કચ્છ, માંડવી બીચ પર પેરાગ્લાઇડિંગમાં ૨૫ ફૂટ ઊંચેથી ભુજનો યુવાન નીચે પટકાયો હતો. અચાનક ગાડીને બ્રેક મારી બંધ કરતાં દુર્ઘટના સર્જાઈ હતી. ત્યારે હવે ચાલક સામે ગુનો નોંધાયો છે. ચાલકની બેદરકારીને કારણે ૨૫ ફૂટથી નીચે પટકાતાં ઇજાગ્રસ્ત થયો હતો. ગાડીચાલક વિરુદ્ધ ૪ દિવસ બાદ પોલીસ ફરિયાદ નોંધાવી હતી. ૧૩ નવેમ્બરે કચ્છ કલેક્ટરે માંડવીમાં પેરાશૂટ બંધ કરવા માંડવી પોલીસેને આદેશ આપ્યો છતાં પોલીસે કોઈ પગલાં ના ભરતા આ અકસ્માત સર્જાયો હતા.ભુજના સંજાેગનગરમાં રહેતો યુવાન મકરસંક્રાંતિના દિવસે માંડવી બીચ પર ફરવા ગયો હતો. ત્યાં પેરાગ્લાડિંગની ગાડીમાં બેસીને ઉડાન કરી રહ્યો હતો ત્યારે ચાલકની બેદરકારીને કારણે ૨૫ ફૂટથી નીચે પટકાયો હતો. જેથી યુવક ઇજાગ્રસ્ત થયો હતો. ગાડીચાલક વિરુદ્ધ ૪ દિવસ બાદ પોલીસ ફરિયાદ નોંધાવી હતી.માંડવી પોલીસ મથકમાં ભુજના તારીફ સલીમ બલોચ (ઉં.વ.૨૩)એ માંડવી બીચ પર પેરાગ્લાડિંગની ગાડી ચલાવતાં બ્લૂસ્ટાર વોટર પેરાશૂટના ગાડીચાલક વિરુદ્ધ ફરિયાદ નોંધાવી છે. ગાડીચાલકે ૨૫ ફૂટ ઊંચે પેરાશૂટ ઉડાડીને અચાનક ગાડીને બ્રેક મારી બંધ કરી દેતાં કોઇ સેફટીના સાધન ન હોવાને કારણે ફરિયાદી ઊંચેથી નીચે પટકાયો હતો. જેને કારણે તેને કમરના ભાગે ઇજા પહોંચી હતી. પેરાશૂટ બંધ કરવા કચ્છ કલેકટરે માંડવી પોલીસને ગત ૧૩ નવેમ્બર ૨૦૨૧ના લેખિત આદેશ આપ્યો હતો. તેમ છતાં માંડવી પોલીસે કોઇ જ દરકાર ન કરી, જેને કારણે અકસ્માત સર્જાયો હતો. 

ભચાઉ, અનેકવિધ સમસ્યાઓનો સામનો કરતા દયારામભાઈ બે દશકા પહેલા જ્યારે પોતે માનસિક વિક્ષિપ્ત થયા ત્યારે તેમને આ સ્થિતિની ગંભીરતાનો અંદાજાે આવ્યો અને આજે કચ્છમાં રહીને દરેક એવા વ્યક્તિને સહાયતા કરી રહ્યા છે, જે આવી પરિસ્થિતિમાંથી પસાર થાય છે. વાત એવા “પાગલપ્રેમી’ તરીકે જાણીતા થયેલા વ્યક્તિની કે જેણે ન માત્ર પોતે આ પરિસ્થિતિમાંથી બહાર આવ્યા પરંતુ અત્યાર સુધી મુંબઈની શ્રદ્ધા ફાઉન્ડેશનના સહયોગથી ૭ હજાર જેટલા માનસિક વિક્ષિપ્તોને સ્વગૃહે પહોંચાડી ચુક્યા છે.મુળ ભચાઉના જંગી ગામના દયારામ નાગજી મારાજનો ૧૯૯૮માં મુંબઈના મલાડમાં કપડાની ફેક્ટરીનો મોટો કારોબાર વિકસી રહ્યો હતો. પરંતુ સમયની કઠણાઈ અને એક મોટી પાર્ટીએ પગ પાછા ખેંચતા તે સમયના ૨૦લાખના દેણામાં તેવો આવી ગયા. ઘર બાર અને હતું તે તમામ વેંચીને તેમણે ૧૫ લાખનો ઉતાર્ય પરંતુ બાકી રહેલા ૫ લાખ તેમને સતત જંખતા રહ્યા અને તેના કારણે તેમણે માનસીક સંતુલન ગુમાવ્યું, ઘરેથી તેવો નિકળી જતા અને બે વર્ષ સુધી નાના ગાભાઓ ભેગા કરી, કલર મેચ કરીને તેનાથી કપડા બનાવીને આ કર્જ ઉતારીશ તેવી ટ્રીપમાં રાચ્યા રહેતા. દરમ્યાન તેમના પત્ની લક્ષ્મ્બેન દ્વારા સાળંગપુર લઈ જતા સમયે રસ્તામાંજ તેમની સ્વસ્થતા પાછી મળી અને પછીથી અત્યાર સુધી તેમણે માનસીક દિવ્યાંગો માટે જીવન સમર્પીત કરી દીધુ. પોતાના ભાઈને કારખાનું ચલાવવા આપીને તેવો અંજાર સ્થાપિત થયા, જ્યાં શરૂ કરેલી નાની દુકાનનું ઉદઘાટન પણ તેવો જેમને “પ્રભુજી’ કહે છે તેવા માનસીક દિવ્યાંગથી કરાવ્યું. મુંબઈના શ્રદ્ધાં ફાઉન્ડેશન અને હાલ ગાંધીધામના અપનાઘરમા સેવા આપી રહ્યા છે જેના થકી અત્યાર સુધી ૭ હજાર જેટલા લોકોને રસ્તા પરથી ઉઠાવીને સ્વાસ્થ્ય કેંદ્રોમાં અને ત્યાંથી તેના ઘરે પહોંચાડવાનું શ્રેય તેમના નામે સ્થાપિત છે. તેમનું કહેવું છે કે દરેક દેખાતા માનસીક દિવ્યાંગ વ્યક્તિમાં તેમને પોતાનો એટલે કે દયારામનો આભાસ થાય છે, જાે તેમના સહારે તે નહી પહોંચે તો દુર ભાગતા આજના સમાજના કોણ લોકો પહોંચશે?મુક્તક, કવિતાઓ થકી પણ પોતાની વાત કહેવાના આદી દયારામભાઈ પોતાની ભાષામાં કહે છે કે માસ્ક પહેરીને ફરતા કથીત ડાહ્યાનો ડર ગાંડા ઘેલાઓથી વધુ છે. શ્રદ્ધા ફાઉન્ડેશનના ડો. ભરત વટવાની, ડો. મીતા વટવાની, અને તેમના ગુરુજી યોગેશ્વરદેવ સ્વામીના માર્ગદર્શન અને સહયોગ તળે તેઓ આ સેવા કરી રહ્યાનું જણાવે છે. તેમણે ૨૦૦૭માં અમન ચેરીટેબલ ટ્રસ્ટ પણ બનાવ્યું જે તેમના દતક લીધેલા પુત્રના નામે છે, જેમાં કોઇ ડોનેશન લેવામાં આવતું નથી અને બેંક ખાતું પણ નથી.

શિયાળાની મૌસમ જામી છે ત્યારે શિયાળો શરૂ થતાં નળ સરોવરમાં યાયાવર પક્ષીઓ આવવાની શરૂઆત થઈ ગઈ છે. નળ સરોવર એ પક્ષી અભ્યારણ્ય છે જેમાં દેશ વિદેશથી અનેક પક્ષીઓ આવે છે. ખાસ કરીને શિયાળામાં પક્ષીઓના ટોળા અને ટોળા ઉમટી પડે છે. આ સમય પક્ષીઓના વિહાર માટે ઉત્તમ સમય પણ હોય છે તો બહારથી આવતા પક્ષીઓને જાેવા માટે અનેક સહેલાણીઓ પણ ઉમટી પડે છે. વહેલી સવારથી જ પ્રવાસીઓ યાયાવર પક્ષીઓને જાેવા માટે આવે છે.

કચ્છ, કચ્છના અંજાર તાલુકાના દુધઈ ગામમાં ચૂંટણીના વિજય સરઘસ દરમિયાન ‘પાકિસ્તાન ઝિંદાબાદ’ના કથિત નારા મામલે નવો વળાંક આવ્યો છે. પૂર્વ કચ્છ એસપી મયુર પાટીલે વાઈરલ વીડિયોની તપાસ બાદ કહ્યું છે કે, આ વીડિયોને ખોટી રીતે પ્રકાશિત કરાયો છે. વીડિયોમાં જે નારાઓ લાગી રહ્યા છે તે ‘રાધુભાઈ ઝિંદાબાદ’ના છે. વીડિયોનો ખોટી રીતે પ્રકાશિત કરનારની ઓળખ કરી કાર્યવાહી કરવામા આવશે.અંજાર તાલુકાના દુધઈ ગામમાં ચૂંટણીના પરિણામો જાહેર થયા બાદ વિજય સરઘસ યોજાયું હતું. જેમાં ‘પાકિસ્તાન ઝિંદાબાદ’ના નારા લાગ્યા હોવાની વિગતો સાથે વીડિયો વાઈરલ થયો હતો. વાઈરલ વીડિયોની તપાસ માટે ખુદ ગૃહ રાજ્યમંત્રી હર્ષ સંઘવી દ્વારા તપાસન આદેશ આપવામા આવ્યા હતા. વીડિયોની તપાસ કર્યા બાદ કચ્છ પોલીસ દ્વારા ‘પાકિસ્તાન ઝિંદાબાદ’ના નારાઓ લાગ્યા હોવાનો ઈન્કાર કર્યો છે. વીડિયોનો ખોટી રીતે પ્રકાશિત કરાયો હોવાનો દાવો કરાયો છે. વીડિયોને ખોટી રીતે વાઈરલ કરનાર સામે પણ કાર્યવાહી કરાશે.

કચ્છ, ૭૫ ઇન્ફેન્ટરી બ્રિગેડના કમાન્ડર બ્રિગેડિયર સુધાંશુ શર્માએ ૨૦ ડિસેમ્બર ૨૦૨૧ના રોજ સ્મૃતિવન સ્મારક ખાતેથી મોટરસાઇકલ રેલી ૨૦૨૧”ને ઝંડી બતાવીને તેનું પ્રયાણ કરાવ્યું હતું. ભારતની સ્વતંત્રતાના ૭૫ વર્ષની ઉજવણી નિમિત્તે “આઝાદીનો અમૃત મહોત્સવ” ચાલી રહ્યો છે તેના ભાગરૂપે હીરો મોટોકોર્પ અને ભારત પેટ્રોલિયમના સહયોગથી આ રેલીનું આયોજન કરવામાં આવ્યું છે.સીમા માર્ગ સંગઠનના ૧૦ બાઇકસવારો આ રેલીમાં ભાગ લઇ રહ્યાં છે. તેઓ ૨૫ ડિસેમ્બર ૨૦૨૧ સુધીમાં બાડમેર, બિકાનેર, અમૃતસર, ફિરોઝપુર થઇને અંતે દિલ્હી પહોંચશે અને છ દિવસના સમય દરમિયાન અંદાજે ૨,૪૦૦ કિલોમીટર કરતાં વધારે અંતર કાપશે. આ રેલીનું પ્રયાણ કરાવતા ૭૫ બ્રિગેડના કમાન્ડરે જણાવ્યું હતું કે, આ ઐતિહાસિક વર્ષ છે અને સરહદી ક્ષેત્રોમાં જ્યાં કનેક્ટિવિટી અત્યંત નિર્ણાયક સ્થિતિમાં હોય છે ત્યાં દુર્ગમ તેમજ અંતરિયાળ વિસ્તારોમાં કામ કરતી વખતે સર્વોચ્ચ બલિદાન આપનારા આપણા સીમા માર્ગ સંગઠનના પીઢ સૈનિકોને યાદ કરવા માટે આપણા માટે મહત્વપૂર્ણ છે. તેમણે ઉમેર્યું હતું કે, લોકો સાથે જાેડાવા માટે અને સીમા માર્ગ સંગઠનના જુસ્સા તેમજ બલિદાન વિશે તેમને યાદ અપાવવા માટે આવા કાર્યક્રમો ખૂબ જ મહત્વના હોય છે. તેમણે તમામ સહભાગીઓને શુભેચ્છાઓ પાઠવી હતી અને તેમના સાહસની પ્રશંસા કરી હતી. કમાન્ડરે આ રેલીમાં સહકાર આપવા બદલ હીરો મોટોકોર્પ અને ભારત પેટ્રોલિયમનો પણ આભાર વ્યક્ત કર્યો હતો. આ રેલી કચ્છના રણના સરહદી વિસ્તારમાંથી પસાર થઇ ત્યારે લખપત કિલ્લાના વિસ્તારોમાં સરહદ પર તૈનાત સૈનિકો સાથે સંવાદ કરવાની તેમને તક પ્રાપ્ત થઇ હતી. બાઇકસવારોએ કોટેશ્વર મંદિરની મુલાકાત લીધી ત્યારે સમગ્ર માહોલમાં દેશભક્તિની ભાવના ફેલાઇ ગઇ હતી અને તેમણે ઉત્સાહપૂર્વક અહીં ઉપસ્થિત રહેલા સ્થાનિક લોકો સાથે સંવાદ કર્યો હતો તેમજ સીમા માર્ગ સંગઠનના જુસ્સા અને તેમણે આપેલા બલિદાન પર પ્રકાશ પાડ્યો હતો અને સીમા માર્ગ સંગઠનની અદમ્ય ભાવના બતાવી હતી. તેમણે યુવાનોને મ્ઇર્ંમાં કારકિર્દીનું ઘડતર કરવા માટે રહેલી તકો વિશે સમજાવીને તેમને પ્રતિષ્ઠિત સીમા માર્ગ સંગઠનમાં જાેડાવા માટે પ્રેરણા આપી હતી.આ રેલી બાડમેર, બિકાનેરના રણ વિસ્તારોમાંથી તેમજ અમૃતસર, ફિરોઝપુરના મેદાની પ્રદેશોમાંથી પસાર થઇને અંતે ૨૭ ડિસેમ્બર ૨૦૨૧ના રોજ દેખની રાજધાની ખાતે તેનું સમાપન થશે.

રાજકોટ ગત સપ્તાહમાં ઠંડીએ થથ૨ાવ્યા બાદ આજે ચાલુ સપ્તાહની શરૂઆતમાં ઠંડીનું જાે૨ થોડું ઓછું થયું છે અને ઠે૨-ઠે૨ સવા૨ના તાપમાનનો પા૨ો ઉંચકાયો છે. જાે કે આજે સવા૨ે નલિયા, ડીસા, અને પાટણમાં સિંગલ ડિઝીટમાં તાપમાન નોંધાતા આ ત્રણ સ્થળે તીવ્ર ઠંડી અનુભવાઈ હતી. આજે સવા૨ે નલિયા ખાતે ૭.૧ ડીગ્રી, લધુતમ તાપમાન નોંધાયુ હતુ. આ ઉપ૨ાંત ૨ાજકોટમાં પણ આજે સવા૨ે ગત સપ્તાહની સ૨ખામણીમાં તાપમાન થોડુું ઉંચકાયુ હતુ અને આજે સવા૨ે ૨ાજકોટનું લધુતમ તાપમાન ૧૦.૬ ડીગ્રી નોંધાયુ હતુ. આ ઉપ૨ાંત આજે સવા૨ે અમદાવાદમાં ૧૧.૧ ડીગ્રી અમ૨ેલીમાં ૧૨.૪ ડીગ્રી, વડોદ૨ામાં ૧૧.૨, ભાવનગ૨માં ૧૨.૧, ભૂજમાં ૧૦.૪ ડીગ્રી લધુતમ તાપમાન નોંધાયુ હતુ. જયા૨ે સવા૨ે દમણ ખાતે ૧૫ ડીગ્રી, દિવમાં ૧૪.૫, દ્વા૨કામાં ૧૬.૪, જૂનાગઢમાં ૧૨.૪, કંડલામાં ૧૩.૩ ડીગ્રી લધુતમ તાપમાન નોંધાયુ હતુ.આજે સવા૨ે જુનાગઢ કૃષિ યુનિવર્સિટી વિભાગ મોતી બાગના જણાવ્યા મુજબ જુનાગઢમાં મેક્સીમમ તાપમાન ૧૮.૨ ડીગ્રી મીનીમમ ૧૨.૪ ડીગ્રી નોંધાયુ છે. વાતાવ૨ણમાં ભેજ ૫૩ ટકા અને પવનની ગતિ ઘટી જવા પામતા પ્રતિકલાક ૨ કી.મી.ની ઝડપ નોંધાઈ છે. ગિ૨ના૨ પર્વત ઉપ૨ ઠંડીનો પા૨ો ૫ ડીગ્રી સુધી પહોંચતા ગિ૨ના૨ ઠંડોગા૨ થઈ જતાં પ્રવાસીઓ ૨ાજી પશુઓને ભા૨ે ઠંડીનો સામનો ક૨વો પડી ૨હ્યો છે. જયા૨ે, ઓખામાં ૧૯.૪, પો૨બંદ૨માં ૧૫ , સાસણગી૨માં ૧૬.૪, સેલવાસમાં ૧૫, સુ૨તમાં ૧૫ અને વે૨ાવળમાં ૧૬.૪ ડીગ્રી, લધુતમ તાપમાન નોંધાયુ હતુ. આમ આજ૨ોજ ગિ૨ના૨ પર્વત અને નલિયા, ડીસા તથા પાટણને બાદ ક૨તા અન્યત્ર સવા૨નું તપમાન ઉંચકાતા ઠંડીનું જાે૨ ઘટવા પામ્યુ હતુ.

ભુજ ભુજની જૂની લોહાણા મહાજનવાડી પાસે આવેલી વોકળા ફળિયાની મસ્જિદ સામે આશરે ૧૦૦ વર્ષ જૂનું બોરડીનું ઝાડ છે, જેમાં ૨૨ હજારથી વધુ ચકલીઓ જાેવા મળે છે. સમગ્ર કચ્છમાં એકમાત્ર આ જ એવું જુનું વૃક્ષ છે જેની લતાઓ પણ હવે જમીનને અડવા માંડી છે. જાે કે શેખપીર દરગાહ પાસેના બાવળના ઝાડ પર પણ ચકલીઓ વિપુલ પ્રમાણમાં જાેવા મળે છે. પરંતુ અહીંના ઝાડ જેટલી વિશાળ સંખ્યા સાથેની ચકલીઓ જિલ્લામાં બીજે ક્યાંય જાેવા મળે તેમ ના હોવાનું ડો. પૂર્વી ગોસ્વામીએ જણાવ્યું હતું. આ વિશે ૬૫ વર્ષીય મેમણ અબ્દુલ ગનીએ જણાવ્યું હતું કે સૂર્યોદય સમયે ચકલીઓ દેખાય છે અને પાછી સાંજે આવે ત્યારે આખો ફળિયો ગજાવી મૂકે છે. સાંજની ભરચક ભીડ વચ્ચે અનેક વાહનોના અવાજ વચ્ચે પણ વટેમાર્ગુ તેમના ચીંચીંનો ચિલકાટ સાંભળી શકતા હોય છે. વૃદ્ધ રમજુ બાયડે કહ્યું હતું કે, છેલ્લા બે વર્ષમાં જાણે ચકલીઓને પણ કોરોના થયો હોય તે રીતે તેમની સંખ્યામાં ધરખમ ઘટાડો નોંધાયો હતો. આ સમયમાં આશરે બેથી અઢી હજાર ચકલીઓ ઘટી હોવાનું અનુમાન સ્થાનિકો લગાવી રહ્યા છે.આજના મકાનની બાંધકામમાં કોઈ ખૂણા ન હોવાને લીધે ચકલીઓને માળો બાંધવામાં મુશ્કેલી રહે છે. પરિણામે વસવાટના જંગી પ્રશ્ન સામે ચકલીઓની સંખ્યા શહેરોમાં ખૂબ ઓછી જાેવા મળે છે. પણ ભુજ શહેરની ભર બજારે આવેલા આ ઝાડ પર હજારોની સંખ્યામાં ચકલીઓ જાેઈ શકાય છે. મસ્જિદમાં નમાજ પઢવા આવેલા અબુભાઈ બાયડે કહ્યું હતું કે હું આ વૃક્ષ પર છેલ્લા સાત દાયકાથી ચકલીઓની ચીં ચીં સાંભળતો આવ્યો છું. એકમાત્ર આ ઝાડ પર વોકળા ફળિયાની કુલ વસ્તી કરતા વધુ ચકલીઓનો વસવાટ જાેવા મળે છે. તેમણે એમ પણ કહ્યું હતું કે એક વ્યક્તિદીઠ એક ચકલીની વસ્તી એકલા આ વૃક્ષે જાળવી રાખી છે.

