ટેલિવુડ સમાચાર

  • સિનેમા

    લોન લઇને ઓડિશન આપનાર સ્પર્ધકને નેહા કરી આર્થિક મદદ

    મુંબઇ  ટેલિવિઝનનો પોપ્યુલર સિંગિંગ રિયાલિટી શો ઈન્ડિયન આઈડલ 12મી સીઝન સાથે પરત ફર્યો છે. ગત સીઝનની જેમ આ વખતે પણ નેહા કક્કડ, હિમેશ રેશમિયા અને વિશાલ દદલાની શોના જજ છે. શો 28 નવેમ્બરથી ઓન-એર થવાનો છે અને જ્યારથી તેની જાહેરાત કરવામાં આવી છે ત્યારથી મેકર્સ નવા પ્રોમો રિલીઝ કરી રહ્યા છે. હાલમાં વધુ એક પ્રોમો ઈન્ટરનેટ પર વાયરલ થયો છે. જે ભલભલી વ્યક્તિની આંખો ભીની કરી દે તેવો છે.  પ્રોમોમાં, શાહઝાદ અલી નામનો કન્ટેસ્ટન્ટ પોતાની ગરીબીની વ્યથા કહેતો જોવા મળી રહ્યો છે. આ સિવાય તે તેવો પણ ખુલાસો કરે છે કે, તેની નાનીએ 5 હજાર રૂપિયાની લોન લીધી ત્યારે જઈને તે મુંબઈમાં ઓડિશન આપવા આવી શક્યો છે. વીડિયોમાં તે કહી રહ્યો છે કે, 'મારું નામ શાહઝાદ અલી છે. જયપુરમાં કપડાની એક નાની દુકાન છે, ત્યાં કામ કરું છું. જ્યારે નાનો હતો ત્યારે જ મારી અમ્મી ગુજરી ગઈ. પછી નાનીએ અમને મોટા કર્યા અને અમારો ઉછેર કર્યો'. વિશાલ દદલાનીએ તેને પૂછ્યું કે, 'જયપુરથી અહીંયા કેવી રીતે આવ્યો?'. શાહઝાદે કહ્યું કે, 'મારી નાનીએ બેંકમાંથી 5 હજાર રૂપિયાની લીધી અને હું અહીંયા આવ્યો'.  નેહા કક્કડે ઈન્ડિયન આઈડલની ગત સીઝનના કેટલાક કન્ટેસ્ટન્ટને આર્થિક મદદ કરી હતી. આ વખતે પણ તેણે આમ કર્યું. તેણે શાહઝાદને કહ્યું કે, 'મારા તરફથી તારી નાનીને 1 લાખ રૂપિયાની ભેટ આપવા માગુ છું'. વિશાલ દદલાનીએ પણ કહ્યું કે, 'જે રીતે નેહાએ તને એક ભેટ આપી છે, તે રીતે હું પણ તારી મુલાકાત એક સારા ગુરુ સાથે કરાવી દઈશ'.  નેહા કક્કડ જરૂરિયાતમંદોને મદદ કરવા માટે જાણીતી છે. શાહઝાદ અલીને એક લાખ રૂપિયાની મદદ કરીને તેણે ફેન્સના દિલ જીતી લીધા છે. પ્રોમો વીડિયો પર કોમેન્ટ કરીને યૂઝર્સ તેના વખાણ કરી રહ્યા છે. એક ફેને લખ્યું છે કે, 'આ જ વાત છે જે તમને નેહાના પ્રેમમાં પાડે છે. તારા પર ગર્વ છે'. તો એકે લખ્યું છે કે, 'નેહા મેડમ તમે ફરી એકવાર અમારુ દિલ જીતી લીધું'. સિંગરના એક ફેન પેજે લખ્યું છે કે, 'આ જ કારણથી મને નેહા પ્રત્યે પ્રેમ અને માન છે'. એક ફેને તેને 'રિયલ ક્વીન' કહી છે. 
    વધુ વાંચો
  • સિનેમા

    એવોર્ડ ફંક્શનમાં આવેલા કોઇએ પણ ન પહેર્યુ હતુ માસ્ક,સુધાંશુ પાંડેએ વ્યક્ત કરી નારાજગી

