લોકસત્તા વિશેષ, તા. ૨૦શહેરના પશ્ચિમ વિસ્તારમાં જ્યાં કોઈ વસ્તી નથી ત્યાં રૂપિયા ૧૦૦ કરોડના જંગી ખર્ચે ૭૫ મીટર પહોળો રસ્તો તૈયાર કરવા માટે ઉતાવળે કાર્યવાહી કરી રહેલા કમિશનર શાલિની અગ્રવાલે તત્કાલિન નાયબ મુખ્યમંત્રી નિતિન પટેલે કરેલી જાહેરાતને પણ અભરાઈ પર ચઢાવી દીધી છે. ૨૦૨૧માં કોર્પોરેશનની ચૂંટણી પૂર્વે શહેરમાં આવેલા નિતિન પટેલે એક જાહેર કાર્યક્રમમાં હરણીથી કેનાલની સમાંતર ૩૦ મીટરના રસ્તા પૂર્ણ ક્ષમતામાં કાર્યરત કરી ટ્રાફિકનું ભારણ ઓછું કરવા તથા વડોદરાને કાયમી પુરની સમસ્યામાંથી બહાર લાવવા માટે હરણીથી વિશ્વામિત્રી ડાઈવર્ઝનની કામગીરી પણ આ કેનાલની સમાંતર કરી મીની નદીમાં લઈ જવાની કામગીરી પુરી કરવાની પણ જાહેરાત કરી હતી. આ કામગીરી માટે ડીપીઆર તૈયાર થઈ તેના ખર્ચ સાથેની વિગતો રાજ્ય સરકારમાં મોકલવામાં આવી હતી. આ કામગીરી માટેનુ તમામ ફંડ પણ રાજ્ય સરકાર આપવાની હતી ત્યારે આ જુનો ડીપીઆર સરકાર પાસેથી મંજુર કરાવી તેનું ફંડ લાવી ૩૦ મીટરના રસ્તાની કામગીરી કરવાના બદલે કમિશનર અચાનક વુડાના ખર્ચે ૭૫ મીટરનો રસ્તો ખુલ્લો કરવાની કામગીરીમાં કેમ લાગ્યા છે તે બાબત કોર્પોરેશન અને વુડામાં ચર્ચાનું કેન્દ્ર બન્યો છે. લોકસત્તા જનસત્તાને પ્રાપ્ત જાણકારી અનુસાર શહેરની ટ્રાફિકની સમસ્યા અને વિશ્વામીત્રીના કારણે આવતા પુરના પ્રશ્નના કાયમી ઉકેલની જાહેરાત કોર્પોરેશનની ચૂંટણી પૂર્વે તત્કાલિન નાયબ મુખ્યમંત્રી નિતિન પટેલે કરી હતી. જેમાં શહેરની ફરતે રીંગરોડની કામગીરી તબક્કાવાર કરવા માટે પ્રથમ તબક્કામાં હરણીથી શહેરમાં આવતી નર્મદા કેનાલની સમાંતર બંને તરફ મુકવામાં આવેલા ૩૦ મીટરના રસ્તાને પૂર્ણ ક્ષમતામાં કાર્યરત કરવાની વાત જાહેર કરવામાં આવી હતી. જે ડિસ્ટ્રીબ્યુટરી કેનાલની સમાતંર ૩૦ મીટરનો રસ્તો જાંમ્બુવા સુધી તથા જાંમ્બુવાથી નેશનલ હાઈવેને જાેડી હરણી સુધી તેનો ઉપયોગ કરવાથી પ્રથમ તબક્કામાં ટ્રાફિકની સમસ્યાના નિરાકરણનું કામ ઝડપથી પતે તેવું આયોજન હતું. જે બાદ ૭૫ મીટરનો રીંગ રોડ અને ત્યાર બાદ ૯૦ મીટરનો રીંગ રોડ કાર્યરત કરવાનું તબક્કાવાર આયોજન હતું. જેના બદલે અચાનક સીધું જ ૭૫ મીટરનું આયોજન હાથમાં લઈ કમિશનરે તત્કાલિન નાયબ મુખ્યમંત્રીની જાહેરાતને પણ ફગાવવાની હિંમત દાખવી હોવાનું ચર્ચાઈ રહ્યું છે. ૫ાલિકાનો પ્રયાસ ૩૦ મીટરનો રોડ પૂરો થાય તે રહેશે - મેયર વડોદરા શહેરમાં હરણી નર્મદા કેનાલને સમાંતર ૩૦ મીટરનો રોડ સમા, છાણી, ગોરવા, ગોત્રી થઈને પાદરા રોડ સુધી બનાવવાના આયોજનમાં મોટાભાગના રોડની કામગીરી પૂર્ણ થઈ છે પરંતુ કેટલીક જગ્યાએ આ કામગીરી બાકી હોવાથી આ રોડની કામગીરી હજી પૂર્ણ નહીં થતાં આસપાસના વિસ્તારોમાં ટ્રાફિકની સમસ્યા યથાવત્‌ છે. ત્યારે મેયર કેયુર રોકડિયાને આ અંગે પૂછતાં તેમણે જણાવ્યું હતું કે, કેનાલને સમાંતર ૩૦ મીટર રોડની કામગીરી છે તેમાં ખૂટતી કડી છે ત્યાં જમીન અધિગ્રહણ કરવી પડે તેમ છે, તેમજ બે બ્રિજની કામગીરી કરવી પડે ત્યારે વડોદરા કોર્પોરેશનનો પ્રયાસ ૩૦ મીટરના રોડની કામગીરીમાં ખૂટતી કડી જાેડીને રોડની કામગીરી પૂર્ણ કરવાનો છે અને તે માટે અમે પ્રયત્નશીલ પણ હોવાનું કહ્યું હતું. ૭૫ મીટરનો રસ્તો જરૂરી પણ ૩૦ મીટરનો હયાત રસ્તો ખૂલે તેને પ્રાથમિકતા આપવી જાેઈએ ઃ સુખડિયા શહેર તેમજ શહેરની આસપાસના વિસ્તારોમાં ઉત્તરોત્તર વધતી જતી ટ્રાફિકની સમસ્યાને ધ્યાનમાં લઈને તેમજ ભવિષ્યની દૃષ્ટિએ શહેરની ફરતે ૭પ મીટરનો રોડ બનાવવો જરૂરી છે, પરંતુ હાલના તબક્કે જે ટી.પી. મંજૂર છે અને મોટાભાગનો રસ્તો તૈયાર છે તે કેનાલને સમાંતર જે ૩૦ મીટરનો રસ્તો છે તેની ખૂટતી કડીઓ એટલે કે અમુક જગ્યાએ જ રસ્તો જાેડવાનો બાકી છે તેને પ્રાથમિકતા આપવી જાેઈએ, તેમજ કેનાલને સમાંતર જે રસ્તો છે તે સંપૂર્ણ રીતે ખૂલે તે જરૂરી હોવાનું સયાજીગંજના ધારાસભ્ય જિતેન્દ્ર સુખડિયાએ જણાવ્યું હતું. જ્યારે વધતા જતા ટ્રાફિકને ભવિષ્યની દૃષ્ટિએ ૭પ મીટરનો રસ્તો પણ જરૂરી હોવાનું જણાવ્યું હતું. ૩૦ મીટર રોડની કનેક્ટિવિટી પૂર્ણ કરવી જાેઈએ ઃ શૈલેષ મહેતા નર્મદા કેનાલ અને સબસિડરી કેનાલને સમાંતર ૩૦ મીટર રોડની મોટાભાગની કામગીરી પૂર્ણ થઈ છે. કેટલાક સ્થળે કનેક્ટિવિટી બાકી છે. આ કામગીરી પૂર્ણ થાય તો હરણીથી લઈને પાદરા રોડ સુધી સીધું કેનાલને સમાંતર રોડથી જઈ શકાય. આ રોડ પર અનેક કોમ્પલેક્સ, સોસાયટીઓ છે, વસતી પણ છે. ત્યારે જેમના વિધાનસભા વિસ્તારમાં પણ આ રોડ આવે છે તે ડભોઈના ધારાસભ્ય શૈલેષ મહેતાએ જણાવ્યું હતું કે, કેનાલને સમાંતર ૩૦ મીટરના રોડને જે ખૂટતી કડીઓ છે તે જાેડીને આ રસ્તો પહેલાં ખૂલ્લો કરવા માટે પ્રાથમિકતા આપવામાં આવે, ત્યાર પછી આગળનું વિચારવું જાેઈએ. આ રોડની ખૂટતી કડીઓ જાેડાય તો આસપાસના કેટલાક રોડ પર ટ્રાફિકનું ભારણ ઘટે તેમ હોવાનું તેમણે કહ્યું હતું.

વડોદરા, તા.૨૦તાજેતરમાં જ પાર્કિંગ બાબતે ઝપાઝપીના બનાવથી વિવાદમાં આવેલા તેમજ કોર્પોરેશનની ચૂંટણીમાં પણ વિવાદમાં રહેલા શહેર ભાજપા યુવા મોરચાના પ્રમુખ પાર્થ પુરોહિત ગુરુવારે પાલિકાની ઓફિસમાં હાફૂસ કેરીના બોક્સ લઈને કમિશનર કચેરીમાં પહોંચતાં અનેક તર્કવિતર્ક સર્જાયા હતા. મ્યુનિ. કમિશનરને કેરીથી મોં મીઠું કરાવવા માટે ભાજપા યુવા મોરચાના પ્રમુખને જરૂર કેમ પડી? તે અંગે રાજકીય મોરચે અને પાલિકાવર્તુળોમાં ચર્ચાનો મુદ્‌ો બન્યો હતો. વડોદરા મ્યુનિ. કોર્પોરેશનની ગત વર્ષે યોજાયેલી ચૂંટણીમાં પોતાના પક્ષના જ કાઉન્સિલર પર અપહરણના આક્ષેપ કરનાર પાર્થ પુરોહિતને શહેર ભાજપા યુવા મોરચાનો પ્રમુખ બનાવવામાં આવ્યો હતો. તાજેતરમાં જ પાર્કિંગ બાબતે ઝપાઝપી કરતાં ફરી યુવા મોરચાનો પ્રમુખ પાર્થ પુરોહિત વિવાદમાં આવ્યો હતો. જાે કે, આ મામલે કોઈ ફરિયાદ થઈ ન હતી. ત્યારે ગુરુવારે મોડી સાંજે શહેર ભાજપા યુવા મોરચાનો પ્રમુખ પાર્થ પુરોહિત હાફૂસ કેરીની ત્રણ પેટીઓ લઈને વડોદરા મ્યુનિ. કોર્પોરેશનમાં કમિશનર કચેરીએ પહોંચતાં મીડિયાના કેમેરામાં કેદ થઈ ગયો હતો. જાે કે, પાર્ટીમાં કોઈ પદ મેળવવું હોય તો નેતાઓની પગચંપી કરવી એ સામાન્ય બાબત છે. પરંતુ સનદી અધિકારીને કેરીઓ આપવા જવા રાજકીય પક્ષનો હોદ્દેદાર કેમ પહોંચ્યો? તે અંગે અનેક તર્કવિતર્ક સાથે પાર્થ પુરોહિત કેરીઓની પેટીઓ લઈને જાતે પહોંચ્યો કે કોઈ આકાઓએ મોકલ્યો તે અંગેની ચર્ચા પણ ભાજપા મોરચે શરૂ થઈ છે. જ્યારે બીજી તરફ કમિશનરને કેરીથી મોં મીઠું કરાવવા માટે ભાજપા યુવા મોરચાના પ્રમુખને જરૂર કેમ પડી? તે અંગે પણ રાજકીય પક્ષોમાં અને પાલિકાની લૉબીમાં જાેરશોરથી ચર્ચાનો મુદ્‌ો બન્યો હતો.

વડોદરા, તા.૨૦રક્ષામંત્રી રાજનાથ સિંહ કારેલી બાગ સ્વામિનારાયણ મંદિર ખાતે ચાલી રહેલા સપ્તદિનાત્મક સત્સંગ જ્ઞાનયજ્ઞના ત્રીજા દિવસે અભ્યુદય યુવા શિબિરમાં સહભાગી બન્યા હતા. તેમણે ગુજરાતને ધાર્મિક, સામાજિક, આદ્યાત્મિક અને આર્થિક ચેતનાનું કેન્દ્રબિંદુ ગણાવ્યું હતું.તેમણે કહ્યું કે, અહીં આવવાથી અનેક અનોખા પ્રકારની સકારાત્મક્તા ઊર્જા મળે છે. અહીંની ભૂમિ પવિત્ર છે. આ ભૂમિએ નરસિંહ મહેતા, દાદુ દયાળ અને સહજાનંદ સ્વામિ જેવી વિરલ વિભૂતિઓએ ભક્તિ માર્ગ પ્રશસ્ત કરી અનેક લોકોને સદ્દમાર્ગે વાળવાનું પુણ્યનું કામ કર્યું હતું. રક્ષામંત્રીએ જણાવ્યું કે, ભારતીય સંસ્કૃતિ વિભિન્નતામાં એકતાને પ્રસ્તુત કરે છે. ભારતીય સંસ્કૃતિ જેટલી પ્રાચીન છે, એટલી જ નવીનત્તમ છે. અન્ય મતને સન્માન આપવાનું કામ આપણી સંસ્કૃતિ કરે છે. અનેક ધર્મ, સંપ્રદાય અને મતોને પણ ભારતીય સંસ્કૃતિએ જાળવી રાખ્યા છે. આ જ ભારતીયતાની સાચી નિશાની છે. તેમણે એમ પણ કહ્યુ હતુ કે, ભગવાન સ્વામિનારાયણે ગરીબો, દલીતો, પીડિતો અને મહિલાઓની આદ્યાત્મિક ઉન્નતીનો માર્ગ પ્રશસ્ત કર્યો છે. સવા બસ્સો વર્ષ પૂર્વે તેમણે સમાજમાં ચાલી રહેલી બદીઓને દૂર કરવાનું આહ્વાન કર્યું હતું. શિક્ષાપત્રી જેવો મહાન ગ્રંથ આપી માનવતા, સદ્દગુણો અને આદ્યાત્મિક્તાનો બોધ અમર કર્યો છે. આજના જમાનામાં શિક્ષાપત્રીની પ્રાસંગિક્તા વધી છે. તેમણે જણાવ્યું કે, જેમ મનનું સર્કલ મોટું હોઇ એમ આપણામાં આંતરિક આનંદનો વ્યાસ પણ વધે છે. મન મોટું રાખવાથી શાંતિનો અનુભવ થાય છે. વિવાદ કરવાને બદલે સંવાદ કરવાની તક મળે છે. એકત્વથી ઇશ્વરત્વનો અહેસાસ છે. જ્ઞાનજીવનદાસજીએ કહ્યું કે, દેશની સરહદોનું રક્ષણ થાય છે, ત્યારે આપણે સૌ શાંતિથી રહી શકીએ છીએ. દેશનું રક્ષણ કરતા આપણા વીર જવાનો દેશનું ઘરેણું છે. આપણે સૌ આપણી ફરજ સારી રીતે નિભાવીએ એ પણ દેશસેવા ગણાશે.આ પ્રસંગે જ્ઞાનજીવનદાસજીએ કરેલી ૨૪૪૦ કલાકની સૌથી લાંબી શ્રી હરિચરિત્રામૃત સાગર કથાને ગિનિઝ બૂક ઓફ રેકોર્ડમાં મળેલા સ્થાનનું પ્રમાણપત્રનું લોકાર્પણ કરવામાં આવ્યું હતું. આ પ્રસંગે મહેસૂલ અને કાયદા મંત્રી રાજેન્દ્ર ત્રિવેદી પ્રદેશ અગ્રણી ભાર્ગવ ભટ્ટ, રાજ્ય મંત્રી મનીષાબેન વકીલ, મેયર કેયુર રોકડિયા, ધારાસભ્ય યોગેશભાઈ પટેલ, જીતુભાઈ સુખડીયા, સહિત મહાનુભાવો, વડતાલ ટેમ્પલ ટ્રસ્ટ અધ્યક્ષ સ્વામી દેવ પ્રકાશ દાસજી સહિત સંતો અને હજારો ભાવિકો ઉપસ્થિત રહ્યા હતા.

આણંદ, તા.૨૦આણંદ એસઓજી પેટ્રોલીંગમા હતી તે સમયે શહેરના પ્રાપ્તી સકૅલ નજીક કારમાં આવેલ શખ્સો વ્હેલ માછલીની ઉલ્ટી(અંબરગ્રીસ)ના જથ્થો વેચવા આવ્યાની બાતમી મળતા તેઓએ ઘટનાસ્થળે પહોંચી જઇ વડોદરાના ચાર સહિત છ શખ્સોને મુદામાલ સાથે ઝડપી પાડ્યા હતા. એસઓજી દ્વારા સધન પેટ્રોલીંગ હાથ ધરવા સમયે તેઓને બાતમી મળી હતી કે શહેરના ૮૦ ફુટ માર્ગે પ્રાપ્તી સર્કલ નજીક કારનં જીજે ૬ જેએમ ૦૫૦૫માં સવાર કેટલાક શખ્સો દ્વારા વ્હેલમાછલીની ઉલ્ટી (અંબરગ્રીસ)વેચવા આવી રહ્યા છે. બાતમી આધારની કાર નજરે ચઢતાં કોર્ડન કરી કારની તલાશી લીધી હતી. તેમની પાસેથી ૭૩.૬૦ લાખની બજાર કિંમત ની વ્હેલમાછલીની ઉલ્ટી મળી હતી. શખ્સોની પૂછપરછ કરતાં સંતોષકારક જવાબ ન આપતા ૪૧(૧)ડી તથા ૧૦૨ મુજબ શહેર પોલીસ મથકે વડોદરાના ગીરીશ ગાંધી-દાંડીયાબજાર, વિક્રમ પાટડીયા-કારેલીબાગ, મીત ગાંધી-માંજલપુર,મીત વ્યાસ-આજવા રોડ, ધ્રુવિલ પટેલ-બોરીયાવી તથા જેહરભાઇ મન્સૂરી-ખંભાતની અટક કરી હતી. પોલીસે કુલ ૭૬.૨૬ લાખનો કાર સહિત મુદામાલ જપ્ત કરી વધુ તપાસ હાથ ધરી હોવાનું જાણવા મળેલ છે. અંબરગ્રીસ નો ઉપયોગ દવાઓ, અત્તર તથા પરફ્યુમ બનાવવામાં મહત્તમ થતો હોય તથા વ્હેલ માછલીના આંતરડામા ઉલ્ટી આકાર લેતી હોય તરતા સોના તરીકે ઓળખ હોય તેની બજાર કિંમત સાત આંકડામા હોય છે. પોલીસે વધુ તપાસ માટે એફએસએલ તથા વનવિભાગને મોકલી આપી હતી.

લોકસત્તા વિશેષ, તા.૧૯શહેરમાં વિકાસના કાર્યોમાં ચોકક્સ નજર રાખતી વડોદરા મ્યુ. કોર્પોરેશનની ચૂંટાયેલી પાંખની આંખમાં ધૂળ નાંખવા માટે કોર્પોરેશન હદ વિસ્તારમાં આવતા ૭૫ મીટરના રસ્તાને બારોબાર વુડામાંથી બનાવવાના રચાયેલા કારસામાં મ્યુ. કમિશનર શાલિની અગ્રવાલ વુડાના ચેરમેન તરીકે ખેલ પાડશે. સેવાસીથી વડોદરા-પાદરા રોડને જાેડતા રસ્તાને ખોલવા માટે હજી ટીપી સ્કીમની મંજુરી પણ નથી મળી તેમ છતાં આ રસ્તાની કામગીરી શરુ કરવા માટેની દરખાસ્ત મંગળવારે મળનાર વુડાની બોર્ડ બેઠકમાં રજુ કરવામાં આવશે. શહેરની આસપાસ વુડાના અનેક વિસ્તારો આજે રસ્તાથી વંચિત છે ત્યાં કામગીરી કરવાના બદલે વુડા ચેરમેન દ્વારા કોઈ એક ચોક્કસ રસ્તાને પ્રાધાન્ય આપી કરાઈ રહેલી ગેરકાયદે કામગીરી ચર્ચાનો વિષય બની છે. ખાસ કરીને ટીપીમાં કપાત જતી જમીન પછી પણ ટીપી સ્કીમના વિકાસ માટે પોતાનો ફાળો આપતા જમીન માલિકો અને ખેડુતોના રુપિયાથી થતી ઈન્ક્રીમેન્ટલ કોન્ટ્રીબ્યુશનની આવકના નાણાંનો દુરઉપયોગ કરવા તંત્ર સજ્જ થયું હોવાનું સામે આવ્યું છે. છેલ્લા એક સપ્તાહથી વુડા અને કોર્પોરેશનના અધિકારીઓ સેવાસીથી વડોદરા-પાદરા રોડને જાેડતા ૭૫ મીટર પહોળા રસ્તાની કામગીરી ચોમાસા પૂર્વે શરુ કરવાની કવાયતમાં લાગી ગયા છે. ખાસ કરીને આ રસ્તામાં આવતી ટીપી સ્કીમ પૈકી ૨૫-બી ટીપી સ્કીમ હજી સુધી રાજ્ય સરકાર પાસે પેન્ડીંગ છે. સામાન્ય રીતે રાજ્ય સરકાર ટીપી સ્કીમના ડ્રાફ્ટને મંજુરી આપે ત્યાર બાદ તેનું જાહેરનામું બહાર પડે અને તે અંગે સ્થાનિક સ્વરાજની સંસ્થાને જાણ કરવામાં આવતી હોય છે. આ જાણ મળ્યા બાદ જે તે ઓથોરીટી ટીપી વિસ્તારના ખેડુતોને નોટીસ આપી ડ્રાફ્ટ મંજુરીની સુચના તથા રસ્તા ખુલ્લા કરવા જણાવતી હોય છે. આ કિસ્સામાં હજી આવી કોઈ પ્રક્રિયા ૨૫-બી માટે થઈ જ નથી તેમ છતાં મ્યુ. કમિશનર શાલિની અગ્રવાલે ૭૫ મીટર પહોળા રસ્તાની ટેન્ડર પ્રક્રિયા કરવાના આદેશ આપ્યા છે. એટલું જ નહીં આ માટે નિયમ વિરુધ્ધ વુડાની બોર્ડ મિટીંગમાં મંજુરી લેવાનો તખ્તો પણ તૈયાર કરવામાં આવ્યો છે. લોકસત્તા જનસત્તાને પ્રાપ્ત જાણકારી અનુસાર આગામી મંગળવારના રોજ મળનાર વુડાની બોર્ડ બેઠકમાં આ કામગીરી માટે પ્રક્રિયા શરુ કરવાની મંજુરી આપવામાં આવશે. ઉલ્લેખનીય છે કે આ રસ્તાનો મોટાભાગનો હિસ્સો કોર્પોરેશન હસ્તક આવે છે ત્યારે કોર્પોરેશન તરફથી રસ્તો બનાવવા માટેની કોઈ વિનંતી કરવામાં આવી નથી તેમ છતાં કમિશનર આ કામે કેમ લાગ્યા છે તે ચર્ચાનો વિષય બન્યો છે. પશ્ચિમ વિસ્તારમાં સનદી અધિકારીઓના બેનંબરી રૂપિયાના રોકાણની વ્યાપક ચર્ચા શહેરના પશ્ચિમ વિસ્તારમાં વર્ષોથી સનદી અધિકારીઓના બેનંબરી રુપિયા રોકાતા આવ્યા છે. હાલ શહેરના વધી રહેલા વ્યાપમાં સેવાસીથી જાસપુરના પટ્ટામાં અનેક સનદી અધિકારીઓએ પોતાની કાળી કમાણી ચોક્કસ લોકો સાથે રોકાણ કરી હોવાનું કહેવાય છે. ખાસ કરીને સેવાસીમાં ૭૫ મીટરનો રસ્તો જ્યાંથી શરુ થાય છે ત્યાં નજીકમાં આવેલ એક વૈભવી હોટલના સંચાલક સાથે અનેક સનદી અધિકારીઓને છુપી ભાગીદારી છે. એટલું જ નહીં વિદેશ યાત્રામાં પણ સનદી અધિકારીઓ આ હોટેલીયરની સેવાનો ભરપુર લાભ લેતા હોય છે. ત્યારે આ પટ્ટામાં ક્યા સનદી અધિકારીઓના રોકાણ છે જેના કારણે ઉતાવળે રસ્તાની કામગીરી થઈ રહી છે એવી ચર્ચાએ જાેર પકડ્યું છે. વુડા બોર્ડમાં દરખાસ્ત જ ગેરકાયદે? વુડાએ અગાઉ તૈયાર કરેલી ટીપી સ્કીમ પૈકી મોટાભાગનો વિસ્તાર હવે કોર્પોરેશન હસ્તક આવે છે. ત્યારે કોર્પોરેશન હસ્તકના વિસ્તારમાં કોઈ પણ કામગીરી કરવા માટે વુડાએ કોર્પોરેશનને જાણ કરવી પડે અથવા તો કોર્પોરેશન તરફથી વુડાને કોઈ વિનંતી પત્ર મળ્યો હોવો જાેઈએ. પરંતુ આ કિસ્સામાં કમિશનર શાલિની અગ્રવાલ વુડા ચેરમેનનો પણ ચાર્જ ધરાવતા હોઈ કોર્પોરેશનના જાેખમી પ્રોસેસમાંથી પસાર થવાના બદલે આખો ખેલ બારોબાર વુડામાંથી પાડવાનો તખ્તો તૈયાર કર્યો છે. જે માટે મંગળવારે વુડાની બોર્ડ બેઠકમાં મુકવામાં આવનાર દરખાસ્ત જ ગેરકાયદે હોવાનું જાણકારોનું માનવું છે. ટીપી એક્ટ મુજબ જ્યાં સુધી ડ્રાફ્ટ ટીપી સ્કીમને મંજુરી ન મળે ત્યાં સુધી તેમાં કોઈ પ્રક્રિયા કરી શકાતી નથી તેમ છતાં આ પ્રક્રિયામાં નિયમોનો છેદ કોના લાભાર્થે ઉડી રહ્યો છે તે અંગે અનેક અટકળો વહેતી થઈ છે. કમિશનર શાલિની અગ્રવાલ સ્વપ્રશસ્તિ માટે ગાંધીનગર શું આંબલી-પીપળી બતાવી આવ્યાં? વડોદરા તા. ૧૯ શહેરના લાખો નાગરીકો પાણી, ગટર અને રસ્તા સહિતની પ્રાથમિક સુવિધાઓથી ત્રસ્ત છે ત્યારે નાગરીકોના બેહાલ વચ્ચે વડોદરા મ્યુ. કોર્પોરેશનના કમિશનર શાલિની અગ્રવાલ આજે સ્વપ્રશસ્તિ માટે ગાંધીનગર જઈ કોઈ નવી જ આંબલી-પીપીળી બતાવી આવ્યા હોવાની વાતો સામે આવી છે. આ માટે આજે સવારથી કોર્પોરેશન અને વુડાના અધિકારીઓની ફોજ ગાંઘીનગર પહોંચી ગઈ હતી. જ્યાં કમિશનર તરીકેની એક વર્ષની કામગીરીનું પ્રેઝનટેશન આપવામાં આવ્યું હતું. ત્યારે શહેરમાં એક વર્ષમાં જાે ખરેખર કોઈ નક્કર કામગીરી કરવામાં આવી હોય તો આ પ્રેઝન્ટેશન વડોદરા શહેરની જનતા માટે પણ જાહેર કરવું જાેઈએ તેવી ચર્ચા કોર્પોરેશન વર્તુળમાં ચાલી રહી હતી. લોકસત્તા જનસત્તાને પ્રાપ્ત જાણકારી અનુસાર છેલ્લા એક વર્ષમાં કમિશનર તરીકે શાલિની અગ્રવાલે કરેલી કામગીરી (ખેરખર કેટલી તેની ખબર નથી) અંગે ગાંધીનગર ઉચ્ચ અધિકારીઓ સમક્ષ એક પ્રેઝનટેશન રાખવામાં આવ્યું હતું. મુખ્યમંત્રી કાર્યાલયના અધિકારીઓ સમક્ષ રાખવામા આવેલા આ પ્રેઝનટેશનમાં જાણે શહેરની આબોહવા બદલીને કોઈ મોટી કામગીરી કરી દેવામાં આવી હોય તેવું આભાસી ચિત્ર ઉપસાવવામાં આવ્યું હતું. પરંતુ જમીની હકીકત શું છે તે અંગે કોઈ વાત મુકવામાં આવી નથી. ખાસ કરીને આર્થિક રીતે કંગાલિયત અનુભવી રહેલી કોર્પોરેશન વિકાસના નવા કામો તો ઠીક જુની સુવિધાની મરામત કરવા માટે પણ કબાટ સાફ કરીને કામ કરાતું હોવાની છબી ઉપસી છે. ત્યારે આવી ગંભીર સ્થિતિમાં પણ પોતાની વાહવાહી કરાવવા માટે આખી ફોજ લઈ ગાંધીનગર કઈ વાત કરી આવ્યા તે અંગે કોર્પોરેશનમાં પણ ઉત્સુકતા જાેવા મળતી હતી.

વડોદરા, તા.૧૯છેતરપિંડી અને હુમલાના ગુનામાં સંડોવાયેલો ભાજપાનો પુર્વ વિદ્યાર્થી નેતા હર્ષિલ લીંબાચિયા સામે વધુ એક વાર છેતરપિંડીનો ગુનો નોંધાતા ચકચાર મચી છે. શહેર ભાજપાના અગ્રણીઓ સાથે ઘેરાબો હોવાનો રોફ મારીને અત્યાર સુધી લોકો સાથે છેતરપિંડી કરી હોવા છતાં પોલીસ પકડથી દુર રહેતા હર્ષિલની આ વખતે માંજલપુર પોલીસે મિત્ર સાથે છેતરપિંડી કરવાના ગુનામાં ધરપકડ કરી લોકઅપ ભેગો કરતા જ ભાજપા અગ્રણીઓએ પણ વિવાદમાં પડવાથી બચવા માટે હર્ષિલને મદદગારી કરવાથી દુર રહેવાનું મુનાસીબ માન્યુ છે. કલાલી વિસ્તારના સિધ્ધેશ્વર હેવનમાં રહેતો પુર્વ વિદ્યાર્થી નેતા અને ભાજપાનો અગ્રણી હર્ષિલ લીંબાચિયા સામે અગાઉ પણ છેતરપિંડીના ગુના નોંધાયા છે. જાેકે શહેરના ભાજપા અગ્રણીઓ સાથે ઘેરાબો રાખતો હોઈ અને તેઓની સાથે વિવિધ કાર્યક્રમો દરમિયાન ફોટા પાડેલા હોઈ આ ઓળખાણ અને ફોટા બતાવી તે શહેરીજનો સાથે પોલીસ સામે પણ રોફ મારતો હતો. દરમિયાન થોડાક સમય અગાઉ હર્ષિલને પ્રોફાઈલ કાર્સના માલિક યોગેશ પાટીલ સાથે પરિચય થતાં તે તેમની ઓફિસ અવારનવાર જતો હતો અને મિત્રતાના નાતે તેણે યોગેશ પાટીલ પાસેથી ૯ લાખમાં સેકન્ડ હેન્ડ સ્કોડા ઓક્ટોવિયા કાર ખરીદી હતી. કાર ખરીદી પેટે તેણે ૨.૧૯ ચુકવ્યા બાદ ૩.૯૦ લાખનો ચેક આપ્યો હતો. આ ચેક બેંકમાં જમા કરાવતા બાઉન્સ થયો હતો જેથી યોગેશ પાટીલે તેની પાસે બાકીના ૬.૮૧ લાખની માગણી કરી હતી. જાેકે માથાભારે હર્ષિલે શરૂઆતમાં પૈસા આપવા માટે ગલ્લા તલ્લા કર્યા બાદ યોગેશભાઈએ ફોન કરતા અપશબ્દો બોલી ધમકી આપી હતી કે હવે બાકીના પૈસાની ઉઘરાણી કરીશ તો ખોટા કેસમાં ફસાવી દઈશ.. તારાથી થાય તે કરી લે, તને પૈસા નહી મળે..એવી ધમકી આપી હતી. આ અંગેની યોગેશ પાટીલે માંજલપુર પોલીસ મથકમાં ફરિયાદ નોંધાવતા પોલીસે હર્ષિલ સામે છેતરપિંડીનો ગુનો નોંધી તેની ધરપકડ કરી હતી અને તેને લોકઅપ ભેગો કર્યો હતો. માથાભારે હર્ષિલ પાઈપ સાથે ઝડપાતાં હથિયારબંધીનો ગુનો ભાજપા અગ્રણી હર્ષિલ લીંબાચિયા અગાઉ છેતરપિંડી સાથે મારામારીના ગુનામાં સંડોવાયેલો માથાભારે આરોપી છે. આજે માંજલપુર પોલીસે તેની અટકાયત કરતા તેની પાસેથી લોખંડની પાઈપ મળી આવી હતી. જાેકે પાઈપ રાખવા બદલ તેની પાસે કોઈ વાજબી કારણ ના હોઈ પોલીસે તેની સામે હથિયારબંધીનો પણ વધુ એક ગુનો નોંધ્યો હતો. જેતપુરના ભાજપા મહામંત્રીનું પણ ૯૦ હજારનું કરી નાખ્યું હર્ષિલ લીંબાચિયાની ધરપકડ થઈ હોવાની જાણ થતાં જ રાજકોટમાં રહેતા જેતપુર ભાજપાના મહામંત્રી વિપુલભાઈ સંચાલિયા અત્રે દોડી આવ્યા હતા. તેમણે માધ્યમોને જણાવ્યું હતું મારે પેટ્રોલીયમ સ્ટોરેજ માટે લાયસન્સની જરૂર હોઈ અને આ લાયસન્સ માત્ર વડોદરામાં મળતું હોઈ મને હર્ષિલ લીંબાચિયાએ ૧.૧૦ લાખમાં લાયસન્સ અપાવવાની ખાત્રી આપી હતી. મે તેને ૯૦ હજાર આપતા તેણે મને ઓનલાઈન સ્લીપ મોકલી હતી પરંતું તપાસ કરતા આ સ્લીપ બોગસ હોવાની મને જાણ થતાં મે હર્ષિલ સામે છેતરપિંડી અને બોગસ દસ્તાવેજની ફરિયાદ માટે અરજી કરી હતી.