ભૂજ, ભચાઉ તાલુકાના મોટી ચિરઈ ગામમાં લોકશાહી બાદ ઈ.સ. ૧૯૫૯ના અમલમાં આવેલા પંચાયતી રાજના વર્ષથી અત્યાર સુધી ગ્રામ પંચાયતની ચૂંટણી યોજાઈ નથી. આ ગામમાં પંચાયતની ચૂંટણી પહેલા જ સરપંચ , ઉપ સરપંચ અને સભ્યોની બિન હરીફ વરણી કરી દેવામાં આવે છે. આ માટે ગામની એકતા અને મૂળભૂત સુવિધાઓ યશભાગી બની રહી છે. આ વર્ષે પણ પંચાયતને ગ્રામજનો દ્વારા બિનહરિફ જાહેર કરી દેવામાં આવી છે. જેની સત્તાવાર જાહેરાત ફોર્મ પરત લેવાની તારીખ ૪ ડિસેમ્બર બાદ થશે. ભચાઉ ગાંધીધામ વચ્ચેના ધોરીમાર્ગ પર આવેલા નવી મોટી ચિરઈ ગામમાં ગ્રામ પંચાયતની ચૂંટણી પહેલા બેઠક મળી હતી. આ સર્વગ્રાહી બેઠકમાં દરેક સમાજના અગ્રણીના સર્વાનુમતે આ વખતે ગામની પંચાયતને બિન હરીફ જાહેર કરવામાં આવી છે. તેમજ હોદ્દેદારોની પણ નિમણૂક કરવામાં આવી હતી. જેમાં સરપંચ પદે હરપાલસિંહ મહેન્દ્રસિંહ જાડેજા અને ઉપ સરપંચ તરીકે નરેન્દ્રસિંહ રઘુભા જાડેજાની વરણી કરવામાં આવી હતી. આ સિવાય અગ્રણીઓ દ્વારા પંચાયતના સભ્યો નીમવામાં આવ્યાં હતા. ભચાઉથી ૧૩ કિલોમીટર દૂર મૂળ મોટી ચિરઈ ગામથી ૪ કિલોમીટર દૂર ભુકંપ બાદ અસ્તિત્વમાં આવેલા નવી મોટી ચિરઈ ગામ ખાતે મળેલી બેઠકમાં આ જાહેરાત કરવામાં આવી હતી. અહીં બન્ને ગામની વાસહતોના તમામ સમાજના મળીને કુલ ૧૬૦૦ જેટલા મતદારો છે. ગામની કુલ વસ્તી અંદાજિત ૩ હજારની આસપાસ છે.

ભુજ, પૂર્વ કચ્છના રાપરમાં ગુરૂવારે એક ટ્રકચાલકને હૃદયરોગનો હુમલો આવતા ઘટનાસ્થળે જ મૃત્યુ નિપજતા અરેરાટી વ્યાપી ગઈ હતી. લઘુશંકા કરવા માટે ટ્રકને ઉભી રાખી નીચે ઉતરતાં જ હૃદયરોગનો હુમલો આવતાં ચાલક જમીનપર ઢળીપડ્યો હતો. આ બનાવનાપગલે ભારે ભીડ એકઠી થઈ જવાપામી હતી અને ચાલકને બચાવવાના પ્રયાસપણ હાથ ધરાયા હતા,પરંતુ હતભાગી ચાલકનો જીવ બચી શક્યો નહોતો.મળતી પ્રાથમિક માહિતી મુજબ રાપરના એસ.આર.પેટ્રોલપંપપાસે ત્રંબૌ ચાર રસ્તા નજીક ગાંધીધામ નિવાસી ગોવિંદ મહેશ્વરી નામનો ટ્રક ચાલક ટ્રક ઉભી રાખી લઘુશંકા કરવા નીચે ઉતર્યો હતો. જેને ટ્રકની નીચે ઉતરતાંની સાથે જ છાતીમાં દુખાવો થતાં તે ચક્કર ખાઈને જમીનપર ઢળીપડ્યો હતો. અચાનક ઢળીપડેલા ટ્રક ચાલકને જાેઈ આસપાસના લોકોપાસે દોડી આવ્યા હતા.પમ્પિંગ દ્વારા ચાલકનો જીવ બચાવવાના પ્રયાસો કરાયા હતા.પરંતુ તેમાં તેમને સફળતા નહોતી મળી.બાદમાં ૧૦૮ એમ્બ્યુલન્સ મારફતે ચાલકને સરકારી દવાખાને ખસેડવામાં આવ્યો હતો, જ્યાં તેને મૃત જાહેર કરાયો હતો. ઉલ્લેખનીય છે કે ગાંધીધામથી આવેલા ચાલકનાપરિજનો દ્વારા મૃતદેહનો કબ્જાે લઈ તેઓ ગાંધીધામ રવાના થયા હોવાનું સૂત્રો દ્વારા જાણવા મળ્યું હતું. ગાંધીધામનો આ ચાલક ટ્રક મારફતે રાપરમાં માલ ખાલી કરવા આવ્યો હતો, જ્યાં તેનું હૃદયરોગના હુમલાથી મોત થતાં તેનાપરિવારમાં શોક વ્યાપી ગયો હતો.

ભુજ, પાકિસ્તાનને વ્યૂહાત્મક રીતે દરેક રીતે મદદ કરી રહેલા ચીનને પાક. સરકારે કચ્છની સરહદ નજીક ચીનની કંપનીને ફાળવેલી જમીન પર દિવાળી ટાણે હિલચાલ દેખાઇ હતી. ભારતીય ગુપ્તચર એજન્સીનાં અમુક સૂત્રના અહેવાલ પ્રમાણે દલદલવાળી, ખરાબાની જમીન પર ચીનની કંપનીના અધિકારીઓએ મોટરકારના કાફલા સાથે આંટો માર્યો હતો અને આ કાદવયુક્ત જમીનની ચોમાસા પછી કેવી પરિસ્થિતિ છે એનું નિરીક્ષણ કર્યું હતું. ચોમાસા બાદ ઉત્તરાદી પવન ફૂંકાતાં આ જમીન પરનું પાણી સુકાવા લાગતું હોય છે. ચીનની કંપનીએ સંભવતઃ એને જ કયાસ કાઢ્યો હતો.જાેકે ત્રણ વર્ષ પૂર્વે પાકિસ્તાને ચીનની કંપનીને વિશાળ જમીન ફાળવી હતી પરંતુ ત્યાં હજુ સુધી કોઇ કામગીરી કરાઇ નથી. ચીની કંપની દક્ષિણ પાકિસ્તાનના આ દુર્ગમ વિસ્તારમાં શું કરવા માગે છે એ મુદ્દો સ્પષ્ટ થયો નથી. પાક. સાથેની આંતરરાષ્ટ્રીય સરહદના અંતિમ પિલર ૧૧૭૫થી માત્ર બાર-પંદર કિ.મી. દૂર દલદલવાળા વિશાળ જમીન ચીનને ફાળવીને આર્થિક રીતે કંગાલિયત ભોગવતું પાકિસ્તાન બદલામાં મબલક મદદ મેળવી રહ્યું છે.

ભુજ, મુંદ્રામાં પાકિસ્તાનથી આવેલા રેડીઓએક્ટીવ કન્ટેનર ટેન્કર ઝડપાયા બાદ હવે કાર્ગોનું ઓરીજન ખોટુ દર્શાવવાના કેસમાં કંડલામાં પણ મુળ રુપે પાકિસ્તાનથી આવેલો કાર્ગો ઝડપાયા હોવાનું જાણવા મળે છે. પરંતુ આ અંગે કસ્ટમ વિભાગ કાર્યવાહીના પખવાડીયા બાદ પણ મગનું નામ મરી પાડવા તૈયાર નથી.આ કેસમાં મીસ ડિક્લેરેશન સાથે વેલ્યુએશન સાથે પણ મોટા ચેડા થયા હોવાની સંભાવના જાણકાર વર્તુળો વ્યક્ત કરી રહ્યા છે. સુત્રોના જણાવ્યા અનુસાર કંડલા પોર્ટ પર ગત પખવાડીયે રોક સોલ્ટના આવેલા એક કન્સાઈમેન્ટને કસ્ટમે રુકજાવોનો આદેશ આપીને તપાસ હાથ ધરી હતી. જેમાં આ જથ્થાનું ઓરોજન તુર્કી દર્શાવાયું હતું, પણ ખરેખર જથ્થો પાકિસ્તાનથીજ આવ્યો હોવાનું પ્રાથમિક તપાસમાં ખુલી રહ્યું છે.મહત્વનું છે કે, ગત વર્ષોમાં ભારત પર થયેલા આતંકી હુમલાઓ બાદ કેંદ્ર સરકાર દ્વારા પાકિસ્તાનથી આવતા કાર્ગો પર૨૦૦% ડ્યુટી લગાવીને એક રીતે આયાત નિકાસ પર બ્રેકજ મારી દીધી હતી. પરંતુ કેટલોક રોક સોલ્ટ જેવો કાર્ગો કે જેનું મહતમ ઉત્પાદન પાકિસ્તાનથીજ થાય છે, તેની આયાત માટે ઓરીજન દેશ અલગ દર્શાવીને ડ્યુટી ચોરી કરવામાં આવતી હોવાના કિસ્સાઓ સામે આવી ચુક્યા છે. આ કન્સાઈમેન્ટમાં પણ રોકસોલ્ટનો મોટૉ જથ્થો હોવાનું જાણવા મળે છે, પરંતુ કસ્ટમ વિભાગ આ અંગે કાર્યવાહી ચાલતી હોવાનું કહીને કોઇ સ્પષ્ટતા કરવાનું ટાળી રહ્યું છે, જે પોતે અનેક પ્રશ્નો ઉભા કરે છે.ગાંધીધામ નજીક ફ્રેંડ્‌સ ગૃપના સીએફએસમાં કસ્ટમ વિભાગના એસાઆઈઆઈબી વિભાગે કાર્યવાહી આદરીને ચાર કન્ટૅનર ઝડપી પાડ્યા હતા. બોન્ડનો જથ્થો હોવાનું દર્શાવતા આ કન્ટૅનરોમાં દારુ, સિગારેટ, ટીશ્યુ પેપરના ડિક્લેરેશન સાથે વટાણાનો જથ્થો મળી આવ્યો હતો. જેના આરોપીને કસ્ટમ વિભાગે ચુપચાપ ઝડપીને જેલ હવાલે કરી નાખ્યો હતો અને તેનું નામ છુપાવવાના હજી પણ પ્રયાસો થઈ રહ્યા છે. આ કેસમાં આયાતકારી પેઢીમાં એકથી વધુ ભાગીદારો છે ત્યારે તમામની ધરપકડ કેમ નથી કરાઈ ? તે પ્રશ્ન ઉઠવા પામ્યો છે. જે અંગે કસ્ટમ વિભાગે સુચક મૌન અખત્યાર કર્યું છે, જેના પડઘા હવે દિલ્હી સુધી પડી રહ્યા છે.એક તરફ જ્યાં ભારત અને ચીન વચ્ચે સીમા વિવાદથી સેનાના જવાનોએ શહીદી વહોરી હતી ત્યારે ચીની સામાનના બહિષ્કારનો માહોલ ઉભો થયો હતો. પરંતુ તેને જાણે ભુલી જવાયું હોય તેમ ગાંધીધામ, આદિપુર સંકુલમાં દિવાળીના મોટા પ્રમાણમાં ચીનમાં નિર્મીત ફટાકડા ફુટ્યા હોવાનું અને ઈલેક્ટ્રોનીક જથ્થો બહોળી સંખ્યામાં હજી પણ વેંચાતો હોવાની ચર્ચા છે.

ભુજ, લખપત તાલુકાની સૌથી મોટી ગ્રામ પંચાયત પાંધ્રો ગ્રામ પંચાયત દ્વારા સમરસ ગ્રામ પંચાયતનો ર્નિણય લેવામાં આવ્યો છે.પાંધ્રો ગ્રામ પંચાયતમાં પાંધ્રો ઉપરાંત વર્માનગર,એકતાનગર, સોનલનગર, નવાનગર અને અપનાનગર વિસ્તારનો સમાવેશ થાય છે.ગામમાં ૧૪ વોર્ડમાં ૪ હજારથી ૪૫૦૦ ની વસ્તી છે ડિસેમ્બર મહિનામાં ગ્રામ પંચાયતની ચૂંટણી યોજાવાની હોવાથી આચારસંહિતા લાગુ થઈ ગઈ છે. જેથી સરપંચ ભગવતીબેન સોલંકીના અધ્યક્ષસ્થાને શનિવારે ગ્રામ પંચાયત કચેરી ખાતે ગ્રામજનો અને આગેવાનોની હાજરીમાં મીટીંગ મળી હતી.જેમાં પાંચ વર્ષના કાર્યો વર્ણવી ઋણ સ્વીકાર કરવામાં આવ્યો હતો.આ તકે ઉપસ્થિત સર્વે સમાજના આગેવાનો અને વડીલો દ્વારા મહત્વપૂર્ણ ર્નિણય લેવામાં આવ્યો હતો. જેમા પાંધ્રોમાં ગ્રામ પંચાયતની ચૂંટણી નહિ કરવાનો ર્નિણય લઈ સમરસ ગ્રામ પંચાયતની જાહેરાત કરવામાં આવી હતી. આગામી ૧ થી ૪ ડિસેમ્બર સુધી ફોર્મ ભરવાની અને ૭ તારીખ સુધી ફોર્મ પરત ખેંચવાની અવધિ છે.આ મીટીંગમાં જિલ્લા પંચાયત સદસ્યના પ્રતિનીધી દેશુભા જાડેજા,પૂર્વ સરપંચ વિક્રમસિંહ,શીવુભા સોઢા સહિત સમાજના આગેવાનો અને મોટી સંખ્યામાં ગ્રામજનો હાજર રહ્યા હતા.ભચાઉ તાલુકાના નાનીચીરઇ ગામે મોટાપીરના કમ્પાઉન્ડમાં મીટીંગ યોજાઈ હતી,જેમાં નાની ચીરઇ,ગોકુલગામ, યશોદાગામ અને નંદગામના હિંદુ-મુસ્લિમ સમાજના આગેવાનો અને વડીલોએ સાથે મળીને ગામમાં ચૂંટણી ન કરવા આહવાન કર્યું હતું. તેમજ ગ્રામ પંચાયત બિનહરીફ જાહેર થાય એ માટેનો ર્નિણય કરવામાં આવ્યો હતો.તમામ સમાજના આગેવાનો ગ્રામ પંચાયતની ચૂંટણી સમરસ કરવા માટે સહમત થયા હતા. જાેકે,ફોર્મ ભરવાના અંતિમ દિવસ ૪ ડિસેમ્બરના રોજ ચિત્ર સ્પષ્ટ થશે.તાલુકા પંચાયતના ઉપસરપંચ સમરતદાન ગઢવીએ જણાવ્યું કે,લખપતમાં કુલ ૩૩ ગ્રામ પંચાયતો છે જેમાં સૌથી મોટી ગ્રામ પંચાયત પાંધ્રો દ્વારા અન્ય પંચાયતો માટે ઉદાહરણરૂપ ર્નિણય લેવામાં આવ્યો છે.સર્વે સમાજ અને આગેવાનોની બેઠકમાં આગામી ગ્રામ પંચાયતની ચૂંટણી નહિ લડીને ઉમેદવારો બિનહરીફ જાહેર કરાયા છે. જેમાં ૪૦ વર્ષ બાદ લઘુમતી ઉમેદવાર સરપંચ અને ઉપસરપંચ પદ માટે અઢી વર્ષની મુદતમાં બ્રહ્મસમાજ અને ગઢવી-ચારણ સમાજના ઉમેદવાર નક્કી કરવામાં આવ્યા છે.સમરસ ગ્રામ પંચાયતને એક્સ્ટ્રા પાંચ લાખની ગ્રાન્ટ મળતી હોવાનું પણ કહ્યું હતું.લખપત તાલુકાના પાનધ્રો ગામમાં ગ્રામ પંચાયત કચેરીના પ્રાંગણમાં યોજાયેલી ગ્રામસભામાં સર્વ સહમતીથી લઘુમતી ઉમેદવારને સરપંચ પદના ઉમેદવાર જાહેર કરવામાં આવ્યા છે,જે કોમી એકતાનું ઉદાહરણ છે. પંચાયત બોડીમાં તમામ ઉમેદવારો બિનહરીફ છે તેવો ર્નિણય આગેવાનો અને સમાજના મોવડીઓની સહમતીથી લેવાયો હોવાનું તાલુકા પંચાયતના કારોબારી ચેરમેન દિનેશભાઇ સથવારાએ જણાવ્યું હતું.

કચ્છ, કચ્છના નાના રણમાં સુરખાબ પક્ષીઓની લાઇનબદ્ધ અનોખી માળા વસાહત જાેવા મળતાં અભયારણ્ય વિભાગના રેન્જ ફોરેસ્ટ ઓફિસર સહિતની ટીમે રણમાં પડાવ નાખી સવિસ્તૃત માહિતી મેળવી હતી. દર વર્ષે હજારો કિ.મી. દૂર આવેલા સાઇબેરિયાથી સફેદ અને ગુલાબી રંગના લેસર અને ગ્રેટર પક્ષીઓ વેરાન રણમાં ચોમાસું ગાળવા આવે છે. વધુમાં રણમાં અસ્તિત્વ ધરાવતાં ૭૪ જેટલા નાના-મોટા બેટ વિદેશી નયનરમ્ય પક્ષીઓને માનવીય ખલેલથી પર એવા સુરક્ષિત આવાસ પુરા પાડે છે.આ વર્ષે પણ લાખોની સંખ્યામાં વિદેશી નયનરમ્ય પક્ષીઓ અહીં મહાલવા આવ્યાં છે. થોડા સમય અગાઉ ઝીંઝુવાડાના નાગબાઇ રણમાં સુરખાબનું નેસ્ટિંગ જાેવા મળ્યું હતું, પરંતુ રણમાં ભારે વરસાદને પગલે નેસ્ટિંગ ફેલ થયું હતું. ત્યારે ફરીથી માળા વસાહત જાેવા મળતાં રેન્જ ફોરેસ્ટ ઓફિસર સહિતની ટીમે રણમાં પડાવ નાખ્યો હતો. નોંધનીય છે કે સુરખાબ સમૂહમાં માળા બનાવે છે અને ચારેબાજુ અડધા ફૂટ જેટલું પાણી હોવાથી ૪૦થી ૪૫ ચોરસ મીટર ઊંચા ઢગલા બનાવી એના ઉપર ઇંડાં મૂકે છે, જેથી સંવનન બાદ બચ્ચાં નીકળે ત્યારે એને સહેલાઇથી ખોરાક મળી રહે છે. બાદમાં સુરખાબ પક્ષીઓ રણમાં બચ્ચાંને ઊડતા શીખવાડી ચોમાસા બાદ એની સાથે સામૂહિક ઉડાન ભરે છે.કચ્છના નાના રણમાં કૂડાથી ૧૦ કિ.મી.દૂર વેરાન રણમાં ફરીવાર ૫ હજાર ઇંડાં અને ૩૦ હજાર જેટલાં બચ્ચાં સાથે ૪૦ હજારની અનોખી માળા વસાહત જાેવા મળી હતી, જેને પગલે અભયારણ્ય વિભાગના રેન્જ ફોરેસ્ટ ઓફિસર સહિતની ટીમે રણમાં પડાવ નાખ્યો હતો. આ પહેલાં નાના રણમાં એક વિશાળ માળા વસાહત વચ્છરાજ બેટની દક્ષિણે તથા જલંધર બેટમાં ઓગસ્ટ ૧૯૯૮માં નોંધાઇ હતી. આ વસાહત ૨૫૦ જેટલા એકરમાં નોંધાઇ હતી. એમાં હજારોની સંખ્યામાં માળા હતા. એક અંદાજ પ્રમાણે ઓગસ્ટ ૧૯૯૮માં મળી આવેલી અનોખી માળા વસાહતમાં ૨૫ હજારથી ૩૦ હજાર જેટલા માળા, ૩૦ હજાર જેટલાં પુખ્ત ઉંમરનાં પક્ષીઓ અને ૨૫ હજાર જેટલા બચ્ચાં હતાં. ૫૦૦૦ ચો.કિ.મી.માં ફેલાયેલા ખારાઘોઢા રણમાં બજાણા વેટલાઇન અને કોળધાની ખરીમાં અંદાજે ૨ લાખથી વધુ વિદેશી નયનરમ્ય પક્ષીઓ મહાલવા આવ્યાં છે. હાલમાં આ ૨ લાખથી વધુ પક્ષીઓ સામે અભ્યારણ્ય વિભાગમાં ૧ આર.એફ.ઓ., ૬ રાઉન્ડ ફોરેસ્ટર, ૪ બીટગાર્ડ મળી માત્ર કુલ ૧૧ જણાનો જ સ્ટાફ છે. અભયારણ્યના વિભાગ બજાણા વિભાગના રેન્જ ફોરેસ્ટ ઓફિસર અનિલ રાઠવા સાથે વાતચીત કરતાં તેમણે જણાવ્યું હતું કે ગાંધીનગર વન વિભાગને સેટેલાઇટ ઇમેજમાં કૂડા-કોપરણી રણમાં નેસ્ટિંગ કર્યાની સેટેલાઇટ ઇમેજ મળી હતી, જેને આધારે તપાસ કરતાં સુરખાબની અનોખી માળા વસાહત, ફ્લેમિંગો અને હજારો બચ્ચાં જાેવા મળ્યાં હતાં. તેમણે વધુમાં જણાવ્યું હતું કે આની પહેલાં ઝીંઝુવાડા રણમાં વાછડાદાદાની જગ્યા પાછળ સુરખાબોએ નેસ્ટિંગ કરવાની શરૂઆત કરી હતી, જે ૨૦૦-૩૦૦ જેટલા માળા બનાવ્યા પછી રણમાં મુશળધાર વરસાદ પડતાં એમનું નેસ્ટિંગ નિષ્ફળ ગયું હતું.

