં લેવાયા મહત્વપૂર્ણ નિર્ણય, 8 મહાનગરોમાં જ રાત્રિ કરફયુ અમલમાં રહેશે

    અમદાવાદ-શાળા-કોલેજો અન્ય સંસ્થાઓની પ્રવેશ પરીક્ષાઓ તેમજ સ્પર્ધાત્મક ભરતી પરીક્ષાઓ કોરોના ગાઇડલાઇનના પાલન સાથે – નિયત એસ.ઓ.પી. સાથે યોજી શકાશે. ધોરણ-૯ થી પોસ્ટ ગ્રેજ્યુએટ સુધીના તેમજ તમામ પ્રકારની સ્પર્ધાત્મક ભરતી પરીક્ષાઓ માટેના કોચિંગ-ટયૂશન કલાસીસ સ્થળની ક્ષમતાના પ૦ ટકા વિદ્યાર્થીઓ સાથે બેચ વાઇઝ અને કોરોના એસ.ઓ.પી.ના પાલન સાથે શરૂ કરી શકાશે મુખ્યમંત્રી વિજયભાઇ રૂપાણીના અધ્યક્ષસ્થાને મળેલી કોર કમિટીની બેઠકમાં રાજ્યમાં છેલ્લા કેટલાક દિવસોથી કોરોનાના દૈનિક કેસોમાં થઇ રહેલા સતત ઘટાડા અને પ્રવર્તમાન સ્થિતીની પૂન:સમીક્ષા કરીને કેટલાંક મહત્વપૂર્ણ નિર્ણયો લેવામાં આવ્યા છે.મુખ્યમંત્રીની અધ્યક્ષતાની આ કોર કમિટીમાં લેવાયેલા નિર્ણયો મુજબ રાજ્યમાં હવે અમદાવાદ, વડોદરા, સુરત, રાજકોટ, ભાવનગર, જામનગર, જૂનાગઢ અને ગાંધીનગર એ આઠ મહાનગરોમાં જ રાત્રિ કરફયુનો અમલ કરાશે. અગાઉ આ આઠ મહાનગરો સહિત રાજ્યના ભૂજ, મોરબી, પાટણ, મહેસાણા, ભરૂચ, નવસારી, વલસાડ, અંકલેશ્વર અને વાપીમાં રાત્રી કરફયુ અમલમાં હતો તેમાંથી હવે આઠ મહાનગરો પૂરતો જ આ રાત્રિ કરફયુ અમલમાં રહેશે. આ રાત્રિ કરફયુ તા.૧૦મી જુલાઇ-ર૦ર૧ના રાત્રે ૧૦ કલાકથી તા.ર૦ જુલાઇ-ર૦ર૧ના સવારે ૬ કલાક સુધીના સમય દરમિયાન દરરોજ રાત્રે ૧૦ થી સવારે ૬ સુધી આ આઠ મહાનગરોમાં રહેશે. વિજયભાઇ રૂપાણી અને કોર કમિટીએ એવો પણ નિર્ણય કર્યો છે કે રાત્રિ કરફયુ અમલમાં છે તે શહેરોમાં તમામ દુકાનો, વાણિજ્યક સંસ્થાઓ, લારી-ગલ્લાઓ, શોપિંગ કોમ્પ્લેક્સ, માર્કેટીંગ યાર્ડ, અઠવાડીક ગુજરી/બજાર/હાટ, હેર કટીંગ સલૂન, બ્યુટી પાર્લર તેમજ અન્ય વ્યાપારિક ગતિવિધિ રાત્રિના ૦૯:૦૦ કલાક સુધી ખુલ્લા રાખી શકાશે.(તમામ માલિકો, સંચાલકો, કર્મચારીઓ તેમજ કામગીરી સાથે સંકળાયેલ તમામ વ્યકિતઓએ તા.૩૧.૦૭.૨૦૨૧ સુધીમાં વેક્સિનનો પ્રથમ ડોઝ લેવાનો રહેશે અન્યથા આવા વાણિજ્યિક એકમો ચાલુ રાખી શકાશે નહી.રેસ્ટોરેન્ટ્સ રાત્રિના ૦૯:૦૦ કલાક સુધી બેસવાની ક્ષમતાના મહત્તમ ૬૦% ક્ષમતા સાથે કોરોના ગાઇડલાઇનનું પાલન કરવાની શરતે નિયત S.O.P.ને આધિન ચાલુ રાખી શકશે. તમામ માલિકો, સંચાલકો, કર્મચારીઓ તેમજ કામગીરી સાથે સંકળાયેલ તમામ વ્યકિતઓએ તા.