ટ્રમ્પના આદેશ બાદ જહાજ પર હુમલો, તણાવ વધ્યો,

અમેરિકાના પ્રમુખ ડોનાલ્ડ ટ્રમ્પના આદેશ બાદ અમેરિકાની સેનાએ વેનેઝુએલા પાસે દરિયામાં ડ્રગ કાર્ટેલ સાથે જોડાયેલી શીપ પર હુમલો કર્યો છે. અમેરિકાનો દાવો છે કે આ શીપમાં ડ્રગ્સ ભરીને અમેરિકા લાવવામાં આવી રહ્યું હતું. હુમલા બાદ ટ્રમ્પે જાણકારી આપતા કહ્યું કે આ કાર્યવાહીમાં ત્રણ લોકો માર્યા ગયા છે.

ડોનાલ્ડ ટ્રમ્પે ટ્રુથ સોશિયલ નામના સોશિયલ મીડિયા પ્લેટફોર્મ પર વીડિયો શેર કર્યો છે. જેમાં એક જહાજ પર વિસ્ફોટ અને આગ લાગી હોય તેવા દ્રશ્યો દેખાઈ રહ્યા છે. જોકે આ વીડિયો સાબિત નથી થતું કે જહાજ પર ડ્રગ્સ જ લઈ જવામાં આવતું હતું. ટ્રમ્પે કહ્યું છે કે ડ્રગ્સ નેટવર્ક અને નાર્કો ટેરરિસ્ટ પર કાર્યવાહીના રૂપે આ હુમલો કરવામાં આવ્યો છે. જોકે સમગ્ર મામલે હજુ સુધી વેનેઝુએલા દ્વારા કોઈ સત્તાવાર પ્રતિક્રિયા આવી નથી.

ઉલ્લેખનિય છે કે, અગાઉ ત્રીજી સપ્ટેમ્બરે અમેરિકાએ વેનેઝુએલાથી ડ્રગ્સ લઈ જતાં જહાજ પર હુમલો કર્યો હતો જેમાં 11ના મોત થયા હતા.