સુરત સમાચાર

  • ગુજરાત

    સુરત: લગ્નપ્રસંગે પોલીસે રૂપિયા 5 હજારનો ચાંદલાનો દંડ વસૂલ્યો

    સુરત- સુરતમાં કોરોના સંક્રમણ વધવા સાથે મ્યુનિ. તંત્રએ હવે જાહેર પ્રસંગો પર નજર રાખવાનું શરૂ કર્યું છે. આજે વરાછા બી ઝોનના ગંગા જમુના સોસાયટીની વાડીમાં લગ્ન પ્રસંગ હતો. અહીં વરાછા ઝોનના આરોગ્ય વિભાગે તપાસ કરતા અહીં 100 લોકોની મંજૂરી છતા 250થી વધુ લોકો એકત્ર થયેલા હતા. અને મહેમાનોમાં સોશિયલ ડિસ્ટન્સ વગર ગીચોગીચ બેસાડાયા હતા. આરોગ્ય વિભાગે તાકીદ કરી હોવા છતા લગ્નપ્રસંગમાં લોકોને ઓછા કરાયા નહતા અને આ ઉપરાંત માસ્ક તેમ જ સેનિટાઇઝરનો પણ અહીં ઉપયોગ કરાયો નહતો. આ ઉપરાંત પ્રસંગમાં કોરોના જાગૃતિ અંગેના બોર્ડ પણ લગાડાયા નહતા. આથી આરોગ્ય વિભાગે રાહુલ જીવાણી પાસે રૂ. 5 હજાર દંડ વસૂલ કર્યો હતો. પહોંચમાં કન્યાનું નામ પણ લખવામાં આવ્યું હતું. લગ્ન પ્રસંગમાં કોવિડ ગાઈડલાઈનના ભંગ બદલ સુરતનો આ પ્રથમ કિસ્સો છે. અને દંડની પહોંચ સોશિયલ મીડિયા પર વાઈરલ થઈ છે. લગ્ન પ્રસંગમાં ફટકારાયેલા દંડને લઈને સોશિયલ મીડિયામાં લોકોમાં રોષ જોવા મળી રહ્યો છે. કારણ કે, નેતાઓની રેલીમાં મનપા ક્યાં ગયું હતું તે પણ લોકો સવાલ ઊઠાવી રહ્યા છે.
    વધુ વાંચો
  • ગુજરાત

    રાજ્ય બહાર જવાના અને વિદેશ જવાના કોરોના ટેસ્ટિંગ માટે લાગશે ચાર્જઃ કુમાર કાનાણી

    સુરત-આરોગ્યમંત્રી કુમાર કાનાણી દ્વારા મહત્ત્વની જાહેરાત કરવામાં આવી છે કે રાજ્યની બહાર જવા માટે અને વિદેશ જવા માટેના કોરોના ટેસ્ટિંગમાં ચાર્જ લાગશે. સરકારી ટેસ્ટિંગ માટે હવે અંદાજિત એક હજાર રૂપિયાથી વધુ રકમનો ચાર્જ લેવાશે. આમ રાજ્ય સરકારને હવે જ્ઞાત થયું છે કે આટલા લોકો ફરવા જાય અને વિદેશ જાય તો પછી તેઓ કોરોના ટેસ્ટિંગનો ચાર્જ કેમ ન ચૂકવી શકે. સરકાર તેમનો બોજાે શું કામ ઉઠાવે જે જાતે આ ખર્ચ કરી શકે છે. વિનામૂલ્યે સેવા તો ફક્ત ગરીબો માટે છે. આ ચાર્જમાંથી આવેલા રૂપિયા રોગ કલ્યાણ સમિતિમાં જમા થશે. ગુજરાતમાં કોરોના વાઇરસનો બીજાે તબક્કો ચાલી રહ્યો છે તેના પગલે સુરત સહિત સમગ્ર ગુજરાતમાં કેસો વધ્યા છે. સૌથી વધુ કેસો અમદાવાદમાં વધ્યા છે. આના પગલે આરોગ્ય મંત્રી દ્વારા સુરતની પરિસ્થિતિ પર નજર રાખવા બેઠક યોજાઈ હતી.આ બેઠક સુરતની સિવિલ હોસ્પિટલમાં યોજાઈ હતી. સુરતના નોડલ ઓફિસર મહેન્દ્ર પટેલ પણ બેઠકમાં હાજર રહ્યા હતા.
    વધુ વાંચો
  • ગુજરાત

