આજનું ઇ-પેપર: વડોદરા અમદાવાદ સુરત
આજનું ઇ-પેપર: વડોદરા અમદાવાદ સુરત
આપણું ગુજરાત
ગુજરાત સમાચાર બધુજ જુઓ
કચ્છ-સૌરાષ્ટ્ર વધુ વાંચો
લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
15, ઓક્ટોબર 2026 19998   |  
ખેડા, મહિસાગર, બોટાદ અને ગીર-સોમનાથ જિલ્લાઓમાં બ્રાઉન ફીલ્ડ મેડિકલ કોલેજાેને મંજૂરી

રાજ્યમાં તબીબી શિક્ષણ અને આરોગ્ય સેવાઓને વધુ વ્યાપક, સુદ્રઢ અને આધુનિક બનાવવાના ઉમદા આશયથી રાજ્ય સરકારના આરોગ્ય અને પરિવાર કલ્યાણ વિભાગ દ્વારા એક મહત્વપૂર્ણ અને ઐતિહાસિક ર્નિણય લેવામાં આવ્યો છે. મુખ્યમંત્રી ભૂપેન્દ્ર પટેલના માર્ગદર્શન અને આરોગ્ય મંત્રી પ્રફુલ પાનશેરિયાના નેતૃત્વ હેઠળ, રાજ્યની ચાર જિલ્લા સરકારી હોસ્પિટલોને અપગ્રેડ કરીને ત્યાં અત્યાધુનિક સુવિધાઓ ધરાવતી હોસ્પિટલો સાથે નવી સ્વ-ર્નિભર -બ્રાઉન ફીલ્ડ મેડિકલ કોલેજાે સ્થાપવા માટે વિવિધ સંસ્થાઓને સત્તાવાર મંજૂરી આપાઈ છે. રાજ્યમાં જિલ્લા સરકારી હોસ્પિટલને અપગ્રેડ કરીને આગામી સમયમાં શરૂ થનારી નવી બ્રાઉન ફીલ્ડ મેડિકલ કોલેજાે અંતર્ગત ખેડા જિલ્લામાં ગયાપ્રસાદ જૈન ચેરીટેબલ ટ્રસ્ટ- અમદાવાદ દ્વારા મેડિકલ કોલેજ અને હોસ્પિટલનું નિર્માણ કરવામાં આવશે. આ ઉપરાંત, મહીસાગર જિલ્લામાં સ્વામિનારાયણ વિશ્વમંગલ ગુરૂકુલ, કલોલ (સ્વામિનારાયણ યુનિવર્સિટી), ગીર-સોમનાથ જિલ્લામાં ચાણક્ય એજ્યુકેશન શ્ ચેરીટેબલ ટ્રસ્ટ, વેરાવળ તેમજ બોટાદ જિલ્લામાં ડેલ્ટા મિલેનિયમ મેડિકેર પ્રાઇવેટ લિમિટેડ, ભડિયાદ (મોરબી) દ્વારા આધુનિક મેડિકલ કોલેજ અને હોસ્પિટલનું નિર્માણ કરવામાં આવશે. આ અંગે વધુ માહિતી આપતાં આરોગ્ય મંત્રી પ્રફુલ પાનશેરિયાએ જણાવ્યું હતું કે, રાજ્યના નાગરિકોને પોતાના જ જિલ્લામાં વિશ્વસ્તરીય અને આધુનિક ટેકનોલોજીયુક્ત તબીબી સારવાર મળી રહે તેમજ સરકારી હોસ્પિટલોમાં વધુને વધુ નિષ્ણાત તબીબો ઉપલબ્ધ થાય તે માટે રાજ્ય સરકાર કટિબદ્ધ છે. પી.પી.પી. ધોરણે શરૂ થનારી આ ચાર જિલ્લાઓની બ્રાઉન ફીલ્ડ મેડિકલ કોલેજાેના પરિણામે ગ્રામ્ય અને અંતરિયાળ વિસ્તારો સુધી ઉત્તમ અને ગુણવત્તાસભર આરોગ્ય સેવાઓનો વ્યાપ વધશે. પસંદગી પામેલી સંસ્થાઓએ હોસ્પિટલમાં હાલ નાગરિકોને મળતી તમામ નિ:શુલ્ક સુવિધાઓ યથાવત રાખવાની રહેશે.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
03, ઓક્ટોબર 2026 32670   |  
તીર્થભૂમિ એપાર્ટમેન્ટના કમ્પાઉન્ડમાંથી નગ્ન અને ગંભીર હાલતમાં મળી આવેલા કોલેજિયનનું મોત

અમદાવાદના ઇસનપુર વિસ્તારમાં આવેલા સરદાર પટેલ સ્કૂલ પાછળના તિર્થભૂમિ એપાર્ટમેન્ટના કમ્પાઉન્ડમાંથી ગંભીર રીતે ઇજાગ્રસ્ત અને નગ્ન અવસ્થામાં મળી આવેલા ૨૧ વર્ષીય વિદ્યાર્થીનું હોસ્પિટલમાં સારવાર દરમિયાન મોત નિપજતાં અરેરાટી વ્યાપી ગઈ છે. મૂળ ભાવનગરના અને ગોતા સ્થિત સિલ્વર ઓક કોલેજમાં બી.વોક ફાયનાન્સનો અભ્યાસ કરતા જીગર શૈલેષભાઈ સોલંકી નામના યુવકને અજાણ્યા શખ્સોએ બોથડ પદાર્થ વડે ઢોર માર મારી ફેંકી દીધો હતો. આ બનાવ અંગે મૃતકના મામાએ નોંધાવેલી ફરિયાદના આધારે ઇસનપુર પોલીસે અજાણ્યા શખ્સો વિરુદ્ધ હત્યાનો ગુનો નોંધી તપાસ હાથ ધરી છે.પોલીસ સૂત્રો પાસેથી મળતી માહિતી મુજબ, મૂળ ભાવનગરનો વતની જીગર સોલંકી છેલ્લા દોઢ વર્ષથી ગોતા સિલ્વર ઓક કોલેજમાં અભ્યાસ કરતો હતો અને છેલ્લા અઢી મહિનાથી ઇસનપુરમાં રહેતા તેના મામા હર્ષિત ચૌહાણ (ઉં.વ. ૪૪), જેઓ વ્યવસાયે વકીલ છે, તેમની સાથે રહેતો હતો. ગત બીજી ઓક્ટોબરના રોજ જીગર મિત્રોને મળવા બાઇક લઈને ઘરેથી નીકળ્યો હતો. દરમિયાન સાંજના સમયે હર્ષિતભાઈ જયમાલા નજીક મિત્રો સાથે બેઠા હતા ત્યારે એક સંબંધીનો ફોન આવ્યો હતો અને તેમણે જીગર સાથે કોઈ અણબનાવ બન્યો હોવાની જાણ કરી હતી.આથી હર્ષિતભાઈએ તુરંત જ જીગરના મોબાઈલ નંબર પર ફોન કર્યો હતો. જીગરનો ફોન કોઈ અજાણી વ્યક્તિએ રિસીવ કર્યો હતો અને જણાવ્યું હતું કે જીગર સરદાર પટેલ સ્કૂલ પાછળ તીર્થભૂમિ એપાર્ટમેન્ટના કમ્પાઉન્ડમાં નગ્ન હાલતમાં પડ્યો છે અને તેને કોઈએ સખત માર માર્યો છે. આ સમાચાર મળતાં જ હર્ષિતભાઈ તાત્કાલિક સ્થળ પર દોડી ગયા હતા, જ્યાં જીગર શરીરના વિવિધ ભાગોએ બોથડ પદાર્થના ઘા સાથે ગંભીર અવસ્થામાં મળી આવ્યો હતો. તેને તાત્કાલિક સારવાર અર્થે હોસ્પિટલ ખસેડવામાં આવ્યો હતો, પરંતુ ટૂંકી સારવાર બાદ તેનું કરૂણ મોત નીપજ્યું હતું. ઇસનપુર પોલીસે સીસીટીવી ફૂટેજ અને ડોગ સ્ક્વોડના આધારે અજાણ્યા હત્યારાઓને ઝડપી પાડવા તપાસ તેજ કરી છે.

લોકસત્તા જનસત્તા ન્યૂઝ ડેસ્ક   |   loksattanews.co.in
વિશ્વ
01, ઓક્ટોબર 2026 36630   |  
કૅપ્ટન સ્મિત મચ્છરને વિશિષ્ટ ગુજરાત ગરિમા ઍવોર્ડથી સન્માનિત કરાશે 

