ગાંધીનગર-ગુજરાતનાં કર્મકાંડી બ્રાહ્મણો તથા પુજારીઓની માટે આનંદનાં સમાચાર સામે આવી રહ્યાં છે. કોરોના મહામારી તેમજ લોકડાઉનને લીધે કર્મકાંડી બ્રાહ્મણો તેમજ પૂજારીઓની સ્તિથી કફોડી બની ગઇ છે. હવે રાજ્ય સરકાર કર્મકાંડી બ્રાહ્મણો તેમજ પૂજારીઓની માટે રાહત પેકેજ જાહેર કરી શકે છે. કોરોના અને લોકડાઉનને કારણે કર્મકાંડી બ્રાહ્મણો અને પૂજારીઓની હાલત કફોડી બની ગઇ છે. ત્યારે હવે સરકાર કર્મકાંડી બ્રાહ્મણો અને પૂજારીઓ માટે રાહત પેકેજ જાહેર કરી શકે છે. ગુજરાત પવિત્ર યાત્રાધામ વિકાસ બોર્ડે રાજ્યના તમામ જિલ્લાઓના કલેક્ટરને સૂચના આપી દરેક ગામમાં રહેતા કર્મકાંડી બ્રાહ્મણો અને પૂજારીઓની યાદી મંગાવી છે. સરકારે મામલતદાર અને આગેવાનોની મદદથી 2 દિવસમાં આ સર્વે કરવાનો આદેશ આપ્યો છે. સર્વે પૂર્ણ થયા બાદ કર્મકાંડી બ્રાહ્મણો અને પૂજારીઓ માટે સરકાર રાહત પેકેજ જાહેર કરે તેવી શક્યતા છે.મુખ્યમંત્રીનાં આદેશથી યાત્રાધામ વિકાસ બોર્ડ હરકતમમાં આવી છે. તમામ કલેકટરને સુચના આપવામાં આવી છે. મામલતદાર તથા આગેવાનોની મદદથી માત્ર 2 દિવસમાં સર્વે કરી દેવાનો આદેશ આપવામાં આવ્યો છે. દરેક ગામમાં કર્મકાંડી બ્રાહ્મણ અને પૂજારીઓની યાદી માંગવામાં આવશે. સર્વે કર્યાં પછી સરકાર દ્વારા સહાયની જાહેરાત કરવામાં આવશે. સરકારનાં આદેશથી કામગીરી હાથમાં લેવામાં આવી છે.

ગાંધીનગર-રાજ્યમાં છેલ્લા ૨૪ કલાકમાં ૪૦ તાલુકામાં વરસાદ નોંધાયો છે. જેમાં સૌથી વધુ વરસાદ ગીર સોમનાથના ગીર ગઢડામાં પોણા ૨ ઈંચ વરસાદ ખાબક્્યો છે. મહેસાણા, ઊંઝા અને ખેરાલુમાં દોઢ ઈંચ જેટલો વરસાદ નોંધાયો છે. જ્યારે પાટણના સિદ્ધપુર, સાબરકાંઠાના ઈડર, મહેસાણા શહેર અને અરવલ્લીના ભિલોડામાં ૧ ઈંચ કરતા વધારે વરસાદ નોંધાયો છે. ત્યારે રાજ્યમાં આજે સવારથી એકપણ તાલુકામાં વરસાદ નોંધાયો નથી. ઉલ્લેખનીય છે કે, રાજ્યમાં છેલ્લા ૪ દિવસથી વરસાદે વિરામ લીધો હતો. ત્યારે ગઇકાલ ફરીથી ઉત્તર ગુજરાત અને સૌરાષ્ટ્રમાં વરસાદી માહોલ જાેવા મળ્યો હતો. ઉત્તર ગુજરાતના સાબરકાંઠા, બનાસકાંઠા, અંબાજી, મહેસાણા, અરવલ્લી સર્વત્ર વરસાદી માહોલ જાેવા મળ્યો હતો. આવામાં ઉત્તર ગુજરાતમાં અનેક સ્થળોએ વીજળી પડવાના બનાવોમાં ચાર લોકોના મોત નિપજ્યા છે. મહેસાણામાં બે કામદારોના મોત નિપજ્યા છે. તો અરવલ્લીમાં અલગ અલગ સ્થળે બે લોકોના મોત નિપજ્યા છે. મહેસાણાના પઢારિયા ગામે વીજળી પડતાં ૨ કામદારોના મોત થવાની ઘટના સામે આવી છે. તો આ ઘટનામાં ૩ કામદારોને ગંભીર ઇજા પણ પહોંચી છે. મહેસાણાના પઢારિયા ગામે ગૌચરમાં ફોરેસ્ટ વિભાગ દ્વારા વૃક્ષ કાપવાની કોન્ટ્રાકટર થકી કામગીરી ચાલી રહી હતી. જ્યાં વરસાદ શરૂ થતા કામદારોએ ટ્રેકટરની ટ્રોલી નીચે આશરો લીધો હતો. દરમ્યાન ટ્રોલી ઉપર અચાનક વીજળી પડતાં પાંચેક મજૂરો વીજળીથી ગંભીર રીતે દાઝ્યા હતા. જેમાં મૂળ દાભલા ગામના બે કામદારોના મોત થયા હતાં. તો અન્ય ત્રણ કામદારોની સારવાર લાયન્સ હોસ્પિટલ મહેસાણામાં ચાલુ છે. આ ઘટનામાં ૨૩ વર્ષીય રમણજી દિવનજી ઠાકોર અને ૨૫ વર્ષીય દિલીપજી ઠાકોરનું મોત થયું હતું. તો જગાજી લક્ષમજી ઠાકોર, અશોકજી નવગણજી ઠાકોર અને પરબતજી ઉદયજી ઠાકોરને ગંભીર ઈજાઓ થતા તેમની સારવાર ચાલુ છે. મોડાસાના નાંદીસણ ગામે વીજળી પડવાથી યુવકનું મોત નિપજ્યું છે. ૨૫ વર્ષીય યુવક ખેતરમાં કરી રહ્યો હતો. ત્યારે તેના પર વીજળી પડી હતી. તો જિલ્લાના ભિલોડાના માંકરોડાના ૪૮ વર્ષીય પુરુષનું ખેતરથી ઘરે આવતા તેમના પર વીજળી પડી હતી. જેમનુ મોત નિપજ્યુ છે. આમ, સમગ્ર અરવલ્લી જિલ્લામાં વીજળી પડવાથી કુલ બે લોકોના મોત નિપજ્યા છે. તાલુકામાં ગાજવીજ સાથે વરસાદ આજે તૂટી પડ્યો હતો. મોડાસાના રાજલી પાસે ઝાડ નીચે ચાર લોકો દબાયા હતા. રાજલી તરફથી આવતા બાઇકસવારો પર ઝાડ પડ્યું હતું. વીજળી પડતા ઝાડ તૂટી પડ્યું હતું. જેની નીચે બે બાળકો સહિત ચાર લોકો ઘાયલ થયા હતા. જેમાંથી એક ગંભીર હોવાનું સામે આવ્યું છે. તમામને સારવાર માટે હોસ્પિટલમાં ખસેડવામાં આવ્યા છે.

