ખેડા સમાચાર

  • અન્ય

    અડધું નડિયાદ કન્ટેઇનમેન્ટ ઝોન!

    નડિયાદ, તા.૧૩ કોરોનાની મહામારી વચ્ચે નવાં નવાં કેસ બહાર આવતાં હોવાથી ખેડા જિલ્લા કલેક્ટર નડિયાદ સહિત મહુધા અને કપડવંજ શહેર તથા અનારા ગામનો અમૂક વિસ્તાર કન્ટેન્ટમેન્ટ ઝોન જાહેર છે. ખેડા જિલ્લાના નડિયાદ શહેરના રૂચી બંગ્લોઝ, કિશન સમોસા ખાંચો વિસ્તાર, સરસ્વતી સોસાયટી, કપડવંજ રોડ વિસ્તાર, શાસ્ત્રીપૂરાં, લઘુભાઇનું છીંડંુ, છાંટીયાવાડ લીમડી વિસ્તાર, મારવાડી વાસ, સોહમગ્રામ સોસાયટી, જૂનાં ડુમરાલ રોડ વિસ્તાર, સ્ટેટ બેંક સોસાયટી, વાણીયાવાડ વિસ્તાર, આદર્શ સોસાયટી, પવનચક્કી રોડ વિસ્તાર, જવાહર નગર, જુલેલાલ મંદિર નજીકનો વિસ્તાર, જયમહારાજ ટાઉનશીપ, પીજ રોડ વિસ્તાર, ખારા કૂવા, કુબેર ભંડારી ખાંચો વિસ્તાર, ખોડિયાર સોસાયટી, વૈશાલી સિનેમા નજીકનો વિસ્તાર, મલારપુરા, ફાતીમા કોલોની નજીકનો વિસ્તાર, મુલ્લાનો ટેકરો, પાડા પોળ નાકે, વ્હોરવાડ વિસ્તાર, નાગરકુઇ, જગજીવન નારાયણ દાસ પોળ વિસ્તાર, નારાયણ ધામ સોસાયટી વિસ્તાર, નીલકમલ સોસાયટી પીજ રોડ વિસ્તાર, રાણાવાસ, સલુણ બજાર વિસ્તારને કન્ટેઇનમેન્ટ ઝોનમાં તબદીલ કરવામાં આવ્યો છે. આ ઉપરાંત ખેડા જિલ્લાના મહુધા શહેરના સીમ વિસ્તાર, ભારત પેટ્રોલ પંપ, કઠલાલ રોડ વિસ્તાર, કપડવંજ શહેરના કાછીયાવાઠ, રણછોડરાય મંદિર વિસ્તાર તથા કઠલાલ તાલુકાના અનારા ગામના મોટી ખડકી, ઉમીયા માતા મંદિર વિસ્તારને કોવિડ-૧૯ કન્ટેઇનમેન્ટ એરિયા તરીકે જાહેર કરવામાં આવ્યો છે. આ વિસ્તારમાં તમામ પ્રકારની અવર-જવર ઉપર પ્રતિબંધ મૂકવામાં આવે છે. આ વિસ્તારના રહેવાસીઓને રાશન વગેરે આવશ્યક ચીજ વસ્તુઓ તંત્ર દ્વારા હોમ ડિલીવરીથી તેમનાં ઘરે પૂરી પાડવામાં આવશે. આ વિસ્તારના એન્ટ્રી અને એક્ઝિટ પોઇન્ટ પર થર્મલ સ્ક્રીનિંગ કરવાનું રહેશે. આ વિસ્તારને આવરી લેતાં મુખ્ય