લક્ષ્ય સેને પોતાનું પ્રભાવશાળી ફોર્મ ચાલુ રાખ્યું અને કુમામોટો માસ્ટર્સ જાપાન સુપર ૫૦૦ બેડમિન્ટન ટુર્નામેન્ટની ફાઇનલમાં પ્રવેશ કર્યો. શનિવારે રમાયેલી રોમાંચક સેમિફાઇનલ મેચમાં ભારતના સ્ટાર શટલરે વિશ્વના નંબર ૧૦ ઇન્ડોનેશિયાના અલ્વી ફરહાનને ત્રણ ગેમના મુશ્કેલ મુકાબલામાં ૨૧-૧૨, ૧૫-૨૧, ૨૧-૧૧ થી હરાવ્યું. આ સતત બીજી વખત છે જ્યારે લક્ષ્ય ટુર્નામેન્ટની ફાઇનલમાં પહોંચ્યો છે. ટાઇટલ મેચમાં પહોંચીને, તેણે વર્લ્ડ ટૂર ફાઇનલ્સ (હોંગકોંગ) માટે ક્વોલિફાય થવાની પોતાની શક્યતાઓને નોંધપાત્ર રીતે મજબૂત બનાવી છે. મેચની શરૂઆતથી જ, લક્ષ્યે તેની વ્યૂહાત્મક કુશળતા દર્શાવી. ફરહાનના ઝડપી અને આક્રમક રમત સામે, તેણે સંયમ દર્શાવ્યો, ધીરજપૂર્વક રેલીઓ બનાવી અને યોગ્ય તકની રાહ જાેઈ. સચોટ વળતર અને ચોક્કસ ફોરહેન્ડ સ્ટ્રાઇક સાથે, લક્ષ્યે શરૂઆતથી જ લીડ મેળવી અને પહેલી ગેમ સરળતાથી ૨૧-૧૨ થી જીતી લીધી. 

લક્ષ્યે અગાઉની બંને મેચમાં ફરહાન સામે એક પણ ગેમ જીતી ન હતી, પરંતુ આ વખતે તેણે શાનદાર વાપસી કરી, તેની રણનીતિથી તેના વિરોધીને આશ્ચર્યચકિત કરી દીધું. ઇન્ડોનેશિયન ખેલાડીએ બીજી ગેમમાં જાેરદાર વાપસી કરી. આ રમતમાં બંને ખેલાડીઓ વચ્ચે લાંબી અને રોમાંચક રેલીઓ હતી, જેમાં ૫૭-શોટ મેરેથોન રેલીનો સમાવેશ થાય છે જેમાં લક્ષ્યના ઉત્તમ બચાવે પ્રેક્ષકોને મોહિત કર્યા હતા. જાે કે, આ સમયગાળા દરમિયાન લક્ષ્યે કેટલીક ભૂલો કરી અને ઘણા પોઈન્ટ ગુમાવ્યા, જેનો લાભ લઈને ફરહાને ૨૧-૧૫ થી રમત જીતી, મેચને નિર્ણાયક ત્રીજી ગેમમાં લઈ ગયો. નિર્ણાયક ત્રીજી ગેમમાં, લક્ષ્યે ફરી એકવાર તેની લય શોધી કાઢી અને શરૂઆતથી જ આક્રમક અભિગમ અપનાવ્યો. મેચ દરમિયાન, ફરહાનને આંગળીમાંથી લોહી નીકળવાને કારણે મેડિકલ ટાઈમઆઉટ લેવો પડ્યો, ત્યારબાદ રમત ફરી શરૂ થઈ. અંતરાલ સુધીમાં, લક્ષ્યે તેની લીડ મજબૂત કરી લીધી હતી. ત્યારબાદ તેણે તેના ટ્રેડમાર્ક જમ્પ સ્મેશ અને ચોક્કસ ડાઉન-ધ-લાઇન શોટ્સ છોડ્યા. આખરે, ફરહાનની ભૂલો અને લક્ષ્યના ઉત્તમ આક્રમણને કારણે, ભારતીય ખેલાડીએ ત્રીજી ગેમ ૨૧-૧૧થી જીતી અને ફાઇનલમાં પોતાનું સ્થાન નિશ્ચિત કર્યું.