ભૂજ, પશ્ચિમ કચ્છના નખત્રાણા તાલુકાના કોટડામાં ગુરૂવારની રાત્રે લગ્ન પ્રસંગ દરમિયાન પરિસ્થિતી વણસતા ભારે અફરાતફરીનો માહોલ સર્જાયો હતો. તાલુકાના કોટડા (જદોડર) ગામે લગ્રન પ્રસંગ ચાલી રહ્યો હતો. આ દરમિયાન સામાન્ય બાબતમાં પાચ શખ્સોએ એક યુવાન પર હુમલો કર્યો હતો. જેને લઈ ૧૫૦૦થી વધુ લોકોનું ટોળુ એકત્ર થયુ હતું અને આરોપીઓના ઘર પર પથ્થર મારો કર્યો હતો તેમજ આરોપીઓની કેબીન અને વાહનોને આગ ચાપી દીધી હતી. જેથી પોલીસે ગામમાં આવી પરિસ્થિતિ કાબૂમાં મેળવવાનો પ્રયાસ કર્યો હતો. પરિસ્થિતિ વધુ વણસતા પોલીસને રસ્તો પણ બંધ કરવાની ફરજ પડી હતી. તેમજ પોલીસને ભીડ વિખેરવા અશ્રુવાયુના સેલ પણ છોડવા પડ્યા હતા. અંતે મોડી રાત્રે પોલીસે પરિસ્થિતિ પર કાબૂ મેળવ્યો હતો. હાલ ગામમાં ચૂસ્ત પોલીસ બંદોબસ્ત ગોઠવવામાં આવ્યો છે. આ દરમિયાન એક યુવાન વારંવાર બાઈકથી આટાફેરા કરી રહ્યો હતો. જેથી એક શખ્સે બાઈક ધીરે ચલાવી અન્ય રસ્તાનો ઉપયોગ કરવાનું કહેતા આરોપીએ તેના પિતા, ભાઈ અને મિત્રની સાથે ઠપકો આપનારા શખ્સ પર કુહાડી વડે જીવલેણ હુમલો કરી દીધો હતો. જેથી મામલો બીચકયો હતો. ત્યારબાદ લોકોનું ટોળું ભેગું થઈ ગયુ હતું અને આરોપીના ઘર, કેબિન ઉપર હુમલો કરી દીધો હતો. જેને લઈ પરિસ્થિતિ પામી ગયેલા પોલીસ તંત્રએ વધુ પોલીસ દળ સાથે મળીને કાયદો વ્યવસ્થા જાળવી રાખવા ભારે મથામણ કરવી પડી હતી. પોલીસે હાલ આ મામલે ફરિયાદ નોંધાતા પોલીસે હાલ પાંચની અટકાયત કરી છે. આ અંગે નખત્રાણા પોલીસ મથકેથી પ્રાપ્ત વિગતો મુજબ નાયાણી ફળિયામાં બુધવારે રાત્રે લગ્ન પ્રસંગ ચાલી રહ્યો હતો. જેમાં ભારે ભીડ જમા હતી અને લગ્ન ગીતો ગવાઈ રહ્યા હતા. ત્યારે તેની વચ્ચે ગામના જ આરીફ અને અસરફ પુરઝડપે બે ત્રણ વખત મોટર સાયકલ લઈને પસાર થયા હતા. જેથી તેઓને ફરિયાદી અરવિંદ કાંતિલાલ નાયાણીના ભાઈ ભરત નાયાણીએ બાઈક ધીમે ચલાવવા જણાવ્યું હતું. ફરિયાદીએ યુવકોને અહીં લગ્ન પ્રસંગ ચાલુ હોઈ તમે ગાડી ધીમે ચલાવી અને બીજા રસ્તેથી નીકળવાનું કહેતા આ વાતનું મનદુઃખ રાખી બાદમાં મુખ્ય આરોપી સાલે જાફર કુંભાર, આરીફ સાલે કુંભાર, અસરફ આમદ કુંભાર, ભચલો જૂસા કુંભાર અને આસીફ સાલે કુંભાર ત્યાં આવી અપશબ્દો બોલવા લાગ્યાં હતા. તેમજ જાનથી મારી નાખવાની ધમકી આપી હતી. આ ઉપરાંત ગેરકાયદે મંડળી રચી ભરત કાંતિલાલ નાયાણીને સાલે જાફર કુંભારે માથાના ડાબા ભાગે કુહાડીનો ગંભીર પ્રકારનો ઘા મારી જીવલેણ હુમલો પણ કર્યો હતો. જ્યારે આરીફ સાલેએ ફરિયાદી અરવિંદ નાયાણીને ડાબા હાથના કાંડામાં ધારીયાનો ઘા મારી ઇજા પહોંચાડી હતી. જે બાદ ફરાર થઈ ગયો હતો. આ ઘટનામાં ઘાયલ યુવકને પ્રથમ નખત્રાણા ખાનગી હોસ્પિટલ ખાતે સારવાર અર્થે લઈ જવાયા બાદ વધુ સારવાર માટે ભુજની જીકે જનરલ હોસ્પિટલમાં ખસેડવામાં આવ્યો હતો. 

ભુજ, કચ્છથી મુંબઇ આવી રહેલી ટ્રેનમાં એક કચ્છી મહિલા મુસાફર ચાલતી ટ્રેનના દરવાજે ઊભી હતી ત્યારે સંતુલન ગુમાવતાં નીચે પડીને મોત થયું હતું. આ બનાવથી કચ્છી વિશા ઓસવાળ સમાજમાં ગમગીની વ્યાપી ગઇ છે.કચ્છથી સયાજીનગરી એકસપ્રેસમાં એસ-૩ કોચમાં મુસાફરી કરતી ૩૫ વર્ષની બીજલ વીરા બોરીવલી સ્ટેશને ઊતરતાં પહેલાં ટ્રેન ભાયદંર નજીક પહોંચતાં સ્ટેશન કેટલું દૂર છે તે જાેવા દરવાજા પાસે ગઈ અને અચાનક ચાલતી ટ્રેનમાંથી પડી જતાં ગંભીર હાલતમાં ભાયંદરની હોસ્પિટલમાં દાખલ કરવામાં આવી હતી, જયાં મંગળવારે સવારે તેનું મોત થયું હતું. વસઈ ગવર્નમેન્ટ રેલવે પોલીસે (જીઆરપી) આ મામલે અકસ્માતે મોત (એડીઆર)નો ગુનો નોંધ્યોછે. આ બનાવ વિશે મૃતકના પતિ વિશાલ વીરાના બનેવી જયેશ હરિયાએ કચ્છના દેવપર ગામના વતની અને મીરા રોડ- ઈસ્ટમાં શાંતિનગર ખાતે પ્રેમકિરણ ઈમારતમાં રહેતા વિશાલ લક્ષ્મીચંદ વીરાની પત્ની બીજલ વીરા ૨૨ નવેમ્બરે સયાજીનગરી એક્સપ્રેસ ટ્રેનમાં વતન કચ્છથી આવી રહી હતી. બીજલની સાથે સયાજીનગરી એકસપ્રેસ ટ્રેનમાં તેના પિતા મૂળચંદભાઇ દેઠિયા, માતા અને બનેવી સહિતનો પરિવાર ટ્રેનના એસ/૩ કોચમાં મુસાફરી કરી રહ્યાં હતાં. ટ્રેન તેના નિયત સમયે મુંબઇ નજીક ભાયંદર સ્ટેશનથી સોમવારે બપોરે ૧.૨૫ વાગ્યે પસાર થઈ હતી. બીજલની સાથે પરિવારના તમામ મુસાફરોને નજીકના બોરીવલી સ્ટેશન પર ઊતરવાનું હતું. દરમિયાન બીજલ કોચના વોશ બસીન પાસે મોઢું ધોઈને ચાલતી ટ્રેનના દરવાજે ઊભી હતી. અચાનક તેણે સંતુલન ગુમાવતાં તે ટ્રેનમાંથી પડી ગઈ હતી. તે બે ટ્રેક વચ્ચે પડી હતી. તેને હાથ- પગ અને માથામાં ગંભીર ઈજા પહોંચી હતી. થોડા સમયમાં રેલવે પ્રોટેકશન ફોર્સ (આરપીએફ)ના જવાનોએ સ્ટ્રેચરમાં તેને ભાયંદરની હોસ્પિટલમાં દાખલ કરી હતી. બીજલની તબિયત સોમવારે થોડી સ્થિર થતાં મંગળવારે સવારે તેના માથાની ઈજાની સારવાર માટે ઓપરશેન કરવાનું હતું, પરંતુ તેનું બ્લડ પ્રેશર અચાનક ઓછું થઈ જતાં ડોકટરોના પ્રયાસ છતાં સવારે ૭ વાગ્યા આસપાસ તેનું પ્રાણપંખેરું ઊડી ગયું હતું. મંગળવારે સાંજે તેનું પોસ્ટમોર્ટમ પછી નજીકના પરિવારજનોની હાજરીમાં મીરા રોડ ખાતે અંતિમસંસ્કાર કરવામાં આવ્યા હતા. વિશાલ વીરા થાણેમાં અનાજની દલાલી કરે છે અને તેને એક ૧૦ વર્ષની દીકરી છે.

ભૂજ,  માંડવીના દરિયાકિનારે એક લાકડાની બોટ ૨૦૭ ફૂટની ક્રુઝ, છ૩૮૦ એરબસ સાથે તૈયાર થઈને ઉભી છે. આ બોટ કદાચ અત્યાર સુધી બનાવવામાં આવેલી તમામ બોટમાં સૌથી લાંબી છે. માંડવીમાં છેલ્લા ૪૦૦ વર્ષથી હાથથી વહાણ તૈયાર કરવામાં આવે છે.માંડવીમાં સૌથી લાંબી બોટ તૈયાર કરવામાં આવી છે, જેની કિંમત ૧૦ કરોડ રૂપિયા હોવાનું કહેવાય છે.કચ્છનું માંડવી વહાણવટાની કળામાં અનેરૂ સ્થાન ધરાવે છે. અહીના સ્થાનિક કારીગરોએ રાત-દિવસ મહેનત કરીને લાકડાંની ૨૦૭ ફુટની ક્રુઝ બનાવી છે.ત્રણ માળની આ વિશાળકાય બોટની લંબાઈ ૧૮ ફૂટ છે. દુબઈના એક શાહી પરિવારે પોતાના ફિશિંગના શોખને પૂરો કરવા માટે આ શાનદાર વહાણ તૈયાર કરાવ્યું છે.બોટ બનાવવાના કામના અનુભવી કારીગર ઈબ્રાહિમ મિસ્ત્રી જણાવ્યુ હતું કે, અમને ઈબ્રાહિમ અબ્દુલ રઝાક ઉસ્તાદી તરફથી આ ફિશિંગ શિપ બનાવવાનો ઓર્ડર મળ્યો હતો. આ વિશાળકાય બોટ બનાવવા માટે અમને ત્રણ વર્ષનો સમય લાગ્યો અને ૩૫ અન્ય કારીગરોની મદદ લેવાઇ હતી. હવે બોટ એક મહિનામાં દુબઈ જવા રવાના થશે. તેમણે વધુમાં જણાવ્યું હતું કે, બોટ બનાવવા માટે મલેશિયા અને ઈન્ડોનેશિયાથી લગભગ ૨૩,૦૦૦ ક્યુબીક મીટર ઈમ્પોર્ટેડ લાકડાનો ઉપયોગ કરાયો છે. બોટની અંદર ૯ રુમ છે જેમાં એસી પણ મૂકવામાં આવ્યા છે. ઓરડાઓમાં ૩૨ લોકો રહી શકે છે. જે માછલી પકડવામાં આવે તેને ફ્રેશ રાખવા માટે સ્ટોરરુમની પણ વ્યવસ્થા કરવામાં આવી છે.

 ભચાઉ, ભચાઉની બેંકમાં સ્લીપ ભરતી વેળાએ અધિકારી દ્વારા થયેલા અપમાન બાદ પિતાએ સંતાનોને ઉચ્ચ શિક્ષણ અપાવ્યું અને ચોબારીને મળ્યા પ્રથમ પી.આઇ. અને તબીબ.સાંપ્રત સમયમાં ચોબારી આહીર સમાજમાં શિક્ષણનું પ્રમાણ ઓછું છે તેમ છતાં એક સામાન્ય પરિવારમાંથી ચોબારીને પ્રથમ પી.આઇ. અને તબીબ મળ્યા છે.ચોબારીના મેરામણભાઇ વરચંદ ભચાઉની બેંકમાં કામ અર્થે ગયા હતા ત્યારે સ્લીપમાં ભૂલ હોવાથી બેંકના અધિકારીએ તે સ્લીપ ફાડી નાખી, અપમાન કરતાં તે અપમાને જ મેરામણભાઇના જીવનમાં બદલાવ લાવી દીધો હતો.ત્યારે જ તેમણે નક્કી કર્યું હતું કે, પોતાના બાળકોને ઉચ્ચ શિક્ષણ અપાવીશ.મેરામણભાઇએ આર્થિક સ્થિતિ નબળી હોવા છતાં સંતાનોને ભણાવ્યા અને સૌથી નાના પુત્ર મહેશ બી.મિકેનિકલ એન્જિનિયર અને બીજાે પુત્ર હમીર એમબીબીએસ કરી તબીબ બન્યો હતો. પતિના અવસાન બાદ પત્ની અમીબેને હિંમત ન હારી નાના પુત્ર મહેશને ભણાવ્યો. મહેશે જીપીએસસીની પરીક્ષા પાસ કરીને ગાંધીધામમાં ટેક્સ ઇન્સ્પેક્ટર તરીકે સેવા આપી હતી. પી.આઇ.ની પરીક્ષા પાસ કરતાં ચોબારીને પ્રથમ પી.આઇ. મળ્યા છે. મેરામણભાઇના અન્ય બે પુત્રોખેતી સંભાળે છે.પી.આઇ. મહેશ વરચંદે કહ્યું કે,મારી માતા અભણ હોવાથી ડિગ્રીઓ કે, ઉચ્ચ શિક્ષણ વિશે સમજી શકતા ન હતા, જેથી હું એમને ૧૫ ચોપડી કે, ૨૦ ચોપડી સુધી ભણ્યો હોવાનું કહેતાં જ તેઓ રાજીના રેડ થઇ જતાં હતા. અભ્યાસ દરમ્યાન પરિવારના અન્ય સદસ્યો મારી માતાને છોકરાને ખેતીમાં જાેતરીને બે પૈસા કમાવવાની સલાહ આપતા પરંતુ તેમનો એક જ ધ્યેય હતો કે, પુત્ર વધુને વધુ ભણે. અનેક ચંદ્રકો મેળવ્યા બાદ અને પી.આઇ. બનીને મારી માતા સમક્ષ હું હાજર થયો ત્યારે મારી માતા પોલીસ ઇન્સ્પેક્ટર સમજી શકતા ન હતા પરંતુ મોટો પોલીસવાળો બન્યો હોવાની વાતથી અનહદ ખુશ થતા હતા.

કચ્છ, કચ્છ જિલ્લામાં દર વર્ષે દેશની સુરક્ષા એજન્સીઓ દ્વારા વાર્ષિક તટરક્ષક એક્સરસાઇઝ યોજવામાં આવે છે.આ વર્ષે કચ્છની આંતરાષ્ટ્રીય સીમાએ સાગર શક્તિ એક્સરસાઇઝમાં સેના, નેવી, એર ફોર્સ, તટ રક્ષક દળ, સીમા સુરક્ષા બળ સાથે ગુજરાત પોલીસ, મરીન પોલીસ તેમજ ફિશરીઝ ડિપાર્ટમેન્ટ ભાગ લીધો હતો અને કંઈ રીતે દુશ્મન દેશ પર હુમલો કરાય છે તેનું પ્રદર્શન કરવામાં આવ્યું હતું.લખપતના લક્કી નાળાના ક્રીક વિસ્તારમાં જમીન, આકાશ તેમજ જળ માર્ગે સુરક્ષા એજન્સીઓ દ્વારા આ જાેઇન્ટ એક્સરસાઇઝ થકી તાકાત પ્રદર્શિત કરવામાં આવી હતી. આ વર્ષે આ સંરક્ષણ કવાયતમાં ખાસ ફિલ્ડ ટ્રેનિંગ એક્સરસાઇઝનું લખપત ખાતે આયોજન કરવામાં આવ્યું હતું. જ્યારે આપણો દેશ દુશ્મન દેશ પર હુમલો કરે કે સર્જીકલ સ્ટ્રાઇક કરતું હોય છે ત્યારે કેવી રીતે તમામ સુરક્ષા દળ કાર્યવાહી કરતા હોય છે તેનું આજે કચ્છના દરિયાઈ સીમા ધરાવતા લખપત વિસ્તારના લક્કી નાળા ખાતે લાઈવ પ્રદર્શન કરવામાં આવ્યું હતું.તમામ સુરક્ષા એજન્સીઓ દ્વારા કરાતી આ સાગર શકિત એક્સરસાઇઝને પર્પલ પ્લસ તરીકે પણ ઓળખવામાં આવે છે.જળ, જમીન અને હવાઈ માધ્યમોમાં શક્તિપ્રદર્શન. આ ક્ષેત્રમાં તૈનાત સંરક્ષણ દળો અને અન્ય સુરક્ષા એજન્સીઓની શક્તિને એકીકૃત કરતી સાચી સંયુક્ત કવાયત સમુદ્ર, હવા અને જમીન દ્વારા સૈનિકોની હિલચાલનું પ્રદર્શન કરવામાં આવ્યું હતું. આર્મી, એરફોર્સ, બીએસએફ, નેવીના સ્પેશિયલ ફોર્સના કમાન્ડો, બીએસએફના ર્ષ્ઠિર્ષ્ઠઙ્ઘૈઙ્મી ર્ષ્ઠદ્બટ્ઠહર્ઙ્ઘ, ઇન્ડિયન નેવીના સ્પેશિયલ દ્બટ્ઠષ્ઠિર્જ ના જવાનો દ્વારા આ સાગર શકિત એક્સરસાઇઝ હાથ ધરાયું હતું. બીએસએફ, એરફોર્સ, નેવી, કોસ્ટગાર્ડ અને મરીન પોલીસ દ્વારા દુશ્મન દેશ પર કેવી રીતે હુમલો કરાય છે એનું લાઈવ પ્રદર્શન કરવામાં આવ્યું હતું. 

ભૂજ, કચ્છ જિલ્લામાં હોમગાર્ડ ભરતી માટે આજે ભુજના પોલીસ હેડ ક્વાર્ટર ખાતેના પીલીસ પરેડ ગ્રાઉન્ડમાં ઉમેદવારોની શારીરિક કસોટી લેવાનો પ્રારંભ પોલીસ અને હોમગાર્ડ યુનિટના રાજ્ય કક્ષાના અધિકારીઓની ઉપસ્થિતિમાં શરૂ કરવામાં આવ્યો છે. જેમાં ૨૮૦માંથી સ્થાનિકના ૨૩૦ યુવાનો હોમગાર્ડ તરીકે ભરતી થવા ઉમટી પડ્યા છે. આ વિષે ભુજ પોલીસ હેડ ક્વાર્ટર ડીવાયએસપી બી.એમ.દેસાઈએ જણાવ્યું હતું કે હોમાગાર્ડ ભરતી માટે આવેલા ૨૩૦ જેટલા યુવાનોની આજે સવારે ૬.૩૦ વાગ્યાથી શારીરિક કસોટી શરૂ કરવામાં આવી છે.  કસોટી અંતર્ગત ઇચ્છુક ઉમેદવારોની ઊંચાઈ, વજન માપી તેની નોંધ કરાયા બાદ ૧૬૦૦ મીટરની દોડ યોજાય છે. આ પરીક્ષા યુવાને ૯મિનિટમાં પૂર્ણ કરવાની રહે છે. આ તમામ પ્રક્રિયાનું વીડિયો રેકરોડિંગ પણ કરવામાં આવી રહ્યું છે. કુલ ૨૮૦ જગ્યા માટે અત્યારે ૨૩૦ યુવાનો પહોંચ્યા છે. આ ભરતી પ્રક્રિયા હજુ ૩ થી ૪ દિવસ સુધી ચાલશે. શહેરના પોલીસ પરેડ ગ્રાઉન્ડ ખાતે શરૂ થયેલા હોમગાર્ડ ભરતી મેળાની કાર્યવાહી હેડ ક્વાર્ટર ડીવાયએસપી બી.એમ.દેસાઈ, અમદાવાદ હોમગાર્ડ પીઆઇ આઈ.આઈ.શેખ સાથે જિલ્લા હોમગાર્ડ અધિકારી અને સ્ટાફ આયોજન વ્યવસ્થા સંભાળી રહ્યા છે.

ભૂજ, કચ્છના ભુજ તાલુકામાં આવેલા હોડકો ગામ પાસે બન્ની પશુ ઉછેરક માલધારી સંગઠન દ્વારા ૧૩માં પશુ મેળાનું આયોજન કરવામાં આવ્યું છે. છેલ્લા ૧૩ વર્ષથી યોજાતા પશુ મેળામાં ગાય, ભેંસ અને ઘોડા સહિતના પશુઓનું વેંચાણ તથા પ્રદર્શન યોજાય છે. જેમાં સૌરાષ્ટ્રના જાણીતા તરણેતરના મેળામાં યોજાતી ભેંસોની હરીફાઈમાં બે વખત રૂપ તંદુરસ્તી માટે પ્રથમ ક્રમાંક મેળવારી બન્ની નસલની ભેંસને પણ આ પ્રદર્શનમાં મુકવમાં આવી છે. ત્યારે લોકોમાં તેનું આકર્ષણ જાેવા મળ્યું હતું. ભુજ તાલુકાના ઢોરી ગામના મિતેષ લખણા આહિર નામના માલધારીએ કહ્યું હતું કે, ઘણા વર્ષોથી બન્ની નસલની આ ભેંસ અમારી પાસે છે. જે શરીરે એકદમ કાળો રંગ ધરાવે છે. જે દેખાવે આકર્ષક અને વજનમાં ખૂબ ભારે છે. દૈનિક ૨૦ લીટર દૂધ આપે છે. તેની ખાસ વાત એ છે કે તે ગર્ભાવસ્થા દરમિયાન પણ સાત માસ સુધી દૂધ આપે છે અને સ્વભાવે અતિ શાંત પ્રકૃતિની છે. સૌરાષ્ટ્રના સુપ્રસિદ્ધ તરણેતરના મેળામાં તંદુરસ્તી અને સુંદરતા માટેની ભેંસોની સ્પર્ધામાં બે વખત પ્રથમ ક્રમ આવી ચુક્યો છે. રૂપિયા ૫ લાખથી વધુની કિંમતની ભેંસને હોડકો ખાતેના મેળામાં હાલ પ્રદર્શન માટે રાખવામાં આવી છે. ત્યારે માલધારી વર્ગમાં આ ભેંસે ખાસ આકર્ષણ જમાવ્યું છે.

