છોટાઉદેપુર, તા.૧૭ કોરોના મહામારી સામે તકેદારી રાખવી સામાન્ય નાગરિકની ફરજ બને છે. સરકાર દ્વારા આ બાબતે ગાઇડલાઇન જાહેર કરી છે. જેનું પાલન કરવું દરેક ભારતીય નાગરિકની નૈતિક ફરજ છે. પરંતુ છોટાઉદેપુર નગરપાલિકા પ્રમુખ કોરોના પોઝિટિવ હોવા છતાં આમ અપવાદરૂપ હોય તેમ જણાય છે. સ્ટેજ પર બેસવાની લાલસામાં પોતાના ઘરે કોરોના પોઝેટીવ દર્દીઓ હોવા છતાં સરકારી ગાઈડ લાઈન મુજબ હોમ કોરોનટાઇન થવા ને બદલે મહિલા ઉત્કર્ષ યોજના ઇ-લોન્ચિંગ કાર્યક્રમ માં દરબાર હોલ ખાતે ઉપસ્થિત રહ્યા હતા. સદર કાર્યક્રમમાં વડોદરાના ધારાસભ્ય જીતુભાઇ સુખડીયા સહીત જિલ્લા કલેકટર સુજલ મયાત્રા, જિલ્લા વિકાસ અધિકારી મિહિર પટેલ સહીત આગેવાનો ઉપસ્થિત હતા. છતાં પાલિકા પ્રમુખશ્રી સરકાર દ્વારા કોરોના ની મહામારી સમયે બહાર પાડેલી ગાઇડલાઇન નો છેડેચોક ભંગ કર્યો હતો. પાલિકા પ્રમુખના પત્ની અને પૂર્વ પ્રમુખ તેમજ તેમના ઘરના સભ્યોનો પાલિકા, અર્બન હેલ્થ સેન્ટર છોટાઉદેપુર દ્વારા દરબાર હોલ ખાતે ગઈકાલે જ આયોજિત કોરોના ચેકઅપ કેમ્પમાં જ એન્ટિગન કીટ દ્વારા ટેસ્ટ કરવામાં આવ્યો હતો.
છોટાઉદેપુર, તા.૧૭ છોટાઉદેપુર તાલુકાના કેવડી ગામ ખાતે ગત રોજ સાંજે રીછે એકાએક હુમલો કરતા કેવડી ગામના ત્રણ ઘાયલ થયા હતા. પંચમહાલ જિલ્લા ને અડીને આવેલા જિલ્લા ના વન વિસ્તાર રીછ અભ્યારણ તરીકે ઓળખાય છે.
છોટાઉદેપુર બહોળો વનવિસ્તાર ધરાવે છે. અહીં વન વિસ્તારમાં રહેતા આદિવાસી ગ્રામજનો અવાર નવાર આવા હુમલાઓના ભોગ બનતા હોય છે. ગત રોજ રીછ ગામની સીમમાં આવી ચઢતા ત્રણ વ્યક્તિ ઉપર જાનલેવા હુમલો કર્યો હતો. સદનસીબે રીંછના હુમલામાં આ ત્રણેય નો આબાદ બચાવ થયો હતો.
જશુંભાઈ જેન્તી ભાઈ રાઠવા. ઉ.વ.આ. ૨૩ .રહે.કેવડી. રીંછ દ્વારા ઉમલા મા ઘાયલ ઈજાગ્રસ્ત ને ઝોઝ. પી.એસ.સી.ખાતે લાવી સારવાર કરાવવા મા આવી હતી જયારે હુમલા માં ઈજાગ્રસ્ત રમેશ ભાઈ લેમજી ભાઈ નાયકા. ઉ.વ.આ. ૪૫.રહે.કેવડી. તથા બાબુભાઈ વેસતાભાઈ નાયકા ઉ.વ.આ.૩૩. રહે.કેવડી જનરલ હોસ્પિટલ છોટાઉદેપુર .ખાતે લાવી સારવાર કરાવવા મા આવી હતી. તેઓને હાથે પગે ઇજા થઇ હતી.
બોડેલી, તા.૧૫ બોડેલીના કોસીંદ્રાથી ચલામલી વચ્ચેના રસ્તે અકસ્માતને આમંત્રણ આપતી વૃક્ષોની લટકતી ડાળીઓ જોવા મળી રહી છે ચોમાસાની શરૂઆત પહેલા અને વિરામ બાદ વહીવટીતંત્ર ઘ્વારા તેનું યોગ્ય કટિંગ કરાતું નથી જેના કારણે ચોમાસાની શરૂઆતમાં જ વાવાઝોડાથી વૃક્ષોની નમેલી નબળી ડાળીઓ તૂટી જઈને અકસ્માત નોતરે છે.