આ પ્રભાવશાળી વિજય સાથે, મ્ઉહ્લ વર્લ્ડ ટૂર રેન્કિંગમાં ૧૨મા ક્રમે રહેલા લક્ષ્ય સેન માટે સિઝનની છેલ્લી મોટી ટુર્નામેન્ટ માટે ક્વોલિફાય થવાના દરવાજા લગભગ ખુલી ગયા છે. ટાઇટલ મેચમાં, તેનો સામનો જાપાનના કોકી વાતાનાબે અને થાઇલેન્ડના કુનલાવુત વિટિદસારન વચ્ચે રમાનારી બીજી સેમિફાઇનલના વિજેતા સામે થશે.

રાષ્ટ્રપતિ દ્રૌપદી મુર્મુએ નવી દિલ્હીના રાષ્ટ્રપતિ ભવન ખાતે આયોજિત રાષ્ટ્રીય રમતગમત પુરસ્કાર સમારોહમાં ભારતીય હોકી ટીમના મિડફિલ્ડર રાજકુમાર પાલને અર્જુન એવોર્ડ ૨૦૨૫ એનાયત કર્યો. કરમપુરના રાજકુમાર પાલને, જે એક સમયે સંસાધનોના અભાવે વાંસની લાકડીથી હોકી રમતા હતા, તેમણે વધુ એક મોટી સિદ્ધિ હાંસલ કરી. આ સન્માન તેમના વર્ષોના સંઘર્ષ, શિસ્ત, રમતગમત અને આંતરરાષ્ટ્રીય સ્તરે ઉત્કૃષ્ટ પ્રદર્શનનો પુરાવો છે. રાજકુમાર પાલની સફળતા સંઘર્ષની લાંબી વાર્તા છે. ૧ મે, ૧૯૯૮ના રોજ ગાઝીપુરના કરમપુર ગામમાં જન્મેલા રાજકુમારે ૧૦ વર્ષની ઉંમરે હોકી રમવાનું શરૂ કર્યું હતું. તેમના બે મોટા ભાઈઓ પણ હોકી રમતા હતા. .તેમણે ગામના મેઘબરન સિંહ સ્ટેડિયમમાં હોકીની મૂળભૂત બાબતો શીખી. તે સમયે, પરિવારની આર્થિક સ્થિતિ નબળી હતી. સંસાધનોના અભાવે, શરૂઆતમાં તેમને હોકી સ્ટીકને બદલે વાંસની લાકડીથી પ્રેક્ટિસ કરવી પડતી હતી.ટોક્યો ઓલિમ્પિક માટે ભારતીય ટીમમાં સ્થાન ન મેળવી શકવાથી તેઓ નિરાશ થયા હોવા છતાં, તેમણે હાર માનવાનો ઇનકાર કર્યો અને તેમની રમતમાં સુધારો કરવાનું ચાલુ રાખ્યું.૨૦૨૪ પેરિસ ઓલિમ્પિકમાં તેમની મહેનત રંગ લાવી. ભારતીય ટીમે બ્રોન્ઝ મેડલ જીતીને ઇતિહાસ રચ્યો. ગ્રેટ બ્રિટન સામે ક્વાર્ટર-ફાઇનલ શૂટઆઉટમાં, રાજકુમારે નિર્ણાયક ગોલ કર્યો હતો.

ભારતના ભૂતપૂર્વ ટી૨૦ કેપ્ટન સૂર્યકુમાર યાદવે સૈયદ મુશ્તાક અલી ટ્રોફીમાં શાનદાર બેટિંગ કરી. તેણે કોલકાતામાં હૈદરાબાદ સામે માત્ર ૧૫ બોલમાં અડધી સદી ફટકારી. મુંબઈએ મેચ સાત વિકેટથી જીતી લીધી. પહેલા બેટિંગ કરતા હૈદરાબાદના ૨૦ ઓવરમાં ૧૭૨ રનના જવાબમાં મુંબઈએ ૧૩.૧ ઓવરમાં ત્રણ વિકેટે ૧૭૪ રન બનાવીને મેચ જીતી લીધી. સૂર્યકુમાર યાદવ ચોથા નંબરે બેટિંગ કરવા આવ્યો. તેણે ૨૧ બોલમાં અણનમ ૬૦ રન બનાવ્યા, સૂર્યકુમારે ૧૫ બોલમાં અડધી સદી પૂરી કરી. સરફરાઝ ખાનના ભાઈ મુશીરે પણ અડધી સદી ફટકારી. મુશીર ૨૪ બોલમાં ૫૧ રન બનાવી આઉટ થયો હતો, જેમાં છ ચોગ્ગા અને ત્રણ છગ્ગા ફટકાર્યા હતા. અજય દેવ ગૌડે તેને આઉટ કર્યો હતો.