વડોદરા, તા.૧૯પ્રધાનમંત્રી નરેન્દ્ર મોદીએ વડોદરાના કારેલીબાગ સ્વામીનારાયણ મંદિર ખાતે ચાલી રહેલી સંસ્કાર અભ્યુદય શિબિરમાં ભાગ લઈ રહેલા યુવાનોને પ્રેરણા આપતા વર્ચ્યુઅલ સંબોધનમાં આઝાદીના અમૃત મહોત્સવની ઉજવણી પર્વે દેશસેવાના સંકલ્પો લેવા અનુરોધ કર્યો હતો. આ સંદર્ભે તેમણે જણાવ્યું કે યુવાનો તા.૧૫મી ઓગસ્ટ ૨૦૨૩ સુધીમાં ઓછામાં ઓછા ૭૫ કલાક દેશની સેવા માટે ફાળવવાનો નિર્ધાર કરે. તેમણે કહ્યું કે સ્વચ્છતા અભિયાનને આગળ વધારવું, પાણી અને વીજળી બચાવવા, લોકોને જનઔષધિ કેન્દ્રોનો લાભ લેતા કરવા, પ્લાસ્ટિકમુક્ત વાતાવરણ ઊભું કરવું આ બધા નાના નાના કામો એ પણ ખૂબ મોટી દેશસેવા છે. વડાપ્રધાન મોદીએ જણાવ્યું હતુ કે, આપણા સંતો અને શાસ્ત્રોએ આપણને શીખવ્યું છે કે, સમાજની પ્રત્યેક પેઢીના ચારિત્ર્ય નિર્માણથી સમાજનું નિર્માણ થાય છે. વડોદરા ખાતે યોજાયેલી આ સંસ્કાર અભ્યુદય શિબિર એ યુવાઓના અભ્યુદયની સાથે સમાજના અભ્યુદયનું પણ પવિત્ર અભિયાન છે. આ પ્રયાસ છે, આપણી પહેચાન અને ગૌરવના અભ્યુદયનો, આપણા રાષ્ટ્રના અભ્યુદયનો છે. વડાપ્રધાને કહ્યું હતું કે, ગુજરાતમાં આરંભાયેલા પ્રાકૃતિક ખેતીના મહાઅભિયાનને બિરદાવતા જણાવ્યું હતું કે, પ્રાકૃતિક ખેતીના આ અભિયાનમાં જમીનને સુધારવાની અને પ્રકૃતિનું સંરક્ષણ કરવાની તાકાત છે. હું ઈચ્છું છું કે, આ શિબિરમાં જાેડાયેલા યુવાનો આઝાદીના અમૃત પર્વે પોતાની ખેતીને પ્રાકૃતિક ખેતીમાં ફેરવવાનો સંકલ્પ કરે. તેમણે સહજ જીવનમાં સમાજનું ભલું કરવાની ભાવનાનો સમન્વય કરવા જણાવ્યું હતું. ઉપરાંત યુવાનોને એક વર્ષ સુધી રોકડથી કોઈ ખરીદી નહીં કરવાનો સંકલ્પ કરવા અનુરોધ કરતાં ડિજિટલ કરન્સીમાં જ ચૂકવણી કરવાનો એક નાનો સંકલ્પ ઘણા મોટા પરિણામો આપશે તેમ કહ્યું હતું. જ્યારે તેમણે એમ પણ કહ્યું હતું કે, ભારતીય જનતા પક્ષે મને વડોદરા અને કાશીની ટિકિટ આપી હતી. આ બંને નગરીઓએ મને પ્રધાનમંત્રીપદનું ગૌરવ આપ્યું છે. સંસ્થાએ તમામ મુશ્કેલીગ્રસ્તોની સેવા કરી છે ઃ મંત્રી મોરડિયા કુંડળધામ મારા હૃદયમાં છે અને વડોદરા મંદિરના દર્શનની તક મળી એ મારું ભાગ્ય છે તેવી લાગણી વ્યક્ત કરતા શહેરી વિકાસ અને શહેરી ગૃહનિર્માણ રાજ્ય મંત્રી વિનુ મોરડિયાએ જણાવ્યું કે ગુરુજી જ્ઞાનજીવનદાસજી વ્યાસપીઠ પરથી ધર્મ સંસ્કારોના સિંચનની સાથે સામાજિક શિસ્તનું સિંચન કરે છે. ગુરુજીએ કોરોના દરમિયાન કોઈ પણ ભેદ વગર મુશ્કેલીગ્રસ્તોની સેવા કરી છે, જરૂરિયાતવાળાઓને અનાજ, તબીબી સારવાર પૂરી પાડીને સાધુતા સિદ્ધ કરી છે. સંતોનું સાંનિધ્ય દેશને મોટી પ્રગતિ કરવાની તાકાત આપે છે ઃ સી.આર.પાટીલ સાત દિવસના સત્સંગ જ્ઞાનયજ્ઞના પવિત્ર મંચ પર આજે રાજ્ય ભાજપના અધ્યક્ષ સી.આર.પાટીલ ઉપસ્થિત રહ્યા હતા. તેમણે જણાવ્યું કે પ્રાચીન ભારતની સંસ્કૃતિ સંતો મહંતોથી ટકી રહી છે. તેમનું સાંનિધ્ય દેશને ખૂબ મોટી પ્રગતિ કરવાની તાકાત અને પ્રેરણા આપે છે. તેમણે જણાવ્યું કે સંતો, મહંતો યુવાનોને દેશ માટે સમર્પણ કરવાની પ્રેરણા આપે છે. રાજ્ય સત્તા ધર્મ સત્તા સાથે સુમેળ જાળવે એ અનિવાર્ય છે. તેમણે જણાવ્યું કે દરેક બાળકમાં વીર શિવાજી, બાપુ કે સરદાર જેવા ગુણવાન અને શીલવાન બનવાની તાકાત છે. સંતો આવી શિબિરો દ્વારા યુવાનોનું સર્વાંગી ઘડતર કરે છે, એમની શક્તિઓને સમાજ કલ્યાણમાં, રાષ્ટ્રનિર્માણમાં જાેડે છે. સંતોની સુરક્ષાની જવાબદારી રાજ્ય સત્તા અને સમાજની છે. વડાપ્રધાને વડોદરાના તેમના સાથીઓને યાદ કર્યા વડોદરા સાથેના સંબંધોને યાદ કરતાં તેમણે જણાવ્યું કે, મેં ઘણો સમય વડોદરામાં વિતાવ્યો છે. મને લાગે છે કે હું વડોદરાની આ સંસ્કાર અભ્યુદય શિબિરમાં રૂબરૂ ઉપસ્થિત રહી શક્યો હોત તો વધુ સારું થાત. આ સ્વામીનારાયણ સંસ્થાનું ચરિત્ર નિર્માણનું વિશાળ અનુષ્ઠાન છે. ભગવાન સ્વામીનારાયણે સ્વપ્રગતિને સર્વેની પ્રગતિનો આધાર બનાવવાનો ઉત્તમ સંદેશ આપ્યો છે, શુદ્ધ બુદ્ધિ અને ઉત્તમ સંસ્કારો સૌનું ઘડતર કરે છે. તેમણે સ્વ.કેશુભાઈ ઠક્કર, જમનાદાસ, કે.કે.શાહ, નલીન ભટ્ટ, મકરંદ દેસાઈ, રમેશ ગુપ્તા સહિતના વડોદરાના સાથીઓને યાદ કર્યા હતા અને સંસ્કારીનગરીના ઔદ્યોગિક અને સાંસ્કૃતિક વિકાસની પ્રસંશા કરી હતી.

લોકસત્તા વિશેષ, તા. ૧૮સામાન્ય રીતે જ્યાં વસ્તી રહેતી હોય ત્યાં વિકાસના કાર્યો કરવાની પ્રાથમિકતા હોવી જાેઈએ પરંતુ વુડા ચેરમેન શાલિની અગ્રવાલ માટે આ પધ્ધતિ કામની નથી. તેઓએ વસ્તી રહે છે તે વિસ્તારના રસ્તાની ચિંતા કર્યા સિવાય જંગલમાં રસ્તો બનાવવા માટેની પ્રક્રિયા ઉતાવળે શરુ કરાવી છે. ખરેખર તો વડોદરા શહેરના હિતમાં ૭૫ મીટરના રસ્તાના બદલે હાલ પ્રથમ તબક્કામાં હરણીથી શહેરમાં પ્રવેશતી નર્મદા કેનાલની સમાંતર ૩૦ મીટરનો રસ્તો તથા આ મેઈન કેનાલથી અલગ પડતી ડિસ્ટ્રીબ્યુટરી કેનાલ જે વડોદરા-પાદરા રોડને જાેડાય છે તેને સમાંતર આવેલ ૩૦ મીટરનો રસ્તો જાે પ્રથમ તબક્કામાં ખોલવામાં આવે તો ટ્રાફિકની સમસ્યાના નિરાકરણ માટે તે વધુ ઉપયોગી બને. આ રસ્તો ખુલ્લી કરવા માટે છેલ્લા ૨૦ વર્ષથી વાતો છે. કેનાલને અડીને પસાર થતા ૩૦ મીટરના રસ્તા પૈકી મોટાભાગની કામગીરી પણ પૂર્ણ છે પરંતુ આ રસ્તા પરના કેટલાક સ્થળોએ આવેલા દબાણ કે તેને લીંક કરતા રોડ પરના દબાણ માટેની કામગીરી કરવાથી આખો રસ્તો ઉપયોગી બને તેમ છે. પરંતુ આ રસ્તા માટે એક પણ વખત ચિંતન કરવાના બદલે વુડા ચેરમેન શાલિની અગ્રવાલે અચાનક ૭૫ મીટર રસ્તાની કામગીરી કરવાની ઉતાવળ કરતા તેમના ઈરાદા પર અનેક સવાલો ઉભા થઈ રહ્યા છે. લોકસત્તા જનસત્તાને પ્રાપ્ત જાણકારી અનુસાર ચોક્કસ માલેતુજારોને લાભ કરાવવા માટે છેલ્લા એક સપ્તાહથી ૭૫ મીટર રસ્તાનો એક ચોક્કસ ભાગ રાતોરાત ખુલ્લો કરી રસ્તો પાકો કરવાની પેરવી વુડામાં શરુ થઈ છે. વુડા ચેરમેન શાલિની અગ્રવાલની જીદ અને આદેશ બાદ વુડાના એન્જીનિયરીંગ વિભાગે ટેન્ડર બનાવવા માટેની પ્રક્રિયા શરુ કરી દીધી છે. ત્યારે વડોદરા શહેરમાં ટ્રાફિકની સમસ્યા માટે અત્યંત જરુરી એવા હરણીથી શરુ થતા નર્મદા કેનાલને સમાંતર ૩૦ મીટર પહોળા રસ્તાને તેની પુરી ક્ષમતામાં ખુલ્લો કરવા માટેની કોઈ કાર્યવાહી કરવાની વાત કરવામાં આવતી નથી. જાે આ આખા રસ્તાને હરણીથી વડોદરા-પાદરા રોડને જાેડવામાં આવે તો શહેરના એરપોર્ટ ચાર રસ્તાથી જુના પાદરા રોડ અક્ષર ચોક સુધીના રસ્તાનું ભારણ ઓછું થઈ જાય તેમ છે. કેનાલની સમાંતર રસ્તાથી અડધો ઈનર રીંગ રોડ ખૂલ્લો થશે વુડા અને કોર્પોરેશન દ્વારા અગાઉ સંયુક્ત રીતે જાહેર કર્યા મુજબ નેશનલ હાઈવે તથા વુડાના સુચિત રસ્તાઓ તેમજ કોર્પોરેશનના રસ્તાઓના જાેડાણથી એક ઈનર રીંગ રોડ ઝડપથી કાર્યરત કરવામાં આવનાર હતો. જે મકરપુરા-જામ્બુવાથી હરણી સુધીનો નેશનલ હાઈવ તથા હરણીથી નર્મદા કેનાલની સમાંતર ૩૦ મીટરનો રસ્તો વડોદરા-પાદરા રોડ સુધી જાેડી ત્યાંથી પછી ૭૫ મીટરનો રોડ પુનઃ પશ્ચિમ વિસ્તારથી દક્ષિણ સુધી લાવી નેશનલ હાઈવેને જાેડવાની વાત હતી. જાે કેનાલની સમાંતર રસ્તો ખોલવામાં આવે તો અડધો રીંગ રોડ આપોઆપ ક્લીયર થઈ જાય તેમ છે. તેના પર પ્રથમ કામગીરી કરવાના બદલે જયાં કોઈ વસ્તી નથી ત્યાં ઉતાવળે કેમ રસ્તો બનાવાઈ રહ્યો છે તેને લઈને સવાલ ઉભા થયા છે. સમા-છાણી રોડ ખોલવામાં વિલંબ કેમ થાય છે? સમા-છાણીને જાેડતી નર્મદા કેનાલની બંને તરફ ૩૦ મીટરનો રસ્તો મુકવામાં આવ્યો છે. જ્યાં બંને તરફ ટીપી સ્કીમમાં મોટાભાગના રસ્તાની કામગીરી પુરી પણ થઈ ગઈ છે. જે પૈકી કેનાલની દક્ષિણ તરફનો રસ્તો શહેરનો પ્રથમ જાેગીંગ ટ્રેક અને સાયકલ ટ્રેક સાથેનો રસ્તો તૈયાર પણ થઈ રહ્યો છે. પરંતુ ઉત્તર તરફના રસ્તામાં કેટલાક ઝુપડાની અડચણ દુર કરવામાં આવે તો આખો રસ્તો ખુલ્લો થઈ શકે તેમ છે. ત્યારે આ રસ્તો ખુલ્લો કરવાની તસ્દી કેમ લેવામાં આવતી નથી તેને લઈને પણ અનેક સવાલ ઉભા થયા છે. ૩૦ મીટર રસ્તો કઈ ટીપી સ્કીમમાંથી પસાર થાય અને તેની છેલ્લી સ્થિત શું છે? ટીપી સ્કીમ નંબર ક્યા ગામનો સમાવેશ? ટીપી સ્કીમની વર્તમાન સ્થિતિ? ક્યા સત્તા મંડળની હસ્તક હરણી -૧ અને ૨ હરણી હાલ પ્રિલીમ લેવાની કામગીરી ચાલુ છે વડોદરા મ્યુ કોર્પોરેશન સમા -૧ અને ૨ સમા સમા – ૧ ફાઈનલ જ્યારે સમા -૨ ડ્રાફટ વડોદરા મ્યુ. કોર્પોરેશન   સુધારા પ્રક્રિયામાં વેમાલી-૧ વેમાલી ફાઈનલ વડોદરા મ્યુ. કોર્પોરેશન સમા-દુમાડ-વેમાલી-૨ સમા, દુમાડ અને વેમાલી ડ્રાફ્ટ સુધારા પ્રક્રિયા સમા અને વેમાલી વડોદરા મ્યુ કોર્પોરેશન    તથા દુમાડ વુડા છાણી ૧૩, ૪૬, ૪૭ છાણી ૧૩ ફાઈનલ, ૪૬, ૪૭ અને ૪૮ વડોદરા મ્યુ. કોર્પોરેશન અને ૪૮ ડ્રાફ્ટ સુધારા પ્રક્રિયામાં નિઝામપુરા – ૧૨ નિઝામપુરા, છાણી ફાઈનલ (ફર્સટ વેરીએશન પ્રક્રિયામાં) વડોદરા મ્યુ. કોર્પોરેશન ગોરવા અંકોડીયા – ૧ ગોરવા અને અંકોડીયા ડ્રાફ્ટ સુધારા પ્રક્રિયામાં ગોરવા વડોદરા મ્યુ. કોર્પોરેશન તથા    અંકોડીયા વુડા ૈં.છ.જી. બનેલા કમિશનરને નાગરિક સુવિધાની પ્રાથમિકતાની સમજ નથી? વડોદરા, તા. ૧૮ શહેરના અન્ય વિસ્તારને અન્યાય કરી કમિશનર અને વુડાના ચેરમેનનો ચાર્જ ધરાવનાર શાલિની અગ્રવાલ દ્વારા સેવાસીથી વડોદરા-પાદરા રોડને જાેડતા ૬ કિલોમીટર લાંબા ૭૫ મીટર પહોળા રસ્તાને ખુલ્લો કરી પાકો કરવા પાછળ રૃપિયા ૧૦૦ કરોડનું આંધણ કરવાનો તખ્તો તૈયાર કરવામાં આવ્યો છે. ત્યારે આઈ.એ.એસ. બનેલા કમિશનરને નાગરીક સુવિધાની પ્રાથમિકતાની જ સમજ નથી તેવી છબી ઉપસી રહી છે. વુડા ચેરમેન તરીકે જે ૬ કિલોમીટર લાંબા રસ્તાને બનાવવા માટે રૃપિયા ૧૦૦ કરોડનો ખર્ચ કરવાની જીદ પકડી છે તેની સામે કેનાલની સમાંતર આવેલા ૩૦ મીટર પહોળા રસ્તાને સંપૂર્ણ રીતે કાર્યરત કરવામાં આવે તો આશરે ૨૦ કિલોમીટરની લીંક તૈયાર થઈ જાય અને તે પણ બ્રીજ નેટવર્ક સાથે. આ કામગીરીથી શહેરના લાખો નાગરીકોના માનવકલાકની બચત થાય, ટ્રાફિક સમસ્યાના કારણે થતી પેટ્રોલ અને ડિઝલની ખપતમાં ઘટાડો થાય અને સૌથી મહત્વનું આ સમસ્યાના નિરાકરણથી પર્યાવરણને ફાયદો થાય. પરંતુ આ તમામ બાબતો પર ધ્યાન કેન્દ્રીત કરવાના બદલે કમિશનર દ્વારા કોઈ ચોક્કસના લાભાર્થે જંગલમાં રસ્તાની કામગીરી પાર પાડવાની ઉતાવળ કરવામાં આવી રહી છે. એટલું જ નહીં જે ૧૦૦ કરોડ રૃપિયાનો ખર્ચ વુડા મારફતે કરાવવાનો તખ્તો તૈયાર કરવામાં આવ્યો છે આ ખર્ચ શહેરના અન્ય રસ્તા માટે પણ ઉપયોગ કરી શકાય છે. વુડા જાે સહાય જ કરવા માંગતી હોય તો શહેરમાં કામગીરીની અનેક પ્રાથમિકતા છે આ કામોમાં સહાય કરી લાખો લોકોને ઉપયોગ થાય તેવા કામો કરવા જાેઈએ નહીં કે કોઈ ચોક્કસને લાભ કરાવવા માટે ૧૦૦ કરોડનો ધૂમાડો કરી જંગલમાં મંગલ કરવાની કાર્યવાહી કરવી જાેઈએ. રસ્તા સાથે વિશ્વામિત્રી ડાયવર્ઝનનું કામ પણ સરળ થશે શહેરને પુરના પ્રકોપથી બચાવવા માટે વુડાના ડેવલોપમેન્ટ પ્લાનમાં વિશ્વામિત્રી નદીના ડાઈવર્ઝનની જાેગવાઈ પણ કરવામાં આવી છે. કોર્પોરેશન દ્વારા જાે કેનાલને સમાંતર ૩૦ મીટરના રસ્તાને ખુલ્લો કરી પુર્ણ ક્ષમતામાં કાર્યરત કરવામાં આવે તો આ રસ્તા પર કેનાલને સમાંતર વિશ્વામીત્રી ડાઈવર્ઝનની ચેનલ પણ મંજુર કરવામાં આવેલી છે. આ બનાવવાથી વડોદરા શહેરને પુરના પ્રકોપમાંથી પણ બચાવી શકાય તેમ છે.

વડોદરા, તા. ૧૮શહેર નજીક સોનારકુઈ પાસે વૈભવી ઓર્ચિડ ફાર્મ હાઉસમાં રહેતા જાણીતા બિલ્ડર અને અનેક કિંમતી જમીનોના માલિક હરીશભાઈ અમીનનો આજે સવારે ગોત્રી-સિંધરોડ પર બળીને ખાખ થયેલી ઈક્કો કારમાં ભડથુ થયેલી હાલતમાં મૃતદેહ મળી આવતા ચકચાર જાગી છે. વહેલી સવારે ભેદી સંજાેગોમાં ઈક્કો કારમાં બિલ્ડરની લાશ મળી હોવાની જાણ થતાં શહેરના બિલ્ડર લોબીમાં પણ ભારે ચકચાર જાગી હતી. આ બનાવની તાલુકા પોલીસને જાણ કરાતા પોલીસે મૃતદેહને પોસ્ટમોર્ટમ માટે સયાજી હોસ્પિટલમાં મોકલી આપ્યો હતો. પોસ્ટમોર્ટમના પ્રાથમિક રિપોર્ટમાં હરીશભાઈનું મોત સળગી જવાના કારણે થયું હોવાની વિગતો સપાટી પર આવી હતી. જાેકે વહેલી સવારે તે ઈક્કો કારમાં ક્યાં ગયેલા? કારમાં આગ લાગી તો બહાર કેમ ના નીકળી શક્યા ? શું તેમની હત્યા કરીને કારમાં લાશ મુકીને કારને સળગાવી દઈ પુરાવાનો નાશ કરવાનો પ્રયાસ કરાયો છે ? તે તમામ પ્રશ્નો હજુ અનુતીર્ણ હોઈ પોલીસે તે દિશામાં તપાસ શરૂ કરી છે. શહેરના જાણીતા બિલ્ડર તેમજ વિવિધ વિસ્તારોમાં કિંમતી જમીનો ધરાવતા ૬૮ વર્ષીય હરીશભાઈ દાદુભાઈ અમીનનો પરિવાર ન્યુ અલકાપુરી ગોત્રી-સેવાસીરોડ પર પિતૃછાયામાં રહે છે જયારે હરીશભાઈ લાંબા સમયથી શેરખી રોડ પર સોનારકુઈ પાસે આવેલા પોતાના વૈભવી ઓર્ચિડ ફાર્મ હાઉસ ખાતે એકલા જ રહેતા હતા. તેમણે ઓર્ચિડ ફાર્મ ખાતે અવરજવર કરવા તેમજ સામાનની હેરફેર કરવા માટે ગેસ કીટવાળી ઈક્કો કાર રાખી હતી અને તે આ કારનો પોતે ઉપયોગ કરતા હતા. હરીશભાઈ ફાર્મ હાઉસ પર એકલા રહેતા હોઈ તે રોજ સવારે તેમજ બપોરે નાસ્તો કરવા તેમજ જમવા માટે ઘરે જતા હતા અને પુત્ર સહિતના પરિવારનો સાથે સમય ગાળતા હતા પરંતું રાત્રે તે ફાર્મ હાઉસ પર જ જમીને ત્યાં જ રોકાતા હતા. દરમિયાન આજે વહેલી સવારે પરિવારજનોને જાણ થઈ હતી કે હરીશભાઈ મોડી રાત્રે ઈક્કો કારમાં નીકળ્યા બાદ પરોઢિયે સિંધરોટથી ઉમેટાબ્રિજ પાસે ફાર્મહાઉસ તરફ જવાના રોડ પર ઈક્કો કારમાં આગ લાગતા હરીશભાઈ પણ કારમાં જ જીવતા ભડથુ થઈ ગયા છે. આ જાણકારીના પગલે પરિવારજનો ઘટનાસ્થળે દોડી ગયા હતા અને હરીશભાઈના પુત્ર કરણે આ બનાવની તાલુકા પોલીસને જાણ કરતા પોલીસ પણ ઘટનાસ્થળે દોડી આવી હતી. બીજીતરફ જાણીતા બિલ્ડર અને જમીન માલિક હરીશભાઈનું આ રીતે કારમાં જીવતા ભડથું થઈ જવાના કારણે મોત નીપજવાની ઘટનાથી શહેરના બિલ્ડર લોબીમાં પણ ભારે ચકચાર જાગી હતી. તાલુકા પોલીસે ભારે જહેમત બાદ હરીશભાઈના મૃતદેહને કારમાંથી બહાર કાઢીને પોસ્ટમોર્ટમ માટે સયાજી હોસ્પિટલમાં ખસેડ્યો હતો. પોસ્ટમોર્ટમ બાદ હરીશભાઈનું મોત સળગી જવાના કારણે થયું હોવાનો તબીબોએ પ્રાથમિક અહેવાલ આપ્યો હતો જેના પગલે મૃતદેહ પરિવારજનોને સોંપાયો હતો. આ હાઈપ્રોફાઈલ કેસની પ્રાથમિક તપાસ તાલુકા પોલીસ મથકના પીએસઆઈ બી.જી.લાંબરિયાએ કર્યા બાદ પીઆઈ ડી.આઈ. સોલંકીને સોંપાતા તેમણે તપાસ શરૂ કરી છે. આ બનાવ અંગે પીઆઈ સોલંકીએ જણાવ્યું હતું કે પોસ્ટમોર્ટમમાં હરીશભાઈના શરીરે કોઈ ઈજાના નીશાન મળ્યા નથી પરંતું તેમ છતાં કેસની ગંભીરતા જાેતા અમે એફએસએલ મારફત તપાસ કરાવી વિસેરા પણ લીધા છે તેમજ લાશ સંપુર્ણ પણે બળી ગઈ હોઈ લાશની ખરાઈ માટે ડીએનએ પણ લીધા છે. હજુ સુધી પરિવારજનોએ કોઈ ફરિયાદ કરી નથી અને પરિવારજનોની પણ ડીટેઈલ પુછપરછ બાકી હોઈ વધુ વિગતો મળી નથી. વહેલી સવારે હરીશભાઈ ઈક્કો કારમાં ક્યાં ગયેલા? કારમાં આગ લાગી તો બહાર કેમ ના નીકળી શક્યા ? શું તેમની હત્યા કરીને કારમાં લાશ મુકીને કારને સળગાવી દઈ પુરાવાનો નાશ કરવાનો પ્રયાસ કરાયો છે ? તે તમામ પ્રશ્નો હજુ અનુતીર્ણ હોઈ પોલીસે તે દિશામાં પણ તપાસ શરૂ કરી છે. મૂળ યુગાન્ડાના વતની હરીશભાઈ પાસે પરમીટ હતી મુળ યુગાન્ડાના વતની અને વર્ષો પહેલા વડોદરામાં સ્થાયી થયેલા હરીશભાઈ પાસે અગાઉ દારૂ પીવીના પરમીટ છે. ગઈ કાલે રાત્રે તે નશો કરીને આંટો મારવા માટે નીકળ્યા હતા કે કેમ તે દિશામાં પણ પોલીસે તપાસ હાથ ધરી છે. હરીશભાઈના પત્ની અને સંબંધીઓ સામાજિક પ્રસંગે હાલ યુગાન્ડામાં છે અને તેઓને આ બનાવની જાણ થતાં તેઓ અત્રે આવવા માટે નીકળી ગયા હોવાનું સુત્રોએ જણાવ્યું છે. ગેસ કીટવાળી કાર લોખંડની પાઈપ સાથે ભટકાતાં સળગી હોવાનુું અનુમાન પોલીસને પ્રાથમિક તપાસમાં એવી વિગતો સાંપડી છે કે હરીશભાઈની ઈક્કો કાર ગેસકીટવાળી હતી અને તે બ્રિજની આગળ ટર્નિગ પર મુકેલા લોખંડના પાઈપ સાથે ભટકાતા કારમાં આગ લાગી હોવાનું અનુમાન છે. જાેકે પાઈપ સાથે ખરેખરમાં કાર ધડાકાભેર ભટકાઈ હતી કે કેમ ? તેની તપાસ હજુ બાકી છે. જમીનોના ઝઘડામાં યોજનાબદ્ધ ખેલ પાડ્યો ? હરીશભાઈ અમીનની શહેરના વિવિધ વિસ્તારોમાં જમીનો આવેલી છે જે પૈકી કેટલીક જમીનોના લે-વેંચમાં અગાઉ તકરારો પણ થઈ છે. તેમને નાપા ગામના કેટલાક દલાલો તેમજ એક ચોક્કસ કોમની ટોળકી સાથે પણ વિવાદ ચાલતો હતો. હરીશભાઈ એકલા રહેતા હોવાની તેમજ તે અવારનવાર મોડી રાત્રે કે પરોઢિયે ઈક્કો કારમાં નીકળતા હોવાની જાણકારી હોઈ આ તકની રાહ જાેતા જાણભેદુ દુશ્મનોએ તો તેમની હત્યા કર્યા બાદ લાશને ફરી કારમાં મુકીને કાર સળગાવી દઈને પુરાવાનો નાશ કરી આયોજનબધ્ધ ખેલ પાડ્યો હોવાની પણ શંકાઓ હોઈ તે દિશામાં પણ પોલીસે તપાસ હાથ ધરી છે.

લોકસત્તા વિશેષ તા. ૧૭શહેરમાં વકરી રહેલી ટ્રાફિકની સમસ્યાના નિરાકરણ માટે જરુરી રસ્તાઓ ખુલ્લા કરવાની કામગીરી સહિત અન્ય કામગીરીથી દુર ભાગતા મ્યુ. કમિશનર અને વુડા ચેરમેન શાલિની અગ્રવાલ અચાનક ગોત્રી-સેવાસી રોડથી પાદરા-વડોદરા રોડને જાેડતા ૭૫ મીટર રીંગ રોડની કામગીરી તાત્કાલિક ચાલુ કરાવવા માટે ઉતાવળા બન્યા છે. જે માટે તેઓએ વુડામાં અધિકારીઓને આદેશ આપી ૧૦ દિવસમાં ટેન્ડર પ્રક્રિયા કરી ચોમસા પુર્વે રસ્તાની કામગીરી શરુ કરવાના આદેશ છોડ્યા છે. આ રસ્તામાં આવતી કેટલીક ટીપી સ્કીમના ડ્રાફ્ટને હજી સરકારે મંજુરી પણ આપી નથી. જ્યારે કેટલાકમાં હજી ગત મહિને જ મંજુરી મળી છે. આ ઉપરાંત આ રસ્તાનો મોટાભાગનો વિસ્તાર હવે કોર્પોરેશન હસ્તક આવે છે ત્યારે કોર્પોરેશન પાસે પ્રક્રિયા કરવાના બદલે વુડામાંથી આખો ખેલ પાડવાની ઉતાવળ કેમ કરાઈ રહી છે તેને લઈને અનેક અટકળો વહેતી થઈ છે. લોકસત્તા જનસત્તાને પ્રાપ્ત જાણકારી અનુસાર શહેરની ટ્રાફિક સમસ્યાના નિરાકરણ માટે છેલ્લા ૧૦ વર્ષથી ઈનર રીંગ રોડ તથા આઉટર રીંગ રોડની વાત થાય છે. ઈનર રીંગ રોડ એટલે ૭૫ મીટરનો વુડાનો સુચિત રસ્તો અને આઉટર રીંગ રોડ એટેલે ૯૦ મીટરનો વુડાનો સુચિત રસ્તો. ટ્રાફિક સમસ્યાના નિરાકરણ માટે પ્રથમ તબક્કામાં ૭૫ મીટરના ઈનર રીંગ રોડને નેશનલ હાઈવ તથા ૩૦ મીટરના ઈનર રોડ સાથે કનેક્ટ કરવાની વાત વુડાના તત્કાલિન અધ્યક્ષ એન.વી. પટેલે કરી હતી. આ જાહેરાતને પણ લગભગ ૭ વર્ષ થઈ ગયા છે. જેમાં હરણીથી શહેરમાં પ્રવેશતી નર્મદા કેનાલની સમાંતર બંને બાજુ મુકવામાં આવેલ ૩૦ મીટરના રસ્તાને સેવાસી સુધી ખુલ્લો કરાવી ત્યાં રસ્તાની કામગીરી પુરી કરવા માટેનું નક્કી કરવામાં આવ્યું હતું. આ રસ્તો બનવાથી ઉત્તર-પૂર્વ વિસ્તારથી આવતા લોકોને પશ્ચિમમાં કે પાદરા તરફ જવા માટે શહેરમાંથી પસાર થવું પડતું હતું તેના બદલે તેઓ બારોબાર જઈ શકશે. પરંતુ જે ટીપી સ્કીમોના રસ્તા ખોલવાની પ્રક્રિયા અગાઉ થઈ ચુકી છે માત્ર નજીવા દબાણો દુર કરી આખો ૩૦ મીટરનો રસ્તો ખુલ્લો કરી તેના પર બ્રિજનું આયોજન કરી કાર્યવાહી કરવામાં આવે તો વડોદરા શહેરની ટ્રાફિકની સમસ્યાને મોટો લાભ થાય તેમ છે. પરંતુ આ જુના ટીપી સ્કીમના રસ્તાને ખોલવાના બદલે વુડા ચેરમેન શાલિની અગ્રવાલે રાતોરાત ૭૫ મીટરના રીંગરોડને ખુલ્લો કરવા માટેની ઉતાવળે શરુ કરેલી કાર્યવાહીએ અનેક શંકા-કુશંકાઓ ઉભી કરી છે. ઉલ્લેખનીય છેકે અગાઉ વુડા અને કોર્પોરેશનમાં જંગલમાં રસ્તા બનાવવાના મુદ્દે મોટો વિવાદ થયો હતો ત્યારે આ વખતે ફરી જ્યાં વસ્તી નથી ત્યાં રસ્તા પાછળ કરોડો રૃપિયાનું આંધણ કોના લાભાર્થે કરાઈ રહ્યું છે તે અંગે શંકાઓ વહેતી થઈ છે. ટેન્ડર માટે જીઓ કન્સલટન્ટને કામ સોંપાયું ૭૫ મીટરનો સુચિત ટીપી રસ્તો બનાવવા માટે વુડા ચેરમેન શાલિની અગ્રવાલે ટેન્ડર બનાવવા માટેના પણ આદેશ આપ્યા છે. જેમાં વુડાની પેનલ પર નક્કી કરાયેલા કન્સલટન્ટ પૈકી જીઓ કન્સલ્ટન્ટને ટેન્ડર બનાવવા માટેનું કામ સુપ્રત કરાયું છે. ઉલ્લેખનીય છેકે પેનલ પરના કન્સલટન્ટ પૈકી ટેન્ડર બનાવવા માટે ઓફર મંગાવી કામગીરી સુપ્રત કરવાની હોય છે. પરંતુ આ કિસ્સામાં અતિ ઉતાવળા બનેલા વુડા ચેરમેન શાલિની અગ્રવાલે એક સહી કરી આ આદેશ આપ્યા હોવાનું કહેવાય છે. આવી ઉતાવળ કોના માટે તે અંગે અનેક તર્કો વહેતા થયા છે. કોર્પોરેશનમાં ચૂંટાયેલી પાંખનો વિવાદ ટાળવા વુડામાં ખેલ પડ્યો? ૭૫ મીટરનો રીંગરોડ કોર્પોરેશનની હદમાંથી પણ પસાર થાય છે. જાે આ કામગીરી કોર્પોરેશન મારફતે કરાવવાની હોય તો કમિશનર જાતે ર્નિણય કરી શકતા નથી. આ માટે ટેન્ડર પ્રક્રિયા કરવા માટે સૌ પ્રથમ તેને કોર્પોરેશનના બજેટમાં મુકવાનું હોય છે. જાે બજેટ સિવાયની કામગીરી કરવી હોય તો તે માટે સમગ્ર સભા સમક્ષ જઈ તેની મંજુરી લેવાની હોય છે. ત્યાર બાદ ટેન્ડર પ્રક્રિયા કરી તેને ફરી મંજુરી માટે સ્થાયી સમિતિ સમક્ષ રજુ કરવાનું હોય છે. આ તમામ પ્રક્રિયામાં કોર્પોરેશનના ૭૬ કોર્પોરેટરોની આંખમાંથી ફાઈલ પસાર કરવી પડે જેમાં વિવાદ થાય તેમજ આ રસ્તો કરવા પાછળનો સાચો ઈરાદો સામે આવી જાય તેના બદલે વુડામાંથી આ ખેલ પાડવાનો કારસો રચાયો હોવાનું કહેવાય છે. આ રસ્તો ખુલ્લો કરવાની નોટીસ આપવા વુડાનો કોર્પોરેશનને પત્ર વુડા દ્વારા તૈયાર કરવામાં આવેલી ટીપી સ્કીમ નંબર ૨૪-એ, ૨૪-બી તથા ભાયલી-૫ પૈકીનો કેટલોક વિસ્તાર ગત વર્ષે કોર્પોરેશનમાં સમાવિષ્ટ કરવામાં આવ્યો છે. ત્યારે ૭૫ મીટરનો રસ્તો ખુલ્લો કરવા માટેની આખી પ્રક્રિયામાં કોર્પોરેશન હસ્તકના ગામો માટે કોર્પોરેશને નોટીસ આપવી પડે. જેથી વુડાએ કોર્પોરેશનને એક પત્ર લખી આ રસ્તા ખુલ્લા કરવા નોટીસો આપવા જાણ કરી છે. ટીપીના નિયત પ્રોસેસને તોડવાના આદેશ કેમ અપાયા? ટીપી સ્કીમની પ્રક્રિયા મુજબ ડ્રાફ્ટ ટીપી સ્કીમને રાજ્ય સરકારની મંજુરી બાદ રસ્તા ખોલવાની પ્રક્રિયા કરી શકાતી હોય છે. પરંતુ આ પ્રક્રિયામાં સૌ પ્રથમ ડ્રાફ્ટ ટીપી સ્કીમની મંજુરી સાથે તેમાં જરુરી સુધારા કરવા માટે રાજ્ય સરકારે આપેલા આદેશ મુજબ જમીનમાલિકોને નોટીસ આપી બોલાવવામાં આવે છે. જે સુધારા થયા બાદ રસ્તા ખોલવા માટેની નોટીસો આપવામાં આવે છે. જેમાં જમીનમાલિકો માટે સુનવણી પ્રક્રિયા હાથ ધરવામાં આવે છે. જે બાદ જમીન માલિકીની સંમતિથી સૌ પ્રથમ રસ્તા ખોલવાની પ્રક્રિયા થાય છે. આ કિસ્સામાં આવી પ્રક્રિયા શરુ થાય તે પૂર્વે જ રસ્તાના ટેન્ડર માટેના આદેશ આપવામાં આવ્યા ત્યારે આ કિસ્સામાં વુડા ચેરમેને ટીપીના નિયમો તોડીને પ્રોસેસ કરવાની ઉતાવળ કેમ દાખવી છે તે ચર્ચાનો વિષય છે. કઈ ટીપી સ્કીમમાંથી રસ્તો પસાર થાય છે? તેની સ્થિતિ શું છે? ટીપી સ્કીમ નંબર ક્યા ગામનો સમાવેશ? ટીપી સ્કીમની વર્તમાન સ્થિતિ? ક્યા સત્તા મંડળની હસ્તક ૨૪-એ સેવાસી, ખાનપુર, અંકોડીયા, મહાપુરા ૧૫ દિવસ પૂર્વે રાજ્ય સરકારે સેવાસી વડોદરા મ્યુ કોર્પોરેશન હસ્તક   ડ્રાફ્ટ ટીપી સ્કીમ મંજુર કરી જ્યારે ખાનપુર, મહાપુરા, અંકોડીયા વુડા હસ્તક ૨૪-બી ભાયલી, ગોકળપુરા, રાયપુરા ડ્રાફ્ટ ટીપી સ્કીમ મંજુર થયેલ ભાયલી વડોદરા મ્યુ. કોર્પોરશન હસ્તક જ્યારે   નથી. રાજ્ય સરકારમાં પેન્ડીંગ છે. ગોકળપુરા અને રાયપુરા વુડા હસ્તક ૫ ભાયલી, બીલ, સમીયાલા ડ્રાફ્ટ મંજુર ભાયલી અને બીલ વડોદરા મ્યુ. કોર્પોરેશન હસ્તક    જ્યારે સમીયાલા વુડા હસ્તક બોર્ડની મંજૂરીની અપેક્ષાએ કાર્ય શરૂઃઉતાવળ કેમ? શહેરને ફરતા રીંગરોડ પૈકી ૭૫ મીટરના સુચિત રસ્તાને ખુલ્લો કરી ત્યાં રસ્તાની કામગીરી માટેની પ્રક્રિયા કરતા પહેલા વુડાના બોર્ડની સૈધ્ધાંતિક મંજુરી મેળવવી જરુરી છે. આ ઉપરાંત આ રસ્તાનો મોટાભાગનો વિસ્તાર કોર્પોરેશન હસ્તક હોઈ વુડાએ કોર્પોરેશન પાસેથી પણ જરુરી મંજુરી લેવાની હોય છે. પરંતુ આ કિસ્સામાં તમામ પ્રક્રિયા ઉતાવળે શરુ કરી બોર્ડની મંજુરીની અપેક્ષાએ સમગ્ર કામગીરીની પ્રક્રિયા શરુ કરી દેવામાં આવી છે.

