ઉત્તર ગુજરાત સમાચાર

  • ક્રાઈમ વોચ

    અન્ય રાજયો કરતા ગુજરાતમાં 2020માં હિટ એન્ડ રનમાં 1104 લોકોનાં મોત નિપજ્યા

    અમદાવાદ-રાજ્યમાં રોડ એક્સીડન્ટમાં ૬૫૬૪ લોકોએ જીવ ગૂમાવ્યો જેમાં હિટ એન્ડ રનમાં ૧૧૦૪ લોકોના મોત થયા હતા. અન્ય રાજ્યની તુલનામાં ગુજરાતમાં રોડ એક્સીડન્ટની ઘટનાઓ ઓછી હોવાનું સ્પષ્ટ થઈ રહ્યું છે. ઉત્તરપ્રદેશમાં ૧૯૨૦૫ લોકો, મધ્યપ્રદેશમાં ૧૧૭૪૪, મહારાષ્ટ્રમાં ૧૧૬૫૮ અને કર્ણાટકામાં ૧૧૫૭૩ લોકોએ રોડ અકસ્માતમાં જીવ ગૂમાવ્યો છે. આ રાજ્યોમાં હિટ એન્ડ રનમાં જીવ ગૂમાવનાર લોકોની સંખ્યા પણ વધુ છે. ઉત્તરપ્રદેશમાં રોડ એક્સીડેન્ટમાં ૧૯૨૦૫ના મોત સામે હિટ એન્ડ રનના બનાવમાં મરનારની સંખ્યા ૧૫૪૮૫ છે. આમ, ઉત્તરપ્રદેશમાં હિટ એન્ડ રનની ઘટનાઓમાં ઉછાળો જાેવા મળ્યો છે. ગુજરાતમાં રાયોટીંગની ૧૦૮૩ બનાવો બન્યા જેમાં કોમી અને ર્ધામિક અથડામણની ૨૩ ઘટના અને સાંપ્રદાયીક હિંસાની ૧૦ ઘટનાઓ બની હતી. ૨૦૨૦માં રાજ્યમાં રોડ અકસ્માતમાં ૬૫૬૪ લોકોએ જીવ ગૂમાવ્યો જેમાં હિટ એન્ડ રનની ઘટનામાં રાજ્યમાં ૧૧૦૪ લોકોના મોત નિપજ્યા છે. રાજ્યમાં મહિલાઓની સુરક્ષા સામે સવાલ ઊભા કરતાં ચોંકાવનારા આંકડા બહાર આવી રહ્યા છે. ૨૦૨૦માં રાજ્યમાં ૪૮૬ મહિલાઓ દુષ્કર્મનો ભોગ બની તેમજ એસીડ એટેકની ૮ ઘટનાઓ પોલીસ ચોપડે નોંધાઈ છે. ગ્દઝ્‌રઇમ્‌ (નેશનલ ક્રાઈમ રેકર્ડ બ્યૂરો) દ્વારા જારી કરવામાં આવેલા વર્ષ ૨૦૨૦ના આંકડાના આધારે ઉપરોક્ત વિગતો બહાર આવી છે. ગુજરાતમાં ૨૦૨૦માં જૂથ અથડામણની ૧૦૮૩ ઘટનાઓમાં ૧૩૮૨ લોકો ભોગ બન્યા જેમાં કોમી, ર્ધામિક અને સાંપ્રદાયીક હિંસાની કુલ ૩૩ ઘટનાઓમાં ૫૦ લોકો ભોગ બન્યા હતા. રાજકીય અને જાતિગત સંઘર્ષની કુલ ૩૦ હિંસાની ઘટનાઓ નોંધાઈ હતી. આ ઉપરાંત ખેતી મામલે, વિદ્યાર્થીઓના જૂથ, નાણાંકીય વિવાદ, પાણીનો વિવાદ, જમીન વિવાદ, કૌટુંબીક વિવાદ, આંદોલન અને દુશ્મનાવટને પગલે હિંસાના બનાવો બન્યા હતા. રાજ્યમાં પોલીસ અને સરકારી કર્મચારીઓ પર હિંસાના ૫૦ બનાવો બન્યા હતા. મહિલાઓની સુરક્ષા મામલે વધુ સક્ષમ કાર્યવાહી અને કાયદાકીય જાેગવાઈઓ તૈયાર કરવા રાજ્ય સરકારને વિચારણા કરવી પડે તેવી આંકડાકીય સ્થિતી છે. રાજ્યમાં ૨૦૨૦માં ૪૮૬ મહિલાઓ દુષ્કર્મનો ભોગ બની જેમાં એસીડ એટેકની ૮ ઘટનાઓ પણ પ્રકાશમાં આવી છે. મહિલાઓ પર હુમલાની ૩૦૬ ઘટનાઓ નોંધાઈ ઊપરાંત શારિરીક છેડછાડની ૩૫૮ ઘટનાઓ બની જેમાં ૧૪ ઘટના મહિલાઓના કાર્યસ્થળ પર બની છે.જાહેર ટ્રાન્સપોર્ટના સ્થળે મહિલાઓની છેેડછાડના ત્રણ બનાવ બન્યા છે. મહિલાઓનો પીછો કરીને પજવવાની ૧૧૪ તેમજ ગંદા અને બિભત્સ ઈશારા કરવાની ૧૪ ઘટનાઓ રાજ્યમાં નોંધાઈ છે.
    વધુ વાંચો
  • રાજકીય