મુશીરે અગાઉ વિકેટકીપર-બેટ્સમેન હાર્દિક તમોર સાથે ૨૬ બોલમાં બીજી વિકેટ માટે ૪૯ રનની ભાગીદારી કરી હતી. બે વખતના ટી૨૦ વર્લ્ડ કપ વિજેતા ટીમના સભ્ય શિવમ દુબેએ ૧૪મી ઓવરના પહેલા બોલ પર છગ્ગા ફટકારીને મુંબઈનો વિજય સુનિશ્ચિત કર્યો હતો. શિવમ પાંચ બોલમાં ૧૩ રન બનાવીને અણનમ રહ્યો હતો, જેમાં બે છગ્ગા ફટકાર્યા હતા. મુંબઈ તરફથી અંગક્રિશ રઘુવંશીએ ૨૭ અને હાર્દિકે ૨૨ રન બનાવ્યા હતા. હૈદરાબાદ તરફથી અજયે બે વિકેટ લીધી હતી, જ્યારે પ્રણવ વર્માએ એક વિકેટ લીધી હતી.આ પહેલા મેક્સવેલ સ્વામિનાથને ચાર ઓવરમાં ૨૩ રન આપીને ત્રણ વિકેટ લીધી હતી, જ્યારે શિવમ દુબે અને સાઈરાજ પાટીલે હૈદરાબાદના બે-બે બેટ્સમેનોને આઉટ કર્યા હતા. મુંબઈએ હૈદરાબાદની આખી ટીમને ૨૦ ઓવરમાં ૧૭૨ રનમાં ઓલઆઉટ કરી દીધી હતી. હૈદરાબાદ તરફથી અભિરથ રેડ્ડીએ ૨૪ બોલમાં ૩૫ રન બનાવ્યા, જ્યારે કોડીમેલાએ ૧૬ બોલમાં ૨૫ રન બનાવ્યા. સિઝનની પોતાની પહેલી મેચમાં મોટી જીત મેળવ્યા બાદ, મુંબઈ હવે ૧૬ નવેમ્બરે તે જ મેદાન પર પોતાની બીજી મેચમાં ગુજરાતનો સામનો કરશે.

અંડર-૧૯ એશિયા કપના અત્યંત રોમાંચક અને શ્વાસ થંભાવી દેનારા ફાઇનલ મુકાબલામાં ભારતે કટ્ટર હરીફ પાકિસ્તાનને છેલ્લા બોલ પર પરાજય આપીને નવમી વખત એશિયા કપનો ખિતાબ પોતાના નામે કરી લીધો છે. ઓમાનના અલ અમીરાત સ્થિત મિનિસ્ટ્રી ટર્ફ-૨ મેદાન પર રમાયેલી આ મેચમાં પાકિસ્તાને પ્રથમ બેટિંગ કરતા ૩૩૭ રન બનાવ્યા હતા, જેના જવાબમાં ભારતે અંતિમ બોલ સુધી ચાલેલા સંઘર્ષ બાદ ૩૩૮ રનનો વિશાળ લક્ષ્યાંક હાંસલ કરી ભવ્ય વિજય મેળવ્યો હતો.

૩૩૮ રનના પહાડી લક્ષ્યાંકનો પીછો કરવા ઉતરેલી ભારતીય ટીમ એક સમયે ૨૧૭ રનમાં ૬ વિકેટ ગુમાવીને ભારે મુશ્કેલીમાં મુકાઈ ગઈ હતી અને ટીમની હાર લગભગ નિશ્ચિત જણાતી હતી. જાેકે, ત્યારબાદ મનલ ચૌહાણ અને મોહિત ઉલ્વાએ અદભૂત સંઘર્ષ અને ધીરજનો પરિચય આપતા બાજી સંપૂર્ણપણે પલટી નાખી હતી. બંને બેટ્સમેનોએ નવમી વિકેટ માટે ૫૭ રનની મહત્વપૂર્ણ ભાગીદારી નોંધાવી ભારતને મેચમાં પરત લાવ્યું હતું. મનલ ચૌહાણ આઉટ થયા બાદ પણ મોહિત ઉલ્વાએ હિંમત હાર્યા વિના અંતિમ વિકેટ માટે ૩૦ રન જાેડીને ટીમને જીતના ઉંબરે પહોંચાડી હતી. ભારતને જીત માટે છેલ્લા બોલ પર ત્રણ રનની જરૂર હતી ત્યારે મોહિત ઉલ્વાએ શાનદાર ચોગ્ગો ફટકારીને ભારતને ચેમ્પિયન બનાવી દીધું હતું.

