અમદાવાદ-ભારતીય રેલમાં હાલના દિવસોમાં ખાનગીકરણની ચર્ચા ચાલી રહી છે. ત્યારે કેન્દ્ર સરકારે હવે એરપોર્ટની જેમ હવે રેલવે સ્ટેશનો ઉપર યૂઝર્સ ચાર્જ લગાવવા જઈ રહી છે. રેલમંત્રાલય તરફથી જે વાત સામે આવી રહી છે તેના પ્રમાણે દિલ્હી, મુંબઈ, ચેન્નાઈ, હાવડા જેવા મોટા સ્ટેશનો પર યૂઝર્સ ચાર્જ લાગશે નહીં, પરંતુ ગુજરાત, બલિયા, બસ્તી, ગોંડા, હાજીપુર, ગોમો, ડાલ્ટેનગંજ, બરોની, ખગડિયા, જમાલપુર, ભાગલપુર જેવા સ્ટેશનો પર આ ચાર્જ લાગી શકે છે. આગામી દિવસોમાં ગુજરાતમાં પણ રેલવેની મુસાફરી હવે મોંઘી થઈ શકે છે. રાજ્યના કેટલાક રેલવે સ્ટેશનો પર યુઝર્સ ચાર્જ વસૂલવાની તૈયારીઓ ચાલી રહી છે. જેના સંદર્ભે હાલ ગુજરાતના ૨૦ સ્ટેશનોના નામ સામે આવી રહયા છે, જે સ્ટેશનો પર યૂઝર્સ ચાર્જ વસૂલવામાં આવશે. ગુજરાતના જે ૨૦ રેલવે સ્ટેશનો પર ચાર્જની વસૂલવાની તૈયારીઓ ચાલી રહી છે,
તેમાં અમદાવાદ, રાજકોટ, સુરત, વડોદરા સ્ટેશન, ગાંધીનગર, આણંદ, ભરૂચ, ભાવનગર, જામનગર, મહેસાણા, નડિયાદ, નવસારી, ભુજ, પાલનપુર, સુરેન્દ્રનગર, વલસાડ, વાપી, વેરાવળ, વિરમગામ, ઉધના રેલવે સ્ટેશન પર યુઝર ચાર્જ અંગે નોટિફિકેશન બહાર પડાશે. ખાનગી ટ્રેનોનું ભાડું બજારના હિસાબે નક્કી થશે. પેસેન્જરને વેલ્યુ એડેડ સર્વિસ ઉપલબ્ધ કરાવાશે. રેલ્વે બોર્ડના સીઈઓ અને ચેરમેન વી.કે.યાદવે જણાવ્યું હતું કે, યુઝર ચાર્જ માટે રેલવે ટૂંકમાં જ નોટિફિકેશન જાહેર કરશે. જાેકે યુઝર ચાર્જ કેટલો હશે તેના પર તેમણે કહ્ય્šં હતું કે એક નાની રકમ યુઝર ચાર્જ તરીકે વસૂલાશે. રેલવેએ માહિતી આપી કે મોટાં રેલવે સ્ટેશનો અને ભીડવાળાં રેલવે સ્ટેશનોમાં યુઝર ચાર્જ વસૂલાશે. આ યુઝર ચાર્જ યાત્રીઓની ટિકિટમાં ઉમેરાઈ જશે. અને આ રકમનો ઉપયોગ રિડેવલપમેન્ટ માટે કરાશે. અને જ્યારે કામ પૂરુ થઈ જશે તો આ ચાર્જ રેલ્વેની થતી ખોટની ભરપાઈ કરશે. યાદવે કહ્યું કે,
ભારતીય રેલ્વે પોતાના યાત્રીઓને વર્લ્ડ ક્લાસ સુવિધા આપવા જઈ રહ્ય્šં છે. સાથે જ તેઓએ કહ્ય્šં કે ૭ હજાર રેલ્વે સ્ટેશનમાંથી ૧૦ કે ૧૫ ટકા સ્ટેશનો પર યુઝર ફી લેવામાં આવશે.
અમદાવાદઃ ગુજરાત રાજ્યમાં કોરોનાના કહેર વચ્ચે શાળાની ફી મુદ્દો ઘણો ગૂંચવાયેલો છે. અને મામલે કોઈ ચોક્કસ નિરાકરણ આવી શક્યું નથી. પરંતુ આ મામલે આજે ગુજરાત હાઈકોર્ટે મહત્વના ગણી શકાય તેવું સૂચન કર્યું છે.
