રાજપીપળા, તા.૧૭ ગુજરાતની જીવાદોરી સરદાર સરોવર નર્મદા ડેમ પોતાની ૧૩૮.૬૮ મીટર સુધી મહત્તમ સપાટી સુધી પહોંચ્યો છે.હાલ સરદાર સરોવર નર્મદા ડેમ આ સિઝનમાં પ્રથમ વાર ૧૦૦ % છલો છલ પૂર્ણ ભરાઈ ગયો છે.
સરદાર સરોવર નર્મદા ડેમ સંપૂર્ણ ભરાતા ગુજરાતના મુખ્યમંત્રી વિજય રૂપાણીએ ગાંધીનગર ખાતે પોતાની ઓફિસ માંથી નર્મદા નિરના ઈ-વધામણાં કર્યા હતા.જ્યારે ગુજરાત સરકારના નર્મદા વિકાસ રાજ્ય મંત્રી યોગેશ પટેલ, સરદાર સરોવર નર્મદા નિગમ લિમિટેડના સ્ડ્ઢ રાજીવ ગુપ્તા સહિત અન્ય અધિકારીઓએ સરદાર સરોવર નર્મદા ડેમ ખાતે પૂજા અર્ચના કરી નર્મદા નિરના વધામણાં કર્યા હતા.સરદાર સરોવર છલોછલ ભરાઈ જતા નર્મદા નિગમના તમામ અધિકારીઓ સ્ટેન્ડ બાઈ નર્મદા ડેમ પર ગોઠવાઈ ગયા છે અને ઉપરવાસમાંથી આવનારી પાણી આવક પર તંત્ર વોચ રાખી રહ્યું છે.સરદાર સરોવર નર્મદા ડેમની પાણીની સપાટી જાળવવા ફરી પાછા ડેમના ૨૩ દરવાજા ૬૦ સેમી ખોલી ૧,૧૦,૦૦૦ ક્યુસેક પાણી નર્મદા નદીમાં છોડાઈ રહ્યું છે.સરદાર સરોવર નર્મદા ડેમના ઇમ્ઁૐ ૬ યુનિટી સતત ચાલુ કરાતા ૪૨,૦૦૦ ક્યુસેક પાણી નર્મદા નદીમાં જ્યારે ઝ્રૐઁૐ ના ૩ યુનિટી સતત ચાલુ કરાતા ૧૩,૦૦૦ ક્યુસેક પાણી મુખ્ય કેનાલમાં છોડાઈ રહ્યું છે.સરદાર સરોવર ડેમમાં પાણીની આવક ૧,૫૦,૦૦૦ ક્યુસેક છે જેની સામે પાણીની જાવક ૧,૧૦,૦૦૦ ક્યુસેક છે.સરદાર સરોવર નર્મદા ડેમના ગેટ અને ઇમ્ઁૐ દ્વારા નર્મદા નદીમાં એટલે કે ભરૂચ તરફ ૧,૫૦,૦૦૦ ક્યુસેક પાણી છોડાઈ રહ્યું છે.હાલ સરદાર સરોવરમાં પાણીનો જીવંત જથ્થો ૫૭૦૦ મિલીયન ક્યુબીક મીટર થયો છે.એટલે આમ ચોક્કસ કહી શકાય કે આવનારા બે વર્ષ માટે આ નર્મદા બંધ માંથી પાણીનો જથ્થો ખૂટે નહીં એટલો સંગ્રહિત જથ્થો છે.ગુજરાત સરકારે નર્મદા બંધને મા રેવાના નીરથી ૧૦૦% છલોછલ ભરી વડાપ્રધાન નરેન્દ્ર મોદીને જન્મદિવસની ભેટ આપી હતી.પીએમ મોદીએ ૧૭ સપ્ટેમ્બર ૨૦૧૭ ના રોજ સરદાર સરોવર નર્મદા ડેમનું લોકાર્પણ કર્યું હતું, ત્યારે ડેમને ૧૩૮.૬૮ મીટર સુધી સંપૂર્ણ ભરવામાં આવ્યો હતો.પીએમ મોદીના ૭૦ માં જન્મદિવસ ૧૭ મી સપ્ટેમ્બર ૨૦૨૦ ના રોજ ડેમના લોકાર્પણને ૩ વર્ષ પૂર્ણ થશે ત્યારે ડેમને ૧૩૮.૬૮ મીટર સુધી પૂર્ણ ભરાયો હતો.આમ નર્મદા ડેમ લોકાર્પણ થયા બાદ બીજી વખત સંપૂર્ણ ભરાયો છે.