ઈઝરાયલ જઈ રહેલી ફ્લાઈટમાં કો-પાયલટના હુમલાથી ગંભીર રીતે ઘાયલ થવા છતાં ૧૭૪ મુસાફરોનો જીવ બચાવનાર કેપ્ટન સ્મિત મચ્છરની શૌર્યગાથાને બિરૂદાવતા ગુજરાત સરકારે મોટો ર્નિણય લીધો છે. મુખ્યમંત્રી ભૂપેન્દ્ર પટેલે કેપ્ટન સ્મિતની અસીમ ખુમારી અને બહાદુરીને બિરદાવતા તેમને રાજ્યના અત્યંત પ્રતિષ્ઠિત વિશિષ્ટ ગુજરાત ગરિમા એવોર્ડથી સન્માનિત કરવાની સત્તાવાર જાહેરાત કરી છે. ઈઝરાયલ જઈ રહેલ ફ્લાઈટના પાયલટ કેપ્ટન સ્મિત મચ્છરના સાહસને આજે આખી દુનિયા સલામ કરી રહી છે. હુમલાના કારણે લોહીલુહાણ હોવા છતાં તેમણે અદમ્ય સાહસ દાખવીને ૧૭૪ મુસાફરોના જીવ બચાવ્યા, એ વાત અત્યંત પ્રેરણાદાયી અને સરાહનીય છે. મૂળ ગુજરાતના આ વીર સપૂતે પોતાના શૌર્યથી સમગ્ર વિશ્વમાં ગુજરાત અને દેશનું નામ રોશન કર્યું છે. તેમની રગોમાં વહેતી ગુજરાતી ખુમારી પર આપણને સૌને અત્યંત ગર્વ છે. તેમના આ અસાધારણ શૌર્ય અને માનવતાના કાર્યને સન્માનવા માટે, ગુજરાત સરકાર કેપ્ટન સ્મિત મચ્છરને વિશિષ્ટ ગુજરાત ગરિમા એવોર્ડ થી સન્માનિત કરશે. સમગ્ર ગુજરાત તેમના ઝડપથી સાજા થવા માટે પ્રાર્થના કરી રહ્યું છે. દેશવાસીઓની સંવેદના અને પ્રાર્થના કેપ્ટન સ્મિત મચ્છરની સાથે છે.ભૂપેન્દ્ર પટેલે સ્મિત મચ્છરના નામે એક પોસ્ટમાં લખ્યું, ગુજરાત અને આખા દેશને ખૂબ ગર્વ છે. આકાશમાં કેપ્ટન સ્મિત મચ્છરે જે અદમ્ય સાહસ અને વીરતા દર્શાવી, તે ખરેખર કલ્પનાથી પર છે. ગંભીર રીતે ઘાયલ હોવા છતાં, તેમણે હુમલાખોરનો સામનો કર્યો, એક મોટી દુર્ઘટના ટાળી અને ૧૭૪ મુસાફરોના જીવ બચાવ્યા. ભૂપેન્દ્ર પટેલે લખ્યું કે સ્મિત મચ્છર એક ગૌરવશાળી ભારતીય છે અને તેમની રગોમાં ગુજરાતી લોહી દોડે છે, જે તેમની હિંમતનું સાચું ઉદાહરણ છે. ગુજરાતી મૂળના આ બહાદુર પુત્રે વૈશ્વિક મંચ પર સમગ્ર દેશનું ગૌરવ વધાર્યું છે. દરમિયાન પ્રધાનમંત્રી નરેન્દ્ર મોદીએ કહ્યંુ હતું કે, આપણે સૌ સાથે મળીને સ્મિત મચ્છરના ઉત્તમ સ્વાસ્થ્ય અને શીઘ્ર સ્વસ્થ થવા માટે ઈશ્વરને પ્રાર્થના કરીએ. કેપ્ટન સ્મિત મચ્છરની આ અસાધારણ અને પ્રેરણાદાયી બહાદુરીના વિશ્વભરમાં ભરપૂર વખાણ થઈ રહ્યા છે. ઇઝરાયલના વડાપ્રધાન બેન્જામિન નેતન્યાહૂ અને રાષ્ટ્રપતિ ઇસાક હરઝોગે તેમને એક સાચા હીરો ગણાવતા તેમનો આભાર વ્યક્ત કર્યો છે. આ તરફ, અમેરિકાના રાષ્ટ્રપતિ ડોનાલ્ડ ટ્રમ્પે પણ સ્મિતની પ્રશંસા કરતા તેમને બહાદુર હીરો ગણાવ્યા છે.એક ભારતીયે ૯/૧૧ જેવી તબાહી થતાં અટકાવી દીધી યુપીએસસીના શતાબ્દી સમારોહ દરમિયાન વડા પ્રધાન નરેન્દ્ર મોદીએ ભારતીય પાઇલટ સ્મિત મચ્છરના અદભુત સાહસ અને જાંબાજીનો વિશેષ ઉલ્લેખ કર્યો હતો. વડાપ્રધાને પોતાના સંબોધનમાં જણાવ્યું હતું કે એક ભારતીય પાઇલટે પોતાની અદભૂત સૂઝબૂઝ અને અડગ મનોબળથી મોટી આફત ટાળીને ૯/૧૧ જેવી ગંભીર ઘટના થતી અટકાવી લીધી છે. દુબઈથી તેલ અવીવ જતી ફ્લાયદુબઈની ફ્લાઇટમાં બનેલી આ ઘટનામાં કેપ્ટન સ્મિત મચ્છરે જે પ્રકારે અત્યંત કપરા સંજાેગોમાં પણ ધૈર્ય, સાહસ અને બહાદુરીનું પ્રદર્શન કર્યું છે, તેણે દરેક દેશવાસીનું મસ્તક ગર્વથી ઊંચું કરી દીધું છે. આ પ્રસંગે વડાપ્રધાન મોદીએ કેપ્ટન સ્મિત મચ્છરના પિતા ભૂપેન્દ્રભાઈ, માતા ગીતાબેન અને પત્ની સોનલ સાથે પણ ટેલિફોનિક વાતચીત કરી હતી અને પરિવારની હિંમતને બિરદાવી હતી.ગુજરાતી પાયલટ સ્મિત મચ્છરની તબિયત હાલ સ્થિર દુબઈથી તેલ અવીવ જઈ રહેલી ફ્લાયદુબઈની ફ્લાઇટ હ્લઢ૧૦૭૩માં કોકપિટની અંદર થયેલા હિંસક હુમલામાં ઘાયલ થયેલા ભારતીય પાયલટ કૅપ્ટન સ્મિત મચ્છરની તબૂકની હૉસ્પિટલમાં સારવાર ચાલી રહી છે. ભારતીય દૂતાવાસે જણાવ્યું છે કે તેમની હાલત સ્થિર છે અને દૂતાવાસ તેમના પરિવારના સંપર્કમાં છે. સાઉદી અધિકારીઓ સાથે પણ સતત સંપર્ક રાખવામાં આવી રહ્યો છે. ૩૦ સપ્ટેમ્બરે બનેલી આ ઘટનામાં ફ્લાઇટમાં ૧૭૪ લોકો સવાર હતા. ઉડાન દરમિયાન કૅપ્ટન સ્મિત મચ્છર અને તેમના કોપાયલટ વચ્ચે કોકપિટમાં વિવાદ થયો હતો. અહેવાલો અનુસાર કોપાયલટે સ્મિત મચ્છર પર ચાકુથી હુમલો કર્યો હતો. હુમલામાં ગંભીર રીતે ઘાયલ થયા છતાં સ્મિતે વિમાનનું નિયંત્રણ જાળવી રાખ્યું હતું.આ દરમિયાન વિમાન અચાનક ઝડપથી નીચે જવા લાગ્યું. કોકપિટમાંથી આવતી બૂમાબૂમ અને સ્થિતિને પગલે કેટલાક મુસાફરો અને ક્રૂ સભ્યો કોકપિટ તરફ પહોંચ્યા. ગંભીર ઈજા છતાં સ્મિત મચ્છરે કોકપિટનો દરવાજાે ખોલી દીધો. આથી મુસાફરો અને ક્રૂને અંદર પ્રવેશવાની તક મળી અને હુમલાખોર કોપાયલટને કાબૂમાં લેવામાં મદદ મળી હતી. ત્યાર બાદ વિમાનમાં મુસાફર તરીકે સવાર બે ઑફ-ડ્યુટી પાયલટોએ નિયંત્રણ સંભાળ્યું. ફ્લાઇટને સાઉદી અરેબિયાના તબૂક ઍરપૉર્ટ પર ઇમરજન્સી લેન્ડ કરવામાં આવ્યું. વિમાનમાં સવાર અન્ય મુસાફરો અને ક્રૂ સુરક્ષિત હોવાનું સત્તાવાળાઓએ જણાવ્યું છે.ઘટના બાદ ઇઝરાયલના વડાપ્રધાન બેન્જામિન નેતન્યાહૂએ કૅપ્ટન સ્મિત મચ્છરની બહાદુરીની પ્રશંસા કરી હતી. ગંભીર રીતે ઘાયલ હોવા છતાં કોકપિટનો દરવાજાે ખોલવાથી મુસાફરો અને ક્રૂને હુમલાખોરને કાબૂમાં લેવાની તક મળી હોવાનું તેમણે જણાવ્યું હતું. ભારતના વડાપ્રધાન નરેન્દ્ર મોદીએ પણ સ્મિત મચ્છરની હિંમતની પ્રશંસા કરી છે. ગંભીર ઈજા છતાં તેમણે અન્ય લોકોના જીવ બચાવવા માટે જે પગલું લીધું તેને બંને દેશોના નેતાઓએ મહત્ત્વપૂર્ણ ગણાવ્યું છે.કૅપ્ટન સ્મિત મચ્છર અગાઉ સ્પાઇસજેટમાં કામ કરી ચૂક્યા છે. તેઓ લગભગ ૧૧ વર્ષ સુધી સ્પાઇસજેટ સાથે જાેડાયેલા રહ્યા હતા અને ૨૦૨૨માં ફ્લાયદુબઈમાં જાેડાયા હતા. તેઓ બોઇંગ ૭૩૭ વિમાન ઉડાવે છે અને તેમની પાસે પાયલટ તરીકેનો ખૂબ જ બહોળો અનુભવ છે. અગાઉ તેઓ અન્ય પાયલટોને તાલીમ અને માર્ગદર્શન આપવાની જવાબદારી પણ સંભાળી ચૂક્યા છે. હાલમાં સ્મિત મચ્છર તબૂકની હૉસ્પિટલમાં સારવાર હેઠળ છે. ભારતીય દૂતાવાસે તેમની તબિયત પર નજર રાખવાની સાથે તેમના પરિવારને જરૂરી સહાય પૂરી પાડવામાં આવી રહી હોવાનું જણાવ્યું છે. બીજી તરફ, ફ્લાઇટમાં બનેલી સમગ્ર ઘટનાની તપાસ ચાલી રહી છે.

લોકસત્તા જનસત્તા ન્યૂઝ ડેસ્ક   |   loksattanews.co.in
વિશ્વ
01, ઓક્ટોબર 2026 35541   |  
ગુજરાતી પાયલોટ સ્મિત મચ્છરે વિશ્વમાં ગુજરાતનો ડંકો વગાડ્યો