અમદાવાદ-ડિસેમ્બરમાં તો ફરવા અવશ્ય જઇ શકાશે સાસણ કેમ કે, 1 ડિસેમ્બરથી ફરી જંગલના દ્વાર પ્રવાસીઓ માટે ખુલશે. ગાઇડ્સ, ડ્રાઇવરો, હોટલના માલિકો અને વેપારીઓમાં ખુશી 1 ડિસેમ્બરથી ફરી જંગલના દ્વાર પ્રવાસીઓ માટે ખુલશે તે વાતને લઇને ભારે આનંદ જોવામાં આવી રહ્યો છે. ઉલ્લેખનીય છે કે, પાછલા લગભગ પાંચ માસથી સાસણ ગીર પ્રવાસીઓ માટે બંધ હતું.અનલૉકની શરૂઆત બાદ મધ્યપ્રદેશ, રાજસ્થાન, કર્ણાટક, મહારાષ્ટ્ર અને પ.બંગાળ જેવા રાજ્યમાં દેશના મહત્વના પાર્ક અને અભ્યારણ ખોલી દેવાયા છે ત્યારે સાસણ ગીર સફારી અને દેવળિયા પાર્ક ખોલવાની પણ માંગ ઉઠી હતી. ત્યારે હવે સાસણના સફારી પાર્કને ખોલવાની મંજૂરી મળી ચૂકી છે. 1 ડિસેમ્બરથી ફરી જંગલના દ્વાર પ્રવાસીઓ માટે ખુલશે. ત્યારે આ માટે આજથી પરમીટ બુકિંગ સિસ્ટમ શરૂ કરી દેવામાં આવી છે.

ગીરગઢડા- તાલુકામાં છેલ્લા ૨૧ દિવસથી પડી રહેલા અવિરત વરસાદને પગલે ઉભા પાકને માઠી અસર થવા પામી છે. ગીરગઢડા પંથકમાં ત્રણ ઓગસ્ટથી ૨૬ ઓગસ્ટ સુધી અવિરત વરસાદથી લીલા દુષ્કાળની ભિતી ધરતીપુત્રોમાં સેવાય રહી છે. ત્યારે મળેલ માહિતી મુજબ ગીરગઢડા તાલુકામાં સતત અવિરત વરસાદ પડવાથી કપાસ, મગફળી, એરંડા, જુવાર, બાજરી જેવા પાકોને ભારે નુક્સાન થયું છે. વરસાદથી જમીન પણ રેસ થયેલ છે ત્યારે જમીનમાં પાણી પણ સુકાતા નથી અને ખેતર પણ પાણીથી તરબોળ થઈ ગયા છે. જ્યારે ભુગર્ભ તળ ઊંચા આવતા કુવા-બોરમાંથી પાણી વહેવા લાગ્યા છે. ત્યારે ખરીફ પાક પણ નીષ્ફળ જવાની પુરી સંભાવના છે. ગીરગઢડા તાલુકામાં લીલો દુષ્કાળ જાહેર કરવામાં આવે તેમજ ખેડૂતોમાં પણ માંગ ઉઠી રહી છે.