ચોમાસુ પૂર્ણ થયા બાદ પણ વહીવટીતંત્ર સફાળે જાગતું ન હોવાથી નમેલી વૃક્ષની ડાળીઓ,રસ્તાની બંને તરફ ગાંડા બાવળ, અન્ય જંગલી વનસ્પતિ ઉગી નીકળી સામસામે રસ્તાઓ પર પસાર થતા વાહનચાલકોને પારાવાર મુશ્કેલીનો સામનો કરવો પડે છે વાહનચાલકોની નઝર ચુકતા જ સામસામી વાહનો ભટકાવવાના કેસો બનતા રહે છે કુંભકર્ણની નિંદ્રામાં સુતા લાગતા વળગતા અધિકારીઓને વાહનચાલકોની જિંદગીની જાણે કશી પડેલી ન હોય તે રીતે હજુ સુધી ચોમાસુ વીતવા આવ્યું તેમ છતાં પોતાની જવાબદારીમાંથી છટકી જઈને કામગીરી કરી નથી સરકાર રોડ ડ્રાઈવ રાખી વાહનચાલકોને હેલ્મેટ,દસ્તાવેજ, માસ્ક ન હોવાથી દંડે છે પણ પોતાના અધિકારીઓ જયારે પોતાને જે કામ સોંપવામાં આવેલ છે તે જયારે નથી કરતા તો તેમને કેમ દંડ નહિ? તેવો સીધો સવાલ વાહનચાલકો સરકારને પૂછી રહ્યા છે આમ કોસીંદ્રાથી ચલામલી વચ્ચે આવેલ રસ્તા પરના વૃક્ષોની નમેલી ડાળીઓ અને રસ્તાની આજુબાજુ ઉગી નીકળેલ વનસ્પતિઓનું કટિંગ કરી તેની સાફસફાઈ કરવા વાહનચાલકોની માંગ ઉઠી છે આ રસ્તો સિંગલ ટ્રેક હોવાથી સામસામે વાહનો આવતા રસ્તાની આજુબાજુ ઉગી નીકળેલ ગાંડા બાવળો,જંગલી વનસ્પતિઓથી વાહનચાલકોને જાેખમ છે.
છોટાઉદેપુર : નસવાડી ખાતે જંતુ નાશક દવા, રાસાયણિક ખાતરની દુકાન ધરાવતા દુકાનદારને ખેતીવાડી અધિકારીએ બિન અધિકૃત જંતુ નાશક દવાનું વેચાણ કરતા હોવા બાબતે કારણ દર્શક નોટિસ આવી તેને પટાવત ના ૧.૫ લાખ રૂપિયા ની લાંચ લેતા અધિકારી રંગે હાથે એ.સી.બી ઝડપી પાડ્યો હતો. છોટાઉદેપુર જિલ્લાના નસવાડી, મેઈન બજાર ખાતે જંતુ નાશક દવા, રાસાયણિક ખાતર, બિયારણ ની દુકાન ધરાવી વેચાણ કરતા દુકાનદારને હાલ નોકરી ખેતી નિમાયક (જમીન ચકાસણી પ્રયોગશાળા) દાહોદ અને બીજી નોકરી નાયબ ખેતી નિયામક વિસ્તરણની કચેરી છોટાઉદેપુર ખાતે નોકરી કરતા વર્ગ ૨ કર્મચારી યોગેશભાઈ જેઠાભાઈ અમીન, ખેતીવાડી અધિકારી(હાલ રહે-ગુરુકૃપા સોસાયટી, નટવરનગર આંગણવાડી બાજુમાં, છોટાઉદેપુર, અને મૂળ રહે.-૨૭, તીર્થક ટેનામેન્ટ, વાઘોડિયા- ડભોઇ રીંગરોડ, વડોદરા) નાઓએ દુકાનદાર ને બિન અધિકૃત જંતુ નાશક દવાનું વેચાણ કરતા હોવા બાબતે કારણ દર્શક નોટિસ આપી હતી જે નોટિસની પતાવટ બાબતે યોગેશભાઇએ રૂા. ૨,૫૦,૦૦૦/- ની માંગણી કરેલ, જે રકઝકના અંતે રૂ.૧,૫૦,૦૦૦/- ની લેવાનુ નક્કી કર્યું હતું. જે લાંચની રકમ જંતુ નાશક દવાની દુકાનદારે અધિકારી યોગેશભાઈને આપવા માંગતા ન હતા.