હવે ફી મુદ્દે હાઇકોર્ટે રાજ્ય સરકારને સૂચન કર્યું છે અને જણાવ્યુ છે કે, સરકાર પાસે વિશાળ સત્તા છે તો સરકાર શાળા ફી મામલે નિર્ણય લે. ઉલ્લેખનીય છે કે, ગુજરાત હાઇકોર્ટે જણાવ્યું હતું કે, ફી માટે રાજ્ય સરકાર પાસે સત્તા છે તેમ છતાં સરકાર કોર્ટને કેમ પૂછે છે. ફી મામલે વિવાદ ગંભીર બની રહ્યો છે અને સમાધાન થયું નથી તો સરકાર આ મામલે હજી સુધી કેમ કોઇ નિર્ણય લીધો નથી. નોધનીય છે કે, શાળા સંચાલકોએ ફી ઘટાડવા મામલે હાઇકોર્ટમાં તૈયારી દર્શાવી છે. જો કે, કેટલી ફી ઘટાડાશે તે અંગે હજુ નિર્ણય નહીં. પરંતુ ફી ઘટાડવા અંગેની તૈયારી દર્શાવી છે.ગુજરાતમાં શાળાઓની ફી મામલે ગુજરાત સરકાર તરફથી હાઇકોર્ટમાં કરવામાં આવેલી અરજીનો આજે હાઇકોર્ટે નિકાલ કર્યો છે. આ સાથે જ હાઇકોર્ટે કહ્યું છે કે, કોરોના કાળ દરમિયાન શાળાઓની ફી નક્કી કરવા માટે સરકાર પાસે પૂરી સત્તા છે. આ પહેલા હાઇકોર્ટે સરકાર અને સંચાલકોને સાથે બેસીને ફી માળખું નક્કી કરવાનો આદેશ કર્યો હતો. જોકે, સરકારની ભલામણ પ્રમાણેની ફી સ્વીકારવા માટે સંચાલકો તૈયાર ન હોવાથી ગુજરાત સરકાર ફરીથી હાઇકોર્ટમાં ગઈ હતી. સાથે જ હાઇકોર્ટે એવી ટકોર કરી હતી કે, રાજ્ય સરકાર પાસે સંપૂર્ણ સત્તા હોવા છતાં આ મુદ્દે કોર્ટમાં આવે છે તે દુઃખદ છે.
ગાંધીનગર-શ્રાદ્ધ પક્ષ પૂરો થવા સાથે તા. ૧૮ સપ્ટેમ્બરથી અધિક માસનો પ્રારંભ થાય છે. ભક્તિની સાથે સાથે સુખ- વૈભવમાં વૃદ્ધિ કરવા માટે ઘણાં શુભ યોગ અને મુહૂર્ત છે. અધિક માસમાં જ્વેલરી, વાહન, મિલકત, ઈલેક્ટ્રોનિક્સ ચીજવસ્તુઓ, કપડાં, સહિત તમામ પ્રકારની ખરીદી માટે કોઈ મનાઈ નથી અને મિલકત ખરીદીના સંદર્ભમાં ફક્ત કાગળ- દસ્તાવેજી કાર્યવાહી કરવાની રહેશે. આ ખરીદી માટે ચાલુ વર્ષે અધિક માસમાં ૨૫થી વધુ શુભ દિન છે.
ઉજ્જૈનના એક પ્રખર જ્યોતિષીના જણાવ્યાનુસાર, અધિક માસમાં વિવાહ, દેવસ્થાપન, યજ્ઞોપવિત, સકામ યજ્ઞા, વગેરે જેવા શુભ કાર્યો કરવા માટે શાસ્ત્રોમાં નિષેધ કરાયો છે. આધુનિક સુખ- સુવિધાની ચીજવસ્તુની ખરીદી માટે નિષેધ અંગે કોઈ ઉલ્લેખ નથી. અધિક માસમાં લગ્ન નક્કી કરવું, સગાઈ નક્કી કરવી, જમીન, મકાન- મિલકતની ખરીદી કરવાનું પણ નક્કી કરી શકાય છે.
સર્વાર્થ સિદ્ધ યોગ- આ યોગ તમામ મનોકામના પૂર્ણ કરનાર આ યોગ છે અને સર્વ કાર્યોમાં સળફતા મળે છે. તા. ૯, ૨૬ સપ્ટેમ્બર, ૧, ૪, ૬, ૭, ૯, ૧૧, ૧૭ ઓક્ટોબરે આ યોગ રહેશે.