ભૂજ, વાગડ વિસ્તારના રાપર તાલુકામાં આવેલા પીછાળા ગામે પતિના હાથે પત્નીની હત્યાનો બનાવ આડેસર પોલીસ મથકે નોંધાયો હતો. હત્યા પાછળનું કારણ કાયમી ઘર કંકાસ હોવાનું ફરિયાદમાં જાહેર થયું હતું. આ ઘટનાથી ૭ સંતાનોએ પોતાની માતાને કાયમ માટે ગુમાવી દીધી હતી. આડેસર પોલીસ મથકેથી પ્રાપ્ત વિગતો અનુસાર પિછાળા ગામનો આરોપી નરસી હરી કોલી છૂટક ખેત મજૂરી કરે છે, જેનો તેની પત્ની અમરત સાથે ગત તા. ૧૨ નવેમ્બરના બપોરના ૧૨.૩૦ વાગ્યાની આસપાસ ગૃહ કંકાસને લઈ ઝગડો થયો હતો. આ દરમિયાન આરોપીએ ઉશ્કેરાઈ જઈ પત્નીને ધોકા વડે ઢોર માર માર્યો હતો. જેમાં તેની પત્નીને માથા, પીઠ અને બન્ને પગના ભાગે ગંભીર પ્રકારની ઈજાઓ પહોંચી હતી. ઘાયલ પરિણાતાને સ્થાનિક પ્રાથમિક સારવાર આપ્યા બાદ ભુજની ખાનગી હોસ્પિટલમાં ખસેડવામાં આવી હતી. ત્યારબાદ તેને વધુ સારવાર માટે અમદાવાદ સિવિલ હોસ્પિટલમાં દાખલ કરવામાં આવી હતી. જેનું ગઈકાલે શુક્રવારે સાંજે સારવાર દરમિયાન મૃત્યુ થતા હતભાગીના પતિ સામે આડેસર પોલીસ મથકે મૃતકના મોટા ભાઈ રાઘુ સુરાભાઈ કોલીએ હત્યા સહિતના ગુના સબબ ફરિયાદ નોંધાવી હતી. જેના અંતર્ગત આડેસર પોલીસના પીએસઆઇ ભરત રાવલે આરોપીને ઝડપી લઈ આગળની તપાસ હાથ ધરી હતી.

ભુજ, પાકિસ્તાનની નાપાક હરકતનો પર્દાફાશ થયો છે. ચોરીછૂપીથી ચીન મોકલવામાં આવતો પરમાણુ હથિયાર બનાવવા માટે વપરાતો કાચો માલ ચીન મોકલવાનું મુતું ષડયંત્ર હાથ લાગ્યું છે. એક બે નહીં પરંતુ પૂરા સાત કન્ટેનરની તપસ કરવામાં આવી હતી.તેમાથી જથ્થા બંધ કાચો માલ હાથ લાગ્યો છે.ઇન્ટેલિજન્સ બ્યુરો દ્વારા કસ્ટમ તેમજ ડીઆરઆઇને બાતમી મળી હતી કે પાકિસ્તાનથી શંકાસ્પદ કન્ટેનર ૧૪ નવેમ્બરે નીકળ્યા છે. બાતમીના આધારે તા.૧૮મીએ વહેલી સવારે સિલીંગ સમાઈલિંગ નામના જહાજ પર કસ્ટમ તેમજ ડીઆરઆઇ વિભાગે દરોડો પાડતા સાત ફયુઅલ કન્ટેનરની તપાસ કરતા તેમાં રેડિયો એક્ટિવ પદાર્થ મળી આવ્યું હતું. કન્ટેનર પર વેપન ફોર માસ ડીસ્ટ્રક્સન લખેલું જાેવા મળતા ખળભડાટ મચી ગ્યો હતો. વધુ તપાસ કરતા તેમાં આર્મ્સ એન્ડ એક્સપલોસિવ તેમજ હઝાર્ડસ કેમિકલ મળી આવ્યું હતું. એક કન્ટેનર માં ચાર ટેન્ક મળી આવ્યા હતા. કુલ સાત કન્ટેનરમાં કુલ ૨૮ ટેન્ક મળી આવ્યા હતા. જ્યારે જહાજના કેપ્ટન પાસેથી દસ્તાવેજાે તપાસવામાં આવ્યા આ દસ્તાવેજમાં આ કન્ટેનરનો કોઈ ઉલ્લેખ જાેવા મળ્યો ના હતો. એના પર થી સ્પષ્ટ થાય છે કે પરમાણુ હથિયાર માટેનો કાચો જથ્થો ચોરી છુપી પાકિસ્તાન દ્વારા ચાઇના મોકલવામાં આવી રહ્યો હતો. આ જથ્થો પાકિસ્તાન એટોમિક એનર્જી કમિશન દ્વારા ચાઇના નુક્લિયર એનર્જી ઇન્ડસ્ટ્રી કોર્પોરેશનને મોકલવાનો હતો. ફરી એકવાર પાકિસ્તાન અને ચીનની મીલીભગત સામે આવી છે. સાતે કન્ટેનર ચીનના સાંઘાઈ પોર્ટ પર ઉતારવાની નાપાક સાજિશનો પર્દાફાશ થયો છે. હજુ બીજી એજન્સીઓ પણ તપાસમાં જાેડાય તેવી શક્યતા છે. ભૂતકાળમાં પણ વિસ્ફોટકો મળી આવ્યા છે. “અમે તેમના સતર્ક ખંતને સલામ કરીએ છીએ અને ભારતને સુરક્ષિત રાખે તેવી કોઈપણ કાર્યવાહીમાં સંપૂર્ણ મદદ કરવાનું ચાલુ રાખીશું. અદાણી જૂથ રાષ્ટ્રીય સુરક્ષાને ખૂબ જ ગંભીરતાથી લે છે અને તેની સાથે કોઈપણ રીતે બાંધછોડ કરવા દેશે નહીં,” તેણે જણાવ્યું હતું.હાલમાં સપ્ટેમ્બર મહિનામાં મુન્દ્રા અદાણી બંદરેથી ડીઆરઆઇની ટીમે કરોડોનું ડ્રગ્સ પકડી પાડ્યું હતું, ચેન્નઈની પેઢી દ્વારા અફઘાનિસ્તાનથી ટેલકમ પાવડરની આડમાં આ ડ્રગ્સ મંગાવાયું હતું. જે મુન્દ્રાથી દિલ્લી જવાનું હતું. જ્યા ડીઆરઆઇની ટીમે આ હેરોઇન ડ્રગ્સનો વિશાળ જથ્થો ઝડપી પાડ્યો હતો.

ભુજ, કચ્છ જિલ્લામાં શુક્રવારે સતત બીજા દિવસે કમોસમી વરસાદ વરસ્યો હતો. જેથી જનજીવન પર તેની માઠી અસર જાેવા મળી રહી છે. પક્ષીઓથી લઈ પશુઓ અને શ્રમજીવી વર્ગને ઠંડીની ઋતુમાં વરસાદી પાણીનો માર સહન કરવો પડી રહ્યો છે. પૂર્વથી પશ્ચિમ સુધી જિલ્લાના બન્ને વિભગમાં વાતાવરણ ધૂંધળું બની ગયું છે. ભુજ, ગાંધીધામ, ભચાઉ, માંડવી, અંજાર, રાપર સહિતના વિસ્તારોમાં કમોસમી વરસાદથી રસ્તાઓ ભીના થયા છે. ભુજમાં ગુરૂવારે મધ્યરાત્રીએ હળવા ઝાપટા પડ્યા બાદ પરોઢે ૫ વાગ્યે જાેરદાર વરસાદી ઝાપટું પડ્યું હતું. સવારના ૮ થી ૯ એક કલાક સુધી સતત કમોસમી વરસાદ વરસતા વણીયાવાડ સહિતના માર્ગો પર પાણીના ધોધ વહી નીકળ્યા હતા. ભુજ તાલુકના દેશલપર, વંઢાય, રામપર વેકરા, ગોડપર, માધાપર વગેરે સ્થળોએ માવઠું પડ્યું હતું. તો બંદરિયા શહેર માંડવી ખાતે પણ વરસાદનું હળવું ઝાપટું પડ્યું હતું.પૂર્વ કચ્છના અંજાર શહેર અને તાલુકાના ભીમાસર ગામે પણ માવઠું પડ્યું હોવાનું જાણવા મળ્યું હતું. આદિપુર, અંતરજાળ અને ગાંધીધામ વિસ્તારમાં પણ સવારથી ઝરમર વરસાદ વરસ્યો હતો. ભચાઉ તાલુકાના કાંઠા વિસ્તારના સામખીયાળી, લાલીયાના, વાંઢિયા, જંગી, કટારીયા ગામમાં પણ ભારે વરસાદી ઝાપટા પડ્યા હતા. રાપર નગરમાં પણ સવારે માવઠું પડતા વાતાવરણમાં ભીનાશ છવાય હતી.કમોસમી વરસાદને લઈ ખેડૂતો દયનિય સ્થિતિમાં મુકાયા છે. ખેતરમાં રહેલા ઉભા પાકને તેની વ્યાપક આડ અસર પહોંચી રહી છે. ખેતીમાં કરેલું લાખો રૂપિયાના રોકાણનું ધોવાણ થઈ જવાની ભીતિ ખેડૂતો વ્યક્ત કરી રહ્યા છે. જિલ્લામાં ચાલી રહેલા ધાર્મિક કાર્યક્રમોમાં પણ વરસાદની અસર જાેવા મળી છે. ભાગવત કથાના આયોજન પર પણ વરસાદની અસર જાેવા મળી રહી છે. ભચાઉ તાલુકાના લીલીયાના ગામના કથાકાર શાસ્ત્રી મનસુખપ્રસાદ ગોરે જણાવ્યું હતું કે, ગાંધીધામથી વોન્ધ સુધીના ધોરીમાર્ગ પર એકધારો ધીમીધારે ઝરમર વરસાદ ચાલું છે. ભચાઉ અને તાલુકાના વામકા, લાખવટ , શિકારપુર, આધોઇ, શિકરા ગામે ભાગવત કથાના આયોજન હાથ ધરાયા છે, જ્યાં કમોસમી વરસાદની અસર પહોંચી શકે છે.જિલ્લાના દરેક તાલુકામાં ખુલ્લામાં રહેતા અનેક ગરીબ પરિવારો, મજૂર વર્ગને ઠંડીની મોસમમાં વરસાદ પડવાથી ભારે હાલાકીનો સામનો કરવો પડી રહ્યો છે. પક્ષીઓને પણ ઠંડીમાં વરસાદના પાણીથી થરથર કાપવાનો વારો આવ્યો છે.

ગાંધીધામ, દુબઈથી હિતેશભાઈ (આદિપુર) એ ફોન કરીને જણાવ્યું હતું કે હુ દુબઈથી બોલું છુ અને હાલ દુબઈમાં રહુ છુ. આ સાથે કહેલ કે દિલ્હીનો એક વ્યક્તિ અને અન્ય શખ્સો પાકિસ્તાનને મદદ કરે છે. જે પાકિસ્તાન અને દુબઈમાં બનાવ પણ બનેલા છે. જેથી ગુજરાત પોલીસે એલર્ટ રહેવું જાેઇએ તેમ ત્રણ થી ચાર વખત ફોન કર્યો હતો. ઈન્ટરપોલ, એરફોર્સ સહિતનાને સંદેશ આપવાની વાત પણ તેમા કહેવાઈ હતી. આ અંગે કોઇ ભયની સ્થિતિ ન હોવાનું પણ પોલીસે જણાવ્યું હતું. આ અંગે ગાંધીધામના આરપીએફ અને જીઆરપીનો સંપર્ક સાધતા તેમણે અજાણતા દર્શાવી હતી. સ્થાનિક રેલવેના સુત્રોએ જણાવ્યું કે અગાઉ આ પ્રકારની ધમકી આંતકવાદી સંગઠનના નામે આવેલા પત્ર થકી પણ આવી હતી. જેમાં હુમલાની ધમકીઓ અપાઈ હતી, ત્યારબાદ રેલવે સહિતના ગુપ્તચર અને સુરક્ષા વિભાગોએ સચેતતા દાખવી ચુસ્ત બંદોબસ્તનું ધ્યાન રાખ્યું હતુંમુંબઈના બાંદ્રા રેલવે પોલીસ મથકે બોમ્બ હોવા અંગેની ધમકી આપતો કોલ આવ્યો હતો. જે અંગે તપાસ કરતા મુંબઈ રેલવે પોલીસ મુળ શખ્સ સુધી પહોંચી હતી. જે મુળ આદિપુરના હોવાનો અને ગત સપ્તાહેજ ગાંધીધામમાં પણ ધમકી આપી ચુક્યો હોવાનું જણાવી તે માનસીક અસ્થિર હોવાનું કહ્યું હતું. મુંબઈ રેલવે પોલીસના કમિશનર કૈસર ખાલીદે જણાવ્યું કે બાંદ્રા રેલવે પોલીસે બોમ્બ એટેકની ધમકી આપનાર શખ્સ દુબઈમાં તેની માતા સાથે માનસીક અસંતુલીત અવસ્થામાં રહે છે. તેણેજ ગયા સપ્તાહે ગાંધીધામમાં પણ સંપર્ક કરીને ધમકી આપી હતી. પોલીસે તેના પરિવારજનો સાથે વાત કરી હોવાની પુષ્ટી કરીને તેમની આ પ્રકારના કોલ કરવાની આદત હોવાનું જાણવા મળ્યું હતું. જે અંગેની નોંધ કરીને પોલીસે આગળની કાર્યવાહી હાથ ધરી છે.

નવી દિલ્હી,  કોરોના મહામારી પછી હવે ગુજરાત સહિત દેશ ધીરેધીરે પાટા પર ચઢી રહ્યો છે. અત્યારે તહેવારોમાં પણ સરકાર કોવિડ ગાઈડલાઈન્સ સાથે મનાવવાની છૂટ આપી રહી છે. આ તમામ વાતો વચ્ચે ભીષણ ભૂકંપમાં તહસનહસ થઇ ગયેલા ગુજરાતના પ્રસિદ્ધ રણોત્સવનું આયોજન થઈ રહ્યું છે. જાે તમે પણ કચ્છમાં ઉજવાતા સફેદ રણોત્સવમાં જવાનું પ્લાનિંગ કરી રહ્યા છો અને મેળ પડી રહ્યો નથી તો આ અહેવાલ તમારા માટે ખુબ જ ઉપયોગી સાબિત થનાર છે.જાેકે, ઈન્ડિયન રેલવે તમારા માટે એક શાનદાર પેકેજ લઈને આવ્યું છે. તમારા બજેટમાં રણોત્સવ ફરવાનો મોકો મળી રહ્યો છે. જેના હેઠળ તમે ખુબ જ ઓછા રૂપિયામાં ગુજરાતનો રણોત્સવ જાેઈ શકો છો. તો આવો જાણીએ કો કેવી રીતે ભારતીય રેલવેની શાનદાર પેકેજમાં તેનો લાભ ઉઠાવી શકાય છે. આ ખાસ પેકેજમાં તમને ૪ રાત્રિ અને ૫ દિવસ રણોત્સવ ફરવાનો મોકો મળી રહ્યો છે. ૫ દિવસની ટૂરમાં તમને ગુજરાતના દેશ વિદેશમાં જાણીતા રણોત્સવને ફરવાનો સોનેરી અવસર તમારે દ્વારે આવ્યો છે. તેમાં ટૂરિસ્ટો ગુજરાતના પ્રસિદ્ધ કચ્છ ફેસ્ટિવલ અને રણોત્સવની મુલાકાત લઈ શકશો, જે ગુજરાતની વિવિધ સાંસ્કૃતિક પરંપરાની અનોખી અભિવ્યક્તિ છે. તેના અનન્ય વંશીય સંવાદ અને ઉત્સવ માટે જાણીતું છે.ગુજરાતના રણ ઉત્સવમાં તમને કારીગરો અને શિલ્પકારોની રચનાત્મકતા, લોક સંગીત અને પરફોર્મેન્સની સાથે સાથે વિભિન્ન સાંસ્કૃતિક વિવિધતા જાેવા મળશે. તેના માટે ટૂરિસ્ટોને મહારાષ્ટ્રના મુંબઈથી ટ્રેન પકડવી પડશે, જ્યાં તમને ભુજ, રણોત્સવ ટેન્ટ સિટી, કચ્છનું સફેદ રણ અને સનસેટ પોઈન્ટ જેવા સ્થળોને જાેવા મળશે.ૈંઇઝ્ર્‌ઝ્રના રણોત્સવ પેકેજમાં મુસાફરોને સફર દરમિયાન ડીલક્સ ટેન્ટમાં છઝ્ર સ્ટે અને ફૂડ પણ મળશે. આ પેકેજમાં એકવાર પૈસા જમા કરાવ્યા પછી, તમારું જમવાનું અને રહેવાનું બન્ને ફ્રી મળશે. ૈંઇઝ્ર્‌ઝ્રના રણોત્સવ પેકેજની ખાસિયત છે કે તેના શરૂ થયાના ૩૦ દિવસ પહેલા બુકિંગ કેન્સલ કરાવશો તો મુસાફરોને ૫ ટકા ચાર્જ કપાશે. તેના સિવાય ૨૯થી ૧૧ દિવસની વચ્ચે બુકિંગ કેન્સલ કરાવશો તો ૨૫ ટકા વ્યાજ કપાશે. જ્યારે ૧૧ દિવસથી ઓછા સમયમાં બુકિંગ કેન્સલ કરાવશો તો તમારા એક પણ રૂપિયા પાછા મળશે નહીં, એટલે કે યોગ્ય સમયે બુકિંગ કેન્સલ કરાવશો તો તમને પૈસા પાછા મળશે.

અમદાવાદ, ભારતના ઉત્તરીય ભાગમાં સતત હિમવર્ષા થઈ રહી હોવાના કારણે ઠંડીએ માજા મુકવાનુ શરૂ કરી દીધુ છે. હીમવર્ષાની અસર તળે દેશના તમામ ભાગોમાં ઠંડા પવન ફુંકાઇ રહ્યા છે ત્યારે ગુજરાતમાં પણ છેલ્લા કેટલાક દિવસોથી ‌વહેલી પરોઢે કડકડતી ઠંડીનો અહેસાસ થઇ રહ્યો છે. બીજી તરફ આજે સિઝનમાં પહેલીવાર નલિયાનું લઘુતમ તાપમાન ૧૧.૮ ડિગ્રીએ પહોંચી જતા નલિયા વાસીઓ ઠુંઠવાયા હતા. બીજી તરફ રાજ્યના મોટા ભાગના શહેરના લઘુતમ તાપમાન પણ ૧૮ ડિગ્રીની નીચે રહેતા વહેલી પરોઢે ઠંડી વર્તાઇ હતી. ત્યારે હવામાન વિભાગે આગાહી કરતા જણાવ્યું છે કે, આગામી ૨૪ કલાક દરમિયાન રાજ્યભરમાં વર્તમાન ઠંડીનું મોજુ જ‌ળવાઇ રહેશે. પંરતુ ત્યાર બાદ ઠંડી વધવાની વકી છે. આ વર્ષે શિયાળો સમય કરતા મોડો શરૂ થયો છે ત્યારે છેલ્લા પંદર દિવસથી શિયાળો પોતાના પરચો બતાવી રહ્યો છે, ત્યારે ખાસ કરીને રણને સમાંતર આવેલા ગ્રામ્ય વિસ્તારમાં જાેરદાર ઠંડી પડી રહી છે. સામાન્ય રીતે દરિયા કાંઠાના વિસ્તારમાં લઘુતમ તાપમાન અન્ય શહેર કરતા સામાન્ય ઉંચુ રહે છે ત્યારે કેટલાક દિવસોથી દરિયાકાંઠાના વિસ્તારોમાં પણ પારો નીચે સરકી રહ્યો છે. કંડલામાં ઓછામાં ઓછું ઉષ્ણતામાન ૧૭ ડિગ્રી નોંધાયું હતું. આ બંદરીય મથકોએ પવનની સરેરાશ ઝડપ પણ ૮થી ૧૦ કિ.મી પ્રતિ કલાકે રહેતાં વહેલી પરોઢે ઠંડક વર્તાઇ હતી. બીજી તરફ દિવસનું તાપમાન પણ સતત ઘટી રહ્યું છે. જેના કારણે લોકોને દિવસે ગરમીથી છુટકારો મળી ગયો છે.