માર્ગો પર ચુસ્ત પોલીસ બંદોબસ્ત ગોઠવવાનો રહેશે. આવશ્યક સેવાઓ (તબીબી સેવાઓ અને કાયદો અને વ્યવસ્થા સંબંધિત ફરજાે) અને સરકારી વ્યવસ્થાપનની સાતત્યતા જાળવવા સિવાયની પરવાનગી વગર વસતિની આવન-જાવનની પ્રવૃત્તિઓ ન થાય તે મુજબ નિયંત્રણ કરવામાં આવેલ છે. આ હુકમના ભંગ અથવા ઉલ્લંઘન કરનાર સામે નેશનલ ડિઝાસ્ટર મેનેજમેન્ટ એક્ટની કલમ - ૫૧થી ૫૮ તથા ભારતીય ફોજદારી કાર્યરીતે અધિનિયમ - ૧૯૭૩ (સને ૧૮૬૦ નો અધિનિયમ-૪૫)ની કલમ - ૧૮૮ હેઠળ શિક્ષાને પાત્ર થશે. આ હુકમ અન્વયે ખેડા જિલ્લામાં ફરજ બજાવતાં નાયબ પોલીસ અધિક્ષકથી હેડ કોન્સ્ટેબલ સુધીનો હોદો ધરાવનાર તમામ અધિકારી / કર્મચારીઓને આ જાહેરનામાનો ભંગ કરનાર ઇસમો સાથે ફરિયાદ માંડવા માટે અધિકૃત કરવામાં આવેલ છે. નડિયાદના આ વિસ્તારો પણ કન્ટેઇન્મેન્ટ ઝોન બની ગયાં! નડિયાદ શહેરના અશોકપાર્ક સેાસાયટી ઇન્દિરા ગાંધી માર્ગ વિસ્તાર, ભાતૃભાવ સોસાયટી, પવનચક્કી રોડ વિસ્તાર, ડી ક્યૂબ પેટલાદ રોડ, કિડની હોસ્પિટલ રોડ વિસ્તાર, લક્ષ્મણદેવ પાર્ક પીજ રોડ વિસ્તાર, પંચાયત સદન મિશન રોડ વિસ્તાર, રામનિવાસ, આકાશ ગંગા સોસાયટી ઉત્કર્ષ હોસ્પિટલ નજીક વિસ્તાર, સહજાનંદ પાર્ક સોસાયટી, દત્ત દરબારી ખારી પોળ રોડ, જૂની બી.એલ.ભટ્ટ હોસ્પિટલ વિસ્તારને કન્ટેઇનમેન્ટ ઝોનમાં તબદીલ કર્યાં છે. ખેડાના આ વિસ્તારો પણ કન્ટેઇન્મેન્ટ ઝોન જાહેર ખેડા જિલ્લાના ખેડા શહેરના તવક્કલનગર ફ્લેટ-૨, તવક્કલ નગર વિસ્તાર, ખેડા શહેરના કુંભારવાસ પરા દરવાજા વિસ્તાર, ખેડા શહેરના લાલ દરવાજા વિસ્તાર, ખેડા શહેરના રામજી મંદિરની શેરી વિસ્તાર, ખેડા જિલ્લાના વસો તાલુકાના મિત્રાલ ગામના બી.પી.પટેલ હાઇસ્કૂલ વિસ્તાર તથા ખેડા જિલ્લાના માતર ગામના માતરવાડી પોળ વિસ્તારને કોવિડ-૧૯ કન્ટેઇનમેન્ટ એરિયા તરીકે જાહેર કરવામાં આવે છે.
    વધુ વાંચો
  • અન્ય