વડોદરા, તા.૧૭આઈપીએલની ક્રિકેટ મેચ પર સાત કરોડની માસ્ટર આઈડીથી ઓનલાઈન સટ્ટાબેટીંગ રમાડવાના ગુનામાં વોન્ટેડ નામચીન સલમાન ગોલાવાલા અને સિદ્દીક ગોલાવાલા ગોવામાં ફરાર થયા બાદ હાલોલમાં આવીને આશ્રય લેતા હોવાની જાણ થતાં જ પીસીબીની ટીમે આજે હાલોલમાં દરોડો પાડી સલમાન અને સિદ્દીકને ઝડપી પાડ્યા હતા. પ્રાથમિક પુછપરછમાં સલમાને ગોવામાં સંજય નામના સટોડિયા સાથે પરિચય થયા બાદ ક્રિકેટ મેચના સટ્ટાકાંડમાં ઝંપાલાવ્યુ હોવાની વિગતો સપાટી પર આવતા પોલીસે આ સટ્ટાકાંડમાં સંજય અને મુન્નાને પણ વોન્ટેડ જાહેર કરી તેઓની શોધખોળ શરૂ કરી છે. પીસીબીની ટીમે ગત ૨૨મી એપ્રિલે વડદલારોડ પર કાન્હા રેસીડન્સીમાં રહેતા રામચંદ્રસિંહ રાઉલજીના ઘરે દરોડો પાડી તેને આઈપીએલની ટી-૨૦ ક્રિકેટ મેચ પર રોબર્ટ૯૯૯ ડોટ કોમ વેબસાઈટ મારફત સટ્ટો રમતા ઝડપી પાડ્યો હતો. તેણે સટ્ટો રમવા માટે નામચીન આરોપી ૩૦ વર્ષીય સલમાન મોહંમદસલીમ ગોલાવાલા (ડબગરવાસ,પાણીગેટ) અને કલ્પેશ બાંભણિયા પાસેથી સટ્ટો રમવા માટે આઈડી મેળવી હોવાની અને સુફીયાન નામનો યુવક હારજીતના નાણાંનું કલેકશન કરતો હોવાની કબુલાત કરતા પોલીસે સલમાન, કલ્પેશ અને સુફીયાન સામે મકરપુરા પોલીસ મથકમાં ફરિયાદ નોંધાવી આ ત્રણેય આરોપીઓને વોન્ટેડ જાહેર કર્યા હતા. આ સટ્ટાકાંડની તપાસ દરમિયાન મુખ્ય સુત્રધાર સલમાન ગોલાવાલાની સાત કરોડની સુપર માસ્ટર આઈડીનું સંચાલન કરતો કલ્પેશ બાંભણિયા અમદાવાદ ખાતેથી ઝડપાયો હતો અને તેની પુછપરછમાં આ સટ્ટાકાંડમાં ૧૧૦ ગ્રાહકોના નામો સપાટી પર આવતા પોલીસે આ ગ્રાહકોની પણ શોધખોળ શરૂ કરી છે. દરમિયાન આ સટ્ટાકાંડનો મુખ્ય સુત્રધાર સલમાન ગોલાવાલા અને તેનો ભાઈ ૨૨ વર્ષીય મોહંમદસિદ્દીક ફરિયાદ નોંધાતા જ ફરાર થયા હતા. આ મામલો ઠંડો પડતા જ બંને ભાઈઓ હાલોલમાં આવીને છુપાયા હોવાની માહિતી મળતા પીસીબીની ટીમે હાલોલમાં દરોડો પાડી ગોલાવાલા બંધુઓને ઝડપી પાડી અત્રે લાવવામાં આવ્યા હતા. ગોલાવાલા બંધુઓની પ્રાથમિક પુછપરછમાં આ સટ્ટાકાંડનું ગોવા કનેકશન સપાટી પર આવ્યું હતું. બે વર્ષ અગાઉ સલમાન ગોવા ખાતે કેશીનોમાં જતા તેને સુરતમાં રહેતા સટ્ટેબાજ સંજય સાથે પરિચય થયો હતો અને સલમાને તેની પાસેથી સાત લાખની લીમીટવાળી બીશીખર ડોટ કોમ નામની માસ્ટર આઈડી મેળવી હતી જેમાં સલમાનનો ૮૦ ટકા અને સંજયનો ૨૦ ટકા ભાગ હતો જેમાં દસ જેટલા પેટા ગ્રાહકો હતો. આ આઈડી પર સટ્ટો રમાડવા બદલ ગત ૨૦૨૦-૨૧માં સલમાન પર વડોદરામાં અલગ અલગ પોલીસ સ્ટેશનમ છ કેસ થતાં સલમાન અને સંજયે આઈડીનું નામ બદલી રોબર્ટ૯૯૯ ડોટ કોમ કર્યું હતું. આ નવી આઈડીમાં સંજયે સટ્ટો રમાડવા માટે ૭ કરોડની લીમીટ કરી આપી હતી જેમાં સલમાનના ૮૨ ટકા અને સંજયના ૧૮ ટકા કમિશન નક્કી થયું હતું. જાેકે આ નવી આઈડી પર રમાતા સટ્ટા બદલ મકરપુરામાં ફરિયાદ નોંધાતા સલમાન પોલીસ ધરપકડ ટાળવા માટે ગોવા ભાગ્યો હતો અને ક્રિકેટ મેચના સટ્ટાના લેવડદેવડ માટે ઉપયોગમાં લીધેલો મોબાઈલ ફોન પણ ગોવા ખાતે બાગાબીચ ખાતે ફેકીં દઈ પુરાવાનો નાશ કર્યો છે. સલમાનના સટ્ટાકાંડમાં આઈડી આપનાર સુરતના સંજય અને મુન્નાભાઈની સંડોવણી સપાટી પર આવતા પોલીસે આ બંનેને પણ વોન્ટેડ જાહેર કર્યા છે. બેનંબરી નાણાંની લેવડદેવડ આંગડિયા પેઢી મારફત થતી હતી આઈપીએલની દરેક મેચ પર લાખો રૂપિયાનો સટ્ટો રમાતો હતો પરંતું તેની રોકડમાં થતી લેવડદેવડ અંગે પોલીસ કે અન્ય કોઈ સરકારી એજન્સીને જાણ ના થાય તે માટે સલમાન અને સંજયે નક્કી કરેલા ટકાવારીના રૂપિયાની લેવડદેવડ માટે પી.એમ. આંગડિયા પેઢીની ઓફિસમાં એસએમ નામે એકાઉન્ટ શરૂ કર્યું હતું. સંજય અને સલમાન એકબીજાને ચુકવવાના થતા નાણાં પી એમ આંગડિયા પેઢીની વડોદરામાં આવેલી સુલતાનપુરા,અલકાપુરી તેમજ સુરતના મહિધરપુરાની બ્રાન્ચમાં જમા કરાવતા હતા. જાે પી એમ આંગડિયા પેઢીમાં લેવડદેવડ થઈ શકે તેમ ન હોય તો ઘણી વખત તેઓ માધવ મગન, રમેશ કાંતિ, આર.અશોક નામની આંગડિયા પેઢી મારફત પણ નાણાંની લેવડદેવડ કરતા હતા. કલ્પેશ બાંભણિયાને નોકરી છોડાવી સટ્ટાનું સંચાલન સોંપ્યું દાંડિયાબજારમાં આઈડિયા કંપનીના આઉટલેટ પર મહિને દશ હજારના પગારે નોકરી કરતા કલ્પેશ બાંભણિયા સાથે સલમાન ગોલાવાલાને પરિચય થયો હતો. કલ્પેશ કોમ્પ્યુટરનો નિષ્ણાત હોઈ સલમાને તેને નોકરી છોડી તેના ક્રિકેટ મેચના સટ્ટાની આઈડીનું સંચાલન કરવા તેમજ હિસાબ કિતાબ રાખવા માટે જણાવ્યું હતું અને તેને મહિને ૨૫ હજારના પગારની ઓફર કરી હતી. નોકરી કરતા બમણાથી વધુ પગાર મળતો હોઈ કલ્પેશ નોકરી છોડી સલમાના સટ્ટાકાંડમાં જાેડાયો હતો. કલ્પેશેને તેને લેપટોપ આપતા તેણ સલમાનની સુચના મુજબ અમદાવાદ ખાતેખી ક્રિકેટ સટ્ટાની આઈડી આપવાનું તેમજ ઓપરેટ કરવાનું કામ કરતો હતો. સટ્ટેબાજાેને પ્રત્યક્ષ મળીને નાણાંની લેવડદેવડ કરાતી હતી મોબાઈલ ફોનના એપથી ક્રિકેટ મેચ પર સટ્ટો રમતા ખેલીઓ પાસેથી સટ્ટામાં હારેલા અને જીતેલા નાણાંની તેઓને પ્રત્યક્ષ મળીને લેવડદેવડ કરાતી હતી. કલ્પેશ બાંભણિયા દર રવિવારની સાંજે હારજીતના હિસાબનું સ્ટેટમેન્ટ સલમાન અને સંજયને મોકલતા તેઓ સોમવારે હિસાબ કરતા હતા. આ પૈકી સલમાન તેના ગ્રાહકોનો હિસાબ કિતાબ કરી સટ્ટાના હારેલા નાણાંની ઉઘરાણી કરવા માટે જહાંગીરપુરામાં રહેતા સુફીયાન શેખને મહિના ૧૨ રૂપિયાના પગારે નોકરીએ રાખ્યો હતો. સુફિયાન તેને મળતી યાદી મુજબ ગ્રાહકોનો કોન્ટેક્ટ કરી તેઓને મળીને હિસાના નાણાંની આપ-લે કરતો હતો.

મહારાજા સયાજીરાવ ગાયકવાડ દ્વારા ખેડૂતો સિંચાઈના પાણી થકી ખેતી કરી શકે તેવા શુભઆશયથી ડભોઈ તાલુકાના વઢવાણા ગામ નજીક વિશાળ તળાવનું નિર્માણ કરવામાં આવ્યું હતું. તાજેતરમાં પ્રમાણમાં ઓછો વરસાદ અને ત્યાર બાદ આગ ઓકતી ગરમી વચ્ચે સેંકડો એકરમાં બનાવાયેલું આ તળાવ સૂકાઈ જઈ વિશાળ મેદાન બની ગયું છે. તળાવમાં ઢોરો ફરતાં થઈ ગયાં છે.

વડોદરા, તા.૧૫વડોદરા શહેરમાં ગેંડા સર્કલથી મનીષા ચોકડી સુધી અંદાજે ત્રણ કિ.મી. લાંબા અને મોટા બ્રિજનું નવનિર્માણ થઈ રહ્યું છે. આ ઓવરબ્રિજના નિર્માણમાં આવતા અવરોધરૂપ વૃક્ષો અને હિન્દુ દેવી-દેવતાઓના મંદિરોની વૈકલ્પિક વ્યવસ્થા કર્યા વિના જ શહેરના મેયરના ઈશારે તોડી પાડી બ્રિજનું કામ કરાવતા ધાર્મિક સંગઠનો અને સામાજિક સંગઠનોની ધાર્મિક લાગણી દુભાતાં મેયરની કામગીરી વિરુદ્ધ ભારે વિરોધવંટોળ ઉઠવા પામ્યો છે. કોંગ્રેસ દ્વારા પણ તેનો વિરોધ નોંધાવી પુનઃ મંદિરો સ્થાપિત કરવાની કામગીરી કરાતાં જે પોલીસે અટકાવી હતી.જાે કે, જૂના પાદરા રોડ સ્થિત મલ્હાર પોઈન્ટ સર્કલ અને રોકસ્ટાર સર્કલના ટ્રાફિક પર ત્રણ મહિના સુધી અવરજવર માટે પ્રતિબંધ મૂકી ડાયવર્ઝન આપતાં વાહનચાલકોમાં પણ છૂપારોષની લાગણી જાેવા મળી હતી. જાે કે, આ ઓવરબ્રિજના નિર્માણકાર્યમાં ચાર વર્ષ જેટલા સમયનો વિલંબ થયો છે જેથી આ રોડ પર રોજબરોજ અવરજવર કરતાં વાહનોને કારણે ટ્રાફિક જામનાં દૃશ્યો સર્જાય છે જેમાં વાહનચાલકોમાં રોષની લાગણી વ્યાપી રહી છે. મંદિરની સાથે લીમડાના મોટા વૃક્ષનું પણ નિકંદન શહેરના ગેંડા સર્કલથી મનીષા ચોકડી સુધીના ઓવરબ્રિજના નિર્માણમાં આવતાં ભગવાનના મંદિરો જ નહીં, પરંતુ વર્ષોજૂના મોટા જીવંત વૃક્ષો પણ કાપી નાખવામાં આવતાં તેનો વિરોધ કરવા કોંગ્રેસ યુવા પ્રમુખ કુલદીપ વાઘેલા અને કાર્યકરો દોડી આવ્યા હતા, જ્યાં પોલીસ આવી પહોંચતાં તેમને વિરોધ કરતાં અટકાવ્યા હતા. પોલીસની હાજરીમાં જ લીમડાના મોટા વૃક્ષોનું નિકંદન કાઢી નાખ્યું હતું. વોર્ડ નં.૧૦ના કાઉન્સિલરનું મંદિરો તોડી પાડવાના મુદ્દે ભેદી મૌન વડોદરા મહાનગરપાલિકાની સભાઓમાં મંદિરો તોડવા બાબતે હોબાળો મચાવનાર ભાજપાના જ કાઉન્સિલર નીતિન દોંગા તેમના વોર્ડ નં.૧૦ વિસ્તારમાં એકસાથે ત્રણ ત્રણ હિન્દુ દેવી-દેવતાઓના મંદિરો તોડી પાડવામાં આવ્યા હોવા છતાં તેમના મોંઢે ખંભાતી તાળાં મારી દેવાતાં લોકોમાં ચર્ચાનો વિષય બન્યો હતો. આ મામલે કંઈ પણ પ્રતિક્રિયા આપવાનો ઈન્કાર કર્યો હતો. હિન્દુ દેવી-દેવતાઓના મંદિર તોડી પાડવાના વિરોધમાં વિવિધ સંગઠનો દ્વારા કલેકટરને રજૂઆત વિકાસના બહાના હેઠળ હિન્દુ દેવી-દેવતાઓના મંદિરો રાત્રિના સમયે જ ચોરીછૂપીથી તોડી પાડવામાં આવતાં અને નડતરરૂપ ના હોય એવી જગ્યાએ મંદિર બનાવી આપવા માટે આવતીકાલે એટલે કે સોમવારે બપોરના ૪.૧પ કલાકે વડોદરા શહેરના તમામ હિન્દુ સંગઠનો, રાજકીટ પાર્ટીઓ, ટીમ રિવોલ્યુશન, સાધુ-સંતો, મંદિરોના પુજાઓ સહિત મોટી સંખ્યામાં કલેકટર કચેરી ખાતે ઉગ્ર રજૂઆત કરવા અને હિન્દુ વિરોધી તેમજ હિન્દુ મંદિરો પર સર્જિકલ સ્ટ્રાઈક કરતા કોર્પોરેશનના અધિકારીઓ તેમજ મેયર વિરુદ્ધ સખ્તમાં સખ્ત કાર્યવાહી કરવા અને મંદિર પરત ત્યાં બનાવી આપવા રજૂઆત કરવામાં આવનાર હોવાનું ટીમ રિવોલ્યુશનના અગ્રણી સ્વેજલ વ્યાસે જણાવ્યું હતું.

વડોદરા, તા.૧૫ફતેગંજ પોલીસ દ્વારા નવાયાર્ડ વિસ્તારમાં હાથ ધરાયેલા કોમ્બીંગ દરમિયાન સામસામે હુમલો કરવા માટે કારમાં લવાયેલા તેમજ ચાની લારીમાં છુપાવેલા ઘાતક હથિયારોનો જથ્થો મળી આવતા પોલીસ ચોંકી ઉઠી છે. પોલીસે બે વૈભવી કારમાંથી તેમજ ચાની લારીમાંથી ઘાતક હથિયારો સાથે ત્રણ યુવકોની ધરપકડ કરી હતી તેમજ તેઓની પાસેથી વાહનો અને હથિયારો સહિત ૧૭ લાખથી વધુનો મુદ્દામાલ કબજે કર્યો હતો. ફતેગંજ પોલીસે ગઈ કાલે નવાયાર્ડ વિસ્તારમાં કોમ્બીંગ હાથ ધર્યું હતું જેમાં નવાયાર્ડ નાળા અલઝુબેર મસ્જીદ પાસે શંકાસ્પદ હાલતમાં ઉભેલી હુન્ડાઈ કંપનીની વર્ના કારમાં તપાસ કરતા કારમાંથી અણીદાર ખીલ્લા લગાવેલા સ્ટીલના ત્રણ પાઈપ અને લોખંડના બે પાઈપ મળી આવતા પોલીસે કારચાલક મહંમદકાસીમખાન ઈરફાન પઠા (ફાતીમાપાર્ક, ગોરવા)ની અટકાયત કરી હતી અને તેની પાસેથી હથિયારો, એક મોબાઈલ ફોન અને કાર સહિત ૫.૧૦ લાખની મત્તા કબજે કરી હતી. પ્રાથમિક પુછપરછમાં જ વર્ના કારની બાજુમાં ઉભેલી મહિન્દ્રા થાર કારમાં પણ હથિયારો હોવાની વિગતો મળતા પોલીસે તુરંત મહિન્દ્રા કારને ઘેરીને તેમાં તપાસ કરી હતી જેમાં લાકડાના ૨૦ ધોકા મળી આવતા પોલીસે કારચાલક મહંમદહુસેન અહેમદનફીસ પઠાણ (સંતોકનગર સોસાયટી, જુના છાણીરોડ)ની અટકાયત કરી તેની પાસેથી હથિયારો અને કાર સહિત ૧૨ લાખની મત્તા કબજે કરી હતી. જંગી પ્રમાણમાં ઘાતક હથિયારો લઈને કેમ આવ્યા છે તેની પોલીસે પુછપરછ કરતા ઉક્ત બંને યુવકોએ જણાવ્યું હતું કે નવાયાર્ડ ચિસ્તિયાનગરમાં રહેતા ઈકબાલ સાથે તેઓની અદાવત છે અને ઈકબાલે પણ હથિયારો રાખ્યા હોવાની જાણ થતાં તેઓએ વળતા હુમલાની તૈયારી માટે આ હથિયારો લાવ્યા છે. આ વિગતોના પગલે પોલીસે છાણી ચિસ્તીયાનગરમાં રહેતા ઈકબાલ કલ્લુભાઈ પઠાણને ઝડપી પાડ્યો હતો અને ઈકબાલે તેની ચાની લારીની આડમાં મુકેલા વાસના મજબુત ૧૨ દંડા કબજે કર્યા હતા. પોલીસે આ ત્રણેય આરોપીઓની ધરપકડ કરી કુલ ૧૭.૧૦ લાખનો મુદ્દામાલ કબજે કરી વધુ તપાસ હાથ ધરી છે.

વડોદરા, તા.૧૫શહેરમાં વિતેલા છેલ્લા ર૪ કલાક દરમિયાન માર્ગ અકસ્માતના બે બનાવો પામ્યા હતા. જેમાં એક પરિણીતા અને કિશોરનું મોત નીપજ્યું હતું. પોલીસે અકસ્માત મોતના બનાવ અંગે કાયદેસરની કાર્યવાહી હાથ ધરી હતી. ખેડા જિલ્લાના ગળતેશ્વર તાલુકાના ખાખરિયા ગામે રહેતા કનુભાઈ મંગળભાઈ સેનવા અને તેમના પત્ની પ્રેમિલાબેન સેનવા (ઉં.વ.રર) બાઈક ઉપર ડાકોર સાસરીમાં લગ્નપ્રસંગમાં ગયાં હતાં, ત્યાંથી લગ્નપ્રસંગ પતાવી કરજણ ખાતે રહેતા તેમના કાકાના દીકરા પાસે નાણાં લેવા માટે ને.હા. પર જાંબુઆ બ્રિજ પરથી પસાર થઈ રહ્યાં હતાં એ દરમિયાન આજે સવારે આ જાંબુઆના સાંકડા બ્રિજ પર અજાણ્યા વાહનચાલકે બાઈકને ટક્કર મારતાં બાઈકની પાછળ બેઠેલાં પ્રેમિલાબેન રોડ પર પટકાતાં તેણીને માથાના ભાગે ગંભીર ઈજાઓ થતાં ઘટનાસ્થળે જ કરુણ મોત નીપજ્યું હતું, જ્યારે પતિ કનુભાઈને નાની મોટી ઈજાઓ થઈ હતી. અકસ્માત બાદ અજાણ્યો વાહનચાલક બનાવસ્થળેથી ફરાર થઈ ગયો હતો. અકસ્માત મોતના બનાવની જાણ મકરપુરા પોલીસ મથકને કરવામાં આવતાં પોલીસ ઘટનાસ્થળે આવી પહોંચી હતી અને કાયદેસરની કાર્યવાહી કરી પરિણીતાના મૃતદેહને પોસ્ટ મોર્ટમ માટે સયાજી હોસ્પિટલમાં ખસેડયો હતો. જ્યારે બીજા બનાવમાં શહેરના ન્યુ સમા રોડ પર ગાયત્રી ફલેટમાં રહેતો ૧૩ વર્ષીય યુવસિંગ દ્વારકેશસિંગ ચૌહાણ ગઈકાલે ન્યુ સમા રોડ પર ચાણકયપુરી ચાર રસ્તા પાસે એક્ટિવા લઈને જતો હતો, તે વખતે તે કોઈ કારણોસર રોડ ડિવાઈડર સાથે અથડાયો હતો. જેમાં તેને શારીરિક ગંભીર ઈજાઓ થતાં તેનું ટૂંકી સારવાર બાદ મોત નીપજ્યું હતું.

ડોદરા, તા. ૧૪હરણીરોડ પર રહેતા અને સંઘ પરિવાર સાથે આઝાદીના સમયથી ગાઢ રીતે સંકળાયેલા પિતા-પુત્ર પર હુમલો કરનાર ભાજપાના યુવા મોરચાના પ્રમુખ પાર્થ પુરોહિતને બચાવવા માટે શહેર ભાજપા પ્રમુખ ડો.વિજય શાહે ઈજાગ્રસ્ત પિતા-પુત્રની સામે પાર્થને માત્ર ઠપકો આપવાની નૈાટંકી કરી સમગ્ર મામલો રફેદફે કરી દેવાનો પ્રયાસ કર્યો છે. શિસ્તબધ્ધ મનાતી પાર્ટીમાં યુવા મોરચાના પ્રમુખ જેવા મહત્વનો હોદ્દો ધરાવતા પાર્થ પુરોહિતે શિસ્તના લીરેલીરે ઉડાવતા પાર્ટીની આબરુ ખરડાઈ છે છતાં તેને તાત્કાલીક અસરથી મહત્વના હોદ્દા પરથી દુર કરવાના બદલે માત્ર ઠપકો આપવાની નૈાટંકી કરતા ડો.વિજય શાહની બેવડી નિતી સામે ભાજપાના અગ્રણીઓ અને કાર્યકરોમાં રોષ ફેલાયો છે અને એક જુથે પાર્થને તાત્કાલિક યુવા મોરચાના પ્રમુખ પદેથી હકાલપટ્ટી કરવા માટે ઉચ્ચકક્ષાએ પણ રજુઆત કરવાની તજવીજ શરૂ કરી છે. હરણીરોડ પર લજપતનગરમાં રહેતા તેમજ આઝાદીના સમયથી સંઘ પરિવાર સાથે જાેડાયેલા પરિવારના રાજુભાઈ લાલચંદાણી અને તેમના પુત્ર અનિલ સાથે ભાજપા યુવા મોરચાનો પ્રમુખ પાર્થ પુરોહિતે સત્તાના નશામાં ચુર બનીને રોડ પર ઉભા રહેવાની નજીવી બાબતે ઝઘડો કર્યો હતો તેમજ પોતાના ટપોરીઓ સાથે મળીને પિતા-પુત્રને માર માર્યો હતો. આ બનાવની રાજુભાઈએ કારેલીબાગ પોલીસ મથકમાં પાર્થ સામે ફરિયાદ નોંધાવવા અરજી કરી હતી પરંતું શહેર ભાજપા પ્રમુખ ડો.વિજય શાહ તેમજ મહામંત્રી સુનિલ સોલંકીએ આ મામલે દરમિયાનગીરી કરી હતી અને ઉચ્ચ પોલીસ અધિકારીઓ પર દબાણ કરી આ મામલે ફરિયાદ દાખલ થવા દીધી નહોંતી. એટલું જ નહી ડો.વિજય શાહે ઈજાગ્રસ્ત પિતા-પુત્રની હાજરીમાં પાર્થને ઠપકો આપવાની નૈાટંકી કર્યા બાદ લાલચંદાણી પરિવારને આડકતરી રીતે દબાણ કરી આ કેસમાં સમાધાન કરાવ્યું છે જેથી રાજુભાઈએ તેમની ફરિયાદ માટેની અરજી પણ પરત ખેંચી લીધી છે. ડો.વિજય શાહ અને સુનિલ સોલંકીએ જે રીતે સત્તાનો દુરપયોગ કરી સમગ્ર મામલો રફેદફે કરી નાખ્યો છે તેની વિગતો જાહેર થતાં હવે ડો.વિજય શાહ અને સુનિલ સોલંકીની કામગીરી સામે ખુદ ભાજપા અગ્રણીઓ અને કાર્યકરોમાં છુપા રોષ સાથે વિવાદ સર્જાયો છે. શિસ્તબધ્ધ મનાતી તેમજ રાષ્ટ્રીય સેવક સંઘના વિચારધારાને અનુસરતી ભારતીય જનતા પાર્ટીમાં યુવા મોરચાના પ્રમુખ જેવા મહત્વના પદે હોવા છતાં પાર્થ પુરોહિતે જે રીતે જાહેરમાં લુખ્ખા તત્વોની જેમ મારામારી કરી પાર્ટીની શિસ્તના લીરેલીરે ઉડાવ્યા છે તે જાેતા પાર્થને તાત્કાલિક અસરથી મહત્વના હોદ્દા પરથી દુર કરવાની પણ એક જુથ દ્વારા ઉગ્ર માંગ ઉઠી છે. જાે તેમ નહી થાય તો ભાજપાની આબરુ બચાવવા માટે સક્રિય બનેલા એક જુથે સમગ્ર બનાવની હકીકતો અને માધ્યમોમાં આવેલા અહેવાલો ઉચ્ચકક્ષાએ રજુઆત કરવાની પણ તજવીજ હાથ ધરી છે.

વડોદરા, તા.૧૪વડોદરા કોર્પોરેશન દ્વારા ગુરુવારે મોડી રાત્રે જૂના પાદરા રોડ હેવમોર સર્કલ અને લાયન્સ કલબ તરફના માર્ગ પાસે નડતરરૂપ બે નાના મંદિરો મધરાત્રે તોડી પાડવામાં આવ્યા હતા, જેનો વિરોધ કરતા વડોદરા કોંગ્રેસ દ્વારા આજે ધરણાં યોજી વિરોધ કર્યો હતો અને હનુમાન ચાલીસાનુંુ પઠન કરીને મંદિરના પુનઃ સ્થાપનની માગણી કરવામાં આવી હતી. વડોદરા શહેર કોંગ્રેસ પ્રમુખ રૂત્વિજ જાેષીએ જણાવ્યું હતું કે, ચૂંટણી ટાણે હિન્દુત્વની વાતો કરતાં ભાજપા શાસકોના મંદિરોના ડિમોલેશન રોકવા હાથ ધ્રૂજી રહ્યા છે. ક્રિકેટ રમવામાં મગ્ન મેયર આ બાબતે જવાબ આપે. આ ઘટનામાં જવાબદાર ધારાસભ્ય, મેયર, મ્યુનિસિપલ કમિશનર, કોર્પોરેટરના ઘરે જઈ રજૂઆત કરાશે. તેમણે એમ પણ કહ્યું હતું કે, મંદિર તોડી પાડ્યું તે સ્થળે પોલીસની કેબિન તથા વીજ કંપનીની કમ્પાઉન્ડ વોલ છે, તે કેમ દૂર કરવામાં આવ્યું નથી? જ્યારે વિપક્ષી નેતા અમી રાવતે જણાવ્યું કે, વિકાસની આડમાં મંદિર તોડવું હોય તો મંદિરના અગ્રણીઓ સાથે ચર્ચા-વિચારણા સાથે મંદિર પુનઃસ્થાપિત કરી પ્રાણપ્રતિષ્ઠા બાદ મંદિર તોડવા જાેઈએ. જેથી લોકોની ધાર્મિક લાગણી ના દુભાય. પૂર્વ વિપક્ષી નેતા ચંદ્રકાન્ત શ્રીવાસ્તવે જણાવ્યું હતું કે, સત્તાના નશામાં શાસકો ભૂલી ગયા છે કે જે સત્તા આપી શકે છે તે છીનવી પણ શકે છે. ભાજપના શાસનમાં માત્ર ગરીબ પ્રજાને પરેશાન કરવામાં આવે છે. જ્યારે માલેતુજારો સામે આંખ આડા કાન કરે છે. પ્રતિમાઓને અન્ય મંદિરોમાં પૂજા-અર્ચના માટે સોંપાઈ પાલિકા દ્વારા તા.૧રના રોજ રોકસ્ટાર સર્કલ, પાસેથી ભાથુજી મહારાજની ડેરી અને મલ્હાર પોઈન્ટ સામેથી બળિયાદેવની ડેરી દૂર કરવામાં આવી હતી. જેમાં સ્થાપિત મૂર્તિઓ અત્યાર સુધી અટલાદરા સ્ટોર્સ ખાતે મંદિરમાં રાખી તેની પૂજા-અર્ચના, કરવામાં આવતી હતી. ગેંડા સર્કલથી મનીષા ચોકડી સુધીના બ્રિજનું જે નિર્માણકાર્ય ચાલી રહ્યું છે તેથી એક રસ્તો બંધ કરવામાં આવનાર છે. રસ્તામાં આવતી પ્રતિમાઓને અન્ય સ્થળે પ્રસ્થાપિત કરવા સિવાય કોઈ વિકલ્પ ન હોવાથી તેમજ કોર્ટ તરફથી અકોટા બાજુ જે રસ્તો પસાર થઈ રહ્યો છે ત્યાં રોકસ્ટાર સર્કલ ખાતેનો રસ્તો પણ બંધ થનાર હોવાથી તેનું ડાયવર્ઝન મલ્હાર પોઈન્ટ ચાર રસ્તા તરફ આપવામાં આવ્યું છે. ત્યાં પણ રસ્તામાં આવતી ડેરીને દૂર કરીને પ્રતિમાઓને અન્ય સ્થળે પ્રસ્થાપિત કરવા સિવાય કોઈ વિકલ્પ ન હોવાના કારણે આ પ્રતિમાઓને અન્ય સ્થળે વિધિવત્‌ પ્રસ્થાપિત કરવામાં આવેલ છે. ગેંડા સર્કલથી મનીષા ચોકડી સુધીના બ્રિજનું જેમાં રોકસ્ટાર સર્કલ ખાતે આ કામ આગામી દોઢથી બે માસ સુધી ચાલુ રહેશે, તેમાં સર્વિસ રોડમાં નડતરરૂપ ત્રણ ડેરીઓ દૂર કરવામાં આવેલ છે તેમજ નડતરરૂપ પોલીસ ચોકી પણ પોલીસ વિભાગ સાથે સંકલનમાં રહીને દૂર કરવાની કાર્યવાહી ચાલુ છે. મલ્હાર પોઈન્ટ સ્થિત બળિયાદેવની પૂજા-અર્ચના નિયમિત થતી ન હતી. જેથી મેયરની સૂચના મુજબ મૂર્તિઓની હવેથી નિયમિત પૂજા-પાઠ અને દર્શન થાય તે હેતુથી ભાથુજી મહારાજની મૂર્તિ અકોટા ખાતે મિહીર પાર્ક સોસાયટી પાસે આવેલ ભાથુજી મહારાજના મંદિરમાં તથા બળિયાદેવની મૂર્તિ સલાટવાડા ખાતે આવેલ બળિયાદેવના મંદિરમાં તેમજ હનુમાનજીની મૂર્તિ ગોરવા ગામના ગેટની સામે આવેલ હનુમાનજી મંદિરમાં સોંપવામાં આવી છે. મંદિર ફરી બાંધવાનો પ્રયાસ કરતાં ઋત્વિજ જાેશી અને સ્વેજલ વ્યાસની અટકાયત જૂના પાદરા રોડ હેવમોર સર્કલ પાસે પાલિકા દ્વારા ભાથુજી મહારાજનું મંદિર તોડી પડાતાં ટીમ રિવોલ્યુશનના સ્વેજલ વ્યાસ, કેટલાક હિન્દુ સંગઠનોના સહયોગથી બપોરે તે જ સ્થ્ળે રેતી, સિમેન્ટ, ઈંટો ઉતારી હતી તેમજ શહેર કોંગ્રેસ પ્રમુખ ઋત્વિજ જાેશી, ટીમ રિવોલ્યુશના સ્વેજલ વ્યાસ સહિતે મંદિરના મહારાજ તેમજ અન્ય યુવકો સાથે નડતર ન હોય તે સ્થળે મંદિરના બાંધકામની શરૂઆત કરી ફરી એ જ જગ્યાએ મંદિરનું નિર્માણ કાર્ય શરૂ કરાયું હતું. જાે કે, સ્થળ પર ઉચ્ચ પોલીસ અધિકારીઓનો સ્ટાફ પહોંચ્યો હતો અને મંદિરની કામગીરી અટકાવીને રેતી, સિમેનટ, ઈંટો કબજે લઈને ઋત્વિજ જાેશી અને સ્વેજલ વ્યાસની અટકાયત કરી હતી.

