રાનકુવા,તા.૧૧ ચીખલી પોલીસે સાદડવેલ ગામે થી કારમાંથી દારૂના જથ્થા સાથે દંપતી ને પકડી રૂપિયા ૨.૯ લાખના દારૂનો મુદ્દામાલ કબજે કર્યો. ચીખલી પોલીસ પેટ્રોલિંગમાં હતી તે દરમિયાન ખાનગી રાહે બાતમી મળી હતી કે દારૂનો જથ્થો ભરી ઇકો કાર જનાર છે. જે હકીકત બાતમીના આધારે ચીખલી પોલીસે સાદડવેલ હાઇસ્કુલ પાસે રૂમલા થી રાનકુવા જતા રોડ પર વોચ ગોઠવી હતી. તે દરમિયાન બાતમી મુજબ ની સફેદ કલરની મારુતિ ઈકો કાર નં-જીજે.૧૯.એએફ.૮૩૯૩ આવતા જ તેને રોકી કારની તલાસી લેતા તે કારમાંથી વિદેશી દારૂની નાની મોટી બોટલ નંગ ૨૧૬ મળી આવી હતી. જેની કિંમત રૂ.૫૭.૬૦૦, એક મોબાઇલ ફોન કિંમત ૨૦૦૦ તથા ઇકો કારની કિંમત ૧.૫૦ લાખ મળી કુલ્લે રૂપિયા ૨.૦૯૬૦૦ ના દારૂ ના મુદ્દામાલ સાથે સાગર કિશોરભાઈ ભંડારી તથા સુરેખા સાગર ભંડારી બંને (રહે. મહાવીર શાકમાર્કેટ પાસે, બારડોલી) ને ઝડપી પાડયા હતા. જ્યારે સુરેશ શંકરભાઈ હળપતિ (રહે, મોટાપોઢા, મોટા ફળિયા, તા-કપરાડા, જી-વલસાડ) ને વોન્ટેડ જાહેર કર્યો હતો.
વલસાડ, તા.૧૧ વલસાડ ડેપ્યુટી કલેકટર જ્યોતિબા એ સરકારી કચેરીઓ માં ઓચિંતું મુલાકાત લેતા કેટલાક કર્મચારીઓ માસ્ક વગર અને સામાજિક અંતર ના ધજાગરા કરતા ઝડપાઈ આવ્યા હતા કલેકટરે સરકારી આદેશ ના ઉલ્લંઘન કરનાર કર્મચારીઓ પર પ્રજા ની જેમ જ દંડ વસુલ કરતા કર્મચારીઓ માં ફફડાટ થવા પામ્યો હતો.
સરકારે માસ્ક પહેરવા અને સામાજિક અંતર રાખવા આદેશ આપ્યા છે.જે આદેશ પ્રમાણે પોલીસતંત્ર પોતા ની ફરજ બજાવી રહ્યું છે સોસીયલ ડિસ્ટન્સ ના પાલન ન કરનાર અને માસ્ક ન પહેરનાર પાસે થી પોલીસ દંડ વસુલ કરતી હોય છે.પરંતુ વલસાડ ની સરકારી કચેરીઓ માં અધિકારીઓ કે કર્મચારીઓ સરકારી આદેશ ના ઉલ્લંઘન કરી રહ્યા બાબતે કામ અર્થે આવતા અરજદારો માં બૂમ ઉઠી હતી.
આ બાબત ને ધ્યાન માં લઇ વલસાડ ડેપ્યુટી કલેકટર જ્યોતિબા એ આજે વલસાડ ની રૂરલ પોલીસ સ્ટેશન, સીટી પોલીસ સ્ટેશન,તાલુકા પંચાયત કચેરી, માર્ગ મકાન કચેરી, તેમજ જીલ્લા પંચાયત કચેરી માં ઓચિંતુ ચેકિંગ કર્યું હતું અને માસ્ક વગર અને સોસીયલ ડિસ્ટન્સ ના ધજાગરા કરનાર કર્મચારીઓ ને કાયદા ના પાઠ ભણાવ્યા હતા. દરેક સરકારી કચેરીઓમાં ઓચિંતું ચેકીંગ હાથ ધરાતા સરકારી બાબુઓમાં ફફડાટ ફેલાઈ ગયો હતો અને જોવા જેવા દ્રશ્યો ઉભા થયા હતા.
