સુરત સમાચાર

  • ક્રાઈમ વોચ

    સુરતમાં 2 લાખથી વધુની કિંમતના ચરસ સાથે 2 યુવકની ધરપકડ

    સુરત-શહેરમાં દિવસેને દિવસે નશીલા પદાર્થોનું વેચાણ વધી રહ્ય્šં છે. લૉકડાઉન દરમિયાન નશીલા પદાર્થોના વેપલા પર થોડા કાબૂ આવ્યો હતો. પરંતુ હવે અનલોક થઈ ગયું છે ત્યારે સુરતમાં ફરીથી ખુલ્લેઆમ દારૂ અને અન્ય નશીલા પદાર્થો મળી રહ્યા છે. નશીલા પદાર્થોનું વેચાણ કરીને અમુક તત્વો દેશના યુવાધનને બદબાદ કરી રહ્યા છે. આવા ઇસમોને પકડી પાડવા માટે પોલીસે આદેશ કર્યા છે. આ દરમિયાન સુરતના કતારગામ વિસ્તારમાંથી પોલીસે બે કિલો ચરસ સાથે બે યુવકોની ધરપકડ કરી છે. નવાઈની વાત એ છે કે ઝડપાયેલા બેમાંથી એક યુવક સિવિલ એન્જિનિયર છે. પોલીસે બંને પાસેથી ૨.૩૭ લાખનું ચરસ જપ્ત કર્યું છે. મળતી માહિતી પ્રમાણે કતારગામ પોલીસને બાતમી મળી હતી કે પાર્સ સોસાયટીમાં બે યુવાનો ચરસ વેચાણ માટે લાવ્યા છે. આ બાતમીના આધારે પોલીસ દુકાન નં. ૩૦૪, વિમલનાથ આર્કેડ, પારસ સોસાયટી વિભાગ-૨ કતારગામ ખાતે દરોડાં કરી હતી ત્યાંથી મૂળ અમરેલી જિલ્લાના સાવરકુંડલા ખાતે આવેલા રામગઢનો વાતની અને હાલમાં કતારગામ વીરમાં આવેલા ધનમોર ચાર સરતા પાસે આવેલા ૧૦૧, ધનમોરા કોમ્પલેક્ષમાં રહેતા જીગર મનસુખભાઇ ધોળકીયા અને તેની સાથે ભાવનગર જિલ્લાના શિહોર તાલુકાના બુઢણા ગામનો વાતની અને હાલમાં સુરતમાં કતારગામ વિત્તરમાં આવેલ હાથી મંદિર પાસેની લક્ષ્મીકાંત સોસાયટીમાં રહેતા પાર્થ જયંતીભાઇ તેજાણીની ધરપકડ કરી હતી. આ ઈસમો પાસેથી પ્રતિબંધિત માદક પદાર્થ ચરસ જેનું વજન ૨ કિલો ૩૭૯ ગ્રામ જેની કિંમત રૂ, ૨,૩૭,૯૦૦ થાય છે મળી આવ્યું હતું. આ સાથે મોબાઇલ ફોન નંગ બે તેમજ ચરસ વેચાણના રોકડા રૂપિયા ૧૯,૪૦૦ સહિત ૨,૬૪,૩૦૦ રૂપિયાનો મુદ્દામાલ મળી આવ્યો હતો. આ મામલે પોલીસે બંને યુવક વિરુદ્ધ એન.ડી.પી.એસ, એક્ટ હેઠળનો ગુનો નોંધી કાયદેસરની કાર્યવાહી હાથ ધરી છે. સૌથી આશ્ચર્યની વાત એ છે કે ઝડપાયેલા બે યુવાનો પૈકી એક સિવિલ એન્જિનિયર છે.
    વધુ વાંચો
  • ગુજરાત