અમદાવાદ, ભારતના ઉત્તરીય ભાગમાં કેટલાક દિવસોથી હિમ વર્ષા થઈ રહી હોવાના કારણે ધીમે ધીમે ઠંડીમાં વધારો થઈ રહ્યો છે. આ હિમ વર્ષાની અસર દેશના તમામ ભાગોમાં ઠંડા પવન ફુંકાઈ રહ્યા છે. ત્યારે ગુજરાતમાં પણ વહેલી સવારે ઠંડીનો અહેસાસ તો બપોરે ઓછા પ્રમાણમાં ગરમીનો માહોલ જાેવા મળી રહ્યો છે. બીજી બાજુ સોમવારે સિઝનમાં પહેલીવાર નલિયાનું લઘુત્તમ તાપમાન ૧૨.૬ ડિગ્રીએ પહોંચી જતા નલિયા વાસીઓ ઠુંઠવાયા હતા. ત્યારે હવામાન વિભાગે આગાહી કરતા જણાવ્યું છે કે, આગામી ૨૪ કલાક દરમિયાન રાજ્યભરમાં વર્તમાન ઠંડીનું મોજુ જ‌ળવાઇ રહેશે. પંરતુ ત્યાર બાદ ઠંડી વધવાની વકી છે અને રાજ્યના કેટલાક ભાગોમાં તાપમાનનો પારો ૧૦ ડિગ્રીની નીચે જવાની શક્યતા પણ છે. રાજ્યમાં છેલ્લા પંદર દિવસથી વહેલી પરોઢે ઠંડક જ્યારે બપોરે સામાન્ય ગરમી એમ બેવડી ઋતુનો અહેસાસ થતો હતો. જાે કે, બે દિવસથી શિયાળાની ઠંડીનો અહેસાસ થઇ રહ્યો છે. ત્યારે ખાસ કરીને રણને સમાંતર આવેલા ગ્રામ્ય વિસ્તારમાં જાેરદાર ઠંડી પડી રહી છે. સામાન્ય રીતે દરિયાકાંઠાના વિસ્તારમાં લઘુતમ તાપમાન અન્ય શહેર કરતા સામાન્ય ઉંચુ રહે છે ત્યારે કેટલાક દિવસોથી દરિયાકાંઠાના વિસ્તારોમાં પણ પારો નીચે સરકી રહ્યો છે. જેથી ત્યાં પણ ઠંડી વર્તાઇ રહી છે. રાજ્યના મોટા ભાગના શહેરના લઘુતમ તાપમાન પણ ૧૬ ડિગ્રીની આસપાસ રહેતા વહેલી પરોઢે ફૂલગુલાબી ઠંડી વર્તાઇ હતી. ગઇકાલની સરખામણીએ અમદાવાદનું તાપમાન સામાન્ય વધી ૧૬.૨ ડિગ્રી પર સ્થિર રહ્યું હતું. જાે કે, ઠંડા પવન ફૂંકાતા મોડી રાત્રીથી પરોઢ સુધી ઠંડીનું જાેર રહ્યું હતું. ઉત્તરીય ભાગમાં હિમ વર્ષાના કારણે રાજ્યમાં ઠંડીમાં ધીમે ધીમે વધારો.વિવિધ ભાગના લઘુતમ તાપમાન અમદાવાદ ૧૬.૨ સુરત ૧૯.૮ વજાેદરા ૧૫.૪ ભાવનગર ૧૭ ભૂજ ૧૯ દમણ ૧૮.૪ ડીસા ૧૫.૮ જુનાગઢ ૧૭.૮ કંડલા ૧૭.૫ નલિયા ૧૨.૬ પાટણ ૧૫.૮ પોરબંદર ૧૬.૯ વેરાવલ ૧૯.૬

કચ્છ, ગુજરાતના શહેરોમાં નોનવેજ અને ઈંડાની લારીઓ પર પ્રતિબંધ નો મુદ્દો સળગ્યો છે. એક બાદ એક શહેરો જાહેરમાં નોનવેજ અને ઈંડાની લારીઓ પર પ્રતિબંધ લગાવી રહ્યાં છે. ત્યારે મહેસૂલ મંત્રી રાજેન્દ્ર ત્રિવેદીએ આ મામલે મોટુ નિવેદન આપ્યું છે. તેમણે કહ્યું કે, રાજ્યમાં રસ્તા પર ઊભી રહેતી ઈંડા અને નોન-વેજની લારીઓ ટેમ્પરરી લેન્ડ ગ્રેબિંગ સમાન છે. કચ્છમાં એક કાર્યક્રમ દરમિયાન તેમણે કહ્યું કે, આ એક લાંબા ગાળાનો પ્રશ્ન છે. રસ્તામાં ગમે ત્યાં ઊભા રહીને ધંધો કરે એ ન ચાલે. દુકાન લઈને ધંધો કરે.કચ્છના કાર્યક્રમ દરમિયાન મહેસૂલ મંત્રીએ વડોદરા અને રાજકોટમાં જાહેરમાં ઈંડા અને નોનવેજની લારીઓને જાહેરમાં વેચાણ નહિ કરવા માટે મ્યુનિસિપાલિટીના પગલાંની પ્રસંશા કરી હતી અને એના માટે સખત પગલાની હિમાયત પણ કરી હતી. મહેસૂલ મંત્રી રાજેન્દ્ર ત્રિવેદી રસ્તામાં ઊભી રહેલી લારીઓ મામલે પોતાના નિવેદન પર અડગ છે. આજે વડોદરામાં એક કાર્યક્રમ દરમિયાન પણ તેમણે કહ્યું કે, ફૂટપાથ પર ધંધો કરવાનો કોઈને પણ અધિકાર નથી. રોડ પર લારીનું દબાણ એ લેન્ડ ગ્રેબિંગ સમાન છે. નોનવેજ અને વેજ તમામ લારીઓના દબાણ હટાવવા જ જાેઈએ. નોનવેજ અને વેજની લારીના ધુમાડાથી લોકોને નુકસાન થાય છે. તેને હટાવવી જ જાેઈએ. રસ્તા પર વેજ કે નોનવેજ જે પણ લારીઓ ઊભી રહેવાને તેમણે લેન્ડ ગ્રેબિંગ ગણાવ્યું છે. વડોદરાના સ્ટેન્ડિંગ કમિટીના ચેરમેનના નિવેદન પર પણ તેમણે કહ્યું કે, સ્ટેન્ડિંગ કમિટીના ચેરમેનના કહેવાનો ભાવ એવો જ છે. આ લારીઓથી કોઈને નુકસાન ન થવું જાેઈએ. રોડ પર કોઈ પણ પ્રકારની લારીઓ ન ઉભી રહેવી જાેઈએ. ગઈ કાલે પાલિકાએ જાહેર રસ્તાઓ પરથી નોનવેજની લારીઓ દૂર કરવા આદેશ કર્યો હતો. ખુદ મહેસૂલ મંત્રીએ કહ્યું હતું કે આ રીતે રસ્તા પર ઉભી રહેતી લારીઓ લેન્ડ ગ્રેબિંગ સમાન છે. પરંતુ મહેસૂલ મંત્રીની વાતને વડોદરાના સ્ટેન્ડિંગ ચેરમેન જ નથી માની રહ્યા. પરંતુ એક જ દિવસમાં યુટર્ન મારી હવે નોનવેજ ઢાંકીને રસ્તા પર વેચી શકાશે તેવો ર્નિણય કર્યો છે.

મુન્દ્રા તાલુકાના ભદ્રેસ્વર ગામ નજીક આવેલા બાવડી બંદર પાસે માછીમારોની એક બોટમાં અચાનક આગ લાગી હતી. આગના લાગવાની જાણ થતાં નજીક રહેતા માછીમારી વસાહતના લોકોએ બોટ પર પાણીનો છંટકાવ કરી આગને કાબૂમાં લેવાનો પ્રયાસ કર્યો હતો. જાેકે, આગ વધુ પ્રસરતા બોટ બળીને ખાખ થઈ ગઈ હતી. જેથી બોટ માલિકને મોટું નુકસાન થયું છે.બોટમાં આગ લાગવાની ઘટના ગઈકાલ ગુરુવારના મુન્દ્રાના બાવડી બંદર ખાતે બની હતી.

ભૂજ, ભારત અને પાકિસ્તાન બોર્ડરની ગુજરાત સરહદ પર લાગેલી સોડિયમ લાઇટોની રોશની હવે આવતા વર્ષે એલ.ઇ.ડી. લાઇટની ચાંદી જેવી રોશની ઝગમગતી દેખાશે. રાજસ્થાન પછી હવે ગુજરાતના કચ્છ સિરક્રિક વિસ્તારમાં પાકિસ્તાન સરહદ પર લાગેલી સોડિયમ લાઇટને હટાવીને એલ.ઇ.ડી. લાઇટ લગાવવાનું કામ શરૂ કરવામાં આવ્યું છે. એલઈડી લાઈટથી વીજળીમાં પણ બચત થશે.સૂત્રોના જણાવ્યા મુજબ રાજસ્થાનમાં ૨૦૧૭-૧૮માં સોડિયમ લાઇટ હટાવીને એલઇડી લગાવવાનું કામ શરૂ થયું હતું જે હવે પૂર્ણ થઇ ગયું છે. રાજસ્થાન પછી હવે ગુજરાતના કચ્છ રણ વિસ્તારમાં પણ ૫૦૮ કિલોમીટરમાં ૨૯૭૦ પોલ પર ૧૧૮૦૦ સોડિયમ લાઇટ લાગેલી છે તે હટાવીને એલઇડી લાઇટ લગાવાશે. આવતા વર્ષે દિવાળીએ બોર્ડર પર પીળી રોશનીના બદલે ચાંદી જેવી રોશની ઝળહળી ઉઠશે. આવતી દિવાળી સુધી ફલ્ડ લાઇટ બદલવાનું કામ પૂર્ણ કરવાની નેમ પણ વ્યક્ત કરાઇ છે. પાકિસ્તાન સામેની ૫૦૮ કીમી લાંબી સીમાએ એલઇડી નખાશે. કચ્છ-ગુજરાતની આંતરરાષ્ટ્રીય સરહદે લાઇટ બદલવાનું કામ ચાલુ થઇ ગયું છે. જેમ જેમ બજેટ આવતું જાય, તેમ તેમ કામગીરી આગળ ધપતી રહે છે. આ નિરંત પ્રક્રિયા છે. કચ્છની સીમા પર અન્ય કેટલાક કામ પણ આ રીતે ચાલી રહ્યા છે.સૂત્રોએ વધુમાં જણાવ્યું હતું કે, પાકિસ્તાનથી ભારતની ૩૩૨૩ કિલોમીટર સરહદ જમીન પર લાગુ પડે છે, જેમાં ભારતને મોટાભાગમાં તારબંધી કરી નાખી છે. તારબંધી પર રાત્રે નજર રાખવા માટે ભારતે ૨૦૦૯ કિલોમીટર લંબાઇમાં ફલ્ડ લાઇટ લગાવાઇ છે. જેમાં પંજાબ, રાજસ્થાનમાં ફલ્ડ લાઇટ બદલવાનું કામ પૂર્ણ થઇ ગયું છે. હવે ગુજરાતમાં આ કામગીરી ૨૦૨૨માં બાડમેરથી ગુજરાતના નડાબેટ એરીયાની બોર્ડર પર સોડિયમ લાઇટને બદલીને એલ.ઇ.ડી. લાઇટ લગાડવાનું શરૂ થશે.સૂત્રએ ઉમેર્યું હતું કે, ભારત-પાકિસ્તાન બોર્ડરની ગુજરાત સીમા પર અત્યારે ૨૯૭૦ પોલ પર ૧૧૮૦૦ સોડિયમ લાઇટ લાગેલી છે, દરેક પોલ પર ચાર લાઇટ લાગેલી છે. એક રાતમાં એક પોલ પર ૧૨ યુનિટ વિજળીનો વપરાશ થાય છે.

ગાંધીનગર,પૂર્વ કચ્છના ભચાઉ તાલુકાના નેર ગામે રામ મંદિરના પ્રાણપ્રતિષ્ઠા પ્રસંગે દર્શને ગયેલા અનુસૂચિત જાતિના માણસો પર ગામના જ ૧૭ જેટલા શખસોએ ગત તા. ૨૬ની સવારે હુમલો કરી દીધાની ઘટના બની હતી, જેમાં આરોપીઓ ફરિયાદીના ઘર પર જીવલેણ હુમલો કરતાં છ લોકોને ગંભીર ઇજાઓ પહોંચી હતી. ૧૭માંથી ૬ વ્યક્તિને ભચાઉ પોલીસે રાઉન્ડઅપ કરી લીધા છે. બાકીના શખસોને ઝડપવા ચક્રો ગતિમાન કર્યાં છે. આ ઘટના અંગે કચ્છના સાંસદ વિનોદભાઈ ચાવડાએ ગુજરાતના ગૃહમંત્રીને પત્ર દ્વારા ઘટનાની નિંદા કરી સમાજમાં વૈમનસ્ય ફેલાવતા આરોપીઓને ઝડપી સખત કાર્યવાહી કરવાનો અનુરોધ કર્યો છે. આ ઘટનામાં ઇજાગ્રસ્ત થયેલા દલિત પરિવારના લોકોનો વીડિયો દસાડા કોંગ્રેસના ધારાસભ્ય નૌસાદ સોલંકીએ ટિ્‌વટર પર પોસ્ટ કર્યો હતો. જ્યારે આ હુમલા બાબતે રાજ્ય સરકારે અત્યંત ગંભીરતાથી લીધી છે. સરકારે ભોગ બનનાર ૬ પીડિતોને ૨૧ લાખની સહાય ચૂકવાવાની જાહેરાત કરી છે. સમગ્ર ઘટના વિશે જણાવીએ તો ભચાઉના નેર ગામે રામ મંદિરના પ્રાણપ્રતિષ્ઠા પ્રસંગે દર્શને ગયેલા અનુસૂચિત જાતિના માણસો પર ૧૭ જેટલા શખસોએ ગત તા. ૨૬ની સવારે હુમલો કર્યો હતો. આરોપીઓએ ગેરકાયદે મંડળી રચી પ્રથમ ખેતરમાં પહોંચી ૨ વ્યક્તિને ગંભીર રીતે ઘાયલ કરી હતી તેમજ વાહનમાં તોડફોડ કરીને મોબાઈલ ફોનની લૂંટ ચલાવી નાસી ગયા હતા. ત્યાર બાદ ૧૭ જેટલા આરોપીઓએ પ્રાણઘાતક હથિયારો સાથે ગામના મોમાંયનગર ખાતેના અનુસૂચિત વાસમાં પહોંચી ફરિયાદીના ઘર પર જીવલેણ હુમલો કરી દીધો હતો, જેમાં ૬ જેટલી વ્યક્તિઓને ગંભીર ઈજાઓ પહોંચતાં લોહીલુહાણ હાલતમાં વધુ સારવાર હેઠળ ભુજની જીકે જનરલ હોસ્પિટલમાં દાખલ કરવામાં આવ્યા છે. આ પ્રકરણમાં પોલીસે ૧૭ આરોપી સામે હત્યાના પ્રયાસ સહિતની વિવિધ કલમો તળે ગુનો નોંધી તપાસ હાથ ધરી છે. ચકચારી બનાવના પ્રત્યાઘાતરૂપે પૂર્વ કચ્છ એસપીની સૂચના તળે ભચાઉ ડીવાયએસપી ઝાલા સહિતના અધિકારીના માર્ગદર્શન હેઠળ નેર હુમલાના તમામ આરોપીઓને ઝડપી પાડવા ૯ ટીમ બનાવી સાધન શોધખોળ આદરાઈ હતી. એમાં ગઈકાલે ૫ શખસને ભચાઉ પોલીસે રાઉન્ડઅપ કરી લીધા હતા, જેમાં કાના નારણ કોણી, નારણ ઉર્ફે નાયા વેલાભાઈ આહીર, પબા સોમા રબારી, હેમા આભાભાઈ રબારી અને કાના સદુરભાઈ કોલીને ઝડપી પાડવામાં આવ્યા હતા, જ્યારે બાકીના આરોપીઓને ઝડપી પાડવા પોલીસે ચક્રો ગતિમાન કર્યાં છે. આ મામલાની ગંભીરતાની નોંધ લઈ કચ્છના સાંસદ વિનોદભાઈ ચાવડાએ ગુજરાતના ગ્રહમંત્રીને પત્ર દ્વારા ઘટનાની નિંદા કરી સમાજમાં વૈમનસ્ય ફેલાવતા આરોપીઓને ઝડપી સખત કાર્યવાહી કરવાનો અનુરોધ કર્યો છે, જ્યારે બનાવના પડઘા ભચાઉ તાલુકા અનુસૂચિત સમાજમાં પડતાં વિરોધનો શૂર ઊઠ્‌યો હતો, પરંતુ સ્થાનિક પોલીસ અધિકારીઓ દ્વારા અનુસૂચિત જાતિના અગ્રણીઓ સાથે તાકીદની બેઠક કરી યોગ્ય કાર્યવાહીની ખાતરી આપવામાં આવી હતી. આ વેળાએ ખેતશી મારુ, વીરજી દાફડા, કાનજી રાઠોડ, સુરેશ કાંઠેચા, સુરેશ વાઘેલા વગેરે આગેવાનો ઉપસ્થિત રહ્યા હતા. આ બનાવ અંગેની ફરિયાદ અનુસાર, ફરિયાદી જગા હમીર વાઘેલા પોતાના ઘરે હતા ત્યારે મંદિરમાં દર્શન કરવા મુદ્દે મનદુઃખ રાખી આરોપી કાના વેલા આહીર, જીવા ભચા આહીર, વેલા ભચા આહીર, કેસરા સોમા રબારી, અરજણ ભૂરા રબારી, દિનેશ જેરામ બાલાસરા, રાજેશ રામજી બાલાસરા, દિનેશ રામજી બાલાસરા, રાણા હરિ બલાસરા , નાયા વેલા આહીર, કાના રાઘુ કોલી, ભાણજી હમીર સુથાર સાથે અન્ય ચારથી પાંચ અજાણ્યા શખસોએ હુમલો કર્યો હતો. મુખ્યમંત્રી ભૂપેન્દ્ર પટેલના નેતૃત્વની વર્તમાન સરકાર રાજ્યમાં સામાજિક સમરસતા જળવાય અને કોઇનેય આવા અત્યાચારનો ભોગ બનવું ન પડે તેવી પ્રતિબદ્ધતાથી કર્તવ્યરત છે. 

કચ્છ-ભચાઉ તાલુકાના નેર ગામે દલિત પરિવાર પર અત્યાચારની ઘટનાને રાજ્ય સરકારે અત્યંત ગંભીરતાથી લીધી છે. ભોગ બનનારા ૬ વ્યક્તિઓને રાજ્ય સરકાર દ્વારા કુલ ર૧ લાખની સહાય ચૂકવવામાં આવશે. ઘટના સંદર્ભમાં પોલીસે ૭ વ્યક્તિઓની અટકાયત કરી છે અને તેમની વિરુદ્ધ ફરિયાદ પણ દાખલ કરવામાં આવી છે. આવું કરનારા લોકો વિરુદ્ધ કડકમાં કડક કાર્યવાહી કરવામાં આવશે.  કચ્છ જિલ્લાના ભચાઉ તાલુકાના નેર ગામે અનુસૂચિત જાતિના લોકો પર મંદિર પ્રવેશ બાબતે કરાયેલા અત્યાચારની ઘટનાને રાજ્ય સરકારે અત્યંત ગંભીરતાથી લીધી છે. સામાજિક ન્યાય અને અધિકારીના મંત્રી પ્રદિપસિંહ પરમારે આ અંગેની વિગતો આપી હતી. તેમણે કહ્યું કે, મુખ્યમંત્રી ભૂપેન્દ્ર પટેલના નેતૃત્વની વર્તમાન સરકાર રાજ્યમાં સામાજિક સમરસતા જળવાય અને કોઇનેય આવા અત્યાચારનો ભોગ બનવું ન પડે તેવી પ્રતિબદ્ધતાથી કર્તવ્યરત છે. દલિત અત્યાચારની આ ઘટનામાં જે ૬ લોકો ઇજાગ્રસ્ત થયા છે અને સારવાર હેઠળ છે. તેમને નિયમાનુસાર કુલ ર૧ લાખ રૂપિયાની સહાય રાજ્ય સરકાર દ્વારા ચૂકવવાની કામગીરી હાથ ધરાઇ રહી છે. મંત્રીએ જણાવ્યું કે, કચ્છની આ ઘટનાની જાણ થતાં જ મુખ્યમંત્રીશ્રીએ સત્વરે જરૂરી પગલાં લેવા અને આ ઘટનામાં સંડોવાયેલાઓ પર કડક કાનૂની કાર્યવાહી કરવાની સૂચના આપી હતી. આ સંદર્ભમાં કચ્છ જિલ્લા તંત્ર અને જિલ્લા પોલીસે ત્વરિત એકશન લઇને ૭ વ્યક્તિઓની અટકાયત કરી છે.