    ૧૭ લાખની કટકી!?

    મહુધા, તા.૧૩ મહુધા તાલુકા ચુણેલ ગ્રામ પંચાયત દ્વારા વર્ષ ૨૦૧૪થી ૨૦૧૭ સુધી મનરેગા યોજના હેઠળ ચાલેલા લુણી નદીની પાસેના ગૌચરમા બામ્બુ(વાંસ) પ્રોજેક્ટના કામમાં તાલુકા ગ્રામ વિકાસ એન્સી અને ગ્રામ પંચાયતના બાબુઓ દ્વારા ૧૭ લાખ ઉપરાંતની કટકી કરવામાં આવી હોવાની સ્થાનિકની રજૂઆતને પગલે ટીડીઓ દ્વારા ગ્રામ પંચાયત કચેરીએ ૮૭ જાેબકાર્ડ ધારકોનો રૂબરૂ જવાબ લઇ રોજ કામ હાથ ધરવામાં આવતાં ભારે ફફડાટ વ્યાપી ગયો છે. મહુધા તાલુકામા હવે રોજે રોજ તાલુકા પંચાયતના અલગ અલગ વિભાગ દ્વારા ભ્રષ્ટાચાર કરવામાં આવતો હોવાની ફરિયાદો ઉઠવા લાગી છે. થોડાં દિવસ અગાઉ મહુધા ટીડીઓ ચુણેલ ખાતે સ્મશાનમાં કામ કર્યા વિના નાણાં ચૂકવાઇ ગયાં હોવાની રજૂઆત અંગે તપાસ અર્થે ગયાં હતાં. જ્યાં એક સ્થાનિક દ્વારા વર્ષ ૨૦૧૪ થી ૨૦૧૭ સુધીમાં બામ્બુ (વાંસ) પ્રોજેક્ટમાં લાખો રૂપિયાની લ્હાણી કરવામાં આવી હોવાની લેખીત રજૂઆત કરવામાં આવી હતી, જેથી ટીડીઓને પ્રાથમિક તપાસમા શંકા જતાં વાંસ પ્રોજેક્ટમાં કામ કરી ચૂકેલાં ૮૭ જાેબકાર્ડ ધારકોને નોટિસ બજાવીને શુક્રવારના રોજ સવારે ૧૧ કલાકે ગ્રામ પંચાયત કચેરી ખાતે હાજર રહેવા ફરમાન છોડવામાં આવ્યું હતું. સૂત્રોના જણાવ્યાં મુજબ, જાેબકાર્ડ ધારકોનાં ગ્રામ પંચાયતના સરપંચ સભ્યો સમક્ષ રૂબરૂ નિવેદન લેવામાં આવ્યા હતા. વાંસ પ્રોજેક્ટ મામલે અગાઉ વર્ષ ૨૦૧૮ના ડિસેમ્બર માસમાં તાલુકા ગ્રામ વિકાસ એજન્સી દ્વારા પણ અરજીના અનુસંધાનમાં તપાસ હાથ ધરવામાં આવી હતી. જાેકે, કોઇ ભ્રષ્ટાચાર કરવામાં આવ્યો ન હોવાના અહેવાલ ઉપલી કચેરીએ મોકલી સમગ્ર મામલે ભીનું સંકેલવાનો પ્રયાસ કરવામાં આવ્યો હતો. અગાઉના રોજ કામ દરમિયાનના જવાબોમાં મોટા ભાગના જાેબકાર્ડ ધારકોની ડૂપ્લિકેટ સહિ કરવામાં આવી હોવાની વાત સામે આવી હતી. જ્યારે કેટલાંક જાેબકાર્ડ ધારકોને શુક્રવારના રોજની તપાસ દરમિયાન ખબર પડી કે, તેઓના નામના જાેબકાર્ડ પણ ગ્રામ પંચાયત દ્વારા બનાવવામાં આવ્યા છે! ત્યારે વર્ષ ૨૦૧૪થી ૨૦૧૭ સુધીના મહુધા ટીડીઓ સહિત મનરેગા વિભાગના કર્મીઓ અને ગ્રામ પંચાયતના બાબુઓ દ્વારા વાંસ પ્રોજેક્ટ યોજનામાં મસ મોટો ખાયકીનો ખેલ કર્યો હોવાનું દેખાઇ રહ્યું છે. 
    વધુ વાંચો
  • અન્ય