    સુરત: રેન્જ EPFOએ કોવિડ-19ના 25200 દાવાની પતાવટની પ્રક્રિયા હાથ ધરી

    સુરત- પીએફ ધારકો પણ કોરોના સંકટ સમયે EPFOમાં તેમની બચત મૂડી ઉઠાવી રહ્યા છે. સુરત રેન્જ સુરત, તાપી, નવસારી અને વલસાડ માંથી કચેરીએ કોવિડ 19ના 25,200 દાવાની પતાવટની પ્રક્રિયાને હાથ ધરવામાં આવી છે.તમામ ઓનલાઇન પ્રક્રિયાના કારણે ઝડપી પતાવટ થતા પીએફ ધારકોને રાહત મળી છે.માત્ર છ મહિનામાં પ્રોવિડન્ડ ફંડમાંથી કોવિડ ક્લેમ કરી પીએફ ધારકોએ 48.35 કરોડ રૂપિયા ઉપાડાયા છે. ગુજરાતમાં સૌથી વધારે શ્રમિક સુરતમાં રહે છે અને કોરોના વાઇરસને કારણે તમામ લોકોની આર્થિક કમર તુટી ગઈ છે. તો કેટલાક લોકોની બચત પર સંકટ આવી પડયુ છે. આ જ કારણે હવે લોકો સંકટ સમયે તેમની બચત મૂડી ઉપાડી રહ્યા છે. સરકારની ખાસ યોજના મુજબ સુરત રેન્જ EPFOએ કોરોના કાળમાં 50 ટકા કર્મચારીઓ સાથે 25,200 દાવાની પતાવટની પ્રક્રિયાને હાથ ધરવામાં આવી અને પીએફ ધારકોને 48.35 કરોડ રૂપિયા આપવામાં આવ્યા છે.EPFO દ્વારા કોરોના સંકટ સમયે લોકોને તેમના પીએફ ફંડમાંથી પૈસા ઉપાડવામાં મુશ્કેલી ન પડે તે માટે તમામ પ્રયત્નો કરાઈ રહ્યા છે. પ્રક્રિયા ઝડપી બનાવવા માટે વિભાગે આજે એક આર્ટિફિશિયલ ઇન્ટેલિજન્સ ટૂલ લોન્ચ કર્યું છે. જે દાવાની પતાવટની પ્રક્રિયાને ઝડપી બનાવી રહી છે.લોકડાઉનના લીધે ઘણા નોકરીયાત લોકોને આર્થિક મુશ્કેલીઓનો સામનો કરવો પડી રહ્યો છે. એવામાં સરકારે લોકોને થઇ રહેલી મુશ્કેલીઓને ધ્યાનમાં રાખતા પીએફ ખાતામાંથી પૈસા ઉપાડવાની પરવાનગી આપી હતી. ત્યારબાદ લાખો લોકોએ પીએફ ઉપાડવા માટે ઇપીએફઓ પાસે ઓનલાઇન અને એપ પર અરજી કરવામાં આવી હતી.કોવિડ 19 સિવાય અન્ય કારણો સર કરવામાં આવેલા 87600 દવાઓનો નિકાલ કરવામાં આવ્યો છે.
    વધુ વાંચો
  • ગુજરાત