ભુજ, પૂર્વ કચ્છમાં નર્મદા જિલ્લાના સરદાર સરોવર ડેમથી પહોંચેલી નર્મદા કેનાલના પાણીનો ઉપયોગ ખેડૂતો ખેતીમાં કરી રાજીપો અનુભવી રહ્યા છે. જ્યારે બીજી તરફ હવે કેટલાક લેભાગુ તત્વો તેનો દૂરઉપયોગ પણ કરતા થયા છે. દરમિયાનમાં ગુરૂવારના રોજ ભચાઉ નજીકથી પસાર થતી નર્મદા કેનાલમાં કોઈ શખ્સ એક્ટિવા સ્કૂટર અને હેલ્મેટ નાખી જતાં કેનાલ માર્ગ પરથી પસાર થતા વાહનચાલકો અને રાહદારીઓમાંં આશ્ચર્ય ફેલાયું હતું. જાે કે હાલમાં એક્ટિવા સ્કુટરને કેનાલમાંથી બહાર કાઢી સ્થાનિક પોલીસને જાણ કરવામાં આવી છે.આ વિશે નગરપાલિકા કચેરીના ફાયર વિભાગમાં પણ કોઈ રાહદારી દ્વારા ફોન મારફતે જાણ કરવામાં આવી હતી કે ભચાઉ-નવાગામ વચ્ચે છછડા તળાવ નજીકથી પસાર થતી નર્મદા કેનાલની અંદર કોઈ શખ્સ હેલ્મેટ અને એક્ટિવા સ્કૂટર નાખી ફરાર થઈ ગયા છે. આથી ફાયર બ્રિગેડ વિભાગના પ્રવીણ દાફડા સહિતના કર્મચારીઓએ સ્થળ પર પહોંચી એક્ટિવા બહાર લાવી પોલીસને જાણ કરવામાં આવી હતી. આ દ્વિ-ચક્રી વાહન કોઈ ઇસમ ચોરી કરીને અથવા કોઈ ગેર પ્રવૃત્તિમાં ઉપયોગ કર્યા બાદ ફેંકી ગયાની આશંકા લોકોએ વ્યક્ત કરી હતી

કચ્છ-મુંબઈની સ્પેશિયલ NIA કોર્ટે આરોપી મોહમ્મદ ખાનના ત્રણ દિવસના રિમાન્ડ નેશનલ ઈન્વેસ્ટિગેશન એજન્સીને મંજૂર કર્યા હતા જેની સામે ચાર દિવસની માંગણી કરવામાં આવી હતી. આ પહેલા 18 ઓક્ટોબરે કોર્ટે આ કેસમાં ત્રણ આરોપીઓને 10 દિવસ માટે NIA કસ્ટડીમાં મોકલી દીધા હતા. વાસ્તવમાં, અહીંની એક વિશેષ અદાલતે ગયા મહિને ગુજરાતના મુંદ્રા બંદરેથી 2,988 કિલો માદક પદાર્થ જપ્ત કરવાના સંબંધમાં એક અફઘાન નાગરિકને ત્રણ દિવસની NIA કસ્ટડીમાં મોકલ્યો છે. 21,000 કરોડના હેરોઈન જપ્તી કેસના આરોપી મોહમ્મદ ખાનને ટ્રાન્ઝિટ વોરંટ પર પટિયાલાથી અહીં લાવવામાં આવ્યા બાદ સોમવારે સ્પેશિયલ જજ શુભદા બક્ષીને NIA કસ્ટડીમાં મોકલવામાં આવ્યો હતો.સ્પેશિયલ NIA કોર્ટે ખાનના ત્રણ દિવસના રિમાન્ડ નેશનલ ઈન્વેસ્ટિગેશન એજન્સીને મંજૂર કર્યા હતા જેની સામે ચાર દિવસની માંગણી કરવામાં આવી હતી. અગાઉ 18 ઓક્ટોબરે, કોર્ટે આ કેસમાં ત્રણ આરોપીઓને 10 દિવસ માટે NIA કસ્ટડીમાં મોકલ્યા હતા. વિશેષ સરકારી વકીલ અમિત નાયરે જણાવ્યું હતું કે, ત્રણ આરોપીઓમાં એમ સુધાકરન અને દુર્ગા વૈશાલીનો સમાવેશ થાય છે, જેઓ કથિત રીતે વિજયવાડા-રજિસ્ટર્ડ હતા. મેસર્સ આશિષ ટ્રેડિંગ કંપની ચલાવતી હતી, જેણે 'ટેલ્ક સ્ટોન્સ'નું કન્સાઈનમેન્ટ આયાત કર્યું હતું અને કેસની તપાસ દરમિયાન રાજકુમાર પી. ખાનનું નામ સામે આવ્યું હતું અને તેની સામે લુકઆઉટ નોટિસ જારી કરવામાં આવી હતી. જ્યારે તે દેશમાંથી ભાગી જવાનો પ્રયાસ કરી રહ્યો હતો ત્યારે અધિકારીઓ દ્વારા તેને દિલ્હી એરપોર્ટ પર અટકાયતમાં લેવામાં આવ્યો હતો અને તેને NIAને સોંપવામાં આવ્યો હતો અને પટિયાલા લઈ જવામાં આવ્યો હતો."આ સમગ્ર મામલો શું હતોઆ કેસ અફઘાનિસ્તાનથી આવતા અર્ધ-પ્રોસેસ્ડ ટેલ્કમ સ્ટોન્સના માલના વેશમાં હેરોઈનની જપ્તી સાથે સંબંધિત છે, જે ઈરાનના બંદર અબ્બાસ બંદરેથી મુંદ્રા બંદરે પહોંચ્યું હતું. આ મામલાની શરૂઆતમાં ડિરેક્ટોરેટ ઓફ રેવન્યુ ઈન્ટેલિજન્સ દ્વારા તપાસ કરવામાં આવી હતી. બાદમાં કેન્દ્રીય ગૃહ મંત્રાલયે આ કેસની તપાસ NIAને સોંપી હતી. આરોપીઓ પર ગેરકાયદેસર પ્રવૃતિ નિવારણ અધિનિયમની જોગવાઈઓ હેઠળ પણ ગુનો નોંધવામાં આવ્યો છે, અને NIA આ જપ્તી પાછળના મોટા કાવતરાનો પર્દાફાશ કરવા માટે તપાસ કરી રહી છે. 17 અને 19 સપ્ટેમ્બરના રોજ, DRI એ સ્થાપિત કર્યું કે બે કન્ટેનર, હકીકતમાં, ટેલ્કમ પત્થરો સાથે ટોચ પર "જમ્બો બેગ" ના "નીચેના સ્તરો" માં છુપાવેલ હેરોઈન સમાયેલું હતું.

ગાંધીનગરગુજરાત રેડ કોર્નર નોટિસ બાદ ફેબ્રુઆરી ૨૦૨૦ માં કિંગપિંગ અમૃતસરના સિમરન સંધુને ઈટાલીમાં પકડવામાં આવ્યો હતો. તે ગુજરાત અને શ્રીનગરમાં ઉતરવા વાળી હેરોઈનને દિલ્હી અને પંજાબ પહોંચાડવાનું કામ કરતો હતો. ૩૧ જાન્યુઆરી ૨૦૨૦ ના રોજ ગુજરાતમાં ૩૦૫ કિલો હેરોઈન અને અમૃતસરમાં ૨૦૦ કિલો હેરોઈન મામલે તપાસમાં આરોપીઓની પુછપરછમાં તેનું નામ બહાર આવ્યું હતું. હરવિંદર સિંહ ઉર્ફે રંધાવા પંજાબના બટાલાનો છે. ડ્રગ રેકેટમાં અટકાયતમાં આવ્યા બાદ થાઈલેન્ડથી ડિપોર્ટ કરાયેલો છે. હવે પંજાબ એસટીએફના રિમાન્ડ પર છે, તેનું કાર્ય શ્રીનગરથી હેરોઈન સપ્લાયની વ્યવસ્થા કરવી, ટ્રકોની ડીઝલ ટાંકીઓમાં પંજાબમાં રસાયણો મોકલીને હેરોઈનનો જથ્થો વધારવાનું અને પંજાબ, દિલ્હી, હરિયાણા નેટવર્ક દ્વારા હેરોઇનનું પરિવહન કરવાનું હતું. સપ્લાયર તરીકે ઘણા લોકોના સંપર્કમાં તે હોવાનું સંભાવનાના આધારે નવી કડીઓ ખુલે તેમ છે. આ આખી ડ્રગ ટ્રેડમાં કરોડોના રુપિયાઓને હવાલાથી કંટ્રોલ કરવાનું કામ દુબઈ સ્થિત બિઝનેસમેન હકીમઝાદા કરતો હોવાનું સુત્રો કહે છે. તે મૂળ ભારતનો છે, પરંતુ લાંબા સમયથી દુબઈમાં છે. અફઘાનિસ્તાન અને પાકિસ્તાનથી પંજાબ સુધી ડ્રગ્સના વેપારમાં તે દ્ગૈંછની પણ ઘણા વોન્ટેડ લીસ્ટમાં છે. એસટીએફ તેના પર પણ નજર રાખી રહી છે. અગાઉ પણ ડ્‌ર્ગ્સ અને સટ્ટા બજારમાં મોટા અંશે દુબઇથી કામ થતું હોવાનું સામે આવતું રહ્યું છે. ગાંધીધામથી ગત વર્ષે ટ્રકમાં અમૃતસર સુધી હેરોઈન ડ્રગ્સનો જથ્થો પહોંચ્યો હોવાની તપાસ કરી રહેલી પંજાબ પોલીસની વિશેષ ટીમને જે તાર મળ્યા, તે સીધા મુંદ્રા ડ્રગ્સ મામલે સ્પર્શતા હતા. જે આધારે ત્રણ વ્યક્તિઓની તપાસ અને સંપર્કો શરૂ કરવામાં આવ્યો હોવાનું સુત્રો જણાવી રહ્યા છે. અફઘાનિસ્તાનથી ૨૧ સપ્ટેમ્બરના ટેલ્કમ પાવડરમાં છુપાવીને ઈરાન મારફતે મુન્દ્રા આવેલા બંદરે પકડાયેલા ૩,૦૦૦ કિલો હેરોઈનમાંથી ૧૦૦૦ કિલો હેરોઈન પંજાબના લુધિયાણા આવવાનું હતું, જે સાહનેવાલ ડ્રાયપોર્ટ ખાતે કન્ટેનર દ્વારા લાવવાનું હતું. તો બાકીના એક એક હજાર કિલો ને અહી થી સંભવિત રીતે ઓસ્ટ્રેલિયા અને મલેશિયા મોકલવાનું હોવાનું તપાસમાં બહાર આવી રહ્યું છે. આ પાછળ સુત્રધારો કોણ હતા? તેની તપાસમાં જાેતરાયેલી એનઆઈએ પહેલા પંજાબ પોલીસની વિશેષ તપાસ ટીમ ત્રણ એવા નામ સુધી પહોંચી હતી જેના સંપર્કો મુંદ્રા ડ્રગ્સ સાથે સીધી રીતે જાેડાયેલા હોવાનું મનાઈ રહ્યું છે. જેમના અંગે પ્રોડક્શન રિપોર્ટ પણ અપાયો હોવાનું સુત્રો જણાવી રહ્યા છે. નોંધવુ રહ્યું કે જખૌમાં આવેલા ડ્રગ્સના જથ્થાને માંડવીના શખ્સના માધ્યમથી ગાંધીધામ અને અહિથી ટ્રાન્સપોર્ટરના સહયોગથી પંજાબ સુધી ડ્રગ્સ સપ્લાય કરાયાનું અમૃતસરના એક વેરહાઉસમાં પડેલા દરોડામાં ખુલ્યું હતું. જેની તપાસ પંજાબ પોલીસની સ્પેશ્યલ ટાસ્ક ફોર્સ કરી રહી છે, જેમાં આ ત્રણેય આરોપીઓના સંપર્કો ખુલ્યા હોવાનું બહાર આવતા સુરક્ષા એજન્સીઓ સતર્ક થઈ ઉઠી છે. સૂત્રોના હવાલાથી બહાર આવતી આ વિગતો અંગે તપાસનીસ એજન્સીઓનું સત્તાવાર સમર્થન મળ્યું ન હતું.

કચ્છ-કોરોના કાળ દરમ્યાન લોકડાઉના પગલે ધંધા-રોજગાર બંધ રહ્યા હતા, જેના કારણે કચ્છનો ટ્રાન્સપોર્ટ ઉદ્યોગ સંપૂર્ણપણે પડી ભાંગ્યો હતો. આવક બંધ થઇ જવાની સાથે લોનના હપ્તા ભરવા તેમજ લાંબા સમય સુધી ઉભી રહેલી ટ્રકોમાં ખોટીપો સર્જાતાં બેવડા મારથી ટ્રક માલિકોની હાલત કફોડી બની ગઇ હતી, જાે કે લિગ્નાઇટ પરિવહન ક્ષેત્રે તેજીનો સંચાર થતાં આ ક્ષેત્રના પરિવહન સાથે સંકળાયેલા પરિવહનકારોનો હવે સુવર્ણ યુગ શરૂ થયો છે કોલસાની અછત, આયાતી કોલસાના ભાવમાં વધારા વચ્ચે ઉદ્યોગો અને ભઠ્ઠામાં કોલસાની માંગ આવેલા ઉછાળાના પગલે લાંબા સમય બાદ લિગ્નાઇટ પરિવહનમાં આવેલી તેજીની સાથે મંદીના મારમાં સપડાયેલા કચ્છના ટ્રાન્સપોર્ટ ઉદ્યોગનો સુવર્ણ યુગ શરૂ થયો છે. મળતી વિગતો મુજબ હાલે આયાતી કોલસાનો ભાવ વધારો હોવાના કારણે કચ્છના લિગ્નાઇટની માંગમાં ઉછાળો આવ્યો છે. અધુરામાં પૂરું દક્ષિણ ગુજરાતની બે ખાણો પણ બંધ હોવાથી સમગ્ર ગુજરાતમાં માત્ર ઉમરસર અને માતાના મઢથી લિગ્નાઇટનું પરિવહન થાય છે. આયાતી કોલસાના ભાવ વધારાના કારણે સ્વાભાવિક રીતે વપરાશકારો કચ્છનું લિગ્નાઇટ મંગાવતા થયા છે. વધુમાં આગામી સમયમાં ભઠ્ઠાની સિઝન ચાલુ થવાની હોઇ હજુ લિગ્નાઇટની માંગમાં વધારો થાય તેવું ટ્રાન્સપોર્ટરો જણાવી રહ્યા છે. વર્તમાન સમયે કચ્છના લિગ્નાઇટમાં ટન દીઠ રૂ.૪૫૦૦થી રૂ.૫૦૦૦ની ઓનમાં પણ માલ ન મળતો હોવાના હેવાલ મળી રહ્યા છે. વધુમાં મોરબીના ટાઇલ્સના કારખાનામાં પણ વ્યાપક વધારો થયો હોવાથી ત્યાં પણ લિગ્નાઇટની માંગ વિશેષ રહી છે. આ અંગે ટ્રાન્સપોર્ટ અગ્રણી નરેન્દ્ર મીરાણીએ જણાવ્યું હતું કે, લાંબા સમય બાદ કચ્છ લિગ્નાઇટ પરિવહન ક્ષેત્રે તેજી આવી છે. દક્ષિણ ગુજરાતની તડકેશ્વર અને રાજપારડીની ખાણ ચાલુ કરાય તો હાલ માતાના મઢ, ઉમરસર ખાણમાંથી દક્ષિણ ગુજરાતના ઉદ્યોગકારોને જે ક્વોટા ફાળવાય છે તે તેમને સ્થાનિકે ફાળવાય અને કચ્છની ખાણોમાંથી મોરબી, અમદાવાદના ઉદ્યોગકારોને જથ્થો ફાળવાય તો વધારે તેજી આવે તેમ છે. જાે કે, ડીઝલના ભાવ વધારાના લીધે માત્ર લિગ્નાઇટ પરિવહન ક્ષેત્રે જ તેજી આવી છે અન્ય ધંધા સાથે સંકળાયેલા ટ્રક માલિકોની હાલત હજુ પણ કફોડી છે. સિમેન્ટ કંપનીઓ પૂરતા ભાડા ન આપતી હોવાના કારણે ટ્રક માલિકોની હાલત દિવસા-દિવસે દયનીય થતી જાય છે. જાે કે લિગ્નાઇટ પરિવહન ક્ષેત્રે આ તેજી લાંબા સમય સુધી ચાલશે તેવી આશા વ્યક્ત કરતા તેમણે વધુમાં જણાવ્યું હતું કે, ટ્રક માલિક સંગઠન પણ સહકાર આપતું હોઇ ટ્રક ટ્રાન્સપોર્ટરોને વિશેષ ફાયદો થશે. લિગ્નાઇટ ક્ષેત્રે તેજીના માહોલથી અન્ય ધંધાઓ જેવા કે, હોટલ, પેટ્રોલ પંપ, ટાયર, સ્પેરપાર્ટ સહિતના ધંધાઓમાં પણ રોનક આવી ગઇ છે. વધુમાં તા.૧-૧૧થી દક્ષિણ ગુજરાતની તડકેશ્વર અને રાજપારડીની ખાણો ચાલુ થઇ જવાની શક્યતા વચ્ચે જાે સુરત આજુબાજુના સેન્ટરોને ત્યાંથી જ ક્વોટા ફાળવાય તો કચ્છમાંથી મોરબી, રાજકોટ, અમદાવાદ સહિતના કેન્દ્રોને જ ક્વોટા ફાળવાશે તો તેનો વધુ ફાયદો કચ્છના પરિવહનકારોને થશે એમ કચ્છના ટ્રક હાલે માતાના મઢ અને ઉમરસર ખાણમાંથી દરરોજની એક હજાર જેટલી ટ્રકો ભરાય છે અને ટ્રક માલિકો ગાડી ખાલી કરીને પરત આવતાની સાથે જ ડ્રો પધ્ધતિથી ચિઠ્ઠી મળી જાય છે. અગાઉ ગાડીને ચિઠ્ઠી મળતા ૧૦ દિવસનો સમય લાગી જતો હતો પરંતુ હવે તાત્કાલિક ચિઠ્ઠી મળી જતાં ટ્રક ચાલકોને લાંબા સમય સુધી રાહ જાેવી પડતી નથી. વધુમાં મજૂરી સહિતના પ્રશ્નો ઉકેલાઇ જતાં દરેક ટ્રક માલિકને પૂરતું કામ મળી રહે છે. તો વળી ટ્રાન્સપોર્ટરોને ફ્રી સેલ ક્વોટાનો મળતો લિગ્નાઇટનો જથ્થો ઉંચા ભાવે વેચીને ટ્રક માલિકો સારો એવો નફો કમાઇ લે છે.

ગાંધીધામ, ગાંધીધામથી ગત વર્ષે ટ્રકમાં અમૃતસર સુધી હેરોઈન ડ્રગ્સનો જથ્થો પહોંચ્યો હોવાની તપાસ કરી રહેલી પંજાબ પોલીસની વિશેષ ટીમને જે તાર મળ્યા, તે સીધા મુંદ્રા ડ્રગ્સ મામલે સ્પર્શતા હતા. જે આધારે ત્રણ વ્યક્તિઓની તપાસ અને સંપર્કો શરૂ કરવામાં આવ્યો હોવાનું સુત્રો જણાવી રહ્યા છે. અફઘાનિસ્તાનથી ૨૧ સપ્ટેમ્બરના ટેલ્કમ પાવડરમાં છુપાવીને ઈરાન મારફતે મુન્દ્રા આવેલા બંદરે પકડાયેલા ૩,૦૦૦ કિલો હેરોઈનમાંથી ૧૦૦૦ કિલો હેરોઈન પંજાબના લુધિયાણા આવવાનું હતું, જે સાહનેવાલ ડ્રાયપોર્ટ ખાતે કન્ટેનર દ્વારા લાવવાનું હતું. તો બાકીના એક એક હજાર કિલો ને અહી થી સંભવિત રીતે ઓસ્ટ્રેલિયા અને મલેશિયા મોકલવાનું હોવાનું તપાસમાં બહાર આવી રહ્યું છે.આ પાછળ સુત્રધારો કોણ હતા? તેની તપાસમાં જાેતરાયેલી એનઆઈએ પહેલા પંજાબ પોલીસની વિશેષ તપાસ ટીમ ત્રણ એવા નામ સુધી પહોંચી હતી જેના સંપર્કો મુંદ્રા ડ્રગ્સ સાથે સીધી રીતે જાેડાયેલા હોવાનું મનાઈ રહ્યું છે. જેમના અંગે પ્રોડક્શન રિપોર્ટ પણ અપાયો હોવાનું સુત્રો જણાવી રહ્યા છે. નોંધવુ રહ્યું કે જખૌમાં આવેલા ડ્રગ્સના જથ્થાને માંડવીના શખ્સના માધ્યમથી ગાંધીધામ અને અહિથી ટ્રાન્સપોર્ટરના સહયોગથી પંજાબ સુધી ડ્રગ્સ સપ્લાય કરાયાનું અમૃતસરના એક વેરહાઉસમાં પડેલા દરોડામાં ખુલ્યું હતું. જેની તપાસ પંજાબ પોલીસની સ્પેશ્યલ ટાસ્ક ફોર્સ (એસટીએફ) કરી રહી છે, જેમાં આ ત્રણેય આરોપીઓના સંપર્કો ખુલ્યા હોવાનું બહાર આવતા સુરક્ષા એજન્સીઓ સતર્ક થઈ ઉઠી છે. સૂત્રોના હવાલાથી બહાર આવતી આ વિગતો અંગે તપાસનીસ એજન્સીઓનું સત્તાવાર સમર્થન મળ્યું ન હતું.ગુજરાત છ્‌જીની રેડ કોર્નર નોટિસ બાદ ફેબ્રુઆરી ૨૦૨૦ માં કિંગપિંગ અમૃતસરના સિમરન સંધુને ઈટાલીમાં પકડવામાં આવ્યો હતો. તે ગુજરાત અને શ્રીનગરમાં ઉતરવા વાળી હેરોઈનને દિલ્હી અને પંજાબ પહોંચાડવાનું કામ કરતો હતો. ૩૧ જાન્યુઆરી ૨૦૨૦ ના રોજ ગુજરાતમાં ૩૦૫ કિલો હેરોઈન અને અમૃતસરમાં ૨૦૦ કિલો હેરોઈન મામલે તપાસમાં આરોપીઓની પુછપરછમાં તેનું નામ બહાર આવ્યું હતું. ( ઇટાલીમાં ડિટેઈન છે.)હરવિંદર સિંહ ઉર્ફે રંધાવા પંજાબના બટાલાનો છે. ડ્રગ રેકેટમાં અટકાયતમાં આવ્યા બાદ થાઈલેન્ડથી ડિપોર્ટ કરાયેલો છે. હવે પંજાબ એસટીએફના રિમાન્ડ પર છે, તેનું કાર્ય શ્રીનગરથી હેરોઈન સપ્લાયની વ્યવસ્થા કરવી, ટ્રકોની ડીઝલ ટાંકીઓમાં પંજાબમાં રસાયણો મોકલીને હેરોઈનનો જથ્થો વધારવાનું અને પંજાબ, દિલ્હી, હરિયાણા નેટવર્ક દ્વારા હેરોઇનનું પરિવહન કરવાનું હતું. સપ્લાયર તરીકે ઘણા લોકોના સંપર્કમાં તે હોવાનું સંભાવનાના આધારે નવી કડીઓ ખુલે તેમ છે.  