    મુંબઇ જીવલેણ કોરોના વાયરસ લગભગ એક વર્ષથી આપણી વચ્ચે છે અને તે ક્યાં સુધી રહેશે તેની કોઈને જાણ નથી. દિવસને દિવસે કેટલાય લોકો સંક્રમિત થઈ રહ્યા છે અને એમાથી અમુક જીવ પણ ગુમાવી રહ્યા છે. મહામારી શરુ થઈ ત્યારથી સરકાર સતત લોકોને માસ્ક પહેરવા, સોશિયલ ડિસ્ટન્સિંગનું પાલન કરવા અને સાવચેતીના જરૂરી તમામ પગલા લેવા માટે અપીલ કરી રહી છે. જો કે, આ બધી બાબતોનું ઉલ્લંઘન થઈ રહ્યું હોય તેવા ઘણા કિસ્સા અને તસવીરો આપણી સામે આવી ચૂકી છે. હાલમાં એક એવોર્ડ ફંક્શન યોજાયું હતું, જ્યાં કોઈએ માસ્ક પહેર્યું નહોતું. આ વાતને સીરિયલ અનુપમામાં વનરાજનો રોલ પ્લે કરી રહેલા સુધાંશુ પાંડેએ ઉઘાડી પાડી છે. વિરલ ભાયાણી નામના બોલિવુડ ફોટોગ્રાફરે પોતાના સોશિયલ મીડિયા અકાઉન્ટ પર સુધાંશુ પાંડેનો એક વીડિયો શેર કર્યો છે, જેમાં તે કોવિડ-19ના નિયમોનું પાલન ન થતાં નારાજગી વ્યક્ત કરતો જોવા મળી રહ્યો છે. વીડિયોમાં એક્ટર કહી રહ્યો છે કે, 'ફંક્શનમાં કોઈ પણ પ્રોટોકોલનું પાલન નથી થયું. જે ખરેખર ખરાબ બાબત કહેવાય. અહીંયા અંદર એટલા બધા લોકો છે અને કોઈએ માસ્ક નથી પહેર્યું, સેનિટાઈઝર પણ નથી. સારા કામ માટે આટલી મોટી સંખ્યામાં બધા ભેગા થયા છે પરંતુ પ્રોટોકોલનું પાલન નથી થઈ રહ્યું'.  એક્ટરે વધુમાં કહ્યું કે, 'આજની તારીખમાં જ્યારે સરકાર આટલી પરેશાન છે અને બધી જગ્યાએ ફરીથી લોકડાઉન થવાની વાત થઈ રહી છે. જે લોકો મને સાંભળી રહ્યા છે તે તમામને અપીલ કરવા માગું છું કે, મહામારી ખતમ નથી થઈ. કેટલીક જગ્યાએ મહામારીની બીજી અને ત્રીજી લહેર આવી ગઈ છે. એવું ન વિચારો કે આ બીમારી તમને નહીં થાય. આ બીમારી કોઈને પણ ક્યારેય પણ થઈ શકે છે. પોતાના માટે નહીં તો પરિવાર માટે, એકબીજા માટે પોતાને જવાબદાર સમજો. પ્લીઝ પ્રોટોકોલનું પાલન કરો. હાઈજીન જાળવી રાખો'.  સુધાંશુ પાંડેના આ વીડિયો પર સોશિયલ મીડિયા યૂઝર્સ કોમેન્ટ કરી રહ્યા છે અને કેટલાકે તો વળી તેને ટ્રોલ પણ કર્યો છે. એક યૂઝરે પૂછ્યું છે કે, 'તમારું માસ્ક ક્યાં છે?', એકે લખ્યું છે કે, 'તેણે પોતે માસ્ક નથી પહેર્યું અને બીજાને માસ્ક પહેરવાની અપીલ કરી રહ્યો છે'. એક ફિમેલ યૂઝરે પૂછ્યું છે કે, 'તમારા લોકોનું માસ્ક કોણે લઈ લીધું? તમે બંને પણ પાસે જ ઉભા છો ને'. 
    વધુ વાંચો
  • સિનેમા