    વૃક્ષ ઉછેરનો રેકોર્ડ તો ના બન્યો પણ 5 વર્ષમાં રાજયમાં 9.75 લાખ વૃક્ષોનું નિકંદન કાઢી દુ:ખદ રેકોર્ડ બનાવ્યો: મોઢવાડિયા

    ગાંધીનગર-અમદાવાદ સહિત સમગ્ર ગુજરાતમાં વૃક્ષારોપણ અને તેના ઉછેરના નક્કર આયોજન અને નિતીની જગ્યાએ રાજ્યની ભાજપ સરકાર માત્ર તાયફાઓ કરી રહી છે. ત્યારે આ મુદ્દા અંગે ભાજપ સરકાર ઉપર પ્રહાર કરતા ગુજરાત પ્રદેશ કોંગ્રેસના પૂર્વ પ્રમુખ અર્જુન મોઢવાડિયાએ જણાવ્યું હતું કે, વૃક્ષો ઉછેરવાના નક્કર આયોજનના સ્થાને રાજ્યની ભાજપ સરકાર માત્ર વૃક્ષારોપણના તાયફાઓ કરી જનતાએ ભરેલ ટેક્સના કરોડો રૂપિયાનું આંધણ કરી રહી છે. આ અંગે મોઢવાડિયાએ જણાવ્યું હતું કે વર્ષ 2010 માં જીએમડીસી ગ્રાઉન્ડ ખાતે કાર્યક્રમનું આયોજન કરી તત્કાલીન મુખ્યમંત્રી નરેન્દ્ર મોદીએ અમદાવાદમાં 9 વૃક્ષોનું વાવેતર કરીને વર્લ્ડ રેકોર્ડ સ્થાપ્યાનો દાવો કર્યો હતો. આ 9 લાખ રોપાની ખરીદી પાછળ 30 લાખનો ખર્ચ અને કાર્યક્રમના આયોજન અને જાહેરાતો પાછળ 50 કરોડથી વધુનો ખર્ચ કરાયો હતો. પરંતુ આ પૈકી એક પણ વૃક્ષ આજે હયાત નથી. ત્યારે ફરીથી નરેન્દ્ર મોદીના જન્મ દિવસે 10 લાખ વૃક્ષારોપણનો લક્ષ્યાંક નક્કી કરીને આજે મુખ્યમંત્રીએ અમદાવાદના લાલ બહાદુર શાસ્ત્રી તળાવ ખાતે 71,000 વૃક્ષારોપણ કર્યું, પરંતુ વૃક્ષોના ઉછેર માટેનું કોઈ આયોજન નથી. માત્ર દેખાડા ખાતર વૃક્ષારોપણના કાર્યક્રમો પાછળ લાખો રૂપિયા ખર્ચાયા બાદ પણ પરિણામ કંઇ નહી હોવાની વાસ્તવિકતા સૌની સામે છે. મોઢવાડિયાએ વધુમાં જણાવ્યું હતું કે, કરોડોનો ખર્ચ કરીને વાવેલ નવ લાખ રોપા