અમદાવાદ-સુપ્રસિદ્ધ યાત્રાધામ પાવાગઢ ખાતે ડુંગર ઉપર બિરાજેલ સાક્ષાત માં મહાકાળીકાના મંદિરે માતાજી ના સાક્ષાત દર્શન કરવા માટે થઈને ભાવિક ભક્તોની આતુરતાનો અંત આવી રહ્યો છે. કોરોના મહામારીને પગલે મંદિર ભાવિક ભક્તોના દર્શન માટે બે માસથી બંધ રાખવામાં આવેલ હતું. ત્યારે આગામી શુક્રવારથી મંદિરના દ્વાર ભાવ્ક ભક્તોના દર્શન માટે ખુલ્લા મુકવામાં આવનાર હોવાનું મંદિર ટ્રસ્ટ દ્વારા જાહેર કરવામાં આવ્યું હતું.
સુપ્રસિદ્ધ યાત્રાધામ પાવાગઢ ડુંગર પર બિરાજમાન જગત જનની માં કાલી ના દર્શન કોરોના મહામારીની બીજી લહેર ના પગલે તા. ૧૨. ૪. ૨૧ થી ૧૭ દિવસ માટે બંધ કરવામાં આવ્યા હતા. જોકે દિન-પ્રતિદિન કોરોના નો પ્રકોપ વધતાં મંદિર ભાવિક ભક્તોના દર્શનાર્થે બંધ રાખવાનો સમય વધારવામાં આવ્યો હતો. જ્યારે બે માસ જેટલો સમય બાદ કોરોના ની રફતાર મંદ થતા મંદિર ટ્રસ્ટ દ્વારા ૫૯ દિવસ બાદ તા. ૧૧. ૬. ૨૧ શુક્રવારના રોજથી સવારે ૬ કલાકથી સાંજના ૭. ૩૦ કલાક સુધી રાબેતા મુજબ નીજ મંદિરના દ્વાર ભક્તો ના દર્શન માટે ખુલ્લા મૂકવામાં આવનાર હોવાનું મંદિર ટ્રસ્ટ દ્વારા જણાવાય રહ્યું છે . તેમજ મંદિર પરિસરમાં દર્શન કરવા આવનાર ભક્તો દ્વારા સરકારશ્રી ની કોવિડ અંગેની ગાઈડલાઈનનું ચુસ્તપણે પાલન કરવામાં આવે તેની પણ તકેદારી રાખવામાં આવશે, તેવું પણ આધારભૂત સૂત્રોએ જણાવેલ હતું.
હાલોલ, ઘોઘંબા તાલુકાના રાજગઢ પોલીસ સ્ટેશનની હદમાં આવેલ લાલપુરી ગામમાં રહેતા કાકા અને ભત્રીજા દ્વારા પોતાના ખેતરમાં રીંગણી અને ગવાર ની આડમાં ગેરકાયદેસર ગાંજાના છોડ ઉગાડવામાં આવી રહ્યા હોવાની મળેલી ચોક્કસ બાતમીના આધારે ગત શુક્રવારે ગોધરા એસ.ઓ.જી પોલીસ અને રાજગઢ પોલીસે સંયુક્ત રીતે બાતમી વાળા ખેતરોમાં રેડ કરતા, બંન્ને ના ખેતરોમાંથી ગેરકાયદેસર રીતે ઉગાડેલ ગાંજાના કુલ ૧૧૧૧ છોડ મળી આવ્યા હતા. જેનું વજન ૧૪ કિલો, ને અંદાજે કિંમત થાય ૧,૪૦,૦૦૦/- રૂ. પોલીસે મુદ્દામાલ કબજે કરી,બંન્ને કાકા ને ભતરીજા વિરૂદ્ધ નાર્કોટિક્સ એક્ટ હેઠળ ગુનો નોંધી, ગાંજાના સેમ્પલ એફ એસ એલ ને મોકલી આપી આગળની કાર્યવાહી હાથ ધરેલ હતી.