ભુજ, ૨૧ સપ્ટેમ્બરે અફઘાનિસ્તાનથી ટેલ્કમ પાવડરમાં છુપાવીને ઈરાન મારફતે મુન્દ્રા આવેલા બંદરે પકડાયેલા ૩,૦૦૦ કિલો હેરોઈનમાંથી ૧૦૦૦ કિલો હેરોઈન પંજાબના લુધિયાણા આવવાનું હતું, જે સાહનેવાલ ડ્રાયપોર્ટ ખાતે કન્ટેનર દ્વારા લાવવાનું હતું. તો બાકીના એક એક હજાર કિલો ને અહી થી સંભવિત રીતે ઓસ્ટ્રેલિયા અને મલેશિયા મોકલવાનું હોવાનું તપાસમાં બહાર આવી રહ્યું છે.સૂત્રોના હવાલાથી બહાર આવી રહેલી આ ચોંકાવનારી વિગતો અંગે તપાસનીસ એજન્સીઓ મગ નું નામ મરી પાડવા તૈયાર નથી. સૂત્રોએ જણાવ્યું હતું કે આ જથ્થામાંથી એક હજાર કિલો પંજાબના ઉદ્યોગપતિને મળવાનો હતો. પછી તેને પંજાબ, દિલ્હી અને અન્યત્ર તેની માંગ અનુસાર અંતિમ ઉપયોગ માટે વિતરણ થવાનું હતું. એસટીએફ લુધિયાણાને ઓસ્ટ્રેલિયામાં બેઠેલા કિંગપિન તરનવીર બેદીની ભૂમિકા પર શંકા છે, જે શ્રીનગર અને ગુજરાતમાં વેપાર દ્વારા હેરોઈનની દાણચોરીમાં સક્રિય છે.થાઇલેન્ડથી દેશનિકાલ કરાયેલા હરમિન્દર ઉર્ફે રોમી રંધાવાની પૂછપરછમાં કપૂર થલા જેલમાંથી બે તસ્કરોને પ્રોડક્શન વોરંટ પર લુધિયાણા કોર્ટમાં રજૂ કરવામાં આવ્યા છે અને ત્રણેયના એક દિવસના રિમાન્ડ લીધા છે. તેમાંથી મનપ્રીત મન્ના, લુધિયાણાના ૩૧ કિલો હેરોઈન અને ૬.૧૬ કિલો અન્ય ડ્રગને સગેવગે કર્યાનો આક્ષેપ છે. બીજાે શંકર સિંહ છે, જે હત્યાના પ્રયાસનો આરોપી છે. આજ આરોપીએ અન્ય સાથે મળીને સાગરિતોની મદદથી જેલની બહાર ત્રણ કિલો હેરોઈન વેચી હતી. તે બધા ઓસ્ટ્રેલિયાથી સંચાલિત ડ્રગ સિન્ડિકેટ સાથે સંકળાયેલા છે, જે દુબઈ અને પાકિસ્તાનમાં પણ જાેડાણો ધરાવે છે.સાહનેવાડ ડ્રાયપોર્ટ પર આ કન્સાઈનમેન્ટનું આગમન પહેલાથી જ આશંકા હતી, જેના વિશે ડીઆરઆઈએ થોડા સમય પહેલા અહીં દરોડા પાડ્યા હતા. હવે હરમિન્દર રંધાવાની પૂછપરછમાં આ વાત બહાર આવશે તેવી વકી છે.

કચ્છ, ગુજરાતના કચ્છ વિસ્તારની બન્ની પ્રજાતિની ભેંસે ગીર સોમનાથ જિલ્લામાં એક ખેડૂતના ઘર પર આઈવીએફ ટેકનિકના માધ્યમથી એક પાડાને જન્મ આપ્યો છે. કેન્દ્રીય મત્સ્યપાલન, પશુપાલન તેમજ ડેરી મંત્રાલયે આ પ્રજાતિની કોઈ ભેંસના આઈવીએફ દ્વારા પાડો જન્મ અપાયાનો દેશનો આ પહેલો કિસ્સો છે. આ બન્ની ભેંસ ગીર સોમનાથના ધાનેજ ગામમાં વ્યવસાયે પશુપાલક અને ખેડૂત વિનય વાળાની છે. ખેડૂતના ઘેર ૬ બન્ની ભેંસે આઈવીએફ ટેકનિકના માધ્યમથી ગર્ભવતી થઈ હતી, તેમાંથી આ પહેલી ભેંસ છે જેણે પાડાને જન્મ આપ્યો છે. વિનય વાળાએ જણાવ્યું કે, પાડાનો જન્મ શુક્રવારે સવારે થયો હતો અને આગામી કેટલાક દિવસોમાં હજી બીજા પાડાનો જન્મ થશે. આ ટેકનિકના માધ્યમથી ભેંસને પાડુ જન્મ કરાવવાનો હેતુ સારી જાતિની ભેંસોની પ્રજાતિની સંખ્યા વધારવાનો છે. જેથી દૂધ ઉત્પાદન વધી શકે. બન્ની ભેંસ શુષ્ક વાતાવરણમાં વધુ દૂધ ઉત્પાદન માટે પ્રખ્યાત છે. બન્ની ભેંસ તમામ ભેંસ પ્રજાતિઓમાં અવ્વલ ગણાય છે. મંત્રાલયે ટ્‌વીટ કરીને આ વિશે ખુશી વ્યક્ત કરી છે. આમ, મહિલાઓમાં આઈવીએફથી ગર્ભ ધારણ કર્યા બાદ આ ટેકનોલોજીથી પહેલીવાર પ્રાણી પર પ્રયોગ કરાયો છે. ભારતમાં પહેલીવાર ૈંફહ્લ એટલે કે કૃત્રિમ ગર્ભધાનની ટેકનિકથી ટેસ્ટટ્યુબ પાડાનો જન્મ થયો છે. ઉલ્લેખનીય છે કે, સરકાર બન્ની ભેંસની પ્રજાતિની સંખ્યા વધારવા કાર્યશીલ છે. તેથી જ તેમાં આઈવીએફનો પ્રયોગ કરાયો છે. જે સફળ નીવડ્યો છે. હવે બાકીની ભેંસો પણ સફળતાપૂર્વક પાડાને જન્મ આપે તો સમગ્ર પ્રયોગ સફળ બને.

રાજકોટ-ભારતના યુવા ક્રિકેટર 29 વર્ષીય અવી બારોટનું હાર્ટ એટેકથી નિધન થયું છે. અવી બારોટ સૌરાષ્ટ્ર માટે ક્રિકેટ રમતા હતા. ભૂતપૂર્વ ભારતીય અંડર -19 કેપ્ટન અવી બારોટ પણ સૌરાષ્ટ્રની વિજેતા ટીમનો એક ભાગ હતો જેણે 2019-20માં રણજી ટ્રોફીનો ખિતાબ જીત્યો હતો. આ સિવાય તેમણે આ વર્ષે જાન્યુઆરીમાં રમાયેલી સૈયદ મુશ્તાક અલી ટ્રોફીમાં પણ સૌરાષ્ટ્રનું પ્રતિનિધિત્વ કર્યું હતું. સૌરાષ્ટ્ર ક્રિકેટ એસોસિએશને માહિતી આપી કે હરિયાણા અને ગુજરાત માટે પણ ક્રિકેટ રમનાર અવી બારોટનું નિધન થયું છે. શુક્રવારે કાર્ડિયાક અરેસ્ટને કારણે તેમનું અવસાન થયું. સૌરાષ્ટ્ર ક્રિકેટ એસોસિએશને અવિ બારોટના નિધન પર શોક વ્યક્ત કર્યો છે.અવી બારોટ વિકેટકીપર અને જમણા હાથના બેટ્સમેન હતા. તેમણે પોતાની કારકિર્દીમાં 38 ફર્સ્ટ ક્લાસ મેચ, 38 લિસ્ટ એ મેચ અને 20 ડોમેસ્ટિક ટી 20 મેચ રમી હતી. તેણે પોતાની ફર્સ્ટ ક્લાસ કારકિર્દીમાં 1547 રન બનાવ્યા હતા. જ્યારે લિસ્ટ એ મેચમાં 1030 રન અને સ્થાનિક ટી -20 માં 717 રન બનાવ્યા હતા. જ્યારે સૌરાષ્ટ્રએ 2019-20 સિઝનમાં બંગાળને હરાવીને રણજી ટ્રોફીનો ખિતાબ જીત્યો હતો, ત્યારે અવી બારોટ તેનો એક ભાગ હતો. સૌરાષ્ટ્ર માટે, તેમણે 21 રણજી ટ્રોફી મેચ, 17 લિસ્ટ એ મેચ અને 11 ડોમેસ્ટિક ટી 20 મેચ રમી હતી. 53 બોલમાં 122 રન, T20 માં એકમાત્ર સદી અવી બારોટ વર્ષ 2011 માં ભારતની અંડર -19 ટીમના કેપ્ટન પણ રહી ચૂક્યા છે. તેણે સ્થાનિક ટી 20 માં માત્ર એક સદી ફટકારી હતી, જે તેણે આ વર્ષે જાન્યુઆરીમાં રમાયેલી સૈયદ મુશ્તાક અલી ટ્રોફીમાં ફટકારી હતી. તેમણે ગોવા સામેની મેચમાં માત્ર 53 બોલમાં 122 રન બનાવ્યા હતા, જેમાં 11 ચોગ્ગા અને 7 છગ્ગા સામેલ હતા.

ભૂજ, લાઈટ સ્પોર્ટ એરક્રાફ્ટ સાથે એટલાન્ટિક અને પેસિફિક સમુદ્રને ક્રોસ કરનારી વિશ્વની પ્રથમ મહિલા પાઈલટ આરોહી પંડિત ૧૯૩૨માં જેઆરડી ટાટા દ્વારા ભારતની જે પ્રથમ કોમર્શિયલ ઉડાનની ઐતિહાસિક ઘટનાને ફરી જીવંત કરી હતી. દશેરાના દિવસે ભુજથી મુંબઇ વચ્ચે ફ્લાઇટ ઉડાવીને આજે ઈતિહાસનુ પુનરાવર્તન કર્યુ હતું. ૧૯૩૨ માં કરાંચીથી મુંબઇ સુધી જેઆરડી ટાટા દ્વારા ભારતની પ્રથમ કોમર્શિયલ ફલાઇટનું ઉડાન થયું હતું. આજે ૮૯ વર્ષ બાદ ભૂજથી મુંબઈ વચ્ચે આરોહી પંડિત ફ્લાઇટની ઉડાન ભરી હતી. એટલાન્ટિક અને પેસિફિક સમુદ્રને ક્રોસ કરનારી વિશ્વની પ્રથમ મહિલા પાઈલટ આરોહી પંડિત ફ્લાઇટ ઉડાવી હતી.ભારતના નાગરિક ઉડ્ડયન ક્ષેત્રના પિતામહ ગણાતા જેઆરડી ટાટા ૧૫ ઓક્ટોબર ૧૯૩૨ ના રોજ કરાંચીથી મુંબઇ સુધી મેઇલ લઈને ટાટા એર સર્વિસની પ્રથમ ફ્લાઇટનું પાઈલટ તરીકે ઉડ્ડયન કર્યું હતું. આ ફ્લાઈટમાં સિંગલ એન્જિનના ડી હેવીલેન્ડ પસ મોથ વિમાનનું વિમાન હતું. વિજ્યાદશમીના દિવસે આરોહી પંડિત ભારત પાકિસ્તાનના યુદ્ધ વચ્ચે કચ્છના માધાપર ગામની મહિલાઓએ ૭૨ કલાકમાં પુન નિર્માણ કરેલ ભૂજ રનવે પરથી ઉડ્ડયન કર્યું હતું. આ દરમિયાન આરોહી અમદાવાદમાં વિમાનમાં ઇંધણ ભરાવા લેન્ડ થશે. એ પછી મુંબઈમાં જુહુ ખાતે આવેલ ભારતના પ્રથમ સિવિલ એરપોર્ટમાં ઉતરાણ કરશે.આરોહીના હસ્તે દશેરાના દિવસે માધાપરની એ વીરાંગનાઓનું પણ સાડી આપીને સન્માન કરાયું હતું કે, જેઓએ ભારત - પાકિસ્તાનના ૧૯૭૧ના યુદ્ધ વખતે બોમ્બમારાથી જે રન-વે ને નુકસાન પહોંચાડાયું હતું, તેને આ વિરાંગનાઓ દ્વારા ફરીથી માત્ર ૭૨ કલાકની અંદર બનાવાયું હતું. ૨૦૧૯માં આરોહી પંડિત એટલાન્ટિક અને પેસિફિક સમુદ્રને પાર કરનારી વિશ્વની પ્રથમ મહિલા બની હતી. ૨૦૧૯માં બોરીવલીની યુવા ર્ુદ્બીહ આરોહી પંડિત એટલાન્ટિક અને પેસિફિક સમુદ્રને પાર કરનારી વિશ્વની પ્રથમ મહિલા બની હતી.આ ફ્લાઇટમાં આરોહી પંડિત સિવાય બીજા કોઈ સભ્ય ન હતા. આરોહી પંડિત ૧૯૩૨ની ઐતિહાસિક ફ્લાઇટની ઘટનાને ફરી તાજી કરવા માટે પણ એ જ વિમાનનો ઉપયોગ કરશે.

કચ્છ-16 સપ્ટેમ્બર 2021 ના રોજ, DRI અને કસ્ટમ્સ દ્વારા સંયુક્ત ઓપરેશનથી અફઘાનિસ્તાનથી બે કન્ટેનરમાંથી પ્રતિબંધિત હેરોઈનનો મોટો જથ્થો મળી આવ્યો, જે મુન્દ્રા આંતરરાષ્ટ્રીય કન્ટેનર ટર્મિનલ  મુન્દ્રા પોર્ટ પર આવ્યો હતો. DRI દ્વારા બે કન્ટેનરમાંથી 21,000 કરોડ રૂપિયાનો ડ્રગ્સ જપ્ત કરવામાં આવ્યો હતો. અત્યાર સુધી DRI તથા NIA દ્વારા તપાસ કરવામાં આવી રહી હતી તેમજ આરોપીઓની પૂછપરછ અને તેમની સામે કાર્યવાહી કરવામાં આવી રહી હતી. ત્યારે હવે આ કેસ ભુજ NDPS કોર્ટથી અમદાવાદ NIA કોર્ટમાં ટ્રાન્સફર કરવામાં આવ્યો છે. પકડાયેલા તમામ આરોપીઓને પણ અમદાવાદ લઈ જવામાં આવશે. મુંદ્રા પોર્ટ પરથી મળી આવેલ હેરોઈન પ્રકરણમાં NIAની ટીમ પણ ગાંધીધામ અને મુંદ્રા પોર્ટની મુલાકાત લઈને આ કેસમાં તપાસ હાથ ધરી છે. તથા ભુજની NDPS કોર્ટમાં ચાલતી આ કેસની સુનાવણીમાં NIA દ્વારા તપાસ શરૂ કરવામાં આવી હોવાથી, આ કેસને હવે અમદાવાદની NIA કોર્ટમાં ટ્રાન્સફર કરવા માટે અરજી કરવામાં આવી હતી. જેના આધારે કેસને હવે અમદાવાદની વિશેષ NIA અદાલતમાં ટ્રાન્સફર કરી દેવાયો છે. NIA દ્વારા જુદા જુદાં 5 શહેરોમાં રહેણાંક મકાન તથા ગોડાઉનમાં તપાસ કરવામાં આવી હતી. NIA દ્વારા લાજપત નગર, અલીપુર, ખેરા ક્લન, નવી દિલ્હી અને નોઇડામાં તપાસ કરવામાં આવી હતી. આ તમામ સ્થળેથી તપાસ દરમિયાન વિવિધ દસ્તાવેજો, આર્ટિકલ અને વસ્તુઓ NIA દ્વારા જપ્ત કરવામાં આવી છે.

ભુજ, કોરોના વાયરસના પગલે રાજ્ય સરકાર દ્વારા નવરાત્રિમાં માત્ર ૪૦૦ ખેલૈયાને જ શેરી ગરબા રમવાની મંજૂરી આપવામાં આવી છે. કચ્છના નાના રણના સીમાડે આવેલા પાટડી પાંચહાટડી વિસ્તારમાં યોજાતી પરંપરાગત નવરાત્રીમાં યુવાનો મોઢે માસ્ક પહેરી ભરવાડી ડ્રેસમાં ‘વાણીયા’ બને છે.આ ‘વાણીયા’ નવરાત્રિમાં નાના-નાના ભુલકાઓને ચોકલેટ આપી મનોરંજન પુરૂ પાડવાની સાથે લોકોને શિસ્તના પાઠ પણ શીખવે છે. બહેનો અને ભાઇઓના ગરબા અલગ-અલગ રમાડાય છે. આ વર્ષે માત્ર ૪૦૦ ખેલૈયાઓ સાથે શેરી ગરબાને છૂટ આપવાની રાજ્ય સરકાર દ્વારા હિલચાલ ચાલી રહી છે. આ નવલી નવરાત્રિમાં આખી રાત ગરબે ઘુમવા યુવાધન હિલોળે ચઢ્યું છે. કચ્છના નાના રણના સીમાડે આવેલા પાટડી પાંચહાટડી ચોકમાં આઝાદીથી પરંપરાગતરીતે ગરબા યોજાય છે. જેમાં ગ્રામ્ય સંસ્કૃતિને ધ્યાનમાં રાખી આજે પણ બહેનો અને ભાઇઓના ગરબા અલગ-અલગ રમાડાય છે. લોકોને શીસ્તના અનોખા પાઠ પણ શીખવવામાં આવે છેપાટડી પાંચહાટડી ચોકમાં યોજાતા ગરબાની સૌથી વિશેષ ખાસીયત એ છે કે, અહીં ચોથા-પાંચમાં નોરતાથી ત્રણથી ચાર નવયુવાનો સફેદ ભરવાડી ડ્રેસમાં સજ્જ બની મોંઢે માસ્ક પહેરી ‘વાણીયા’ બને છે. આ વાણીયા બહેનો ગરબે રમતા હોય ત્યારે કુંડાળાની અંદર હાથમાં દાંડીયા સાથે ગરબેના રમતી મહિલાઓને ગરબામાં જાેડાઇ જવા અને બહેનોના ગરબામાં અડચણરૂપ રીતે ઊભેલા યુવાનોને દાંડીયાના ઇશારે ત્યાંથી હટી જવાની સુચના આપવાની સાથે લોકોને શીસ્તના અનોખા પાઠ પણ શીખવે છે. આ વાણીયા ગરબા દરમિયાન નાન‍ા-નાના ભુલકાઓને ચોકલેટ આપી મનોરંજન પણ પુરૂ પાડે છે.વધુમાં આ ‘વાણીયા’ બનેલા યુવાનોના દોસ્તારોની ટીમ એમની ચાલવા અને ઇશારો કરવાની સ્ટાઇલ પરથી એમને અનુમાનના આધારે વિવિધ નામો પોકારી ઓળખવાનો પ્રયત્ન પણ કરે છે. પાટડી સહિત આજુબાજુના ગ્રામજનો માટે આકર્ષણનું કેન્દ્રઆ અંગે પાટડી પાંચહાટડી ચોકના નવરાત્રીના આયોજક હર્ષદભાઇ પટેલ અને કિશોરભાઇ ઠક્કર જણાવે છે કે, પાટડીની પાંચહાટડી ચોકમાં વર્ષોથી પરંપરાગતરીતે યોજાતા ગરબામાં ‘વાણીયા’ બનવાની પરંપરા સમગ્ર ગુજરાતમાં એકમાત્ર પાટડીમાં આજેય હોંશભેર યોજાય છે.