વડોદરા, તા. ૧૪થોડા દિવસથી બપોર દરમ્યાન અસહ્ય તાપના કારણે મહત્તમ તાપમાન ૪૦ ડીગ્રી સેન્ટીગ્રેડને પાર નોંધાતો જાેવા મળ્યો હતો. સૂર્યદેવના રૌદ્ર સ્વરુપના કારણે શહેરના વિવિધ રાજ માર્ગો પર ડામર પીગળેલું જાેવા મળતા અકસ્માતની ભીતી વ્યકત કરવામાં આવી હતી. તે સાથે જ ગઈકાલથી વાવાઝોડાની અસરને પગલે રાત્રી દરમ્યાન ધૂળની ડમરી ઉડે તેવો પવન ફૂંકાવવાની સાથે મહત્તમ તાપમાનમાં પણ ૧.૮ ડીગ્રી સેન્ટીગ્રેડનો ધટાડો નોંધાતા શહેરીજનોમાં રાહત જાેવા મળી હતી. બદલાતા જતા વાતાવરણ વચ્ચે રાજ્યભરના વિવિધ જિલ્લાઓમાં બપોર દરમ્યાન ગરમીનું પ્રમાણ સતત વધતું જતું હોવાથી હિટવેવની જાહેરાત કરવામાં આવી હતી. અસહ્ય ગરમીને પગલે અનેક નિર્ણયો પણ જેતે જિલ્લાઓના વહીવટી અધિકારીઓ દ્વારા લેવામાં આવ્યા હતા. જેને કારણે લોકોને ગરમીથી રાહત ંમળી શકે. બીજી તરફ અસહ્ય ગરમીને પગલે શહેરના મહાવીર હોલ , વારસીયા રીંગ રોડ તેમજ અન્ય રાજમાર્ગો પરના ડામર પિગળતા રહાદારીઓને ભારે જહેમતનો સામનો કરવો પડ્યો હતો. વાહન સ્લીપ થઈ જવાની ભીતી સાથે લોકો પસાર થઈ રહ્યા હતા. જેને પગલે પાલીકા દ્વારા રેતી નાખવામાં આવી હતી. તે સાથે અસહ્ય ગરમી બાદ ગત રાત્રી દરમ્યાનથી ધૂળની ડમરી ઉડે તે પ્રકારે પવન ફૂંકાતા મહત્તમ તાપમાનમાં ધટાડો જાેવા મળ્યો હતો. તે સાથે દરમ્યાન મહત્તમ તાપમાન ૩૯.૮ સેન્ટીગ્રેડ ડીગ્રીની સાથે લધુત્તમ તાપમાન ૨૭.૬ સેન્ટીગ્રેડ ડીગ્રી નોંધાયું હતું. તે સાથે જ વાતાવરણમાં વહેલી સવારે ભેજનું પ્રમાણ ૭૧ ટકાની સાથે સાંજે ૩૩ ટકા નોંધાયું હતું. વાતાવરણમાં હવાનું દબાણ ૧૦૦૦.૨ મીલીબાર્સની સાથે ઉત્તર – પશ્ચિમ દિશા તરફથી ૧૩ કિ.મી.ની ઝડપે પવન ફુકાંયા હતા.

ભરૂચ, તા.૧૪હલીમાં ઐયુબ કોળાના લગ્ન મુસ્લિમ રીત રિવાજ મુજબ તારીખ ૧૦/૧૧/૨૦૨૧ ના રોજ કંથારિયાના ઈનામુલ મેહબૂબ પટેલ સાથે થયા હતા લગ્ન બાદ ૧૫ દિવસ સુધી તેઓનું લગ્ન જીવન તેઓ સારી રીતે જીવી રહ્યા હતા. અરજીમાં જણાવ્યા અનુસાર લગ્નના ૧૫ દિવસ બાદ પતિ ઇનામુલ પોતાની પત્ની હલીમાંને શારીરિક તેમજ માનસિક ત્રાસ આપતો હતો અને કહેતો હતો કે મે તારા સાથે ખોટા લગ્ન કર્યા છે. તારા કરતા પણ સારી છોકરી મને મળી જાત તેમ કહી તે પત્નીને માર મારતો હતો જેવા આક્ષેપ કરવામાં આવ્યા છે. વધુમાં ઉમેરાયું છે કે પતિ ઈનામુલના ફોઈ તેને વારંવાર કહેતા હતા કે તું આને તલાક આપી દે આનાથી સારી છોકરી મેં તારા માટે સોધી રાખી છે. તેમ કહી તેઓ પત્ની ઉપર ત્રાસ ગુજારતા હતા અને પતિ ઈનામૂલ કહેતો હતો કે તારા બાપએ મારા સ્ટેટ્‌સ પ્રમાણે દહેજ નથી આપ્યું અને જાે તારે હવે મારા સાથે રેહવુ હોઈ તો ૧૦ લાખ રૂપિયા તારા બાપ પાસેથી લઈને આવ તેવા પણ સનસની ખેજ આક્ષેપ ફરિયાદમાં કરવામાં આવ્યા છે. વધુમાં હલિમાંને ૫ મહિનાનો ગર્ભ રહી જતા તેના પતિ અને તેની માતા તેમજ ફોઈ વારંવાર ગર્ભ પરાવી દેવા હેરાન કરતા હોવાની વાત પણ અરજીમાં ઉલ્લેખાઈ છે.ઘટના અંગે વધુ ઊંડાણમાં નજર નાંખીએ તો પતિ ઈનામુલે ખાનગી મહિલા ટ્રસ્ટમાં પોતાની પત્ની હલીમાં સાથે છૂટાછેડા લેવા માટે પણ અરજી કરી હોવાનો ઘટસ્ફોટ થયો છે. જેના આધારે હલીમાને ગત તારીખ ૦૯/૦૫/૨૦૨૨ ના રોજ મહિલા ટ્રસ્ટ ખાતે બોલાવવામાં આવી હતી.જ્યાં ઈનામૂલ તેમજ તેના પિતા મેહબૂબ તેની માતા ફરજાના અને આરીફ તેમજ ઈનામુલના ફોઈ ફાતેમાબેન ત્યાં હાજર હતા.ત્યાં એકાએક ઈનામુલ તેમજ તેના પિતા માતા અને આરીફ અને તેના ફોઈ ઉશ્કેરાઈ જઈ હલિમાને મારમારવા લાગ્યા હતા અને હલીમાના કાકા સસરાને તેને પેટના ભાગે લાત મારી દીધી હતી.ત્યાંતો પતિ ઈનામુલએ એકાએક આવેશમાં આવી જઈ પત્ની હલીમાને એક સાથે ૩ વાર તલાક, તલાક, તલાક કહી પોતાના લગ્ન જીવનમાંથી કાઢી મુકવાની ગુહાર લગાવી હતી.વાત આટલે સીમિત ન રહેતા વધુમાં તેણે કહ્યું હતું કે તને ૩ વાર નહિ પણ ૧૦૦ વાર તલાક આપૂ છું તેમ કહી પત્નીને તરછોડી ગંભીર કૃત્ય કર્યું હતું. પોતાના લગ્ન જીવન માંથી કાઢી મુક્યા પછી પણ પતિનો ગુસ્સો શાંત ન પડ્યો અને વધુ એક કારસ્તાન કરી નાખ્યું હતું.પતિએ પત્નીને તલાક આપ્યા બાદ તેને ધમકી આપી હતી કે જાે તે આ અંગે ફરિયાદ નોંધાવી તો તને જાનથી મારી નાખીશ.હલીમાને પેટના ભાગે લાત મારતા હલીમાને પેટમાં દુખાવો થતાં તેને તાત્કાલિક ભરૂચની પટેલ વેલફર હોસ્પિટલ ખાતે સારવાર માટે ખસેડવામાં આવી હતી. અત્રે નોંધનીય બાબત એ છે કે ભરૂચ જિલ્લામાં એકબાદ એક ત્રિપલ તલાકનો કિસ્સો સપાટી પર આવતા ટ્રિપલ તલાક પંથકમાં ચર્ચાનું કેન્દ્ર બન્યું છે. બનાવ અંગે હલીમાએ ભરૂચ મહિલા પોલીસ મથકના દ્વાર ખખડાવી ફરિયાદ આપતી અરજી આપી પોતાની આપવીતી દર્શાવી પોલીસ સમક્ષ ન્યાની ગુહાર લગાવી છે.હવે જાેવાનું એ રહ્યું કે પોલીસ આવા બેફામ બનેલા તત્વો સામે લાલ આંખ કરી કાયદાનો પાઠ ભણાવે છે કે કેમ તે જાેવું રહ્યું.

વડોદરા, તા. ૧૩સત્તાના નશામાં ફાટીને ધુમાડે ગયેલા શહેર ભાજપાના હોદ્દેદારો અને અગ્રણીઓ દ્વારા આચરવામાં આવતી ગુનાખોરીની કરતુતો વારંવાર સપાટી પર આવે છે પરંતું હવે આવા હોદ્દેદારો અને અગ્રણીના પગલે કાર્યકરોએ પણ ચાલવાનું શરૂ કર્યું હોવાનો કિસ્સો ગત રાત્રે બન્યો હતો. હરણીરોડ પર આવેલી કુંવારેશ્વર સોસાયટીમાં રહેતો અને અગાઉ પણ વિવાદમાં સપડાયેલો શહેર ભાજપા યુવા મોરચાનો પ્રમુખ પાર્થ પુરોહિતે ગત રાત્રે તેની સોસાયટીમાં ઉભેલા એક વૃધ્ધ સાથે કારણવિના ઝઘડો કર્યા બાદ વૃધ્ધ અને તેના પુત્રને ઢોર માર માર્યો હતો. આ સમગ્ર મામલો કારેલીબાગ પોલીસ મથકમાં પહોંચતા જ શહેર ભાજપા પ્રમુખ વિજય શાહ અને શહેર ભાજપા મહામંત્રી સુનિલ સોલંકીએ આ બનાવમાં દરમિયાનગીરી કરી હતી અને ભાજપાની આબરુ ફરી ખરડાય નહી તે માટે આડકતરી રીતે ઈજાગ્રસ્ત પિતા-પુત્ર પર દબાણ કરીને સમાધાન કરાવી સમગ્ર મામલો રફેદફે કરીને હુમલાખોર પાર્થ પુરોહિતને બચાવી લેતા ગુનાહિત માનસ ધરાવતા કાર્યકરોને છાવરવાની નિતી સામે શહેરીજનોએ ભાજપા અગ્રણી અને કારેલીબાગ પોલીસ પર ફીટકાર વરસાવ્યો છે. હરણીરોડ પર લજપતનગરમાં પરિવાર સાથે રહેતા રાજુભાઈ લાલચંદાણી ગઈ કાલે રાત્રે તેમના ઘરની બાજુમાં આવેલી કુંવારેશ્વર સોસાયટીમાં કામઅર્થે ગયા હતા. રાત્રે તે સોસાયટીના એન્ટ્રી ગેટથી દુર સાઈડમાં ઉભા હતા તે સમયે કુંવારેશ્વર સોસાયટીમાં રહેતો શહેર ભાજપાના યુવા મોરચાનો પ્રમુખ પાર્થ પુરોહિતે રાજુભાઈને જાેતા તેમની પાસે ગયો હતો અને તેમની સાથે રસ્તામાં ઉભા રહેવાના મુદ્દે બોલાચાલી કરી હતી. રાજુભાઈએ પોતે એકદમ સાઈડમાં ઉભા છે તેમ કહેતા સત્તાના નશામાં ચુર પાર્થે જણાવ્યું હતું કે મારે આ બાજુથી જ જવુ છે, તમે અહી કેમ ઉભા છો ?પોતાની પિતાની ઉંમરના વૃધ્ધ સાથે ઉગ્ર બોલાચાલી કરતા પાર્થ પુરોહિતે ત્યાં આવેલા રાજુભાઈના પુત્ર અનિલભાઈ અને પત્ની દુર્ગાબેન સાથે પણ ત્યાં આવી પહોંચતા પાર્થના ટપોરીઓ પણ ત્યાં દોડી આવ્યા હતા અને લાલચંદાણી પરિવાર જાણે કોઈ ગુનેગાર હોય તેમ પાર્થ અને તેના સાગરીતોએ રાજુભાઈ અને અનિલભાઈ પર ુહમલો કરી તેઓને જાહેરમાં ફેંટો અને મુક્કા માર્યા હતા. આ હુમલામાં મુઢ માર વાગતા રાજુભાઈએ કારેલીબાગ પોલીસને જાણ કરી હતી અને ફરિયાદ નોંધાવવા માટે અરજી આપી હતી પરંતુ પોલીસે કોઈ ફરિયાદ નોંધી નહોંતી. જાેકે મામલો પોલીસ મથકે પહોંચતા જ ટપોરીના સહારે લુખ્ખાગીરી કરતો પાર્થ ફફડી ઉઠ્યો હતો અને તેણે તુરંત તેના આકાઓ સુનિલ સોલંકી અને વિજય શાહને જાણ કરી હતી જેના પગલે શહેર ભાજપાના આ બંને અગ્રણીઓ તુરંત સક્રિય થયા હતા અને તેઓએ આ મામલે પોલીસ ફરિયાદ ના નોંધાય તેવા પ્રયાસો શરૂ કર્યા હતા. લાલચંદાણી પરિવાર પણ ઈમરજન્સીના સમયથી સંઘ પરિવાર સાથે સક્રિય રીતે જાેડાયેલો હોઈ અને તેઓ પણ ભાજપાના અગ્રણીઓથી પરિચિત હોઈ ભાજપાના અગ્રણીઓએ આ પરિવારને આડકતરીતે દબાણ કરી રાજુભાઈએ આખરે સમાધાનની ફરજ પાડી હતી. ગુનાહિત માનસ ધરાવતા અને વારંવાર વિવાદમાં સપડાતા પોતાના પક્ષના અગ્રણી કાર્યકરોને ભાજપાના હોદ્દેદારોએ જે રીતે સત્તા અને વગનો ઉપયોગ કરી બચાવી લીધો છે તેની સમગ્ર વિગતો આખરે ચર્ચાના ચગડોળે ચઢી હતી જેના પગલે ભાજપા અગ્રણીઓ પર શહેરીજનોએ ફિટકાર વરસાવ્યો છે. મતદાનના દિવસે જ પાર્થે ભાજપાના કોર્પોરેટર પર આક્ષેપો કરેલા ભાજપાના યુવા મોરચાના પ્રમુખને વિવાદ સાથે જુનો નાતો છે. ગત કોર્પોરેશનની ચુટણી દરમિયાન મતદાનના દિવસે જ પાર્થે હાલના ભાજપાના કોર્પોરેટર સામે એવા આક્ષેપ કર્યા હતા કે તેમના ઈશારે રાજુ સરદાર નામના એક યુવકે તેનું મતદાન કેન્દ્ર પાસેથી અપહરણ કર્યા બાદ તેને ગોંધી રાખી ફેરવ્યો હતો અને ધમકી આપ્યા બાદ તેને મતદાન પુરૂ થયા બાદ છોડ્યો હતો. જાેકે પોતાના જ પક્ષના ઉમેદવાર સામે આક્ષેપ કરતા પાર્થ જે તે સમયે પણ વિવાદમાં સપડાયો હતો. નરેન્દ્ર મોદી ઈમરજન્સીના સમયમાં અમારા ઘરે જમતા હતા શહેર ભાજપા યુવા મોરચાના પ્રમુખ પાર્થ પુરોહિતે જે પરિવાર પર હુમલો કર્યો છે તે રાજુભાઈ લાલચંદાણીએ જણાવ્યું હતું કે અમારો પરિવાર કરાચીથી અત્રે આવ્યા બાદ આઝાદીના સમયથી આરએસએસ સાથે ગાઢ રીતે જાેડાયેલો છે. મારા પિતા સંઘ સાથે જાેડાયેલા હતા અને ઈમરજન્સીના સમયમાં હાલના વડાપ્રધાન નરેન્દ્ર મોદીને અમારી માતાએ ૨૫થી ૩૦ વખત જમાડ્યા હતા. એટલું જ નહી અમારી ઘરે લાલકૃષ્ણ અડવાણી, રજ્જુ ભૈયા જેવા ટોચના નેતાઓની અવરજવર રહેતી હતી. નરેન્દ્ર મોદી જયારે ગુજરાતના રાજકારણમાં સક્રિય થયા ત્યારે તેમણે મારા પિતાને કોર્પોરેશનમાં કામગીરી કરવા માટે અને રાજકારણમાં જાેડાવવા માટે આહ્વવાન કર્યું હતું પરંતું અમે અમે રાજકારણમાં નહી જવા માટે વિનંતી કરતા અમારા પિતા સક્રીય રીતે રાજકારણમાં જાેડાયા નહોંતા. જાેકે સંઘ સાથે જાેડાયેલા હોઈ અમે ભાજપાના તત્કાલીન કોર્પોરેટેરો ગીતાબેન દેસાઈ, પાંડુ યાદવ અને ઉમાકાંત જાેષી માટે કામગીરી કરી હતી. ગઈ કાલના બનાવ બાદ ભાજપા અગ્રણી સુનિલ સોલંકીએ વચ્ચે પડી સમાધાન કરાવ્યું છે જેના કારણે અમે અરજી પરત ખેંચીયે છે. શહેર ભાજપના નેતાઓએ ઉચ્ચ પોલીસ અધિકારીને ફોન કરી કેસ દબાવી દીધો ગઈ કાલે રાત્રે ભાજપાના યુવા મોરચાના પ્રમુખ પાર્થ પુરોહિતે વૃધ્ધ અને તેના પુત્ર પર હુમલો કર્યો હતો અને નજરે જાેનાર સાક્ષીઓના કહેવા મુજબ ગત રાત્રે કુંવારેશ્વર સોસાયટીમાં હુમલાનો બનાવ બન્યો છે અને કારેલીબાગ પોલીસ ઘટનાસ્થળે પણ આવી હતી. જાેકે શહેર ભાજપના નેતાઓએ ઉચ્ચ પોલીસ અધિકારીઓને ફોન કરીને કેસ દબાવી દેવા આ સમગ્ર બનાવ પર પડદો પડી ગયો છે. આ બનાવ અંગે કારેલીબાગ પીઆઈ દેસાઈએ હું વાહન ચલાવું છું , પછી ફોન કરુ છું તેમ જણાવ્યું હતું જયારે એચ ડિવીઝનના એસીપી વી.જી.પટેલે ફોન રિસિવ નહી કરતા પોલીસની પ્રતિક્રિયા મળી શકી નહોંતી. કારેલીબાગ પીઆઈ દેસાઈ શું ભાજપાના દરબારમાં મુજરો કરે છે ? અગાઉ હરણી પોલીસ મથકમાં ફરજ દરમિયાન વિવાદમાં સપડાયા બાદ હવે કારેલીબાગ પોલીસ મથકમાં ટ્રાન્સફર થયેલા પીઆઈ બી.કે.દેસાઈએ ગઈ કાલે શહેર ભાજપાના યુવા મોરચાના પ્રમુખ પાર્થ પુરોહિત સામે ઈજાગ્રસ્ત પરિવારે કારેલીબાગ પોલીસ મથકમાં ફરિયાદ નોંધવા માટે લેખિત અરજી કરી હતી પરંતું કદાચ ભાજપાના અગ્રણીઓના ઈશારે તેમણે આ બનાવમાં કોઈ કાર્યવાહી કરી નહોંતી. પીઆઈ દેસાઈ અને કારેલીબાગ પોલીસે જે રીતે ભાજપાના હોદ્દેદારને બચાવવા માટે તુરંત કામગીરી નહી કરતા શહેરીજનોમાં એવો પણ પ્રશ્ન ઉઠી રહ્યો છે કે શું કારેલીબાગ પીઆઈ દેસાઈ ભાજપાના દરબારમાં મુજરો કરે છે ? અને જાે ભાજપા અગ્રણીઓના ઈશારે કામગીરી ના કરી ના હોય તો પછી કયાં કારણોસર તેમણે ફરિયાદ ના નોંધી સમાધાન થાય ત્યાં સુધી રાહ જાેઈ ? વારંવાર વિવાદમાં સપડાતા પીઆઈ કે.બી.દેસાઈ સામે શું શહેર પોલીસ કમિશ્નર કોઈ પગલા લેશે ? તેવી પણ શહેરીજનોમાં ચર્ચા છે.

વડોદરા, તા. ૧૩શહેરના ઘીકાંટા રોડ પર આવેલી દુકાનમાં ગ્રાહક સાથે વાતચિતમાં મશગુલ દુકાનદારની નજર ચુકવીને દુકાનના દરવાજા પાસે ટેબલ પર મુકેલા દુકાનદારના પાકિટમાંથી રોકડા ૧૨ હજાર રૂપિયા કાઢીને ફરાર થયેલા તસ્કર સામે ફરિયાદ નોંધાવવા માટે દુકાનદાર કારેલીબાગ પોલીસ મથકમાં જતા જ પોલીસે દુકાનદારને મદદ કરવાના બદલે ‘ચોર માથાભારે છે..તમે ફરિયાદ કરશો તો ફસાઈ જશો’ તેમ જણાવી દુકાનદારને ગભરાવીને પરત મોકલાવી દેતા કારેલીબાગ પોલીસની કામગીરીએ પોલીસ ખરેખર પ્રજાનો મિત્ર છે કે પછી વૃધ્ધ પર હુમલો કરતા ભાજપાના યુવા મોરચાના પ્રમુખ અને પાકિટમાંથી નાણાં કાઢી લેતા તસ્કરોનો ? તેવો પણ પ્રશ્ન શહેરીજનો કરી રહ્યા છે. ઘી કાંટા રોડ પર ભુમિ ઈલેકટ્રોનિક્સની દુકાન ધરાવતા જયેશભાઈ પંચાલ ગત ૬મી તારીખના બપોરે તેમની દુકાનમાં આવેલા ગ્રાહકો સાથે વાતચિત કરતા હતા તે સમયે નાગરવાડા વિસ્તારમાં રહેતો કાલુ નામનો રીઢો તસ્કર જે અગાઉ તડીપાર પણ કરાયો હતો તે જયેશભાઈને દુકાનના પ્રવેશદ્વારની સામે ગ્રાહકો સાથે વાતચિતમાં મશગુલ હોવાનું જાેતા જ તુરંત દુકાનમાં ઘુસ્યો હતો. તે પ્રવેશદ્વાર પાસે રાખેલા ટેબલની બાજુમાં ઉભો રહી પોતાના ખિસ્સામાંથી મોબાઈલ કાઢી તે ચેક કરવાનો ડોળ કરતો ઉભો રહ્યો હતો. આ દરમિયાન એક ગ્રાહક જયેશભાઈ અને તેના વચ્ચે આવી જતા આ તકનો લાભ લઈ તેણે ટેબલ પર મુકેલું જયેશભાઈના પાકિટ લીધું હતું અને તેમાંથી આશરે ૧૨ હજાર રૂપિયા કાઢી લઈ પાકિટ ફરી જયાં હતું ત્યાં ખસેડીને મુકી દીધું હતું અને તુરંત દુકાનમાંથી બહાર નીકળી ગયો હતો. જાેકે દુકાનદારની નજર ચુકવીને કાલુએ ગણતરીની સેકન્ડમાં કરેલી ચોરીની સમગ્ર ઘટના દુકાનના સીસીટીવી કેમેરામાં કેદ થઈ હતી. બીજીતરફ જયેશભાઈને પાકિટમાંથી ભેદી સંજાેગોમાં પૈસા ગુમ થતા તેમણે સીસીટીવી ફુટેજની ચકાસણી કરી હતી જેમાં કાલુએ પર્સમાંથી નાણાં કાઢી લીધા હોવાનું સ્પષ્ટ નજરે ચઢતા તેમણે તુરંત કારેલીબાગ પોલીસ મથકમાં ફરિયાદ માટે અરજી કરી હતી અને ચોરીની ઘટનાના સીસીટીવી કેમેરાના ફુટેજ પણ પોલીસને આપ્યા હતા. જાેકે પોલીસ પાસે ચોરીના પુરાવા હોવા છતાં જયેશભાઈની ફરિયાદ દાખલ કરવા માટે કોઈ તજવીજ કરી નહોંતી. એવું પણ કહેવાય છે કે જયેશભાઈએ જયારે પોલીસને ફરિયાદ નોંધવા માટે વિનંતી કરી તો પોલીસે એવું જણાવ્યું હતું કે આ તસ્કર તો માથાભારે છે.. તમે ફરિયાદ કરશો તો ફસાઈ જશો. જાેકે પોલીસનો આવો જવાબ સાંભળીને ચોંકી ઉઠેલા જયેશભાઈએ માધ્યમોમાં જાણ કરી હતી અને તેની પોલીસ અધિકારીઓ સુધી પણ માહિતી પહોંચી છે પરંતુ તેમ છતાં જયેશભાઈને હજુ સુધી ન્યાય મળ્યો નથી. કારેલીબાગ પોલીસે જે રીતે ફરિયાદ નોંધવાના બદલે ખુદ ફરિયાદીને ગભરાવીને પોલીસ ફરિયાદ નહી કરવાનું કહેતા હવે એ પ્રશ્ન ઉઠી રહ્યો છે કે કારેલીબાગ પોલીસ ખરેખરમાં પ્રજાનો મિત્ર છે કે પછી વૃધ્ધ પર હુમલો કરતા ભાજપા અગ્રણીઓ અને પાકિટમાંથી નાણાં ચોરી કરતા તસ્કરોનો ?

વડોદરા, તા.૧૩શહેરમાં રખડતી ગાયોના કારણે કોલેજમાં અભ્યાસ કરતા વિદ્યાર્થીને આંખ ગુમાવવાનો વારો આવ્યો છે. ત્યારે પાલિકા દ્વારા આર્થિક સહાયના ભાગરૂપે વળતર ચૂકવવા, ઉપરાંત પશુપાલકો સાથે ચર્ચા વિચારણા કરી લાંબાગાળાનું આયોજન કરવાની માગ કરી હતી. કોંગ્રેસના કાઉન્સિલરોએ આજે વિદ્યાર્થીના ઘરે જઈને તેની મુલાકાત લીધી હતી. પાલિકામાં કોંગ્રેસ પક્ષના નેતાએ મેયર, મ્યુનિ. કમિશનરને પત્ર લખી જણાવ્યું હતું કે, શહેરના દરેક વિસ્તારમાં ગાયો રખડતી જાેવા મળે છે. ઘણી વખત ગાયો અને રખડતા ઢોરોના કારણે અકસ્માત થવાના કારણે નાગરિકોના હાથ-પગ તૂટે છે. રાત્રિના સમયે શહેરમાં ગાયોના ટોળાં બેસી રહેતાં હોય છે અને ત્યાંથી નીકળવું પણ ભારે પડી જાય છે. અમુક જગ્યા એવી છે કે ગાયો પકડવા માટે પાલિકાના સિકયુરિટીના માણસો જાય તો એમને પણ ભાગવું પડે છે. લોકોને ગાયો અને રખડતા ઢોરોના ત્રાસમાંથી મુક્ત કરવા કરોડો રૂપિયાનો ખર્ચ થયો છે, પરંતુ આ ત્રાસમાંથી મુક્તિ મળતી નથી અને દિવસે ને દિવસે ઢોરોના ત્રાસને કારણે અકસ્માતો વધતા જાય છે. ગત બુધવારે એમ.એસ.યુનિ.ની પોલિટેકનિક કોલેજમાં પ્રથમ વર્ષ ડિપ્લોમા અભ્યાસ કરતો હેનિલ પટેલ સાંજના સમયે એક્ટિવા લઈને જતો હતો ત્યારે વાઘોડિયા રોડ પર ગોવર્ધન ટાઉનશિપ પાસે રસ્તે રખડતી ગાયે વિદ્યાર્થીને અડફેટે લેતાં આંખમાં ગાયનું શિંગડું વાગતાં ગંભીર ઈજાઓ થવા પામી હતી. ત્યાર બાદ તેને વડોદરાની ખાનગી હોસ્પિટલમાં લઈ જવામાં આવ્યો હતો. પરંતુ આંખમાં થયેલ ઈજાને કારણે વધુ સારવાર માટે અમદાવાદ લઈ જવામાં આવ્યો હતો. જેથી આ વિદ્યાર્થીને તાત્કાલિક ધોરણે વળતર મળવું જાેઈએ. મેયરે કહ્યું હતું કે ૧પ દિવસમાં શહેરને ઢોરમુક્ત કરીશું એવી જાહેરાત કરેલી, ત્યાર પછી ઝુંબેશરૂપે ઢોરપાર્ટી દ્વારા ર૦૦૦થી પણ વધુ પશુઓને પકડીને પાંજરાપોળમાં મુકયા હતા. જેમાં પશુપાલકો અને ઢોરપાર્ટીના કર્મચારીઓનું ઘર્ષણ થયું હતું. ઢોરપાર્ટી જ્યારે ઢોર પકડવા જાય છે ત્યારે પશુપાલકો થકી થતી દોડભાગથી અકસ્માતની પરિસ્થિતિનું પણ નિર્માણ થયું હતું. આ બધા ક્ષણિક નિર્ણયોથી રખડતા પશુઓનું કોઈ સમાધાન ન થયું, માત્રે પાલિકાને કરોડો રૂપિયાનો વ્યય થયો. ત્યારે તમામ પશુપાલકો સાથે ચર્ચા વિચારણા કરી એક લાંબાગાળાનું આયોજન થાય જેથી કરીને ભવિષ્યમાં પશુપાલકો સાથે ઘર્ષણનું નિર્માણ ન થાય. પશુપાલકોને સારી સગવડ મળે અને નાગરિકો રખડતા ઢોરોના ત્રાસમાંથી મુક્તિ થાય. આજે પૂર્વ વિપક્ષના નેતા અને સિનિયર કાઉન્સિલર ચંદ્રકાન્ત શ્રીવાસ્તવ, પુષ્પાબેન વાઘેલા, અલકાબેન પટેલે ઈજાગ્રસ્ત વિદ્યાર્થીના ઘરે જઈને તેની મુલાકાત લીધી હતી.

વડોદરા, તા.૧૨વડોદરા શહેરમાંથી રસ્તે રખડતા ઢોરોની સમસ્યા નિવારવા માટે મેયર દ્વારા મોટા ઉપાડે જાહેરાત કરવામાં આવી હતી અને તે દિશામાં કામગીરી પણ હાથ ધરવામાં આવી હતી. રાજ્ય સરકારે પણ આ સંદર્ભે કાયદો બનાવ્યો હતો પરંતુ વિરોધ થતાં સ્થગિત કરાયો હતો. ત્યારે બુધવારે સાંજે વાઘોડિયા રોડ પર ગામે શિંગડું મારતાં વિદ્યાર્થીને એક આંખ ગુમાવવાનો વારો આવ્યો છે. ત્યારે રખડતા ઢોરોની સમસ્યમાંથી શહેરીજનોને મુક્તિ અપાવવા મેયર અને મ્યુનિ. કમિશનર આંખો ક્યારે ખોલશે? તેવી ચર્ચા લોકોમાં થઈ રહી છે. રાજ્યના તમામ શહેરોને રખડતા ઢોરોના ત્રાસમાંથી મુક્તિ માટે પ્રદેશ ભાજપા પ્રમુખ સી.આર.પાટીલે સૂચના આપી હતી. વડોદરા એક કાર્યક્રમ દરમિયાન મેયરને આ અંગે ટકોર પણ કરી હતી. જાે કે, મેયરે શહેરને રખડતા ઢોરોના ત્રાસમાંથી મુક્તિ અપાવવા મોટા ઉપાડે જાહેરાત કરી હતી અને તે માટે ઢોરો પકડવા માટે ત્રણ શિફટમાં ટીમો કાર્યરત કરવાની સાથે ટેગિંગની પણ ડેડાલાઈન આપવામાં આવી હતી, સાથે ખટંબા ખાતે કેટલશેડ બનાવવાની કામગીરી પણ શરૂ કરાઈ હતી. પાલિકા દ્વારા રખડતા પશુઓના ત્રાસ નિવારવા માટે રાજ્ય સરકાર દ્વારા બનાવાઈ રહેલા કાયદાની રાહ જાેવાતી હતી. જાે કે, રાજ્ય સરકારે આ અંગે કડક કાયદો બનાવ્યો હતો. પરંતુ પશુપાલકો દ્વારા ગૌચરની જગ્યાઓ, પશુઓને રાખવા માટે કેટલફાર્મ સહિતની માગણીઓ સાથે વિરોધ પ્રદર્શનો કર્યા હતા. આ કાયદા સંદર્ભે ભારે વિરોધ થતાં કાયદો સ્થગિત કરવામાં આવ્યો હતો. જ્યારે બીજી તરફ પાછલાં ઘણાં સમયથી વડોદરા કોર્પોરેશન દ્વારા પણ યુદ્ધના ધોરણે કામગીરી શરૂ કરાયા બાદ હજી શહેરના અનેક માર્ગો ઉપર ઢોરોના ટોળા નજરે પડી રહ્યા છે. ત્યારે બુધવારે સાંજે વાઘોડિયા રોડ પર એક્ટિવા પર જઈ રહેલા વિદ્યાર્થીને ગાયનું શિંગડું વાગતાં આંખ ગુમાવવાનો વારો આવ્યો છે. આ અગાઉ પણ રખડતા ઢોરોના કારણે સર્જાયલા અકસ્માતના અનેક બનાવો બન્યા છે. ત્યારે મેયર અને મ્યુનિ. કમિશનરની આ મુદ્‌ે આંખો ક્યારે ખૂલશે તેવી ચર્ચા લોકોમાં થઈ રહી છે. ૫શુપાલકો સામે મેયર ભાગી બિલ્લી બનવા કરતાં કડક કાર્યવાહી કરે તેવી માગ ઃ સ્વેજલ વ્યાસ વડોદરા શહેરમાં રખડતા ઢોરોના ત્રાસ સામે સામાજિક કાર્યકર્તા સ્વેજલ વ્યાસે પ્રતિક્રિયા આપતાં સોશિયલ મીડિયામાં પોસ્ટ મુકીને જણાવ્યું હતું કે, શહેરમાં રખડતા ઢોરોના ત્રાસ સામે આખું શહેર લાચાર છે પરંતુ શહેરના નાગરિકોના જીવ જાેખમમાં ન મુકાય એની જવાબદારી પ્રથમ નાગરિક તરીકે મેયરની હોય છે. પાર્ટી આજ્ઞાંકિત હિતેચ્છુક મેયર આવા પશુપાલકો સામે લાચાર થઈ કડક કાર્યવાહી નથી કરી શકતા. ખાલી હોશિયારીઓ મારવા સસ્તી પ્રસિદ્ધિ મેળવવા માટે ગરીબ અને મધ્યમ વર્ગના પથારાઓ હટાવવામાં નીકળી પોતાની બાહોશી બતાવવા નીકળી પડે છે. જ્યારે પશુપાલકો સામે ભાગી બિલ્લી બન્યા કરતાં કોઈ કડક કાર્યવાહી કરે તેવી સામાજિક કાર્યકર્તા સ્વેજલ વ્યાસે કરી છે.

