ભારત અમેરિકા પાસેથી 25 અબજ ડોલરના હથિયારો ખરીદે છે

ટેરિફ અંગેના લાંબા સમયથી ચાલી રહેલા વિવાદ વચ્ચે ભારત અને અમેરિકાએ અલાસ્કામાં અત્યાર સુધીનો સૌથી મોટો યુદ્ધાભ્યાસ શરૂ કર્યો છે. આ ઉપરાંત માલાબાર નૌકાદળના યુદ્ધાભ્યાસનું પણ ટૂંક સમયમાં આયોજન કરવામાં આવી રહ્યું છે જેમાં તમામ ક્વાડ દેશો ભાગ લેશે.બંને દેશો વચ્ચે પહેલીથી 14મી સપ્ટેમ્બર દરમિયાન અલાસ્કામાં યુદ્ધાભ્યાસ યોજાઈ રહ્યો છે.

ભારતીય વિદેશ મંત્રાલયે સોમવારે એક સોશિયલ મીડિયા પ્લેટફોર્મ 'X' લખ્યું, 'ભારતીય સેનાની એક ટુકડી યુદ્ધાભ્યાસ 2025 ના 21મા સંસ્કરણ માટે ફોર્ટ વેનરાઈટ, અલાસ્કા પહોંચી ગઈ છે. યુએસ 11મા એરબોર્ન ડિવિઝનના સૈનિકો સાથે, હેલિબોર્ન ઓપરેશન્સ, પર્વતીય યુદ્ધ, UAS/કાઉન્ટર-UAS અને સંયુક્ત વ્યૂહાત્મક કવાયતોમાં તાલીમ લેશે - જેનાથી UN PKO અને મલ્ટી-ડોમેન તૈયારીને પ્રોત્સાહન મળશે.

છેલ્લા બે દાયકામાં અમેરિકાએ ભારતને 25 અબજ ડોલરથી વધુના સંરક્ષણ ડીલ આપી છે. તાજેતરમાં હિન્દુસ્તાન એરોનોટિક્સ લિમિટેડ ને યુએસ કંપની જનરલ ઇલેક્ટ્રિક પાસેથી 99 GE-F404 ટર્બોફેન એન્જિનનો પહેલું કન્સાઇનમેન્ટ મળવાનું છે. આ એન્જિન સ્વદેશી તેજસ માર્ક-1A ફાઇટર એરક્રાફ્ટમાં ઇન્સ્ટોલ કરવામાં આવશે.