બુધવારે દુબઈથી તેલ અવીવ જતી ફ્લાઈટમાં અફરાંતફરી બાદ ગુજરાતી પાયલોટ સ્મિત મચ્છરે ૧૭૪ જેટલા પેસેન્જરના પોતાના જીવના જાેખમે જીવ બચાવી લીધા બાદ વિશ્વના અનેક નેતાઓએ ગુજરાતી પાયલોટ ઉપર અભિનંદનની વર્ષા કરી છે. વિશ્વમાં ગુજરાતીઓ ગૌરવ લઈ શકે એવા આ પાયલોટનું નામ છે સ્મિત ઉપેન્દ્રભાઈ મચ્છર (બ્રહ્મ ક્ષત્રિય)મૂળ સુરેન્દ્રનગરના વઢવાણના છે અને વર્ષોથી તેઓ મુંબઈ સ્થાયી થયેલા છે. સ્મિતના દાદા જેન્તીભાઈ મચ્છર વર્ષો પહેલા વઢવાણથી મુંબઈ સ્થાયી થયા હતા. પિતા ઉપેન્દ્રભાઈ મચ્છરનો જન્મ પણ મુંબઈ થયો હતો અને ત્યાં ટેક્સટાઇલ મિલ ચાલુ કરી હતી. ઉપેન્દ્રભાઈ પરિવારમાં બે ભાઈઓ છે ઉપેન્દ્રભાઈ અને તેમના ભાઈ કિશોરભાઈ મુંબઈમાં ટેક્સટાઇલ મિલના વ્યવસાય સાથે સંકળાયેલા છે. હાલ તેઓ નિવૃત્ત જીવન ગાળી રહ્યા છે. કિશોરભાઈનો પુત્ર ભાવિક પણ પાયલોટ છે. આ ઘટનાની જાણ થતાં ઉપેન્દ્રભાઈ, પત્ની અને સ્મિતનો દાદાનો દીકરો ભાઈ ભાવિક જે પણ પાયલોટ છે, તે ઇઝરાયેલ પહોંચી ગયા છે. જસદણમાં સ્મિતના કાકા અને ઓસમ કેટરર્સ નામે જસદણમાં સારી નામના ધરાવતા નરેશભાઈ ઇશ્વરભાઇ મચ્છરનો સ્મિત કૌટુંબિક ભત્રીજાે થાય છે. તેમના જણાવ્યા મુજબ સ્મિતને બીજા પાયલોટ દ્વારા છરી મારવામાં આવી છે, પરંતુ તેમની તબિયત એકદમ સ્વચ્છ છે.ગુજરાતી પાયલટ સ્મિત મચ્છરની તબિયત હાલ સ્થિર દુબઈથી તેલ અવીવ જઈ રહેલી ફ્લાયદુબઈની ફ્લાઇટ હ્લઢ૧૦૭૩માં કોકપિટની અંદર થયેલા હિંસક હુમલામાં ઘાયલ થયેલા ભારતીય પાયલટ કૅપ્ટન સ્મિત મચ્છરની તબૂકની હૉસ્પિટલમાં સારવાર ચાલી રહી છે. ભારતીય દૂતાવાસે જણાવ્યું છે કે તેમની હાલત સ્થિર છે અને દૂતાવાસ તેમના પરિવારના સંપર્કમાં છે. સાઉદી અધિકારીઓ સાથે પણ સતત સંપર્ક રાખવામાં આવી રહ્યો છે. ૩૦ સપ્ટેમ્બરે બનેલી આ ઘટનામાં ફ્લાઇટમાં ૧૭૪ લોકો સવાર હતા. ઉડાન દરમિયાન કૅપ્ટન સ્મિત મચ્છર અને તેમના કોપાયલટ વચ્ચે કોકપિટમાં વિવાદ થયો હતો. અહેવાલો અનુસાર કોપાયલટે સ્મિત મચ્છર પર ચાકુથી હુમલો કર્યો હતો. હુમલામાં ગંભીર રીતે ઘાયલ થયા છતાં સ્મિતે વિમાનનું નિયંત્રણ જાળવી રાખ્યું હતું.આ દરમિયાન વિમાન અચાનક ઝડપથી નીચે જવા લાગ્યું. કોકપિટમાંથી આવતી બૂમાબૂમ અને સ્થિતિને પગલે કેટલાક મુસાફરો અને ક્રૂ સભ્યો કોકપિટ તરફ પહોંચ્યા. ગંભીર ઈજા છતાં સ્મિત મચ્છરે કોકપિટનો દરવાજાે ખોલી દીધો. આથી મુસાફરો અને ક્રૂને અંદર પ્રવેશવાની તક મળી અને હુમલાખોર કોપાયલટને કાબૂમાં લેવામાં મદદ મળી હતી. ત્યાર બાદ વિમાનમાં મુસાફર તરીકે સવાર બે ઑફ-ડ્યુટી પાયલટોએ નિયંત્રણ સંભાળ્યું. ફ્લાઇટને સાઉદી અરેબિયાના તબૂક ઍરપૉર્ટ પર ઇમરજન્સી લેન્ડ કરવામાં આવ્યું. વિમાનમાં સવાર અન્ય મુસાફરો અને ક્રૂ સુરક્ષિત હોવાનું સત્તાવાળાઓએ જણાવ્યું છે.ઘટના બાદ ઇઝરાયલના વડાપ્રધાન બેન્જામિન નેતન્યાહૂએ કૅપ્ટન સ્મિત મચ્છરની બહાદુરીની પ્રશંસા કરી હતી. ગંભીર રીતે ઘાયલ હોવા છતાં કોકપિટનો દરવાજાે ખોલવાથી મુસાફરો અને ક્રૂને હુમલાખોરને કાબૂમાં લેવાની તક મળી હોવાનું તેમણે જણાવ્યું હતું. ભારતના વડાપ્રધાન નરેન્દ્ર મોદીએ પણ સ્મિત મચ્છરની હિંમતની પ્રશંસા કરી છે. ગંભીર ઈજા છતાં તેમણે અન્ય લોકોના જીવ બચાવવા માટે જે પગલું લીધું તેને બંને દેશોના નેતાઓએ મહત્ત્વપૂર્ણ ગણાવ્યું છે.કૅપ્ટન સ્મિત મચ્છર અગાઉ સ્પાઇસજેટમાં કામ કરી ચૂક્યા છે. તેઓ લગભગ ૧૧ વર્ષ સુધી સ્પાઇસજેટ સાથે જાેડાયેલા રહ્યા હતા અને ૨૦૨૨માં ફ્લાયદુબઈમાં જાેડાયા હતા. તેઓ બોઇંગ ૭૩૭ વિમાન ઉડાવે છે અને તેમની પાસે પાયલટ તરીકેનો ખૂબ જ બહોળો અનુભવ છે. અગાઉ તેઓ અન્ય પાયલટોને તાલીમ અને માર્ગદર્શન આપવાની જવાબદારી પણ સંભાળી ચૂક્યા છે. હાલમાં સ્મિત મચ્છર તબૂકની હૉસ્પિટલમાં સારવાર હેઠળ છે. ભારતીય દૂતાવાસે તેમની તબિયત પર નજર રાખવાની સાથે તેમના પરિવારને જરૂરી સહાય પૂરી પાડવામાં આવી રહી હોવાનું જણાવ્યું છે. બીજી તરફ, ફ્લાઇટમાં બનેલી સમગ્ર ઘટનાની તપાસ ચાલી રહી છે.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
09, સપ્ટેમ્બર 2026 45342   |  
રાજકોટથી ગુમ સગીરાની કડીઓ નેપાળ સુધી કેવી રીતે પહોંચી? હાઇકોર્ટમાં મોટો ખુલાસો!

રાજકોટથી ગુમ થયેલી 17 વર્ષની સગીરાની તપાસ હવે નેપાળ સુધી પહોંચી હોવાના સંકેતો સામે આવ્યા છે. ગુજરાત હાઇકોર્ટમાં સુનાવણી દરમિયાન પોલીસે ઇલેક્ટ્રોનિક સર્વેલન્સમાંથી નેપાળ તરફ મહત્વપૂર્ણ કડીઓ મળ્યાની માહિતી આપી હતી. જોકે, સગીરા ખરેખર નેપાળમાં છે તેની સત્તાવાર પુષ્ટિ હજુ બાકી છે. કોર્ટે પોલીસને તપાસ આગળ વધારી પ્રગતિ અંગે માહિતી રજૂ કરવા સમય આપ્યો છે.

મધ્ય ગુજરાત વધુ વાંચો
લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 1584   |  
વચેટીયા અને એસઓજીના પીએસઆઈ સામે કાર્યવાહી

આણંદ સ્પેશિયલ ઓપરેશન ગ્રૂપ (એસઓજી) ખાતે ફરજ બજાવતા પીએસઆઈ વતી બે લાખ રૂપિયાની લાંચ લેતા વચેટિયાને અમદાવાદ એસીબીની ટીમે છટકું ગોઠવીને ઝડપી પાડ્યો છે. ફ્રીઝ થયેલું બેંક એકાઉન્ટ અનફ્રીઝ કરવા અને ગુનામાં ધરપકડ નહીં કરવાના બદલામાં આ લાંચ માગવામાં આવી હતી. ટ્રેપ દરમિયાન પીએસઆઈ હાજર મળ્યા નહોતા, જ્યારે વચેટિયાની કારમાંથી મોટી રોકડ મળી આવી છે. સમગ્ર બનાવની વિગત મુજબ આણંદ એસઓજીના પીએસઆઈ વી.એન. રાઠોડ સામે બે લાખ રૂપિયાની લાંચ માગ્યાનો ગંભીર આરોપ મૂકવામાં આવ્યો છે. એક ગુના સંદર્ભે ફ્રીઝ કરવામાં આવેલું બેંક એકાઉન્ટ ફરીથી અનફ્રીઝ કરવા માટે તેમજ તે સંબંધિત ગુનામાં ધરપકડ નહીં કરવાની અવેજ પેટે બે લાખ રૂપિયાની લાંચની માગણી કરવામાં આવી હતી. આ ગેરકાયદે નાણાકીય વ્યવહાર માટે પ્રજાજન દિલીપ પટેલ નામના વચેટિયાની મદદ લેવામાં આવી હતી. આ મામલે એસીબી સમક્ષ રજૂઆત કરવામાં આવતાં અમદાવાદ એસીબીની ફીલ્ડ-૧ ટીમ દ્વારા સમગ્ર મામલાની ગંભીરતા સમજીને છટકું ગોઠવવામાં આવ્યું હતું. આ સમગ્ર ટ્રેપિંગ કામગીરી એસીબીના પોલીસ ઇન્સ્પેક્ટર ડી.એન. પટેલ દ્વારા સફળતાપૂર્વક હાથ ધરવામાં આવી હતી અને લાંચિયા તત્ત્વોને પકડવા માટે કાયદેસરનું આયોજન કરવામાં આવ્યું હતું.અમદાવાદ એસીબીની ટીમે પૂર્વ આયોજિત વ્યૂહરચના મુજબ આણંદ ખાતે આવેલી એસઓજી ઓફિસના દરવાજા પાસે વોચ ગોઠવી હતી. આ દરમિયાન આરોપી દિલીપ પટેલે એસઓજી ઓફિસના પ્રવેશદ્વાર નજીક પોતાની કારમાં બેસીને પીએસઆઈ વી.એન. રાઠોડ વતી બે લાખ રૂપિયાની લાંચની રકમ સ્વીકારી હતી. લાંચની રકમ સ્વીકારાતાં જ તકેદારી રાખીને ઊભેલી એસીબીની ટીમે તુરંત તરાપ મારીને વચેટિયા દિલીપ પટેલને રંગેહાથ ઝડપી લીધો હતો. જાેકે, આ છટકા દરમિયાન મુખ્ય આરોપી એવા એસઓજીના પીએસઆઈ વી.એન. રાઠોડ સ્થળ પર હાજર મળી આવ્યા નહોતા. જેથી એસીબીની ટીમે ઘટનાસ્થળે પકડાયેલા વચેટિયા દિલીપ પટેલ સામે કાયદેસરની કાર્યવાહી આગળ ધપાવી હતી અને ગેરકાયદેસર રીતે સ્વીકારેલી બે લાખ રૂપિયાની લાંચની રકમ પણ જપ્ત કરી લીધી હતી.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
24, ઓક્ટોબર 2026 2772   |  
રસ્તા રિપેરિંગ અને દબાણો મુદ્દે તંત્રની ઝાટકણી