    બારડોલી: તાલુકાના 4 સ્વસહાય જૂથોને રૂ.4 લાખ ધિરાણના મંજૂરીપત્રો એનાયત 

    સુરત-રાજ્યની મહિલાઓને સ્વાવલંબી બનવા સાથે આર્થિક ઉન્નતિના માટે રાજ્ય સરકારે જાહેર કરેલી 'મુખ્યમંત્રી મહિલા ઉત્કર્ષ યોજના' અંતર્ગત બારડોલી ખાતે સામાજિક ન્યાય અને અધિકારિતા મંત્રી ઈશ્વરભાઈ પરમારના હસ્તે ચાર સ્વસહાય જૂથની મહિલાઓને રૂા.ચાર લાખના ધિરાણ મંજૂરીપત્રો અર્પણ કરવામાં આવ્યાં હતાં, તેમજ બેંક ઓફ બરોડા સાથે ધિરાણ માટે સમજૂતી કરાર કરાયા હતાં.કાર્યક્રમમાં જય અંબે સખી મંડળ- ઝરીમોરા, ગજાનન સખી મંડળ-કડોદ, શ્રી સખી મંડળ-નસુરા, જય જલારામ સખી મંડળ-વઢવાણીયા એમ ચાર સ્વસહાય જૂથોને પ્રત્યેકને રૂ.એક લાખના ધિરાણના ચેક અર્પણ કરાયા હતા. પ્રધાનમંત્રી નરેન્દ્ર મોદીના જન્મદિવસે ગુરુવારે મુખ્યમંત્રી વિજયભાઈ રૂપાણીએ ગાંધીનગરથી ઈ-માધ્યમથી રાજ્યવ્યાપી 'મુખ્યમંત્રી મહિલા ઉત્કર્ષ યોજના'નો પ્રારંભ કરાવ્યો હતો, જે સંદર્ભે બારડોલી તાલુકા પંચાયત ખાતે આયોજિત કાર્યક્રમમાં મંત્રીશ્રી ઈશ્વરભાઈ પરમારે જણાવ્યું હતું કે, આ યોજના હેઠળ પ્રત્યેક માતા-બહેનોને પોતાનો નાનો મોટો વ્યવસાય, ગૃહ ઉદ્યોગ, વેપાર શરૂ કરવા વગર વ્યાજે લોન ધિરાણ મળી રહેશે. મહિલા ઉત્કર્ષ યોજના થકી આત્મનિર્ભર ભારતના વડાપ્રધાનના સંકલ્પને સાકાર કરવામાં ગુજરાતની મહિલા શક્તિ અગ્રેસર રહેશે એમ જણાવતાં મંત્રીએ ઉમેર્યું કે, આ બેંક લોનનું વ્યાજ રાજ્ય સરકાર ભોગવશે. તેમણે કોરોના સંકટ પછીની બદલાયેલી આર્થિક અને સામાજિક જીવનશૈલીમાં રાજ્યની નારીશક્તિને આ યોજના આત્મનિર્ભર બનાવી પરિવારની સમૃદ્ધિના દ્વાર ખોલશે એમ, દઢ વિશ્વાસ વ્યકત કર્યો હતો. મુખ્યમંત્રી મહિલા ઉત્કર્ષ યોજના રાજ્યના એક લાખ જેટલા મહિલા સ્વસહાયતા જૂથોને પ્રત્યેકને રૂા.એક લાખનું આર્થિક ધિરાણ આજીવિકામાં વધારો કરતી પ્રવૃત્તિઓ માટે આપીને, જૂથો સાથે સંકળાયેલી રાજ્યની 10 લાખ મહિલાઓને આર્થિક સશક્તિકરણ કરશે. આ યોજના હેઠળ રાજ્યની 10 લાખ મહિલાઓને આવરી લઈ રૂ 1000 કરોડનું ધિરાણ આપવાનો લક્ષ્‍યાંક છે.
    વધુ વાંચો
  • ગુજરાત

    સુરતઃ ધન્વંતરી આરોગ્ય રથમાંથી એક્સપાયરી ડેટ વાળી દવાઓ મળી આવી

    સુરત- જિલ્લાના પુણા ગામમાં ધન્વંતરી આરોગ્ય રથમાંથી એક્સપાયરી ડેટ વાળી દવાઓ મળી આવી હતી. પાલિકાના કર્મચારી સામે લોકોના આરોગ્ય સાથે ચેડા કરાતા હોવાનો આરોપ કરવામાં આવ્યા હતા.મળતી માહિતી મુજબ સુરત નગર પ્રાથમિક શિક્ષણ સમિતિના સભ્ય અને પુણાગામ વિસ્તારના કોંગી કોર્પોરેટર સુરેશ લુહારે જણાવ્યું હતું કે, પુણા ગામમાં આવેલી સીતા નગર સોસાયટીના પ્રમુખે તેમને માહિતી આપી હતી કે, પાલિકાના ધન્વંતરી આરોગ્ય રથમાં એક્સપાયરી ડેટ વાળી દવાઓ લોકોને આપી આરોગ્ય સાથે ચેડાં કરવામાં આવી રહ્યા છે. જે માહિતીના આધારે સ્થાનિક કોર્પોરેટર દિનેશ રાવલીયા અને સુરેશ સુહાગિયાએ ધનવંતરી રથમાં તપાસ કરતા મોટા પ્રમાણમાં એક્સપાયરી ડેટ વાળી દવાઓ મળી આવી હતી. જે જોઈ તે પણ ચોંકી ઉઠ્યા હતા.વધુમાં જણાવ્યું કે, શરૂઆતમાં ધનવંતરી રથ પર ફરજ બજાવતા તબીબે તપાસ કરવાની સ્પષ્ટ મનાઈ કરી દીધી હતી. જો કે, આમ છતાં લોકોના આરોગ્ય સાથે થઈ રહેલા ચેડાંના પગલે બન્ને કોર્પોરેટરો દ્વારા તપાસ કરી પાલિકાના કર્મચારીઓની બેદરકારીને ઉઘાડી પાડવામાં આવી હતી. પુણા ગામના કોર્પોરેટરે આ સમગ્ર મામલે તપાસ કરી કસૂરવારો સામે યોગ્ય પગલાં ભરવામાં આવે તેવી માગ કમિશ્નર પાસે કરી છે.
    વધુ વાંચો