વડોદરા,તા. ૧૨કોરોના કાળ દરમ્યાન સત્ર મોડુ ચાલુ થતા શિક્ષણ વિભાગ દ્વારા માત્ર ૩૩ દિવસમાં ધો.૧૨ વિજ્ઞાન પ્રવાહ – ગુજકેટનું રીઝલ્ટ જાહેર કરતા સમગ્ર શહેરમાં ત્રણ હજાર ઉપરાંત વિદ્યાર્થીઓએ વિજ્ઞાન પ્રવાહમાં પરીક્ષા આપી હતી. જેમાં સમગ્ર શહેરનું ૬૯.૦૩ ટકા પરીણામ નોંધાયું હતું. જે પૈકી માત્ર ૬ વિદ્યાર્થીઓએ એ-વન ગ્રેડ મેળવી હતી. તે સિવાય ૧૮૨ વિદ્યાર્થીઓએ એ-ટુ ગ્રેડ પ્રાપ્ત કરી હતી. કોરોના કાળ દરમ્યાન શૈક્ષણિક સત્ર મોડુ પૂરુ થવાને કારણે આગામી વર્ષના પ્રવેશમાં પણ વિલંબ થયો હતો.આ વિલંબ આગામી વર્ષમાં અડચણ ન બને તે માટે શિક્ષણ વિભાગ દ્વારા માત્ર ૩૩ દિવસમાં ધો.૧૨ વિજ્ઞાન પ્રવાહ – ગુજકેટનું પરિણામ જાહેર કરી દેવામાં આવ્યું હતું. ગઈકાલે શિક્ષણ મંત્રી દ્વારા ટ્‌વીટર પર ટ્‌વીટ કરીને પરીણામ જાહેર કરવાની જાહેરાત કરતા બહોળી સંખ્યામાં વિદ્યાર્થીઓ સવારે નવ કલાકથી જ વાલીઓ સાથે શાળામાં આવી ચૂક્યા હતા. વેબસાઈટ પણ વિદ્યાર્થીઓ અને શિક્ષકોની પરીક્ષા લેતું હોય તેમ શરુઆતથી જ વેબસાઈટ ધીમી ગતિએ ચાલતી જાેવા મળી હતી. બપોરે બાર કલાક બાદ તમામ વિદ્યાર્થીઓનું પરીણામ જાહેર થતા પ્રિન્સીપાલ અને શિક્ષકો દ્વારા વિદ્યાર્થીઓને મોં મીઠું કરાવીને શુભકામનાઓ પાઠવી હતી. સમગ્ર શહેરમાં ધો. ૧૨ ૬૯.૦૩ ટકા શહેરનું રીઝલ્ટ જાહેર થયું હતું. જે પૈકી માત્ર છ વિદ્યાર્થીઓ એ-વન ગ્રેડ પ્રાપ્ત કરી હતી. ઓનલાઈન શિક્ષણમાં ઘણી મુશ્કેલીઓ પડવા છતાં પણ એ વન ગ્રેડ પ્રાપ્ત કરી પાર્થ ઈન્સિટીટ્યુટમાં અભ્યાસ કરતા અક્ષત લાઠીએ વિજ્ઞાન પ્રવાહના ગ્રુપ એમાં ૯૯.૯૨ ટકા મેળવીને એ-વન ગ્રેડ પ્રાપ્ત કરી છે.તેને જણાવ્યું હતું કે, કોરોના દરમ્યાન ઓનલાઈન શિક્ષણ શરુ થતા અનેક મુશ્કેલીઓનો સામનો કરવો પડ્યો હતો. અનેક પ્રશ્નો ઉભા થતા હતા પરતું ઓનલાઈન કલાસમાં પૂછવામાં મુશ્કેલીઓ થતી હતી. પરતું પછીથી શિક્ષકો દ્વારા વિવિધ પ્રશ્નોનું નિરાકરણ કરાવીને ધણી મદદ કરી હતી. પિતાને નાની ઉંમરમાં ગુમાવ્યા છતાં પણ માતાએ સપનાં પૂરા કર્યા નારાયણ વિદ્યાલયમાં અભ્યાસ કરતો વસાવા ચિરાગે જણાવ્યું હતું કે, “નાની ઉંમરમાં મારા પિતા મૃત્યુ પામતા મારા માતાએ નોકરી કરીને મને ગમતી ફિલ્ડમાં અભ્યાસ કરાવ્યો છે. મારા અભ્યાસમાં થોડી પણ અડચણ ન આવવા દઈને નોકરી અને મારું બન્નેનું ધ્યાન રાખીને સહારો આપતા મારુ પરીણામ ૯૮.૪૪ ટકા આવ્યું છે. ” રોજના આઠ કલાક વાંચન કરીને એ-વન ગ્રેડ પ્રાપ્ત કરી મકરપુરા ખાતે આવેલ ફીનીકસ સ્કુલમાં અભ્યાસ કરતા હર્ષ જગદીશ પ્રજાપતિ જણાવે છે કે, તેઓ સતત આઠ કલાક વાંચન કરતા હતા. તેમજ શાળા દ્વારા દરરોજ ટેસ્ટ લેવામાં આવતો હોવાથી સરળતાથી એ-વન ગ્રેડ પ્રાપ્ત કરી છે. મોબાઈલનો ઉપયોગ ટાળીને અભ્યાસ પર ધ્યાન કેન્દ્રીત કર્યું નારાયણ વિદ્યાલયમાં અભ્યાસ કરતો વિહીત મોઢ દ્વારા જણાવવમાં આવ્યું હતું કેે, “આજ કાલ મારા જેવા યુવાનો મોટાભાગનો સમય મોબાઈલમાં વેડફતા હોય છે પરતું મારા માતા-પિતાએ અભ્યાસ પૂરતો જ મોબાઈલ આપીને મારો સમય બચાવ્યો છે જેથી હું બોર્ડ અને ગુજકેટ બન્નેની પરીક્ષામાં સારા ગુણ મેળવી શક્યો.”

હાલોલ,તા.૧૧હાલોલ તાલુકાના પાવાગઢની તળેટી નજીક આવેલા શિવરાજપુરના જીમીરા રિસોર્ટ ખાતેથી હાઇપ્રોફાઇલ જુગાર રમતા ઝડપાયેલા ખેડા જિલ્લાના માતર વિધાનસભાના ધારાસભ્ય કેસરીસિંહ સોલંકી સહિત ૭ મહિલા અને ૧૯ પુરુષો મળી કુલ ૨૬ વ્યક્તિઓને હાલોલ એડિશનલ ચીફ જ્યુડિશિયલ મેજિસ્ટ્રેટ સાહેબની કોર્ટ દ્વારા બે વર્ષ સખત કેદની સજા અને ચાર હજાર રૂપિયાનો દંડ ફટકારવામાં આવતા ચકચાર મચી ગઇ છે. જેમાં માતરના ભારતીય જનતા પાર્ટીના ધારાસભ્ય કેસરીસિંહ સોલંકીને જુગારધારા એકટ હેઠળ બે વર્ષ કેદની સજા અને ચાર હજાર રૂપિયાનો દંડ ફટકારતા રાજકીય મોરચે ખળભળાટ સાથે તરેહ તરેહની ચર્ચાઓ ઉઠી છે. જ્યારે કેસિનો ટાઇપનો હાઇપ્રોફાઇલ જુગાર મીરા રિસોર્ટમાં રમાતો હોવાનું કોર્ટમાં પુરવાર થતાં જીમીરા રિસોર્ટનો પરવાનો રદ કરતો હુકમ કોર્ટ દ્વારા કરવામાં આવ્યો છે.સમગ્ર બનાવની વિગતો પ્રમાણે પંચમહાલ જિલ્લા એલસીબી પોલીસ અને પાવાગઢ પોલીસ મથકની ટીમે એક સંયુક્ત ઓપરેશન હાથ ધરી ગત વર્ષે તા. ૦૧/૦૭/૨૦૨૧ રોજ રાત્રીના સુમારે હાલોલ તાલુકાના પાવાગઢ નજીક આવેલા શિવરાજપુર નજીક આવેલા જીમીરા રિસોર્ટમાં છાપો મારી રિસોર્ટના એક રૂમમાં ચાલતો હાઇપ્રોફાઇલ જુગાર ઝડપી પાડયો હતો. જેમાં કેસિનો ટાઇપનો જુગાર રમતા ખેડા જિલ્લાના માતર વિધાનસભાના ભારતીય જનતા પાર્ટીના ધારાસભ્ય કેસરીસિંહ જેસીંગભાઇ સોલંકી જુગરધામ પરથી રંગે હાથે ઝડપાઇ જતા જે તે સમયે સમગ્ર ગુજરાતમાં રાજકીય મોરચે ખળભળાટ મચી ગયો હતો. જેમાં પોલીસે જીમીરા રિસોર્ટમાંથી હાઈપ્રોફાઈલ કેસિનો ટાઇપ પ્લાસ્ટિકના કોઈન વડે જુગાર રમતા ધારાસભ્ય કેસરીસિંહ સહિત ૭ યુવતીઓ જેમાં ૪ વિદેશી નેપાળી યુવતીઓ અને રિસોર્ટમાં રૂમ ભાડે રાખી ધમધમતું હાઈ પ્રોફાઈલ જુગારધામ ચલાવતા મુખ્ય સંચાલક અમદાવાદના હર્ષદભાઈ વાલજીભાઈ પટેલ સહિત ૧૯ પુરુષો મળી કુલ ૨૬ લોકોની અટકાયત કરી હતી. જેમાં પોલીસે કેસિનો ટાઈપના જુગારધામ પરથી વિવિધ કલરની પ્લાસ્ટિકના કોઈન અને ૩,૮૯,૪૪૦/- રૂપિયાની રોકડ રકમ ૨૫ મોબાઈલ ૧ લેપટોપ અને ૧ કરોડ ઉપરાંતની ૮ વૈભવી કાર મળી કુલ એક ૧,૧૫,૭૨,૪૪૦/- રૂપિયાનો મુદ્દામાલ જપ્ત કર્યો હતો. જ્યારે પોલીસે જીમીરા રિસોર્ટ ખાતેથી વિદેશી દારૂની બોટલો પણ જપ્ત કરી હતી જાેકે ઝડપાયેલા ૨૬ આરોપીઓનું પોલીસે મેડીકલ પરિક્ષણ કરાવતા કોઈએ પણ દારૂ પીધેલો ન હોવાનું જણાતા દારૂ રાખવા બદલ એક વ્યક્તિ સામે પ્રોહીબિશનનો કેસ કરી ધારાસભ્ય કેસરીસિંહ સહિત તમામ ૨૬ લોકો સામે પાવાગઢ પોલીસ મથકે જુગારધારા હેઠળ ગુનો નોંધી કાયદાકીય કાર્યવાહી કરી હતી.      જેમાં જે તે સમયે તમામ આરોપીઓને જામીન પર મુક્ત કરવામાં આવ્યા બાદ હાલોલ એડિશનલ ચીફ જ્યુડિશિયલ મેજિસ્ટ્રેટ સાહેબની કોર્ટમાં આ હાઈપ્રોફાઈલ જુગારનો કેસ ચાલી ગયો હતો જેમાં પોલીસ દ્વારા રજૂ કરાયેલ તમામ જાતના પુરાવો સરકારી વકીલની દલીલો અને સાક્ષીઓની જુબાની તપાસ્યા બાદ ૧૧મી મે બુધવારના રોજ હાલોલ એડિશનલ ચીફ જ્યુડિશિયલ મેજિસ્ટ્રેટ દ્વારા ધારાસભ્ય કેસરીસિંહ સોલંકી સહિત તમામ ૨૬ આરોપીઓ સામેનો જુગરનો કેસ પુરવાર થતા તમામ આરોપીઓ સજાને પાત્ર હોઈ જુગાર ધારાની કલમ ૪ મુજબ ૨ વર્ષ સખત કેદની સજા અને અને પ્રત્યેક આરોપીને ૩૦૦૦/- રૂપિયા મળી કુલ ૭૮૦૦૦/- રૂપિયાનો દંડ અને આરોપીઓ દંડની રકમ ભરવામાં કસૂર કરે તો વધુ ૨ માસની સાદી કેદની સજા તેમજ જુગારધારાની કલમ ૫ મુજબ ૬ માસની સજા અને પ્રત્યેક આરોપીને ૧૦૦૦/- દંડ મળી કુલ ૨૬ હજાર રૂપિયાનો દંડ અને આરોપીઓ દંડની રકમ ભરવામાં કસૂર કરેતો ૧ માસની સાદી કેદની સજા ફટકારતા ખળભળાટ મચી ગયો છે. જેમાં ભારતીય જનતા પાર્ટીના ખેડા જિલ્લાના માતર વિધાનસભાના ધારાસભ્ય કેસરીસિંહ સોલંકીને જુગાર રમવા બદલ ૨ વર્ષની સખત કેદની સજા અને ૪ હજાર રૂપિયાનો દંડ ફટકારવામાં આવતાં રાજકીય મોરચે ભારે ખળભળાટ પેદા થવા પામ્યો છે અને સજાને લઇને ચારે તરફ તરેહ તરેહની ચર્ચાઓ ઉઠી છે. જ્યારે જીમીરા રિસોર્ટ ખાતે હાઈ પ્રોફાઈલ જુગાર ચાલતો હોવાનું હાલોલ એડિશનલ ચીફ જ્યુડિશિયલ મેજિસ્ટ્રેટની કોર્ટમાં પુરવાર થતા કોર્ટ દ્વારા જીમીરા રિસોર્ટનો પરવાનો રદ કરતો હુકમ પણ કરવામાં આવ્યો છે જાેકે સજાની સુનાવણી દરમ્યાન બુધવારે હાલોલ કોર્ટમાં માતરના ધારાસભ્ય કેસરીસિંહ સોલંકી સહિત કુલ ૨૪ આરોપીઓ હાજર રહ્યા હતા. જાેકે ૨ વિદેશી નેપાળી યુવતીઓ સુનાવણી દરમ્યાન હાજર રહી ન હતી. ધારાસભ્યનું ભાવિ ભાજપ મોવડી મંડળ પર ર્નિભર કેસરીસિંહ સોલંકી માતરના ધારાસભ્ય છે અને બે ટર્મથી ભાજપની ટીકિટ પર ચૂંટાય પણ છે. જાે કોઇપણ ગુનામાં બે કે તેથી વધારે સજા થાય તો ધારાસભ્યપદ ગુમાવવું પડે છે. આ ઘટનામાં કેસરિસિંહનું ભવિષ્ય હવે શું છે તે જાેવું રહ્યું. તેમને ૨ વર્ષની સજા થઇ ચુકી છે. તેવામાં હવે ભાજપ શું કરે છે તે જાેવું રહ્યું. હવે કેસરસિંહ સોલંકીનું રાજકીય ભાવિ ભજપના મોવડી મંડળ પર ર્નિભર છે.

વડોદરા, તા. ૧૧શહેરમાં મુખ્ય માર્ગો પર ગેરકાયદે દબાણો તેમજ આડેધડ પાર્કિંગ અને ટ્રાફિક નિયમનના અભાવના કારણે પીકઅવર્સમાં ઠેરઠેર ટ્રાફિકજામના દ્રશ્યો સર્જાઈ રહ્યા છે. આજે સાંજે પિકઅવર્સમાં જ છત્તીસગઢના એક મંત્રીના આગમનના કારણે હરણી એરપોર્ટ સર્કલની ચારે તરફ તેમજ મોડી સાંજે વુડા સર્કલની ચોફેર ભયંકર ટ્રાફિક જામ સર્જાયો હતો. આ ટ્રાફિક જામમાં હજારો વાહનચાલકો સાથે દર્દીઓને દવાખાને લઈ જતી બે અમ્બ્યુલન્સ પણ ફસાતા દોડધામ મચી હતી. જાેકે ટ્રાફિકજામ એટલો બધો હતો કે જાગૃત વાહનચાલકોના પ્રયાસો બાદ પણ એમ્બ્યુલન્સ આગળ રવાના નહી થઈ શકતા ટ્રાફિકની આવી દુર્દશા અંગે વાહનચાલકોમાં ભારે રોષ ફેલાયો છે. શહેરના મોટાભાગના વિસ્તારોમાં પોલીસ અને કોર્પોરેશન દ્વારા દબાણો દુર કરવાનું નાટક કર્યાના ગણતરીના સમયમાં જ પરિસ્થિત પુર્વવત બની જાય છે. શહેરમાં વાહનોની સંખ્યામાં અધધ વધારો થયો છે તો બીજીતરફ પાર્કિંગની સુવિધા વિના જ કોમર્શિયલ બાંધકામોને મંજુરી આપી દેવામાં આવતા અને પાર્કિંગના સ્થાને લારીગલ્લાના ગેરકાયદે દબાણોનો રાફડો ફાટતા નાગરીકોને નાછુટકે મેઈનરોડ પર વાહનો પાર્ક કરવાની ફરજ પડી રહી છે. આવી સ્થિતિના કારણે શહેરના મોટાભાગના વિસ્તારોમાં પિકઅવર્સમાં ભારે ટ્રાફિકજામના દ્રશ્યો હવે સામાન્ય થઈ ગયા છે. પિકઅવર્સમાં જ કોઈ વીવીઆઈપીની મુવમેન્ટ થવાની હોય તો પોલીસ તંત્ર હજારો વાહનચાલકોની તકલીફોને ધ્યાને લેવાના બદલે પ્રજાએ ચુંટેલી આવી એકાદ વીવીઆઈપી વ્યકિતની સુવિધા માટે ટ્રાફિક નિયમન બંધ કરી દેતી હોઈ ટ્રાફિકજામમાં હજારો વાહનચાલકો લાંબો સમય સુધી અટવાતા હોય છે. આવો જ કિસ્સો આજે સાંજે ટ્રાફિકથી ધમધમતા હરણી એરપોર્ટ સર્કલ ખાતે સર્જાયો હતો. સાંજે સાડા છ વાગે પિકઅવર્સમાં જ છત્તીસગઢના મંત્રી મહેશ ગાગડ પસાર થવાના હોઈ એરપોર્ટસર્કલના ચારે તરફ વાહનવ્યવહાર અટકાવી દેવાયો. અચાનક વાહનવ્યવહાર અટકાવી દેવાતા એરપોર્ટથી સરદાર એસ્ટેટરોડ પર તેમજ હરણી અને કારેલીબાગ અમિતનગર તરફ આશરે એક કિલોમીટર લાંબો ટ્રાફિકજામ સર્જાયો હતો જેમાં હજારો વાહનચાલકો ગરમીમાં શેકાયા હતા. આ ટ્રાફિક જામની ગણતરીની મિનીટોમાં જ વાહનોની ધમધમતા વુડાસર્કલ પાસે પણ ટ્રાફિક નિયમનના અભાવે ટ્રાફિકજામ સર્જાતા સર્કલના ચારેતરફ હજારો વાહનોની કતાર જાેવા મળી હતી. આ દરમિયાન ટ્રાફિક જામમાં ઈમરજન્સી સાયરન સાથે પસાર થઈ રહેલી બે એમ્બ્યુલન્સ પણ ટ્રાફિક જામમાં ફસાતા દોડધામ થઈ હતી. જાેકે કેટલાક જાગૃત વાહનચાલકોએ એમ્બ્યુલન્સને આગળ રવાના કરવા માટે પ્રયાસ કર્યા હતા પરંતું ટ્રાફિકજામ એટલો હતો કે એમ્બ્યુલન્સ આગળ વધી શકી નહોંતી. શહેરના મુખ્ય જંકશનો પર વારંવાર સર્જાતા ટ્રાફિકજામમાં હજારો વાહનચાલકો અટવાતા હોવા છતાં તંત્ર દ્વારા તેનો કાયમી નિકાલ નહી લવાતા વાહનચાલકોમાં પણ ટ્રાફિક પોલીસની કામગીરી સામે રોષ ફેલાયો છે. વાહનચાલકોના ફીટકાર છતા પાંચ વર્ષમાં વીવીઆઈપીને ફરક નથી પડતો દેશભરના તમામ શહેરોમાં વીવીવાઈપીને કોઈ અગવડ ના પડે તે માટે તેઓના આગમન સમય રોડ પર વાહનવ્યવહાર અટકાવી દેવામાં આવે છે. વાહનવ્યવહાર અટકાવી દેવાતા હજારો વાહનચાલકો રોડ પર અટવાઈ જતા હોય છે અને ત્યાંથી પસાર થતા આવા પ્રજાએ જ ચુંટેલા પાંચ વર્ષની વીવીઆઈપી પણ રોડ પર અટવાયેલા હજારો વાહનચાલકોને જાેઈ આગળ પ્રજાની હાલાકી જુએ છે પરંતું તેઓના પેટનું હાલતુ નથી. એ વાત અલગ છે કે આવા વીવીઆઈપીને વાહનચાલકો આક્રોશ સાથે ફીટકાર વરસાવે છે.

વડોદરા, તા. ૧૧બ્રહ્મસ્વરુપ હરિપ્રસાદ સ્વામીના ૮૮માં પ્રાગ્ટય દિવસ નિમિત્તે હરિધામ સોખડા ખાતે ગુરુ હરિ પ્રાગ્ટય પર્વની ઉજવણી કરવામાં આવી હતી.જેમાં વિવિધ કાર્યક્રમની ઉજવણીની સાથે પ્રેમસ્વરુપ સ્વામીને ચાદર ઓઢાડીને ગાદીપતિ જાહેર કરવામાં આવ્યા હતા. આ કાર્યક્રમમાં દેશ વિદેશથી હરિ ભક્તો પધારીને પર્વની ઉજવણી કરી હતી. તે સિવાય શહેરના વિવિધ સંતો , મંહતો અનેે રાજકીય અગ્રણીઓ પણ હાજર રહ્યા હતા. બ્રહ્મસ્વરુપ હરિપ્રસાદ સ્વામીના ૮૮માં પ્રાગ્ટય દિવસ નિમિત્તે સતત વિવાદમાં રહેલ હરિધામ સોખડામાં દેશ વિદેશથી પધારેલા હરિભક્તોની બહોળી સંખ્યામાં ગુરુ હરિ પ્રાગ્ટય પર્વની ઉજવણી કરવામાં આવી હતી. આ ભવ્ય ઉજવણીમાં ૮૮ યજ્ઞ કૂંડો સાથે વિશ્વશાંતિ યજ્ઞ કરવામાં આવ્યું હતું. તે સિવાય સાંજે હરિપ્રસાદ સ્વામીની યાદમાં સંત્સંગનો કાર્યક્રમ પણ યોજાયો હતો. આ કાર્યક્રમમાં વિવિધ ધર્મોના સંતો , મંહતો અને રાજકીય અગ્રણીઓ પણ હાજર રહ્યા હતા. આ કાર્યક્રમ અંતર્ગત વિવિધ વિવાદો વચ્ચે હરિધામ સોખડાના ગાદીપતિ જાહેર કરવામાં આવ્યા હતા. જેમાં ચાદરવિધી પણ કરવામાં આવી હતી. ત્યારબાદ પ્રેમસ્વરુપ સ્વામી મર્સિડીઝ કારમાં બીરાજીને હરિભક્તોને આશીર્વાદ પાઠવ્યા હતા. સમાધાનના પ્રયાસો નિષ્ફળ જવાની શક્યતાઓ મધ્યસ્થી તરીકેની બેઠક યોજાય તે પૂર્વે હરિધામ સોખડાના ગાદીપતિ તરીકે પ્રેમસ્વરુપ સ્વામીને જાહેર કરાતા દસ હજાર કરોડની સંપતિના વિવાદમાં બન્ને પક્ષો વચ્ચેના સમાધાનના પ્રયાસો નિષ્ફળ જવાની શક્યતાઓ સેવાઈ રહી છે. ત્યાગવલ્લભ સ્વામીનું શક્તિ પ્રદર્શન દસ હજાર કરોડની સંપતિના વિવાદ વચ્ચે ત્યાગવલ્લભ સ્વામી દ્વારા હરિધામ સોખડા ખાતે અમેરિકા અને કેનેડાથી હજારોની સંખ્યામાં ખાસ પધારેલા વિદેશી હરિ ભક્તો સાથે ગુરુ હરિ પ્રાગ્ટય પર્વનું ભવ્ય આયોજન કરવામાં આવ્યું હતું. તે સિવાય ૮૮ કૂંડ બનાવીને વિશ્વ શાંતિ યજ્ઞ યોજીને શક્તિ પ્રદર્શન કરવામાં આવ્યુંં હોય તેવું પ્રતિત થતું હતું. મર્સિડીઝમાં બેસીને હરિભક્તોને આશીર્વાદ આપ્યા ગુરુ હરિ પ્રાગ્ટય પર્વની આડમાં ત્યાગવલ્લભ સ્વામીએ તેમનો ખેલ ખરો પાડીને પ્રેમસ્વરુપ સ્વામીને ગાદીપતિ તરીકે જાહેર કરાતા પર્વમાં પધારેલા હરિભક્તોને દસ હજાર કરોડની સંપતિના સ્વામી તેમના આગવા ઠાઠ સાથે મર્સિડીઝમાં બેસીને હરિભક્તોને આશીર્વાદ આપ્યા હતા.

વડોદરા, તા. ૧૦હરિધામ સોખડામાં સ્વામીનારાયણ મંદિરના ગાદીપતિ તેમજ કરોડો રૂપિયાની સંપતિના મુદ્દે બે સ્વામીઓ અને તેઓના હજારો અનુયાઈઓના જુથ વચ્ચે ચાલી રહેલો વિવાદ હજુ શમ્યો નથી તે પહેલા હવે છાણીમાં આવેલા વડતાલ તાબાના સ્વામીનારાયણ મંદિરમાં બે સ્વામીની નિમણુંકના મુદ્દે ભક્તોના બે જુથો વચ્ચે ઉગ્ર વિવાદ શરૂ થયો છે. આ વિવાદના પગલે ગઈ કાલે સ્વામીના અવરજવર કરવાના ગેટને તાળું મારી દઈ મંદિરનો વીજપ્રવાહ બંધ કરી દેવામાં આવતા મંદિરના પ્રાંગણમાં જ બે જુથો વચ્ચે છુટ્ટા હાથની મારામારી થઈ હતી જેમાં બંને પક્ષે મહિલાઓ પર હુમલા કરાયાની છાણી પોલીસ મથકમાં સામસામે ફરિયાદો નોંધાઈ છે. છાણી ગામના વણકરવાસ સ્થિત સ્વામીનારાયણ ફળિયામાં રહેતા અને આઈસીઆઈસીઆઈ બેન્કમાં રિજનલ મેનેજર તરીકે ફરજ બજાવતા ૩૯ વર્ષીય વિપુલકુમાર મહેન્દ્રભઆઈ કોઠારીએ છાણી પોલીસ સ્ટેશનમાં ફરિયાદ નોંધાવી હતી કે ‘‘ અમારા છાણી ગામમાં વડતાલ સંસ્થાના તાબા હેઠળનું વર્ષોજુનુ સ્વામીનારાયણ મંદિર છે જ્યાં અમારા વડીલો મંદિરમાં સેવાપુજા કરતા આવ્યા છે. છેલ્લા ઘણા સમયથી સ્વામીનારાયણ ભગવાનની પુજાઆરતી નિયમિત નહી થતી હોવાની મંદિરના ટ્રસ્ટીઓએ વડતાલ સંસ્થાને સ્વામીની નિમણુંક થાય તે માટે પત્ર લખી જાણ કરી હતી જેના પગલા વડતાલ સંસ્થા તરફથી શ્રી રંગસ્વામી અને બાલકૃષ્ણ સ્વામીની છ માસથી નિમણુંક કરાઈ છે અને બંને સ્વામીઓ મંદિરમાં ભગવાનની સેવા-પુજા કરે છે. જાેકે અમારા ફળિયામાં રહેતા દિનેશભાઈ મિસ્ત્રી આ બંને સ્વામી સામે વાંધો ઉઠાવી ઘણા સમયથી ફળિયાના રહીશોને ગેરમાર્ગે દોરી ખોટી ઉશ્કેરણી કરતા હોઈ અમે તેમને સમજાવવાનો પ્રયાસ કર્યો છે. દિનેશભાઈ મિસ્ત્રી અને તેમના મળતિયાઓ મંદિરમાં જઈ જે રૂમમાં સ્વામીઓ રહેતા હોય તેઓને અડચણ થાય તે રીતે અસભ્ય વર્તન કરી મંદિરના પાછળની તરફ સ્વામીના આવવા-જવાના ગેટ પર તાળું મારી દેતા હોય અને છેલ્લા બે દિવસથી દિનેશભાઈ તેમની પત્ની ચંદ્રીકાબેન અને તેઓના મળતિયા માણસો મંદિરના કમ્પાઉન્ડમાં જઈ દર્શને આવતા-જતા હરિભક્તોને દર્શન કરવા રોકવાની શરૂઆત કરી મંદિરના વીજપ્રવાહ પણ બંધ કરી દેતા આ અંગેની સ્વામીઓએ મને ફોન કરી જાણ કરી હતી. ૯મી તારીખના બપોરે હું મારી માતા રમીલાબેન કોઠારી તેમજ ચંદ્રકાન્તભાઈ ડાહ્યાભાઈ મકવાણા, રંજનબેન અશ્વિનભાઈ પરમાર, લલિતાબેન જગદીશ પરમાર અને જશોદાબેન રમણભાઈ પરમાર સાથે મંદિરમાં દર્શન કરવા જતાં મંદિરના પાછળના દરવાજે ધસી આવેલા અમારા ફળિયાના દિનેશભાઈ અને તેમની પત્ની ચંદ્રીકાબેન તેમજ રાજુ ભઈલાલ વણકર અને કિશોર અમૃતભાઈ મિસ્ત્રીએ અમને આંતરીને અપશબ્દો બોલી જણાવ્યું હતું કે તમે મંદિરમાં આ બાવાને પેસાડી દીધો છે, તમે બધા હવેથી આ મંદિરમાં પ્રવેશ કરશો નહી. અમે તે લોકોને અપશબ્દો બોલવાની ના પાડતા જ આ ચારેય જણાએ અમારી પર હુમલો કરી ગડદાપાટુનો માર માર્યો હતો અને મારી વૃધ્ધ માતાને નીચે પાડી દઈ તેમને લાતો મારી હતી જયારે દિનેશભાઈ અને તેમની પત્ની ચંદ્રીકાબેને મારી સાથેના ચન્દ્રકાન્તભાઈનું ગળું પકડી માર માર્યો હતો અને અમને બધાને મારી નાખવની ધમકી આપી હતી.’’ આ ફરિયાદના પગલે પોલીસે ઉક્ત ચારેય હુમલાખોરો સામે ગુનો નોંધ્યો હતો. જયારે સામાપક્ષે છાણીના વણકરવાસમાં રહેતા ઈન્કમટેક્ષ એકાઉન્ટન્ટ દિનેશભાઈ ખુશાલભાઈ મિસ્ત્રીએ પણ છાણી પોલીસ મથકમાં વળતી ફરિયાદ નોંધાવી હતી કે ‘‘ ૯મી તારીખના બપોરે હું તેમજ મારી પત્ની ચંદ્રીકાબેન, ઈન્દુબેન નટવરભાઈ પરમાર અને કમલેશ નાથાભાઈ મકવાણા સાથે અમારા ફળિયાના સ્વામીનારાયણ મંદિરના પાછળ આવેલા કમ્પાઉન્ડમાં ઝાડ નીચે બેઠા હતા તે સમયે વિપુલભાઈ કોઠારી અને ચન્દ્રકાન્ત ડાહ્યાભાઈ મકવાણાએ મંદિરના આગળના ભાગેથી અમારી પાસે આવી અમને અપશબ્દો બોલી જણાવ્યું હતું કે તમે બધા અહીંયા કેમ બેઠા છો ? આ તમારા બાપની મિલકત છે ? અહિંયાથી બહાર નીકળો. તેઓએ મારી પત્નીના માથાનો ચોટલો પકડી જમીન પર પાડી દઈ ઘસેડવા લાગતા મે પત્નીને બચાવવાનો પ્રયાસ કર્યો હતો જેમાં તેઓએ મારી સાથે પણ મારામારી કરી હતી. આ હુમલામાં મારી પત્નીને પગ અને હાથમાં ઈજા પહોંચી છે જયારે મારો હાથ મંદિરના દિવાલ સાથે અથડાતા સામાન્ય ઈજા થઈ છે. આ ઝઘડાનું કારણ એવુ છે કે વડતાલ સંસ્થાના સ્વામીનારાયણ મંદિરનું આજ્ઞાપત્ર નહી હોવા છતા છ માસથી શ્રી રંગસ્વામી અને બાલકૃષ્ણ સ્વામી અમારા ફળિયાના સ્વામીનારાયણ મંદિરમાં ગેરકાયદે રહે છે. તેઓ આ મંદિર છોડીને જતા રહે તેવી મારી અને ફળિયાના રહીશોની માગણી છે જયારે વિપુલભાઈ કોઠારી અને ચંદ્રકાન્ત મકવાણા અને તેઓના પરિવારજનો આ બંને સ્વામીનું ખોટી રીતે સમર્થન કરતા હોઈ આ મુદ્દે છેલ્લા કેટલાક દિવસથી વિવાદ ચાલી રહ્યો છે અને અમે ફળિયાના માણસોએ ગઈ કાલથી જ મંદિરના પરિવારમાં રોકાયેલા છે જેથી આ બંનેએ હુમલો કરી મને અને મારી પત્નીને માર મારી ઈજા પહોંચાડી છે’’. આ ફરિયાદના પગલે પોલીસે ઉક્ત બંને હુમલાખોરો સામે ફરિયાદ નોંધી બંને ફરિયાદોની તપાસ શરૂ કરી છે.