ડભોઇ, તા.૧૬ ડભોઇ તાલુકાનાં લુણાદ્રા ગામે સાસરીમાં રહેતી પત્ની અને બે સંતાનોને લેવા આવેલ જમાઈને મોડી રાત્રી ના અગમ્ય કારણો સાર હત્યા થઈ હોવાની ફરીયાદ ડભોઇ પોલીસ માં થતાં ડભોઇ પોલીસે કાર્યવાહી હાથ ધરી છે.શિનોર તાલુકાના મોટા ફોફડીયા રહેતા હસમુખભાઈ રમણભાઈ વસાવા ના લગ્ન ડભોઇ તાલુકાના લુણાદ્રા ગામે પંદર વર્ષ પૂર્વે થયા હતા તેની પત્ની છેલ્લા ચાર પાંચ માસ થી ડભોઇ તાલુકાનાં લુણાદ્રા ગામે પોતાના બે સંતાનો પુત્ર અને પુત્રી સાથે રહેતી હોય અને હસમુખભાઈ વડોદરા ખાતે વોચમેન ની નોકરી કરતો હોય ગત રાત્રીના વોચમેન ની નોકરી કરી ડભોઇ તાલુકામાં લુણાદ્રા ગામે આવેલ સાસરી માં તેની પત્ની જ્યોત્સના બેન વસાવા અને સંતાનો ને લેવા આવ્યો હતો પણ અચાનક રાત્રી ના બનેલ ઘટના માં તેની હત્યા થઈ જતાં ગામ માં ચકચાર મચી જવા પામ્યો હતો જ્યારે વહેલી સવારે સાસરી ના ઘર માં જોતાં હસમુખભાઈ રમણભાઈ વસાવા મૃત હાલતમાં હતા. જેથી ડભોઇ પોલીસ ને જાણ કરવામાં આવી હતી ડભોઈ પોલીસ નો મોટો કાફલો હત્યા ના સ્થળે પહોચી તપાસ હાથ ધરી હતી ત્યારે ડી.વાય.એસ.પી. સહિત વડોદરા જીલ્લા પોલીસ વડા પણ ઘટના સ્થળે દોડી આવ્યા હતા.
રાજપીપલા, તા.૧૬ ગુજરાતના મુખ્યમંત્રી વિજયભાઇ રૂપાણીના હસ્તે તા. ૧૭ મી સપ્ટેમ્બર, ૨૦૨૦ ને ગુરૂવારના રોજ નર્મદા જીલ્લાની સાગબારા-દેડિયાપાડા તાલુકાની રૂા. ૩૦૯/- કરોડની ટ્રાયબલ જુથ પાણી પુરવઠા યોજનાનું ઇ-લોકાર્પણ કરાશે. દેડીયાપાડા તાલુકા મથકે કૃષિ વિજ્ઞાન કેન્દ્ર તેમજ સાગબારા તાલુકા મથકે આઇ.ટી.આઇ. નજીક તાલુકા વિકાસ અધિકારીની કચેરી પાસે બપોરે ૧૨-૦૦ કલાકે આ ઇ-લોકાર્પણનો સ્થાનિક સમારોહ યોજાશે. તદ્ઉપરાંત જિલ્લાના પાનખલા, પીપળીપાડા, ગોડમુખ અને કનખાડી ગામોએ પણ ગ્રામજનો આ ઇ-લોકાર્પણ કાર્યક્રમ નિહાળી શકશે તેવી વ્યવસ્થા પણ ગોઠવવામાં આવી છે. નર્મદા જિલ્લાના સાગબારા તથા દેડીયાપાડા તેમજ સોનગઢ તાલુકાના જમણા કાંઠાનો વિસ્તાર ઉકાઇ ડેમ તથા સરદાર સરોવર જળાશયના જળસ્રાવ વિસ્તાર ડુંગરાળ તેમજ ખડકવાળો હોઇ ઉનાળામાં પીવાના પાણીની અછત રહેતી હોવાથી ગ્રામજનોને કાયમી ધોરણે પીવાનુ શુધ્ધ પાણી પુરૂ પાડવા માટે ઉકાઇ જળાશયમાં સોનગઢ તાલુકાના બોરદા ગામ નજીક ઇનટેક વેલ બનાવી રો-વોટર મેળવી શુધ્ધિકરણ કરી કાયમી ધોરણે પીવાનું શુધ્ધ પાણી નર્મદા જીલ્લાના સાગબારા તાલુકાના ૮૪ ગામો અને ૯ ફળિયાઓ તેમજ દેડિયાપાડા તાલુકાના ૧૧૦ ગામો અને ૧૬ ફળિયાઓ તથા તાપી જીલ્લાના સોનગઢ તાલુકાનાં ૧૧ ગામો અને ૧ ફળિયુ મળી કુલ ૨૦૫ ગામો અને ૨૬ ફળિયાઓની વર્ષ ૨૦૪૬ ની ૫,૦૬,૫૨૯ વસ્તીને શુધ્ધ પાણી પુરૂ પાડવા માટેની આ જુથ પાણી પુરવઠા યોજના સફળતાપૂર્વક પૂર્ણ કરાઇ છે, જેના માટે હાલમાં ૩૦.૬૩ એમ.એલ.ડી. ઉકાઈ જળાશયમાં આરક્ષિત રાખવામાં આવેલ છે.