૩૧.૦૭.૨૦૨૧ સુધીમાં વેક્સિનનો પ્રથમ ડોઝ લેવાનો રહેશે અન્યથા આવા રેસ્ટોરેન્ટસ ચાલુ રાખી શકાશે નહી, તેમ પણ નિર્ણય કરવામાં આવ્યો છે.રેસ્ટોરેન્ટ્સ Home deliveryની સુવિધા રાત્રિના ૧૨:૦૦ કલાક સુધી ચાલુ રાખી શકશે. જીમ ૬૦% ક્ષમતા સાથે કોરોના ગાઇડલાઇનનું પાલન કરવાની શરતે નિયત S.O.P.ને આધિન ચાલુ રાખી શકશે.( તમામ માલિકો, સંચાલકો, કર્મચારીઓ તેમજ કામગીરી સાથે સંકળાયેલ તમામ વ્યકિતઓએ તા.૩૧.૦૭.૨૦૨૧ સુધીમાં વેક્સિનનો પ્રથમ ડોઝ લેવાનો રહેશે અન્યથા આવા જીમ ચાલુ રાખી શકાશે નહી.જાહેર બાગ-બગીચાઓ રાત્રિના ૦૯:૦૦ કલાક સુધી જાહેર જનતા માટે કોરોના ગાઇડલાઇનનું પાલન કરવાની શરતે નિયત S.O.P.ને આધિન ખુલ્લા રાખી શકાશે. આ સમયગાળા દરમ્યાન લગ્ન માટે ખુલ્લા અથવા બંધ સ્થળોએ મહત્તમ ૧૫૦ (એકસો પચાસ) વ્યક્તિઓની મંજૂરી રહેશે. લગ્ન માટે DIGITAL GUJARAT PORTAL પર નોંધણીની જોગવાઇ યથાવત રહે છે.અંતિમક્રિયા/દફનવિધી માટે મહત્તમ ૪૦ (ચાળીસ) વ્યક્તિઓની મંજુરી રહેશે.તમામ પ્રકારના રાજકીય, સામાજીક, શૈક્ષણિક, સાંસ્કૃતિક, ધાર્મિક કાર્યક્રમોમાં તેમજ ધાર્મિક સ્થળોમાં કોરોના ગાઇડલાઇનનું પાલન કરવાની શરતે નિયત S.O.P.ને આધિન, ખુલ્લામાં મહત્તમ ૨૦૦ વ્યકિતઓ પરંતુ, બંધ સ્થળોએ, જગ્યાની ક્ષમતાના ૫૦% (મહત્તમ ૨૦૦ વ્યક્તિઓની મર્યાદામાં) વ્યકિતઓ એકત્રિત થઇ શકશે. ધો.૯ થી પોસ્ટ ગ્રેજ્યુએટ કોર્ષ સુધીના કોચીંગ/ટ્યુશન કલાસીસ તેમજ તમામ પ્રકારની સ્પર્ધાત્મક પરીક્ષાઓ માટેના કોચિંગ સેન્ટરો સ્થળની ક્ષમતાના મહત્તમ ૫૦% વિદ્યાર્થીઓ સાથે બેચવાઇઝ કોરોના ગાઇડલાઇનનું પાલન કરવાની શરતે નિયત S.O.P. સાથે ચાલુ રાખી શકાશે.શાળા, કોલેજ, અન્ય સંસ્થાઓની પ્રવેશ પરીક્ષાઓ તેમજ સ્પર્ધાત્મક પરીક્ષાઓ કોરોના ગાઇડલાઇનનું પાલન કરવાની શરતે નિયત S.O.P. સાથે યોજી શકાશે. કોર કમિટીની આ બેઠકમાં નાયબ મુખ્યમંત્રી નિતીનભાઇ પટેલ, ઊર્જા મંત્રી સૌરભભાઇ પટેલ, ગૃહ રાજ્યમંત્રી પ્રદિપસિંહ જાડેજા, મુખ્ય સચિવ અનિલ મુકીમ, મુખ્યમંત્રીના મુખ્ય અગ્ર સચિવ કે. કૈલાસનાથન, ગૃહ વિભાગના અધિક મુખ્ય સચિવ પંકજકુમાર, મુખ્યમંત્રી મુખ્ય અધિક સચિવ એમ. કે. દાસ, આરોગ્ય અધિક મુખ્ય સચિવ મનોજ અગ્રવાલ અને વરિષ્ઠ સચિવો ઉપસ્થિત રહ્યા હતા. 
    વધુ વાંચો

વિડિયો