ખેડા જિલ્લા કલેક્ટર એન.વી. ઉપાધ્યાય દ્વારા ઠાસરા તાલુકાના સાઢેલીયા ગામે પહોંચીને ગ્રામજનો સાથે એક મહત્ત્વની બેઠક યોજવામાં આવી હતી. આ અચાનક યોજાયેલી બેઠકમાં કલેક્ટરે ગામની વિવિધ સમસ્યાઓ અંગે સીધો લોકસંપર્ક કરીને સ્થિતિનો તાગ મેળવ્યો હતો. લોકદરબાર જેવા માહોલમાં ગ્રામજનોએ રજૂ કરેલી ફરિયાદોને પગલે કલેક્ટરે કામગીરી સામે ભારે નારાજગી વ્યક્ત કરીને અધિકારીઓને કડક શબ્દોમાં ખખડાવ્યા હતા. છેલ્લા પાંચ વર્ષથી વારંવાર તૂટી જતા અને હલકી ગુણવત્તાના કારણે ચર્ચામાં આવેલા માર્ગો અંગે કલેક્ટરે આકરું વલણ અપનાવ્યું હતું.માર્ગ અને મકાન વિભાગના અધિકારીઓને તાત્કાલિક રોડનું રિપેરિંગ શરૂ કરવા સ્પષ્ટ આદેશ આપ્યો હતો. ગામમાં થયેલા ગેરકાયદેસર દબાણો અંગે તલાટીની ઝાટકણી કાઢીને ૧ મહિનામાં તમામ દબાણો દૂર કરવા અથવા લેન્ડ ગ્રેબિંગ હેઠળ કાર્યવાહી કરવા નિર્દેશ આપ્યા હતા. ગામમાં આરોગ્ય સેવાઓની સમીક્ષા વખતે તમામ પાત્રતા ધરાવતા નાગરિકો માટે આયુષ્માન કાર્ડ બનાવવાનો સોટકા ટાર્ગેટ પૂર્ણ કરવા આદેશ આપ્યો હતો. ઉપરાંત કલેક્ટરે સ્થાનિક પ્રાથમિક શાળા અને આંગણવાડીની મુલાકાત લઈ બાળકોને અપાતા નાસ્તાની પોતે ટેસ્ટ કરીને ગુણવત્તા ચકાસી હતી. પૌષ્ટિક અને નિયમ મુજબ નાસ્તો આપવા તંત્રને કડક સૂચનાઓ પાઠવવામાં આવી હતી. છેવાડાના લાભાર્થીઓ સુધી સરકારી યોજનાઓનો લાભ અને પાયાની સુવિધાઓ પારદર્શક રીતે પહોંચે તે માટે કલેક્ટરે સમગ્ર તંત્રને માર્ગદર્શન પૂરું પાડ્યું હતું. યોજનાઓ માત્ર કાગળ પર ન રહેતા સામાન્ય નાગરિકોને તેનો પ્રત્યક્ષ લાભ દેખાવો જાેઈએ તે બાબત પર ભાર મૂક્યો હતો. અધિકારીઓએ પોતાની કામગીરીની શૈલી સુધારીને પ્રજાના પ્રશ્નોનું સ્થળ પર નિકાલ લાવવા જણાવ્યું હતું. સાઢેલીયામાં કલેક્ટરની અચાનક સક્રિયતા અને આકરા વલણને પગલે સરકારી આલમમાં ભારે ખળભળાટ મચી ગયો છે. કલેક્ટરના કડક વલણ બાદ હવે સ્થાનિક અધિકારીઓની કામગીરીમાં કેટલો સુધારો આવે છે અને આપેલા આદેશોનું કેટલું ઝડપી પાલન થાય છે તેના પર સમગ્ર ગ્રામજનોની નજર મંડાયેલી છે.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
23, ઓક્ટોબર 2026 2673   |  
આંકલાવના પીઆઈ ૪૦ હજારની લાંચ લેતાં એસીબીના હાથે રંગેહાથ ઝડપાયા

આણંદ એલસીબી માં ફરજ બજાવતા પીઆઇ થોડા સમય પૂર્વે લાંચ લેતાં ઝડપાયા ના બનાવ બાદ ગત સાંજે આંકલાવ પોલીસ મથકમાં ફરજ બજાવતા પીઆઇ વનાર પોલીસ મથકમાં જ રૂપિયા ૪૦ હજારની લાંચની રકમ લેતાં એસીબીના હાથે રંગેહાથ ઝડપાતા પોલીસ બેડામાં ખળભળાટ મચી જવા પામ્યા નું જાણવા મળેલ છે. પ્રાપ્ત વિગત અનુસાર ત્રણ માસ પૂર્વે આણંદ એલસીબી પીઆઇ લાંચ લેતાં રંગેહાથ ઝડપાયાના બનાવ બન્યા બાદ ગત સાંજે આંકલાવ વિસ્તારમાં પ્રદુષણ ફેલાવતી ફેક્ટરી ના સંચાલકને બોલાવી તમે પ્રદુષણ ફેલાવો છો.ફેકટરી બંધ કરાવી દઇશની ધમકી આપી એ.સી.ની માંગ કરતાં તે ના પાડતાં રૂપિયા ૪૦ હજારની માંગણી કરતાં ફરિયાદી લાંચ આપવા માંગતા ન હોય આણંદ એસીબી ને જાણ કરતાં ગત સાંજે આંકલાવ પોલીસ મથકમાં જ લાંચનુ છટકું ગોઠવી પીઆઇ વનાર રૂપિયા ૪૦ હજાર ની લાંચ લેતાં રંગેહાથ ઝડપાઇ જતાં એસીબીએ કાયદેસરની કાર્યવાહી હાથ ધરી હોવાનું જાણવા મળેલ છે. છેલ્લા ચાર માસમાં આણંદ પંથકમાં ફરજ બજાવતા પોલીસ અધિકારી કર્મચારી લાંચ લેતાં ના ગુનામાં સંડોવાતા પોલીસ બેડામાં ખળભળાટ મચી જવા પામ્યા નું જાણવા મળેલ છે.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
22, ઓક્ટોબર 2026 3168   |  
કરમસદ-આણંદ મનપાના નવા ડીપી ડ્રાફ્ટ નકશા સામે વિરોધના એંધાણ

ગત દશક દરમ્યાન આણંદ ખાતે અવકુડાની રચના થતાં ગ્રામ વિસ્તારના સમાવેશ કરાતાં સ્થાનિક નેતાઓ દ્વારા બિલ્ડરો સાથે સાંઠગાંઠ રચી ખેડૂતો ના ખભે બંદૂક મૂકીને વિરોધ વ્યક્ત ના ખેલ રચી આણંદના વિકાસને ગ્રહણ લગાવવામાં આવતા તેનું પુનરાવર્તન થવા પામતુ હોય તેમ કરમસદ આણંદ મનપા ની નવી ડીપી ના ડ્રાફ્ટ નકશો જાહેર થતાં ખેડૂતો ની જમીન જશે ના હાઉ ઉભા કરી પુન: વિરોધ ના ખેલ રચાતાં પુન: આણંદના વિકાસને ગ્રહણ લગાવવાની દુંદુભિ વાગી રહ્યા નું જાણવા મળેલ છે. પ્રાપ્ત વિગત અનુસાર ગત માસે કરમસદ આણંદ મનપા વિસ્તારના વિકાસ માટે નવી ડીપી ના ડ્રાફ્ટ નકશો જાહેર કરવામાં આવ્યો હતો.જેના પગલે નવા માર્ગ નિર્માણમાં ખેડૂતો ની જમીન જશે ના હાઉ ઉભા કરવામાં આવી રહ્યા હોય તેમ આવતીકાલે કરમસદ થી નવી ડીપી ના ડ્રાફ્ટ નકશો ના વિરોધમાં રેલી યોજી વિરોધ વ્યક્ત કરવાના આયોજન હાથ ધરવામાં આવતાં ગત દશક દરમ્યાન આણંદ ખાતે અવકુડાની રચના બાદ ગ્રામ વિસ્તારના સમાવેશ પર સ્થાનિક નેતાઓ અને બિલ્ડરો દ્વારા ખેડૂતો ના ખભે બંદૂક તાણી વિરોધ પ્રદર્શન કરી ગ્રામ વિસ્તારને પડતાં મૂકવામાં સફળ નીવડયા તેનું પુનરાવર્તન આવતીકાલે થનાર હોય પુન: આણંદના વિકાસને ગ્રહણ લગાવવાના આયોજન કરવામાં આવી રહ્યા ની ચર્ચા ઉઠવા પામી હોવાનું જાણવા મળેલ છે.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
22, ઓક્ટોબર 2026 2772   |  
૧૬ વર્ષથી વળતર ન મળતાં ખેડૂતોનો ઉગ્ર આક્રોશ

આણંદ અને આંકલાવ તાલુકાના વિવિધ ગામોમાંથી પસાર થતી વડોદરા-રેવારી ડેડીકેટેડ ફ્રેટ કોરિડોર રેલ્વે લાઈન પ્રોજેક્ટમાં ખેડૂતોની કિંમતી જમીનો સંપાદિત કર્યાને ૧૬-૧૬ વર્ષ જેટલો લાંબો સમય વીતી ગયો હોવા છતાં યોગ્ય વળતર ન ચૂકવાતાં સ્થાનિક ખેડૂતોનો આક્રોશ ફાટી નીકળ્યો છે. આ અન્યાય સામે અવાજ ઉઠાવવા માટે આણંદ અને આંકલાવ પંથકના અસરગ્રસ્ત ખેડૂતોએ આણંદ શહેરના બોરસદ ચોકડી ઓવરબ્રિજ પાસેથી ઢોલ-નગારા સાથે એક ભવ્ય અને વિશાળ વિરોધ રેલી કાઢી હતી. કલેક્ટર કચેરી ખાતે પહોંચીને ખેડૂતોએ તંત્ર વિરુદ્ધ ભારે સૂત્રોચ્ચાર પોકાર્યા હતા. ત્યારબાદ ખેડૂતોના પ્રતિનિધિમંડળે જિલ્લા કલેક્ટરને આવેદનપત્ર પાઠવીને રેલ્વે અધિનિયમની જાેગવાઈઓ મુજબ હાલની વર્તમાન બજાર કિંમત અનુસાર ત્વરિત વળતર ચૂકવવાની કડક માંગણી કરી હતી.જમીન સંપાદન વખતે અધિકારીઓએ ખેડૂતોને ઊભા પાક, વૃક્ષો, બોરવેલ, પાણીની પાઇપલાઇનો, મકાનો અને રસ્તાઓનું યોગ્ય વળતર આપ્યા બાદ જ કામ શરૂ કરવાની મૌખિક બાંહેધરી આપી હતી. પરંતુ વાસ્તવિકતામાં કોરિડોરની બંને બાજુ પાકા રસ્તા ન બનાવતાં ખેડૂતોના પરંપરાગત માર્ગો બંધ થઈ ગયા છે, જેને કારણે ખેતરોમાં અવરજવર અંગે અંદરોઅંદર ઝઘડા સર્જાઈ રહ્યા છે. આ ઉપરાંત સર્વે નંબર ધરાવતી વિધવા બહેનોને ૫૦,૦૦૦નું વળતર તેમજ આજીવિકા ગુમાવનાર ખેડૂત-મજૂરોને ૭૫૦ દિવસની રોજગારી આપવાના વચનો પણ કાગળ પર જ રહ્યા છે. આ પરિસ્થિતિમાં પોતાની રોજીરોટી ગુમાવી ચૂકેલા ખેડૂત પરિવારોએ કેન્દ્ર સરકાર અને રેલ મંત્રી સમક્ષ માંગ કરી છે કે જમીન ગુમાવનાર પ્રત્યેક પરિવારના એક સભ્યને રેલ્વેમાં કાયમી નોકરી આપવામાં આવે અને તમામ બાકી નાણાં વ્યાજ સાથે ત્વરિત ચૂકવવામાં આવે.