રાજપીપલા, તા.૧૬ ગુજરાતની જીવાદોરી સરદાર સરોવર છલોછલ ભરાઈ ગયો.આ સિઝનમાં પ્રથમવાર ડેમ સંપૂર્ણ ભરાયો છે.હાલ નર્મદા ડેમની જળ સપાટી ૧૩૮.૫૮ મીટરે પહોંચી છે અને ગણતરીના કલાકમાં મહત્તમ ૧૩૮.૬૮ મીટરે પહોંચશે પરંતુ વિશાળ સરદાર સરોવર છલોછલ ભરાઈ જતા નર્મદા નિગમના તમામ અધિકારીઓ સ્ટેન્ડ બાઈ નર્મદા ડેમ પર ગોઠવાઈ ગયા છે.આ સીઝનમાં પ્રથમવાર નર્મદા મહત્તમ સપાટી પર પહોંચ્યો છે ત્યારે ઉપરવાસમાંથી આવનારી પાણી આવક પર તંત્ર વોચ રાખી રહ્યું છે.સરદાર સરોવર નર્મદા ડેમની પાણીની સપાટી જાળવવા ફરી પાછા ડેમના દરવાજા ખોલાઈ શકે છે.નર્મદા ડેમ છલો છલ ભરાતા ગુજરાતમાં પીવાના અને સિંચાઈના પાણીની સમસ્યા નહિ રહે.
સરદાર સરોવર ડેમમાં પાણીની આવક ૯૯૬૩૦ ક્યુસેક છે પાણીની જાવક ૩૪૫૪ ક્યુસેક છે. રિવર બેડ પાવર ના ૬ યુનિટ સતત ચાલતા ૩૪,૭૬૬ ક્યુસેક પાણી નર્મદા નદીમાં ઠલવાઇ રહ્યું છે.મુખ્ય કેનાલમાં ૧૩૫૦૦ ક્યુસેક પાણી છોડાય રહ્યું છે.હાલ સરદાર સરોવરમાં પાણીનો જીવંત જથ્થો ૫૫૩૪ મિલીયન ક્યુબીક મીટર થયો છે.એટલે આમ ચોક્કસ કહી શકાય કે આવનારા બે વર્ષ માટે આ નર્મદા બંધ માંથી પાણીનો જથ્થો ખૂટે નહીં એટલો સંગ્રહિત જથ્થો છે.નર્મદા બંધને મા રેવાના નીરથી છલોછલ ભરી વડાપ્રધાન નરેન્દ્ર મોદીને જન્મદિવસની ભેટ અપાશે.નર્મદા બંધ હાલમાં ૯૯.૯૯ ટકા ભરાઈ ગયો.
પીએમ મોદીએ ૧૭ સપ્ટેમ્બર ૨૦૧૭ ના રોજ સરદાર સરોવર નર્મદા ડેમનું લોકાર્પણ કર્યું હતું, ત્યારે ડેમને ૧૩૮.૬૮ મીટર સુધી સંપૂર્ણ ભરવામાં આવ્યો હતો.પીએમ મોદીના ૭૦ માં જન્મદિવસ ૧૭ મી સપ્ટેમ્બર ૨૦૨૦ ના રોજ ડેમના લોકાર્પણને ૩ વર્ષ પૂર્ણ થશે ત્યારે પણ ડેમને ૧૩૮.૬૮ મીટર સુધી પૂર્ણ ભરવામાં આવશે, આમ નર્મદા ડેમ લોકાર્પણ થયા બાદ ત્રીજી વખત સંપૂર્ણ ભરાશે.