વડોદરા, તા. ૧૦એમ.એસ.યુનિ.ના ફાઈન આર્ટસ ફેકલ્ટીમાં હિન્દુ દેવી – દેવતાઓની વિવાદિત કૃતિઓના પ્રદર્શન મુદ્દે આંદોલન ચલાવી રહેલ એબીવીપી અને એજીએસજી દ્વારા આજે પણ સીન્ડીકેટની બેઠક પૂર્વે વિરોધ પ્રદર્શન કર્યા હતા.યુનિ. દ્વારા આ મુદ્દે રચાયેલી ફેકટ ફાઈન્ડીંગ કમીટી દ્વારા રીપોર્ટ સીન્ડીકેટ સમક્ષ રજૂ થતા તેના પર ચર્ચા દરમ્યાન ટીમ એમ.એસ.યુ. અને સંકલન સમિતીના સભ્યો વચ્ચે ઉગ્ર તડાફડી સર્જાઈ હતી. જોકે આખરે વિવાદીત કૃતિ બનાવનાર ફાઈન આર્ટસનો વિદ્યાર્થી કુંદન કુમારને રસ્ટીકેટ કરવાનો નિર્ણય લેવામાં આવ્યો હતો. ઉપરાંત આ ઘટના સાથે સંકળાયેલા ડીન સહિત ફેકલ્ટીના પાંચ પ્રાધ્યાપકોને શોકોઝ નોટીસ પાઠવવાનો નીર્ણય લેવામાં આવ્યો હતો. એમ.એસ.યુનિ.ના ફાઈન આર્ટસ ફેકલ્ટીમાં ગત. તા. ૫ નારોજ હિન્દુ દેવી – દેવતાઓની વિવાદિત કૃતિઓના પ્રદર્શનમાં મુકાતા વિવિધ હિન્દુ સંગઠનોના કાર્યકર્તાઓ અને એબીવીપી દ્વારા સતત વિરોધ કરવામાં આવ્યો હતો. મામલો વકરતા એબીવીપી જૂથ અને પોલીસ વચ્ચે ધર્ષણ પણ થયું હતું. જેથી મામલો વધુ ગંભીર ન બને તે માટે યુનિ. દ્વારા તાત્કાલીક ફેકટ ફાઈન્ડીંગ કમીટીની રચના કરવામાં આવી હતી. આ કમીટી દ્વારા રાત – દિવસ એક કરીને કલાકૃતિઓ વિશેની તપાસ બાબતે અને તેની સાથે જાેડાયેલ અન્ય તપાસ કરવામાં આવી હતી. જેનો રીપોર્ટ યુનિ.ખાતે યોજાવનાર સિન્ડીકેટ સભામાં મુકવામાં આવ્યો હતો. જેથી રીપોર્ટના આધારે સીન્ડીકેટ સભ્યોના મત્તો લઈને નિર્ણય લેવામાં આવ્યો હતો. આ સભામાં કલાકૃતિ દોરનાર કુંદન કુમારને યુનિ. માંથી રસ્ટીકેટ કરવાનો નિર્ણય લેવામાં આવ્યો હતો. ઉપરાંત આ ઘટના સાથે સંકળાયેલા ડીન સહિત ફેકલ્ટીના પાંચ પ્રાધ્યાપકોને શોકોઝ નોટીસ પાઠવવાનો નીર્ણય લેવામાં આવ્યો હતો. આ નોટીસ બાદ આગળની કાર્યવાહી બાબતે યુનિ.ના સત્તાધીશો દ્વારા નિર્ણય લેવામાં આવશે. ફરીથી આ પ્રકારની ધટના ન બને તે માટે કમિટી રચાશે સીન્ડીકેટની મીટીંગમાં આ પ્રકારની ધટના બીજી વાર ન બને તે માટે પણ ખાસ નિર્ણય લેવામાં આવ્યો છે. તેઓ સમગ્ર ફેકલ્ટીમાં કોડ ઓફ કન્ડંકટ કમીટીની રચના ટૂંક સમયમાં કરશે તેવી પણ જાહેરાત કરવામાં આવી હતી. તે ઉપરાંત યુનિ. ની ખાનગી બાબતો બહાર કેવી રીતે પહોંચી? તે વિષય પર પણ ટીમ કામ કરી રહી હોવાનું જાણવા મળ્યું હતું.

ગોધરા, તા.૧૦કાલોલ શહેરમાં સોમવારે રાત્રે એક લગ્ન પ્રસંગ નિમિત્તે નગરમાં ફરતા વરઘોડા દરમ્યાન મસ્જિદ પાસે બોલાચાલી થતાં ગધેડી ફળિયામાં રહેતા કોમી ટોળાઓએ સામસામે પથ્થરમારો કરતા ચાર વ્યક્તિઓને ઈજા પહોંચી હતી જે ઘટનાને પગલે ફરી એકવાર તોફાને ચઢેલા મુસ્લિમ કોમના ટોળાએ ગધેડી ફળિયામાં પત્થરમારો અને તોડફોડ કરીને આતંક મચાવતા ખાનગી અને જાહેર મિલકતોને નુકસાન પહોંચાડતા ફરી એકવાર શહેરની શાંતિમાં પલિતો ચાંપવાનો પ્રયાસ કર્યો હતો. પોલીસે ૧૦૦ નાં ટોળાં સામે ફરિયાદ નોંધી હતી. કાલોલ પોલીસ સ્ટેશનમાં બન્ને કોમના ફરિયાદી દ્વારા સામ‌સામે‌ દાખલ થયેલી ફરિયાદની વિગતો‌ અનુસાર સોમવારે શહેરના ગધેડી ફળિયામાં રહેતા સચિન રમણભાઈ સોલંકીના લગ્ન પ્રસંગ નિમિત્તે સાંજે ડીજે સાથે નગરના રસ્તાઓ પર વરઘોડો નીકળ્યો હતો જે વરઘોડો‌ બજારમાં ફરીને ઘર તરફ પરત ફરતા સવા અગિયાર વાગ્યાના સુમારે પરબડી બજારના રસ્તે રબ્બાની મસ્જિદ પાસેથી પસાર થતો‌ હતો એ સમયે અચાનક ડીજે બંધ થઈ જતાં રબ્બાની મસ્જિદ પાસે બન્ને કોમના ટોળા વચ્ચે બોલાચાલી થતાં બબાલ સર્જાઈ હતી અને વરઘોડામાં પત્થરમારો થતાં નાશભાગ મચી જવા પામી હતી. જે બબાલ ગધેડી ફળિયામાં પહોંચતા ગધેડી ફળિયામાં રહેતા બન્ને કોમના ટોળા વચ્ચે ઉગ્ર સ્વરૂપ ધારણ કરતા તોફાની ટોળાએ સામસામે પત્થરમારો કરતા ગધેડી ફળિયામાં અફરાતફરીનો માહોલ સર્જાયો હતો. જે ઘટના દરમિયાન મુસ્લિમ કોમના તોફાની તત્વોએ અંધારાનો ફાયદો ઉઠાવી ગધેડી ફળિયા અને ભાથીજીમંદિર વિસ્તારમાં રાત્રે પાર્ક કરેલા વાહનો અને લારી ગલ્લાઓમાં ભારે તોડફોડ કરીને આતંક મચાવતા ખાનગી અને જાહેર મિલકતોને ભારે નુકશાન પહોંચાડ્યું હતુંઅત્રે ઉલ્લેખનીય છે કે આ તોડફોડ દરમ્યાન બેફામ બનેલા તત્વોએ ભાથીજી મંદિર સામે રહેતા એક વિધવા બાઈના મકાનના પ્રાંગણમાં આગળ મુકેલો તેમનો છકડો‌ અને લારી,ગલ્લાને તોડફોડ કરીને વિધવા બાઈના પરિવારની રોજગારીને મોટું નુક્સાન પહોંચાડ્યું હતું આમ કાલોલ શહેરમાં સોમવારે રાત્રીના સુમારે થયેલા પથ્થરમારામાં વરરાજાના પિતા સહિત ચાર વ્યક્તિઓને નાની મોટી ઇજાઓ પહોંચી હતી.આ ઘટનાને પગલે કાલોલ શહેરમાં ફરી એકવાર કોમી અશાંતિ ના સર્જાય તે માટે ઘટનાની ગંભીરતાને પગલે રાત્રીના સુમારે જ જિલ્લા પોલીસ વડા અને ડીવાયએસપી સહિત સમગ્ર જિલ્લાની પોલીસનો કાફલો તાત્કાલીક અસરથી કાલોલમાં દોડી આવ્યો હતો.‌ ને રાત્રીના સુમારે પોલીસ કાફલાએ તોફાની ટોળા વિખેરીને પરિસ્થિતિ પર કાબુ મેળવી ચારેય ઇજાગ્રસ્તોને હોસ્પિટલ ખસેડયા હતા. સમગ્ર ઘટના સંદર્ભે પોલીસે બંને પક્ષો સામે ફરિયાદ નોંધી રાયોટિંગના ગુના હેઠળ લઘુમતી કોમના નામજાેગ એવા ૧૫ ઈસમો સહિત ૧૦૦થી વધુના ટોળા સામે તેમજ સામે પક્ષે પણ ૧૪ નામજાેગ લોકો વિરુદ્ધ ફરિયાદ નોંધવામાં આવી છે.

વડોદરા, તા.૧૦આગામી ગુજરાત વિધાનસભાની ચૂંટણીને પગલે રાજકીય પક્ષો દ્વારા તડામાર તૈયારીઓ શરૂ કરી દેવામાં આવી છે, ત્યારે કોંગ્રેસ દ્વારા દાહોદ ખાતે આજે આદિવાસી સત્યાગ્રહ રેલીનું આયોજન કરવામાં આવ્યું છે. જેમાં ભાગ લેવા આવેલા કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધીનું વડોદરા એરપોર્ટ ખાતે ગુજરાત કોંગ્રેસના પ્રભારી, શહેર કોંગ્રેસ પ્રમુખ સહિત અગ્રણીઓ દ્વારા સ્વાગત કરવામાં આવ્યું હતું. પત્રકારો સાથે વાતચીત કરતા કોંગ્રેસના ગુજરાત પ્રભારી રઘુ શર્માએ જણાવ્યું હતું કે, પ્રભારી રઘુ શર્માએ વધુમાં જણાવ્યું હતું કે, દાહોદ ખાતે આજથી આદિવાસી સત્યાગ્રહની શરૂઆત થઇ રહી છે. આ સત્યાગ્રહ આગામી ૬ માસ સુધી ચાલશે. આદિવાસીઓની રક્ષા માટે સત્યાગ્રહ શરૂ કરવામાં આવ્યો છે. ગુજરાત સરકાર દ્વારા આદિવાસીઓને ભારોભાર અન્યાય કરવામાં આવી રહ્યો છે. આદિવાસીઓને તેઓને મળવા પાત્ર હક્કો મળ્યા નથી. આદિવાસીઓને રોજગારી માટે ફરવું પડે છે. આગામી આવી રહેલી ગુજરાત વિધાનસભાની ચૂંટણીમાં આપ અને બીટીપી ગઠબંધન થઈ રહ્યું છે, તેવા એક પ્રશ્નના જવાબમાં પ્રભારીએ રઘુ શર્માએ જણાવ્યું હતું કે, હજી સુધી સત્તાવાર ગઠબંધન થયું નથી. દરેક પક્ષ ચૂંટણી સમયે આવે છે, પછી જતી રહે છે, બાકીની પાર્ટી ઋતુ પ્રમાણેની પાર્ટી છે. દાહોદ આદિવાસી અધિકાર રેલીમાં ભાગ લેવા માટે વડોદરા એરપોર્ટ પર આવી પહોંચેલા રાહુલ ગાંધીનું ગુજરાત કોંગ્રેસ પ્રભારી રઘુ શર્મા, શહેર કોંગ્રેસ પ્રમુખ ઋત્વિજ જાેષી, વિપક્ષી નેતા અમીબેન રાવતે કોંગ્રેસ અગ્રણીઓ દ્વારા સ્વાગત કરવામાં આવ્યું હતું. વડોદરા એરપોર્ટ પર રાહુલ ગાંધીએ નાસ્તો કરી હેલિકોપ્ટર દ્વારા દાહોદ આદિવાસી અધિકાર રેલીમાં ભાગ લેવા માટે રવાના થયા હતા. એરપોર્ટ પર રાહુલ ગાંઘીએ સુતરની આંટી પહેરવાનો ઈન્કાર કરતા વિવાદ છંછેડાયો વડોદરા એરપોર્ટ ખાતે વડોદરા શહેર કોંગ્રેસ પ્રમુખ ઋત્વિજ જાેશીએ કોંગ્રેસના નેતા રાહુલ ગાંધીને સૂતરની આંટી પહેરાવવાનો પ્રયાસ કર્યો હતો. જાેકે, તેમને સૂતરની આંટી પહેરી નહોતી અને હાથમાં લઇ લીધી હતી. જેને પગલે ઋત્વિજ જાેશી ભોંઠા પડી ગયા હતા. ત્યારે આ સંદર્ભે વડોદરાના પૂર્વ મેયર અને પ્રદેશ ભાજપના પ્રવક્તા ભરત ડાંગરે ટ્‌વીટ કરતા જણાવ્યું હતું કે, મહાત્મા ગાંધીજીની અટક ધારણ કરીને વર્ષો સુધી જે પરીવારે દેશ પર હુકુમત ચલાવી તેમના ફરજંદને પૂજ્ય બાપુની પ્રિય ખાદીની આંટી પહેરવામાં પણ તકલીફ છે ? તે પણ ગુજરાતમાં ?. ત્યારબાદ તેમણે બીજુ પણ ટ્‌વીટ કર્યુ હતુ તેમ બાપુની પ્રિય સુતરની આંટી તો ન પહેરી પરંતુ પગથીયા પર ફેંકીને બાપુનુ અપમાન કર્યુ છે. સત્તાલાલસુ કોંગ્રેસ માંફી માંગે તેમ લખ્યુ હતુ.

કોંગ્રેસના રાજમાં એકાદ ચીજમાં ૫ણ બે-પાંચ રૂપિયાનો ભાવવધારો થાય ત્યારે આંદોલનો-તોફાનો કરવા જાહેર માર્ગ પર ઉતરી પડતા ભાજપાના નેતાઓ-કાર્યકરો આજે તમામ જીવનજરૂરી ચીજાેમાં અસહ્ય ભાવવધારો થઈ રહ્યો છે, ત્યારે વાતાનુકુલિત કમરાઓમાં બેસી મિષ્ટાનો આરોગી રહ્યા છે. લાચાર પ્રજા હવે સરકાર સામે લડવાનું ઝનૂન પણ ખોઈ ચૂકી છે અને સશક્ત વિપક્ષની ભૂમિકા ભજવવાના રાજકીય કારણોસર ભલે હોય પણ કોંગ્રેસે મોંઘવારી સામે આંદોલન છોડી સામાન્ય પ્રજાની લાગણીનો પડઘો પાડયો છે. તસવીર ઃ કેયુર ભાટીયા

વડોદરા, તા.૯વડોદરાના મેયરના ફોટાનો ઉપયોગ કરીને ગઠિયાએ બોગસ વોટ્‌સએપ મેસેજ પાલિકાના કેટલાક હોદ્દેદારો અને અધિકારીઓને મોકલી વિવિધ પેમેન્ટ એપ્લિકેશનના માધ્યમથી નાણાં ટ્રાન્સફર કરવા મેસેજ કરતાં પાલિકાના આસિ. મ્યુનિ. કમિશનર જિજ્ઞ્ેાશ ગોહિલે પ૦ હજાર ટ્રાન્સફર કરી દીધા હતા. જાે કે, આ બોગસ હોવાનું જણાતાં તેમણે સાયબર ક્રાઈમ બ્રાન્ચમાં ફરિયાદ નોંધવા અરજી આપી હતી. આ અંગે મળતી માહિતી મુજબ આજે એકાએક પાલિકાના કેટલાક હોદ્દેદારો અને અધિકારીઓેને મેયરના ફોટા સાથેના વોટ્‌સએપ એકાઉન્ટના માધ્યમથી મેસેજ આવ્યો હતો જેમાં હેલ્લો હાવ આર યુ તેમ લખ્યા બાદ હું અત્યારે મહત્ત્વની મિટિંગમાં છું અને મર્યાદિત ફોનકોલ લઈ શકું છું. ફોન કરી શકું તેમ નથી તેવા મેસેજ સાથે ઓનલાઈન પેમેન્ટના અલગ અલગ માધ્યમથી પૈસા ટ્રાન્સફર કરવા કહ્યું હતું. જાે કે, મેયરના ફોટા સાથે વોટ્‌સએપ પર આવેલ મેસેજ જાેઈને પાલિકાના અધિકારી જીગ્નેશ ગોહિલ પ૦ હજાર ટ્રાન્સફર કરી દીધા હતા. જાે કે, બાદમાં આ બોગસ હોવાનું તેમજ કોઈ સાયબર ક્રાઈમ આચરનાર ગઠિયાએ મેયરના ફોટાનો ઉપયોગ કરીને બોગસ વોટ્‌સએપ એકાઉન્ટ દ્વારા નાણાંની માગણી કરી હોવાની વાત બહાર આવતાં ખળભળાટ મચી ગયો હતો.પાલિકાના કેટલાક હોદ્દેદારો અને અધિકારીઓને પણ આવા જ મેસેજ મોકલવામાં આવ્યા હતા. પરંતુ તે પૈકી અન્ય કોઈએ આવી કોઈ રકમ ટ્રાન્સફર કરી નહીં હોવાનું જાણવા મળે છે. જાે કે, કોઈ ગઠિયાએ બોગસ વોટ્‌સએપ એકાઉન્ટ દ્વારા નાણાં ટ્રાન્સફર કરાવીને રૂા.પ૦ હજાર પડાવી લેતાં પાલિકાના અધિકારીએ અજાણ્યા ગઠિયાની સામે સાયબર ક્રાઈમમાં ફરિયાદ નોંધવા અરજી આપતાં પોલીસે તપાસ હાથ ધરી છે. પરંતુ મેયરના ફોટાનો ઉપયોગ કરીને ગઠિયાએ સોશિયલ મીડિયા ઉપર બોગસ એકાઉન્ટ ખોલીને નાણાં ટ્રાન્સફર કરી આચરેલ સાયબર ક્રાઈમની આ ઘટનાથી ખળભળાટ મચી ગયો છે. મેયરને ધ્યાને આવતાં ફેક એકાઉન્ટ હોવાની સ્પષ્ટતા કરી મેયરને આ રીતે તેમનો ફોટાનો ઉપયોગ કરીને કોઈ ગઠિયાએ બોગસ વોટ્‌સએપ એકાઉન્ટ ખોલીને કેટલાક પાસે નાણાંની માગણી કર્યાની વાત ધ્યાને આવતાં મેયરે આ બોગસ એકાઉન્ટ ખોલીને વોટ્‌સએપ પર મેસેજ મોકલવામાં આવ્યો છે અને આવા કોઈ મેસેજ આવે તો ઓટીપી કે નાણાં ટ્રાન્સફર કોઈએ કરવા ન જાેઈએ તેવી તેમણે અપીલ કરી હતી અને આ અંગે પોલીસ વિભાગને પણ તેમણે જાણ કરી હતી.

વડોદરા, તા. ૯હરણીરોડ પર રહેતો કુખ્યાત ગેંગસ્ટર્સ મુકેશ હરજાણીનો શાર્પશુટર તેમજ ખેડુત સાથે ઠગાઈ કરી ધમકી આપવાના ગુનામાં છોટાઉદેપુરની સબ જેલમાં કેદ અનિલ ઉર્ફ એન્થોની ગંગવાણી ત્રણ દિવસ અગાઉ છોટાઉદેપુર પોલીસ હેડ ક્વાટર્સના જાપ્તા હેઠળ વડોદરાની સયાજી હોસ્પિટલમાં સારવારના બહાને આવ્યા બાદ જાપ્તાના પીએસઆઈ ડામોર સાથે સાંઠગાંઠ કરી સયાજીગંજ વિસ્તારની પુજા હોટલમાં ગયા બાદ પત્ની, બહેન તેમજ અન્ય સાગરીતોની મદદથી પોલીસ જાપ્તામાંથી ફરાર થયો છે. આ બનાવમાં સયાજીગંજ પોલીસે આઠ આરોપીઓ સામે ગુનો નોંધી જાપ્તાના પીએસઆઈ ડામોર તેમજ પુજા હોટલના મેનેજર, રૂમબોય, એન્થોનીની પત્ની અને બહેનની ધરપકડ કરી છે. દરમિયાન એન્થોનીને પુજા હોટલમાં હતો તે સમયે તેને અજય રામચંદ્ર ગાયકવાડ (ઉકાજીના વાડિયામાં,વાઘોડિયારોડ), મેહુલ ભરત ચાવડા (પુનિતનગર, વાઘોડિયારોડ) અને કશ્યપ રણજીત સોલંકી (સ્લમ ક્વાટર્સ,વાઘોડિયારોડ) મળવા માટે આવ્યા હતા અને તેને પોલીસ જાપ્તામાંથી ભગાડવામાં મદદગારી કરી હોવાની વિગતો પોલીસ તપાસમાં સપાટી પર આવતા સયાજીગંજ પોલીસ મથકના પીઆઈ આર.જી.જાડેજાએ ઉક્ત ત્રણેય યુવકોને શોધી કાઢી તેઓની ધરપકડ કરી હતી.

અમદાવાદ/વડોદરા, તા.૧૦સોખડા સ્વામિનારાયણ મંદિર વિવાદ મામલે બંન્ને પક્ષોની આજે સમાધાન સંદર્ભે અમદાવાદ ખાતે પહેલી બેઠક યોજાઇ હતી. ગુજરાત હાઇકોર્ટમાં બંને પક્ષો તરફથી કરવામાં આવેલ નિવેદન મુજબ સમાધાન અંગેની પહેલી બેઠક બંને સાધુ એટલે કે, પ્રેમ સ્વરૂપ સ્વામી અને પ્રબોધ સ્વામી ઉપરાંત તેમના એડવોકેટની હાજરીમાં યોજાઇ હતી. અંદાજે દોઢ કલાક ચાલેલી આ મીટિંગમાં હકારાત્મક વાતાવરણમાં યોજાઈ હોવાનો દાવો કરવામાં આવી રહ્યો છે.સોખડા સ્વામિનારાયણ મંદિર વિવાદનો મામલો દિવસેને દિવસે વણસી રહ્યો છે. ત્યારે બીજી તરફ બંને પક્ષ તરફથી સમાધાનની ફોર્મ્યુલા અંગે આજે પહેલી બેઠક ગુજરાત હાઇકોર્ટ ખાતે યોજાઇ હતી. ગુજરાત હાઇકોર્ટના નિર્દેશ પ્રમાણે પ્રબોધસ્વામી, પ્રેમ સ્વરૂપ સ્વામી ઉપરાંત બંનેના વકીલ ચિત્રજીત ઉપાધ્યાય અને સુધીર નાણાવટીની હાજરીમાં બેઠક યોજાઇ હતી. જેમાં મહત્વપૂર્ણ બાબત એ રહી કે બંને પક્ષે સમાધાન લઈને હકારાત્મક ચર્ચા-વિચારણા કરવામાં આવી હતી. આ બેઠકમાં મહત્વપૂર્ણ બાબત એ રહી કે બંને પક્ષના મુખ્ય સાધુઓની હાજરીમાં સમાધાનની દિશામાં ચર્ચા માટે સહમતિ બની છે.આ બેઠકમાં પ્રબોધ સ્વામી તરફથી પ્રસ્તાવ મૂકવામાં આવ્યો હતો કે, હરિપ્રસાદ સ્વામીની હયાતીમાં જે પરિસ્થિતિ હતી, એ પ્રકારનું વાતાવરણ પરત લાવવામાં આવે, ઉપરાંત અલગ-અલગ સંસ્થાઓમાં જે કમિટીઓની રચના કરવામાં આવી છે તે પણ રદ કરવામાં આવે. આ બેઠકમાં બન્ને સાધુઓ તરફથી સંસ્થામાં પ્રેમ વિશ્વાસનું વાતાવરણ કેળવાય તે માટે સાથે મળીને પ્રયાસ કરવાની તૈયારી દર્શાવાઈ છે.પહેલી બેઠક પૂર્ણ થયા બાદ હવે આગામી બેઠક ૧૨મી મેના રોજ યોજાશે. જેમાં હાઇકોર્ટના નિર્દેશ પ્રમાણે આ બીજી બેઠકમાં બોમ્બે હાઇકોર્ટના નિવૃત્ત ન્યાયાધીશ એમ.એસ શાહ હાજર રહેશે. જેઓ બંને પક્ષ વચ્ચે મિડીએટર તરીકેની ભૂમિકા ભજવશે.

વડોદરા, તા.૭વડોદરા શહેરના મેયર કેયુર રોકડિયાએ આજે મ્યુનિ. કમિશનર, દબાણ ટીમ, પોલીસ ટીમ સાથે પદમાવતી શોપિંગ સેન્ટર અને તેની આસપાસના વિસ્તારમાં સરપ્રાઈઝ દબાણો દૂર કરવાની કાર્યવાહી હાથ ધરતાં પથારાવાળાઓમાં નાસભાગ મચી ગઈ હતી. પાલિકાએ પાંચ ટ્રક સામાન અને બે કોન્ક્રિટ મિક્સર મશીનો જપ્ત કર્યા હતા. પરંતુ બીજી તરફ શહેરનો એકપણ રાજમાર્ગ દબાણમુક્ત નથી. ત્યારે મેયર ત્યાં ક્યારે જશે? તેવી ચર્ચા થઈ રહી છે. શહેરના મંગળ બજાર વિસ્તારના લારી, ગલ્લા, પથારાના દબાણો અગાઉ અનેક વખત દૂર કરવામાં આવ્યા છે. પરંતુ ત્યાર પછી ગણતરીના દિવસોમાં સ્થિતિ જૈસે-થે જાેવા મળે છે. ત્યારે આજે મેયરે લહેરીપુરા, પદરમાવતી શોપિંગ સેન્ટરની પાછળના ભાગે તેમજ ન્યાયમંદિરની આસપાસ મ્યુનિ. કમિશનર, ડે. મેયર, સ્થાનિક કાઉન્સિલરો અને ચુસ્ત પોલીસ બંદોબસ્ત સાથે દબાણ ટીમનો કાફલો લઈને પહોંચતાં લારી-ગલ્લા, પથારાવાળાઓમાં નાસભાગ મચી ગઈ હતી. સરપ્રાઈઝ વિઝીટ કરીને દબાણ ટીમે એકાએક લારી-ગલ્લા, પથારા ઉપાડવાનું શરૂ કરતાં પથારાવાળાઓએ તેમનો સામાન જપ્ત થતો બચાવવા તરત જ ખસેડવાની શરૂઆત કરી હતી. પાલિકાની દબાણ ટીમે રપ૦ જેટલા હંગામી પથારાઓ દૂર કરીને પાંચ ટ્રક સામાન અને ન્યાયમંદિર પાસે પડી રહેલા બે કોન્ક્રિટ મિકસર મશીન જપ્ત કર્યા હતા. જાે કે, સાંજે કેટલાક લારી-ગલ્લા, પથારાવાળાઓ ફરી ત્યાં જ લાગી ગયા હતા. મેયરે સરપ્રાઈઝ કરેલી કામગીરીમાં રસ્તો ખૂલ્લો કરી ટ્રાફિકની અવરજવર ચાલુ કરાવી હતી.પરંતુ બીજી તરફ વડોદરા શહેરમાં લગભગ ૭૦ થી ૮૦ હજારથી વધુ લારી-ગલ્લા, પથારાવાળાઓ છે. શહેરનો એકપણ રાજમાર્ગ દબાણમુક્ત નથી. ત્યારે મેયર ત્યાં ક્યારે જશે? મેયર જાતે ગયા અને રસ લીધો તે સારી વાત છે, પણ શું આ જ રીતે દબાણો દૂર થશે તેમ હોય તો આપે રોજેરોજ રસ્તાઓના દબાણો દૂર કરવા જવું જાેઈએ તેવી ચર્ચાઓ પણ પાલિકાવર્તુળોમાં થઈ રહી છે. ગત બોર્ડમાં પદમાવતી શોપિંગ સેન્ટર પાછળનો રસ્તો ખૂલ્લો કરાયો હતો વડોદરા શહેરનું મંગળ બજાર એ પથારાઓ માટે જાણીતું છે. ગરીબો માટે તે મોલ સમાન છે. ગરીબો ત્યાં મોટી સંખ્યામાં ખરીદી માટે આવે છે, માલેતુજારો નહીં. ત્યારે ગત બોર્ડમાં સતીષ પટેલ જ્યારે સ્થાયી સમિતિના ચેરમેન હતા ત્યારે પદમાવતી શોપિંગ સેન્ટર રોડ પર એંગલો મારીને પાછળનો રસ્તો વાહનોની અવરજવર માટે શરૂ કરાવ્યો હતો. સીટીબસ પણ આ રસ્તે શરૂ કરાવી હતી પરંતુ ગણતરીના દિવસોમાં એંગલો ફરી કાઢી નાખવી પડી હતી. અગાઉ સિકયોરિટી અને બાઉન્સરો મૂકયા હતા મંગળ બજાર અને આસપાસ થતા લારી-ગલ્લા, પથારાવાળાઓના દબાણો ભરત ડાંગર મેયર હતા ત્યારે દૂર કરાવ્યા હતા અને ત્યાર બાદ ફરી દબાણો ન થાય તે માટે રાઉન્ડ ધી ક્લોક પદમાવતી શોપિંગ સેન્ટરની આસપાસ સિકયોરિટીની સાથે બાઉન્સરો પણ મૂકવામાં આવ્યા હતા, પરંતુ ત્યાર પછી સ્થિતિ જૈસે-થે થઈ ગઈ હતી.

વડોદરા, તા.૭સંગઠનની જવાબદારીમાં નિષ્ફળ નીવડેલા શહેર ભાજપા પ્રમુખ ડો. વિજય શાહે સમિતિના ધો.૮ પાસ બાળકોના ધો.૯માં પ્રવેશ માટે બેઠક યોજી કોર્પોરેશનના હોદ્દેદારો કે ધારાસભ્યોને પૂછયા વગર નગર પ્રાથમિક શિક્ષણ સમિતિની શાળામાં ધો.૯ અને ૧૦ના વર્ગો શરૂ કરવાની મંજૂરી માટે શિક્ષણમંત્રીને રજૂઆત કરવા શિક્ષણ સમિતિના અધ્યક્ષ-ઉપાધ્યક્ષને દોડાવતાં વિવાદ સર્જાયો છે. વડોદરા કોર્પોરેશન સંચાલિત નગર પ્રાથમિક શિક્ષણ સમિતિ ખાતે તાજેતરમાં શહેર ભાજપા પ્રમુખ ડો. વિજય શાહની અધ્યક્ષતામાં સમિતિના અધ્યક્ષ, ઉપાધ્યક્ષ સહિતની ઉપસ્થિતિમાં ધો.૮માં ઉત્તીર્ણ થઈ ધો.૯માં આગામી શૈક્ષણિક સત્રમાં પ્રવેશ મેળવનારા વિદ્યાર્થીઓના પ્રવેશ અંગે સમીક્ષા બેઠકનું આયોજન કરવામાં આવ્યું હતું. જાે કે, શિક્ષણ સમિતિની કચેરીમાં શહેર ભાજપા પ્રમુખના અધ્યક્ષસ્થાને બેઠક યોજાતાં વિવાદ સર્જાયો હતો. આ વિવાદ વચ્ચે શહેર ભાજપા પ્રમુખ ડો. વિજય શાહે આ સંદર્ભે શિક્ષણમંત્રી સાથે ટેલિફોનિક વાતચીત બાદ શુક્રવારે શિક્ષણ સમિતિના અધ્યક્ષ અને ઉપાધ્યક્ષને શિક્ષણ સમિતિની શાળામાં ધો.૯ અને ૧૦ની મંજૂરી આપવામાં આવે તેવી લેખિત અરજી લઈને શિક્ષણમંત્રીના કાર્યાલય ખાતે રજૂઆત કરવા દોડાવ્યા હોવાનું જાણવા મળે છે. ત્યારે વડાપ્રધાન અને ભાજપાના રાષ્ટ્રીય અધ્યક્ષના મહત્ત્વના કાર્યક્રમમાં સંગઠનની જવાબદારીમાં સરેઆમ નિષ્ફળ રહેલા શહેર ભાજપા પ્રમુખ ડો. વિજય શાહના ઈશારે વધુ એક વખત કોર્પોરેશનની ચૂંટાયેલી પાંખ અને ધારાસભ્યોને પૂછયા વગર શિક્ષણ સમિતિની શાળામાં ધો.૯-૧૦ ના વર્ગો શરૂ કરવા દોડાવતાં વિવાદ સર્જાયો છે. જાે કે, રાજ્ય સરકારમાં વડોદરાના બે મંત્રી છે. ત્યારે તેઓ થકી વડોદરાની રજૂઆત કરવાને બદલે સીધી શિક્ષણમંત્રીને રજૂઆત કરવા દોડાવાતાં ભાજપામાં જૂથબંધી ફરી સપાટી પર આવી છે. ડો. વિજય શાહનું ગુમાન સંકલનને પૂછે છે પરંતુ હું કહું એ જ આખરી નિર્ણય! સંગઠનની કામગીરીમાં તમામને સાથે લઈને ચાલવું એ ફરજ છે પરંતુ શહેર ભાજપા પ્રમુખ ડો.વિજય શાહ ‘એકલા ચલો’ની નીતિ અપનાવી વડોદરા શિક્ષણ સમિતિની શાળાઓમાં ધો.૯ અને ૧૦ના વર્ગો શરૂ કરવાની મંજૂરી માટેની રજૂઆત કરવા અંગેનો નિર્ણય ભાજપાની સંકલનમાં મુકાયા સિવાય રજૂ થયો, પરંતુ તે સંકલનમાં કોઈ ચર્ચા વગર આ વિષય સરકારમાં ગયો પછી પાર્ટીનો નિર્ણય બ્ ાની જાય છે તેવી ચર્ચા પણ ભાજપા મોરચે થઈ રહી છે. નવા વર્ગો શરૂ થશે તો ખર્ચ કોણ ભોગવશે? વડોદરા નગર પ્રાથમિક શિક્ષણ સમિતિની શાળાઓમાં હાલમાં જ સુવિધાઓ વધારવા પૈસા નથી. બજેટનો મોટાભાગનો ખર્ચ મહેકમ પાછળ થાય છે. ત્યારે ધો.૯ અને ૧૦ના નવા વર્ગો જાે શરૂ કરવામાં આવે તો તેનો ખર્ચ કોણ ભોગવશે? મેયરને નીચા જાેવાનું કરાવવા ખેલ કર્યો? મેયર કેયુર રોકડિયા જ્યારે શિક્ષણ સમિતિના ચેરમેન હતા ત્યારે તેમણે શિક્ષણમંત્રી સાથે સમિતિની શાળામાં ધો.૯ અને ૧૦ના વર્ગો શરૂ કરવા મૌખિક ચર્ચા કરી હતી. પરંતુ તે વખતે આર્થિક ભારણ વધશે તેમ કહીને ના પાડવામાં આવી હતી. ત્યારે તે વખતે તત્કાલીન ચેરમેન કેયુર રોકડિયા ના કરાવી શક્યા તે કર્યું તે બતાવી આપવા આ ખેલ કરાયો તેવી ચર્ચા ભાજપા મોરચે થઈ રહી છે. ચૂંટાયેલી પાંખના નેતાઓ તો ઠીક વોર્ડના મહામંત્રી જેવા પ્રમાણમાં નાના હોદ્દાના કાર્યકરો પણ હવે શહેર ભાજપા પ્રમુખ ડો. વિજય શાહની બાદબાકી કરવા માંડયા છે. એ જ બતાવે છે કે પાર્ટીને ‘હાઈજેક’ કરી હાવી થઈ જવાની ડો. વિજય શાહની કપટી નીતિ-રીતિથી પાર્ટીના સામાન્ય કાર્યકરો પણ કેટલાં કંટાળી ગયા છે. આવતીકાલે તા.૮મીના યોજાનાર ઉપરોકત કાર્યક્રમની આમંત્રણ પત્રિકામાં શહેર ભાજપા પ્રમુખ ડો. વિજય શાહનું નામોનિશાન નથી. ચાર દિવસથી આ પત્રિકાએ જગાવેલી ચર્ચાના કારણે આવતીકાલનો આ કાર્યક્રમ રદ કરાયો હોવાની વાતો સંભળાય છે. આથી આ કાર્યક્રમ અન્ય કોઈ વ્યાજબી કારણસર રદ કરાયો ? કે પછી પોતાનું નામ નહીં હોવાના કારણે છંછેડાઈને આ કાર્યક્રમ બંધ રખાવવાની ફરજ પડાઈ છે? આ સવાલ હાલ તો ભાજપામાં ચર્ચામાં કેન્દ્ર સ્થાને છે.