ભુજ કચ્છના મુન્દ્રા પોર્ટથી ઝડપાયેલા ત્રણ હજાર કિલો હેરોઈન ડ્રગ્સના તાર અમૃતસરમાં એક વર્ષ અગાઉ જપ્ત થયેલા ડ્રગ્સ કાંડ સાથે જાેડાયેલા હોવાની પ્રાથમિક તપાસમાં કડી મળતા હરિયાણા હાઈકોર્ટએ આરોપી શખ્સએ માંગેલી જામીન અરજીને નકારી નાખી હતી. નોંધપાત્ર છે કે અમૃતસરના એક ગોડાઉનમાં જપ્ત થયેલા ૧૯૪ કિલો હેરોઈનના મામલામાં આ શખ્સની ધરપકડ થઈ હતી, જેની હવે મુન્દ્રા પોર્ટથી જપ્ત ત્રણ હજાર કિલો હેરોઈન ડ્રગ્સ મામલે પણ ભુમીકા હોવાની બાબત તપાસમાં બહાર આવી રહી છે. કચ્છના મુદ્રા પોર્ટથી સપ્ટેમ્બર માસમાં ૩ હજાર કિલો હેરોઈન ડ્રગ્સનો જથ્થો મળ્યો હતો, જેની તપાસ શરૂઆતમાં ડીઆરઆઈએ કરીને દસ જેટલા મુખ્ય ગણાતા આરોપીઓને ઝડપી પાડ્યા બાદ એનઆઈએ પાસે તપાસ ગઈ હતી. ત્યારબાદ મુન્દ્રા પોર્ટથી દેશમાં પગપેસારો કરે તે પહેલાં જ જથ્થો જે સીઝ કરી લેવામાં આવ્યો હતો. તે ક્યાં જવાનો હતો તેની તપાસ આદરવામાં આવતા દિલ્હીના બિઝનેસ મેન કુલદીપનું નામ ખુલવા પામ્યું હતું. જેને ઝડપવા એનઆઈએ સહિતની એજન્સીઓ સક્રિય હોવાના અહેવાલ છે ત્યારે વધુ એક ફણગો ગતરોજ ફુટ્યો જ્યારે ૨૦૨૦ના જુલાઈ માસમાં અમૃતસરના ગોડાઉનમાંથી જપ્ત થયેલા હેરોઈન ડ્રગ્સના જથ્થાના આરોપી અનવર મસીહ સાથે મળતા હોવાનું તપાસમાં બહાર આવવા પામ્યું છે. જેના પરીણામ સ્વરૂપ અનવરે હરીયાણા કોર્ટમાં નાખેલી જમાનત માટેની અરજીને નામંજુર કરી દેવાઈ હતી. કોર્ટે શંકા વ્યક્ત કરીને પોતાના રાજનૈતિક સંપર્કોના આધારે આરોપી વ્યક્તિ તપાસને પ્રભાવિત કરી શકે તેમ છે. જેથી તેમને જમાનત આપવામાં આવી નહતી.નોંધવું રહ્યું કે ગત વર્ષે ગાંધીધામથી એક મોટો જથ્થો ડ્રગ્સનો ટ્રક મારફતે અમ્રુતસર પહોંચ્યો હોવાનો કેસ પણ્‌ સામે આવ્યો હતો, જેની તપાસ પણ એનઆઈએ કરી રહી છે. અત્યાર સુધી મુન્દ્રા અદાણી પોર્ટના ૩ હજાર કિલો હેરોઈન ડ્રગ્સ મામલે દસ જેટલા વ્યક્તિઓની ધરપકડ થઈ ચૂકી છે. જેમાં આયાતકાર દંપતી સાથે અફઘાન, ઉઝબેક અને ભારતીય મુળના સહિત કુલ ૧૦ જેટલા વ્યક્તિઓની ધરપકડ કરવામાં આવી છે. 

મુન્દ્રા દેશભરમાં ચકચાર મચાવનાર મુંદ્રા પોર્ટથી ઝડપાયેલા ૨૨ હજાર કરોડના હેરોઈન પ્રકરણની તપાસ સતાવાર રીતે નેશનલ ઇન્વેસ્ટીગેશન એજન્સી દ્વારા હસ્તગત કરવામાં આવી છે. આ અંગે વિધિવત્‌ રીતે એનઆઈએ દ્વારા આયાતકાર દંપતી, રાજકુમાર પી. અને અન્યો સામે એનડીપીએસ,અનલોફુલ એક્ટિવીટી અને આઈપીસીની કલમો તળે ગુનો નોંધવામાં આવ્યો હતો. આ પ્રકરણને ઉજાગર કરનાર ડીઆરઆઈએ અત્યાર સુધી દેશભરમાંથી ૧૦ જેટલા લોકોની ધરપકડ કરી હતી.એનઆઈએ દ્વારા મુંદ્રા પોર્ટ ડ્રગ્સ કેસની તપાસ વિધિવત્‌ ટેક ઓવર કરાઈ હોવાનું ગુરુવારે જણાવાયું હતું. એનઆઈએના સુત્રોએ કહ્યું કે તા.૦૬/૧૦ના એનઆઈએ દ્વારા ડીઆરઆઈ દ્વારા દાખલ કરાયેલા કેસની તપાસ હસ્તગત કરીને આઈપીસીની ૧૨૦બી, એનડીપીએસના સેક્શન ૮ (સી)ના ૨૩, અને અનલોફુલ પ્રીવેન્શન એક્ટિવીટી એક્ટના સેક્શન ૧૭,૧૮ તળે આ કન્સાઈમેન્ટના આયાતકાર મચવરમ સુધાકરણ, દુર્ગા પીવી ગોવીંદરાજુ, રાજકુમાર પી. અને અન્યો સામે એનઆઈએ દ્વારા કેસ રજીસ્ટર્ડ કરાયો છે. નોંધવું રહ્યું કે તા.૧૩/૦૯ના ડીરેક્ટરોટ ઓફ રેવન્યુ ઈન્ટેલીજન્સ, ગાંધીધામ દ્વારા મુંદ્રા પોર્ટ પર અફઘાનિસ્તાનથી આવેલા અને ઈરાનના બંદર અબ્બાસ પોર્ટ થી લોડ થયેલા બે કન્ટૅનરની તપાસ આરંભી હતી, જેમાં ટેલ્કમ પાવડર જાહેર કરાયો હતો, પરંતુ બન્નેમાંથી અંદાજે ૩૯ ટન જથ્થામાંથી કુલ ત્રણ ટન જેટલો એટલ કે ૨૯૮૮.૨૧ કિલો જથ્થો હેરોઈન ડ્રગ્સનો હોવાનું સ્પષ્ટ થયું હતું. એક કિલોની આંતરરાષ્ટ્રીય બજારમાં કિંમત ૭ કરોડ ગણતા, ૨૧ હજાર કરોડનું ડ્રગ્સ ઝડપાયું હોવાનું સામે આવતા દેશભરમાં ચકચાર મચી હતી અને આને અત્યાર સુધીના દેશના સૌથી મોટા અને વિશ્વના મહત્વનામાંનો એક કેસ ગણાવવામાં આવ્યો હતો. ડીઆરઆઈએ આયાતકાર દંપતી, ૫ અફઘાનિસ્તાની, એક ઉઝબેક, તેમજ અન્ય ભારતીયોને ઝડપ્યા હતા.તા.૧૩/૦૯/૨૦૨૧ના મુંદ્રા પોર્ટ પર હેરોઈન ડ્રગ્સનો જંગી જથ્થો ઝડપાયો હતો, તેના આંકડાઓ અને જથ્થાની સ્થિતિ અંગે તપાસ ચાલી રહી તાલિબાને અફઘાનિસ્તાન પર સતારુઢ થયા બાદ આ કન્સાઈમેન્ટત્યાંથી આવ્યું હોવાથી ટેરેરિસ્ટ ફંડીગનું કનેક્શન હોવાની શક્યતા હોવાથી આ ર્નિણય લેવાયો હતો.

ગાંધીનગર-ઉત્તરપૂર્વ અરબી સમુદ્ર પર ચક્રવાત 'શાહીન' આગામી 12 કલાક દરમિયાન વધુ તીવ્ર બને તેવી શક્યતા છે. હવામાન વિભાગ અનુસાર, ચક્રવાતી તોફાન શાહીન મોડી રાત અથવા કાલે સવાર સુધીમાં ખતરનાક સ્વરૂપ ધારણ કરે તેવી શક્યતા છે. જોકે, ભારતમાં તેની બહુ અસર નહીં પડે. IMD ના ચક્રવાત ચેતવણી વિભાગ અનુસાર, સિસ્ટમ ભારતીય કિનારેથી દૂર જઈ રહી છે. તેમણે કહ્યું કે ઉત્તર-પૂર્વ અરબી સમુદ્ર ઉપર બની રહેલા ચક્રવાતી તોફાન શાહીન આજે ઉત્તર અરબી સમુદ્રના મધ્ય ભાગોમાં લગભગ 20 કિમી પ્રતિ કલાકની ઝડપે પશ્ચિમ-ઉત્તર-પશ્ચિમ તરફ આગળ વધ્યું છે. જેના કારણે તે આગામી 36 કલાક દરમિયાન પશ્ચિમ-ઉત્તર-પશ્ચિમ અને મકરન કિનારા તરફ આગળ વધવાની સંભાવના છે. પરંતુ આ સમય દરમિયાન કચ્છ અને સૌરાષ્ટ્રમાં ભારે વરસાદ પડી શકે છે.આ રાજ્યોમાં ભારે વરસાદ થશેતે જ સમયે, હવામાન વિભાગે તેના તાજેતરના અપડેટમાં જણાવ્યું હતું કે ચક્રવાતી તોફાન 'શાહીન' આગળ હોવાથી, બિહાર, પશ્ચિમ બંગાળ, સિક્કિમ, તમિલનાડુ, કેરળ, કર્ણાટક અને ગુજરાતના સાત રાજ્યોમાં ભારે વરસાદ પડશે. તે જાણીતું છે કે ચક્રવાતી તોફાન 'શાહીન' 26 સપ્ટેમ્બરના રોજ આંધ્રપ્રદેશ અને ઓડિશાના દરિયાકાંઠાના વિસ્તારોમાં શરૂ થયું હતું. તેનો વિકાસ ચક્રવાત ગુલાબના આગમન પછી થયો હતો, જેમાં ત્રણ લોકોએ જીવ ગુમાવ્યા હતા. IMD ના એક વરિષ્ઠ અધિકારીએ 29 સપ્ટેમ્બરે જણાવ્યું હતું કે આગામી કેટલાક દિવસોમાં ઘણા રાજ્યોમાં ભારે વરસાદ પડી શકે છે. તેમણે જણાવ્યું હતું કે તેઓ એક દુર્લભ ઘટના જોઈ રહ્યા છે કારણ કે હવામાન તંત્ર વધુ એક ચક્રવાતી તોફાન પેદા કરી શકે છે. ગુજરાતમાં સૌરાષ્ટ્ર અને કચ્છમાં મોટા ભાગના સ્થળોએ હળવાથી મધ્યમ વરસાદ પડી શકે છે, તો કેટલાક સ્થળોએ ભારે વરસાદ અને કેટલીક જગ્યાએ છૂટોછવાયો વરસાદ થવાની સંભાવના છે. હવામાન વિભાગના જણાવ્યા અનુસાર, ગુજરાત પ્રદેશ, દમણ, દીવ, દાદરા અને નગર હવેલીમાં જુદા જુદા સ્થળોએ ચક્રવાતી તોફાનને કારણે ખૂબ ભારે વરસાદની સંભાવના છે. તેમજ ઉત્તર કોંકણના વિવિધ સ્થળોએ વરસાદ પડી શકે છે.

ભુજ, ગુજરાત વિધાનસભાના અધ્યક્ષ તરીકે જવાબદારી સંભાળ્યા બાદ નીમાબેન આચાર્ય સૌ પ્રથમ વખત કચ્છ પહોંચ્યા ત્યારે તેઓનું ભવ્ય સ્વાગત કરવામાં આવ્યું હતું. કચ્છના પ્રવેશ દ્વાર સામખિયારી મધ્યે સામખીયારી લોહાણા મહાજન દ્વારા સ્વાગત સન્માન કરવામાં આવ્યું હતું. જ્યારે ભચાઉ ખાતે પણ લોહાણા મહાજન દ્વારા સ્વાગત સન્માન કાર્યક્રમનુ આયોજન કરવામાં આવ્યું હતું. નીમાબેન આચાર્ય ગુજરાત વિધાનસભાના બન્યા બાદ તેઓ પોતાના વતન કચ્છ પહોંચ્યા હતા. જયા કાર્યક્રમમાં વિવિધ રાજકીય આગેવાનો, વિવિધ સમાજના આગેવાનો, વિવિધ સંસ્થાઓ અને આગેવાનો દ્વારા નવનિયુક્ત વિધાનસભાના અધ્યક્ષ ડો નીમાબેન આચાર્યનું બહુમાન કર્યું હતું. આ પ્રસંગે વિધાનસભાના અધ્યક્ષ ડો નીમાબેન આચાર્યએ જણાવ્યું હતું કે અધ્યક્ષપદ ગૌરવપૂર્ણ પદ છે હવે કચ્છના પ્રશ્ર્‌નો સાથે મળીને ઉકેલવાના પ્રયત્નો કરીશુ.જ્યારે ભચાઉ લોહાણા મહિલા મંડળના મંત્રી વર્ષાબેન ચંદેએ પણ લોહાણા સમાજના મહિલાને મળેલા પ્રતિષ્ઠિત સ્થાન અંગે ગૌરવ વ્યક્ત કર્યુ હતું. ભચાઉ નગરપાલિકાના પ્રમુખ કલાવતીબેન જાેષીએ ભાજપમા જ મહિલાને મહત્વ આપવામાં આવે છે તે વધુ એક વખત ગુજરાત વિધાનસભાના પ્રથમ મહિલા અધ્યક્ષ નિયુક્તથી પુરવાર થયુ છે તેમ જણાવ્યું હતું.

ભુજ કચ્છમાં પણ અરબી સમુદ્રમાં સર્જાયેલા હવાના હળવા દબાણ હેઠળ સક્રિય બનેલી મોન્સૂન સિસ્ટમના કારણે પવન સાથે વરસાદ વરસી રહ્યો છે. ગઈકાલે દિવસભર છુટાછવાયા વરસાદ બાદ મોડીરાતથી આજ સવાર સુધીમાં જિલ્લાના તમામ ૧૦ તાલુકાઓમાં ૨ થી ૫ ઇંચ વરસાદ પડી ગયો છે. તો ભારે વરસાદની આગાહીને લઈ વહીવટી તંત્ર સાવધ બની ગયું છે. ભાદરવામાં વરસેલા વરસાદથી અનેક તળાવો છલકાઈ રહ્યા છે. તો નાના મોટા ડેમમાં પાણીની આવક શરૂ થઈ છે. જ્યારે વાડીમાં વિવિધ પાકમાં નુકસાની થઈ રહ્યાનું સામે આવ્યું છે. ભુજના હ્રદયસમા હમીરસરમાં ગત રાત્રે પડેલા વરસાદ બાદ ફરી પાણીની આવક શરૂ થતાં શહેરના મોટા બંધ પાસે પાણીની આવક જાેવા લોકો પહોંચ્યા હતા.તો માંડવી શહેરનું ઐતિહાસિક ટોપણસર તળાવ વરસાદના પગલે આજે સવારે છલકાઈ જવા પામ્યું છે. ભારે વરસાદના પાગલે જિલ્લાના ડેમ ઓવરફ્લોઅબડાસા તાલુકામાં આવેલો ૧૩૧ લેવલ ધરાવતો ઊંચો કંકાવટી ડેમ ઓવરફલો થવાની તૈયારીમાં છે, ઓવરફ્લો થતા પાણી છોડવા પૂર્વે તંત્ર દ્વારા નદી પટનો ઉપીયોગ કરતા આસપાસના ગ્રામજજાેને સાવધ કરતી સૂચના જાહેર કરવામાં આવી છે. નખત્રાણા તાલુકાના રામપર રોહા પાસેનો ખોયું ડેમ પણ વરસાદના પગલે છલકાઈ ગયો છે જેના કારણે આસપાસના ગામના લોકોમાં ખુશીની લાગણી ફેલાઇ હોવાનું લખનભાઈ દેસાઈએ કહ્યું હતું, સતત બીજા વર્ષે આ ડેમ ઓવરફ્લો થયો છે.અબડાસા તાલુકાના તેરા ગામનું વિશાળ તળાવ પણ આજે છલકાઈ જવા પામ્યું છે. છલકાઈને જાેશભેર વહેતી જળરાશીને જાેવા જણ માણસ ઉમટી પડ્યા હતા. કચ્છમાં હાલ પડી રહેલા વરસાદ દરમિયાન હજુ વધુ વરસાદની આગાહી તંત્ર દ્વારા કરવામાં આવી છે.કચ્છ કિસાન સંઘના પ્રમુખ શિવજીભાઈ આહિરે જણાવ્યું હતું કે, આ પહેલા બીજા રાઉન્ડમાં વરસાદ મોડો થવાથી ૭૦ ટકા પાક નિષ્ફળ ગયો છે, બાકી ૨૫ થી ૩૦ ટકા પાક બચ્યો છે તે પણ હવે વરસાદ પડવાથી નિષ્ફળ જઇ રહ્યો છે. જેના કારણે ખેડૂતોને આર્થિક નુકશાની ભોગવવી પડી રહી છે. કપાસના પાકમાં રૂ બહાર આવી ગયું છે. એરંડા , મગફળી સહિતના પાક પડી રહેલા વરસાદમાં બગડી રહ્યા છે. 

અમદાવાદ કચ્છના મુંદ્રા ખાતેના અદાણી પોર્ટ ખાતે ઉતરેલા રૂા.૨૧૦૦૦ કરોડના માદક દ્રવ્યોમાં હવે તપાસની સોઈ પોર્ટ ભણી પણ જાય તેવી શકયતા છે અને નાર્કોટીક ડ્રગ માટેની ખાસ અદાલતે એ પ્રશ્ન ઉઠાવ્યો છે કે સમગ્ર ડ્રગ છેક આંધ્રપ્રદેશના વિજયવાડાના રહેવાસીઓએ આ ડ્રગ મંગાવવા માટે તેની આસપાસના ચેન્નઈ સહિતના પોર્ટ હોવા છતાં શા માટે છેક મુંદ્રાના અદાણી પોર્ટને પસંદ કરાયું તે પ્રશ્ન ઉઠાવાયો છે..અદાલતે ડિરેકટર જનરલ ઓફ રેવન્યુ ઈન્ટેલીજન્સને તે તપાસ કરવા આદેશ આપ્યો કે શું મુંદ્રા- અદાણી પોર્ટ તેના મેનેજમેન્ટ અને તેની ઓથોરીટીને આ કન્સાઈનમેન્ટથી કોઈ ફાયદો થયો છે.તા.૨૬ના રોજ એડી. ડીસ્ટ્રી. જજ સી.એમ.પરમારે આરોપીઓની રીમાન્ડ અરજી પરની સુનાવણી સમયે એવું મંતવ્ય વ્યક્ત કર્યુ કે આ કન્સાઈનમેન્ટ- અદાણી પોર્ટ પર ઉતારવામાં ભૂમિકાની તપાસ થવી જાેઈએ.મોટો જથ્થો પોર્ટ પર આવ્યો છતાં પોર્ટ ઓથોરીટી કેસ અંધારામાં રહી હતી! શું તેને કઈ લાભ થયો છે? અદાલતે આ પ્રકારના કન્ટેનર્સમરાં ચકાસી તથા તેના ડિલીવરીની સમગ્ર પ્રક્રિયાની તપાસ કરવા જણાવ્યું હતું. અદાલતે કહ્યું કે આ ્ર પ્રકરણમાં અનેક મુદાઓ છે.  જેની તપાસ જરુરી છે.વિજયવાડા અને મુંદ્રા પોર્ટ વચ્ચે આટલું અંતર હોવા છતાં કેમ આ પોર્ટ પર જ કન્સાઈનમેન્ટ ઉતારવાનું પસંદ કરાયું તે પ્રશ્ન છે. 

સૌરાષ્ટ્ર-બંગાળની ખાડીમાંથી ઉદભવેલુ વાવાઝોડુ ગુલાબ ઓરિસ્સા અને આંઘ્રપ્રદેશમાં વ્યાપક અસર સર્જયા બાદ, આગળ વધીને નબળુ પડી ખંભાતના અખાતમાં વેલમાર્ક લો પ્રેશર સ્વરૂપમાં ફેરવાયુ છે. જે આવતીકાલ સવાર સુધીમાં ડિપ્રેશનમાં ફેરવાઈ જશે. અને ત્યાર બાદ તે ફરી વાવાઝોડાનું સ્વરૂપ ધારણ કરીને પાકિસ્તાનના મકરાણ તરફ આગળ વધે તેવી સંભાવના હવામાન વિભાગે વ્યકત કરી છે. બંગાળની ખાડીમાંથી ઉદભવીને ઓરિસ્સા, આંઘ્રપ્રદેશ, મધ્યપ્રદેશ અને મહારાષ્ટ્રમાં તેની અસર વર્તાવીને વાવાઝોડુ ગુલાબ નબળુ પડીને ફરી પાછુ મજબૂત થઈ ને સૌરાષ્ટ્ર અને કચ્છમાં તેની અસર વર્તાવશે. હવામાન વિભાગે આગાહી કરી છે કે, આગામી 3 દિવસ એટલે કે પહેલી ઓક્ટોબર સુધી સૌરાષ્ટ્ર અને કચ્છના વિવિધ વિસ્તારોમાં ભારેથી અતિભારે વરસાદ પડવાની સંભાવના વ્યક્ત કરવામાં આવી રહી છે.બદલાયેલા વાતાવરણને કારણે, દરિયો તોફાની બની રહેવાની સંભાવનાને ધ્યાને લઈને હવામાન વિભાગે સૌરાષ્ટ્ર અને દક્ષિણ ગુજરાતના તમામે તમામ બંદર ઉપર ભયસુચક 3 નંબરનુ સિગ્લન લગાવવા તાકીદ કરી છે.દરિયાકાંઠે 40 કિલોમીટરની ઝડપે પવન ફુંકાવાની સંભાવના હોવાથી, ગુજરાત અને મહારાષ્ટ્રના માછીમારોને આગામી 30 સપ્ટેમ્બરથી 2 ઓક્ટોબર સુધી માછીમારી માટે દરિયા ના ખેડવા માટે હવામાન વિભાગે સલાહ આપી છે. અને દરિયામાં ગયેલા માછીમારોને નજીકના દરિયાકાંઠે તેમની બોટને લાગરવા માટે કહ્યુ છે.