ઉત્તર ગુજરાત વધુ વાંચો
લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 1980   |  
બાંધકામના નિયમોને ન અનુસરવા બદલ ૧૧ સાઈટ સીલ કરી દેવાઈ

શિયાળાની શરૂઆત સાથે જ અમદાવાદ શહેરમાં વધતા વાયુ પ્રદૂષણને અંકુશમાં લેવા અને પર્યાવરણના નિયમોનું કડક પાલન કરાવવા માટે અમદાવાદ મ્યુનિસિપલ કોર્પોરેશનનો એસ્ટેટ વિભાગ હવે એક્શન મોડમાં આવી ગયો છે. ઉત્તર-પશ્ચિમ ઝોન દ્વારા તાજેતરમાં હાથ ધરવામાં આવેલી સઘન ડ્રાઈવમાં બાંધકામના નિયમોનું ઉલ્લંઘન કરતી કુલ ૧૧ જેટલી મોટી બાંધકામ સાઈટ્સને સીલ કરી દેવામાં આવી છે. આ કડક કાર્યવાહીથી શહેરી બાંધકામ ક્ષેત્રે ભારે ખળભળાટ મચી ગયો છે.એસ્ટેટ વિભાગના સૂત્રોના જણાવ્યા અનુસાર, ગોતા, થલતેજ, ચાંદલોડિયા અને બોડકદેવ જેવા પોશ વિસ્તારોમાં ચાલી રહેલા બાંધકામ પ્રોજેક્ટ્સનું નિરીક્ષણ કરવામાં આવ્યું હતું. તપાસ દરમિયાન બહાર આવ્યું હતું કે અનેક બિલ્ડરો દ્વારા બાંધકામની ઊંચાઈની સાપેક્ષમાં ફરજિયાત ગ્રીન નેટ લગાવવામાં આવી ન હતી. આ ગ્રીન નેટના અભાવે બાંધકામ સ્થળેથી ઉડતી સિમેન્ટ અને રેતીની ધૂળ સીધી ખુલ્લા વાતાવરણમાં ભળતી હતી, જેના કારણે આસપાસના વિસ્તારમાં ભારે પ્રદૂષણ ફેલાતું હતું અને સ્થાનિક રહેવાસીઓની સ્વાસ્થ્ય સમસ્યાઓ વધી રહી હતી. દિવાળીનો તહેવાર નજીક આવી રહ્યો છે અને શિયાળાની ઋતુમાં હવાની ગુણવત્તા સતત કથળવાની દહેશત રહે છે, જેને ધ્યાનમાં રાખીને છસ્ઝ્રએ પ્રદૂષણ નિયંત્રણ માટે આ કડક પગલાં લીધા છે. 

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 1683   |  
નદીમાં વાસણા બેરેજ પછી ઔદ્યોગિક પ્રદૂષણ અને ખેતીમાં પાણીના ઉપયોગ અંગે ચિંતા

અમદાવાદની સાબરમતી નદીને સ્વચ્છ રાખવા માટે કરોડો રૂપિયાનો ખર્ચ કરવામાં આવે છે, પરંતુ નદીના કેટલાક વિસ્તારોમાં પ્રદૂષણને લઈને ગંભીર ચિંતાઓ સામે આવી રહી છે. ખાસ કરીને વાસણા બેરેજ પછીના વિસ્તારમાં ઔદ્યોગિક ગંદા પાણીના નિકાલ અને તેના કારણે ખેતી પર થતી અસર અંગે સવાલો ઊભા થયા છે. જાે આ પાણીનો ઉપયોગ શાકભાજી ઉગાડવા માટે થતો હોય, તો તેની ગુણવત્તા અને લોકોના આરોગ્ય પર પડતી અસરની તપાસ કરવી અત્યંત જરૂરી છે. વાસણા બેરેજથી આગળ સાબરમતીના પાણીમાં ઔદ્યોગિક પ્રદૂષણ હોવાની ફરિયાદો ચિંતાજનક છે. ઔદ્યોગિક એકમોમાંથી નીકળતા ગંદા પાણીનો યોગ્ય નિકાલ ન થાય તો નદીના જળની ગુણવત્તા બગડી શકે છે. પાણીમાં ઓગળેલા ઓક્સિજનનું પ્રમાણ ઘટવાથી જળચર જીવો અને પર્યાવરણને પણ નુકસાન થઈ શકે છે. આ વિસ્તારમાં પાણીની વાસ્તવિક સ્થિતિ જાણવા માટે વૈજ્ઞાનિક પરીક્ષણ અને નિયમિત દેખરેખ જરૂરી છે.વાસણા બેરેજથી ધોળકા તરફના વિસ્તારોમાં પ્રદૂષિત પાણીથી ખેતી થતી હોવાના દાવા સામે આવ્યા છે. જાે દૂષિત પાણીનો ઉપયોગ શાકભાજીના વાવેતર માટે કરવામાં આવતો હોય, તો તેમાં હાનિકારક રસાયણો કે ભારે ધાતુઓની હાજરી છે કે નહીં તે લેબોરેટરી પરીક્ષણથી તપાસવું જરૂરી છે. આ વિસ્તારોમાં ઉગાડવામાં આવતા શાકભાજી અમદાવાદના બજારો સુધી પહોંચે છે કે નહીં, તેની પણ સંબંધિત વિભાગોએ તપાસ કરવી જાેઈએ. નદીની સ્વચ્છતા માટેના પ્રયાસો ત્યારે જ અસરકારક ગણાય, જ્યારે ઔદ્યોગિક ગંદા પાણીના નિકાલ પર નિયંત્રણ રહે અને નિયમોનો ભંગ કરનાર એકમો સામે કાર્યવાહી થાય. પ્રદૂષણ નિયંત્રણ બોર્ડ, સ્થાનિક તંત્ર અને સંબંધિત વિભાગોએ પાણીનાં નમૂનાઓની તપાસ કરીને પરિણામો જાહેર કરવા જાેઈએ. સાથે જ ખેતીમાં વપરાતા પાણી અને બજારમાં વેચાતાં શાકભાજીની ગુણવત્તાની ચકાસણી પણ થવી જાેઈએ. સાબરમતીની સ્વચ્છતા માત્ર નદીની સુંદરતાનો વિષય નથી; તે પર્યાવરણ, ખેતી અને જાહેર આરોગ્ય સાથે જાેડાયેલો મુદ્દો છે. નદીના પાણીની ગુણવત્તા અને શાકભાજીમાં હાનિકારક તત્ત્વોની હાજરી અંગેના દાવાઓની સત્તાવાર તપાસ તથા લેબ રિપોર્ટ સામે આવે તે જરૂરી છે. 

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 1485   |  
ગાંધી આશ્રમ અને કબા ગાંધીના ડેલાના વહીવટમાં ફેરફાર

ગુજરાતમાં મહાત્મા ગાંધીજીના જીવન અને વારસા સાથે જાેડાયેલી બે ઐતિહાસિક સંસ્થાઓના વહીવટમાં રાજ્ય સરકારે મહત્વપૂર્ણ ફેરફાર કર્યો છે. અમદાવાદના સાબરમતી આશ્રમ સુરક્ષા અને સ્મારક ટ્રસ્ટ તથા રાજકોટના ગાંધી સ્મૃતિ ટ્રસ્ટ અને કબા ગાંધીના ડેલાની જવાબદારી હવે શિક્ષણ વિભાગને બદલે રમત-ગમત, યુવા અને સાંસ્કૃતિક પ્રવૃત્તિઓ વિભાગ સંભાળશે. આ ર્નિણયથી આ ઐતિહાસિક સ્થળોના સંચાલન અને નાણાકીય વ્યવસ્થામાં આગામી સમયમાં ફેરફાર જાેવા મળશે.રાજ્ય સરકારના શિક્ષણ વિભાગ દ્વારા જાહેર કરાયેલા સત્તાવાર ઠરાવ મુજબ, ગાંધીજીના જીવન, વિચારો અને ઐતિહાસિક વારસા સાથે સંબંધિત સંસ્થાઓની કામગીરી સાંસ્કૃતિક પ્રવૃત્તિઓના કાર્યક્ષેત્ર સાથે વધુ સુસંગત હોવાથી વહીવટી જવાબદારી અન્ય વિભાગને સોંપવાનો ર્નિણય લેવાયો છે. અત્યાર સુધી આ બંને સંસ્થાઓનું સંચાલન શિક્ષણ વિભાગ હેઠળ થતું હતું. હવે રમત-ગમત, યુવા અને સાંસ્કૃતિક પ્રવૃત્તિઓ વિભાગ તેમના વહીવટની જવાબદારી સંભાળશે. આ ફેરફાર પાછળ ઐતિહાસિક વારસાની જાળવણી અને સંબંધિત પ્રવૃત્તિઓના સંચાલનને યોગ્ય વહીવટી માળખા હેઠળ લાવવાનો અભિગમ હોવાનું માનવામાં આવે છે. અગાઉ સાબરમતી આશ્રમ સુરક્ષા અને સ્મારક ટ્રસ્ટને એડહોક ધોરણે ગ્રાન્ટ આપવામાં આવતી હતી. બીજી તરફ, રાજકોટના કબા ગાંધીના ડેલામાં કાર્યરત અંશકાલીન કર્મચારીઓના પગાર અને સંસ્થાના નિભાવ માટે વાર્ષિક ગ્રાન્ટ ફાળવવામાં આવતી હતી. આ નાણાકીય સહાય બજેટમાં પરચુરણ અનુદાન હેઠળ સ્ટેન્ડિંગ ચાર્જીસ તરીકે દર્શાવવામાં આવતી હતી. કમિશનર શાળાઓની કચેરીની દરખાસ્તને ધ્યાનમાં લીધા બાદ રમત-ગમત, યુવા અને સાંસ્કૃતિક પ્રવૃત્તિઓ વિભાગે આ જવાબદારી સ્વીકારવા સંમતિ આપી હતી. નાણાકીય વર્ષ ૨૦૨૭-૨૮થી નવી વ્યવસ્થા નાણાકીય વર્ષ ૨૦૨૬-૨૭ દરમિયાન બંને સંસ્થાઓ માટે જરૂરી ગ્રાન્ટની ફાળવણી અને નાણાકીય વ્યવસ્થા શિક્ષણ વિભાગ જ સંભાળશે, કારણ કે ચાલુ વર્ષનું બજેટ આ વિભાગ હેઠળ મંજૂર થયું છે. જાેકે, નાણાકીય વર્ષ ૨૦૨૭-૨૮થી રમત-ગમત, યુવા અને સાંસ્કૃતિક પ્રવૃત્તિઓ વિભાગ દ્વારા અલગથી બજેટ જાેગવાઈ કરવામાં આવશે. આથી આગામી વર્ષથી બંને ઐતિહાસિક સંસ્થાઓની નાણાકીય જવાબદારી નવા વિભાગ હેઠળ આવશે. ગાંધીજીના વારસાની જાળવણી સાથે સંકળાયેલા આ ફેરફારથી સંસ્થાઓના વહીવટ અને બજેટની કામગીરી નવી વ્યવસ્થા મુજબ આગળ વધશે.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 2178   |  
મેટ્રો સ્ટેશનોનો ૪૦ કરોડનો પ્રોપર્ટી ટેક્સ બાકી