સુરત, તા.૧૧ સુરત સહિત દક્ષિણ ગુજરાતમાં ફરીથી ભાદરવે આષાઢી માહોલ ની જેમ વરસાદની એન્ટ્રી થતાં લોકોમાં ચિંતા પ્રસરી ગઇ છે થોડા સમય પહેલા સાવર્ત્રિક ધોધમાર વરસાદ બાદ ચારથી પાંચ દિવસ મેઘરાજા વિરામ લેતા ખેડૂતો ખેતી કાર્યમાં લાગી ગયા હતા આ દરમિયાન ફરીથી વરસાદી વાતાવરણ છવાયું છે. વલસાડના કપરાડામાં ત્રણ ઇંચ. સહિત ૧૪ તાલુકામાં હળવાથી મધ્યમ વરસાદ વરસ્યો હતો જ્યારે શહેરમાં છુટાછવાયા ઝાપટા વરસ્યા હતા.આ ઉપરાંત વાપીમાં પોણો ઇંચ. પાલડીમાં અડધો ઇંચ. વલસાડ. ઉમરગામ અને ધરમપુરમાં છુટા છવાયા ઝાપટા વરસ્યા હતા. તાપીના ઉચ્છલ તાલુકામાં બપોરે બે થી ચાર વાગ્યાના સમયગાળામાં બે ઇંચ જેટલો. જ્યારે સુબીર તાલુકા માં એક ઇંચ. ગણદેવી તાલુકામાં એક ઈંચથી વધુ. સાપુતારામાં હળવા ઝાપટા. પડ્યા હતા.
સુરત, તા.૧૧ કોરોના વાયરસ બાદ સુરત સિવિલ હોસ્પિટલમાં શરૂ કરવામાં આવેલી કોવિડ -૧૯ હોસ્પિટલના ગ્રાઉન્ડ ફ્લોર પર સમી સાંજે સિલિન્ડર બોટલ બદલતી વેરા અકસ્માત સર્જાતા થયેલા બલાસ્ટ માં હોસ્પિટલનો વોર્ડબોય ગંભીર રીતે ઘવાયો છે અકસ્માતે બનેલી ઘટનાને લઇને હોસ્પિટલના તબીબી અધિકારીઓ ઘટના સ્થળે ધસી ગયા હતા હાલ કર્મચારી ની સ્થિતિ ગંભીર હોવાનું જાણવા મળી રહ્યું છે.
નવી સિવિલ હોસ્પિટલના અધિકારીત સુત્રો પાસેથી પ્રાપ્ત થતી વિગતો મુજબ વૈશ્વિક મહામારી સમાન કોરોનાવાયરસ ના દર્દીઓ ની સારવાર માટે રાજ્ય સરકાર દ્વારા કોવિડ-૧૯ હોસ્પિટલ શરુ કરવામાં આવી છે દરમિયાન આજરોજ સાંજના છ વાગ્યાના અરસામાં હોસ્પિટલમાં ભરતી થયેલ અસફાક સલીમ શેખ નામનો નવો જ કર્મચારી હોસ્પિટલના ગ્રાઉન્ડ ફ્લોર પર ઓક્સિજન બોટલ ખલાસ થઈ ગયેલ હોય જે બોટલ બદલવાની કામગીરી કરી રહ્યો હતો એ દરમિયાન અકસ્માતે ઓક્સિજન ભરેલ બોટલ ની પીન બોટલ માંથી છટકી જતા અચાનક બ્લાસ્ટ થયો હતો. લાસ્ટ ને લઈને હોસ્પિટલના કર્મચારીઓમાં નાસભાગ મચી ગઈ હતી.આ બનાવની જાણ આર.એમ.ઓ કેતન નાયક. સુપ્રિટેન્ડેન્ટ રાગિણી વર્મા. સહિતનાને થતા તાબડતોબ ઘટનાસ્થળે ધસી ગયા હતા ગંભીર ઇજાગ્રસ્ત અશફાક શેખને હોસ્પિટલમાં સારવાર માટે ખસેડવામાં આવ્યો છે.