આ અગાઉ ટોસ જીતીને પ્રથમ બેટિંગ કરવા ઉતરેલી પાકિસ્તાનની ટીમે નિર્ધારિત ઓવરોમાં ૯ વિકેટના નુકસાને ૩૩૭ રનનો મજબૂત સ્કોર ખડક્યો હતો. પાકિસ્તાન તરફથી ઓપનર ઉસ્માન ખાને ૧૧૧ બોલમાં ૧૧ ચોગ્ગા અને ૩ છગ્ગાની મદદથી ૧૦૭ રનની શાનદાર સદી ફટકારી હતી. આ ઉપરાંત અબ્દુલ કાદિરે માત્ર ૫૪ બોલમાં ૩ ચોગ્ગા અને ૮ ગગનચુંબી છગ્ગા સાથે ૮૦ રનની વિસ્ફોટક ઇનિંગ રમી હતી, જ્યારે કેપ્ટન ફરહાન યુસુફે ૬૦ બોલમાં ૪ ચોગ્ગા અને ૩ છગ્ગા સાથે ૬૩ રનનું યોગદાન આપ્યું હતું. 

એક સમયે પાકિસ્તાનનો સ્કોર ઘણો મોટો જણાતો હતો, પરંતુ ઇનિંગની અંતિમ ઓવરોમાં ભારતીય બોલરોએ શાનદાર વાપસી કરતા પાકિસ્તાનને ૩૪૦ રનની અંદર રોકી દીધું હતું. ભારત તરફથી કાવ્ય પટેલે સૌથી વધુ ૪ વિકેટ ઝડપી હતી, જ્યારે ચિગુરુપતિ વેંકટે ૩ વિકેટ અને અર્જુન રાજપૂતે ૧ સફળતા મેળવી હતી.

શ્રીલંકાના નવા ટેસ્ટ કેપ્ટન કુસલ મેન્ડિસે વિરાટ કોહલી અને જાે રૂટ જેવા દિગ્ગજાેના ચુનંદા ક્લબમાં પોતાનું સ્થાન સુરક્ષિત કરી લીધું છે. તેમણે રાવલપિંડીમાં પાકિસ્તાન સામેની પ્રથમ ટેસ્ટમાં શાનદાર સદી ફટકારી હતી. આ સદી સાથે, તેમણે નવો ઇતિહાસ રચ્યો. મેન્ડિસે ૨૦૨ બોલમાં ૧૦ ચોગ્ગા અને ૪ છગ્ગા ફટકારીને ૧૧૯ રનની શાનદાર ઇનિંગ રમી. વધુમાં, તેમણે અને ધનંજય ડી સિલ્વા (૧૬૭ રન) એ પાંચમી વિકેટ માટે ૨૪૯ રનની જંગી ભાગીદારી કરી, જેનાથી ટીમને શરૂઆતના પરાજયમાંથી બહાર આવવામાં મદદ મળી.

પાકિસ્તાનના પ્રથમ દાવના કુલ ૪૩૪/૯ ના જવાબમાં, શ્રીલંકાની ટીમ ૪૪૬ રનમાં ઓલઆઉટ થઈ ગઈ, જેના કારણે ટીમને ૧૨ રનની લીડ મળી. બીજા દિવસની રમતના અંત સુધીમાં, પાકિસ્તાને પોતાના બીજા દાવમાં ૧ વિકેટ ગુમાવીને ૫૭ રન બનાવી લીધા હતા. શ્રીલંકા તરફથી કમિન્ડુ મેન્ડિસે પણ પ્રથમ દાવમાં અડધી સદી ફટકારી હતી. તે ૫૮ રન બનાવીને આઉટ થયો હતો. બાકીના શ્રીલંકાના બેટ્સમેન મેચમાં કોઈ ખાસ અસર કરવામાં નિષ્ફળ રહ્યા.કુસલ મેન્ડિસ શ્રીલંકાના ઇતિહાસમાં ટેસ્ટ કેપ્ટન તરીકે ડેબ્યૂમાં સદી ફટકારનાર પ્રથમ ખેલાડી બન્યો છે.