અમદાવાદ મ્યુનિસિપલ કોર્પોરેશનના મિલકત વેરા વિભાગની કામગીરી સામે સવાલો ઊભા થયા છે. સામાન્ય કરદાતા પાસેથી રૂ. ૨૫ હજારથી રૂ. ૫૦ હજારનો મિલકત વેરો બાકી હોય તો નોટિસ આપવા અને જરૂર પડે તો મિલકત સીલ કરવા સુધીની કાર્યવાહી કરવામાં આવે છે. બીજી તરફ, અમદાવાદના વિવિધ વિસ્તારોમાં આવેલા મેટ્રો સ્ટેશનો અને સંબંધિત મિલકતોનો અંદાજે રૂ. ૪૦ કરોડનો પ્રોપર્ટી ટેક્સ બાકી હોવા છતાં તેની વસૂલાત અટવાઈ છે. એએમસી દ્વારા મેટ્રોની મિલકતો પર વપરાશનું ફેક્ટર-૭ લાગુ કરવામાં આવતાં ગુજરાત મેટ્રો રેલ કોર્પોરેશન સાથે વિવાદ ઊભો થયો છે. આ મામલો લાંબા સમયથી કાનૂની પ્રક્રિયામાં હોવાથી કરોડો રૂપિયાની વસૂલાતનો પ્રશ્ન યથાવત્ છે.એએમસીના પ્રોપર્ટી ટેક્સ વિભાગ દ્વારા શહેરના સામાન્ય મિલકતધારકો પાસેથી બાકી વેરો વસૂલવા નોટિસ, દંડાત્મક કાર્યવાહી અને મિલકત સીલ કરવા જેવા પગલાં લેવામાં આવે છે. જાેકે, મેટ્રો સ્ટેશનોનો કરોડો રૂપિયાનો વેરો બાકી હોવા છતાં તેની વસૂલાત થઈ શકતી નથી. આ સ્થિતિને કારણે કરવેરાની વસૂલાતમાં સમાનતા જળવાય છે કે નહીં તે અંગે સવાલો ઊભા થયા છે. એએમસીઅને ગુજરાત મેટ્રો રેલ કોર્પોરેશન વચ્ચે મિલકત વેરાની ગણતરી અને વસૂલાતને લઈને લાંબા સમયથી વિવાદ ચાલી રહ્યો છે. છસ્ઝ્ર દ્વારા મેટ્રોની વિવિધ મિલકતો પર વપરાશનું ફેક્ટર-૭ લાગુ કરવામાં આવ્યું છે. તેના કારણે મિલકત વેરાની રકમમાં મોટો વધારો થતાં મેટ્રો સત્તાવાળાઓએ આ વેરા સામે વાંધો ઉઠાવ્યો છે. પરિણામે, બંને સંસ્થાઓ વચ્ચેનો વિવાદ કાનૂની પ્રક્રિયામાં અટવાયો છે અને કોર્પોરેશનને બાકી રકમ વસૂલવામાં મુશ્કેલી પડી રહી છે. ગુજરાત મેટ્રો રેલ કોર્પોરેશનનું કહેવું છે કે મેટ્રો જાહેર પરિવહન માટેનો પ્રોજેક્ટ છે અને તેમાં કેન્દ્ર તથા રાજ્ય સરકાર બંનેની ભાગીદારી છે. આથી મેટ્રોની મિલકતોને મિલકત વેરામાં વિશેષ રાહત મળવી જાેઈએ તેવી રજૂઆત કરવામાં આવી છે. બીજી તરફ, એએમસી દ્વારા મેટ્રો સ્ટેશનો અને સંબંધિત મિલકતો પર વેરો લાગુ કરવામાં આવ્યો છે. આ મુદ્દે બંને પક્ષો વચ્ચે કાયદાકીય વિવાદ લાંબા સમયથી ચાલી રહ્યો છે. અગાઉ બાકી મિલકત વેરાની વસૂલાત માટે છસ્ઝ્ર દ્વારા કરવામાં આવેલી કાર્યવાહી અંગે ગુજરાત હાઈકોર્ટમાં પણ મામલો પહોંચ્યો હતો. હાઈકોર્ટે આ મુદ્દે કોર્પોરેશનની કામગીરી સામે નારાજગી વ્યક્ત કરીને નિયમો અનુસાર યોગ્ય નિકાલ કરવા આદેશ આપ્યો હતો. જાેકે, વપરાશનું ફેક્ટર-૭ લાગુ કરવાના મુદ્દે વિવાદ યથાવત્ રહેતાં અંદાજે રૂ. ૪૦ કરોડની વસૂલાતનો પ્રશ્ન હજુ ઉકેલાયો નથી. આ સ્થિતિમાં મેટ્રો મિલકતો પર લાગુ કરાયેલા વેરાની ગણતરી અને તેની કાયદેસરતા અંગેનો વિવાદ ઉકેલવો જરૂરી બન્યો છે. કયા મેટ્રો સ્ટેશનનો કેટલો વેરો બાકી? આપવામાં આવેલી વિગતો મુજબ, મેટ્રોની વિવિધ મિલકતોમાં સૌથી વધુ બાકી વેરો એપરલ પાર્ક ડેપો વર્કશોપનો રૂ. ૪,૩૯,૫૩,૬૩૫ છે. ત્યારબાદ મેટ્રો યુનિવર્સિટી સ્ટેશનનો રૂ. ૩,૧૬,૫૫,૨૯૪, ઓલ્ડ હાઈકોર્ટ સ્ટેશનનો રૂ. ૨,૯૧,૭૦,૬૪૦ અને એપરલ પાર્ક ડેપો ઓફિસનો રૂ. ૨,૫૩,૫૬,૦૬૦ વેરો બાકી છે. કાલુપુર મેટ્રો સ્ટેશનનો રૂ. ૨,૩૮,૦૭,૬૨૪ અને ગાંધીગ્રામ મેટ્રો સ્ટેશનનો રૂ. ૨,૪૪,૦૬,૭૪૭ વેરો વસૂલવાનો બાકી છે. ઉસ્માનપુરા સ્ટેશનનો રૂ. ૧,૮૮,૭૫,૫૮૫, ગુરુકૂળ સ્ટેશનનો રૂ. ૧,૮૮,૩૩,૩૫૨ અને વાડજ સ્ટેશનનો રૂ. ૧,૮૬,૭૦,૩૨૬ વેરો બાકી છે. આ ઉપરાંત કોમર્સ સિક્સ રોડ ઓફિસ, એસ.પી. સ્ટેડિયમ, પાલડી, એપીએમસી, થલતેજ, દૂરદર્શન કેન્દ્ર, ગ્યાસપુર વર્કશોપ અને જીવરાજપાર્ક મેટ્રો સ્ટેશનની મિલકતો પર પણ લાખોથી કરોડો રૂપિયા સુધીનો વેરો બાકી છે. આ આંકડા દર્શાવે છે કે મેટ્રોની વિવિધ મિલકતો પર મોટી રકમ વસૂલવાની બાકી છે. હવે આ કાનૂની વિવાદનો ઉકેલ ક્યારે આવે છે અને છસ્ઝ્રને બાકી વેરાની વસૂલાતમાં ક્યારે સફળતા મળે છે તેના પર સૌની નજર રહેશે.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 1881   |  
આર્થિક ભીડ અને દેવું ચૂકવવા વેપારીએ જ જાતે ચપ્પાના ઘા મારી ખોટી કહાની રચી

અમદાવાદ શહેરમાં કાયદો અને વ્યવસ્થાસંબંધી ચોંકાવનારી ઘટનાઓ વચ્ચે શાહપુર વિસ્તારમાંથી એક એવો કિસ્સો સામે આવ્યો છે જેણે પોલીસને પણ ચોંકાવી દીધી છે. અગાઉ મિરઝાપુરના પ્રીમિયર શોપિંગ સેન્ટર પાસે ચાર અજાણ્યા શખ્સો દ્વારા ચપ્પાના ઘા મારીને રૂ. ૧૫ લાખની લૂંટ ચલાવવામાં આવી હોવાની ફરિયાદ એક વેપારી દ્વારા નોંધાવવામાં આવી હતી. આ ઘટનામાં વેપારીના હાથ અને પેટના ભાગે ગંભીર ઇજાઓ અને ચપ્પાના ઘા લાગ્યા હોવાનું જણાવાયું હતું, જેના કારણે પોલીસ તંત્ર પણ તાત્કાલિક હરકતમાં આવી ગયું હતું અને સઘન તપાસ શરૂ કરી હતી. શાહપુર પોલીસે સીસીટીવી ફૂટેજ, ટેકનિકલ સર્વેલન્સ અને ફોરેર્ન્સિક સાયન્સ લેબોરેટરીની મદદથી વૈજ્ઞાનિક ઢંગે તપાસ હાથ ધરી હતી. પોલીસ તપાસ દરમિયાન એવું બહાર આવ્યું કે વેપારીને બેંક લોનના હપ્તા અને વીંસીના મળીને કુલ રૂ. ૨૨.૫૦ લાખ જેટલી રકમ ચૂકવવાની બાકી હતી અને ભારે આર્થિક સંકડામણ ચાલી રહી હતી. આ દેવામાંથી છૂટકારો મેળવવા માટે વેપારીએ ખુદ પોતાની જાતને ઈજાઓ પહોંચાડી હતી અને ચાર અજાણ્યા શખ્સો લૂંટ ચલાવીને નાસી છૂટ્યા હોવાની ખોટી લૂંટની કહાની ઊભી કરી હતી જેની પોલીસે સત્તાવાર કબૂલાત મેળવી છે. પોલીસ તપાસમાં આ સમગ્ર મામલો માત્ર એક બનાવટી કાવતરું હોવાનું સ્પષ્ટ થઈ જતાં તંત્રએ રાહતનો શ્વાસ લીધો છે, પરંતુ ખોટી ફરિયાદ નોંધાવીને પોલીસનો કિંમતી સમય બગાડવા બદલ હવે આ વેપારી સામે કાયદાકીય શિકંજાે કસાશે. શાહપુર પોલીસ સ્ટેશન દ્વારા જાહેર કરવામાં આવ્યું છે કે ખોટી લૂંટની ફરિયાદ નોંધાવવા બદલ સંબંધિત વેપારી સામે કોર્ટમાં બી સમરી વિથ પ્રોસિક્યુશન ની કાનૂની કાર્યવાહી હાથ ધરવામાં આવશે, જેથી ભવિષ્યમાં કોઈ આ પ્રકારનું કૃત્ય કરતા અચકાય.