પ્રાપ્ત થયેલ માહિતી મુજબ, ઘોઘંબા તાલુકાના રાજગઢ પોલીસને શુક્રવારના રોજ ચોક્કસ બાતમી મળેળ હતી, કે તાલુકાના લાલપુરી ગામના માતાવાળા ફળીયામાં રહેતા બિપીનભાઈ જાલમસિંહ પરમાર અને તેના કાકા અર્જુનસિંહ ભુપતસિંહ પરમાર નાઓ પોતાના કબજાના ખેતરોમાં રીંગણી અને ગવાર ની આડમાં ગેરકાયદેસર રીતે ગાંજાના છોડ ઉગાડી રહ્યા છે. જેથી જીલ્લાના ઉચ્ચ અધિકારીઓના માર્ગદર્શન હેઠળ ગોધરા એસ ઓ જી પોલીસ ને રાજગઢ પોલીસે સંયુક્ત રીતે, ઉપરોક્ત બાતમીવાળા ખેતરોમાં રેઈડ કરતાં, બિપીનભાઈ તેમના ખેતરમાં મળી આવ્યા હતા,ને ખેતરમાંથી ગાંજાના છોડ મળી આવતા, તેમના કાકા અર્જુનસિંહે છ માસ પહેલા ગાંજાના બીજ આપ્યા હતા હોવાનું તેણે જણાવ્યું હતું. જેથી પોલીસે તેની બાજુમાં આવેલ અર્જુનસિંહ ના ખેતરમાં તપાસ કરતા, તેમાં પણ ગાંજા ના છોડ ઉગાડેલ મળી આવ્યા હતા. જેથી પોલીસે બંન્ને ખેતરોમાંથી ગેરકાયદેસર રીતે ઉગાડેલ ગાંજાના કુલ ૧૧૧૧ છોડ જેનું વજન થાય ૧૪ કિલો ને અંદાજે કિંમત થાય ૧,૪૦,૦૦૦/- રૂ નો મુદ્દામાલ કબજે કરી, બંન્ને આરોપીઓ કાકા ને ભતરીજા અર્જુનસિંહ ને બિપીનભાઈ ની અટકાયત કરી તેમના વિરૂદ્ધ એન ડી પી એસ એક્ટ હેઠળ ગુનો નોંધી, ગાંજા ના સેમ્પલ એફ એસ એલ ને મોકલી આપી, આગળની કાર્યવાહી હાથ ધરવામાં આવેલ હતી.
છોટાઉદેપુર ૧૦૮ ઈમરજન્સી સેવા તથા ખિલખિલાટ સેવા તથા ય્ફદ્ભ ઈસ્ઇૈં સંસ્થા અંતર્ગત ચાલતા તમામ પ્રોજેક્ટના કર્મચારીઓ દ્વારા વિશ્વ પર્યાવરણ દિવસ ઉજવણી કરાઈ હતી. જેમાં અંદાજિત ૨૦ જેટલા સ્થળો આશરે ૫૦ છોડ વાવીને વૃક્ષારોપણ કરાવ્યું હતું અને એમ્બ્યુલન્સ અને એમ્બ્યુલન્સમાં વપરાતા તમામ સાધન સામગ્રીની સાફસફાઈ કરવામાં આવી હતી.મોરવા હડફમાં વન વિભાગે પર્યાવરણ દિવસની ઉજવણી કરી
શહેરા, મોરવા હડફમા પર્યાવરણ દિવસ ઉજવણી વન વિભાગે કરી હતી.ધારાસભ્ય નિમીષાબેન સૂથાર સહિત વિવિધ કચેરીના અધિકારી અને વન વિભાગ દ્વારા વૃક્ષારોપણ કરીને વિવિધ છોડોનુ વિતરણ કરેલ હતુ. મોરવા હડફ મા વિશ્વ પર્યાવરણ દિવસ નિમિત્તે ધારાસભ્ય નિમિષાબેન સુથાર ની વિશેષ ઉપસ્થિતિમાં વૃક્ષારોપણ કાર્યક્રમનૂ આયોજન કરવા માં આવ્યું હતું. નિમિષા બેન સુથાર સહિત બક્ષીપંચ મોર્ચા ના જીલ્લા અધ્યક્ષ વિજયભાઈ પટેલ, તાલુકા ભાજપ ના અધ્યક્ષ તખતસિંહ પટેલ તથા જીલ્લા પંચાયત સભ્યો તાલુકા પંચાયત ના સભ્યો સહિત પાર્ટી ના પદાધિકારીઓ એ તુલસી, લીમડો સહિત વિવિધ છોડોનું વૃક્ષારોપણ કરેલ હતુ. જ્યારે વનવિભાગ દ્વારા મામલતદાર સહિત અન્ય કચેરીમાં વિવિધ છોડોનું વૃક્ષારોપણ કરવા સાથે દરેક પર્યાવરણ પ્રેમીઓને વૃક્ષો વાવવા માટે અપીલ કરીને જનજાગૃતિ સંદેશો આપ્યો હતો. વનવિભાગ દ્વારા તાલુકા પંથકમા વિશ્વ પર્યાવરણ દિવસની વૃક્ષારોપણ કરવા સાથે વિવિધ છોડો નુ વિતરણ કરીને ઉજવણી કરાઇ હતી.