દ્વિપુષ્કર યોગ- જ્યોતિષમાં દ્વિપુષ્કર યોગનું વિશેષ મહત્વ છે. એવી માન્યતા છે કે, આ યોગમાં કરેલ તમામ કાર્યોનું બમણું ફળ મળે છે. તા.૧૯ અને ૨૭ સપ્ટેમ્બરે આ યોગ છે.
અમૃતસિદ્ધ યોગ – અમૃત સિદ્ધ યોગ અંગે જ્યોતિષ ગ્રંથોની માન્યતા છે કે, આ યોગમાં કરેલ કાર્યોનું ફળ દીર્ઘકાલીન હોય છે.
પુષ્ય નક્ષત્ર – અધિક માસમાં બે દિવસ પુષ્ય નક્ષત્ર આવે છે. ૧૦ ઓક્ટોબરે રવિ પુષ્ય અને ૧૧ ઓક્ટોબરે સોમ પુષ્ય નક્ષત્ર છે. આ બંન્ને દિવસે કોઈપણ શુભ કાર્યો કરી શકાશે.
ધ્રુવ સ્થિર મુહૂર્ત– તા.૧૮, ૨૬ સપ્ટેમ્બર, તા. ૭,૧૫ ઓક્ટોબર અને તમામ રવિવાર શિક્ષણ સંબંધિત ખરીદી, રોકાણ અંગેના કામકાજ, જ્વેલરી બનાવવા, શપથ ગ્રહણ અને હોદ્દો સંભાળવા માટે શુભ
ચર- ચલ મુહૂર્ત– તા. ૨૦,૨૭, ૨૮, ૨૯ અને તા. ૩૦ સપ્ટેમ્બર, તા. ૧૦ ઓક્ટોબર અને તમામ સોમવાર મોટરકાર, બાઈક, સહિત વાહનની ખરીદી કે બુકિંગ માટે શુભ રહેશે.
ઉગ્ર, ક્રુર મુહૂર્ત – તા. ૨૫, ૩૦ સપ્ટેમ્બર, તા. ૫, ૧૩, ૧૪, ઓક્ટોબર અને તમામ મંગળવાર શસ્ત્રની ખરીદી અને બુકિંગ કરી શકાશે. મિશ્ર, સાધારણ મુહૂર્ત – ૨૧ સપ્ટેમ્બર, ૬ ઓક્ટોબર અને તમામ બુધવારે માંગલિક કાર્યો માટે શુભ
છોટાઉદેપુર, તા.૧૭ કોરોના મહામારી સામે તકેદારી રાખવી સામાન્ય નાગરિકની ફરજ બને છે. સરકાર દ્વારા આ બાબતે ગાઇડલાઇન જાહેર કરી છે. જેનું પાલન કરવું દરેક ભારતીય નાગરિકની નૈતિક ફરજ છે. પરંતુ છોટાઉદેપુર નગરપાલિકા પ્રમુખ કોરોના પોઝિટિવ હોવા છતાં આમ અપવાદરૂપ હોય તેમ જણાય છે. સ્ટેજ પર બેસવાની લાલસામાં પોતાના ઘરે કોરોના પોઝેટીવ દર્દીઓ હોવા છતાં સરકારી ગાઈડ લાઈન મુજબ હોમ કોરોનટાઇન થવા ને બદલે મહિલા ઉત્કર્ષ યોજના ઇ-લોન્ચિંગ કાર્યક્રમ માં દરબાર હોલ ખાતે ઉપસ્થિત રહ્યા હતા. સદર કાર્યક્રમમાં વડોદરાના ધારાસભ્ય જીતુભાઇ સુખડીયા સહીત જિલ્લા કલેકટર સુજલ મયાત્રા, જિલ્લા વિકાસ અધિકારી મિહિર પટેલ સહીત આગેવાનો ઉપસ્થિત હતા. છતાં પાલિકા પ્રમુખશ્રી સરકાર દ્વારા કોરોના ની મહામારી સમયે બહાર પાડેલી ગાઇડલાઇન નો છેડેચોક ભંગ કર્યો હતો. પાલિકા પ્રમુખના પત્ની અને પૂર્વ પ્રમુખ તેમજ તેમના ઘરના સભ્યોનો પાલિકા, અર્બન હેલ્થ સેન્ટર છોટાઉદેપુર દ્વારા દરબાર હોલ ખાતે ગઈકાલે જ આયોજિત કોરોના ચેકઅપ કેમ્પમાં જ એન્ટિગન કીટ દ્વારા ટેસ્ટ કરવામાં આવ્યો હતો.
