ભરૂચ સમાચાર

  • રાષ્ટ્રીય

    રાજસ્થાન: ફલોર ટેસ્ટમાં BTPના 2 MLA એકેય પાર્ટીને વોટ નહીં કરે

    ભરૂચ- ગુજરાતમાં રાજ્યસભાની ચૂંટણી વખતે ભાજપ-કોંગ્રેસને વોટ નહીં કરીને ભારતીય ટ્રાઇબલ પાર્ટીએ ખળભળાટ મચાવ્યો હતો. તાજેતરમાં યોજાયેલી ગુજરાત રાજ્યસભા ચૂંટણીમાં BTPના પિતા-પુત્ર ધારાસભ્યો છોટુ વસાવા અને મહેશ વસાવાએ ભાજપ-કોંગ્રેસને વોટ નહોતો આપ્યો. જો કે, બન્ને પાર્ટીઓએ બહુ મનાવ્યા બાદ પણ પિતા-પુત્રની જોડી ટસથીમસ થઈ નહોતી, જેથી કોંગ્રેસને એક બેઠકનું નુકશાન ગયું હતું. હવે આ પિતા-પુત્રની જોડીએ રાજસ્થાનમાં પણ પોતાના બન્ને ધારાસભ્યોને ગહેલોત સરકારના ફ્લોર ટેસ્ટમાં મત ન આપવાનો આદેશ કર્યો છે. રાજસ્થાનમાં ભારતીય ટ્રાયબલ પાર્ટીના બે ધારાસભ્યો ચૂંટાયાં છે. ચૌરાસી બેઠક પર રાજકુમાર રોત અને સાગવાડા બેઠક પર રામપ્રસાદ ડિંડોર બીટીપીના ધારાસભ્ય છે. બીટીપીના રાષ્ટ્રીય અધ્યક્ષ મહેશ વસાવાએ વ્હિપ જારી કરી આદેશ કર્યો છેકે,રાજસૃથાનના રાજકીય સંકટમાં જયારે ફલોર ટેસ્ટ થાય તો અશોક ગેહલોત કે ભાજપને મત આપવો નહીં. બંને ધારાસભ્યોને સૂચના અપાઇ છેકે, જો પક્ષના આદેશનો અનાદર કરી મત આપશો તો પક્ષ શિસ્તભંગના પગલાં લેશે.ઉલ્લેખનીય છેકે,બીટીપીના બંને ધારાસભ્યોએ અશોક ગેહલોતને ટેકો કર્યો હતો. સૂત્રોનું કહેવું છેકે, મહેશ વસાવા-છોટુ વસાવાના ભાજપ સાથેના સબંધ મજબૂત થયા છે ત્યારે રાજકીય સમિકરણો જોતાં ફરી એકવાર બીટીપી ભાજપના ખોળામાં બેસે તો નવાઇ નહીં. રાજસ્થાનમાં બીટીપી કોંગ્રેસ સાથે રાજકીય વેર વાળવાના મૂડમાં છે.
    વધુ વાંચો
  • અન્ય

    ભરૂચમાં કોરોનાના વધુ ૧૪ કેસ નોંધાયા : કુલ આંકડો ૪૬૦ થયો

    ભરૂચ, તા.૧૨ ભરૂચમાં કોરોનાનો કહેર વધી રહ્યો છે. આજે વધુ ૧૪ કેસ સાથે જિલ્લામાં કોરોનાના કેસ ૪૬૦ પર પહોંચ્યા છે. અત્યાર સુધીમાં ભરુચ જિલ્લામાં ૧૫ જણાનો કોરોનાએ ભોગ લીધો છે. જેને લઈ કોરોનાની દહેશતનું વાતાવરણ જોવા મળે છે. હવે લોકો સ્વયંભૂ બંધને પાળી રહ્યા છે. કામ વગર ઘરની બહાર ન નીકળવા માટેની માનસિકતા પણ લોકોએ બનાવી લીધી હોય તેમ લાગી રહ્યું છે. એક તરફ વરસાદ અને ઠંડકના કારણે શરદી-ખાંસીનો માહોલ ઉભો થઈ રહ્યો છે. જ્યારે બીજી તરફ આવા વાતાવરણમાં કોરોનાનું સંક્રમણ વધવાની દહેશતથી લોકો ફફડી રહ્યા છે. આવા વાતાવરણ વચ્ચે કોરોનાના દર્દીઓમાં પણ સતત વધારો થતા લોકોમાં ભયનો માહોલ ઉભો થયો છે. આજરોજ જિલ્લામાં વધુ ૧૪ કેસો નોંધાતા જિલ્લામાં કુલ કેસોનો આંકડો ૪૬૦ પર પહોંચ્યો છે. અત્યાર સુધીમાં ભરૂચ જિલ્લામાં કોરોના ૧૫ જેટલા લોકોને ભરખી ચૂક્યો છે જ્યારે અનેક લોકોના મૃત્યુ શંકાસ્પદ હોવાનું બહાર આવ્યું છે. જોકે આ મૃતકોને કોરોના પોઝીટીવ હતા કે નેગેટિવ તે અંગેની આરોગ્ય વિભાગ દ્વારા કોઇ પુષ્ટિ મળતી નથી. પરંતુ મૃત્યુઆંક વધતા લોકો ફફડી રહ્યા છે. રવિવારે ૧૩ દર્દીઓ સાજા થતા તેમને રજા અપાઈ છે. અત્યાર સુધીમાં ૨૫૦ જેટલા કોરોનાને માત આપીને બહાર નિકળ્યા છે. જ્યારે હજુ ૧૯૫ જેટલા લોકો વિવિધ હોસ્પિટલોમાં સારવાર લઈ રહ્યા છે. જિલ્લા આરોગ્યની ટીમે અત્યાર સુધીમાં ૧૫૯૪૦ જેટલા મકાનોના સ્ક્રીનીંગ કર્યા છે અને ૭૦૨૫૧ જેટલા લોકોની ચકાસણી કરી છે. આરોગ્ય વિભાગની કહેવાતી તકેદારીઓ વચ્ચે પણ આમ જનતાની ઉદાસીનતાના કારણે પ્રતિદિન કોરોનાના કેસોમાં વધારો થઈ રહ્યો છે. કોરોનાનું સંક્રમણ નિયંત્રિત થાય તે માટે જિલ્લા કલેકટરે ૪ વાગ્યા સુધી જ દુકાનો અને બજારો ખુલ્લા રાખવાનું જાહેરનામું બહાર પાડયું છે જેને લઈ ૪ વાગ્યા પછી બજારો બંધ થાય છે.
    વધુ વાંચો
  • અન્ય