શહેરા, શહેરા તાલુકાના બિલિથા ગામે માસીયાઇ ભાઈ બહેન ના આડા સબંધની શંકા એ પતી એ પત્ની ને તીક્ષ્ણ હથિયાર વડે હત્યા કરી હતી.પોલીસ દ્વારા ઘટનાની જાણ થતાં કાયદેસરની કાર્યવાહી હાથધરી હત્યારા આરોપી પતિ ને પકડવાના ચક્રો ગતિમાન કર્યા હતા. બનાવની પોલીસ પ્રાપ્ત વિગત અનુસાર શહેરા તાલુકાના બિલીથા ગામના હડકાયા માતાના મુવાડા ફળિયામા રહેતા રતિલાલ અને તેઓના સાઢુભાઈ આજથી એક માસ અગાઉ બાધા અર્થે લાડવેલ ગામે ગયા હતા.ત્યાંથી પરત ફરતા મૃતકની બહેનો દીકરો પોતાની જ માસીયાઈ બહેન સામે ટગર ટગર જાેઈ ઈશારો કરતા મૃતકના પતિએ જાેઈ લેતા તેઓ વચ્ચે ખટરાગ ઉભો થયો હતો,અને તેઓ ખટરાગ ના કારણે રસ્તા વચ્ચે જ ઉતરી ગયા હતા. આ તરફ મૃતક ના પતી અને આરોપી રતિલાલે ઘરે જઈને પોતાની સાળી ને કહ્યું કે મારી દીકરી ને કેમ બદનામ કરો તેમ કહી બીભત્સ ગાળો બોલવા માંડ્યા હતા.ઘટના ના પાંચ દિવસ પહેલાં પોતાના સાડા ની હાજરી માં આરોપીની સાડી દ્વારા પોતાની પુત્રીને બદનામ કરવામાં આવતી હોય પંચ ભેગુ કરવાનું કહેતા હત્યારા આરોપી રતિલાલ ની પત્ની એ સમાજ માં પોતાની બદનામી થશે તે આશયથી પંચ ભેગુ નહી કરવાની સલાહ આપી હતી.
આવી વાત કરતા આરોપી પોતાની પત્ની પર ગુસ્સો થઈ ગયો હતો. પરંતુ તેને સમજાવી શાંત પાડવામાં આવ્યો હતો.ગુરુવારના રોજ હત્યાના આરોપી એ સમાજનું પંચ ખેડા જિલ્લાના સેવાલિયા મુકામે રાખેલ હતુ,જેમાં ક્થીત માસિયાઈ ભાઈ સાથેના પ્રેમ પ્રકરણ ના કારણે હત્યારા આરોપી ના સાળી,તેનો પતિ અને પુત્ર પંચ મા આવેલ હતા નહી. આ વાતનો મનમાં રોષ રાખી શુક્રવાર ના રોજ હત્યારા આરોપીની પત્ની નંદા બેન સવારના નવ વાગ્યાના અરસામા કુદરતી હાજતે જતા પંચમાં વાત નો ઉકેલ ના આવતા તે વાતની રિશ રાખી આરોપી પાછળ પાછળ જઈને કોઈ તીક્ષ્ણ હથિયાર ગળા માં મારતા સ્થળ પર જ તેઓ નુ પ્રાણ પંખેરૂ ઉડી ગયું હતું. ઘટનાની પોલીસને જાણ થતા શહેરા પીઆઇ એચ.સી.રાઠવા તેમજ અન્ય પોલીસ કર્મીઓ ઘટના સ્થળે પહોંચી જઈને કાયદેસરની કાર્યવાહી હાથ ધરી હતી. મૃતદેહનો પંચનામુ કરી શહેરા સરકારી દવાખાના ખાતે પી.એમ અર્થે મોકલી દેવામાં આવ્યો હતો.હાલ તબક્કે હત્યાનો આરોપી રતિલાલ વાઘરી ઘટનાને અંજામ આપી ફરાર થઈ ગયો છે.અને પોલીસની વિવિધ ટીમો દ્વારા તેને પકડવા માટેના ચક્રો ગતિમાન કરવામાં આવ્યા છે.
