અમદાવાદ, હની ટ્રેપના કિસ્સામાં ત્રણ આરોપીઓની ધરપકડ કર્યા બાદ મહિલા પોલીસ સ્ટેશનના પીઆઈ ગીતા પઠાણનું નામ સામે આવતા ક્રાઈમ બ્રાંચે ધરપકડ કરી હતી. બીજી બાજુ મોડી રાત્રીના સમયે ગીતા પઠાણે સેનિટાઈઝર પી લીધુ હતુ. જેથી તેમને સારવાર માટે હોસ્પિટલ મોકલવામાં આવ્યા હતા. અત્રે ઉલ્લેખનીય છે કે, કયાં કારણોસર ગીતા પઠાણે સેનિટાઈઝર પીધુ તે હજી અંક બંધ છે. હની ટ્રેપના કેશમાં અમદાવાદના વેપારીઓને ટાર્ગેટ કરી મિત્રતા કેળવીને પૈસા પડાવતી ગેંગના આરોપીની ધરપકડ કર્યા બાગ મહિલા પોલીસ સ્ટેશનના પીઆઈ ગીતા પઠાણનું નામ સામે આવતા ક્રાઈમબ્રાંચે ગુરુવારના રોજ ગીતા પઠાણની ધરપકડ કરી હતી. જેમાં પુછપરછમાં એવુ પણ સામે આવ્યુ હતુ કે, આ ગેંગના લોકો વેપારીને ફસાવીને તેના વિરુદ્ધમાં પોક્સો અને બળાત્કારની અરજી કરતા જેથી ગીતા પઠાણ વેપારીને પોલીસ સ્ટેશન બોલાવતા અને બાદમાં સમાધાન પેટે તોડ કરતા હતા. જાે કે ધરપકડ બાદ ગીતા પઠાણની પુછપરછ હાથધરવામાં આવી હતી. મોડી રાત્રીના સમયે ગીતા પઠાણે સેનિટાઈઝર પી લીધુ હતુ. જાે કે આ અંગે જાણ થતા ગીતા પઠાણને સારવાર માટે હોસ્પિટલ મોકલી આપવામાં આવ્યા હતા. ગીતા પઠાણ પોલીસ તપાસમાં યોગ્ય સહકાર આપી રહ્યા ન હતા અને પુછપરછ દરિયાન પણ જવાબ આડાટેડા આપી રહ્યા હતા.
અમદાવાદ, કોરોનાકાળમાં માસ્ક અને સોશિયલ ડિસ્ટન્સ અત્યારે સૌથી વધુ જરૂરી છે ત્યારે આ નિયમ ખાલી જનતા માટે જ લાગુ પડતો હોય એવું લાગી રહ્યું છે નેતાઓને કોઈ નીયમ લાગુ પડતા નથી ત્યારે અમદાવાદના પ્રથમ નાગરિક મેયર કિરીટ પરમાર આજે નરોડા માં વિના મૂલ્યે મેડિકલ સ્ટોર ના ઉદ્ઘાટન માં પહોંચ્યા હતાં જ્યાં તેમને માસ્ક પહેર્યું નહોતું અને મેયર માસ્ક વગર નજરે પડ્યા હતા.જાહેર જનતાને હંમેશા માસ્ક પહેરવાની સલાહ આપતા મેયર આજે માસ્ક વગર દેખાયા હતા. આમ, તો પોલીસ અને કોર્પોરેશન માસ્ક વગરના કેટલા લોકોની સામે દંડનીય કાર્યવાહી કરી રહી છે, ત્યારે શું માસ્કનો કાયદો મેયર ને નથી લાગુ પડતો ? એ પણ એક સવાલ થાય છે. ત્યારે બીજી તરફ લોકો પાસે થી માસ્ક નો દંડ લેતી પોલીસ પણ મેયર સાથે ફોટો પડવાતી નજરે પડી રહી છે. જેમાં નરોડા પોલીસ સ્ટેશન ના પી આઈ પી.બી ખંભાલા, નિકોલ પોલીસ સ્ટેશનના પી.આઈ વી.ડી ઝાલા, કૃષ્ણનગરના પી આઈ અમર સંગ અને રખિયાલ પોલીસ સ્ટેશનના પી આઈ જે. વી રાઠોડ પણ ત્યાં હાજર હતા. ત્યારે માસ્ક વગરના મેયર પાસે થી દંડ કોણ વસુલસે પોલીસ તો ફોટો સેશન મા વ્યસ્ત છે. તો શું કોર્પોરેશન ના અધિકારીઓ મેયર પાસે દંડ વસુલસે ? તે એક સવાલ છે. નેતાઓ પણ કોરોનામાં ભાન ભૂલી ગયા છે અનેક ફંક્શનોમા માસ્ક વગર નેતા જાેવા મળ્યા છે. એક તરફ મ્યુનિસિપલ કમિશનર ત્રીજી લહેરને રોકવા માટે અગમચેતીના ભાગ રૂપે ટિમ બનાવી રહી છે ત્યારે અહીં મેયર ઉદ્દઘાન મા વ્યસ્ત છે એ પણ વગર માસ્ક એ કોરોનાની બીજી લહેર લાવા માટે ના જવાબદાર નેતા જ ગણવામાં આવી રહયા છે ત્યારે ફરી એક વખત કોરોના કાબુમાં શું આવા લાગ્યો નેતાઓ પોતાના કાર્યક્રમમા વ્યસ્ત થઈ ગયા હોય તેવું આ દ્રશ્યમાં દેખાઈ રહ્યુ છે.