    ચીખલીમાં જૂની મામલતદાર કચેરીનું બોર્ડ ન ખસેડાતાં અરજદારો અવઢવમાં

    રાનકુવાચીખલી જુની મામલતદાર કચેરી ખાતે તાલુકા પંચાયતનું મસમોટું બોર્ડ ન ખસેડાતા અરજદારો અવઢવમાં મુકાય રહ્યા છે. ચીખલી તાલુકા પંચાયતની કચેરીનું અદ્યતન મકાનમાં સ્થાનાંતર થયાના ઘણો સમય વીતી ગયો છે પરંતુ જુની મામલતદાર કચેરી ખાતે તાલુકા પંચાયતનું મસમોટું બોર્ડ હજી પણ ખસેડવાનો વહીવટી તંત્ર પાસે સમય નથી. જોકે તાલુકા પંચાયતનો ઉપરોક્ત બોડૅને કારણે અરજદારો અવઢવમાં મુકાઇ જતા હોય છે. અત્રે ઉલ્લેખનીય છે કે લોકો મામલતદાર કચેરીમાં કામો માટે આવતા હોય છે ત્યારે તંત્ર આ બોર્ડને હટાવવા માટેની તસ્દી લે તેવી માંગ ઉઠી છે. અરદારોને ધક્કો પડે છે અને સમયનો વ્યય થાય છે તેથી ઘટતું કરવા તંત્ર સમક્ષ લોકોએ રજૂઆત કરી હતી.1
    વધુ વાંચો
  • ગુજરાત

    સુરતના મેયર જગદીશ પટેલને કોરોના થયો -ગાઇડલાઇનનો કડક અમલ શરૂ

    સુરત, રાનકુવામહાનગપાલિકાના જણાવ્યા પ્રમાણે, મેયર ડો. જગદિશ પટેલ કોરોનાગ્રસ્ત થયા છે. આ સાથે સુરત શહેર જિલ્લામાં કોરોના પોઝિટિવ કેસનો આંક ૪૧૬૭૬ પર પહોંચી ગયો છે. આ સાથે શહેર જિલ્લામાં કોરોનાથી મૃત્યુઆંક ૧૦૪૨ થયો છે. ગત રોજ શહેરમાંથી ૧૮૫ અને જિલ્લામાંથી ૪૧ કોરોના પોઝિટિવ દર્દીઓ કોરોનાને માત આપી સાજા થતા તેમને રજા આપવામાં આવી છે. આ સાથે અત્યાર સુધીમાં શહેર જિલ્લામાં કુલ ૩૯૧૫૨ કોરોના પોઝિટિવ દર્દીઓ કોરોનાને માત આપી સાજા થઈ ચુક્યા છે. એક્ટિવ કેસની સંખ્યા વધવાની સાથે ૧૪૮૨ થઈ ગઈ છે. સુરતના મેયર ડો. જગદિશ પટેલે જણાવ્યું હતું કે, માર્ચ મહિનાથી શરૂ થયેલા કોરોનાના પ્રથમ વેવમાં ખૂબ બહાર રહેવાનું અને કોરોનાના દર્દીઓના સંપર્કમાં આવવાનું થયું છતાં ઈન્ફેક્શનથી બચી શકાયું હતું. જે બીજાે વેવ શરૂ થતા શક્ય ના બન્યું. ગઈકાલથી થોડી શરદી-ઉધરસ જણાતા કોવિડ ટેસ્ટ કરાવ્યો, જે પોઝિટિવ આવ્યો છે. સંપર્કમાં આવેલા તમામને ટેસ્ટ કરાવી પોતાના સ્વાથ્યની કાળજી લેવા વિનંતી કરુ છું. હવે થોડા દિવસ સુધી આપ સૌ સાથે પ્રત્યક્ષરૂપે સેવાકાર્યમાં નહી જાેડાઈ શકુ તે બદલ માફ કરશો. કોરોના ના વધતા વ્યાપ વચ્ચે ચીખલી તેમજ વિવિધ વિસ્તારમાં માસ્ક પહેર્યા વિના ફરતા ૮ સામે દંડનીય કાર્યવાહી ચીખલી પોલીસ દ્વારા કરવામાં આવી હતી. કોરોના નું સંક્રમણ અટકાવવા માટે સરકાર દ્વારા તકેદારીના ભાગરૂપે તેમજ જાગૃતિના અનેક પ્રયાસો બાદ પણ સોશિયલ ડિસ્ટસિગ જાળવવાની તેમજ માસ્ક પહેરવાની તસ્તી લેતા નથી. કોરોનાના વ્યાપ વચ્ચે બેફિકરાઈ થી માસ્ક વિના ફરતા લોકો સામે ચીખલી પોલીસે લાલ આંખ કરી ચીખલી તેમજ ચીખલીના અલગ-અલગ વિસ્તારમાં માસ્ક પહેર્યા વિના ફરતા ૮ સામે દંડનીય કાર્યવાહી કરી વ્યક્તિદીઠ ૧૦૦૦ રૂપિયાનો દંડ ફટકારાયો હતો.
    વધુ વાંચો