ઉગાડીને વર્લ્ડ રેકોર્ડ તો ના સ્થપાયો, પરંતુ છેલ્લા પાંચ વર્ષમાં ગુજરાતમાં 9.75 લાખ વૃક્ષોનું નિકંદન કાઢીને દુ:ખ પહોંચાડે તેવો રેકોર્ડ ચોક્કસ કરી બતાવ્યો છે. એકલા અમદાવાદમાં છેલ્લા 5 વર્ષમાં 18 હજાર વૃક્ષોની હત્યા કરાઈ છે. અમદાવાદ શહેરને ગ્રીનસિટી બનાવવાની વાતો થઇ રહી છે, તેની સામે આડેધડ વૃક્ષો કાપી નાંખીને સિમેન્ટ -ક્રોકીટનું જંગલ બનાવી દેવાયું છે. શહેરમાં 14 ટકા ગ્રીનરી હોવાના નિયમની સામે હાલમાં અમદાવાદમાં ફક્ત 4 ટકા જ ગ્રીનરી છે. જે પર્યાવરણની દ્રષ્ટિએ તેમજ શહેરીજનોના સ્વાસ્થ્ય માટે ભવિષ્યમાં ખૂબ જ ઘાતક પરિણામો આપી શકે તેમ છે. મોઢવાડિયાએ ઉમેર્યું હતું કે, ભાજપ સરકાર પાસે હરિયાળી માટે દ્રષ્ટિનો અભાવ છે. વિકાસના નામ ઉપર આડેધડ વૃક્ષો કાપવાની મંજૂરી આપી દેવાય છે. ઝાડ કાપવા અંગે વર્ષ 2013માં ગુજરાત હાઇકોર્ટ સમક્ષ અરજી થઈ હતી. ત્યારે હાઈકોર્ટે ટ્રી કટીંગ પોલિસી બનાવવા માટે રાજ્ય સરકારને નિર્દેશ આપ્યો હતો. પરંતુ આજ દિવસ સુધી રાજ્ય સરકારે ટ્રી કટીંગ પોલિસી બનાવી નથી. નગરપાલિકાઓ પણ ચોમાસા અગાઉ ટ્રીમીંગની કામગીરીમાં બેદરકારી રખાતી હોવાથી દર વર્ષે ચોમાસામાં મોટી સંખ્યામાં વૃક્ષો વરસાદ અને વાવાઝોડામાં પડી જતા હોય છે. ત્યારે રાજ્ય સરકારે અને મહાનગરપાલિકાઓએ માત્ર વૃક્ષારોપણના તાયફાઓ કરીને કરોડો રૂપિયાના ધુમાડા કરવાના બદલે વૃક્ષોના જતન માટે ચોક્કસ નીતિ બનાવવી જોઇએ.  
    વધુ વાંચો
  • ગુજરાત

    અમદાવાદ કોર્પોરેશનનો મહત્વનો નિર્ણય, BRTS - AMTS, ઑફિસ સહિતની જગ્યા પર નહીં મળે પ્રવેશ