વડોદરા, તા. ૭સારવારના બહાને છોટાઉદેપુર સબ જેલમાંથી વડોદરાની એસએસજી હોસ્પિટલમાં આવ્યા બાદ સયાજીગંજ વિસ્તારની પુજા હોટેલમાં પત્ની અને પુત્રીને મળવા માટે જાપ્તાના પીએસઆઈ સાથે ગયેલો ખુંખાર કેદી અને હરજાણી ગેંગનો શાર્પશુટર અનિલ ગંગવાણી ઉર્ફ એન્થોની પોલીસને ચકમો આપી પરિવાર સાથે ફરાર થવાના બનાવમાં સયાજીગંજ પોલીસે એન્થોની તેમજ જાપ્તાના પીએસઆઈ સહિત ૮ સામે ગુનો નોંધ્યો હતો. દરમિયાન આ બનાવની તપાસમાં જાેડાયેલી ક્રાઈમ બ્રાન્ચની ટીમની તપાસમાં એન્થોની પરિવારને અજ્ઞાત સ્થળે છોડ્યા બાદ તેના સાગરીત સાથે બાઈક પર ફતેગંજથી હરણીરોડ પર ગયા બાદ હાલોલ તરફ ફરાર થયાના સગડ મળતા પોલીસે તે દિશામાં તપાસ શરૂ કરી છે. ખેડુતને ચુકવણી માટે નકલી ચલણી નોટો આપી તેમજ મારી નાખવાની ધમકી આપવાના ગુનામાં છોટાઉદેપુર પોલીસે મુકેશ હરજાણી ગેંગનો શાર્પશુટર અને ખુંખાર આરોપી અનિલ ઉર્ફ એન્થોની મુલચંદ ગંગવાણીની ધરપકડ કરી તેને છોટાઉદેપુરની સબ જેલમાં મુક્યો હતો. એન્થોનીએ જેલમાંથી ભાગી જવા માટે સાગરીતો સાથે કાવત્રુ ઘડ્યું હતું જે મુજબ તે ગઈ કાલે જેલના અન્ય બે કેદીઓ સાથે છોટાઉદેપુર પોલીસ હેડક્વાટર્સના પોલીસ જવાનોના જાપ્તા હેઠળ વડોદરાની સયાજી હોસ્પિટલમાં સારવાર માટે આવ્યો હતો. જાેકે હોસ્પિટલમાં ડોક્ટરોએ તેને ૧૧મી તારીખે આવવાનું કહેતા તેણે જાપ્તાના પીએસઆઈ ડામોર સાથે ગોઠવણ કરી હતી અને પોતાની પુત્રી અને પત્નીને મળવા માટે પીએસઆઈ સાથે ખાનગી અર્ટીકા કારમાં સયાજીગંજની પુજા હોટલમાં ગયો હતો. હોટેલમાં તે પીએસઆઈ અને તેના સાગરીતો સાથે રૂમમાં બેઠો હતો જે દરમિયાન તેની પત્ની,બહેન અને પુત્રી પણ હોટલમાં આવતા એન્થોની હોટલની અન્ય ખાલી રૂમમાં તેઓને મળવા ગયો હતો અને તક મળતા જ પીએસઆઈની નજર ચુકવી તે પરિવાર સાથે ફરાર થયો હતો. આ સમગ્ર બનાવની છોટાઉદેપુર પોલીસ હેડક્વાટર્સના પીઆઈ આર.સી.રાઠવાએ સયાજીગંજ પોલીસ મથકમાં ફરિયાદ નોંધાવતા પોલીસે અનિલ ઉર્ફ એન્થોની ગંગવાણી, જાપ્તાના પીએસઆઈ જે.પી.ડામોર તેમજ એન્થોનીની પત્ની સુમનબેન, બહેન જયશ્રીબેન, અર્ટીકા કારનો ચાલક સાદીક મકરાણી, સન્ની પંચોલી તેમજ પુજા હોટલના મેનેજર સુનિલ પુજાભાઈ પરમાર અને હોટલનો રૂમ બોય મનિષ દિનેશ મેકવાન સામે પોલીસ જાપ્તામાંથી ફરાર થવાનો તેમજ કાવત્રુ ઘડીને પોલીસ જાપ્તામાંથી કેદીને ભગાડવામાં મદદગારી કરવાનો ગુનો નોંધ્યો હતો. આ બનાવમાં સયાજીગંજ પોલીસે જાપ્તાના પીએસઆઈ જે.પી.ડામોર તેમજ હોટલના મેનેજર અને રૂમબોય સહિત ત્રણેયની અટકાયત કરી હતી અને તેઓના આરટીપીસીઆર ટેસ્ટનો રિપોર્ટ નેગેટિવ આવતા મોડી સાંજે ત્રણેયની ધરપકડ કરાઈ હતી. બીજીતરફ આ કેસની તપાસમાં જાેડાયેલી ક્રાઈમ બ્રાન્ચને એવી ચોંકાવનારા પુરાવા મળ્યા છે કે એન્થોની તેના પરિવારને અજ્ઞાત સ્થળે મુકીને તેના સાગરીત સાથે બાઈક પર ફતેગંજથી હરણી તરફ ભાગ્યો છે. જાેકે તે હરણીથી હાલોલ-ગોધરા તરફ ગયો હોવાનું અનુમાન હોઈ પોલીસે તે દિશામાં પણ તપાસ હાથ ધરી તેના સાગરીતના સગડ મેળવવાના પ્રયાસો શરૂ કર્યા છે. એન્થોનીને રસ્તામાંથી જ ભગાડવાનો પ્લાન હતો ? એન્થોનીએ જાપ્તામાંથી ફરાર થવા માટે કંવાટમાં રહેતા મિત્ર સન્ની પંચોલી અને છોટાઉદેપુરમાં રહેતા કારચાલક સાદીક મકરાણી સાથે કાવત્રુ ઘડ્યું હતું અને તે મુજબ એન્થોની સબજેલમાંથી પોલીસ જાપ્તા હેઠળ સરકારી એમ્બ્યુલન્સમાં બેસતા જ સન્ની અને સાદીકે જીજે-૩૪-બી-૫૪૦૦ નંબરની અર્ટિકા કારમાં એમ્બ્યુલન્સનો પીછો કર્યો હતો. તેઓએ રસ્તામાં કોઈ હોટલ પર એમ્બ્યુલન્સ ચા-નાસ્તો કરવા ઉભી રહે તો ત્યાંથી જ એન્થોનીને ભગાડવાનો પ્લાન હતો તેવું મનાય છે પરંતું તેવી તક નહી મળતા તેઓએ પુજા હોટલ ખાતે એન્થોનીના પરિવારને બોલાવીને પ્લાનને સફળ બનાવ્યો હતો. એન્થોનીની બહેન જયશ્રીના ફરાર થવાની પતિને જાણ નથી એન્થોની અને અન્ય આરોપીઓને શોધવા માટે સયાજીગંજ પોલીસ ઉપરાંત ક્રાઈમ બ્રાન્ચ, એસઓજી અને પીસીબીની ટીમો બનાવીને તપાસ શરૂ કરાઈ છે. પોલીસ તપાસમાં એન્થોનીના હરણીરોડ પર સંવાદ ક્વાટર્સવાળું મકાન ગઈ કાલથી બંધ હોવાની તેમજ એન્થોનીની બહેન જયશ્રી જેની સાસરી ગોધરામાં છે પરંતું તે પણ કેટલાક સમયથી અત્રે એકલી રહેતી હોઈ અને તે વારંવાર મકાન બદલી નાખતી હોઈ તે છેલ્લે ક્યાં રહેતી હતી તેનું સરનામુ પોલીસને મળી શક્યું નથી. બીજીતરફ પોલીસે ગોધરામાં રહેતા જયશ્રીના પતિની પુછપરછ કરી હતી જેમાં પત્ની સાથે વિખવાદ હોઈ તેની પત્ની હાલમાં ક્યાં છે તેની ખબર નથી તેમ જણાવ્યું હતું. અર્ટિકા કાર સયાજીમાં બિનવારસી મળી એન્થોની સયાજી હોસ્પિટલમાંથી જાપ્તાના પીએસઆઈ અને તેના બે સાગરિતો સાથે અર્ટીકા કારમાં પુજા હોટલમાં ગયો હતો પરંતું ત્યાંથી તે ફરાર થઈ જતા જાપ્તાના પીએસઆઈ રાઠવા ગુંચવાયા હતા અને તે તુરંત આ જ કારમાં સયાજી હોસ્પિટલમાં દોડી ગયા હતા. જાેકે તેમને સયાજી હોસ્પિટલમાં છોડ્યા બાદ કારચાલક સહિત બંને સાગરીતો પણ કારને સયાજી હોસ્પિટલમાં છોડીને ફરાર થયા હતા. આ કાર આજે બિનવારસી હાલતમાં મળતા તેને ક્રાઈમ બ્રાન્ચે આજે કબજે કરી હતી. પીએસઆઈ રાઠવા અગાઉ પણ પૂજા હોટલમાં રોકાયેલા એન્થોનીને સહિસલામત રીતે ભગાડવામાં જેમનો સિંહફાળો છે તે જાપ્તાના પીએસઆઈ જયંતિભાઈ પુજાભાઈ ડામોર છોટાઉદેપુર પોલીસ હેડક્વાટર્સમાં ફરજ બજાવતા હોઈ તે વારંવાર જાપ્તા લઈને વડોદરા આવે છે અને તે અગાઉ પણ જાપ્તો હોવા છતાં આરામના બહાને મોજમઝા કરવા માટે પુજા હોટલમાં આવતા હોવાની વિગતો પોલીસને સાંપડી છે. વારંવાર પુજા હોટલમાં આવતા હોઈ તેમની હોટલના મેનેજર સાથે ઘનિષ્ટ મિત્રતા છે.

વડોદરા, તા. ૬કુખ્યાત મુકેશ હરજાણી ગેંગનો એક સમયનો શાર્પશુટર ખુંખાર આરોપી અનિલ ગંગવાણી ઉર્ફ એન્થોનીને છોટાઉદેપુર પોલીસ જાપ્તા હેઠળ વડોદરાની સયાજી હોસ્પિટલમાં લાવ્યા બાદ તેને નિયમો નેવે મુકીને સયાજીગંજની એક હોટલમાં હાથકડી બાંધ્યા વિના જ લઈ ગઈ હતી જયાં તક મળતા જ એન્થોની તેને મળવા માટે આવેલી બે મહિલાની મદદથી પોલીસને ચકમો આપીને ફરાર થઈ જતા ચકચાર મચી છે. છોટાઉદેપુર પોલીસે શરૂઆતમાં એન્થોની દવાખાનામાંથી પોલીસ જાપ્તામાંથી ભાગી ગયાની ખોટી વાત જણાવી હતી પરંતું મોડી સાંજે તે હોટલમાંથી ફરાર થયાની વિગતો સપાટી પર આવતા જાપ્તાના પીએસઆઈ સહિતના છોટાઉદેપુરના જાપ્તાના પોલીસ જવાનોની પોલીસે અટકાયત કરી ફરાર આરોપી એન્થોનીની શોધખોળ શરૂ કરી છે. વડોદરા સહિત રાજ્યભરમાં હાહાકાર મચાવનાર કુખ્યાત ગેંગસ્ટર મુકેશ હરજાણીનો એક સમયનો સાગરીત શાર્પશુટર અનિલ ગંગવાણી ઉર્ફ એન્થોની (સવાંદ ક્વાટર્સ, હરણીરોડ)એ થોડાક સમય અગાઉ છોટાઉદેપુરના કંવાટ સ્થિત પાનવડમાં રહેતા ખેડુત લાલીયા રાઠવાને તેનો કપાસ માર્કેટ રેટ કરતા વધુ ભાવે ખરીદવાની વાત કરી હતી અને પહેલા તેની પાસેથી કપાસ ખરીદ કરી ૫૦ હજાર ચુકવી તેને વિશ્વાસમાં લીધો હતો. ત્યારબાદ તેણે ખેડુત પાસેથી ત્રણ તબક્કામાં કપાસ ખરીદ્યો હતો અને જાતે પૈસા આપવા આવીશ તેમ કહી જાતે આવીને ખેડુતને ૫.૪૦ લાખ રોકડા આપ્યા હતા. જાેકે એન્થોનીએ આપેલા તમામ નાણાં ડુપ્લીકેટ ચલણી નોટો હોવાની જાણ થતાં ખેડુતે એન્થોનીનો સંપર્ક કર્યો હતો પરંતું એન્થોનીએ તેને ખોટા કેસમાં ફસાવી દેવાની અને મારી નાખવાની ધમકી આપતા ખેડુતે એન્થોની વિરુધ્ધ પાનવડ પોલીસ મથકમાં બોગસ ચલણી નોટો અને ધમકીની ફરિયાદ નોંધાવી હતી. આ ગુનામાં છોટાઉદેપુર પોલીસે એન્થોનીની ધરપકડ કરી તેને છોટાઉદેપુરની સબ જેલમાં મોકલી આપ્યો હતો. છોટાઉદેપુર પોલીસે આજે એન્થોની સાથે સબ જેલમાં હત્યા અને બળાત્કારના ગુનાના કેદ કુલ ત્રણ આરોપીઓને પીએસઆઈ સહિતના પોલીસ જાપ્તા સાથે વડોદરાની સયાજી હોસ્પિટલમાં સારવાર માટે ખાનગી ગાડીમાં લાવી હતી. બપોરે હોસ્પિટલમાં બતાવ્યા બાદ છોટાઉદેપુર પોલીસ ભેદી સંજાેગોમાં એન્થોનીને હાથકડી વિના જ સયાજીગંજની પુજા હોટલમાં લઈ ગઈ હતી જયાં એન્થોનીને તેની બહેન અને પત્ની તેમજ પુત્રી મળવા આવી હોવાનું કહેવાય છે. જાેકે એન્થોનીએ જાપ્તાના પીએસઆઈ સહિત પોલીસ જવાનોને મહેમાનગતિ માનવા માટે હોટલની રૂમમાં લઈ ગયા બાદ તક મળતા જ એન્થોની તેને મળવા આવેલી મહિલાઓની મદદથી પોલીસ જવાનોને ચકમો આપી ફરાર થયો હતો. એન્થોની ફરાર થતા જ જાપ્તાના પોલીસ જવાનોએ હાંફળા ફાંફળા બની તેની શોધખોળ શરૂ કરી હતી પરંતું તેનો પત્તો નહી લાગતા આખરે જાપ્તાના પીએસઆઈએ એન્થોની હોસ્પિટલમાંથી ફરાર થયાની બોગસ વાત જાહેર કરતા એસીપી મેઘા તેવર સહિતના સ્ટાફે હોસ્પિટલ અને હોટલમાં તપાસ કરી હતી અને જાપ્તાના પીએસઆઈ અને પોલીસ જવાનોને રાવપુરા પોલીસ મથકમાં બેસાડી દીધા હતા. જાેકે પુજા હોટલના સીસીટીવી કેમેરાના ફુટેજની ચકાસણીમાં એન્થોની હોટલમાંથી ફરાર થયાનું સપાટી પર આવતા અને આ બનાવ સયાજીગંજ પોલીસ મથકની હદમાં બન્યો હોવાની ખાત્રી થતાં રાત્રે જાપ્તાના પીએસઆઈ અને સ્ટાફને સયાજીગંજ પોલીસ મથકમાં મોકલી આ બનાવની સયાજીગંજ પોલીસ મથકમાં ફરિયાદ નોંધાવવાની તજવીજ શરૂ કરાઈ છે. પૂજા હોટલમાં અનેક પોલીસ જવાનો મહેમાનગતિ માણે છે એન્થોની આજે બપોરે સયાજીગંજની જે હોટલમાંથી ફરાર થયો તે પુજા હોટલમાં મોટાભાગના પોલીસ જવાનો સાથે રીઢા આરોપીઓની પણ સતત અવરજવર થતી હોવાનું કહેવાય છે. આ હોટલમાં બેથી ત્રણ કલાકના રોકાણ કરવા માટે આવતા યુગલોની પણ માનીતી હોવાનું કહેવાય છે. એટલું જ નહી પોલીસ તંત્ર જાે આ હોટલના છેલ્લા એક માસના સીસીટીવી કેમેરાના ફુટેજ કાઢશે તો એન્થોની ઉપરાંત શંકાસ્પદ યુગલો તેમજ પોલીસ જવાનો આ હોટલમાં આવ્યા હોવાની પણ ચોંકાવનારી વિગતો સપાટી પર આવશે. ૨૦૨૦માં એન્થોની સિટી પોલીસના જાપ્તામાંથી પણ ફરાર થયેલો ખુંખાર આરોપી એન્થોની ગત ૨૦૨૦માં પણ સિટી પોલીસના જાપ્તાને ચકમો આપીને ફરાર થયો હતો પરંતું પોલીસે તેની ઘનિષ્ટ શોધખોળ આદરતા તે ગણતરીના કલાકમાં ઝડપાયો હતો. એન્થોની પોલીસ જાપ્તામાંથી ભાગવાની ટેવવાળો હોવા છતાં છોટાઉદેપુર પોલીસે તેને આજે હોટલમાં હાથકડી વિના જ લઈ ગઈ હતી અને તેનો લાભ લઈ એન્થોની આજે ફરી પોલીસ જાપ્તામાથી ફરાર થયો હતો. એન્થોનીની ૧૨થી વધુ ગંભીર ગુનામાં સંડોવણી હરણીરોડ પર સંવાદ ક્વાટર્સમાં રહેતો એન્થોની શાર્પશુટર છે તેમજ તેની વિરુધ્ધ લુંટ, ફાયરીંગ, ધમકી અને દારૂબંધીના બારથી વધુ ગુના નોંધાયેલા છે. પહેલા તે મુકેશ હરજાણીનો સાગરીત હતો અને મુકેશના ઈશારે ગંભીર ગુનાઓ આચરતો હતો પરંતું ત્યારબાદ તેને મુકેશ હરજાણી સાથે વિવાદ થતાં તે મુકેશ હરજાણીનો દુશ્મન બન્યો હતો. ગત ૨૦૧૬માં થયેલી મુકેશ હરજાણીની હત્યાનો ખુદ તેને પ્લાન બનાવ્યો હતો તેમજ મુકેશ હરજાણીની હત્યા માટે તે જે તે સમયે તેની સાથે અન્ય બે શાર્પશુટરને પણ લઈ આવ્યો હતો.

વડોદરા, તા.૬એમ.એસ. યુનિવર્સિટીની ફાઈન આર્ટસ ફેકલ્ટીમાં હિન્દુ દેવી-દેવતાઓના વાંધાજનક આર્ટવર્ક અને મહિલાઓના ન્યુડ ચિત્રોના વિવાદને લઈને માહોલ તંગ બન્યો છે. જાે કે, આ વિવાદ બાદ ફાઈન આર્ટસ ફેકલ્ટીના મેઈન ગેટને તાળાં મારીને ફેકલ્ટી બંધ કરી દેવામાં આવી છે. તો બીજી તરફ આ સંદર્ભે ફરી એકવાર ભાજપા સંકલન અને ટીમ એમએસયુ સામ-સામે આવી ગયા હોવાનું જાણવા મળે છે. વાંધાજનક આર્ટવર્કને લઈને ગુરુવારે વિવાદ વકર્યો હતો. ત્યારે બુધવારે રાત્રે ફેકલ્ટીના દરવાજા ખોલીને ફોટા કોણે વાયરલ કર્યા? તે અંગે પણ ચર્ચા યુનિ. વર્તુળોમાં થઈ રહી છે. વડોદરા શહેરની એમ.એસ. યુનિવર્સિટીમાં હિન્દુ દેવી-દેવતાઓના વાંધાજનક આર્ટવર્કના વિવાદને લઈ વિદ્યાર્થીઓ અન્ય સંગઠનો વિરોધ પ્રદર્શનો ન કરે અને સુરક્ષા જળવાઈ રહે તે માટે ફાઈન આર્ટ્‌સ ફેકલ્ટીના મેઇન ગેટને તાળાં મારી ફેકલ્ટી બંધ કરી દેવામાં આવી છે. વડોદરાની એમ.એસ. યુનિવર્સિટીમાં આવેલી ફાઇન આર્ટ્‌સ ફેકલ્ટીમાં એક વિદ્યાર્થીએ પરીક્ષાના એન્યુઅલ પેઇન્ટિંગ એક્ઝિબિશનમાં પેપર કટિંગ દ્વારા હિન્દુ દેવી-દેવતાઓના આર્ટ તૈયાર કર્યાં હતા. પેપર કટિંગમાંથી હિન્દુ દેવી-દેવતાઓના ચિત્રો બનાવવામાં આવ્યા હતા, જેને લઇને વિવાદ સર્જાયો છે. હિન્દુ દેવી-દેવતાઓના પેપર કટિંગમાંથી બનાવેલા ચિત્રો દુષ્કર્મના સમાચારોને લઈને વિવાદ સર્જાયો છે અને હિન્દુઓની લાગણી દુભાઈ હોવાની વાતને લઇને હોબાળો મચ્યો હતો. આ ઉપરાંત મહિલાઓના ન્યૂડ ચિત્રો પણ બનાવ્યા છે, વિવાદ વધતાં સમગ્ર આર્ટ એક્ઝિબિશન બંધ કરી દેવાયું હતું. જાે કે, આ વિવાદમાં ફરી એક વખત ભાજપ સંકલન સમિતિ અને ટીમ એમએસયુ સામ-સામે આવી ગયા છે. જ્યારે આ વિવાદ બાદ ડીનના રાજીનામાની માગણી કરાઈ રહી છે અને ડીન ટીમ એમએસયુના નિકટના હોવાનું કહેવાય છે. જાે કે, વિવાદ વધુ વકરે તે પૂર્વે યુનિ.સત્તાઘીશો દ્વારા કમિટી બનાવી ફેકલ્ટી બે દિવસ માટે બંઘ કરી દેવાઈ છે. જે પ્રદર્શનમાં ફોટા નથી છતાં પ્રદર્શનના નામે વિવાદ કોણે ઊભો કર્યો? ફાઈન આર્ટસ ફેકલ્ટીમાં સર્જાયેલા વિવાદ અંગે ફોટા વાયરલ થયા અને તેને લઈને વિવાદ સર્જાયો તે આર્ટવર્ક ફાઈનલ યરના કોઈ વિદ્યાર્થીએ બનાવ્યું ન હોવાનું તેમજ આ આર્ટવર્ક એક્ઝિબિશનમાં મુકાયા ન હતા તેવું ચર્ચાઈ રહ્યું છે. ત્યારે જે પ્રદર્શનમાં વિવાદીત આર્ટવર્ક નથી છતાં પ્રદર્શનના નામે વિવાદ ઊભો કોણે કર્યો? તેવી ચર્ચા પણ યુનિ. વર્તુળોમાં થઈ રહી છે. સમગ્ર ઘટનાની તપાસ માટે ફેક્ટ ફાઇડિંગ કમિટીની રચના કરાઇ વડોદરામાં ફાઇન આર્ટસ્‌ ફેકલ્ટીના વિદ્યાર્થી દ્વારા પેપર કટિંગમાંથી દુષ્કર્મના સમાચારો કટિંગ કરી તેનાથી બનાવવામાં આવેલ હિન્દુ દેવી-દેવતાઓના ચિત્રોનો વિવાદ વકર્યા બાદ એમ.એસ. યુનિવર્સિટી દ્વારા એક ફેક્ટ ફાઇન્ડિંગ કમિટી બનાવવામાં આવી છે. જેમાં યુનિવર્સિટીની વિવિધ ફેકલ્ટીના ડીન અને સિન્ડિકેટ મેમ્બરને સામેલ કરવામાં આવ્યા છે. આ કમિટી સમગ્ર મામલે તપાસ કરી પોતાનો રિપોર્ટ વાઇસ ચાન્સેલરને સબમિટ કરશે. ફરિયાદ કરવાની મંજૂરી વી.સી.એ કેમ ના આપી? ફાઈન આર્ટસમાં એક્ઝિબિશનમાં હિન્દુ દેવી-દેવતાઓના વાંધાજનક આર્ટવર્કને લઈને વિવાદ ઊભો થયો હતો. જાે કે, આ આર્ટવર્કના ફોટા સોશિયલ મીડિયામાં વાયરલ થતાં આ વિવાદ સર્જાયો હોવાનું કહેવાય છે. સમગ્ર વિવાદની તપાસ માટે સાયબર ક્રાઈમમાં પોલીસ ફરિયાદ કરવાની મંજૂરી યુનિવર્સિટીના વાઈસ ચાન્સેલરે કેમ ના આપી? તેને લઈને પણ અનેક તર્કવિતક સર્જાયા છે. કોણ કોણ છે સમિતિમાં? પ્રો. સી.એન.મૂર્તિ ટેકનોલોજી ફેકલ્ટીના ડીન, કન્વીનર પ્રો. કેતન ઉપાધ્યાય, કોમર્સ ફેક્લટીના ડીન, પ્રો.ભાવના મહેતા, સોશિયલ વર્ક ફેકલ્ટીના ડીન, પ્રો. હરિ કટારિયા, સાયન્સ ફેકલ્ટીના ડીન, ડૉ.વી.એચ. ખેર, સિન્ડિકેટ મેમ્બર, ડૉ. ચેતન સોમાણી, સિન્ડિકેટ મેમ્બર, જિગ્નેશ શાહ, સેનેટ મેમ્બર, પ્રો. અંબિકા પટેલ, ફેકલ્ટી ઓફ ફાઇન આર્ટ્‌સ, ડૉ. મયંક વ્યાસ, જાેઇન્ટ રજિસ્ટ્રાર.

વડોદરા, તા.૬સુરત જિલ્લાના કામરેજ તાલુકાના લસકાણ ગામેથી આઈશર ટેમ્પોમાં ગેરકાયદે ૮ ભેંસો અને એક પાડો મળી ૯ જેટલા ઢોરોને મુશ્કેટાટ બાંધી તેમજ કોઈ ઘાસચારો કે ખોરાકની વ્યવસ્થા વગર જતા ટેમ્પોચાલકને જીએસપીસીએના સેક્રેટરી અને તેમની ટીમે કપુરાઈ ચોકડી બ્રિજ પાસેથી ઝડપી પાડી પશુઓ સહિત કુલ રૂા.૧.૬૪ લાખનો મુદ્‌ામાલ કબજે કરી ટેમ્પોચાલક વિરુદ્ધ પોલીસ મથકમાં ફરિયાદ નોંધાવી હતી. આ સમગ્ર બનાવની વિગત મુજબ દેવભૂમિ દ્વારકા જિલ્લાના ભાણવડ તાલુકાના ચોખંડા ગામે રહેતો કરશન નારણભાઈ આહિર સુરતના લસકાણા ગામેથી જગાભાઈ બાબુભાઈ ગોજિયા ભેંસો ભરીને તેમના સુરત ખાતે આવેલ તબેલામાં લઈ જતો હતો. જાે કે, આ બનાવની બાતમી જીએસપીસીએના સેક્રેટરી નેહા પટેલને મળી હતી. ઢોરોને કતલખાને લઈ જવામાં આવી રહ્યા છે જેથી નેહા પટેલે તેમની ટીમને જાણ કરી હતી. જેથી તેઓ તેમની ટીમને લઈને નેશનલ હાઈવે કપુરાઈ ચોકડી બ્રિજ પાસે ઢોર ભરેલ ઊભેલા ટેમ્પોને રાઉન્ડઅપ કરી તેની તલાશી લીધી હતી જેમાં ટેમ્પોમાં ૮ ભેંસો અને ૧ પાડો મુશ્કેટાટ બાંધેલા જણાઈ આવ્યા હતા. એટલું જ નહીં, આ ઢોરો માટે ખોરાક-ઘાસચારો, પાણી જેવી સુવિધાઓ ન હતી. તદ્‌ઉપરાંત ટેમ્પોચાલક કરશન આહિર પાસે કોઈ પરમિશન પણ ન હતી, જેથી ટેમ્પોચાલકની અટકાયત કરી જીએસપીસીએના વિહા ભરવાડે વાડી પોલીસ મથકે ફરિયાદ નોંધાવી હતી અને ઢોર સહિત કુલ રૂા.૧.૬૪ લાખનો મુદ્‌ામાલ જપ્ત કરી ઢોરોને પાંજરાપોળમાં મોકલી આપવામાં આવ્યા હતા.

વડોદરા, તા.૬વડોદરા શહેરની મધ્યમાં આવેલી જ્યુબિલીબાગમાં કોઈપણ પરવાનગી વગર ખાડો ખોદીને દુકાન વધારવાના પ્રયાસમાં દુકાનદારે ખોદેલો ખાડો પૂરવાની શરૂઆત કરી હતી. પરંતુ બીજી તરફ જ્યુબિલીબાગ વેચવાનું કૌભાંડ પણ દાટી દેવાયું? તેવી ચર્ચા પાલિકાની લૉબીમાં શરૂ થઈ છે. વડોદરા કોર્પોરેશને ભાડાપટ્ટે આપેલી દુકાનો પૈકીના દુકાનદારે જ્યુબિલીબાગ પાછળના ભાગે કોઈપણ પરવાનગી વગર ખાડો ખોદીને દુકાનને ગેરકાયદે વધારવાનો પ્રયાસ કર્યો હતો. આ સંદર્ભે એક સ્થાનિક કાઉન્સિલર અને શિક્ષણ સમિતિના એક સભ્યએ મેયરનું ધ્યાન પણ દોર્યું હતું. જાે કે, બગીચામાં મંજૂરી વગર ગેરકાયદે ખોદાયેલા ખાડા સંદર્ભે સ્થાયી સમિતિના એક સભ્યએ રૂા.રપ લાખ લઈને ખેલ કર્યો હોવાની વાતને લઈને ખળભળાટ મચી ગયો હતો. જાે કે, બારોબાર ખાડો ખોદીને બાંધકામના પ્રયાસનો વિવાદ વકરતાં કામગીરી બંધ કરાવવામાં આવી હતી અને પાલિકાના પાર્કસ એન્ડ ગાર્ડન વિભાગે ખાડો ખોદનાર દુકાનદારને નોટિસ આપી રૂા.પ૦,૦૦૦ દંડ કરવાની સથે જગ્યાને મૂળ અવસ્થામાં ફરીથી રિસ્ટોરેશન કરી આપવા સૂચના આપી હતી. પરંતુ બીજી તરફ પાલિકાની બગીચાની જગ્યામાં ગેરકાયદે ખોદકામથી મેયર, સ્થાયી સમિતિના ચેરમેન સહિતના નેતાઓ વાકેફ હોવા છતાં પડદો કેમ પડયો? તેવી ચર્ચાઓ પણ થઈ રહી છે. જાે કે, આખરે બગીચામાં મંજૂરી વગર ખોદાયેલ ખાડો રોડા-છારુ નાખીને ફરી પૂરવાની કામગીરી શરૂ કરવામાં આવી હતી. આ સાથે જ્યુબિલીબાગ વેચવાનું કૌભાંડ પણ દાટી દેવાયું હોવાની ચર્ચા હવે પાલિકાની લૉબીમાં થઈ રહી છે. મેયર ગંભીર પ્રકરણમાં પગલાં લેતા કેમ ખચકાય છે? લહેરીપુરા ગેટના રિપેરિંગ સંદર્ભે આર્કિયોલોજિકલ સર્વે ઓફ ઈન્ડિયાને પત્ર લખી ફોજદારી રાહે પગલાં લેવાની ચીમકી આપનાર મેયર જ્યુબિલીબાગમાં ગેરકાયદે ખોદકામના આ કિસ્સામાં પગલાં લેતાં કેમ ખચકાય છે? કોર્પોરેશનની મિલકતોની જાળવણીની પાલિકાના ટ્રસ્ટી તરીકે ચૂંટાયેલા પ્રતિનિધિઓની જવાબદારી છે તેવી ચર્ચાઓ પણ હવે થઈ રહી છે.

ગાંધીનગર, જીએસપીસી દ્વારા અમદાવાદ, વડોદરા અને સુરત વહીવટી તંત્રને અગ્નિ શમન સહિતની જાેખમી કામગીરીમાં તેમજ પહાડ કે છીછરા પાણીમાં જઈને કામગીરી કરી શકે તેવા રોબોટ્‌સ ફાળવવામાં આવ્યા છે. આ ઉપરાંત નર્મદા અને દાહોદ જિલ્લાને એમ્બ્યુલન્સ પણ ફાળવવામાં આવી છે. ગુજરાત સ્ટેટ પેટ્રોલિયમ કોર્પોરેશન સમર્થિત સીએસઆર પ્રોજેક્ટ્‌સની એસેટ્‌સ એવા ત્રણ ફાયર ફાઇટિંગ રોબોટ તેમજ બે એમ્બ્યુલન્સને રાજ્યના ઊર્જા અને પેટ્રોલિયમ મંત્રી કનુભાઈ દેસાઈની ઉપસ્થિતિમાં સંબંધિત પાંચ જિલ્લાના વહીવટીતંત્રને સોંપાયા હતા. ઊર્જા અને પેટ્રોલિયમ મંત્રી કનુ દેસાઈએ જીએસપીસી દ્વારા કરાતી આ કામગીરીને બિરદાવીને જણાવ્યું હતું કે, જીએસપીસી ફક્ત એક જ ક્ષેત્રમાં નહીં, પરંતુ વિવિધ ક્ષેત્રોમાં ટીમવર્ક અને કો-ઓર્ડિનેશન સાથે પ્રશંસનિય કામગીરી કરી રહ્યું છે. જેના પરિણામે આ ત્રણ ફાયર ફાઇટિંગ રોબોટ તેમજ બે એમ્બ્યુલન્સને સંબંધિત જિલ્લા વહીવટી તંત્રને સોંપણી કરવું શક્ય બન્યું છે. આ વેળાએ મંત્રીએ આ રોબોટ્‌સ કઈ રીતે કાર્ય કરે છે તેનું લાઈવ પ્રેઝન્ટેશન નિહાળીને ત્રણેય રોબોટ્‌સને અમદાવાદ, સુરત તેમજ વડોદરા ખાતે ફાળવ્યા હતા. જ્યારે નર્મદા અને દાહોદ જિલ્લાના ગ્રામ્ય વિસ્તારોમાં પ્રાથમિક આરોગ્ય સુવિધાઓ પૂરી પાડવાના ઉદ્દેશથી બે ટાઇપ-ડી એમ્બ્યુલન્સ પૂરી પડાઈ છે. અત્રે એ ઉલ્લેખનીય છે કે, ય્જીઁઝ્રએ બે પ્રોજેક્ટ્‌સ માટે ય્જીઝ્રઇછ સાથે ભાગીદારી કરી છે. જેના પ્રથમ પ્રોજેક્ટ અંતર્ગત ગ્રામીણ વિસ્તારની કટોકટીની જરૂરિયાતને પહોંચી વળવા તેમજ નર્મદા અને દાહોદના ગ્રામ્ય વિસ્તારોમાં પ્રાથમિક આરોગ્ય સુવિધાઓ પૂરી પાડવાના ઉદ્દેશથી બે ટાઇપ-ડી એમ્બ્યુલન્સ અપાઈ છે. બીજા પ્રોજેક્ટમાં ત્રણ મિનિમાઇઝ્‌ડ અને કન્વિનિયન્ટ ક્રાઇસિસ રિસ્પોન્ડર રોબોટ્‌સ એટલે કે ન્યૂનતમ અને કટોકટીના સમય માટે અનુકૂળ પ્રતિક્રિયા આપતા રોબોટ્‌સ અપાયા છે.