દક્ષિણ ગુજરાત વધુ વાંચો
લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 1683   |  
વલસાડનાં ગાડરિયા ગામે ૨૪ વર્ષીય પરિણીતાની શંકાસ્પદ સંજોગોમાં આત્મહત્યા

વલસાડ તાલુકાના ગાડરિયા ગામના દાદરી ફળિયામાં રહેતી ૨૪ વર્ષીય પરિણીતાએ અગમ્ય કારણોસર પોતાના ઘરે ગળાફાંસો ખાઈને જીવન ટૂંકાવી લેતાં સમગ્ર પંથકમાં ભારે ચકચાર મચી જવા પામી છે. દીકરીના અચાનક મોતના સમાચાર મળતાં જ પિયર પક્ષે સાસરિયાઓ સામે માનસિક અને શારીરિક ત્રાસના ગંભીર આક્ષેપો કરી તટસ્થ તપાસ અને કડક કાર્યવાહીની ઉગ્ર માંગ કરી છે. મળતી માહિતી મુજબ, વલસાડ તાલુકાના ગાડરિયા ગામના દાદરી ફળિયામાં રહેતી ૨૪ વર્ષીય પરિણીતા મેઘનાએ અગમ્ય કારણોસર પોતાનાં ઘરમાં જ ગળાફાંસો ખાઈ જીવન ટૂંકાવી લીધુ હતું. આ ઘટનાની જાણ થતાં જ મેઘનાના પિયર પક્ષનાં લોકો ઘટનાસ્થળે દોડી આવ્યા હતાં. તેમના દ્વારા ગંભીર આક્ષેપ કરવામાં આવ્યો છે કે, લગ્નજીવનની શરૂઆતથી જ મેઘનાને સાસરી પક્ષ તરફથી સતત માનસિક અને શારીરિક ત્રાસ આપવામાં આવતો હતો. જેને પગલે તેમની દીકરીએ આ આત્યંતિક પગલું ભર્યું હોવાનો દાવો પિયરીયાઓ દ્વારા કરવામાં આવ્યો છે. આ સમગ્ર મામલે પિયર પક્ષના સભ્યોએ સ્થાનિક પોલીસ મથકે પહોંચીને ઉગ્ર રજૂઆત કરી છે. આ સાથે જ, માંગ કરી છે કે આ સમગ્ર પ્રકરણમાં પોલીસ દ્વારા ઊંડાણપૂર્વક, નિષ્પક્ષ અને તટસ્થ તપાસ કરવામાં આવે અને પરિણીતાના મોત માટે જવાબદાર તમામ સાસરિયાઓ સામેે સખત કાર્યવાહી કરવામાં આવે તેવી માંગ કરી છે. બનાવની જાણ થતાં જ વલસાડ પોલીસ કાફલો તાત્કાલિક ઘટનાસ્થળે પહોંચી ગયો હતો. પોલીસે મૃતદેહનો કબ્જો મેળવીને પોસ્ટમોર્ટમ અર્થે હોસ્પિટલ ખાતે ખસેડ્યો છે અને આગળની કાયદેસરની કાર્યવાહી હાથ ધરી છે. પ્રાથમિક તબક્કે પોલીસે અકસ્માત મોતનો ગુનો નોંધીને પિયર પક્ષ દ્વારા કરવામાં આવેલા ગંભીર આક્ષેપો અને પરિસ્થિતિજન્ય પુરાવાઓનાં આધારે કયા સંજોગોમાં પરિણીતાએ આ પગલું ભર્યું તે દિશામાં સઘન તપાસ શરૂ કરી છે.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 1485   |  
એક જ વ્યક્તિની ૩ કંપનીઓને ફાયદો કરાવવા ટેન્ડરનાં નિયમોમાં ફેરફાર કરાયાનો ઘટસ્ફોટ

વલસાડ જિલ્લા પંચાયતની શિક્ષણ શાખા ભ્રષ્ટાચાર અને અનિયમિતતાનો ગઢ બની ગઈ હોય તેમ એક પછી એક ચોંકાવનારા કૌભાંડો બહાર આવી રહ્યાં છે. સરકારી નીતિ- યમો અને પારદશિર્તાના દાવાઓનો છેડ ઉડાડીને શિક્ષણ વિભાગમાં ચોક્કસ પક્ષકાર અને મળતિયાઓને ફાયદો પહોંચાડવા માટે આખી ટેન્ડર પ્રક્રિયામાં મનસ્વી છેડછાડ કરવામાં આવી હોવાનો ગંભીર વિવાદ કર્યો છે. મળતી માહિતી અનુસાર, શિક્ષણ શાખા દ્વારા ૨૬ જૂન, ૨૦૨૬નાં રોજ પ્રથમ ટેન્ડર બહાર પાડવામાં આવ્યું હતું. પરંતુ, અગમ્ય કારણોસર તે ટેન્ડર રદ્દ કરી દેવાયુ હતું. ત્યારબાદ, પૂર્વાયોજિત પ્લાન હેઠળ ૧૦ જુલાઈ, ૨૦૨૬નાં રોજ નવેસરથી ટેન્ડર બહાર પાડવામાં આવ્યું હતું. આક્ષેપ છે કે, આ નવા ટેન્ડરમાં નિયમો અને શરતો સાથે એવી કુનેહપૂર્વક છેડછાડ કરવામાં આવી હતી, જેથી માત્ર ને માત્ર એક જ ચોક્કસ વ્યક્તિની ૩ અલગ-અલગ કંપનીઓને જ તેનો સીધો લાભ મળે. આ સ્પર્ધામાં કુલ ૧૭ કંપનીઓએ બિડિંગ કર્યું હોવા છતાં અન્ય તમામ સ્પર્ધક પેઢીઓ નિયમોને લીધે બહાર નીકળી ગઈ હતી અને માત્ર પેલી ૩ પેઢીઓ જ ટેક્નિકલી ક્વોલિફાઈ થઈ હતી. સૂત્રોના જણાવ્યા અનુસાર, આ ત્રણેય કંપનીઓ સાથે સંકળાયેલી મુખ્ય વ્યક્તિ જિલ્લા પંચાયતની તિજોરી શાખાના જ હિસાબી અધિકારી હોવાની ચર્ચાએ જોર પકડ્યું છે. નિયમોને તાબે થઈને ચાલતી આ પ્રક્રિયામાં ભ્રષ્ટાચારની બૂ એટલા માટે પણ આવે છે, કારણ કે ઓનલાઇન ટેન્ડરની નિર્ધારિત સમયમર્યાદા ક્યારેયની પૂરી થઈ ગઈ હોવા છતાં, ગત ૨૬ ઓક્ટોબર સુધી આ ટેન્ડરને મંજૂરી આપવામાં જાણી જોઈને વિલંબ કરવામાં આવ્યો હતો. જ્યારે અન્ય સ્પર્ધક કંપનીઓના પ્રતિનિધિઓએ આ અંગે શિક્ષણ શાખાના ટેન્ડર ક્લાર્ક અને શિક્ષણ ખાતાના હિસાબી અધિકારીનો રૂબરૂ સંપર્ક કરી ખુલાસો માંગ્યો, ત્યારે જવાબદાર અધિકારીઓએ, આ બધું ડીડીઓની સૂચના મુજબ થઈ રહ્યું છે, તેવો જવાબ આપી પોતાની જવાબદારીમાંથી હાથ ખંખેરી લીધા હતાં. વલસાડ જિલ્લાનું શિક્ષણ વિભાગ પહેલીવાર વિવાદમાં નથી આવ્યું. આ અગાઉ પણ પરીક્ષાના પ્રશ્નપત્ર છપાવવા અને રમતગમતના સાધનોની ખરીદીમાં ખૂબ જ મોટાંપાયે ભ્રષ્ટાચાર આચરવામાં આવ્યો હતો. ભૂતકાળમાં પણ એક જ વ્યક્તિ દ્વારા ત્રણથી વધુ અલગ-અલગ નામોથી ટેન્ડર ભરીને પોતાના મળતિયાઓને જ કોન્ટ્રાક્ટ અપાવવાના કારસા અંગે ફરિયાદો ઉઠવા છતાં અધિકારીઓ દ્વારા આંખ આડા કાન કરવામાં આવ્યા હતાં. ત્યારે હવે આ મામલામાં સંડોવાયેલા તમામ અધિકારીઓ સામે કાયદેસરની તપાસ હાથ ધરી યોગ્ય કાર્યવાહી કરવાની માગ કરવામાં આવી રહી છે. 