    ભરૂચમાં મળેલી રાજસ્થાનની બાળાનું પરીવાર સાથે મિલન

    ભરૂચ, તા.૧૧ રાજસ્થાનના તલાઈપાડા ની સગીરવયની એક બાળા ગુજરાત રાજ્યના ભરૂચમાં આવેલ જંબુસર ના કાવા ગામે લાપતા અવસ્થામાં સરપંચ ધીરજભાઈ પરમારને મળી આવેલ હતી. જેને જવાબદારીના ભાગરૂપે ધીરજભાઈએ જંબુસર પોલીસને સોંપતા પોલીસ દ્વારા કાયદેસરની કાર્યવાહી કરી જિલ્લા બાળ કલ્યાણ સમિતિ, ભરૂચ સમક્ષ રજુ કરવામાં આવી હતી. ભરૂચ સમિતિ દ્વારા આ ૧૪ વર્ષની સગીર બાળાને ૨૬ માર્ચ ૨૦૨૦ ના રોજ ચિલ્ડ્રન હોમ ફાૅર ગર્લ્સ ભરૂચમાં હાલ પુરતું કામચલાઉ રીતે કાળજી અને રક્ષણ માટે દેખરેખ હેઠળ રાખવાનો આદેશ આપવામાં આવ્યો હતો. આ બાળાના પરીવાર અને ગામનો પત્તો મેળવવા માટે સતત પ્રયત્નો કરવામાં આવ્યા હતા. પરંતુ સગીર બાળા પોતાના ગામ અને પરીવારની સાચી જાણકારી બતાવી ન શકતા વિકટ પરિસ્થિતી ઉપસ્થિત થતા જિલ્લા બાળ સુરક્ષા એકમ અને બાળ કલ્યાણ સમિતિને ખુબ મહેનત કરવી પડી હતી. આ દરમ્યાન ભરૂચ જિલ્લા બાળ સુરક્ષા અધિકારી ભવાનસિહ મકવાણા અને ટીમે મદદ કરી હતી.
    વધુ વાંચો
  • અન્ય

    ભરૂચમાં આરોગ્યમંત્રીના પૂતળા દહન સમયે આપના કાર્યકરો અને પોલીસ વચ્ચે ઘર્ષણ

    ભરૂચ, તા.૧૧ ભરૂચની આમ આદમી પાર્ટીએ વખોડી અધારોગ્ય મંત્રીના પૂતળા દહનનો કાર્યક્રમ પાંચબત્તી ખાતે આયોજીત કર્યો હતો. આમ આદમી પાર્ટીના કાર્યક્રમને અનુલક્ષી પાંચબત્તી વિસ્તારમાં પોલીસ કાફલો ખડકી દેવાયો હતો.સુરતમાં આમ આદમી પાર્ટીના આગેવાનને રાજયના આરોગ્યમંત્રી કુમાર કાનાણીના મળતિયાઓએ માર માર્યો હોવાના આક્ષેપો થઇ રહયાં છે. આ ઘટનાનો વિરોધ કરવા માટે ભરૂચના પાંચબત્તી સર્કલ ખાતે એકત્ર થયેલાં આપના કાર્યકરો અને પોલીસ વચ્ચે ઘર્ષણ થયું હતું.સુરતમાં આમ આદમી પાર્ટીના પ્રભારીએ આરોગ્ય મંત્રી ગુમ થયા છે તેવા બેનર લગાવતા આરોગ્ય મંત્રીના કહેવાતા કેટલાક સમર્થકોએ આમ આદમી પાર્ટીના પ્રભારી ઉપર જીવલેણ હુમલો કરવાની ઘટનાને આમ આદમી પાર્ટીના કાર્યકરો આરોગ્યમંત્રી કુમાર કાનાણીના પુતળાનું દહન કરે તે પહેલા પોલીસ સાથે ચકમક ઝરી હતી. કાર્યકરોએ રાજયમાં કોરોના વાયરસનો કહેર વધી રહ્યો હોવા છતાં આરોગ્યમંત્રી યોગ્ય પગલાં ભરવામાં નિષ્ફળ રહયાં છે અને પોતાની નિષ્ફળતા છુપાવવા લોકો પર હુમલા કરાવી રહયા હોવાના આક્ષેપ આમ આદમી પાર્ટીના કાર્યકરોએ કર્યા હતાં.
    વધુ વાંચો