    અમદાવાદ-કોરોનાથી સુરક્ષિત રહેવા માટે સરકારે વેકસીનેશન શરૂ કરવામા આવ્યું છે. અમદાવાદ શહેરમાં 35.59 લાખ લોકોને વેકસીનનો પહેલો ડોઝ અને 16.44 લાખ લોકોને બીજો ડોઝ આમ કુલ 53.03 લાખ લોકોએ વેકસીન લઇ લીધી છે. હજી પણ કેટલાક લોકો વેકસીન લઇ રહ્યા નથી જેથી કોર્પોરેશને હવે નવો નિર્ણય જાહેર કર્યો છે. અમદાવાદ મ્યુનિસિપલ કોર્પોરેશન હસ્તક આવતી તમામ બિલ્ડીંગ અને જગ્યામાં પ્રવેશ માટે વેકસીન લીધેલી હોવી ફરજિયાત છે. AMTS- BRTS, અમદાવાદના કાંકરિયા તળાવ, કાંકરીયા ઝુ તેમજ સાબરમતી રિવરફ્રન્ટ પર જવા વેકસીન લીધેલી હોવી ફરજિયાત છે. સ્ટેન્ડીગ કમિટિ ચેરમેન હિતેશ બારોટે જણાવ્યું હતું કે AMTS BRTS બસ, કાંકરિયા વગેરે જગ્યાએ વેકસીન પહેલો ડોઝ લીધેલો હોવો જરૂરી છે તેમજ બીજો ડોઝ લેવાની પાત્રતા ધરાવતા હોવા છતાં જો તેઓએ બીજો ડોઝ નહિ લીધો હોય તો 20 સપ્ટેમ્બર સોમવારથી બિલ્ડીંગમાં AMC હસ્તક તમામ બિલ્ડીંગોમાં પ્રવેશ આપવામાં આવશે નહિ. અમદાવાદ મ્યુનિસિપલ કોર્પોરેશનના આરોગ્ય વિભાગના જણાવ્યા મુજબ AMTS, BRTS, કાંકરીયા લેક્ર્ફન્ટ, કાંકરીયા ઝુ, સાબરમતી રિવરફ્રન્ટ, લાઈબ્રેરી, જિમખાના, સ્વીમીંગ પુલ, સ્પોર્ટ્સ કોમ્પ્લેક્ષ, સિવિક સેન્ટર, AMCની તમામ બિલ્ડીંગ જેવી કે ઝોનલ, સબ ઝોનલ ઓફિસ તેમજ દાણાપીઠ મુખ્ય ઓફિસમાં પ્રવેશ માટે વેકસીનનો પહેલો ડોઝ અને બીજો ડોઝ પણ લેવો ફરજિયાત છે. ડોઝ નહીં લીધો હોય તો AMTS-BRTS ના અમુક સ્ટેશન પર પ્રવેશ નહીં આપવામાં આવે.
    વધુ વાંચો
  • ગુજરાત

    ગુજરાતમાં આ તારીખ સુધી ભારે વરસાદની હવામાન વિભાગની આગાહી

    ગાંધીનગર-રાજ્યમાં આગામી 21 સપ્ટેમ્બર સુધી ભારે વરસાદની શક્યતા છે. હવામાન વિભાગની આગાહી પ્રમાણે આજથી આગામી પાંચ દિવસ સુધી પંચમહાલ, મહિસાગર, ભરૂચ, રાજકોટ, અમરેલી, જૂનાગઢ, ગીર સોમનાથ, સાબરકાંઠા, અરવલ્લી.આણંદ, ભાવનગર, સુરત, વડોદરા નર્મદા, નવસારી અને તાપીમાં ભારે વરસાદ થઈ શકે છે. ગુજરાતમાં ચોમાસાની વર્તમાન સિઝનમાં 23.69 ઈંચ સાથે મોસમનો સરેરાશ 71.63 ટકા વરસાદ નોંધાઇ ચૂક્યો છે. ગુજરાતમાં હજુ પણ 20 ટકા વરસાદની ઘટ જોવા મળી રહી છે.રાજયમાં છેલ્લા ચાર દિવસ પડેલા ભારે વરસાદને પગલે ગુજરાતના અનેક જિલ્લા હજુ પણ અસરગ્રસ્ત છે. રાજ્યમાં 8 સ્ટેટ હાઇવે, 77 પંચાયત, 4 અન્ય સહિત કુલ 89 માર્ગ હજુ પણ બંધ છે. આ ઉપરાંત રાજ્યમાં 23 ગામોમાં હજી વિજપુરવઠો પૂર્વવત નથી થયો. હવામાન વિભાગે સૌરાષ્ટ્રમાંથી રેડ એલર્ટની આગાહી દૂર કરી હતી. જેમાં રાજકોટ, જૂનાગઢ, વલસાડમાંથી રેડ એલર્ટ હટ્યું છે. ઓડિસા તરફથી આવતી વરસાદી સિસ્ટમ ફંટાઇ જતા સંકટ ટળ્યું હોવાનું અનુમાન છે. તેમ છતાં આગામી ત્રણ દિવસ દરમિયાન કેટલાક જિલ્લામાં ભારેથી અતિભારે વરસાદની આગાહી કરવામાં આવી છે.
    વધુ વાંચો

સાબરકાંઠા સમાચાર