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 1584   |  
ભાજપનાં મહિલા નેતાનાં દારૂડિયા પુત્રે અડાજણમાં બેફામ કાર ચલાવી ૧૫ વાહનોને અડફટે લીધાં

શહેરનાં અડાજણ વિસ્તારમાં આવેલી આઇએન ટેકરાવાળા સ્કુલ પાસે ગઈ કાલે રાત્રે કાળા રંગની સ્કોર્પિયો કારનાં ચાલકે કાબુ ગુમાવી રસ્તા પર પાર્ક કરેલાં ૧૫ જેટલાં વાહનોને અડફટે લેતાં ભારે અફરાતફરી મચી ગઈ હતી. અકસ્માત બાદ વાહન માલિકોમાં ભારે રોષ ફેલાયો હતો. સ્થાનિક લોકોએ કાર ચાલકને સ્થળ પરથી ભાગવા દીધો ન હતો અને તાત્કાલિક પોલીસને જાણ કરતા પોલીસની પણ દોડી આવી હતી અને કાર સાથે ચાલકને પકડી પાડવામાં આવ્યો હતો. કાર ચાલક દારૂના નશામાં હોવાનું અને ભાજપનાં મહિલા નેતાનો પુત્ર હોવાનું પણ સામે આવ્યું છે.અડાજણ વિસ્તારમાં આવેલી આઈએન ટેકરાવાળા સ્કુલની બાજુમાં લૂટો ક્રીએશન પાસે ગત રાત્રે ૧૨થી ૧૨.૪૦ વાગ્યાના અરસામાં કાળા રંગની સ્કોર્પિયો કાર લઈને પસાર થઈ રહેલા ચાલકે અચાનક સ્ટીયરિંગ પરથી કાબુ ગુમાવ્યો હતો. ત્યારબાદ રસ્તાની બાજુમાં પાર્ક કરેલાં વાહનોને એક પછી એક ટક્કર મારતાં અનેક વાહનોને નુકસાન થયું હતું. સ્કોર્પિયોની ટક્કરથી એક્ટિવા,એક્સેસ અને બર્ગમેન સહિતનાં ૧૫ થી વધુ વાહનો ક્ષતિગ્રસ્ત થતાં વાહન માલિકો દોડી આવ્યા હતા. એક સાથે અનેક વાહનોને નુકસાન થતાં સ્થળ પર લોકોનાં ટોળાં એકત્ર થઈ ગયાં હતાં. બનાવને પગલે સ્થળ પર ભારે અફરાતફરીનો માહોલ સર્જાયો હતો. જાેકે કાર કાર ચાલક સ્થળ પરથી ભાગી છૂટે તે પહેલા જ લોકોએ ૧૧૨ને કોલ કરતા પોલીસ તાત્કાલિક સ્થળ પર દોડી આવી હતી અને નંબર પ્લેટ વગરની કાળા રંગની સ્કોર્પિઓ કબ્જે લઈને કાર ચાલક યશ રાઠોડની અટક કરી પોલીસ સ્ટેશને લઇ જવામાં આવ્યો હતો અને તેની ધરપકડ કરી કાયદેસની કાર્યવાહી હાથ ધરવામાં આવી છે. પોલીસ તપાસમાં યશની માતા ઓલપાડ ખાતે તાલુકા પંચાયતમાં સભ્ય હોવાનું સામે આવ્યું છે. અડાજણ પોલીસ સ્ટેશનના પીઆઇ ચાવડાએ જણાવ્યું હતું કે કાર ચાલક ૨૩ વર્ષીય યશ અતુલ રાઠોડ ( રહે -મોટા હળપતિવાસ, ઓલપાડ )ની અટકાયત કરવામાં આવી હતી અને તેનો મેડિકલ ટેસ્ટ કરાવવામાં આવ્યો હતો. આરોપી નશાની હાલતમાં કાર ચલાવી રહ્યો હતો.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 1386   |  
વેડરોડ પંડોળમાં મનપાની તવાઈ, પર ગેરકાયદે તપેલા ડાઈંગ મિલો સીલ

શહેરનાં કતારગામ ઝોન વિસ્તારમાં આવેલા વેડરોડનાં પંડોળ વિસ્તારમાં બીનઅધિકૃત રીતે ધમધમતી તપેલા ડાઈંગ મિલો સીલ કરીને સુરત મહાનગરપાલિકાએ કડક કાર્યવાહી હાથ ધરી છે. સ્થળ તપાસ દરમિયાન વિવિધ મિલકતોમાં ગેરકાયદેસર રીતે ડાઈંગનું કામ થતું હોવાનું બહાર આવતાં તંત્ર હરકતમાં આવ્યું હતું. આ એકમોમાં વપરાતા કલર અને રસાયણોનું કેમિકલયુક્ત ગંદુ પાણી સીધું ડ્રેનેજ લાઈનમાં છોડવામાં આવતું હોવાની બાબત સામે આવી હતી. જેના કારણે પીવાના પાણીની ગુણવત્તા જોખમાઈ રહી હોવાની અને સ્થાનિક નાગરિકોનાં આરોગ્ય સામે ગંભીર ખતરો ઊભો થતો હોવાની ફરિયાદો કરવામાં આવી હતી.વેડરોડ તથા પંડોળનાં સ્થાનિક રહીશો દ્વારા આ મુદ્દે અગાઉ મનપામાં અનેક ફરિયાદો અને અરજીઓ કરવામાં આવી હતી. રહીશોની રજૂઆતોને ધ્યાનમાં રાખીને મહાનગરપાલિકાએ સ્થળ તપાસ હાથ ધરી હતી. તપાસ દરમિયાન બીનઅધિકૃત રીતે તપેલા ડાઈંગની પ્રવૃત્તિ ચાલતી હોવાનું જણાતાં સંબંધિત મિલકતોના સંચાલકોને નોટિસ ફટકારવામાં આવી હતી. નોટિસમાં ગેરકાયદેસર પ્રવૃત્તિ બંધ કરવા ઉપરાંત મિલકતો ખાલી કરવા, એકમો દૂર કરવા અને સીલ કરવાની કાર્યવાહી અંગે સૂચના આપવામાં આવી હતી. મનપા દ્વારા આપવામાં આવેલી નોટિસની સમયમર્યાદા પૂર્ણ થઈ ગયા બાદ પણ સ્થિતિમાં સુધારો ન જણાતાં તંત્રએ કડક વલણ અપનાવ્યું હતું. ઝુંબેશ દરમિયાન આશરે ૫૨ જેટલી ગેરકાયદેસર તપેલા ડાઇંગમિલોને સીલ કરવામાં આવી હતી. અચાનક હાથ ધરાયેલી આ કાર્યવાહીથી વિસ્તારમાં ગેરકાયદેસર રીતે ડાઈંગનો વ્યવસાય કરતા સંચાલકોમાં ફફડાટ ફેલાયો હતો. કેમિકલયુક્ત પાણીનો અયોગ્ય નિકાલ પર્યાવરણ અને જાહેર આરોગ્ય માટે જોખમ ઊભું કરી શકે છે. પીવાના પાણીની લાઈનોમાં ગંદુ પાણી ભળવાની આશંકા અંગે સ્થાનિક રહીશોએ ચિંતા વ્યક્ત કરી હતી. મનપા તંત્રએ સ્પષ્ટ કર્યું છે કે નાગરિકોનાં આરોગ્ય અને પર્યાવરણને નુકસાન પહોંચાડતી ગેરકાયદેસર પ્રવૃત્તિઓ સામે કાર્યવાહી ચાલુ રહેશે. આગામી દિવસોમાં પણ આવા એકમો સામે નિયમ મુજબ સીલિંગ સહિતનાં કડક પગલાં લેવામાં આવશે.

લોકસત્તા જનસત્તા ન્યૂઝ ડેસ્ક   |   loksattanews.co.in
ગુજરાત
29, ઓક્ટોબર 2026 1485   |  
ખટોદરામાં વેપારી પાસેથી લેકડ મેટલાઇઝ પોલીએસ્ટર ફિલ્મ ખરીદી ૨૭ લાખ રૂપિયાની છેતરપિંડી આચરી

સુરત શહેરનાં ઉધના-મગદલ્લા રોડ પર આવેલી એસ.એમ.એલ. હાઉસ ખાતે વેપાર કરતા વેપારી સાથે રૂ.૨૭,૦૭,૫૩૨ની છેતરપિંડી થઈ હોવાની ફરિયાદ ખટોદરા પોલીસ સ્ટેશનમાં નોંધાઈ છે. લેકડ મેટલાઇઝ્ડ પોલિએસ્ટર ફિલ્મનો માલ ઉધારમાં ખરીદ્યા બાદ પેમેન્ટ નહીં ચૂકવવા અને બાકી રકમની ચુકવણી માટે આપવામાં આવેલો ચેક બેંકમાંથી પરત ફરતાં સમગ્ર મામલો પોલીસ મથકે પહોંચ્યો છે. આ પ્રકરણમાં બાપા સીતારામ થ્રેડનાં માલિક જીગ્નેશ મેઘજીભાઈ જીવાણા સામે ફરિયાદ નોંધાતાં પોલીસે વધુ તપાસ હાથ ધરી છે.પોલીસ ફરિયાદ મુજબ, ગોડાદરા વિસ્તારમાં રહેતા ૩૪ વર્ષીય નિખિલ સુરેશચંદ્ર મિસ્ત્રી નોકરી કરે છે. તેમની ફરિયાદમાં જણાવ્યા અનુસાર, બાપા સીતારામ થ્રેડનાં માલિક જીગ્નેશ જીવાણીએ ૭ જૂનથી ૨૨ ડિસેમ્બર, ૨૦૨૫ દરમિયાન અલગ-અલગ બિલો અને ચલણ મારફતે વિવિધ ગુણવત્તાની લેકડ મેટલાઇઝ્ડ પોલીએસ્ટર ફિલ્મનો માલ ઉધારમાં મેળવ્યો હતો. આ વ્યવહારની કુલ રકમ રૂ.૨૭,૦૭,૫૩૨ થતી હતી. ફરિયાદમાં આક્ષેપ કરાયો છે કે માલ મેળવ્યા બાદ પેમેન્ટની ચુકવણી માટે જીગ્નેશ જીવાણીએ રૂ.૨૭,૦૭,૫૩૨નો ચેક આપ્યો હતો. જાેકે, ચેક બેંકમાં જમા કરાવવામાં આવતાં બેંકમાં નોંધાયેલી સહી અને ચેક પરની સહી વચ્ચે તફાવત જણાતાં ‘ડ્રોઅર સિગ્નેચર ડિફર્સ’ના શેરા સાથે ચેક પરત ફર્યો હતો. આથી વેપારીને નાણાંની ચુકવણી મળી શકી નહોતી. ચેક પરત ફરવા અંગે માલિકને જાણ કરવામાં આવી હોવા છતાં બાકી નાણાં ચૂકવવામાં આવ્યાં ન હતા. વેપારી દ્વારા વારંવાર પેમેન્ટની માગણી કરવામાં આવતી હતી, પરંતુ અલગ-અલગ બહાનાં બતાવી ચુકવણી ટાળવામાં આવતી હોવાનો આક્ષેપ છે. બાદમાં ફોન પણ ઉપાડવામાં આવતા ન હોવાની ફરિયાદ કરવામાં આવી છે. આખરે રૂ.૨૭,૦૭,૫૩૨ની રકમ નહીં મળતાં નિખિલ મિસ્ત્રીએ ખટોદરા પોલીસનો સંપર્ક કર્યો હતો. પોલીસે બાપા સીતારામ થ્રેડના માલિક વિરુદ્ધ ગુનો નોંધી વધુ તપાસ હાથ ધરી છે.

વધુ બતાવો
© 2026. All rights reserved by Inkpot Publications Private Limited.
This website follows the DNPA Code of Ethics
Terms & Conditions | Privacy Policy
Contact Us | Grievance Redressal Policy
Design & Develop By:
Dalia Web & Soft Solution