અમદાવાદઃ ભગવાન જગન્નાથની ૧૪૪મી રથયાત્રાની તૈયારીનો આજ થી આરંભ થયો છે આજે ભગવાન જગન્નાથ બહેન સુભદ્રા અને ભાઈ બલભદ્રના રથનું પૂજન કરવામાં આવ્યું હતું ગૃહ મંત્રી પ્રદીપસિંહ જાડેજા, મહંત દિલીપદાસજી અને ટ્રસ્ટી મહેન્દ્ર ઝા આ વિધીમા ઉપસ્થિત રહયા પૂજન વિધિ બાદ ભાગવાની મહાઆરતી કરવામાં આવી હતી .કોરોના ગાઈડલાઈનને ધ્યાન આ રાખીને ઓછા લોકો સાથે આ વિધિ હાથ ધરવામાં આવી હતી. આજ પૂજન બાદ હવે રથનું કામ શરૂ કરવામાં આવશે જાેકે આગામી સમયમાં નીકળનારી જળયાત્રા અને રથયાત્રા વિશે સરકાર ર્નિણય કરશે. ગયા વર્ષે ભગવાં જગન્નાથની રથયાત્રા મંદિર પરિસર મા જ કાઢવામાં.આવી હતી.
ગાંધીનગર-કોરોના કાળને કારણે ધાર્મિક પ્રસંગોમાં લોકોની ઓછામાં ઓછી હાજરી હોય તેવું આયોજન કરવામાં આવે છે. ત્યારે આજે અખાત્રીજે ત્રણેય રથનું પૂજન કરવામાં આવ્યું છે. જે ભગવાન જગન્નાથજી ની 144 મી રથયાત્રા પર કોરોનાનું ગ્રહણ લાગ્યું છે. આ વખતે 144મી રથયાત્રા હશે. ગયા વર્ષે પણ કોરોના સંક્રમણના કેસો વધુ હોવાથી ચંદનયાત્રા સાદાઇથી યોજવામાં આવી હતી. ત્યારે આજે પણ ભગવાન જગન્નાથ, બહેન સુભદ્રા અને ભાઈ બલરામના રથનું પૂજન કરવામાં આવ્યું છે. ગત વર્ષે કોરોનાની મહામારીને કારણે ઐતિહાસિક એવી ભગવાન જગન્નાથજીની 143મી રથયાત્રા પહેલીવાર મંદિરની બહારની જગ્યાએ મંદિર પરિસરમાં જ ફરી હતી. કોરોનાના કારણે રથયાત્રા છેલ્લે સુધી કાઢવા મામલે સરકાર અને મંદિર વચ્ચે વાતચીત થઈ હતી. હાઇકોર્ટમાં પણ આ મામલે સુનાવણી યોજાઈ હતી. બાદમાં છેવટે ભગવાન જગન્નાથજીના રથયાત્રા મંદિર પરિસરમાં જ કાઢવાનો નિર્ણય લેવાયો હતો.આજથી ભગવાન જગન્નાથની રથયાત્રાની તૈયારીઓ શરૂ કરી દેવામાં આવી છે. જે ભગવાન જગન્નાથની 144મી રથયાત્રાની તૈયારીઓ શરૂ કરવામાં આવી રહી છે. ત્યારે દર વર્ષની જેમ આજે અખાત્રીજ નિમિત્તે રથયાત્રાના રથની પૂજા કરવામાં આવી છે. જે અમદાવાદના જગન્નાથ મંદિર ખાતે રથનું પૂજન કરવામાં આવ્યું છે. જો કે કોરોનાને કારણે સાદાઈથી રથ પૂજનનું આયોજન કરવામાં આવ્યું છે. આ શુભ અવસરે મહંત દિલીપદાસજી અને ટ્રસ્ટીઓ હાજર રહ્યા હતા. અને ગૃહરાજ્ય મંત્રી પ્રદીપસિંહ જાડેજા પણ આ દરમિયાન હાજર રહ્યા હતા. જે 24 મી જૂને રથયાત્રા અગાઉ જળયાત્રા નીકાળવામાં આવશે. જળયાત્રા મામલે જૂન મહિનાની પરિસ્થિતિને લઈને નિર્ણય લેવામાં આવશે. આ દરમિયાન પ્રદીપસિંહ જાડેજાએ જણાવ્યું છે કે, આજે રથોની પૂજા કરવામાં આવી છે. ભગવાન જગન્નાથ આપણા માટે શ્રદ્ધા અને આસ્થાનું કેન્દ્ર છે. જો કે ગયા વર્ષે આપણે કોરોના મહામારીને કારણે રથયાત્રા કાઢી શક્યા નહતા. ત્યારે આપણે ભગવાન જગન્નાથ ને પ્રાર્થના કરી છે કે મહામારી માંથી જલ્દીથી મુક્તિ મળી જાય. જો કે આ વખતે પણ રથયાત્રા નીકળશે કે નહિ તે કહેવું હાલ વહેલું છે.