    શ્વેતા તિવારી પર લાગ્યો સેલેરી ન આપવાનો અને છેતરપિંડીનો આરોપ,નોટિસ ફટકારી

    મુંબઇ શ્વેતા તિવારી ફિલ્મ જગતનું એક મોટું નામ છે, તેણે ઘણી ટીવી સિરિયલોની સાથે ફિલ્મોમાં પણ પોતાની અભિનય કુશળતા દર્શાવી છે, શ્વેતા તિવારી તેની સુંદરતા અને મનોહર અભિનય માટે જાણીતી છે, પરંતુ એવું લાગે છે કે થોડા સમયથી મુશ્કેલીઓ આવી રહી છે. શ્વેતા તિવારીનો પીછો છોડતી નથી, જ્યાં થોડા દિવસો પહેલા જ તેના પતિએ શ્વેતા તિવારીને માનહાનિની કાનૂની નોટિસ મોકલી છે, હવે બીજી તરફ તેની એક્ટિંગ સ્કૂલના એક્સ કર્મચારી રાજેશ પાંડેએ તેના પર છેતરપિંડીનો આરોપ લગાવ્યો છે અને કાનૂની નોટિસ મોકલવામાં આવી છે. શ્વેતાએ મુંબઈમાં 'શ્વેતા તિવારીની ક્રિએટિવ સ્કૂલ ઓફ એક્ટિંગ' નામની એક એક્ટિંગ સ્કૂલ ખોલી હતી, રાજેશ પાંડે આ સ્કૂલના એક એક્ટિંગ ટીચર હતા. રાજેશ પાંડેએ કહ્યું હતું કે 'હું શ્વેતા તિવારીની એક્ટિંગ સ્કૂલમાં 2012 થી કામ કરતો હતો, પરંતુ તેણે મારો ડિસેમ્બર 2018 નો પગાર ચૂકવ્યો ન હતો અને મારા ટીડીએસના પૈસા ક્યારેય જમા કરાવ્યા ન હતા.મારી પાસે શ્વેતા છે તિવારીની શાળામાં ઘણાં વર્ષોથી કામ કરતો હતો અને બદલામાં મને જે મળ્યું તે છેતરપિંડી હતી.  રાજેશ પાંડે વધુમાં કહે છે કે 'હું ખૂબ જ નારાજ છું કારણ કે શ્વેતા તિવારીએ મારો પૈસા આપતા સમયે મારો ફોન ઉપાડવાનું બંધ કરી દીધું હતું, બીજી તરફ કોરોનાને કારણે મારી પાસે બિલકુલ પૈસા બાકી નથી અને મારો મકાન માલિક પણ ભાડુ માગે છે.  
    વધુ વાંચો
  • લાઈફ સ્ટાઇલ

    ટીવી અભિનેતા શાહિર શેખે ગર્લફ્રેન્ડ રૂચિકા કપૂર સાથે સગાઈ કરી

    મુંબઇ  ટીવી ઉદ્યોગના લોકપ્રિય અભિનેતા શાહિર શેખે તેની ગર્લફ્રેન્ડ રૂચિકા કપૂર સાથે સગાઈ કરી લીધી છે. સોશિયલ મીડિયા પર ફોટો શેર કરીને તેણે ચાહકોને આ જાણકારી આપી છે. આપને જણાવી દઇએ કે તેણે થોડા દિવસો પહેલા ગર્લફ્રેન્ડ રૂચિકા કપૂર સાથેના તેના સંબંધની પુષ્ટિ કરી હતી. સમાચાર આવ્યા હતા કે બંને જલ્દીથી લગ્ન કરવાના છે. હવે અભિનેતાએ સગાઇ ફોટો પોસ્ટ ચાહકોને ખુશખબર આપી છે. શાહિર શેખે લખ્યું કે, 'તુ હંસદી રેવ, હું આખી જિંદગી માટે ઉત્સાહિત છું.' શાહિર શેઠે આ ફોટો સોશિયલ મીડિયા પર પોસ્ટ કર્યો કે તરત જ તે વાયરલ થવા લાગ્યો. ટીવી ઇન્ડસ્ટ્રીના ઘણા સેલેબ્સે ટિપ્પણી કરી છે અને અભિનંદન પાઠવ્યા છે. તેમાં એકતા કપૂર, શ્રિયા પિલાગાંવકર, અનિતા હસનંદની, ક્રિસ્ટલ ડિસોઝા, તુષાર કપૂર સહિત અનેક હસ્તીઓ શામેલ છે. જોકે હજી સુધી શાહિર શેખ તરફથી આ અંગે કોઈ પ્રતિક્રિયા આવી નથી. આપને જાણવી દઈએ કે રૂચિકા કપૂર એકતા કપૂર ફિલ્મ્સના વડા છે. લાંબા સમય સુધી એકબીજાને ડેટ કર્યા પછી, શાહિરે ઇંસ્ટાગ્રામ પર ફોટા શેર કરીને રિલેશનશિપ સ્ટેટસની પુષ્ટિ કરી હતી. એક મનોરંજન પોર્ટલ અનુસાર, બંને નવેમ્બરના અંત સુધીમાં લગ્ન કરી શકે છે. તેમાં ફક્ત નજીકના મિત્રો અને પરિવારના સભ્યો જ હશે. કોર્ટ મેરેજ બાદ બંને ઘરે એક નાનું એવું સેલિબ્રેશન કરશે. શાહિર શેખ 'મહાભારત', 'યે રિશ્તા હૈ પ્યાર કે', 'ઝાંસી કી રાની' અને 'તેરી મેરી લવ સ્ટોરી' સહિત અનેક સિરીયલોનો ભાગ રહ્યો છે.
    વધુ વાંચો