    મહુધાના કડી તાબેના ખોડિયારપુરામાંથી ૧૬૦૦૦ના વિદેશી દારૂ સાથે એક ઝડપાયો

    મહુધા, તા.૧૨ મહુધા પોલીસ સ્ટેશનના ઇ.પો. ઇન્સ્પેક્ટર અને પોલીસ કોન્સ્ટેબલ શબ્બીર ખાન, ભૂપેન્દ્રસિંહ, કિરીટભાઈ વગેરે પેટ્રોલિંગમાં હતા એ દરમિયાન પોકો શબ્બીર ખાનને બાતમી મળી હતી કે, કડી તાબેના ખોડિયાર પુરાનો જાયાભાઈ પરમાર પોતાના ખેતરના છાપરીમાં વિદેશી દારૂ સંતાડી ચોરીછૂપીથી વેચાણ કરવાની ફિરાકમાં છે. આ બાતમી આધારે મહુધા પોલીસે બાતમીવાળી જગ્યાએ છાપો મારતાં બાજરીના પૂડા નીચે સંતાડેલો વિદેશી દારૂનોનો જથ્થો મળી આવતાં પોલીસે તપાસ અર્થે ૧૬૦ પ્લાસ્ટિકના ક્વાટર સહિત રૂ.૧૬૦૦૦ના મુદ્દામાલ સાથે જાયાભાઈને ઝડપી લીધો હતો. આરોપીની પૂછપરછ કરતાં ખલાડીના બે શખ્સો દારૂ વેચવા આપી ગયાની કબૂલાત કરી હતી. પોલીસે તમામ મુદ્દામાલ જપ્ત કરી ખલાડીના બે શખ્સોની શોધખોળ હાથ ધરી છે.
    વધુ વાંચો
  • અન્ય

    ડાકોરમાં ત્રીજા તબક્કાના કામો માટે નાગરિકો પાસે સૂચનો મંગાવાયાં

    નડિયાદ, તા.૯ ખેડા જિલ્લાના પ્રસિદ્ધ યાત્રાધામ ડાકોરનો સરકાર દ્વારા પ્રવાસનધામ તરીકે વિકાસ કરવામાં આવી રહ્યો છે. આ વિકાસના કામમાં વિવિધ પ્રવાસન પ્રોજેક્ટ હાલ ડાકોરમાં ચાલી રહ્યાં છે. પ્રવાસન પ્રોજેક્ટની સમીક્ષા બેઠક ડાકોર સર્કિટ હાઉસમાં પ્રવાસન અને મત્સ્યઉદ્યોગ મંત્રી જવાહર ચાવડાની અધ્યક્ષતામાં યોજાઇ હતી. આ બેઠકમાં મંત્રીએ ડાકોરમાં ચાલી રહેલાં પ્રોજેક્ટની વિગતો મેળવી તેમાં જરૂરી સૂચનો ગ્રામજનો પાસેથી માગ્યાં હતાં. મંત્રીએ ડાકોરના પદાધિકારીઓ દ્વારા કરવામાં આવેલી રજૂઆતો સાંભળી પ્રોજક્ટ નાગરિકોને વધુ ઉપયોગી કેમ થાય તે અંગેની ચર્ચા કરી હતી. આ અંગે જરૂરી માર્ગદર્શન અને સૂચનાઓ આપી હતી. મંત્રીએ જણાવ્યું હતું કે, ડાકોરમાં પ્રવાસન વિભાગ દ્વારા ત્રણ ફેઇઝમાં કામ કરવામાં આવ્યું છે. પ્રથમ ફેઇઝમાં રૂ.૨૦ કરોડના ખચેર્ તેમજ બીજા તબક્કામાં રૂ. ૧૨ કરોડના ખચેર્ પૂર્ણ થયેલી કામગીરીની સમીક્ષા કરી છે. ત્રીજા તબક્કાની કામગીરી માટે ડાકોર નગરવાસીઓની જરૂરીયાતો અને તેનાં અમલીકરણની સમીક્ષા કરવામાં આવી છે. મંત્રીએ ડાકોર ગોમતી તળાવની પણ મુલાકાત લીધી હતી. તેમજ ગોમતી તળાવના બ્યુટીફિકેશન માટેની જરૂરીયાતો પદાધિકારીઓ, નાગરિકો તેમજ પ્રવાસીઓ પાસેથી મેળવી પરિસ્થિવતિનો તાગ મેળવ્યો હતો. આ બેઠકમાં નિવાસી અધિક કલેકટર રમેશ મેરજા, પ્રાંત અધિકારી તેમજ જિલ્લાના ઉચ્ચ અધિકારીઓ, ડાકોર શહેરના પ્રમુખ તથા નગરપાલિકાના સદસ્યો, ડાકોરના અગ્રણી નાગરિકો ઉપસ્થિત રહ્યાં હતાં. પ્રવાસન મંત્રી જવાહર ચાવડાએ ડાકોરના રાજા રણછોડના દર્શન કરી ધન્યાતા અનુભવી હતી.
    વધુ વાંચો