વડોદરા, તા.૫વડોદરા મ્યુનિસિપલ કોર્પોેરેશન સંચાલિત નગર પ્રાથમિક શિક્ષણ સમિતિની કચેરી ખાતે ગઈકાલે ધો.૯ અને ૧૦માં સમિતિના ૪ હજાર બાળકોના પ્રવેશની સમસ્યા બાબતે શહેર ભાજપા પ્રમુખની આગેવાનીમાં એક બેઠક યોજાઈ હતી. ત્યારે કોર્પોરેશન બાદ હવે શહેર ભાજપા પ્રમુખ ડો. વિજય શાહે ચંચુપાત કરવાની શરૂઆત કરી તેવી ચર્ચા ભાજપાવર્તુળોમાં જ શરૂ થઈ છે. તો બીજી તરફ કોંગ્રેસે પણ આ મામલે વિરોધ કરી મેયર અને મ્યુનિ. કમિશનરને રજૂઆત કરી હતી. નગર પ્રાથમિક શિક્ષણ સમિતિની કચેરીમાં બુધવારે ધો.૮માં ઉત્તીર્ણ થયેલા સમિતિના ૪ હજાર જેટલા વિદ્યાર્થીઓને ધો.૯માં પ્રવેશની સમસ્યા કે આ વિદ્યાર્થીઓને અન્ય કોઈ ટેકનિકલ વિષયમાં રસ હોય તો ત્યાં પ્રવેશ મળી શકે તે માટે એક ડેટા તૈયાર કરવા માટે અને સમીક્ષા કરવા માટે એક બેઠક યોજાઈ હતી. જેમાં શહેર ભાજપા પ્રમુખ ડો. વિજય શાહ, શિક્ષણ સમિતિના અધ્યક્ષ, ઉપાધ્યક્ષ સહિત તમામ સભ્યો અને સમિતિના સંબંધિત અધિકારીઓ ઉપસ્થિત રહ્યા હતા. આ બેઠકમાં શહેર ભાજપાના એક મહામંત્રી પણ ઉપસ્થિત રહ્યા હતા. ત્યારે શું શહેર ભાજપા પ્રમુખ ડો. વિજય શાહને કોર્પોરેશનમાં ફાવટ નહીં આવતાં કોર્પોરેશનના વહીવટ બાદ શું હવે નગર પ્રાથમિક શિક્ષણ સમિતિમાં પણ ચંચુપાત કરવાની શરૂઆત કરી છે? તેવી ચર્ચાઓ ભાજપાવર્તુળોમાં શરૂ થઈ રહી છે. તો બીજી તરફ કોંગ્રેસે આવેદનપત્ર આપીને બાળકોને ધો.૯ અને ૧૦માં પ્રવેશની સમસ્યા બાબતે કોર્પોરેશનના સત્તાધીશો દ્વારા કોઈ મિટિંગ કે વિરોધ પક્ષ કોંગ્રેસ સાથે ચર્ચા કરી નથી. ત્યારે ભાજપા પ્રમુખ ડો. વિજય શાહ સમિતિની સત્તાવાર બેઠક બોલાવે અને મેયર, મ્યુનિ. કમિશનર, કોંગ્રેસ પક્ષના નેતાને બોલાવતા નથી. શું તેમની પાસે એવી કઈ સત્તા છે કે તેઓ કોઈ નીતિવિષયક નિર્ણય લઈ શકે? રાજકીય પક્ષના પ્રમુખે કોર્પોરેશનના કયા હોદ્દાની રૂએ સત્તાવાર મિટિંગ લીધી? તેમ કહ્યું હતું. સમિતિની શાળામાં ધો.૯ અને ૧૦ના વર્ગો શરૂ કરવા કોંગ્રેસની માગ વડોદરા શહેર કોંગ્રેસે મેયર, મ્યુનિ. કમિશનરને આવેદનપત્ર આપી જણાવ્યું હતું કે, નગર પ્રાથમિક શિક્ષણ સમિતિ સંચાલિત પ્રાથમિક શાળાઓમાંથી આગામી ગણતરીના દિવસોમાં ધો.૯ અને ૧૦ના ચાર હજાર બાળકોના વાલીઓ પ્રવેશની માગ સાથે ઊભા રહેશે અને પ્રવેશની આ સમસ્યા સર્જાશે. આર્થિક રીતે ખાનગી શાળાઓમાં ફીનું ધોરણ ઊંચું અને સાથે વર્ગોની સંખ્યા પણ મર્યાદિત હોવાથી વાલીઓ પોતાના બાળકો ધો.૭ પછી અભ્યાસ છોડાવી દે છે.વરસોથી માધ્યમિક વિભાગની શાળાની આવશ્યકતા અને તેની જરૂરિયાત પર ભાર કરવામાં આવી રહ્યો છે. પરંતુ એક યા અન્ય કારણોસર આ મુદ્દે ભાજપાના શાસકો નિર્ણય લઈ શકતા નથી. આ સંજાેગોમાં પ્રવેશની સમસ્યાના ઉકેલ માટે ધો.૯ અને ૧૦ની શાળા શરૂ કરવી પડશે. જાે તેમ કરવામાં નહીં આવે તો વાલીઓને નાછૂટકે ઊંચી ફી વસૂલતી ખાનગી શાળાનો આશરો લેવો પડશે, અન્યથા આર્થિક રીતે નબળા વાલીઓના મોટી સંખ્યામાં બાળકો અભ્યાસથી વંચિત રહી જવાની શક્યતા નકારી શકાતી નથી. સુરત-અમદાવાદમાં વરસોથી માધ્યમિક શાળાઓ ચાલી રહી છે. અમદાવાદ અને સુરત નગર પ્રાથમિક શિક્ષણ સમિતિ દ્વારા વરસોથી ધો.૮ બાદ ધો.૯ અને ૧૦ના વર્ગોનું સંચાલન કરવામાં આવી રહ્યું છે. વડોદરા નગર પ્રાથમિક શિક્ષણ સમિતિ આ બાબતે અમદાવાદ અને સુરતની તુલનામાં પાછળ છે. શહેરમાં પણ ધો.૯ અને ૧૦ના વર્ગોની શાળાઓ વહેલીતકે શરૂ કરવામાં આવે તેવી માગ કરી હતી.

વડોદરા, તા.૫વડોદરાની એમ.એસ.યુનિવર્સિટીની ફાઇન આર્ટ્‌સ ફેકલ્ટીમાં વિદ્યાર્થીઓએ પરીક્ષાના એન્યુઅલ પેઇન્ટિંગ એક્ઝિબિશનમાં પેપર કટિંગ દ્વારા હિન્દુ દેવી-દેવતાઓના ચિત્રો બનાવવામાં આવતા વિવાદ સર્જાયો હતો. એક વિદ્યાર્થીએ હિન્દુ દેવી-દેવતાઓના પેપર કટિંગમાંથી ચિત્ર બનાવ્યા હતા. જે પેપર કટિંગમાં દુષ્કર્મને લગતા સમાચારો હતા, જેથી હિન્દુ દેવી-દેવતાઓના પેપર કટિંગમાંથી બનાવેલા ચિત્રો દુષ્કર્મના સમાચારોને લઈને વિવાદ થયો છે અને હિન્દુઓની લાગણી દુભાઈ હોવાની વાતને લઇને હોબાળો મચ્યો છે. આ ઉપરાંત મહિલાઓના ન્યૂડ ચિત્રો પણ બનાવ્યા છે, વિવાદ વધતા સમગ્ર આર્ટ એક્ઝિબિશન બંધ કરી દેવાયું છે.  વિવાદ વધવાને કારણે એબીવીપી દ્વારા આવેદનપત્ર આપી અને આવા ચિત્ર બનાવનાર વિદ્યાર્થીને રસ્ટીકેટ કરવા તેમજ ફેકલ્ટીના ડીનને પણ હટાવવાની માંગ કરી હતી. વિદ્યાર્થીઓ વચ્ચે ઘર્ષણ ન થાય તે માટે સયાજીગંજ પોલીસ સ્ટેશન નો કાફલો પણ ફાઇન આર્ટ ફેકલ્ટી ખાતે ગોઠવી દેવામાં આવ્યો છે.એબીવીપીના કાર્યકરોએ અને વિદ્યાર્થીઓ એમ.એસ.યુનિવર્સિટીની ફેકલ્ટીના ડીનની ઓફિસમાં બેસી ગયા છે અને તેમને બહાર કાઢવા જાેઈએ તેવી માંગ કરી હતી.જાેકે, હિન્દુ દેવી દેવતાઓના બીભત્સ ચિત્રને લઈ વિવાદ વકરતા વરીષ્ઠ ઘારાશાસ્ત્રી નિરજ જૈન પણ ફેકલ્ટી ખાતે દોડી આવ્યા હતા અને અવાર નવાર થતા દેવી દેવતાઓના અપમાનને લઈ વિરોઘ પણ નોંઘાવ્યો હતો અનેર્ડક કાર્યવાહી કરવાની માંગ કરી હતી.જાેકે, એક તબક્કે ફેકલ્ટીના વિદ્યાર્થીઓ અને વિરોઘ કરી રહેલા વિઘ્યાર્થીઓ વચ્ચે ઘર્ષણ પણ સર્જાયુ હતુ.જાેકે, પોલીસે સમગ્ર મામલો થાળે પાડ્યો હતો. આ પહેલા પણ ફાઇન આર્ટ્‌સ ફેકલ્ટી સતત વિવાદોમાં રહી છે અને ફાઇન આર્ટ્‌સ ફેકલ્ટીમાં વિદ્યાર્થીઓએ પરીક્ષાના એન્યુઅલ પેઇન્ટિંગ એક્ઝિબિશનમાં મૂકાયેલા પેઇન્ટિંગ્સને લઇને વિવાદો સામે આવી ચૂક્યા છે. ભૂતકાળમાં ચંદ્રમોહન નામના આર્ટિસ્ટે હિન્દુ દેવી-દેવતાઓના અભદ્ર ચિત્રો અને મ્યુરલ બનાવ્યા હતા. તે સમયે પણ ફાઇન આર્ટ્‌સ ફેકલ્ટી ખુબ જ વિવાદમાં આવી હતી. ડીનના જવાબથી અસંતુષ્ટ વિદ્યાર્થી સંગઠન દ્વારા ડીનના રાજીનામાની માગણી ડીનના જવાબથી અસંતુષ્ટ વિદ્યાર્થીઓ દ્વારા ડીનની ઓફિસમાં તોડફોડ કરીને ડીનના રાજીનામાંની માગંણી કરી હતી. જાેકે વધુ ધર્ષણ થાય તે પૂર્વે જ પોલીસની ટીમ દ્વારા વિદ્યાર્થીઓને ફેકલ્ટીમાંથી બહાર કાઢી મુકવામાં આવ્યા હતા. જેથી સમગ્ર ફાઈનઆર્ટસ ફેકલ્ટી પોલીસની છાવણીમાં ફેરવાઈ ગયું હતું. . પોલીસની હાજરીમાં પત્રકારો પર હુમલોે કરવામાં આવ્યો ફાઈન આર્ટસ ફેકલ્ટીના વિદ્યાર્થીઓ દ્વારા તેમના કાર્યને છુપાવવા તેમજ રુમમાં જતા અટકાવવા માટે પોલીસના હાજરીમાં જ કેમરામેનનું કોલર પકડીને હુમલો કરવામાં આવ્યો હતો. તે સિવાય અસભ્ય વર્તન કરીને લાગણી દુભાવવામાં આવી હતી. આ પ્રકારનું કાર્ય અટકાવવા માટેનું જણાવતા ડીનનો ઉડાઉ જવાબ લાગણી દુભાય તેવું કાર્ય વિદ્યાર્થીઓ દ્વારા કરવામાં આવતું અટકાવવા માટે વિદ્યાર્થીને રસ્ટીકેટ કરવાની માંગ કરાતા ડીન દ્વારા ઉડાઉ જવાબ આપવામાં આવ્યા હતા. તે ઉપારાંત આવતીકાલે યોજાવનારુ પ્રદર્શન મોકૂફ રહેશે કે કેમ તેની પણ જાહેરાત કરવામાં આવી ન હતી.

વડોદરા, તા.૫વડોદરા શહેરની મધ્યમાં આવેલ જ્યુબિલીબાગમાં કોઈપણ પરવાનગી વગર ખાડો ખોદીને દુકાન વધારવાના પ્રયાસમાં સ્થાયી સમિતિના એક સભ્યે ગેરકાયદે થઈ રહેલા કામ માટે રૂા.૨૫ લાખ લઈને બારોબાર ખેલ કરાયાની વાતને લઈને ખળભળાટ મચી ગયો હતો. જાે કે, આ સમગ્ર કૌભાંડથી મેયર, સ્થાયી સમિતિના ચેરમેન સહિતના નેતાઓ વાકેફ હોવા છતાં પડદો કેમ પડયો? તે અંગે પાલિકાવર્તુળોમાં અનેક તર્કવિતર્ક સર્જાયાં છે. મળતી માહિતી અનુસાર કેટલાક દિવસો પૂર્વે કોર્પોરેશને જે ભાડાપટ્ટે દુકાનો આપેલી છે તે પૈકીના દુકાનદારે જ્યુબિલીબાગના પાછળના ભાગે કોઈપણ પરવાનગી વગર બારોબાર મસમોટો ખાડો ખોદીને ગેરકાયદે વધારવાનો પ્રયાસ કર્યો હતો. જાે કે, બગીચામાં મંજૂરી વગર ગેરકાયદે ખોદાયેલ ખાડા સંદર્ભે સ્થાયી સમિતિના એક સભ્યે રૂા.રપ લાખ લઈને બારોબાર ખેલ કર્યો હોવાની વાતને લઈને ખળભળાટ મચ્યો હતો. જ્યારે ગેરકાયદે થઈ રહેલી આ કામગીરીને કાયદેસર કરવા માટે વોર્ડના અધિકારીને ધમકાવીને રૂા.૭ લાખ પણ ભરાવી દીધા હોવાનું કહેવાય છે. જાે કે, આ સંદર્ભે સ્થાનિક કાઉન્સિલર અને શિક્ષણ સમિતિના એક સભ્યે સ્થાયી સમિતિના સભ્ય આવું કરી રહ્યા છે તેવી ફરિયાદ પણ કરી હોવાનું તેમજ મેયરે આ અંગેની જાણ થતાં જાહેરમાં આ સભ્યને ખખડાવ્યા હોવાનું પણ કહેવાય છે. પરંતુ સમગ્ર કૌભાંડની મેયર, સ્થાયી સમિતિના ચેરમેન સહિતના નેતાઓ વાકેફ હોવા છતાં પડદો કેમ પડયો? તે અંગેની ચર્ચા ભાજપા મોરચે અને પાલિકાની લોબીમાં થઈ રહી છે. ખોદકામ કરનાર દુકાનદારને રૂા.પ૦,૦૦૦નો દંડ ફટકરાયો જ્યુબિલીબાગના પાછળના ભાગે ગાર્ડનની જગ્યામાં નવીન સ્ટ્રકચર બાંધવા ખોદકામ કરતાં તેની તપાસ બાદ કામગીરી અટકાવવામાં આવી હતી. જ્યારે પાર્કસ એન્ડ ગાર્ડન વિભાગે દુકાનદારને મૂળ અવસ્થામાં ફરી રિસ્ટોરેશન કરી આપવાની નોટિસ સાથે રૂા.પ૦,૦૦૦નો દંડ પણ ફટકાર્યો હતો. જ્યારે આ પ્રકારના કૃત્યથી લેન્ડસ્લાઈડ કે અન્ય જાેખમ થશે તેની સંપૂર્ણ જવાબદારી રહેશે તેમ પણ નોટિસમાં જણાવ્યું હોવાનું જાણવા મળે છે. જ્યુબિલીબાગમાં ગેરકાયદે ખાડો ખોદનાર સામે ફોજદારી પગલાં લો ઃ ચંદ્રકાન્ત શ્રીવાસ્તવ પૂર્વ વિપક્ષના નેતા અને સિનિયર કાઉન્સિલર ચંદ્રકાન્ત શ્રીવાસ્તવે જ્યુબિલીબાગમાં બારોબાર ખાડો ખોદીને દુકાન વધારવાનો પ્રયાસ ગંભીર બાબત છે. આ સંદર્ભે મ્યુનિ. કમિશનરને પત્ર લખી આવા કિસ્સામાં દુકાનદાર અને અધિકારીઓ સામે પગલાં લેવામાં નહીં આવે તો આવા કૃત્યો ભવિષ્યમાં કરવાની હિંમત વધી જશે, જે કોર્પોરેશનના હિતમાં નથી. ત્યારે ફોજદારી રાહે પગલાં ભરવા, સાથે કોર્પોરેશનમાં ભરેલા ૭ લાખ રૂપિયા જપ્ત કરવા જાેઈએ. પાલિકામાં ભરેલા ૭ લાખ રૂપિયા કોર્પોરેશનમાંથી પરત અપાવવા રાજકીય દબાણ આવશે તેને વશ થયા વિના તે જપ્ત કરવા જાેઈએ. રૂા.ર લાખના દંડની વસૂલાત પણ તાત્કાલિક કરવી જાેઈએ. એટલું જ નહીં, જે અધિકારીએ આ મંજૂરી આપવાની ફાઈલ ચલાવીને મંજૂરી આપી છે ભલે એ વોર્ડ ઓફિસર હોય કે આસિ. મ્યુનિ. કમિશનર હોય તેમની સામે શિસ્તવિષયક ખાતાકીય કાર્યવાહી કરવાની માગણી કરી છે.

શહેરમાં મંગળવારના રોજ રમજાન ઇદ, અખાત્રીજ અને પરશુરામ જન્મજયંતીની કોમી એખલાસભર્યા વાતાવરણ વચ્ચે ઉજવણી કરવામાં આવી હતી.

રાજપીપળા-વડોદરા, તા.૩જુનાગઢના જાણીતા સંત ભારતીબાપુના અવસાન બાદ ભારતી બાપુના આશ્રમોની કરોડો રૂપિયાની જમીનના વિવાદમાં હરિફો દ્વારા બદનામ કરવાના પ્રયાસથી વ્યથિત થયેલા ભારતી બાપુના ઉત્તરાધિકારી હરિહરાનંદ સ્વામીજી વડોદરામાં હાઈવે પર ઉતર્યા બાદ ભેદી સંજાેગોમાં ગુમ થવાના બનાવની તપાસમાં હવે ક્રાઈમ બ્રાન્ચ પણ જાેડાઈ છે. ક્રાઈમ બ્રાન્ચ દ્વારા તપાસ હાથ ધરાતા હરિહરાનંદ સ્વામી હાઈવે પર વડોદરાથી સુરત તરફના માર્ગ પર એકલા ચાલતા નીકળ્યા હોવાના સીસીટીવી કેમેરેના ફુટેજ પોલીસને સાંપડ્યા હતા. જાેકે ત્યારબાદ અન્ય સ્થળના સીસીટીવી કેમેરાના ફુટેજમાં તેમના કોઈ સગડ નહી મળતા હરિહરાનંદ સ્વામી કોઈ વાહનમાં બેસીને આગળ રવાના થયા હોવાનું મનાય છે. નર્મદા જિલ્લાના ગરૂડેશ્વર તાલુકાના ગોરા ગામે નર્મદા કિનારે જાણીતા સંત મહામંડલેશ્વર ૧૦૦૮ પૂ.ભારતી બાપુનો આશ્રમ આવેલો છે.ભારતી બાપુની જૂનાગઢ, સરખેજ સહિત અનેક આશ્રમોની કરોડોની જમીનો અને સંપત્તિ છે. થોડા મહીનાઓ પહેલા ભારતી બાપુ બ્રહ્મલીન થયા બાદ તેમના આશ્રમો અને સંપત્તિનો વિવાદ થયો હતો.તેમના ઉત્તરાધિકારી તરીકે હરિહરાનંદ સ્વામીજીને જાહેર કરવામાં આવ્યા અને તેમના નામે વિલ કરાયા હોવાની વાત ચર્ચાઈ રહી હતી. પરંતુ પૂ.ભારતીબાપુ બ્રહ્મલીન થયા બાદ બોગસ વિલ કર્યુ હોવાનો કેટલાક લોકોએ કર્યો આક્ષેપ સાથે દાવો કર્યો હતો. જે બાબતે હરિહરાનંદજી ચિંતિત હતા અને દુઃખી હતા.આમ યેનકેન પ્રકારે કેટલાક લોકો હરિભક્તો તેમના પર કીચડ ઉછાડતા તેઓ ખૂબ દુઃખી થયા હોવાનું હરિભક્તોએ પણ જણાવ્યું હતું.ત્યારે આ વિવાદથી કંટાળીને સ્વામી હરિહરાનંદે એક વીડિયોના માધ્યમથી કહ્યું હતું કે હું બધું છોડીને નીકળી જાવ છું, આમ તેઓ છેલ્લાં ૩ દિવસથી લાપતા છે. કેટલાક હરિભક્તો તેમની શોધાખોળ કરી રહ્યા છે.જાેકે આ બાબતે કેટલાક અનુયાયીઓએ વડોદરા શહેરના વાડી પોલીસ સ્ટેશને ફરિયાદ નોંધાવી છે.પોલીસ પણ ગુમ હરિહરાનંદજીની શોધખોળ કરી રહી છે. સોમાનંદજીએ જણાવ્યું હતું કે પરમ પૂજ્ય બાપુ મહામંડલેશ્વર ૧૦૦૮ હરિહરાનંદજી બાપુ અહીંયા ૨૯ તારીખે સાંજે ૪ વાગે આવ્યા હતા.સવારના નાસ્તા બાદ ચકકર આવતા રિપોર્ટ કરાવવા અને દવા લેવા માટે તેઓ અમદાવાદ ગયા હતા. અમદાવાદથી નિકળી એમનું મન નર્મદામાં આવવાનુ હતું પરંતું તે વડોદરાના સેવક રાકેશ ડોડીયાને ઘરે ગયા હતા અને ત્યાં જમ્યા બાદ રાકેશને હાઈવે પર છોડવાનું કહ્યું હતું. રાકેશ તેમને હાઈવે પર કપુરાઈચોકડી પર ઉતારતા જ તેમણે રાકેશને તું હવે જા તેમ કહીને રવાના કર્યો હતો. જાેકે ત્યારબાદ તે હાઈવે પરથી જ ભેદી સંજાેગોમાં ગુમ થયા છે. હરિહરાનંદ સ્વામીને ખરેખરમાં ભારે માનસિક ત્રાસ આપી ટોર્ચરીંગ કરાતું હતું તેમજ ધાકધમકી પણ અપાતી હતી. આશ્રમની કરોડોની મિલકતને હડપવા કેટલાક લોકો ઋષિ ભારતીને સહયોગ આપે છે તો સરકારને મારી વિનંતિ છે આ બાબતે જવાબદાર વ્યકિતઓ વિરુધ્ધ કઠોર કાર્યવાહી કરવામાં આવે. આ બનાવની તપાસમાં જાેડાયેલી ક્રાઈમ બ્રાન્ચની ટીમ ગોરા આશ્રમ ખાતે પહોંચી હતી અને પોલીસે આશ્રમમાં હરિહરાનંદ સ્વામીના ડ્રાઈવર તેમજ અત્રે સ્વામી વડોદરામાં જે સેવકના ઘરે રોકાઈને જેની કારમાં હાઈવે પર ગયા હોઈ તે સેવક રાકેશની પણ પુછપરછ કરી હતી. પોલીસે હાઈવે પર આવેલી ક્રિષ્ણા હોટલ અને તેનાથી આગળ આશરે ૩૦૦ મીટરના અંતરે આવેલા એક મકાનના સીસીટીવી કેમેરાના ફુટેજ મેળવ્યા હતા જેમાં હરિહરાનંદ સ્વામી એકલા જ ચાલતા વડોદરાથી સુરત તરફ જતા નજરે ચઢ્યા હતા. ગુરુભાઈ ઋષિભારતીએ બોગસ વિલ બનાવ્યાનો આક્ષેપ આ ઘટના બાબતે નર્મદા જિલ્લાના ગોરા ખાતે ભારતી બાપુ આશ્રમમાં રહેતા સોમાનન્દજી આનંદ મહારાજે ચોંકાવનારો આક્ષેપ કરતા જણાવ્યું હતું કે કે ૨૦૨૧ માં જ્યારે ભારતી બાપુ દેવલોક પામ્યા ત્યારે જ પહેલા ફ્રોડ વિલ અમારા ગુરુભાઇ ઋષિ ભારતી બાપુએ બનાવ્યું હતું, પરંતુ ઓરીજનલ વિલ મહામંડલેશ્વર હરિહરાનંદ ભારતી બાપુના નામે છે. બાપુની આશ્રમની કરોડો રૂપિયાની જમીન મિલ્કતો પચાવી પાડવા માટે આ બોગસ બિલ બનાવવામાં આવ્યું છે. અમદાવાદ-જુનાગઢના સંતોને નિવેદન માટે તેડું આ બનાવની તપાસ કરતા ઈ-ડિવીઝનના એસીપી ગૈાતમ પલસાણાએ જણાવ્યું હતું કે પ્રાથમિક તપાસમ આશ્રમના કરોડો રૂપિયાની મિલકતનો વિવાદ અને બોગસ વિલની વાત સપાટી પર આવતા આ બાબતે પોલીસે જુનાગઢ તેમજ અમદાવાદ ખાતે આવેલા ભારતી બાપુના આશ્રમનો સંચાલકો અને સંતો તેમજ હરિહરાનંદ સ્વામી સાથે રહેતા સંતો-સેવકોની પુછપરછ શરૂ કરી છે અને આવતીકાલે અમદાવાદ-જુનાગઢના ભારતી બાપુ આશ્રમના ટ્રસ્ટીઓ-સંચાલકોને પુછપરછ માટે હાજર રહેવા જાણ કરી છે જેમાં વિલ સંદર્ભે પણ પુછપરછ કરાશે. ભરૂચ-ડભોઈના આશ્રમો-મંદિરોમાં ગુમ સ્વામીની તપાસ ક્રાઈમ બ્રાન્ચની ટીમને પ્રાથમિક તપાસમાં હરિહરાનંદ સ્વામી સુરત તરફ રવાના થયા હોવાની વિગતો સાંપડતા પોલીસે વડોદરાથી સુરત તરફ જવાના માર્ગ પર તેમજ આંતરિક ગ્રામ્ય વિસ્તારોમાં આવેલા મંદિરોમાં તપાસ કરી હતી અને મંદિરના મહારાજ અને ગ્રામજનોને હરિહરાનંદસ્વામીના ફોટા બતાવી તેમના સગડ મેળવવાની તજવીજ હાથ ધરી હતી. સ્વામી કોઈ આશ્રમમાં આશરો લેતા હોવાનું પણ અનુમાન હોઈ ક્રાઈમ બ્રાંચની ટીમે આજે ડભોઈ અને ભરૂચમાં આવેલા મોટાભાગના તમામ આશ્રમોમાં પણ તપાસ કરી હતી પરંતું ગુમ સ્વામીના કોઈ સગડ મળ્યા નહોંતા. કોઈ શોધી ના શકે તે માટે હરિહરાનંદ સ્વામી મોબાઈલ ગાડીમાં છોડ્યો હેરાનગતિથી કંટાળીને આશ્રમ છોડી હાલમાં અકાંતવાસમાં ચાલ્યા ગયા છે. પોતાની પાસે જાે મોબાઈલ ફોન હશે તો તેના લોકેશન અને કોલ ડિટેઈલના આધારે ભક્તો અને પોલીસ કદાચ ૫ોતાનું લોકેશન શોધી નાંખશે તેવી ખાતરી હોય હરીહરાનંદ સ્વામી ગાડીમાં જ પોતાનો મોબાઈલ ફોન ત્યજીને રવાના થયા હતા.

વડોદરા, તા.૩બરોડા ક્રિકેટ એસોસિએશનની આ વર્ષે યોજાનારી ચૂંટણી ના પડઘમ શરૂ થઇ ગયા છે. ત્યારે વેરવિખેર થયેલા રિવાઇવલ જૂથને ફરી ભેગું કરવા પ્રણવ અમીન કામે લાગ્યા હોય તેમ બીસીએના ખર્ચે કોટંબી ખાતે રિવાઇવલ જૂથ માટે જમણવારનું આયોજન કરવામાં આવ્યું હોવાનું તેમજ આ એપેક્સની મંજૂરી વગર કાર્યક્રમનું આયોજન કરીને નારાજ સભ્યોને મનાવવાનો ખેલ હોવાનું બીસીએ વર્તુળોમાં ચર્ચાઇ રહ્યું છે. બરોડા ક્રિકેટ એસોસિએશનમાં છેલ્લા કેટલાક વર્ષોથી વિવિધ ટીમોના પ્રદર્શનમાં ખાસ સુધારો જાેવા મળ્યો નથી. ત્યારે બીસીએના વહિવટકર્તાઓ ક્રિકેટનું સ્તર સુધરે તે માટેના પ્રયાસો કરવાને બદલે માનીતાઓને છાવરવાના પ્રયાસો થઇ રહ્યા છે અને મનસ્વી રીતે ચલાવાના વહિવટને લઇને સત્તાધારી રિવાઇવલ જૂથના જ કેટલાક સભ્યો જાહેરમાં નારાજગી વ્યક્ત કરી ચૂક્યા છે.  આ વર્ષે બરોડા ક્રિકેટ એસોસિએશનની ચૂંટણી યોજાનાર છે ત્યારે ચૂંટણીના પડઘમ વચ્ચે નારાજ સભ્યોના કારણે વેરવિખેર થયેલા રિવાઇવલ જૂથને ફરી ભેગું કરવા બીસીએના પ્રમુખ પ્રણવ અમીને પ્રયાસો શરૂ કર્યા છે અને આ માટે જ તેમણે નારાજ સભ્યોને મનાવવા એપેક્સ કાઉન્સિલની મંજૂરી વગર તા. પાંચમી મેના રોજ સાંજે કોટંબીમાં બની રહેલા નવા ક્રિકેટ સ્ટેડિયમ વખતે રિવાઇવલ જૂથના ડિનરનું આયોજન બીસીએના ખર્ચે કરવામાં આવ્યું હોવાનું જાણવા મળે છે. આમ બીસીએમાં પાછલા બે-અઢી વર્ષમાં ક્રિકેટમાં સુધારને બદલે દિશાહિન વહિવટના કારણે ક્રિકેટના કથળી રહેલા સ્તરને જાેતાં નારાજ રિવાઇવલ જૂથને ફરી ભેગું કરવા મટે ડિનર ડિપ્લોમસીનું આયોજન કરાયું હોવાનું બીસીએ વર્તુળોમાં ચર્ચાઇ રહ્યું છે. સામાન્ય રીતે આવા કોઇ આયોજનો માટે એપેક્સ કમિટીની મંજૂરી લેવામાં આવે છે. પરંતુ કોઇ મંજૂરી મેળવ્યા સિવાય આ આયોજન કરવામાં આવ્યું હોવાનું જાણવા મળે છે. ઉલ્લેખનીય છે કે બીસીએ દ્વારા બનાવાયેલી વિવિધ કમિટીઓના સભ્યોને તેમની કમિટીને લગતા વિષયો પર પણ કોઇ મત મેળવ્યા સિવાય બારોબાર નિર્ણયો લેવાતાં કેટલાક સભ્યોએ સ્પષ્ટ નારાજગી વ્યક્ત કરીને રાજીનામુ પણ આપ્યું હતું અને ચૂંટણીમાં અલગ ચોકો રચવાની તૈયારી કરી છે. શું રિવાઇવલ જૂથે જ બીસીએના સભ્યો છે? બીસીએના પ્રમુખ પ્રણવ અમીને આગામી ચૂંટણી પહેલાં નારાજ સભ્યોને મનાવવા ડિનર ડિપ્લોમસી અપનાવીને તા.૫મીએ કોટંબી ક્રિકેટ ગ્રાઉન્ડ ખાતે ડિનર ડિપ્લોમસીનું આયોજન કર્યું છે. તેમાં ઓફિસ બેરર્સ, એપેક્સ કાઉન્સિલના સભ્યો અને રિવાઇવલ જૂથના કેટલાક સભ્યોને જ આમંત્રણ આપવામાં આવ્યું હોવાનું જાણવા મળે છે. ત્યારે બીસીએમાં શું રિવાઇવલ જૂથના જ સભ્યો જ બીસીએના મેમ્બર છે? આવો ભેદભઆવ કેમ? તેવી ચર્ચાઓ થઇ રહી છે. એપેક્સની મંજૂરી વગર ઓફિસ બેરર્સના નામે આમંત્રણ અપાયાં! સામાન્ય રીતે કોઇપણ કાર્યક્રમ કે આયોજન કરવાના હોય તો બીસીએની એપેક્સ કાઉન્સિલની મંજૂરી જરૂરી હોય છે. પરંતુ તા.૫મી મે ના રોજ કોટંબી ક્રિકેટ ગ્રાઉન્ડ ખાતે કરાયેલા ડિનરના આયોજન અંગે એપેક્સ કાઉન્સિલના કેટલાક સભ્યો અજાણ હોવાનું જાણવા મળે છે તેમજ એપેક્સ કાઉન્સિલની મંજૂરી વગર માનીતાઓને જાણ કરીને આ સમગ્ર આયોજન કરાયું હોવાનું જાણવા મળે છે. ડિનર ડિપ્લોમસી પહેલાં નારાજ સભ્યો સાથે ડિનર કર્યું! બીસીએના પ્રમુખ પ્રણવ અમીને રિવાઇવલ જૂથના વેરવિખેરસભ્યોને ફરી ભેગા કરવા કે કોટંબી ખાતે તા.૫મીએ ડિનરનું આયોજન કર્યું છે. ત્યારે તે પૂર્વે નારાજ થઇને કમિટીમાંથી રાજીનામુ આપનાર સિનિયર ધારાશાસ્ત્રી કૌશિક ભટ્ટ અને ડો.દર્શન બેંકર સાથે ડિનરનું આયોજન કર્યું હોવાનું જાણવા મળે છે. તેઓ નારાજ થઇને અલગ ચોકો ન રચે તે માટે મર્યાદિત લોકોની ઉપસ્થિતિમાં અઆ બેઠક થઇ હોવાનું જાણવા મળે છે. જાેકે પ્રમુખે કેટલાક નારાજ સભ્યોને ડિનરમાં બોલાવાની વાત બહાર આવતાં રિવાઇવલ જૂથમાં આશ્ચર્ય ફેલાયું હતું.

વડોદરા, તા.૩છેલ્લા બે વર્ષથી કોરોના મહામારી અને લોકડાઉનને કારણે જ્વેલર્સની દુકાનો બંધ રહેતા અખાત્રીજના દિવસે સોના-ચાંદીના દાગીના કે સિક્કાની ખરીદ-વેચાણ થઇ શક્યુ ન હતુ, પરંતુ આ વખતે કોઇ પ્રકારના પ્રતિબંધો ન હોવાથી જ્વેલર્સની દુકાન સોના-ચાંદીના બજારોમાં અખાત્રીજના શુભમુહુર્તે ખરીદી માટે સવાર થી ગ્રાહકોની ભીડ જાેવા મળી છે. શહેરમાં અનેક નામાંકીત જ્વેલર્સની દુકાનો આવેલી છે. ત્યારે વડોદરાના અલકાપુરી,બીપીસી રોડ. દાંડિયા બજાર, માંડવી રોડ સહિત વિસ્તારોમાં આવેલ જ્વેલર્સની દુકાનો અને શો રૂમમાં સોના-ચાંદીની ખરીદી કરવા સવાર થી ભીડ જાેવા મળતા વેપારીઓ ખુશ ખુશાલ જાેવા મળ્યા હતા.અખાત્રીજના શુભ મુહુર્તે લોકોએ સોના-ચાંદીની ખરીદીની સાથે મોટી સંખ્યામા નવા વાહનોની ખરીદી પણ કરી હતી. વડોદરાના દાંડિયાબજાર સ્થિત ગણદેવી કર જ્વેલર્સના સુનિલભાઈ ગણદેવીકરે જણાવ્યુ હતુ કે, કોરોના મહામારી અને લોકડાઉનના કારણે લોકો અખાત્રીજના શુભ મુહુર્તે સોના-ચાંદીની ખરીદી કરી શક્યા ન હતા.પરંતુ આ વર્ષે બજાર ઘણુ સારૂ છે.લોકો ખરીદી કરી રહ્યા છે. સાથે ગઈકાલે સોનાનો ભાવ રૂા.૫૪૦૦૦ની આસપાસ હતો તેમા આજે ઘટાડાની સાથે ૫૩૦૦૦ જેટલો થયો છે.જાેકે લોકો સોના ની સાથે ચાંદીની પણ ખરીદી કરી હતી.જેમા જ્વેલરી ઉપરાંત સોના-ચાંદીના સીક્કાની ખરીદી લોકો એ કરી હતી.જ્વેલર્સને ત્યા સવાર થી મોડી સાંજ સુઘી લોકોની ભીડ જાેવા મળી હતી. એક અંદાજ મુજબ વડોદરામાં અખાત્રીજના શુભ મુહુર્તે લોકોએ રૂા. ૭૦ થી ૮૦ કરોડના સોના ચાંદીની ખરીદી કરી હતી.